كاتله حيلك وعامله نفسك ملاك وانتي وحده قضيمه وخبيثه واختصاصك اللعب بمشاعر أولاد الناس، بتغشيهم بتلحسي قروشهم وتفكيهم عكس الهواء، حتى ولد خالتك ما سِلم منك!

هنا الكلام وجعني شديد، قلت ليها انا ما حصل شلت من زول قروش غير أهلي، اسألي وائل لو حصل شلت منو جنيه واحد، حتى لمن كان يصر يوصل لي قروش ما كنت برضى ولا بقبل، أنا ما محتاجه عشان اشيل من الناس، وكوني غلطانه ما معناها انك تتهمني بحاجه ما عملتها يا خالتو سميه 😭 ولو وائل قال ليك كدا كذب عليك..... برضو نهرتني وقالت لي وائل كان بتكلم ما كان وصل للحاله دي، هو ماااا كلمني براااي فتشت تلفوني وعرفت و ورسلت ليك عشان اتأكد انو دي انتي فعلاً.... وائل كان بتكلم ما كان انتي بكل قوة عين ح تجي بيتي، ضاااامنه سكوتو عشان كدا متقدله، لكن أنا ماااااا عافيه ليك حق ولدي وحق ثقتي فيك، وأهلك الليله قبل بكرا ح يعرفو ويحصل اليحصل ان شاء الله يضبحوك ما فارقه.....بقيت ببكي بس وبحاول أشرح ليها وهي مع كل جمله مني كان بزيد غضبها، مسكتني من يدي وجرتني معاها ل برا، قالت لي ارح بيتكم، خلي أهلك يعرفوا بتهم سايطه الدنيا كيف، مسكتني بكل قوتها وبقت جاراني وراها وحالفه تكلم أهلي 💔

"و يأذيك الذي تخاف عليه من الأذى، الخذلان مؤلم أكثر من الفقد، لأن الفقد قضاء… والخذلان قرار 💔"

يتبع.......

التأخير بسبب اني نازله دوره تدريبيه، بخلص الأسبوع الجاي ان شاء الله

#شتات11
مها حولي الزاكي

قلت ليهو اهلين أحمد اتفضل.... ما رد علي ف سكت لأني خفت منو، قال لي جاي اقول ليك حاجه واحده بس :
انتي وحده انانيه وما بهمكم شي غير مصلحتك وانا اليوم لأول مره أصدق الكلام الإنقال عنك، انتِ وحده عديمة إحساس وضمير.... من اليوم خلقتك دي ما عايز اشوفها وان شاء الله القروش دي تخليك سعيده..... قال كدا ومشى طوالي وقلبي بقى يدق بسرعه، قربت أبكي بس مسكت نفسي لكن كلامو علق في نفسي، لمن رجعت لناس امي قالوا لي منو الكان في الباب، قلت ليهم واحد كان بسأل عن بيت ناس منو كدا ما متذكره قلت ليهو دا ما بيتهم..... طبعاً الجبنه مسخت لي زياده، دخلت جوه ونمت طوالي.
تاني يوم على الجامعه، اول ما خلصت وطلعت إتلاقيت مع جمانه، قالت لي ما تمشي قالوا ح يعلقوا النتيجه بعد شويه.... طبعاً اتخلعت، ناس الجامعه دائماً بفاجئونا بالنتيجه، بدون أي سابق إنذار بنلقى النتيجه معلقه!
من دون ما أحس قلت ليها وااااي انا خايفه منها، ياداب اتذكرت السواطه السوطها في الإمتحان! قالت لي يا بت ما براك انا كمان ما اشتغلت كويس، لكن ان شاء الله بنباصي!
مشينا قعدنا في البينشات وبقينا منتظرين الناس تقول النتيجه طلعت، حالنا حال المنتظر ليهو مراه في غرفة العمليات!
بعد شويه الجامعه دي كلها هااااجت و جاطت و بقى في أصوات كواريك و زغاريد..... جمانه قالت لي النتيجه طلعت شكلها 😭
ختيت يدي على قلبي وقلت ليها المشي غالبني، قالت لي انا كمان لكن ارح نتوكل ونمشي، وقفت على حيلي واتحركت وهي كانت ماشه معاي، متوترين وخايفين، من دون ما نحس كنا ماسكين يدين بعض وكل وحده تشكي خوفها للتانيه، لمن وصلنا البورد المعلقه فيهو النتيجه لقينا غفران ومنار وكانوا ببكوا وفي بنات وشباب من الدفع التانيه شغالين ليهم دا حال الجامعه، ما تشيلوا هم واجتهدوا للملاحق!
اللحظه ديك انا جد جد خفت من نتيجتي، جمانه ضغطت على يدي شديد وقالت لي وااااي قلبي ح يقيف!
بعد الناس زحوا من البورد، جيت لمكان النتيجه حقتنا، بقيت افتش على اسمي وانا مره اغمض عيوني ومره افتحها لحد ما لقيت اسمي و...... Pass!!
ياخ اللحظه ديك قربت أطير من الفرح، عيوني إتملت دموع، بدون ما احس ضميت جمانه وقلت ليها الحمدلله Pass all through، قالت لي الحمدلله، ألف مبرووووك يا قلبي.... باقي انا.... جات وقفت قدام وبقت تفتش على اسمها وانا والله في سري كنت بدعي ليها و اتمنيت نتيجتها تطلع Pass بس لمن إتلفتت علي وشها ما كان ببشر بالخير، فجأه مشت طوالي وهي بتبكي، عاينت للبورد لقيتها راسبه في ماده، لمحتها من بعيد مشت قعدت في البينشات وبقت تبكي! ما عرفت اعمل شنو..... كانت قاعده براها، في الآخر مشيت ليها، قعدت جنبها وقلت ليها جمانه ما تبكي!..... طبعاً انا فاشله في المواساة وتحنيس الناس، دي اكتر حاجه بكرها لكن عااااد اسوي شنو!!
قالت لي كيف ما ابكي، انا متملحقه! وااااي يا ربي 😭😭😭
قلت ليها عارفاها حاجه بتزعل بس دي ما النهايه، انتي عندك فرصه تنجحي في الماده دي وتمشي السنه البعدها، عايني للبنات ديلك.... ديل كانو جنبنا قبل شويه وشافوا نتيحتهم فيهم الشايله ملحقين والشايله 3 ملاحق، عايني ليهم مبسوطين وبتصوروا كيف!.... ليه؟ لأنو الحصل دا خلاص حصل ما بتقدر تغيروا لكن بتقدر تعالجو وتمنع نفسك من انك تقع فيهو مره تانيه، البكى ما بحل مشكله ولا برجع الزمن، الفات دا خلاص خليهو، ومن هسي أبدي اقري للملحق لو عايزه، انا معاك لو احتجتي مساعده بقدر اشرح ليك وان شاء الله ح تنجحي فيهو انا متأكده، هو ماده وااحده بس، متأكده ح تنجحي فيها والسنه الجايه ح نكون مع بعض..... ضمتني عليها وبكت كويس بعدها مسحت دموعها وقالت لي طيب، كلامك خفف عني والله، بعد شويه جات ماريا وقالت لجمانه غير البكى عشان شنو، جمانه قالت ليها ما عارفه يعني، شلت ملحق يا ماريا 😭😭 ماريا قالت ليها انا شايله اتنين ويااااهو عاديه لا ح ابكي ولا شي وهسي ماشه أفطر، تمشوا معاي؟؟

_______

_ وائل انا أمك ولا ما أمك؟

= دا سؤال شنو يا أمي؟

_ انت من متين بتدس مني، مالك يا ولدي احكي لي الله يرضى عنك ما تشيلني همك، زمنك كلو راقد و حيلك منهد

= يا أمي احكي ليك شنو وهو ماف شي احكيهو!

_ متناقش مع الاء ولا شنو؟

_ لا ما حصل

= اها مالك؟؟

_قلت ليك ماف شي!

________

_ امك وين تعالي ما تعملي لي أي شي

_دقيقه يا خالتو سميه

"مشت جابت ليها عصير و جات قعدت قصادها"

_كدي تعالي يا الاء اقعدي جنبي هنا عايزه اتكلم معاك

= اي يا خالتو سميه

_...... انتي و وائل علاقتكم كيف؟

= كويسين!

_ متأكده

= ايوه يا خالتو سميه.... وائل قال ليك حاجه؟

_ اريتو كان بقول، ما عارفاهو مالو يا الاء ليهو فتره حالتو ما عاجباني، لا بتكلم لا بياكل زي الناس، زمنو كل سرحان، اسألو يقول لي ماف حاجه! حيرني معاهو الولد دا!

=.........

_ ما حصل بيناتكم اي نقاشات أو خلافات!

= لا والله ما حصل وهو متواصل معاي عادي! هم شايل هم الشغل العايز يبداهو جديد دا!

_ لا والله دا ما السبب، حالتو دي ما حالة زول شايل هم شغل، قلبي قابضني عليهو، حاساهو زي المكسور الخاطر!..... خليك معاهو يا الاء وحاولي تسأليهو بطريقه مباشره أو غير مباشره..... وعليك الله لما يقول ليك قولي لي عشان قلبي يبرد

= تمام!

بعد شويه رقيه جات داخله، لقت سميه سلمت عليها وسألتها عن أحوالها و بقوا ياخدوا و يدوا في الكلام، لحد ما سميه قالت ليها زي السمعت انك كنتِ ماشه تخطبي أسيل لولدك أحمد وتاني ما سمعنا شي !!
رقيه قالت ليها ح نخطبها ليهو وما زادت حرف، الاء غيرت الموضوع وجابو سيرة العرس، سميه قالت ليهم :. ما معروف يمكن عرس مها و الاء يكونوا سوا!.... طواااالي رقيه قالت ليها بري أي زول براهو!😊
سميه قالت ليها مالو وشك اتغير!.... قالت ليها بري ما اتغير ولا شي..... قالت ليها انتي يا رقيه متناقشه مع اختك رويدا ولا شنو! شايفاك وقفتي منها، وحتى لمن جوا الخطاب ل بتها انتي قلتي ما عارفه!
لأني جد جد ما عارفه اكذب عليك عادي!.... سميه قالت ليها بسم الله مالكم قال!

هنا اتدخلت الاء و قالت ليها كل القصه يا خالتو سميه، انو أحمد اتقدم لمها وهي رفضت وقالت لأمي لو ولدك دا كان بقى آخر راجل ما عايزاهو، أمي زعلت والله وقالت إلا تخطب ليهو اسيل، اصلا هي من زمان عاجباها، اها بعد امي مشت وفاتحت أهل البت وحددوا يوم نمشي ليهم فيهو أحمد رفض، وهو من الاول ما وافق ولهسي زعلان!
وناس خالتي أظن زعلانين لا كلمونا لا كلمناهم!

الاء وهي بتتكلم امها كانت بتحمر ليها بس هي ما عاينت لأمها!

سميه قالت ليهم دا كلو من عمل الشيطان، انتوا ما جارات، انتوا أخوات، والله عيب الحاصل بيناتكم دا، انا والله حسيت في شي، وجيت أسألك انتي يا رقيه، والله الكلام دا غلط!
رقيه قالت ليها كان صح كان غلط حصل الحصل وبعد دا أي زول ياكل نارو براهو!

بعد سميه مشت رقيه قرصت بتها الاء وقالت ليها ما تعملي لي فيها عشان بقت نسيبتك تحكي ليها أي حاجه، هسي في داعي تقولي ليها امي خطبت لأحمد وهو رفض! عويره انتي ولا ولدوك ياداب!!

الاء قالت ليها ما فيها حاجه يا أمي، دي خالتو سميه!

قالت ليها سم القدر الغدا ان شاء الله، اسمعي هنا يا الاء، اوعك شي يحصل في البيت دا تمشي تكلمي بيهو الناس، ما تقولي لي نسيبتك أو زفت فاهمه ولا لا!!

______

لمن كنت ح اطلع وامشي من الجامعه، جمانه قالت لي ماشين نفطر في مطعم رهيييييب حق برجوازين جد جد، قلت ليها هسي مش فطرنا! قالت لي لا لا دا ما اسمو فطور، دي تصبيره ساي، ارح و ما تخافوا انا عازماكم على حسابي! 😂.... ماريا قالت ليها لا لا انتي اليوم ما براك! جمانه قالت ليها ما تتعودوا سمحه!
اترددت وقلت ليهم انا.... جمانه قاطعتني وقالت ما عايزه اسمع اعتراض من زول!.... ماريا قالت لي عيب الواحد يرفض العزومه!😂

في الآخر اضطريت امشي معاهم، طلبت لينا جمانه على ذوقها، أثناء ما نحنا قاعدين ماريا قالت ل جمانه قبيل شفت صحباتنا يبكوا ساي، لما جيت ماره بجنبهم عملوا نفسهم طبيعيات، غيتو عليهم جنس حركات، بالذات غفران!

طبعاً انا من البدايه فهمت انو قصدها غفران ومنار و دي العلاقات الأنا ما بحبها ولا بطيقها، يوم صديقك و يوم عدوك دي احسن منها الواحد يمشي براهو.... جمانه عاينت لي لقتني بعاين في تلفوني وما ابديت أي ردة فعل وما سألتهم عن غفران ومنار ف قالت ل ماريا خلينا منهم.... طبعاً كنت شايفاها بطرف عيني!
طبعاً كنت فاتحه الفيس ويدي مشت على الماسنجر، لمن دخلت محادثة وائل لقيتو رافع عني الحظر! ما عارفه من متين لأني ما بدخل الفيس كتير وما بحبو شديد!

بعد شويه كدا سمعنا صوت جوطه!.... كان واحد من الويترز بشاكل في بت وشغال ليها المكان دا اصلا ما شبه الناس الزيك والمفروض زاتو ما تجي المطعم دا ولا تقيفي في بابو، والبت المسكينه كانت بتقول ليهو معليش ما قاصده اضرب فيك وادفق العصير و واضح انها كانت مُحرجه للناس وهو عشان بتعتذر منو نافخ ريشو و ينهر فيها زي الشافعه قدام الناس، الموقف دا غااااظني واستفزاني شديد، شلت كباية العصير حقي و طواااالي مشيت وقفت قدام الويتر وبدون أي مقدمه رشيييييتو بكباية العصير البااااارد كلووو لكن اتخلع وكل الناس اتخلعت معاهو!!
هااااج وقال لي انتي حيوانه ولا شنو.....اتناولت عصير تاني من اقرب طاوله و دفقتو فيهو، قلت ليهو ماف حيوان غيرك هنا، انت منو عشان تقرر منو من حقو يجي هنا ومنو لا..... لو ما قروشنا دي انتوا ولا شي، وبعدين انت ويتر ما ولد رئيس عشان تنفخ ريشك وتشوف نفسك، قايل روحك منو انت يا متخلف .....

*#ليله_في_ديسمبر《98》* ♥️
*#بقلم_شهد عبدالله*
*ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​
وقفت براقب المشهد السوداوي دة بعد سماع الضابط وهو بأكد موقع السقوط، الدخان البعيد، الأضواء المتقطعة، الرجال المحركين بقلق يمين وشمال، على قدر ما انا بحاول احارب شعوري بالخوف الا انه متفوق علي في اللحظة دي
وقفت متجمدة مكاني غارقة في التفاصيل الحوالي وعاجزة استوعب كيف وصلنا لهنا خلال اقل من يوم؟
انا اتوقعت انوم واصحى على مكالمة منه،او مكالمة مني ليه هو يرد عليها،انا منهارة انهيار صامت،ما راضية حتى يظهر في وشي لأني متأكدة انه سياف ما هنا،بس اكيد في ابرياء ما ليهم ذنب في المكان دة
حسيت بيدي في كتفي اتلفت كان بابل وهو بقول لي:
تماسكي قليلاً
اتنفس وانا بحاول ارجع لنفسي الثبات المحتاجة الموقف واتجاهل تماماً الحرب الدايرة جواي دي..

مرت الساعات بطيئة وثقيلة، قعدنا قريب من العربات بتاعتهم منتظرين بدون ما نقدر نسوي أي شي، كل شوية نشوف الضباط متحركين بسرعة أو بتكلمو بجهاز اللاسلكي، وكل مرة بتعلق بأمل إنه في تطور، بس ما كان شي يتغير فعلياً
الشمس بدأت تميل للغروب، والبرد زاد أكتر، وبابل كان واقف أغلب الوقت يراقب الحركة من بعيد وهو ساكت، وانا مرة انزل اتمشى ومرة ارجع العربية بحاول أرتاح بس عيني ما قادرة تفارق الدخان البعيد المتصاعد من قمة الجبل
جا هايز تجاهنا أخيراً، وعلى وشه تعب واضح بعد الوقفة لساعات
هايز: جنرال، أعتقد لا يوجد داعي للإنتظار أكثر هنا
بابل: ماذا تقصد؟
هايز:هذا الوضع لن يتغير خلالالساعات القادمة، والمنطقة محصورة فقط على الفرق المختصة والضباط المسؤولين وجودكنا هنا أكثر ليس له فائدة حقيقية، عملي لا يتوجب علي التواجد هنا ولكنني هنا من اجلك تعلم ذلك صحيح؟
ولأكون صريحاً معك كلما طال وجود أشخاص خارج الفرق الرسمية بموقع مثل هذا، كلما تعقدت الإجراءات الأمنية علينا

بابل سكت لحظات وهو بعاين لي كأنه بوازن بين إصراري بإنه ما يوافق نمشي وبين منطقية كلام هايز
بابل: حسناً،لنذهب
هايز: وبما انك مهتماً بأمر الحادث سأتواصل معك فوراً واطلعك على كل ما هو جديد ،لنذهب لأن طريق العودة طويل للغاية

عاينت لبابل بإستسلام لأني ما ينفع ابدي اي ردة فعل في اللحظة دي زي ما هو طلب مني
بابل قال ليه:سأنتظر منك ان تبقيني على اطلاع بأي تفصيلة، حتى ولو كانت بسيطة
هايز: أعدك
ركبنا العربية بصمت تقيل، الطريق القطعناه بالنهار بكل توتر وترقب، بقى طريق عودة فارغ من أي إجابات، ومليان بأسئلة أكثر من الكانت عندنا وإحنا جايين

وصلنا محطة البنزين اللي خلى فيها بابل عربيته، نزلنا من عربية مستر هايز وركبنا عربية بابل، واتجهنا راجعين على لسانفرانسيسكو
الطريق كان طويل وصامت أغلبه، كل واحد فينا غارق بأفكاره الخاصة لما قربنا من المدينة، بابل كسر الصمت
بابل: شهد، لا احبذ فكرة وجودك وحدك الليلة، دعيني أوصلك الى منزل ميغان أو ليز، أو حتى يمكنك الذهاب معي الى منزلي
قلت ليه: لا داعي،سأذهب الى منزلي
بابل: ما أقصده هو بعد كل ما حدث ليس امناً تركك بمفردك

عاينته لين وقلت ليه بثبات: سأبقى في منزلي، لا تخف علي، لن يصيبني شيء
سكت لحظات وأخيراً رد قال: حسناً، ولكن إن احتجت لشيء في أي وقت،او شعرت بأي شيء او حدث شيء في اي وقت اتصلي بي مباشرة
قلت ليه: إن شاءالله
بإستغراب قال لي:ماذا تعنى؟
قلت ليه:حسناً
وصلني بابل للبيت نزلت من العربية وأنا بحاول أبين ثبات ما كنت حاسة بيه فعلياً بداخلي
دخلت البيت وم مشيت على ولا مكان غير غرفة سياف ورقدت في سريره
مرت ساعات وأنا في البيت ما عارفة الساعات دي مرت كيف لغاية ما جا الصباح ما قدرت أركز على شيء ، التلفزيون شغال طول الوقت في الأخبار، بس ما في جديد يُذكر، نفس الجمل المكررة: "التحقيق مستمر" "الفرق ما زالت تحاول الوصول للموقع" بدون أي تفصيلة حقيقية تهدي قلقي
تلفوني كان أقرب شي لي طول الوقت، كل ساعة تقريباً أتصل على بابل
بابل، في جديد؟
بابل:لا جديد، هايز يقول انه سيطلعني على اخر التطورات اول بأول ،دعينا نصبر قليلاً
كنت بقفل الخط وأرجع أعلق عيوني في الشاشة
صباح اليوم التاني سمعت صوت الباب، فتحت ملهوفة لقيته بابل، ومعاه ليز وواكيمي وميغان، وشوشهم كلها فيها قلق وجدية غريبة
لا شعورياً خفت وبقيت اسألهم:هل حدث شيء؟ماذا هناك؟لم وجوهكم هكذا؟

ميغان مسكتني وقالت لي اهدأي!! لم يحدث شيء ،نحن هنا للإطمئنان عليك والتحدث معك قليلاً فحسب
قلت ليهم حسناً تفضلو بالدخول!!!
دخلوا، وقعدوا في الصالة، وبابل كان أول واحد يتكلم
بابل: راجعنا مسار الرحلة مرة ثانية، مع واكيمي ، وهناك ما هو ليس منطقي بعض الشيء
اكيمي: الطائرة كانت متجهة لنيويورك، مسارها الطبيعي يفترض ان يكون شرقي، ولكن حسب آخر إشارة رادار للطائرة تقول ان الطائرة انحرفت شمالاً، تجاه منطقة جبل شاستا، وهذا خارج أي مسار منطقي للرحلة
ليز: هذا يعني إما ان هناك خلل تقني غريب، أو أن أحد وجه الطائرة عمداً لهذا الاتجاه!!
سكتت لحظة وأنا بحاول أستوعب، بعدين ميغان كسرت الصمت
وقالت :شهد، نحن الاثنين نعرف أن سياف وفريقه كانوا مسافرين بخصوص قضية ذلك الطبيب،هل تعرفين من هو او اي معلومات مفصله عنه؟
هزيت رأسي بالنفي !
ميغان قالت: إن كان الحادث مدبراً لسياف فحسب لن يحتاجو لبقية الفريق ولكن ربما تم اختيار اعضاء فريق المحامين بعناية للمشاركة في هذه القضية ،جميع المحامين برفقة سياف هم احد اكبر وانجح واشهر المحامين في الشركة وفي امريكا كما يقال ايضاً ،لذا يبدو الأمر واضحاً ان الإستهداف ليس لسياف فحسب وما هو اهم ان جميع هؤلاء المحامين لديهم محاولات اغتيال سابقة بطرق مختلفة
بابل: ربما يكون هناك خيط يربط بين سبب توليهم القضية والانحراف المفاجئ بمسار الطائرة، لا نقدر ان نستبعد اي شيء

عاينت لميغان وقلت ليها :إذاً كيف يمكننا الحصول على تفاصيل اكثر عن هذا الدكتور وهذه القضية؟
ميغان: فيما يخص الملفات الكاملة الشخص الوحيد الذي يمكننا الحصول عليها منه هو مستر مورفي، هو المدير المباشر لسياف، وهو الشخص الوحيد الذي لديه صلاحية إطلاعنا على تفاصيل القضية الحقيقية وسبب اختيار هذا الفريق بالتحديد؟!
سمعت اسم مورفي وحسيت اني بجد ليه ما وصلت ليه من امس؟
قلت بصوت فيه استيعاب وانتباه خفيف: مورفي؟
بابل عاين لي بنظرة لاحظت فيها إنه هو كمان بفكر بنفس السؤال، بس ما علق!!
ميغان: هو موجود بالشركة الان، ربما من الأفضل ان نذهب اليه ونتحدث معه وجهاً لوجه،ربما نستطيع الحصول على تفاصيل اكثر منه إن كنا امامه مباشرة
بابل: أنا وميغان سنرافقك للشركة للقائه ، ولكن علينا ان نكون حذرين في طريقة طرحنا للأسئلة ، لا نريد ان نلفت الانتباه لشكوكنا، خصوصاً إن كان مورفي نفسه لديه ما يخفيه حسناً؟

اتفقنا نتحرك فوراً، وحسيت لأول مرة بعد مرور صح إنه إحساسي صح واكيد صح مليون في ال%

وصلنا قدام مبنى الشركة، وأول شي شفناه كان حشد كبير من الصحافة، كاميرات، ميكروفونات، صحفيين متدافعين قدام المدخل الرئيسي، وصوت أسئلة متداخلة بيرتفع كل ما شافوا أي حركة من داخل المبنى
رجال ألأمن واقفين صف في الباب، ومانعين أي شخص يدخل غير الموظفين، شكلها تعليمات من الإدارة
بابل قال : يبدو ان الصحافة لديها إستفهامات مشابهة لتلك التي لدينا
ميغان: لن نستطيع الدخول من الباب الرئيسي مع هذا الإكتظاظ هناك مدخل جانبي للموظفين نستطيع الدخول منه
دخلت العربية في الباركنج ونزلنا
مشينا ورا ميغان لغاية ما وصلنا المدخل الجانبي اللي قالت عليه طلعت بطاقتها للأمن في الباب ، وبعد نظرة سريعة علينا قالت ليه: انهم معي
حسناً سيدتي تفضلو بالدخول
دخلنا المبنى، الجو في الشركة كان مختلف تماماً عن الفوضى الحاصلة برة هدوء ثقيل، موظفين متحركين بوجوه متوترة وقلقة وصامتة

وصلنا للطابق الفيه مكتب مورفي بعد استخدام المصعد ومشينا على مكتب سكرتيرته ،عاينت لينا بنظرات محايدة
ميغان قالت ليها:مرحباً نحن هنا لمقابلة مستر مورفي، الموضوع عاجل!
السكرتيرة: للأسف هو بإجتماع الان، لا استطيع مقاطعته
ميغان: حسناً عندما ينتهي من الإجتماع اخبريه اننا هنا لمقابلته قاطعت ميغان وقلت ليها:اخبريه ان شهد زوجة المحامي سياف هنا تريد مقابلته لأمر ضروري
السكرتيرة: حسناً سيدتي سأخبره،تفضلوا اجلسو بصالة الانتظار
قعدنا في صالة الانتظار قدام مكتبه، الدقايق كانت بتمر تقيلة وكل ما مرت فترة، بحاول أمسك نفسي من القلق المتصاعد
بعد قرابة الساعة، قمت وسألت السكرتيرة مرة تانية: هل خلص الاجتماع؟
السكرتيرة: لا ، للأسف الإجتماع مع مجلس الإدارة طال أكثر مما توقعنا، أرجو الإنتظار قليلاً
رجعت قعدت مكاني، بس المرة دي الشك بدأ يتضخم بداخلي، في شيء في صوتها وبرودها وطريقة كلامها ما كان مطمئن
مرت ساعة تانية وبرضو ردت علينا نفس الرد والحقته بجملة:ربما عليكم الذهاب والمجيء في وقت لاحق
أنا اصلاً كنت حاسة إنه كل دقيقة بتمر كأنها تأكيد إضافي إن في شي ما طبيعي
بعد ما قالت كلامها الأخير دة قلت ليها : لا لن نذهب،سننتظره وسأنتظره داخل مكتبه ليس هنا واتحركت خطيت خطواني تجاه باب مكتبه مسكت المقبض
السكرتيرة: سيدتي ،لا ،غير مسموح لكِ بالدخول
ما انتظرت جوابها، فتحت الباب ودخلت مباشرة
وتماماً زي ما اتوقعت،وسط مكتبه، كان مستر مورفي قاعد خلف مكتبه بهدوء تام بملامح متوترة ، وكأنه ما كان بأي اجتماع من الأساس

دخلت المكتب بخطوات حازمة، وبابل وميغان دخلوا وراي مباشرة، السكرتيرة كانت لسا بتحاول تمنعنا من الخلف بصوت متوتر: آسفة مستر مورفي، حاولت منعهم
مورفي رفع راسه بسرعة من الوراق الكان قدامه، وملامحه إتغيرت فوراً من هدوء إلى ارتباك واضح، وقف من كرسيه بسرعة كأنه بحاول يرتب نفسه
مورفي:سيدة شهد!
قلت ليه بصوت فيه برود مقصود: يبدو أن اجتماعك انتهى أسرع مما توقعت ولكننا ننتظر منذ ساعتين في الخارج

عاين لي بتردد، بعدين عاين لبابل وميغان
مورفي: تفضلو بالجلوس أرجوكم، أعتذر على سوء الفهم مع السكرتيرة، كانت تعليمات عامة للجميع بعدم رغبتي لمقابلة احد دون استثناء بسبب الوضع الحالي!
قعدنا وأنا ما حبيت أديه فرصة يبدأ يتكلم
قلت ليه: اين ين كنت الليلة اللي انفجرت فيها الطائرة؟ سألت عنك بالفندق
سكت لحظات بعدين قال لي:كنت مشغول بترتيبات طارئة بعد الخبر، حاولت ألتواصل معك فيما بعد ولكن مدير الفندق اخبرني انك ذهبت
حسيت إنه جوابه ما كان مقنع كفاية، بس قررت أكمل، ميغان كانت أسرع مني في الكلام لحظتها وقالت ليه: سيدي نحن هنا لأننا نحتاج تفاصيل أدق عن قضية الدكتور، القضية التي ذهب لأجلها سياف وفريقه الى نيويورك ، نريد ان نعرف التفاصيل الحقيقية - من هو هذا الشخص؟
مورفي إتحرك بانزعاج خفيف بكرسيه وقال: الملف حساس جداً، لا استطيع مشاركته مع احد
بابل إتدخل بصوت فيه حزم وقال ليه: لديك فريق كامل مختفي ، ومسار الطائرة فيه انحراف غريب جداً عن خط سيرها الطبيعي، هذا ليس وقتاً للسرية
عاين مورفي لبابل بنظرة طويلة، وكأنه بوازن بين شي خايف يفصح عنه وبين الضغط القدامه، أخيراً إتنهد وقال:
لأكن صريحاً معكم بصراحة،هناك تفاصيل لم استطع مشاركتها حتى مع سياف وبقية المحامين لأن القضية مُعقدة اكثر مما ظهرت عليه

بابل قال ليه حسناً دعني اسئلك سؤالاً اريد جواباً واضحاً له:

هل اختيار سياف وفريقه للدفاع عن هذا الطبيب، كان قرار عشوائي من الشركة حسب الدور أو التخصص لكل واحدٍ منهم ، أم كان المتهم نفسه هو الذي طلب هذا الفريق بالتحديد؟

مورفي سكت لحظات وبعدها قال:كان طلب مباشر من المتهم، هو الذي إختار اعضاء فريق الدفاع عنه بالكامل بالاسم، سياف، وباقي الأعضاء الذين كانو على متن الرحلة
بابل: الفريق كامل؟ بأسمائهم؟ ليس سياف فحسب صحيح؟
مورفي: اجل بالضبط، كل عضو بالفريق، بالاسم الكامل، حتى عندما اقترحنا إضافة محامين اخرين أكثر خبرة بهذا النوع من القضايا، رفض بشكل قاطع وأصر على نفس الأسماء بالضبط
سكتنا كلنا لحظات ونظراتنا لبعض كانت ملانة إستفهامات
وأنا حاسه إنه في شي اتجمع في عقلي بس الصورة الكاملة ما اتضحت عندي لسة
بابل: وهل كان المتهم على علاقة سابقة بكل أعضاء الفريق، أم بسياف فحسب؟
مورفي هز راسه ببطء: حسب ما اعرفه ان المتهم كان مهتماً بسياف فحسب،حتى انه سابقاً طلب بتكليف سياف بشؤونه القانوية قبل حدوث هذا الحادث ولكن سياف رفض الأمر المتهم كان يعرف سياف تحديداً، ولكن باقي أعضاء الفريق، ليس بينهم وبين المتهم أي رابط معرفة، لا شخصي ولا مهني

قصتي غريبه شديد حصلت عام 2016 واي زول قلبوا ضعيف م بنصحوا يقراها نهائي طيب ندخل في لُب الموضوع. اسمي محمد وعايش في مدينة من ذكر اسمها نحن أسرة فقيرة مكونة من اربعة أشخاص انا وامي وابوي واختي
وبعترف انو انا ما كنت انسان نافع أو ولد صالح كنت كعب وسفيه ٠٠٠

اختي قرت لحدي الصف الثاني اساس وخلت المدرسة بسبب الظروف. وانا قريت لحدي الصف الثامن والحمدلله عرفت القراءة والكتابة وياهو من خليت المدرسة ياريت الدرب الكعب وعندي تلاته أصحاب عمر وخالد وعلى ٠٠

وكانو أصدقاء سوء بكل م تحمل المعاني من كلمات ابوي راجل كبير في السن وانا كنت بشتغل اجيب ليهم شوية مصاريف يمشو بيها حالهم ومرات كنت ما بديهم شي وباكل القروش في حاجات تافه شديد

امي بتريدني ريدة مجنونة بس انا عمري م حسيت ب ريدتها دي الا بعد فوات الأوان

في يوم من الايام وياهو 2016بالضبط الوقت داك كان عمري 18سنة اجتمعنا انا واصحابي وعمر اقترح علينا نطلع ونهاجر ونمشي دول الأجانب ع اساس كل حاجه متوفرة هناك وكل شي جائز الفكرة عجبتنا كلنا وايدنا فكرة عمر ومن هنا بدت الطامة الكبري وبدت معاناتي

نزلنا شغل طُلبة لمدة ٣شهور لحدي م لمينا لينا قروش كويسه وع اساس ح تقضي لينا احتياجاتنا في فترة سفرنا ٠٠٠ جيت ل ابوي وقلت ليو انا مسافر بطريقه غير شرعية

ابوي رفض وقال لي كلمة للان ماقادر انساها وقدر م بتذكرها بتقطع مية قطعة من جوه قلبي ٠٠

قال لي ي ولدي انت الليله كبير البيت وشايفني جلست خلاص وم بقدر ع الشغل زي زمان كيف قلبك يسمح ليك تسافر وتخلينا برانا؟ ومنو ال ح يرعا امك واختك؟

الوقت داك انا كنت م شايف حاجه قدامي غير السفر وكان هدفي الأول والأخير انو بس اسافر قلت لي ابوي معليش بس انا خلاص قررتا وم ح اتراجع وانتو دبرو حالكم جات امي جات امي حنستني وبكت ب دموعها عشان م اسافر بس انا نهائي م غيرت رائي. لمن شافوني متمسك في قراري استسلموا للأمر الواقع امي قالت لي الله معاك ي محمد ولدي بس لمن ترجع من سفرك م ظنيت ح تلقانا تاني ٠٠ سكت وم قلت ليها اي شي

وفي ليلوا داك مشيت لي اصحابي واتفقنا انو تاني يوم ح نطلع مع الأذان الأول وكان معانا مجموعه من الشباب وفيهم رجال كبار واكبر مننا ب كتير كانو متفقين معانا يعني ح نطلع كلنا سوا وكده

المهم جا اليوم المنتظر ومع الاذان الأول طلعنا كلنا واتجمعنا في نقطة واحدة وبتذكر لمن كنت طالع من بيتنا لقيت امي وابوي واختي بيعاينوا لي بنظرات كلها حزن وحسرة ودعتهم وطلعت وياريت لو م طلعت

جانا بوكسي وكان سايقوا واحد ظاهر عليهو م سوداني ركبنا ووصلنا مكان كدا وبعدو ركبنا الباص. وكان ماشي بينا يومين وبعد يومين وقفنا في محطة في محطة كدا كان فيها ناس كتار يعني كنا م برانا. المهم جونا زي تلاته بكاسي بعد م نزلنا من الباص ركبنا في البكاسي دي وقعدونا تحت جابو مشمعات وغطونا بيهم وبقينا م شايفين شي غير الظلام واتحركنا فضلنا ماشين زي ٧ساعة كدا

لحدي م وقفنا نزلو كم راجل من قدام جابو لينا مويه. عشان نبل عطشنا ورجعوا غطونا تاني كنت سامع أصوات ناس بيتكلموا لغة غريبه وا اول مرة اسمعها حياتي. اتكلموا زي ربع ساعة ورجعوا ركبوا واتحركنا. وطول الليل كنا ماشين. في الصحراء ٠٠٠٠

يُتبع ٠٠٠

#خلف_حدود_الوطن1
#حميده_عبدالحميد
قصتي غريبه شديد حصلت عام 2016 واي زول قلبوا ضعيف م بنصحوا يقراها نهائي طيب ندخل في لُب الموضوع. اسمي محمد وعايش في مدينة من ذكر اسمها نحن أسرة فقيرة مكونة من اربعة أشخاص انا وامي وابوي واختي

#خلف_حدود_الوطن2
#حميده_عبدالحميد

اثناء ما نحن ماشين في الصحراء الناس الكانو معاي ف البوكسي. كلهم نامو الا انا كنت صاحي وبصراحه قلبي أبدآ م كان مطمئن. واصحابي كانو في البوكسي التاني في اللحظة دي بذات كنت بفكر كتتير وف راسي مية سؤال وما لاقي ليهم أجوبة
هسي نحنا مااشين وين بالضبط؟ وح نطلع من الصحراء دي متين. حرفيا عقلي كان شاطب
الحمدلله البكاسي وقفت ونزلو الرجال من قدام جوو علينا ورفعوو مننا المشمعات. وسبحان الله الصباح دخل خلاص واتفاجئنا بنفسناا ف منتصف الصحراء ف واحد كداا سألتو وقلت ليو اسمعني هسي نحن . وين بالضبط؟ وماشين وين؟ قال لي نحن ف الصحراء ومنها ح ندخل ليبيا

والله يجماعة الصحراء دي انا م عارف أوصفها ليكم كيف الا الناس المشتها هي البتعرف مدي الخوف والرعب ال فيهاا. يعني اتخيل معاي ي انسان انت ف محل تشوف فيهو الارض عباره عن كره بيضاويه والسماء دا. عديل تشوفو ملصق مع الارض سبحان الله ياخ. المهم نزلناا وجابو لينا اكل ومويه شربناا. جاا واحد جمع مننا القروش يعني م خلو لينا ولا قرش العندنا كلوو شالوو. وقالو لينا نحن حدنا معاكم ليبيا بس وبعدها تشقو طريقكم براكم قلنا ليهم خيرر. خلصوا كلامهم معانا واتحركنا تاني بس المره دي م غطونا بالمشمعات وخلونا كدا ساي ٠٠٠

كان ف بوكسي رابع برضو ماشي معانا بس ماشايل ناس كان شايل بنزين ومويه وأكل . صراحه الناس ديل م عارف كانو بيعرفو الصحراء دي كيف يعني انت لا تعرف الشرق من الغرب من الشمال اظن عندهم خريطه أو اصلا هم خبرة في الحاجات دي
المهم مشينا زي يومين كدا وبنفس المنوال نمشي كل 7ساعه نقيف حبه نرتاح ونشرب موية وف اليوم التالت دخلنا ليبيا. عن طريق الحدود واول م دخلناا استقبلونا ب صاروخ طاير بفوق راسنا بسم الله ي ناس دا شنو والحاصل شنوو. فجأة من دون م نشعر انبطحنا كلنا الارض. وجو علينا زي 5انفار واظن هم من الشرطه الليبيه م عارف بس الناس دي كانت لابسه لبس موحد وملثمين يعني غاطين وشوشم. وم بتشوف الا. عيونم وكل واحد شايل سلاح ف يدوو. الناس الكانو معانا اتكلمو معاهم. وبعدو ناسنا ديل رجعوو وخلونا برانا. مع الليبين ديل.
جا واحد قال لينا اقيفوو صفف واحد.
واي زول م معاو جواز يقيف وراا
واتصدمت لمن لقيت اصحابي كان معاهم جوازاتهم الا انا
وهم م وروني ب الموضوع داا. كنت مفتكر الهجره الغير شرعيه دي م الا يكون معاك جواز وكدا. ... قلت ليهم ياخ لي م وريتوني قالو لي نسينا... قلت ليهم بحسرة نسيتو ؟كيف يعني تنسو حاجه مهمه زي دي ؟
رد لي ب استهتار وقالو لي ي زول علكيفك أكل نارك بس ومشوو وقفوو ف الصفوف الاماميه هنا انا ياداب اتأكدته انهم ناس مصالح ساي وعمرهم م كانو اصحابي وللأسف هم غدرو بي، الدنيا ضلمت ف وشي.
يعني لو م عندك جواز. ي قتلوك ي حولوك م كان الشمس مابتشوفها فيهو تاني
المهم انا اتصرفت وجريت وقفت مع الناس العندهم جوازات. وبعدو بدا التفتيش كنت خايف ومرعوب شديد يكشفوني ....

التفتيش بداا. وجوو اتنين من الليبين وبدو يفتشو فينا لحدي ما جا دوري خلاص فتح خشموا وعايز يقول لي طلع جوازك.بس فجأة جا واحد ..من الضباط الكبار واظن رتبة عقيد. قال ليهم م تفتشوهم ... لانو كلهم ح يدخلوو السجن العندو جواز وال م عندوو....اووووك كشفت لي اصحابي ولقيتهم ليك م فضل ليم الا يبكووو صراحه انا فرحت. شديد. لانو هم غدرو. بي وافتكرو نفسهم ح يطلعوو منهاا وانا ح اتمقلب. بس وين ياخ طلعناا كلناا في الهووا سوا
نرجع لي موضوعناا هنا طوالي. وجهوو اسلحتمم علينا وقالوو ليناا اتحركوو ومافي زولل يفكر يجري. وبمجرد م انت فكرت تجري ولا كداا طلقه واحدة ف نص راسك. والله سكتنا ولبدناا ساي. اها جااات عربيه كبيره كده. مقفله. ركبونا فيهاا ومشينا زي ساعتين ولا اكتتر م عارف وبعدوو وقفنا. ف مدينه. اسمها أم الأرانب.... نزلولنا وقالو لينا اتحركوو وكانو محاوطننا من جميع الجهات يعني م عندك مفر. منهم. المهم مشينا ودخلولناا ف السجن. طبعا اصحابي كنت شاميهم وكارهم الله واحد ابيت اجي عليهم زاتو ومشيت بعيد منهم قعدت في الأرض ...والسجن م شاءالله كببير شديد فيو ناس من مختلف الدول. صوومالين اثيوبين....الخ. اها قعدنا زي نص ساعه كداا. وجونا نفرين. اشكالهم. غريبه شديد. واحد شايل معاو دفتر وقلم......قال لينا اي واحد يجيب رقم من ناس اهلوو ..ياربي دايرين شنو بأرقام اهلنا؟
شالني الفضول وقلت إلا أسالوو اها سألتو. ولا عبرني زاتوو. كان ف واحد قاعد جمبي. شكلو م سوداني بس بيتكلم لغه عربيه. ردا لي وقال لي ياخ الناس ديل بيشلو ارقام اهلكم ويطلبو منهم. فديه. يعني مبلغ من المال. صراحه انا بقيت عامل كدا 😳 وضربات قلبي زادت. ..... قلت ليو يطلبوا مال طيب لي شنوو؟ . ... زولي دا اول ضحكك زين وقال لي شكلك م جايب للدنيا دي خبر وبعدين ظاهر عليك صغير. ؟الطلعك من اهلك شنوو ي ولد .

...قلت ليو خلينا من دا كلو. ووريني لي شنوو بيطلبو مننا قروش. وياتو حكومه بتشيل. فديه. قال لي حكومه؟ هنا ضحك بصوت عالي وقال لي ..... حكومة شنو يازول ديل لا حكومه لا تاني ديل ناس متفلتين والحكومه زاتها م قادره عليهم. ديل قعد يعيشوا ويسترزقو من الشغل الزي دااا. يتصلوو لي أهلك. ولو رسلو ليهم القروش الطلبوها منهم تتطلع. من هنا ولو م رسلوهاا. كمان يقتلوك او تقعد ف المكان دا لمن روحك تطلع ٠٠

بعد م سمعت الكلام دا ضحكت بقهر ودموعي شبه نزلوا وفي اللحظة دي ختيت المووت لي نفسي خلاص ...
‏

يتبع

#خلف_حدود_الوطن3
#حميده_عبدالحميد

الشباب الملثمين أو المتفلتين بدو يجمعوا في الأرقام لحدي م وصلوني قالو لي ارح اكتب. رقم زول من اهلك قلت ليهم ياخ انا دا م عندي أهل واحد منهم عاين لي ب استنكار وقال لي . كيف م عندك اهل ؟ قلت ليو انا دا مقطوع من شجرة واتربيت ف الشوارع لا بعرف ام لا أب لا اخ لا عم لا خااال. انا من وعيت ف الدنيا دي لقيت نفسي برااي ومن دون أي سند .....صراحه كنت مجبور اكذب واقول ليهم كدا. لانو حتي لو اديتهم رقم اهلي م ح يقدرو يرسلو لي ولا قرش .ومنها اكيد ح يقتلوني واهلي ناس وضعم تعبان وانا كنت الوحيد. القعد بصرف عليهم
وفترة كنا في الصحراء لقيت...خاتمين حقات دهب اظن ديل لي اسرة كانو ماشين ليبيا. عن طريق الصحراء وانقطعوو فيها ولو م بقيت نبيه وعارف الخريطه سمح ح تموت فيها من العطش والجوع واكيد الأسرة دي ماتو ي جوع ي عطش
المهم شلتهم ودخلتهم ف اصبعي الوساطني. ومثلت نفسي اتجرحت مشيت شلت شاش من بتاع البوكسي وربطه بيهم رجلي نظام وهمه وكده. وانا بي جوووو لابس الخواتم لانو لو عرفو انو لقيت خواتم دهب اكيد ح يشيلوهم مني. قلت في سري ي محمد دي فرصتك مدام الناس ديل عايزين قروش بس لي م اديهم الخواتم دي ويخلوني اطلع من السجن ٠٠٠

بعد م قلت ليهم كدا سخنو معاي شديد وحولوني للضابط الكبير. قال لي انت لو بتعلب معانا م من صالحك يا ولد احسن تمشي معانا عديل قلت ليهم ياخ انا جادي معاكم واسالو اصحابي ديلك ياهم. ووقت انتو عايزين قروش انا عندي حاجه ممكن اديكم ليها. وتخلوني اطلع؟
قالو لي عندك شنو؟ فكيت الشاش من رجلي وطلعت الخواتم. قلت ليهم شيلو ديل بس عليكم الله طلعوني. الضابط شال الخواتم وقال ليهم رجعوا السجن
وفعلا ساقوني ورجعوني السجن كنت خايف شديد يارب ح يعملوا فيني شنو ٠٠٠
عدت كم ساعة لحدي م جا واحد مهم وندح ع اسمي وقفت ع حيلي وقلت ليو نعم قال لي شيل شنطتك وتعال م اكذب عليكم في اللحظة دي حيلي برد معقوله عايزين يعدموني؟ رفعت شنطتي ومشيت عليهو قال لي انت ح تتطلع من السجن

قلعت عيوني وقلت في سري معقوله ح اطلع بالسهولة دي ياربي يعني انا حظي طلع حلوو لي درجه دي؟. كشفت لي اصحابي لقيتهم . مصدومين والحسد قتلهم قتل اديتهم نظرة كده نظام انتو عفنوو هنا ي كلاب. وطلعتت منهم بس م كنت عارف امشي وين ولا اعمل شنوو. ولا أقبل على ياتو جهة

ام الارانب دي مدينه ولا قريه م عارف المهم كبيره وفيها ناس من مختلف الاجناس. قابلت واحد من اولاد تشاد. ديل
قال لي انت لو عايز تتطلع عن طريق البحر لازم تشتغل هنا لي مدة سنه وحاجه تلم ليك قروش وتمشي بيهاا طرابلس. ...
‏*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‏٠٠٠٠
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏

قلت ليو خلاص م تشغلني معاك لانو انا مابعرف زول هنا. قال لي والله انا دا م عندي طريقه اشغلك لكن ف وحده. ح بوصفها ليك تمشي ليها وتقول ليها انا جيت من طرف فلان. قلت ليو خير م قصرت معاي والله شكرا ليك . وصف لي المكان زين ودعتوا ومشيت ع حسب الوصف وسألت كم شخص لحدي م وصلت المكان المقصود . كانت مرا كباريه كدا عمرها يجي زي ٥٠سنه عندها مطعم بتعمل فيهو اكلات شعبيه. مشيت وحكيت ليها اي حاجه قالت لي خلاص ح تشتغل معاي ف المطعم هنا تغسل الصحون ووو..... ومرتبك ح يكون حسب الشغل يعني مرات يكون ماف زبايين. عشان كده ما ح احدد ليك القيمه قلت ليها م مشكله وممكن ابيت عادي هنا قالت لي تمام ومنو تحرس لي المحل زاتو قلت ليها عديله. وطوالي نزلت شنطتي وبديت شغل صراحه اليوم داك كان الشغل م شاءالله راشي رش. اشتغلت لحدي الليل م دخل بعدها هي مشت وانا دخلت جوو المطعم ونمت في الأرض . تاني يوم الصباح اتزكرته اصحابي قلت ياخ ماظريفه مني بعد العشرة دي كلها لازم امشي ليهم واديهم نظره وكده شلت اذن من ست المطعم قلت ليها ساعتين بس وارجع ليك قالت لي تمام
اتحركت و مشيت ليهم ف السجن لقيت حالتهم اسفه والجوع داير يقتلم وف اليوم يدوهم وجبه وحده وهي مكرونه. لا غير وعرفت تحت تحت انو اهلهم رفضو يرسلو ليهم قروش وواحد ابو قال خلي يقتلو اصلن مامنو فايده المهم جيت سلمت عليهم وقالو لي دايرين أكل بس وانا صراحه الوقت داك جنيه ما معاي قلت ليهم تمام. طبعا ليبيا م شاءالله ملانه شجر نخيل وتلقي البلح دا مجدع ساي. طوالي مشيت اقرب محل شلت لي كيس مليتو ليهم بلح وجيتهم راجع اديتو ليهم. وبعدو رجعت شغلي.

اها بقيت اشتغل واشتغل والملم ف القروش والمرا دي كتر خيرها بجد انسانه طيبه كانت بتديني اكل مجان من غير م تخصم من مرتبي المهم جرت الايام سريع ومرت سنه والحمدلله بقاا عندي قروش كويسه شديد. تاني يوم طوالي مشيت للتشادي وقلت. ليو حصل كدا وكدا. اسي انا اطلع كيف قال لي انا بكره طالع طرابلس عندي شغل هناك ارح امشي معاي ومنو اوديك لي واحد بعرفو عندو. القوارب او مايسمونه السمبك اها تاتي يوم طلعنا طرابلس وفعلاا وداني للزول دا وقال لي العندك كلو جيبو اديتو قروشي كلها وقال لي بعد تلاته يوم تعال راجع مشيت منو.

وجيتو بعد. تلاته يوم. واتفاجات بي كمية من الناس نسوان وشفع ورجال كبار وصغار. ديل كلهم كانو طالعين هجرة ونصهم صومالين واثيوبين ويمنيين وسوريين . قعدنا هناك لي الساعه 3. المهم اطرو يغيرو اليوم لانو البحر كان هايج شديد وفيهو خطوره لانو المركب ح يتقلب بينا. المهم عداا اليوم دا وجاا اليوم المنتظر. جابو المركب وركبنا كلناا النسوان والشفع بقو ف النص ونحنا قعدونا بالاطراف متخيلين معاي رجلك وحده ف المركب والتانيه ف البحر 💔حاجه ف قمة الخطورة ي وصلت ي وقعت.ف البحر وبقيت رزق لسمكة القرش

بسم الله القارب اتحرك. وكل زول قلبو ف يدوو. وصلنا نص البحر كان ف سمكه. كبيره حايمه حولينا يعني عادي تقد المركب الناس خافت والفي راسهم طار وحدين شالو الشهاده ووحدين مسكو ف لا حولا ولاقوة الا بالله. ...
‏

يتبع٠٠

#خلف_حدود_الوطن4
#حميده_عبدالحميد

حرفيا كان منظر مخيف شديد. كلنا مسكنا في لا حول ولا قوة الا بالله والحمدلله سمكة القرش نزلت تحت القاع وتاني ما شفناها والقارب ماحصلت ليهو اي حاجه وحقيقه من توكل علي الله فهوو حسبه. قطعنا. شوط كبييير وكنا ماشين ساعات طويله وقضينا يومين في البحر وف اليومين ديل قاعدين قعدة وحدة والرعب والخوف انتهى مننا احساس تكون ماشي وما عارف نفسك اذا ح توصل أو لأ واخيرآ جات اللحظه المنتظرة ومن بعيد شفنا السواحل الإيطالية في اللحظة دي م فضل لينا الا نبكي من الفرح القارب دخل الشاطئ خلاص والناس بقت تنزل وتجري ووحدين سجدو وشكرو الله ووحدين. قعدو يبكو. من الفرح حرفياا المنظر كان سمح شديد. كونو انت تتعبر مكان زي دا وللان ماقادر انسي اللحظه دي البلد المشينا عليهاا كانت إيطاليا بمجرد دخولنا جات الشرطه الايطاليا وم خلونا نمشي قدام حصرونا ف الحدود وعملو لينا مخيمات وبقينا لاجئين. مرت الايام وتمينا 3شهر ف المخيمات
وهناك اتعرفت علي واحد اسمو مصعب وقال لي عندو صحبوا كان جا هنا وليهو كم سنة واذا اتواصلنا معاهو فهو ح يستقبلوا وطرح على فكرة نشرد من المخيم مع بعض وبعدين الله كريم قلت ليو نشرد كيف انت م شايف الامن والشرطه المحاوطانا دي قال لي م عليك انت بس خليهاا علي قلت ليو قدام ي صحبي. قعدنا. مع بعض لحدي الساعه 10 بليل
قال لي هسي انت امشي نوم الساعه وتعالى الساعه ٢ منتصف الليل قلت ليو تمام ومشيت منو

وصراحه م قدرت انوم وكنت بفكر كتير ي ربي كيف ح نطلع من هنا وهل ح تكون الساعه 2جات براحه طلعت ومشيت عليوو لقيتو مستف شنطتو خلاص قال لي ارح شلت شنطتي وطلعناا. اتسللنا براحه براحه حقيقه كان زول محترف جدا وفعلاا طلعنا من المكان دا ومن دون م يشعرو بينا

بعد ما طلعناا مشينا مسافة ووقفنا ف محل قلت ليو ي زول انت كيف عارف المحلات دي؟ والطرقات والشوارع دي كلها وكيف طلعنا حقيقه انا م فاهم حاجه كدي اشرح لي. قالي اسكت هسي م عندي زمن عشان اشرح ليك وحاليا ح تجي عربيه تسوقناا من هنا. وفعلا مع كلامو دا جات عربيه سودا مظللة وقفت قدامنا قال لي ارح اركب. صراحه انا اول مره اترددت بس تاني ركبت معاهو . والسايق العربيه كان واحد من الافارقه ديل. لابس حلمات ف اضانو. وراسم اوشام في يدوو. ولابس سلسل ف رقبتو سبحان الله منظرو وشخصيتو نهائي م عجبوني بس قلت ي محمد م عندك مفر امشي معاهم ساي اها العربية اتحركت وبقينا ماشين في شوارع إيطاليا
بعد ساعه حتي وصلناا محل كدا اسموو. (ميسينا ) نزلنا من العربيه ودخلنا بيت كبير شكلوو حلوو شديد من الخارج ومن جوه حاجه تانيه اها دخلناا وقعدناا الراجل بداا يتكلم بس م كان بيتكلم لغه عربيه كان بيتكلم لغه انجليزيه وهو والزول الجيت معاو دا كان بيتكلم معاو انجليزي . وانا قاعد ف نصهم زي الأهبل والاطرش . قلت ليو ي َمصعب احكي لي دا منو قال لي دا صحبي كنت بعرفو من زمان وهو أفريقي واتعرفت عليهوا ف محل كدا وقبل م اجي إيطاليا كنت متفق معاهو . قلت ليو ايوا تمام وسكت ساي . دخل المطبخ وجاب لينا اكل ومويه. كنت جيعان شديد واثناء م نحنا بناكل جو 3انفار نفس خلقت الراجل داك راسمين اوشام وشايلين اسلحه ....
*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏

واحد منهم اتنهد وعاين لي مسافه وابتسم ايوا وكان معاهم واحد اظن كوري ولا صيني ماعارف. بس واحد من الاتنين ديل. دخلو كلهم واظن عندهم محل كدا زي غرفه خاصه طلعو عليهاا اتكلموا مع بعض وبعدها جوو راجعين صراحه انا كنت متوتر شديد. قلت خلاص اظن ديل تبع تجارة الأعضاء وانت بقيت ضحيه ليهم. وانت انتهيت ي محمد اريتك كم قعدت ف مخيمك
صحبي الجيت معاهو لاحظ لي متوتر وخايف قال ي زول م تخاف بعد شويه ح تعرف اي حاجه قلت ليو اعرف شنو وهو لسه ف حاجات.
ح تتعرف تاني قال لي اي
اها جونا الشباب ديل ومعاهم الراجل الاستقبلناا وقعدو قصادنا انا وصحبي والشي العرفتوو . انو صحبي دا بيعرفهم وهو عارف اي حاجه عنهم بس وين وكيف الله اعلم اها. جا واحد اسمو. (ليندور) ملقبنو. ب سفاح بدا يتكلم معانا وصحبي دا م شاءالله بيعرف يتكلم انجليزي بطلاقه و كان بيترجم لي كل كلمه يقولها اها داك بدا يتكلم وصحبي بداا يترجم لي قال لي الناس ديل عندهم املاك وعربات وممكن تقول اغني ناس ف الحته دي بس انت عارف القروش دي كلها بتجي من وين؟ . قلت ليو من وين قال لي عن طريق تهريب المخدرات والتجارة فيهاا. بيني وبين نفسي قلت بس ي محمد ديل ناسك زاتهم امسك فيهم قوي. وبقيت ابتسم ساي. شكلهم كدا عرفو ح ابقي واحد منهم اها داك تاني واصل. ف كلامو وصحبي بدا يترجم لي
قال لي قالو ليك هم عايزنك تبقي واحد منهم. ومع مرور الزمن ح يسلموك مهمه صعبه وبعد المهمه دي انت ح تبقي غني ويكون عندك عربات وبيوت وقروش محل توديهاا م تعرف ياخ انا عشت الدور واتخيلت نفسي. بقيت عندي قروش وباكل احسن اكل وعايش احسن عيشه من غير تردد ومن غير اي شي قلت ليهم انا مووافق وبكل ثقه

بقو يعاينو لبعض وشكلو كدا استغربو كيف وافقت بسرعه دي وهم م عارفين اصلا دا هدفي ودي عيشتي الكنت عايزها وبتمناها واي حاجه اتسهلت لي من دون اي مشاكل أو اتعب عليها . بس زي مابقول المثل مابعد الهدوء عاصفه نرجع لي موضوعناا. اها ادونا غرفه مشتركه انا ومصعب مشيت ختيت شنطتي وعفشي كلوو ورقدت ف السرير ونمت نوم لانو كنت تعبان شديد. صحيت نص الليل. سمعت أصوات ناس بتتكلم اتسللت براحه ونزلت تحت فتحت الباب لقيت شاحنه كبيره واقفه اظن شايله (كوكايين ) وحسب تقديري ليو دا اظن حسابو بالمليارات وكان ف زي 7انفار واقفين. معاهم وحدين لونهم فاتح ووحدين لونهم غامق يعني ناس مشكلين. كدا بس مشكلتي كنت م بعرف انجليزي عشان بعرف الناس ديل قعد يقولو ف شنوو لفيت ورجعت غرفتي بس النوم طار من عيوني وكنت بفكر كتير هل الشي القعد بعملو انا دا غلط؟ ياربي هل الشغله دي ح تظبط معاي كنت بخت لي نفسي اعذار كاذبه.
وانو انا عشت حياة مأساويه ولازم امتع نفسي وافرح نسيت درب الصلاة والعبادة وباريت درب الهوي.

يتبع٠٠٠٠

#خلف_حدود_الوطن5
#حميده_عبدالحميد

قعدت مع جماعتي ديل خمس سنين ودخلت معاهم في شغلتهم دي كانو مهتمين بينا شديد كنا بناكل احسن انواع الاكل و بنلبس هدوم ماركة وغالية وكل يوم طالعين مكان وايطاليا دي حفظتهاا حفظ اتعرفت علي ناس من مختلف الاجناس. وم شاءالله بقيت
بعرف اتكلم انجليزي بطلاقه وبقيت واحد منهم في الفترة دي نسيت اهلي وبلدي وناسي تماما وبعد زمن كيف كيف م عارف بقي عندي الجنسيه الايطاليا. وركبت احسن عربيه وحرفيا نسيت الصلاة والقبله ب وين بقيت م عارفها
الرفاهيه والعيشه الهنيه دي نستني اي حاجه. بس برضو قلبي م كان مرتاح. لانو الناس ديل مستحيل تعيش معاهم كدا ساي اكيد ف حاجه كبيره ح يسلموني ليها
. واثناء م انا بخاطب نفسي جاا مصعب وقال لي تعال عايزننا براا طلعت معاهو ولقينا اتنين انفار حارسننا قدام الباب واحد زنجي والتاني امريكي. ومعاهم نسانا ديلك عرفتوهم صح
قالو لينا لموو شنطكم ح تمشو مع الناس ديل محل اسمو (ريمتي ) ريمتي دي من مدن ايطاليا قلنا خير لمينا شنطناا وطلعناا. ركبنا العربيه واتحركنا مشينا مسافه 2ساعه وحاجه كدا بعدو وصلناا اظن المحل دا محل سِري . عامل زي المخزن
دخلنا فيهو وكان ملان كراتين مربطة وصناديق. فنحنا قعدونا ف محل كدا وهم دخلو جوا زي نص ساعه وبعد طلعو وتاني رجعنا العربيه مشينا بيت موجود ف نص الغابة دخلنا . وكان ف شنط بس م فيها هدوم وظاهر عليهاا جديده. قالو لينا طلعو هدوكم ودخلوهم هنا ف الشنط دي فعلا عملنا زي م قالو لينا طلعنا الهدوم حقتنا ودخلناهم ف الشنط الجديده. سالتهم من السبب ولي بدلنا الشنط
قالو لي ح تسافرو
قلت ليهم
نسافر؟ نسافر وين كمان قالو لينا ح تسافرو إسبانياا. ودياها جوازاتكم وكل حاجه جاهزه م عليكم الا بس تمشو المطار وهسي امشو نومو والساعه 3طيارتكم ح تتحرك. سالتهم لي شنو ح نسافر اسبانيا قالو لي ف شغل ح تشتغلو هناك ونحنا الاغبياء صدقناا طلع مدخلين لينا مخدارت بكميه هائله ف الشنط الجديده. دي يعني الشنط مصمما تصميم والحاجات دي مخيطا بي جواا يعني انت م حاتعرف ولا غيرك ح يعرف. ومن هنا بدت رحلة العذاب.. المهم نمنا زين والساعه 3صحيناا لبسنا ورتبنا نفسناا. واثناء م نحنا طالعين جا واحد قال لي انت ح تسافر براك يعني مصعب م ح يمشي معاي صراحه انا اتخلعت ومصعب الشخص الوحيد ال انا بحس معاو بالامان بس طلع اكبر مجرم يعني متفق معاهم وكدا والحاجه دي ح تعرفوها لي قدام.
المهم م حسستم. ب حاجه قلت ليهم تمام ودعتا مصعب
وهم شالو لي الشنط وودوها العربيه وودعوني وقالو لي لمن تصل اسبانيا ف زول ح يجي يستقبلك اها مشيت اول قبل م اركب الطياره كان ف تفتيش المهم عديت المرحله دي ب سلام شكلهم م عرفو. بعدو وصلت اسبانيا ونحنا ف مطار اسبانيا برضو ف تفتيش. اها بدو يفتشو فيني ودخلو الشنط محل كداا. بظهر ليهم اي حاجه فجاء اسمع ليك stop وخمس دقائق جات الحكومه ومكافحة المخدرات. والناس ديل حاوطوني من جميع الجهات. شالو الشنط وانا كلبشوني وساقوني محل كدا فتحو الشنط لقو فيها كميه هائله من المخدرات
لا حول ولا قوة الا بالله انا انتهيت خلاص
قلت ليهم وانا بدافع عن نفسي
المخدرات دي جات من وين انا م عارف عنها أي شي فكوني عليك الله
بس لا حياة لمن تنادي ‌‌‌‌‌‌‌‏*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏

ساقوني وحولوني السجن المركزي وبقو يستجوبو فيني . عشان اطلع الناس المعاي. دقوني دق ودخلوني محل مضلم كدا وجاا واحد بدا يسال فيني. الجاا دا كان بيتكلم انجليزي. عشان انا مابعرف اسباني قلت ليو الحاجات دي انا م عارف جات من وين ودا م انا الدخلتهاا. وحكيت ليهم عن الناس ديلك. بس حلف م يصدقني.وشكلو انا وقعت في فخ.كبير يعني لو وصلت اسبانيا. خطتهم نجحت وبكده ح يكونو وصلو الحاجات دي المكان العايزنو. واذا م وصلت هم م خسرانين. شي وشكلو عرفو انا اتقبضت. اديت المحقق اسمائهم كلها ورقم تلفوناتهم وللأسف طلعت اسمائهم مزيفه والارقام طلعت مقفوله حتي صحبي مصعب غدر بي. ياا الله انا هسي ح اعمل شنوو. ولا اتصل لي منو عشان يجي يلحقني وانا براي هنا وم بعرف زولل في البلد دي

جاا المحقق تاني قال لي اذا م اعترفت ح تتسجن مؤبد. احسن تعترف وتتطلع الناس المعاك من غير كذب وقال لي الكمية الاتمسكت بيها حُكمها ح يكون سجن مؤبد يعني ح تقعد ف السجن لمن تموت والشمس دي تاني م ح تشوفا بس لو اتعاونت معانا ومشيت معانا عديل ح تكون الحاجه دي من صالحك يعني ح يخففو ليك العقوبه. 20سنه او 15سنه. قلت ليو العندي كلو قلتو ليك وحكيت ليو اي حاجه بالنص. لحدي م وصلت ايطاليا واتعرفت ع الناس ديل. .. قال لي المعلومات دي م ح تفيدك ف حاجه. المهم م اقتنعوو ب كلامي وحولوني السجن الكبير بتهمة التهريب. وترويج المخدرات والسجن مدي الحياة مشيت السجن وكان ورااا الجبال محل صوت ساي م بتسمع فيهو دخلوني وشالو مني اي حاجه جابو لي هدوم المساجين لبستها ودخلوني جوو. السجن كنت يائس ومنهار ومدمر كُليآ وف لحظة واحدة اي حاجه راحت مني ف رمشة عين ومن هنا راسي جا اتذكرت ابوي الخليتو طريح الفراش اتذكرت امي واختي 💔 المشيت خليتهم من دون أي رأفة . اتذكرت المعاصي والذنوب الكنت بعمل فيهاا عقلي رجع. بس بعد فوات الاوان وم لقيت نفسي الا وانا ببكي بصوت عالي. بكيت ع شبابي الضيعتو بكيت علي كل يوم عصيت فيو ربناا بكيت ع امي وابوي واختي العمري م كنت سند ليهم بكيت علي كل لحظه وكل ثانيه ضيعت فيها زمني. جااني واحد شكلو إندونيسي وكان شايل معاهو كبايه مويه واول كلمة قالها. لي تهمتك شنو؟ قلت ليو تهريب مخدرات بس م كنت انا المسؤول عنها دبروهاا لي ناس كدا. الاندونسي دا كان بيتكلم لغه عربيه فصحه. قلت ليو وانت تهمتك شنو قال لي قتلت واحد اتهجم علي. دفاعآ عن نفسي. والقضيه. م مشت من صالحي يعني طلع. مظلوم زي. برضو. صراحه الزول دا انا ارتحت ليو شديد وفي نورة عجيبه ف وشو وظاهر عليهو مسلم. سالتو انت مسلم قال لي اي. وسالني انا برضو خجلت شديد لانو انا كنت مسلم بالاسم بس. عاين لي وقال لي مالك دنقرت راسك يعني انت م مسلم قلت ليو مسلم بالاسم بس. وحكيت ليو عن الحاجات الكنت بعملا كلهاا. قال لي كلمة مستحيل انساها
٠٠ قال لي دا كلو اختبار وابتلاء من ربناا الله دايما رحيم بعبادو وبخت الزول ف حاجات زي دي عشان يرجع ليو. والله دايما بحب الشاب التائب م عارف بس حسيت بكمية من الفرح قلت ليو يعني الله. ح يقبل توبتي بعد الشي العملتو دا كلوو؟ قال لي اي اهم شي نيتك مع ربك تكون صادقه وقال لي اسجد لله سجدة وحده واسالو يتوب عليك ويغفر ليك ذنوبك. الانسان م معصوم من الغلط وانت محبوب عند الله لو م كده م كان حسيت بي غلطك ٠٠

يتبع ٠٠٠٠‌‌‌‌‌‌‌‏