عشان #تبسط_زوول
القصة ما بتكلف أكتر من
رغبتك في الحاجة دي

وإنك تاخد #خطووة_تجااهها
وقتها الكلمة بس قادرة على إنها #تخلق_الفررق

خليك من لما تبقى نظرة و إبتسامة

{فرح بعض الناس أرخص شي غالي}

انور ادم
🌟

💕فُضفُضۃ فُي ِِهـدًوء💕 @hdoo5

كل نوع من #انواع_العلاقات
بتصيبا فترة برود
بيقل الاهتمام والسؤال
تحس كآنو #العلاقة_انتهت

بس دا مجرد اختبار #لدرجه_الحب بيناتكم
#عشان_تعرف منو ال ح يصبر ل النهاية
#عشان_تعرف كمان منو الواثق انو دي مجرد فترة و ح تعدي

تعرف اذا العلاقه دي بتستحق تكمل فيها
ولا ح تكون زيها وزي اي #علاقه_عابرة
الحب ما بالسنين الحب #بصدق_المشاعر والثقة المتبادلة

كم واحد فينا #حب بس مع مرور الزمن عرف انو الحب كان من طرف واحد
كم واحد فينا #اخلص وما لقي الاخلاص
كم واحد فينا #وثق وما لقى الثقه

الحب حاجه ما بتقبل #القسمة علي اتنين بس #المشاعر وصدقها بتقبل القسمة ع اتنين..!


{تآملوها}..!👀

انور ادم

🌟

💕 فُضفُضۃ فُي ِِهـدًوء💕 @hdoo5

ما تبقي طيب #لدرجه_الهبل
ما تغمض عيونك عن حاجات لدرجه العمى

اي نعم #انت_فاهم وعارف كل حاجه بس بتدي مبررات ل الناس ما بتعمل حاجه غير انها توجعك بالاهمال والبرود

العصبيه والبرود والاهمال ما حبابا
و اي شخص بعاملك بطريقه ما بتستحقها #افصلا_منو من غير اي مبرر

ببساطه الحاجه الجوة الزول بتطلع في علاقتو بيك وممكن حاجه تانيه خالص تطلع عكسها من #نفس_الزول في علاقه تانيه

يعني البهملك ويوجعك ويهينك ممكن شديد يحترم ويهتم ب غيرك لانو ببساطه اكتر دا ال جواه ليك ودا ال الجواه لغيرك #فهمتني ؟؟؟؟

#اوعك تفتش مبرر ل زول
بتجاهلك او بهملك
#اوعك تقنع نفسك بشخص بوجعك

احسن ليك تواجهه نفسك بالحقيقه
وهي انو دا { ال جواه ليك } ودا ما طبعه ولا حتي حقيقته

لآننا كلنا #جوانا_الخير والاهتمام وحاجات كتيرة حلوة بس الفكرة انها ما بتطلع لاي زول .. في #ناس_بتختار تطلع خيرها ل زول معين وفي نفس الوقت بتوجع زول تاني

ب #اختصار_شديد
ما تمسك في زول ما ماسك فيك
ما ترمي نفسك في علاقه بتستزف طاقتك

ابعد لو انت ما مهم
بدل ما يجي يوم تلقي الشخص بدي كل حاجه انت كنت بتديها ليو بديها لغيرك

عشان #تكسب_زمنك اكتر
العلاقه المبنيه علي الصراحه والصدق والوضوح والثقه المتبادلة دي البتكون ناجحه حتي لو قابلتها كميه من الصعوبات

اذا الحاجات دي ما متوفرة في العلاقه
ببساطه { افصلا } 🌚✌️

انور ادم

🌟

💕 فُضفُضۃ فُي ِِهـدًوء💕 @hdoo5

من عاداتي الكعبه اني بشوف نهايه الحاجات من بدايتها وبالرغم من دا كلو بكمل الطريق لي النهايه عشان بس آتاكد من ذكاء غبائي الشديد !

انور ادم

عيشو علي مبدأ ممكن تكون اخر مرة لينا مع بعض ، لآنو يوم من الايام ح تكون اخر مرة فعلا
الغياب الابدى كلنا بنعيشو بس بالدور !

انور ادم

#الغياب بكشف لينا كمية التعلق ب زول
او كمية الراحة النفسية ب غياب زول
الغياب حاجه مهمه
بظهر #حقيقه_شعورك وشعور اللي غاب بدون مجاملات او تصنع 🙂

انور ادم

ممكن انتي تتزوجي بدري عشان ما يفوتك #سن_الزواج ال انا ما عارف هو كم ومنو الحددو اصلا
او تتزوجي عشان كلام الناس

بعدها تحسي انك اتسرعتي وتبقي #ما_سعيدة وتحصل ليك مشاكل لدرجه اهلك وناسك سامعين وعارفينها والناس تتكلم

ممكن تتزوجي بس عشان #عايزة_اطفال
و ربنا ما كاتب ليك تخلفي سواء منك او منو

#ممكن_تتزوجي عشان بس زهجتي من العيشة في بيتكم .. وممكن وممكن الخ...

#الزواج_نصيب
ح تقعدي ترفضي ناس كتير وانتي صغيرة او كبيرة المهم ما بتفرق

ممكن #ترفضي_شخص والزمن يلف ويلف ويرجعك تاني لنفس الشخص وتوافقي وتكملي معاه حياتك وانتي سعيدة

ممكن كمان توافقي علي شخص بتتمني من كل قلبك والموضوع ما يكمل للنهايه

ياريت تفهمي ان اللي ربنا كاتبو ليكي لا #رفضك ببعدو ولا #قبولك ح يقربو☺️👌

انور ادم

🌟

💕 فُضفُضۃ فُي ِِهـدًوء💕 @hdoo5

في تفاصيل كتيره لو كنت بتحب الزول القدامك ح تشوفها #حاجات_حلوه ح تفقدها منو لو بطل يعملها ليك ح تفهمها ليهو صاح ﻷنك عارف انو هو لو ما كان بحبك

ما كان انتبه لي انك ما رديت على رسالتو ولا كان فقد قولة تصبح على خير منك وجملة صباح الخير منك ما كانت ح تفرق معاهو ولا كان ح يرسل ليك اغنيه من الأساس خليهو كمان يستنى تعليقك عليها لا كان ح يحس إنو يومو ناقص و انت مافي ولا كان بتهمو صلاتك ولا اكلك ولا شرابك ولبسك اذا كان كويس او لا ما كان ح تكون دي حاجه من اختصاصو

لو في لحظه حسيت انو الحاجات الفوق دي خانقاك ومضايقاك صدقني معناها انت محتاج #تراجع_احساسك بي زولك

وخليك عارف انو لو هو بطل ينقنق فيك تأكد تماما انو حصلت حاجه وحده بس ، وهي انو #فقد_احساسو بيك

يا ريت تقرأ #دواخل_زولك في تصرفاتو عشان في حاجات بتحتاج منك بس تفهمها صاح وتاخد بمعناها الحقيقي


{دنيا بالحب سهلة جدا}..♡


انور ادم

🌟

💕 فُضفُضۃ فُي ِِهـدًوء💕 @hdoo5

مرات #بجينا_اااحساس اننا عايزين الأيام ترجع بينا عشان في #حاااجات_كتيره نفسنا نعيشها تاني

وحاجات كتيره تانيه كان نفسنا #نتصرف فيها بطريقه احسن من كده زي #ناااس_كتار عرفناهم من سنين

في الندمنا اننا ضيعناهم وفي الندمنا اننا عرفناهم ودخلناهم حياتنا #من_االأساس

الأيام الماشه دي ماشه #من_عمرررنا عمرنا الواحد ومافي منو تاني فشنو #لازززم_نعيشو صاح ونكون راضين عنو

واي زول #واااقف_لينا في طريقنا ما نفكر كتير نتخلص منو في اللحظة وانو نكسب نفسنا وعمرنا 🙂

انور ادم
🌟

💕فُضفُضۃ فُي ِِهـدًوء💕 @hdoo5

البمش لي غيرك خلي لي غيرك
البنشغل عنك ما تدي دقيقة من وقتك ، #ببساطه_اكتر .. ألشخص البتدي اكتر من قيمتو بنسي حقيقتو 🙂👌

انور ادم

كلمة { الونس } ما مجرد كلمة بسيطه ، هي بالنسبة ل زول تاني #أمنية_عظيمة و بالنسبة لي بعض الناس #حلم_بعيد شديد أنه يتحقق او يلقوهو يوم من الايام
في ناس #حظهم_حلو لقوهو فعلا وعايشين ب حسه

ألونس هو الزول ال انفاسو الطبيعيه ما بعرف يتنفسها إلا وجودك جمبو

الحظ او الصدفه الرهيبه الجمعتك ب شبية روحك و توأمك النفسي
بتحس انو كتير عليك ، هو البمنع #احساسك_بالوحدة والخوف والقلق لآنو سبب رئيسي في #وجود_ألامان

#شخص ما بتوصف بالكلام
#شخص مستعد يرمي ماضيه ومستقبله في سبيل لحظه يقضيها معاك

#الزول_الونس
دا نعمة يا تستحقها يا ما تستحقها انت ونصيبك ، يا ح يكون منصفك الحي ، يا ح يكون منصفك المميت
يا اما نصك الضايع ال ح يكمل فيك النواقص ، يا ح يكون نصك المتهالك ، هو اليدين ألبتحاوط مخاوفك ووجعك ووحدتك

الشخص القابلك زي ما انت و فاهمك و حافظك وساندك ب كل الجوراح الفيو .

لو في شخص في حياتك #ونس_ليك بالجد اسمع مني حافظ عليه بدمك وعقلك و قلبك لانو ما بتعوض

اي نعم ساهل جدا زول يشاركك الحياة ، لكن انك تلقي الزول الما بعرف #يعيش_الحياة غير من خلالك انت بس دا صعب وصعب جدا لكن #ما_مستحيل 👀💜

انور ادم

🌟

💕 فُضفُضۃ فُي ِِهـدًوء💕 @hdoo5

مشكلتي اني عندي طبع في شخصيتي ما عايز اغيرو
وهو أني بحب اتعامل معامله خاصه من البحبهم وبحبوني ولو حسيت انهم بتغيرو علي او مكانتي عندهم بقاسمني فيها زول ببعد طوالي مهما كان ألشخص دا قريب مني وبحبو 🥺

في علاقات #ما_بنفع ترجع فيها زي الاول لانو انت غالبا بتبقي حاولت فيها لي #النهاية

ح تلقي انو م بنفع #تعاتب_القدامك او تحاول تنصحو وما بنفع كمان تتعامل زي ما كنتو #في_الاول

بقيت عارف القدامك عمرو ما ح يتغير لانك بقيت حافظ #تفاصيل_شخصيتو و علاقتكم بالملى

{ في حاجات لو انتهت ح تبقي مكسب ليك حتي لو كانت حلوة بس بتكون في غنى عنها }

بتكون في غنى عن اي تعب نفسي من ورا العلاقة دي سواء كانت صداقه او حب او حب من طرف واحد او غيرو

مهما كانت #العشرة بيناتكم ببقي في نهاية لكل حاجه وحتي لو ما انتهت للآبد بكون في برود بيناتكم
برود في السلام و برود في الكلام
يعني ما بكون عندك طاقه انك تتكلم او تفتح موضوع مع ال القدامك

ح تراغب ظهورو ويراغبك
تدخل في #المحادثه بدون ما ترسل #اغلب_الكلام بيناتكم ح يبقي السؤال عن الحال وعن الدراسه والاهل وبعدها تسكتو

ببساطه اكتر بقي #ماف_مشاعر خلاص ومهما عافرت وعافرت ما ح يتغتر شي وماف واحد فيكم ح يرجع زي الاول مهما حاولت تقنع في نفسك انك تدي #فرصه_تانيه وتالته ورابعه بانو اللي قدامك ح يتغير

بس برضو كل واحد ح يفضل بنفس الحال ودا بقفل طريق انك تحاول تاني عشان تبقو كويسين وحلوين #مع_بعض

#اغلبيه_العلاقات بقت تصل للنقطه دي وعلاقات كتيرة انتهت بي السبب دا وانا شخصيا حصلت معاي كم مرة

دي #حاجه_محيراني فعلا وقدر ما اقعد مع نفسي ما بلقي ليها حل
بدخل في علاقات في البعض منها لما نبعد ب سبب ونرجع تاني بواجهه المشكله دي سوا مني او من الطرف التاني وقدر ما نحاول ما بننجح بكون مصيرها زي باقي العلاقات ،، وفي #علاقات_تانيه دخلتها وبدون اي سبب وبدون مشاكل بقت #باردة_جدا وما عارف المشكله وين بالضبط فيني ولا فيهم ولا في الزمن

وفي غيري كتير عايشين في نفس الدوامه وما لاقين حل 😴🚶‍♂


انور ادم
🌟

💕 فُضفُضۃ فُي ِِهـدًوء💕 @hdoo5

انا انسان عادي فيني عيوب وفيني مميزات ، بخطئ و بصيب
بعمل حاجات كتيرة صح وحاجات غلط ،، عندي قناعه انو الزول لما بكون صادق مع نفسه وبحكم ليه وعليه دا بكون اكتر زول بعرف يقيم نفسو كويس وبقدر يشوف هو فعلا بني آدم تقدر الناس تتعامل معاه ومع عيوبه واخطائو وتحبه وتتقبله ولا لا
انا عايز اقول انا ما شخصيه كعبة بالشكل الشايفنو 😊💜

انور

نحن عندنا مبدأ #غريب_شديد في علاقتنا مع الناس ،، مبدأ ممكن يدمر أقوى العلاقات المبنية من سنين ،، مبدأ {طالما استحملت مرة يبقي تستحمل #طول_عمر العلاقه وانت ساكت }

في زول لما يلقي زول بحبه يضايقه ويزهجه ويطلع عينو عشان عارف انه بحبو ف ح يستحمل ويسكت ،، ف عادي يخلي ينوم زعلان ومضايق ،، كل دا #عشان_ضامن ان الزول المطلع عينو معاو بحبو

لو زعلك ولقاك عديت الموضوع وعملت رايح ،، بفكر ان طالما عملت رايح من الموقف دا تاني ح تعمل رايح في اي حاجه تانية وما ليك حق تزعل و تعاتب
{دا بدل ما يقول دا #انسان_محترم وشاريني ومفروض ما اتعامل معاه كدا }

#الحب_مسؤوليه وانت هو اتفقتو تشلو كل حاجه سوا تلقاهو بتمادي ويطماطل وبتحجج ليك بظروف وانه مضغوط في شغل او دراسه ويخليك انت تهتم وتسآل وترسل وهو يتفرج ويسيبك انت تشيل الموضوع كلو

{انت بتنفي حياتك و بتحاول ترضى زول ما معترف بيك حتى}

البستحمل زول او حاجه بدافع الحب والاخلاص والولاء ما لازم تكرهو فيها #بعدم_تقديرك
ما لازم تقطم وسطو او تتعب نفسيتو وما لازم تخليه يندم علي طيبه قلبو واحتوائو للغير

ماف حاجه اسمها الزول دا مسكين وطيب و بسكت ف اجي عليه براحتي واطلع روحو براحتي
انا عايز اقول ليك الزول البتقرفو بي تعاملك ح يسيبك لو ما الليله بكرا لانو كل انسان وليه #طاقه_محدودة مهما كان بحبك ومهما كان شاريك

ما تخسر احسن وانضف زول في حياتك عشان ضامن حبو ليك ،، لانو غالبا ح تصحي يوم ح تلقاو قرر يمشي وما ح يرجع ليك تاني مهما انت عملت 😊💜

انور ادم

🌟

💕 فُضفُضۃ فُي ِِهـدًوء💕 @hdoo5

ما مهم تحب المهم البحبّك البحافظ عليك في حضورك وغيابك #االبهتم_بك البيسأل عنك البشعر أنك #الجزء_الأكبررر والمهم في حياتو

هناك فرق بين النقد والحقد وبين النصيحة والفضيحة وبين التوجيه والوصاية حياة الناس لم تدوّن باسمك عشان توريهم #كيف_يعيشووو

خليك زول ما بفرض نفسو على أي زول ودايما يستصعب الحاجه حتى لو ما بكمل يومك بدونا #ااختار_البعد اذا ما لقيت ليك قيمة و خلي نفسك فوق #ككل_شيء

ما تخسر قيمتك بـ كلمة ولا تفقد احترامك بـ ذلة وما تخلي همَك #في_االدنيا حُبّ الناسِ ليك لانو الناس #قلووبهم_متقلبة تحبك الليله وتكرهك بكرا

بس قبل ما تفتش عن #زوول_جدير بيك إسأل نفسك هل أنت #زوول_جدير عشان يفتش عنك زول؟؟

انور ادم

🌟

💕 فُضفُضۃ فُي ِِهـدًوء💕 @hdoo5