الفاطميه
شوط كربلائي





يوادم خدمـة الزهره .. ما مــليتها ولامـــل
بشيلة فاطـمه حالف .. يم شـباچ ابو فاضل
***
بـدايات الحچي تــوفــيق .. وهنـيئاً للي يتوفق
اليتصادق عليه من فوگ .. حلمه بهاي يتحقق
التتــطرق اله الزهره .. الكون الاسمه يتطرق
التذكره فاطمه الزهره
قــطعا يـــرتفع قــدره
واسمه يصبح اشكبره
الاسمه يقتــرن بيهـا .. هــذا يعتـــبر واصل
***
خدمتــها طعم بيـــها .. طعــم وامن الشهد احــله
التعب بيه لذه للزهره .. ومو ياهو اليجي يحصله
درب مايقبـــل العوجه .. اســـاسه كـــلمة العــدله
الجدمه ابهالدرب يسعه
جـوازه فاطـــمه توقعه
ومحد يگـــدر ايـوگعه
والتچـــايته ام احـــسين .. هــذا يابخـــت شايل
***
اليخدمها بصدق واخلاص .. ماتوگع اله رايه
اليبـــچي دومـــه للزهره .. ماتنرد اله احجايه
اذا شال ايده مـو ديوان .. لا توگف اله اولايه
طـبيعيه الرضه فاطم
يحسبونه البشر عالم
هنياله الصــبح خادم
التسجل فاطمه اسمه .. اعظم مرتبه حاصل
***
اليفرغ اعيونه من يسمع .. طاري الباب والعصره
ويــلطم صدره ويكسر .. صف اضلوع من صدره
اشياخذ من رسول الله .. على السواه شنـو اجره
الهــذا الفكــر يتـــبنه
رسول الله رضه عنه
وبيـــده صكــه للجنه
الجنه البيها ابو السجاد .. انيــاله البابــها داخل
***
صــح خدام ابو اليمـــه .. واحدنه يسمونه
والمــاخــادم الزهــــره .. خادم مايحسبونه
اليخدم فاطم اهل البيت .. يقدرونه ويحبونه
اليحب ام الحسن واضح
اتعرفه امن الحچي مالح
ذاك امبـــــين النــــاجح
اليترضه على ذولاك .. حظه معثـــر ونازل
***
عقيدة خـادم الزهره .. يـــتولــه التـــولاها
عقيدة خادم الزهره .. يعادي الذي عاداها
التولي والتبري كون .. كلــمه ولامينساها
الدفع باب الطهر بـــيده
صيح بصوت مـــاريده
وكلامك كل وكت عيده
بقضية فاطمه ام احسين .. بالك واحـــذر اتجامل
***
حيدر تركي الكربلائي
 
 
 

الفاطميه


يالتـسئل يمته اوين ..كسرو ظلع ام حسين
وسفه بتوقيت الباب
مكسور الظلع

***

اختصـاراً والسوالف رايـدلها ادمــوع
والــموضوع مــو عابر واي موضوع
عـــصــرو سـالفة الله عــصر بالـــباب
لحد ما من صدرها نكسر صف ظلوع
 
الزهره ابأمر الشيخين .. راحت محمرة عين
وسفه بتوقيت الباب
مكسور الظلع

***

يالتســـئل علــيمن والمـــن الـصايح
ومرتبكــه المــدينه الجـــاي والرايح
گــالو طاح بــس اشتطـــاح ماندري
وره الباب اعتقد ركن العرش طايح
 
من تتعاله الصرخات .. معناها المحسن مات
وسفه بتوقيت الباب
مكسور الضلع

***

تدافُـــع صار يـــم باب القلـــع خـــيبر
وتطشر كلشي چن صم حنطه وتطشر
وره الـــباب التكسر مـــو ضـلع عادي
چــن ضــــلع الوجـــود برمتـــه تــكسر
 
امأذينه ازغار اكبار .. آ يا جرح البسمار
وسف بتوقيت الباب
مكسور الضلع

***

هوت بس من هوت كلشي هوه اوياها
وغيـــر التــــرب ماواحـــــد تلـــگاها
اذاها العــصر ويشـــوف امـــه حسين
دمـــع حـــسين حيـــل الزهـــره اذاها
 
مسحت سيل الدمعات .. ابچفها الشابع چويات
وسفه بتوقيت الباب
مكسور الضلع

***

جرح ام الحسن ماصح جرح مثله
ثگيل وبس جرح طف كربله بثگله
الله يعين ابو صالح عــلى الي صار
ياجرح اليتـــركه وياهـــو اليــحمله
 
اجروح القائم آلاف .. الله يعينه اشگد شاف
وسفه بتوقيت الباب
مكسور الظلع

***
حيدر تركي الكربلائي
 

مولد السيده زينب


تستاهل .. الليله نحيي اعيادها
تستاهل .. نــفــرح ابـمــيــلادها
تستاهل .. زينب اخـت العباس
نـفـرح ابميلادها
______________________
زينب / نـور ابنور مــن نــور المــيامين
زينب / زينــب أية الله الـناصره الدين
زينب / وإمــكــمـله الرســالات النبـيــين
زينب / الناطق الرسـمي بسم الحسين

تستاهل .. الله هــوه الــرادهـــا
تستاهل .. نــفــرح ابمــيــلادها
تستاهل .. زيـنب اخت العباس
نـفـرح ابميلادها
______________
نزلت / زينب رحمة الله على هالناس
نزلت / أيـة للــوفه بقــرأن الاحساس
نزلت / حوريه وبعــدها بأول انفـاس
نزلت / تتــنفس عـطـر كافلهــا عباس

تستاهل .. مـــوتــو ياحــسادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها
______________
الدنيه / فرحانه بــلا شك تمـــلك اســـباب
الدنيه / اشـجبتــيلي يزيــنب بــعد الغياب
الدنيه / الخاطر فاطمه الزهره ام الاطياب
الدنيه / زينــب لَبسـت للدنـــيه الِحــجاب

تستاهل .. وفَــتحـــــت اورادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها
______________
فرحه / زيــنب بـــت علــي مولدها هاليوم
فرحه / هــاللــيله يشيعي انـــسه الهـــموم
فرحه / ودعي الباري كون افراحنه اتدوم
فرحه / والي ايلــومـنه مـيهـــمنه خيـــلوم

تستاهل .. الشيعه يبقه انشادها
تستاهل .. نــفــرح ابـمــيــلادها
تستاهل .. زينـب اخت العباس
نـفـرح ابميلادها
______________
حقها / بزينب هالمسه فرحانه الارواح
حقها / امـلاك السمه تعــلن هــالافراح
حقها / لــو هالليله كثره اهـموم تـنزاح
حقها / حقــها فاطـمه بــزينـبها ترتـاح

تستاهل .. نحـــتفل بــــاولادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها
______________
بهجه / عـمَت هـالارض وي الســماوات
بهجه / مـن زيـنب اجـت نـزلت الايـات
بهجه / الدنيه امن الفرح تقره ابتهالات
بهجه / مـن سابع سمه تـسمع الاصوات

تستاهل .. الارض ابـــعبــادهــا
تستاهل .. نــفــرح ابمــيــلادها
تستاهل .. زينب اخت العباس
نـفـرح الميلادها

///////
حيدر تركي الكربلائي

 مولد السيده زينب ع





الأميرة الخـدر .. متحير الشـعر
ابميلادها ابميلادها
زينــب
_____

چان راس السمه امفرع لچن لابد بالسحاب
وزينـب ابيـوم الولاده للـسـمه جـابت حجاب
هــيه مـن گــد ماكـريـمه وزعـت مــنه ثـواب
اتحجبت بحجـاب زينب حتى ايات الكتاب
 
حجاب ام الستر .. امن الجنه بي عطر
ابميلادها ابميلادها
زينــب
_____

الرايد ايـوصف خدرها وَحـي رايـدله وسـور
( أنــا انـزلـنـاهـا ) عــفـه زيـنب الـكـل الـبـشر
ماتوصفـها القصيده الـشـعر لـو ظـهره انكسر
النبي بس يعرف قدرها وفاطمه وفارس مظر
 
شعرنا لو يجف .. أبد ماتنوصف
ابميلادها ابميلادها
زينــب

_____

الله كاتـب بيـده زيـنب كـون كـلـنه نـفـتهم
ولو سمعنه احـنه اسـمها انگول الله للاسم
للــعـلم مــحـد قـراهـا هالقـصــيده للــعــلم
والوحـيد الــي عـرفـها ابـو فاضل والنــعم
 
عرفها ومن عرف .. أميـره للــشـرف
ابميلادها ابميلادها
زينــب
_____

يالله يامـريـم أنـزلـي البيـت فاطـم حـافيه
(واخلعي نعليكي)  يمكن هسه زينب غافيه
(أنتي في البيـت المقدس)  لاتفـز الـصافيه
اقري يمها انجيل عيسى كون بـس ابقـافيه
 
على طور السمه .. هـديه الـفاطمه
ابميلادها ابميلادها
زينــب
_____

لازم اليـذكــر اسمــها كــون يتــبع مــايــلي
ايسمي بسم الزهره امها لو بسم حيدر علي
الكـون كلـه تحـت امـرها والهـا گـال اتدللي
ابيـوم مـيلاد الاميره الفـرح صـوته يعتلي
 
الفرح صوته اعتله .. هله ابزينـب هله
ابميلادها ابميلادها
زينــب
_____

امن الفرح هاللـيله حـتى الحور ضلت ساهره
امن السماء اصفوف اجت ابابها ولزمت سره
انشوف زينـب اسمـح الـنه امروتك ياحيدره
حقـك وخـايف علـيها جـوهره وبـت جوهره
 
يحق لـك يا اسد .. تضمها امن الحسد
ابميلادها ابميلادها
زينــب
_____
تمت والحمد لله
حيدر تركي الكربلائي

يعــفــة الله يالبســمچ بدينه
دمع فرحتــنه يازينـب بدينه
اجينه بمــولدچ جوري بدينه
وطشــيناه علـى باب الزچيه
***
الليله المبغض انخليه يمل كون
المامال الكـــتر زينـب يمل كون
علــي والزهـــره يادره يمل كون
زيـنـــب درة الــــبـــاري ونـبــيه
***
حيدر تركي الكربلائي

 الفاطميه



ليل .. لاماتتــسولف ســـاعاته
ليل .. شيخلص الليل وصفناته
فگد الزهره
تارك جمره
وســـط اضــلوعي
***

يجيــني الليـــل وتــأذن .. بيه
اللوعه والوحده
وتضكني الســوالف حيل .. مثل الضاكه
لحده
الشــده البيهـا ابو الـحمله .. مثلـها
ماتجي شده
الگلبه انصاب ياهالناس .. ياچف يگدر
ايشده
 
ليل .. وشنسه امن الزهره وشتذكر
ليل .. وحيدر حاير چـــن مو حيدر
الحاير بامره
تارك جـمره
وســط اضـــلوعي
***

من يسكت حچي الوادم .. تبدي تحچي
صفناتي
اغـَرب وي حچي السكته .. وتفــززني
دمعاتي
اصــد لمچــانهــا خالــي .. وتعله
حيل شهگاتي
اوليـــداتي اذا سمــعـــو .. تزيد
النوب جمراتي
 
ليل .. ولو فزو شيسكت اعيوني
ليل .. وخاف الشمات ايسمعوني
الهم اشكبره
تارك جمره
وســـط اضــلوعي
***

علي الماطاحت ادموعه .. بس من خشية
الباري
عگــب عيـون ام بيتي .. دمعي بكل وكت
جاري
الوادم عايشــه جويريد .. وانــه عايـــش
بــناري
ولان نور الله مو بالدر .. اضلم جاي
احس داري
 
ليل .. الدنيه ابلايه الزهرا سوده
ليل .. عـالفاگد يستـقوي بــزوده
ملح العشره
تارك جمره
وســط اضــلوعي
***

چنت مو باب لابيبان .. اشيل ومــا
اهم بيها
هــسه ثــوبي بالگــوه .. اشيلــه
وهاي تاليها
يتبده الحچي اليــوجع .. كــل ماعيني
ابديها
عـيشه ابلايه ام حسين .. هالعيشه
اشيمشيها
 
ليل .. وشيعـــت بهالليــل احلامي
ليل .. عگب الزهرا وحشه ايامي
الشيع عمره
تارك جمره
وســط ضــلوعي
***

ادلـي بالصـــبر وانـــي .. محـــتاج
اليـدلـــــيني
عگــب عيــون ابو فاطم .. منـــو
بفاطم يواسيني
حسبــه اتجيــبني وحسبه .. الذكـــراها
تــوديــني
احس مو بس دمع عيناي .. احسن كلشي
يچويني
 
ليل .. بدمعات اعويناتي اتسله
ليل .. هيچ يصير اليفـــگد خله
خلي وكسره
تارك جـمره
وســـط ضـــلوعي
***
حيدر تركي الكربلائي
 
 
 

الفاطميه



حُسن الخاتمه .. نظـرة فاطـمه
نظـرة فاطـمه .. حُسن الخاتمه

***

نعم يا أيها الخادم        يامـن تتبــع القائم
افــهم اعلم اتدبر رضا الله من رضا فاطم
التكثر دمعته اونه       ترضه فاطمه عنه
جزاء الهاي حــنيته اقل شي ترزقه الجنه
 
اعظــم مكـرمه .. نـظرة فاطمه
نظـرة فاطـمه .. حسن الخاتمه

***

فضل ام الحسن ذكره       وبالك تنكر العشره
اخسـر كلشي بس بالـك حبـها الطاهر اتخسره
ذوب ابابــهــا شمــعه       وطيـح اگبالها دمعه
اشـــما رادو يــنزلونك اســـمك فاطمــه ترفعه
 
نظرات الســمه .. نظـرة فاطمه
نظـرة فاطـمه .. حسن الخاتمه

***

الينطي الفاطمه الزهره    من دمعاته لو قطره
حــنينــه ام الحســن كلــش تبقه تلهــج بذكره
متزل ابــداً اجـدامه        بيــض اتصــير ايامه
والـــي يريــد يتــوفق ايحـــط الزهـــره گدامه
 
هـــيه اتقومه .. نظــرة فاطمه
نظـرة فاطـمه .. حسن الخاتمه

***

العاقبـته يــباريها        خل فاطــمه يبچيها
اتوافي الـطاهره معلوم كـل واحـد يوافيها
ام حسين معروفه     وبالمعروف موصوفه
الگـلــبه محتــرگ بالبــاب لو بالنار متعوفه
 
ينجي التعصمه .. نظرة فاطمه
نظـرة فاطـمه .. حسن الخاتمه

***

اليحضه بنظرة البضعه    هوايه يختلف وضعه
بحيث ولو حــچه احچــايه كـــل الوادم اتسمعه
تحــط خدامها بالعين    تحبهم مثل حب حسين
اشما تبچيـلها اعيـــونك كون اترد الـــك هالدين
 
تبــقه الراحمه .. نظــرة فاطمه
نظـرة فاطـمه .. حسن الخاتمه
****
حيدر تركي الكربلائي
 

الفاطميه






الفاگـدله غـالي .. الليــالي .. ماتـعوفه بحـاله
___

تـوه العـمر صـار اربـعـه .. وداهـمني لـيل الفاجعه
بسم امي صاح واسمـعه .. والناظـر ايـهل مدمعه

جرح الگلب من ينفتح .. اوياه اسهر الحد الصبح
ليــلي يگــلي هالـجرح .. داويــه يـزيــنب بالمــلح

وجرحي البقالي .. الليالي .. ماتعوفه ابحاله
______

من البچي اعيوني انعـمن .. اعله الزهره من گد مابچن
ازغيره بعدهي ام الحسن .. ومالايـگ اعليــهــا الچــفن

مـن شالو امــي بالنــعـش .. المــاتم عــمرها اثمنـطعش
حيلي رگد جسمي ارتعش .. ودمعي على الگاع انفرش

الباقي تــوالي .. اللـيالي .. ماتعوفه ابحاله
____

زينــب زغــيـره اعــله الهـجر .. ومنــين اجــيب انــه الصبر
الحضن امي مشتاگه اشكثر .. الچانت تظمني اعله الصدر

صدر امـي مــن گــد ماتــرف .. يتــفايــض اعلــيــه عــطف
الحـــنــيـــة عدها تـخــتلـــف .. ماتـــنوصــف مــاتـــنوصف

الچـف الدعـالي .. الليالي .. ماتعوفه بحاله
___

اشگد ما اون رايدلي اون .. ميهمنــي لو طاح الجفن
وراسي لون يصـبح گطن .. للـزهــره ماعـوف الحزن

يبـقه البـچـي بـيه طـــبع .. عمري اخلصه اويه الدمع
يوميه راح انــه انــفـجع .. ويـومـيـه يتـكــسر ضــلع

يوميه والــي .. اللـيالي .. ماتعوفه الحالي
____

شينشف ادموعي التهل .. عــن امـي لـمـن انسئل
ثاري اليتم لامــوسهـل .. مـو هــين ومــاينــحــمل
ايعين الله گلب الفاگده .. للمـثلـي فـگــدت والـده
عن امها ياهو اتنـــاشده .. وامها ابلحدها اموسده

العنه سؤالي .. الليالي .. ماتعوفه ابحاله
______

للمقــبره الحـادي سـره .. بــأمـي وبقــيت امحيره
لـو مـا ابـويـــه حيـدره .. چـــا سـاكـنـه بالمـقــبره

چا هسه مدفونه ابگبر .. ابلايه امي شلي بهالعمر
وشلي وبحياتي وانتظر .. وزينــب يتانيـها اليسر

والي اعله بالي .. الليالي .. ماتعوفه ابحاله
______
تمت والحمد لله
حيدر تركي الكربلائي

 الفاطميه



رديت وانـه ابگلبي حسره
والبيـت بـي ريحـة الزهره
امنتذكر .. اتحـسر .. اتــنطر
 المــوت
______

السمه احس طاحت عليه وهدمت بنياني
انــه مــن طبــيت بــيتي ومــحد اتلــگاني
صحت يافاطمه وينــچ والـصـده حاچاني
تــوَك الزهــره ادفنـــتها گــال لـي وبچاني
 
انهاريت ماضل حيل بيه
وَنيـت عــالزهـره الزچيه
اتـعـثر .. اتحـسر .. اتنــطر
 المــوت
______

چنت مــن بيــتي اطـبه اتــرد الــي عافــيتي
هسه احـسن روحـي تطــلع لو دخلـت البيتي
الله وحده هـــوه يــدري ويعــلم ابوضــعيتي
امنيتي بس الموت هسه اوين احصل امنيتي
 
اتمنيت يخلص هسه عمري
وياريت يــمها ايصير گبري
وما اگدر .. اتحـسر .. اتنــطر
 المــوت
______

امـن انظـر الوجه الزچــيه فاطمه گدامي
لــو جـبل طـايـح عــليه انـسه كـل آلامي
راحت وراحـت وراهـا فرحـتي واحلامي
عـلي وبـگد رحـمــة الله للـوديعـه ضامي
 
مديت دمــعاتي عـــلى الباب
وخطيت حزني بوجه التراب
واتطشر .. اتحسر .. اتنطر
 المــوت
______

سورة الاحــزان اقــره واشهگ ابهالسوره
انه كل مابيتي اطـبه والگه طافي ابنوره
زهرتي راحت يوسفه اضـلوعها مـكسوره
وبالگبــر حسيـت بيها  عالوجـه مسطوره
 
خليت فوگ اخـدودها ادموع
وناديت بلكي اتطيب الضلوع
اتصور .. اتحسر .. اتنطر
 المــوت
______

لمــن زيــنـب ناشــدتنــي ويــن امـي رايـــحه
الاعمه شاف دموع عينـي من كــثر ماواضحه
اعليها كلشي گمت اسمعه اوياي يقره الفاتحه
ابكل ركن من بـيتي اسمـع صوت ونه ونايحه
 
احتاريت زينب شرد اگلها
حسيت هالمـحنه اشثگلها
واتوذر .. اتحسر .. اتنطر
 المــوت
______
تمت والحمد لله
حيدر تركي الكربلائي

اعــد اعــزاز يـــادهـــري .. اشبعدلاك
شـَـبعد تقـتـرب منــي .. اشبي عدلاك
خذت محسن خذت امي .. اشبعدلاك
اخــذنـي اويــاهــم اشتـنـتظر بـــيه
-----------------
هـــم يـــوم ويجـي بــويه واره امي
ومن حجره لحجره اركض وره امي
چــفـــك يــــــوم يابــــويه وره امي
السبـــعه التمــــن وطــــاحن عــليه
…… ..
الدمـــع نهـــران لمصابچ جريناه
والآهـــاتـــچ التـــوجـــع جريناه
ييــــمه لـــمن بســــمارچ جريناه
طلع وياه مــن ضلـــعچ اشويه
---------------
حيدر تركي الكربلائي

الفاطميه



عزاؤنا قائم .. لأمنا فاطم
حتى ظهور القائم

***

اقسمـــنه بـفاطر والكوثر .. عالزهــرا مانتـــغير
نزغر يمها اشما نكبر
چفها الطاهر .. بخيره الوافر
ماخلاله .. واحد حاير
شلون انكف عن مجلسها .. فاطم احنه نقدسها
الدمعه الرايد يحبسها
خل يتفكر .. بكسرة حيدر
من رد خالي .. بالهم يعثر
 
وحزنهُ الدائم .. لأمنا فاطم
حتى ظهور القائم

***

امنه ومن حقها اعلينه .. وبمحنتها اتأذينه
لو دم اعليها ابچينه
منوافيها .. ومنجازيها
الزهرا امنه .. شما ننطيها
اشما سوينه وسوينه .. مايسوه شي حسينه
ميته وعدله وتنطينه
امنه الزهره .. مآوه الفقره
والمكسور .. الزهره اتجبره
 
قلبٌ وكف راحم .. لأمنا فاطم
حتى ظهور القائم

***

منصافح ايد القاتل .. بهالموقف لامنجامل
كلمه ويسمعها العاذل
فاطم امنه .. الهمها ايهمنه
لجل الزهرا .. ترخص دمنه
نحيّ امر الزهره البضعه .. والمدمع لامنگطعه
من هسه الوكت الرجعه
نلعن بيهم .. ونعاديهم
من اولهن .. حد تاليهم
 
تبت يدا الظالم .. لأمنا فاطم
حتى ظهور القائم

***

گالو كافي وفضوها .. قصة فاطم انسوها
في كل عام اتعيدوها
ماكليتو .. ولامليتو
وهاي الصفحه .. ماسديتو
انكل ونمل حاشانه احنه .. باب الزهرا
جارحنه
ويلاه يافاطم صحنه
ياقصتنه .. وياغصتنه
يالمنذورتلچ .. دمعتنه
 
ودمعنا اللاطم .. لامنا فاطم
حتى ظهور القائم

***

فضل الزهرا ماينرد .. لو مو بس نلبس اسود
لو نبچي ونلطم عالخد
مقصرين احنه .. شگد مانحنه
عالتنقذنه .. كل ماطحنه
مايوم اويانه مقصره .. المسطوره ام عين
الحمره
هيه البس بالشيعه ادره
حنيتها .. العلى شيعتها
بس ياوسفه .. الناس اخذتها
 
كم قُنفذٍ أثم .. لامنا فاطم
حتى ظهور القائم
***
حيدر تركي الكربلائي
 

 الفاطميه



فاطمــه يالخـــيرچ مغطــينه
شگــد نطيـتينه وبعد تنطينه
يم اضلوع مكسوره
يازهـــراء مشــكوره
يا ام الحسن
***

سمــاچ الواسعه تمـطر .. وجميلچ خـَجل الخدام
يالمــويـــوم وتبــطــلين .. خيــرچ عام يتبع عام
نعم بس مـَن نكون احنه .. وتحزمتي النه احزام
طـــن معقــــوله تنطــينه .. يالزهره النطاچ غرام
 
هــنه بس لطــمات واچم دمعه
اشحال اذا واحد كسرلچ ضلعه
مانتخيل الصوره
يازهراء مشكوره
يا ام الحسن
***

اذا حل موسم احزانچ .. كلشي انلبسه لون اسود
ويبرد كلشي بس حزنچ .. يالــــزهراء مــــايـــبرد
لو لطــم الصدر موشــي .. نلطملچ تره اعله الخد
ينـــــسد كلشي الا انتـي .. موضــوعچ فلا ينسد
 
يالثـــارات الضــلع گلــــناها
وداعة المحسن فلا ننساها
بالذاكره محفوره
يازهراء مشكوره
يا ام الحسن
***

الدنيه هموم متروسه .. وخدمكم كلمن وفهمه
اذا واحدنه راد ايـــزل .. ماكــو الغيــرچ يلزمه
اذا شفتينه مو زينــين .. ومانمتـلك إي حـكمه
اسلبي منه شتريـدين .. بس خلــيلنه الـخدمه
 
ننطرد بــس مانـروح الغيرچ
لان ماي اوجوهنا من خيرچ
يالبالخـير مأثوره
يازهراء مشكوره
يا ام الحسن
***

الـناس الرايــده تنــــطي .. تمن بس انتي متمنين
فقيــــره والديـــگ بابــچ .. اله يافاطـــمه تغــنين
طلــبنه هوايه من عندچ .. وابد من عدنه متملين
اتجوعين الحسن وحسين ..والنه فاطمه تشبعين
 
اشكثر رحمــه فاطـمه بدلالچ
عدله ميته وغامرتنه افضالچ
يم چفيـن منذوره
يازهراء مشكوره
يا ام الحسن
***

شمــــقدميـــبچ يــــلــــي .. قدمـــتي اغله متمــلكين
عطائـــچ نــوگف اگـــباله .. خجـــــلانين ومدنـــگين
بگلب وبضلع مكسورات..نصرتي الدين واهل
الدين
روس الناس علــــيتي .. وضل عالگاع راس حسين
 
ياحنينه ويامن امعلمه الحنان
يلي ميحدچ زمــان اولا مكان
يالبالفضل مذكوره
يازهــراء مشكوره
يا ام الحسن
***
حيدر تركي الكربلائي
 

يا زهراء مشكورة