#تعال_نتفق انو ماف حاجه اسمها
فلان ﺩا ﺧﺬﻟﻨﻲ ، فلان ﻃﻌﻨﻲ ﻓﻲ ﺿﻬﺮﻱ فلان ﺧﺎﻥ ﺛﻘﺘﻲ ، ﻭﺍﻧﺎ ﻣﺎ ﻛﻨﺖ ﻣﺘﻮﻗﻊ ﻣﻨﻮ ﻛﺪﻩ وانا الخ....!


#كل_الحكاية وما فيها انك ﺍﺩﻳﺖ فلان ﺩﻩ ﺣﻴﺰ ﻓﻲ ﺣﻴﺎﺗﻚ ﺍﻛﺒﺮ ﻣﻦ ﺍﻟﻼﺯﻡ ، ﺍﺗﺴﺮﻋﺖ جدا ﻟﻤﺎ ﺧﺘﻴﺖ ﻛﻞ ﺛﻘﺘﻚ ﻓﻴﻬﻮ ﻭﻛﺴﺮﺕ ﻛﻞ ﺍﻟﺤﻮﺍﺟﺰ ﻭﺷﻠﺖ ﻛﻞ ﺍﻟﻘﻴﻮﺩ ﻣﻦ ﺑﻴﻨﺎﺗﻜﻢ ..

#انت_ﻏﻠﻄﺖ ﻟﻤﺎ ﺍﻋﺘﺒﺮﺕ ﺳﺮﻙ ﺳﺮﻭ ﻭﻣﺸﺎﻛﻠﻚ ﻣﺸﺎﻛﻠﻮ ﻭﺃﻟﻤﻚ ﺃﻟﻤﻮ ، ﻏﻠﻄﺖ ﻟﻤﺎ ﺧﺘﻴﺖ ﻓﻲ ﺣﺴﺎﺑﺎﺗﻚ ﺍﻧﻮ ﺍﻱ ﺍﺣﺴﺎﺱ ﺣﺴﻴﺘﻮ ﻟﻴﻬﻮ ﻣﺘﺒﺎﺩﻝ

ﺧﻮﻓﻚ ، ﺣﺒﻚ ، ﻋﻄﻔﻚ

ﻏﻠﻄﺖ ﻟﻤﺎ ﺍﺗﻮﻗﻌﺖ ﺍﻧﻮ ﺍﻱ ﺣﺎﺟﻪ ﻋﻤﻠﺘﻬﺎ ﻟﻴﻬﻮ ح يعمل ﺯﻳﻬﺎ ﻭﺍﻛﺘﺮ ﻟﻤﺎ ﺗﺤﺘﺎﺝ ﻟﻴﻬﻮ

ﺍﺗﺴﺮﻋﺖ ﻟﻤﺎ ﻣﻊ ﻛﻞ #ﺍﺷﺮﺍﻗﻪ_ﺷﻤﺲ ﻣﻊ ﻛﻞ ﻳﻮﻡ ﻭﻛﻞ ﺩﻗﻴﻘﻪ ﺍﻣﻠﻚ ﻓﻴﻬﻮ ﺯﺍﻳﺪ ﺟﻮﺍﻙ ﻣﺎ ﻫﻮ ﺷﺎﻳﻠﻚ ﻭﺣﺎﻓﻆ ﺳﺮﻙ ﻭﻭﺍﻗﻒ ﺟﻨﺒﻚ ﻭ ﺷﺎﻳﻔﻮ ﺳﻨﺪﻙ ﻭﺿﻠﻚ ﻭﻧﻔﺴﻚ ﻭﺍﺣﺴﺎﺱ ﺍﻧﻚ ﺍﺧﺘﺮﺕ ﺻﺎﺡ ﻣﺨﻠﻴﻚ ﻣﺒﺴﻮﻭﻭﻁ ﻭﻣﺮﺗﺎﺡ

ﺑﺲ ﻟﻤﺎ ﻳﺤﺼﻞ ﻭﺗﻜﺘﺸﻒ ﺍﻧﻚ ﻛﻨﺖ ﻋﺎﻳﺶ ﻓﻲ ﻭﻫﻢ ، يعني اخدت #ﺻﻮﺭﻩ_ﻏﻠﻂ ﻣﺮﺳﻮﻣﻪ ﺑﺲ ﻓﻲ ﺧﻴﺎﻟﻚ وتتصدم بالواقع ﻟﻤﺎ ﺗﻠﻘﻲ فلان ﺗﺎﻧﻲ خالص ﻏﻴﺮ ﺍﻻﻧﺖ ﺑﺘﻌﺮﻓﻮ

#ﻛﻞ_ﺗﻮﻗﻌﺎﺗﻚ ﻓﻴﻬﻮ ﺗﻄﻠﻊ ﻏﻠﻂ و ﺗﻜﺘﺸﻒ ﺍﻧﺖ ﻗﺪﺭ ﺷﻨﻮ ﻛﻨﺖ ﻏﻠﻄﺎﻥ ﻭﻣﺎ ﺣﺴﺒﺘﻬﺎ ﺻﺎﺡ

بس ما تفكر ولا حتي ﺗﺤﺎﻭﻝ ﺣﺘﻲ ﺗﻠﻮﻣﻮ ﻻﻧﻮ ﻫﻮ ﻛﺪﻩ ﻭﻃﻮﻝ ﻋﻤﺮﻭ ﻛﺎﻥ ﻛﺪﻩ ﺑﺲ ﺍﻧﺖ ﺍﻟﻤﺎ ﻛﻨﺖ ﺷﺎﻳﻔﻮ ﺻﺎﺡ

ﻫﻮ ﻣﺎ ﻋﻤﻞ ﻓﻴﻚ ﺷﻲ ﺍﻧﺖ ﻋﻤﻠﺖ ﻛﻞ ﺩﻩ ﻓﻲ ﻧﻔﺴﻚ ﺑﺲ ﻛﻤﺎﻥ #ﻣﺎ_ﺗﺤﺎﻭﻝ ﺣﺘﻲ ﺗﻠﻮﻡ ﻧﻔﺴﻚ ، ﻣﺎ ﻋﻴﺐ ﺗﻜﻮﻥ ﻃﻴﺐ ﻭﺗﻈﻦ ﺍﻟﺨﻴﺮ ﺩﺍﻳﻤﺎ ﻭﻻ ﻋﻴﺐ ﺗﺘﻮﻗﻊ ﻭﺗﺘﻨﻈﺮ ﺍﻟﺨﻴﺮ ﻳﺠﻴﻚ ﻣﻦ زول ﺍﻧﺖ ﺷﻔﺘﻮ ﻛﻞ ﺍﻟﺨﻴﺮ

ﺑﺲ ﺍﻟﻌﻴﺐ #يا_عزيزي ﺍﻧﻮ ﺗﻐﻠﻂ ﻭﺗﺎﻧﻲ
ﺗﻐﻠﻂ ﻭﻣﺎ ﺗﺘﻌﻠﻢ ﺷﻲ

ف ﻣﺎ ﺗﻨﺪﻡ ﻉ ﻣﻌﺮﻓﻪ ﺫﻱ ﺩﻱ ﺑﺲ ﺧﻠﻴﻬﺎ ﻟﻴﻚ ﺩﺭﺱ ﻳﻌﻠﻤﻚ و ﻣﺎ ﺗﺘﺴﺮﻉ ﺗﺘﺤﻜﻢ ﻓﻲ ﻧﻔﺴﻚ ﻭﻓﻲ ﻋﻮﺍﻃﻔﻚ

ما ﺗﻌﺘﺒﺮ ﺯﻭﻝ ﺫﻱ ﺿﻠﻚ ﻣﺎﻟﻢ ﺗﺘﺄﻛﺪ ﺍﻧﻮ ﻡ ﺡ ﻳﺨﻠﻴﻚ ﺍﻭﻝ ﻣﺎ ﻳﺤﻞ ﺍﻟﻈﻼﻡ

علاقة ح تعلمك ﻣﺎ ﺗﺪﻱ ﺛﻘﺘﻚ ﺍﻻ ﻟﻠﺒﺴﺘﺤﻘﻬﺎ ﻭﻣﺎ ﺗﺜﻖ ﺷﺪﻳﺪ ﺑﺲ ﺗﺨﻠﻲ ﺩﺍﻳﻤﺎ ﻣﻌﺎﻣﻞ ﺍﻣﺎﻥ (فاهمني صح ) ؟؟

ﺍﺯﻋﻞ ﻭﺍﺗﻀﺎﻳﻖ ﻭﺍﺗﺼﺪﻡ ﻣﺎﺍﺍ ﻣﺸﻜﻠﻪ ، ﺑﺲ ﻣﺎ ﺗﺨﻠﻲ ﺧﻴﺎﺭ ﻏﻠﻂ ﻳﺄﺛﺮ ﻋﻠﻲ ﺣﻴﺎﺗﻚ ﻭﻳﺨﻠﻴﻚ ﺗﺸﻮﻑ ﻛﻞ ﺍﻟﻨﺎﺱ ﻛﺪﻩ زي ما انا كنت بتكلم فوق قبل شويه بس ﺧﻠﻲ ﻓﻲ ﺑﺎﻟﻚ ﺩﺍﻳﻤﺎ ﺍﻧﻮ ﺍﻟﺠﺎﻳﻲ ﺍﺣﻠﻲ ﺍﻛﻴﻴﻴﺪ 👀💜


انور ادم

🌟

💕 فُضفُضۃ فُي ِِهـدًوء💕 @hdoo5

كان عندي صديقه لي مخطوبه
المهم خطيبها لما شاف يدها ولاحظ من قريب قال ليها انتي #عروقك_ظاهرة كدا ليه شكلها كدا مخيف شويه ، المهم بعد فترة #فسخو_الخطوبه

لما اتزوجت و راجلا #مسك_يدها لآول مرة قال ليها تعرفي انو يدك شكلها حلو شديد وعروقك الظاهرة دي مخليها احلى

#وواحدة_تانيه كانت متزوجه وطول الوقت راجلا بقول ليها جسمك محتاج يخس لانك #سمينه_شديد ولما انفصلت منو وارتبط وهي بتتكلم مع خطيبها قالت ليو انا بعمل رجيم ، قال ليه ؟؟ قال ليها انتي عودك مناسب جدا { مع العلم انها كانت بنفس الوزن }

#وواحدة_تانيه غيرها كانت بتاكل العيش بالاطراف وبتخلي الباقي خطيبها بقي يقول ليها انتي #زوله_حنكوشه ومدلعه وشايفها انسانه مستهترة ولما انفصلت منو اتخطبت ل واحد واتزوجت

راجلا لاحظ انها بتاكل اطراف العيش بس قام سألها وبقت تحكي ليو التفاصيل من وهي صغيرة و حكت لي السبب الخلاها تتعود علي كدا وبعد ما خلصت كلامها
ابتسم وقال ليها باقي العيش بتاعك انا ح اكلو #كل_يوم

الخلاصه في التلاته حالات الفوق دي
انو ما ترتبط غير ب البشوف الحاجات العاديه العندك انها اجمل حاجه ، البحب طبيعتك زي ما هي بدون ادنى تعديل منك ، لآنو البشوف طبيعتك وما يحبها عمرو ما ح يشوف المميزات ويمكن يعتبرها عيوب

الحاجات دي بالرغم من انها بسيطه آلا انها بتفرق في العلاقه شديد

{ركز واختار صح }...🤤🍂


انور ادم

🌟

💕 فُضفُضۃ فُي ِِهـدًوء💕 @hdoo5

عارف ليه نحن لسسه اصحاب ؟
عشان عمرك ما قلت لي ما بتسآل ليه
ولا الا اسأل انا
عمرك ما عاتبتني علي غيابي
ومهما انا اغيب وابعد برجع بلقي مكانتي محفوظه جواك 🥺❤️

امس كنا بنتفاكر ونبدى وجهت نظرنا في
{ الحب الآول } و { الحب التاني }
والافضل والاصدق شنو بينهم الاتنين

واحدة قالت { انو الحب الآول صادق لآننا بنتعامل بفطرتنا وبنبني احلام وردية من غير ما نهتم بالواقع وبالقروش او الشغل او الحياة الاجتماعيه ، عموما بنتخيل الحياة كلها ما بتقدر توقفنا لو فينا الرغب نكمل مع الزول ال بنحبو...! يعني ممكن نهرب معاو ، ممكن نسافر ، ممكن نتحدي آي عائق في الدنيا في سبيل اننا نعيش مع بعض وهنا بس دي لذة الحب الآول يا انور ، وافتكر العاش الحب الآول بكل تفاصيلو صعب جدا ينجح في أي علاقة بعد كدا لو الحب الاول انتهى !

بس انا بالنسبة لي عشت #الحب_الاول واخدت #آول_صدمه و آول شاكوش هههه في حياتي { اتغيرت 180 درجه } يمكن تقول انطفيت بسببه

الطفل الجواي ادمر
بقيت انسان عدواني
ماف حاجه بتعجبني
ما راضي عن اي حاجه
باكل بس عشان اعيش
كنت بنجح عشان بس ما ازعل اسرتي
لكن من جوا #مدمر_حرفيا

عايش علي النمط دا #فترة_طويلة لحد ما قربت مني زوله وكنت رافض وجودها نهائي وما مديها ولا نص فرصه عشان تقرب مني حتي كنت ما بطيق سؤالها
بس في كل مرة بتقرب اكتر وبتهتم اكتر
لحد ما مرة فاجئتني ب انها بتحبني
قلت ليها انا عاجز ما عندي طاقه احب بيها مشاعري كلها استذفتها في حبي الاول ف ابعدي مني وعيشي حياتك ب سلام

قالت لي { يمكن انت بقيت رماد } بس انا حبيت الرماد دا .. صراحه في اللحظه دي عجبني كلامها بس رفضت العلاقه بشدة

-"اتفقنا نبقي اصحاب "-

بقت معاي لانها عايزه تبقي معاي
ضيعت طاقه و مجهود كتير معاي لمجرد انها تفرحني ونجحت

ف بقيت اهتم بنفسي من جديد
لقيت نفسي بضحك من جواه قلبي
بغني وبتهابل في وجودها بعد ما كنت بموت وما عايز حاجه من الدنيا

حبيتها وحبيتها جدا
عشان اختارتني وسط #مليون_ولد
عرفت ترجعني افضل من الاول

افتكر ال حباني وانا رماد ومكتئب يستحق الحب وانا حياتي جميله وطبيعيه صح ؟؟

انا متآكد انو { الحب التاني } دا اصدق حب لانو في الحقيقه ماف حاجه اسمها { الحب الاول } و { الحب التاني }.. الحب هو الحب البدوم

اي نعم #التجربة_الاولى بتكون اصدق بس ما بنعرف حب حقيقي الا كملت بالعلاقه الابدية غير كدا لا

صعوبه #آول_تجربة ممكن تكون ف الطاقة والمشاعر ال بنستهلكها في الاحلام والطموحات ال بنبنيها من غير اي اساس لكن ف #التجربة_التانية بنعيش بالعقل والقلب مع بعض ودا ال يعتبر حب

لو آول شخص حبيتو علاقتك بيه انتهت يبقي دا الوجع الاول م الحب الاول 🌚🍂

انور ادم
🌟

💕 فُضفُضۃ فُي ِِهـدًوء💕 @hdoo5

{ما كل حاجه ليها بديل}

في اماكن #بتفضل_فاضية ماف زول بقدر يملاها مهما حاول ، في عشرة ما بتتنسي بكل تفاصيلها ، في مواقف بتفضل محفورة جواك #بنفس_إحساسها

في خذلان ما بتغفر ، في لحظات حزينه جدا كنت فيها براك لما اقرب ليك زول سابك ومشى

كل لحظه من دي #بتشكل_شخصيتك وبتزود نضوجك ومرات بتخليك اصعب واعنف مع نفسك قبل ما تكون مع الناس 🥺🚶‍♂

انور ادم

🌟

💕 فُضفُضۃ فُي ِِهـدًوء💕 @hdoo5

كان في #اتنين_رسامين بيرسمو في مكان عالي
وهم الاتنين واقفين علي سقاله

واحد منهم قرب يخلص #من_الرسمه قام رجع شويه عشان يشوف الرسمه من بعيد هل هي حلوة ولا شينة

فرجع شويه لقي #الرسمه_حلوة وعجبتو وكل ما يرجع بتعجبو اكتر واكتر لحد ما بقي ع اخر خطوة من السقاله من غير ما يحس

صحبو شافو وخاف قال لو قلت لي اعمل حسابك ح تقع يقوم يتخلع وفعلا يقع ويموت ، قام بسررعه جاب فرشه ب اللون الاسود ومسح بيها #الرسمه_السمحه وبوظها ليو

صحبو جا جاري عليو جاط فيو قال ليو ليه كدا #خربت_الرسمه وانت عارف انا تعبت فيها قدر شنو

صحبو باختصار قالو لو فضلت معجب بيها اكتر من كدا كنت ح تموت ي صحبي

كتير بنشوف حاجات حلوة وبنجري وراها ومن كتر اعجابنا بيها من غير ما نحس بنرجع ورا لكن من فضل ربنا علينا انه بيجي في #انسب_توقيت ويكشف لينا اي شي مزيف كنا مخدوعين فيه

ربنا كان ليو حكمه ان فلان يسيبك او يبيعك عشان يقول ليك خد بالك

{انت بترجع ورا}..🥺❤️

انور ادم

🌟

💕 فُضفُضۃ فُي ِِهـدًوء💕 @hdoo5

#ﺍﺗﻌﻠﻢ_ﺍﻟﻤﻮﺍﺟﻬﻪ
#ﺍﻭﻋﻚ_ﺗﺘﻬﺮﺏ ﻣﻦ ﺯﻭﻟﻚ
ﻟﻮ ﻛﺎﻥﻋﻨﺪﻙ ﻟﻴﻬﻮ ﺍﺣﺴﺎﺱ ﻓﻲ ﻳﻮﻡ ﻣﻦ ﺍﻷﻳﺎﻡ ﻭﺍﺣﺴﺎﺳﻚ ﺭﺍﺡ ﺍﻭ ﺣﺴﻴﺖ
ﺍﻧﻜﻢ #ﻣﺎ_ﻣﻨﺎﺳﺒﻴﻦ ﻭﺷﺎﻳﻒ ﻣﻦ ﺍﻷﺣﺴﻦ ﺍﻧﻚ ﺗﻨﻬﻲ ﻋﻼﻗﺘﻚ ﺑﻴﻬﻮ ﺃﻭ ﺑﻐﺾﺍﻟﻨﻈﺮ ﻋﻦ ﺍﻷﺳﺒﺎﺏ #ﺍﻗﻌﺪ_ﻣﻌﺎﻫﻮ ﻭﺍﻧﻬﻲ ﻋﻼﻗﺘﻚ ﺑﻲ ﺍﺣﺘﺮﺍﻡ ﺫﻱ ﻣﺎ ﺑﺪﻳﺘﻬﺎ

ﺑﺲ #ﺍﻭﻋﻚ_ﺗﺨﺘﻔﻲ ﻣﻦ ﺣﻴﺎﺗﻮ ﻓﺠﺄﻩ ﻣﻦ ﺩﻭﻥ ﺳﺎﺑﻖ ﺍﻧﺬﺍﺭ ﻋﻠﻰ ﺍﺳﺎﺱ ﺗﺴﻴﺒﻮ
ﻳﻔﻬﻢ ﺑﺮﺍﻫﻮ

ﻣﻬﻤﺎ ﻛﺎﻧﺖ #ﺍﻟﻤﻮﺍﺟﻬﻪ_ﺻﻌﺒﻪ ﻣﺎ ﺡ ﺍﺗﻜﻮﻥ ﺍﺻﻌﺐ ﻣﻦ ﺍﺣﺴﺎﺳﻮ ﺑﺎﻟﻀﻴﺎﻉ ﻭﻫﻮ ﺑﻔﺘﺶ ﻋﻠﻴﻚ ﻭﻣﺎ ﻻﻗﻴﻚ 🥺❤️

انور ادم

🌟

💕 فُضفُضۃ فُي ِِهـدًوء💕 @hdoo5

في فلم { هيبتا } الناس الحضرتو
ماجد الكدواني قال جملة في منتهى الخطورة

{ لما تبقي منتظر من اللي بتحبه انه هو يسد احتياجك وميسدش ؛ بتبدي تكرهه ؛ لانك عريت نفسك قدامه ؛ بينت له ضعفك وهو مقدرش ؛ ف انت اتصدمت}

المقصود من الجملة :-

#التعرى_العاطفي والنفسي قدام الزول البتحبو دي من ابشع المهام الممكن تقوم بيها ؛ علي قدر ما هي أمتع واصدق اللحظات البتعيشها معاو علي قدر ما هي بشعة لانك لو بينتها للزول المفروض يكون دنيتك ؛ بينت ليوو احتياجك وضعفك وهو ما قدر دا ولا حتي خلاها في اولوياتو

دا ما بس ح يحسسك بالخذلان
دا بخليك تفكر #الف_مرة قبل ما تعتبرو سند ؛ ح تفكر الف مرة قبل تسلمو مفاتيح #شعورك_بالامان

انتظارك في انو #يسد_احتياجك دا براهو بعادل الف مرة #آلم_نفسي يومي لمريض قلب يآس من التعافي

ف عشان كدا #اختار_صح
عشان يوم ما تنخرط في احزانك واحتياجك الشديد لزول بتحبو يشوف انو دا بالنسبه ليو نقاط قوتك ما #نقاط_ضعفك 👀❤️

انور ادم

🌟

💕 فُضفُضۃ فُي ِِهـدًوء💕 @hdoo5

ما تنتظر لطف وتعاطف من زول
لما الحياة تديك #ميه_سبب عشان تنهار وتبكي ؛ انت ظهر ليها انو عندك #الف_سبب يخليك تبتسم وتضحك

في اوقات بتحس انو دي #النهاية
بس ح تكتشف انو دي #البداية
في ابواب بتحس انها مقفولة
بس ح تكتشف انها #المدخل_الحقيقي

كل الناس الحوليك بعتقدو انك مسالم جدا وانت مشغول مع نفسك بالحرب

لما تقعد براك #اغلبيه_الناس بتفتكر انه دا إكتئاب ؛ لكن دي #لحظة_راحه بعيد عن تطفلات البشر

مرات بتتعجب ب #كتابات_الناس
ما عشان كتاباتهم نادرة او جميلة
لكن اتعجبت عشان اتكتبت في الوقت الكنت عايش او ماري بنفس الموقف

{ قول انا عظيم في عين نفسي
لاني براي عارف صراعاتي ومعاناتي وانكساراتي وانا شاهد علي كل اللحظات الكانت ح تهزمني وما اتهزمت }

عموما التعامل #مع_البشر بمختلف عقلياتهم و طباعهم و أخلاقهم بحتاج ل صبر وأحيانا ل تغافل متعمد عشان تستمر علاقتك معاهم

{ تعال تنفق }
انو الحياة بتحتاج ل التجاهل لبعض الحاجات ؛ زي تجاهل أشخاص ؛ تجاهل أفعال ؛ تجاهل كلام

ف #عود_نفسك على التجاهل الذكي ما كل حاجه بتستحق وقفه

الحياة عبارة تجارب ومساحة كبيرة للمغامرة، ف لو ما عندك روح المغامرة والقدرة عليها ولو ما بتتحلي بالجرأة اللازمة لخوض #معركة_الحياة ما بتقدر تعيش وتبقي واقف في مكانك

ف اتقرب من الناس البفتحو في روحك #جوانب_خضراء كل مرة ؛ الناس البتقول ليك انك بتقدر تضيء العالم في لحظه قريبه ؛ دا بشجعك وبملاك طاقة تخليك تلقي نفسك #وسط_حلمك الدايما كنت بتتمنا وبترددو

{ ما تفقد الامل..ابشر بالفرح القريب }

انور ادم

🌟

💕 فُضفُضۃ فُي ِِهـدًوء💕 @hdoo5

انا لما اكون مضايق ومخنوق
واجيك انت بالذات ؛ ما بكون مستني منك #كلمه_معليش وربنا موجود وكل شي ح يبقي تمام بس انت اصبر

يااخ افهم انو #كلمه_معليش والكلام دا ما ما ح تطيب ولا ح تغير شي

اي نعم #انا_مؤمن زيك وعارف انه ربنا موجود واحسن من اي بني آدم و ح يفرجها من عندو

بس انا لما جيتك
كنت مستني بس #احتواء ومستني احس ب #أهتمام في عيونك او علي الاقل في كلامك

#كنت_مستني احس آني فارق معاك همي همك وشاغلك زي ما شاغلني ؛ تطلعني من ال انا فيو ب طريقتك و ب #اسلوبك_الخاص ال انت عارفو ؛ ما محتاج اطلبه منك ولا حتي اشاورك عليه و احس بقوة منك لي تقوى ضعغي

مستني وقفتك جنبي ما واقف قصادي وبتتفرج علي وتقول #لي_معليش

{ ليك} 🙂

انور ادم

🌟

💕 فُضفُضۃ فُي ِِهـدًوء💕 @hdoo5

نحن غالبا ما نقدم للشخص حاجات نحن في الاصل بنكون محتاجين ليها

ف لما نقدم الاهتمام لي #انسان_معين بنكون #محتاجين_للآهتمام دا منو كمان

لما نتعامل معاو غير كل الناس كذالك محتاجين #نفس_التعامل

نحن ب طبعنا بنقدم الحاجات المحتاجين ليها فعلا وما بنلقاها #عند_غيرنا

{ ي انت لما تلقي شخص بهتم بيك وبعاملك غير كل الناس .. اتعامل معاه بنفس او بشبهه الحاجات البقدمها ليك لانو محتاج الحاجات دي تجي منك من غير ما يلمح ليك }🥺❤️

انور ادم

🌟

💕 فُضفُضۃ فُي ِِهـدًوء💕 @hdoo5

تعال نتفق انو في بنات
ما عندهم نقطه ضعف
يعني لا الوسامه ؛ لا القروش ؛ ولا الشهوة ؛ ولا الشهرة

اي نعم بتحب كل الحاجات دي بس ما بتضعف قدامهم ولا عندها نيه انها تتنازل في مقابل اي حاجه منهم

النوع دا من البنات التعامل معاها ببقي مرهق عند #بعض_الاولاد

#تعال_نتفق كمان انو في اولاد بحبو البت العندها نقطه ضعف ؛ يعني مدخل يقدر يقتحم منو ؛ او حاجه يقدر يمسك بيها زمام الامور

البت تكون ليو مالكه زي ما بقولو
يمتلكها ويستغل ضعفها قدام الحاجه ال بتحبها ف بقدر في كل مرة يخليها ترجع ليه من #نفس_المدخل مهما حصل

المهم #البت_القوية الما عندها نقطة ضعف لما تنكسر بتتقسم ل نصين اتنين غير قابلين للتصليح لانها بتكون وثقت وقدمت وحبت #بدون_مصلحة وبدون مغريات ؛ وثقت ولقت انو الثقة ما طلعت في محلها

وقتها ح #تشوف_شخص تاني خالص ومختلف تماما عن ال عرفته

#الخذلان بحول النوع دا من البنات لشخص تاني غير ال حباك وعرفك

بتحول ل شخص ممكن تخاف منو حرفيا ودا لآنو ما عندها نقطة ضعف ممكن تماين عشانها او ترضخ ليك عشان تفوز بالحاجه ال بتضعف قدامها ؛ ولما تقفل الباب فيك بتقفله ب #ميه_ترباس

انت ح تتعجب من الجبروت دا
تقول بينك وبين نفسك الشخصيه دي كانت مدسيه وين هههه

ح تقيف قدامك راس ب راس
ماف اي مغريات ممكن تخليها تتراجع عن قراراتها

النوع دا طلباتو #بسيطه_جدا
بس ثقتها فيك تكون في محلها مع حبه احتواء و تقدير ؛ ووقتها بس ح تحس انو الدنيا كلها بين ايديك وفي حضنك

اما وسامتك وقروشك وكلامك الحلو بالنسبه ليها حبه سبرتو مجرد ما تفتح الغطاء ح يطير 😹❤️

انور ادم

🌟

💕 فُضفُضۃ فُي ِِهـدًوء💕 @hdoo5

ملاحظين في الأيام دي كثرة #موت_الفجاءة والقتل والمرض والحريق والحوادث والطلاق والخلافات بين الناس أكيد زول مننا راجع #نفسو_وخاف

طيب السبب شنو ؟

مواقع #التواصل_الإجتماعي هي السبب

كيف لكن ؟

الميديا بقت عبارة عن #تعري_بيوت !! برضو كيف؟

مثلا تقولي أنا طالعة #شارع_النيل مع ناس بيتنا مبروووك لراجلي #السيارة_الجديده أنا #في_المول
بشتري لأخواني في #ملابس_العيد
#معزومه عند نسابتي
#مرتي جابت لي هديه
#مسافر إلي تركيا في المطار الأن والخ

دي كلها #منشورات_مالية مواقع #التواصل_الإجتماعي واحنا ماجايبين خبر

ما جايبين خبر إنو في هناك #عيون_حاقدة وحاسدة ومتربصة

#يقول_تعالي:- {قال ي بني لاتقصص رءياك علي إخوتك فيكيدوا لك كيدا}

ده نبي بيحذر نبي من #حقد_إخوانه عليهو فما بالنا #بغرباء_النااس

قال صلي الله عليه وسلم:- {أكثر من يموت من أمتي بعد قضاء الله وقدره بالأنفس} #يعني_بالأعين

يلا نحافظ علي بيوتنا وابناءنا من العين والحسد نرحم أنفسنا شوية ونستتر #علي_بيوتنا🥺❤️

انور ادم

🌟

💕فُضفُضۃ فُي ِِهـدًوء💕 @hdoo5

دائما الانسان المناسب بجينا في #االوقت_الغلط

او نحن البنكون ضيعنا #ااالزمن_الصحً مع الانسان الغلط

بعد مآ #تتبلد_مشاعرررنا ويتحجر الاحساس الجميل

بنلقي انسان قمه #في_الروووعة
انسان #رومانسي شديد او بي دارجيتنا زوول حبيب لمن غلط ده #ااالانسان_ااالبناسبنا

يقوم يدينا احساسوو الجميل ويفتح لينا قلبوو
بس بتفاجأ #بردودنا_اتجاهووو

وبعد كده ح يجيهو الاحساس داك انو هو ما مرغوب في حياتنا وبالنسبة لينا #مصدر_ااازعاج

فيبدا ينسحب ونحن بنكوون #عااايزنو_شديد
بس ما بنقدر نديهو #نفس_ااالاحساس والشعور الادانا ليهو

عشان كده ح يحس انو هو مجرد #ااانسان_مهمش كده كده ح #يخلينا

ودا كلو بي #سبب_ااالانسان السلب مننا كل السمح الكان #جوانا في يوم #من_ااالأيام 🥺

انور ادم

🌟

💕فُضفُضۃ فُي ِِهـدًوء💕 @hdoo5