في ناس إحساسنا بيهم #مختلف ما بنلقى ليهو مسمى محدد #مهما_اجتهدنا
ولا بنقدر نختزلو في #كلمات مهما عبرنا

حاجة كده أكبر من #الحب_الإعتيادي
الممكن يحس بيهو شخص عادي
زي الهواء للغرقان أو الموية للعطشان او رجعه للأهل بعد غربة قاسية وغيبة #طالت_عمر

ناس بنحس معاهم إننا #لقينا_روحنا وكملنا بيهم الحتة الناقصة مننا

ناس شايلين في ذاتهم #ملامحنا ونحن لاقيين #صورتهم في مرايتنا

ناس ونحن جنبهم بنشهق من اعماقنا
عشان بس ريحتهم تمشي #في_دمنا

#الناااس_من_حب كيفتمام😍🙈

#انور_ادم
🌟

💕فُضفُضۃ فُي ِِهـدًوء💕 @hdoo5

في عز زحمة الدنيا والأيام #الماشة_بالعكس والفرح الجافي و الحزن المتعلق بيك

حيجي زول واحد يسند حيلك المايل يتحمل تعبك وزهجك وعدم ثقتك وكسرتك #في_الأول

حيبقى دوا #كل_يوم يشفى بيو جرح لحد ماتتعافى وتودع بيو قسوة الماضي وتفتح للمستقبل #الف_باب فرحة
وتبدا عشانو #تحب_الحياة تاني

الحياة الكان لونها #باهت_ورمادي حتاخد الوان تانية #فرايحية ح يلمحوه في وشك
#صوتك
#عيونك
#ضحكاتك
#كلامك_المفرهد وحيزيدك ثقة

ربنا ما بياخد منك حاجة الا عشان يديك بدالها فرحة تعادل الفاتت #الف_مرة وما بكسرك زول الا عشان يجبرك غيرو ومابوديك #طريق_مقفول الا عشان من حيث لاتحتسِب جواه حيتفتح #الف_باب للحياة

#منو_القال ليك الكسرة الانت فيها هسة ما ح تنجبر والدموع دي ما حتقيف والموت الحي ما حيفارقك

لسة في الف طريق والف سكه ونور وفرحة وحاجات حلوة مستنياك
والفرح #جاييك_وعد 😻🌸

#انور_ادم

🌟

💕فُضفُضۃ فُي ِِهـدًوء💕 @hdoo5

المشاكل #مرآه_العلاقه
بمعني مهما كان نوعها وشكلها ومن اي طرف وسببها شنو ومدتها كم مهما كاانت

البحبك بالجد بشرب مرك وهو مبسوط والبتحمل زعلك #ساعه بتحمل زعلك #عمر

بس كمان نحن م نكون انانيين لم نلقى الزول دا ونبقى لييه جرح وسبب عذاب بدل يكون #حب_وفرح

والعايز يفارق بفارق والعاوز يتمسك بتمسك رغم المشاكل #بلقى_العذر
لكن ح يفضل يعذرك لحد ما بطنو تطم منك عشان كدا العاوز فراقك احسن يمشي من يقعد #وبطنو_طامه

او يقعد وانت تعذره لحد ما بطنك تطم منو ونفسك #تتسد_منو

#الحياة_دي_ابسط_من_بسيطه
#العايزك_ما_بجبرو_عليك
#والزول_الصاح_ما_بوصو😉💜

#انور_ادم
🌟

💕فُضفُضۃ فُي ِِهـدًوء💕 @hdoo5

كلمه #بثق_فيك معناها اكبر من كلمه #بحبك لانو ما دايما كل البنحبهم #بنثق_فيهم بس دايما كل #البنثق_فيهم بنحبهم


#تأملوها☺️🌹


#انور_ادم

🌟

💕فُضفُضۃ فُي ِِهـدًوء💕 @hdoo5

من بعد الغياب
حاجي اقول ليكم #ما_تخليكم_انانيين في الحب

وما تسمحوا #لﻻطراف تدخل بينكم
الناس #م_بترحم
وانت م تخلي #عقلك_خفيف الماشي والجاي يلعب بيهو

اوعك تخلي كلام زول يأثر جواك من ناحية #علاقة_معينة
بالمناسبة
انا بالحب بقصد كل العلاقات
اي علاقة بنحب بيها الناس
سواء كان
#حب
#صداقة
#وما_الى_ذلك

الأنانية بقصد بيها
انو لمن تزعل منو ازعل منو على حاجة بالجد #تستاهل_زعل
لمن تزعل منو ازعل #عشان_تعاقبو بس ما عشان تقاطعو

لمن يكون الزعل #كبير_شديد
حاول شوف #الكان_بينكم شنو

شوف #الايام_الحلوة_والمواقف البينكم
فتش عن #حاجة_حلوة ترجعكم لبعض
وان حصل #واستشرت الناس في الزعل دا

استشيرهم بس من دون #م_تشوه سمعتوا
استشيرهم وقول ليهم انا عارف انو #ما_قاصد بس نعمل شنو نحن ما عايزين نخسروا
ازعل وعاقب بس #ايااااك_تكسروا

لو جاك واعتذر #سامحوا_ياخي
عشان لو ما بتفرق معاهو ما كان #سألك
اوعاك #تذلو

عشان والله #العلاقات_والعشرة ما هينة وما بتتعوض

#اكسب_الأشخاص_وما_تكسب_المواقف

لانو المواقف ما حتفيدك والله

ولو حصل انك تعبت وفكرت تسيبهم خلي البيناتكم تكون #عامرة
وخلي الباب #متاكا شوية وخلي حبة ضوء يدخل منو

وخلو الأنانية عشان #الحياة_مشاركة وبما انك قررت تحب
معناها أتنازل شوية ياخي

عشان ما تندم حيث #لا_ينفع_الندم
عشان هو ما حيفضل #منتظرك لآخر عمرو
ولو حصل وقنع منك تاني تفتش في اليرجعو ليك
#وما_حتلقى ✋😊

#إيثار_أبوبكر

💕فضفضة في هدوء 💕 @hdoo5

كلنا عندنا الزول البنحب نفضفض ليهو
أياً كان #نوع_الكلام

نحن جنبو بنحس ب #راحة ما عادية
لا #إراديا بتمشي ليهو و تلقى نفسك بتحكي

وهو بكل حب يواسيك ويقيف جمبك
#فرحت هو ح يفرح أكتر منك
ولو كنت زعلان قلبو ح يحن عليك
و #يخفف_عليك

#خليك_واثق من اختيارك للزول ال ح يقيف معاك في كل أوقاتك

ديل ليهم #ركن_خاص في القلب
معزة غالية ما بتنتهي
ديل #هم_السعادة

#كل_الحب 😍🌹

#انور_ادم


🌟

💕فُضفُضۃ فُي ِِهـدًوء💕 @hdoo5

دايما في الخلافات ما بنلقي #الوقت_الكتيييير عشان نفكر منو الكان #غلطان ومنو الكان #صح

الاحاسيس في اللحظه ديك بتكون #زي_الخلاطه ما بتقدر تعرف انت بتفكر في شنو ؟ او عاوز تعمل شنو؟

#وقت_الخلافات
#في البكون مصدوم
#في البكون زعلان
#في البكون فقد الامل
#في البكون ندمان

#فحاول تاخد #وقت_طويل قبل ما تاخد اي قرار
#حاول تفكر في الخلاف
#حاول القى حلول ايجابيه
#حاول انك تكون الطرف اللين
#حاول يااخ م ح تخسر شي 😍🌹

#فكر_بعقلانيه 👌


#انور_ادم


🌟

💕فُضفُضۃ فُي ِِهـدًوء💕 @hdoo5

مرات كتير بنخلي اوجاعنا ساكنه فينا متمدده في فضاءات الروح المختلفه
يمكن لنو من كتر الخذلان وكتر الصدمات من #الناس_القراب

اتخدرت احاسيسنا وبقي عندنا حاله #خمول_مشاعري وبرود احاسيس وعدم اكتراث بي اننا نطلع الحاجه الجوانا ودا لننا فتشنا كتير في الوشوش والارواح وما لقينا روحه رفيقه بي معني الكلمه #روح_تحسك قبلي تشوفك روح تستآمنا علي نفسك قبلي ماتستآمنا علي الشي الجواك ، روح عندها قابيله انها تاخد من مواجعك وتشيل روح شياله بتغوص في #عمق_العطاء

صعب كتمان الوجع بس اصعب منو انك تفضل تلف بين ملامح الحوليك لحد م تلقي ملمح لي روح قريبه #من_روحك

ودايما قيمه الحوليك بتظهر في مواقف شدتك وانك تلقي #زول_تفضفض ليهو افضل من انك #تلقي_عشره تتشارك معاهم فرحك

لنو كتيره هي الايادي البتصافحك بي سعاده في ساعه #فرحك بس يد وحده من الايادي الكتيره بتطبطب علي كتفك في لحظات #حزنك

ومع تسارع الحياه وتغيير الموازيين والناس والجفوه الحاصله بقي صعب انك تلقي زول يسمع وجعك بس انت عندك القدره انك #تودر_احساس وجعك في مسارب روحك الكتيره لما احساس الوجع دا يخالط جوطه احاسيس تانيه جواك زي #اشعه_الامل البتتسرب لي روحك كل صباح

حس العشم الكل يوم يكبر جواك تجاه روح شايف انها ممكن تعيد ترتيب روحك من تاني بي مشاعر واحاسيس جديده ومختلفه وتبني جدار روحك الاتهدا وترجع جواك سان من بريق نفسك الفقدتو احساسك بي نسمه #ذكري_حلوه بتمر علي روحك شان تجدد فيها وتديها الانتعاش ☺️💜


#انور_ادم

🌟

💕فُضفُضۃ فُي ِِهـدًوء💕 @hdoo5

لما الناس #بتموت الحياه بتستمر
بس لما الناس #تبعد الحياه بتقيف
غريبه انو الموت بقي #ارحم من #البعد
جايز عشان #الموت_حاسم والبعد فيو احتمالات 😴💔

🌟

💕فُضفُضۃ فُي ِِهـدًوء💕 @hdoo5

كل يوم الشمس بتطلع بكون متفائل بي الصباح من ما الشمس تبدا تغيب ببدا تفائلي يقل وانا #قاعد_مكاني

كل يوم في ناس بتنجز وفي ناس بعملو عمل خير وناس بعملو حاجات جديدة وبطورو ذاتهم انا #ما_اتخلقت عشان كل مرة #اراقب_الشمس كل صباح

انا #محتاج اتحرك
#محتاج افكر
#محتاج انمي نفسي
ما تخلي نفسك مكبوت اتحرك اعمل اي شي

عبر عن رايك اكتب ناقش ما تظلم عقلك حاول اعمل شي مفيد وما تخليك #إنسان_سلبي

عارف لو حاولت تعمل اي شي لازم حتلقى واحد او اتنين من و تلاثه يحاولوا يحبطوك واحيانا #الناس_السلبين بيدونا دافع بس الكلام مبني علي قدرتك لتحمل الاحباطات من حوليك

واحيانا هم نفس الناس البخلونا نتراجع عن احلامنا لمجرد راي منهم وهم احيانا بكون #اقرب_الناس ليك البوجهو ليك #الانتقاد_العلني لتمرد الطموحات

هل في الوقت ح تتنازل عن قرارك لمجرد انهم اقرب الناس ليك؟ وفي اللحظه دي بينتابك شعور انك غلط هم صاح

الحياه محتاجه مننا مثابره لتخطي جميع الازمات من حولنا والابتعاد عن كل مايهدم #تتطوير_النفس

#الزول_السلبي في الاصل زول ما قادر يحقق نجاح وبرتاح نفسيا شديد لما #يحبط_الحولينو

انت ممكن تبدع ممكن تبتكر بس ما ح تعمل شي اذا انت قاعد بتراقب الشمس من #كل_صباح وانت في نفس مكانك 😌👌


#اتحرك
#فكر
#نمى_نفسك
#نفذ

#انور_ادم

🌟

💕فُضفُضۃ فُي ِِهـدًوء💕 @hdoo5

في غريزه في البشر انو لو ما ارتاح وحس بالثقه مع الزول القريب منو اكيد ما ح يحكي ليهو لانو ما كل زول ينفع نحكي لي #عن_الجوانا

ودي بتجي #بالعشره يعني لو ما عاشرتا الزول ما ح تقدر تفهمو وتطمن ليهو

بالجد الدنيا لسه بخيرا وكتير ربنا برزقنا بي ناس لو حمدت ربنا #عمرك_كلو علي معرفتهم ما كفايه بس الكلام دا برجع للاختيار الصح

علي ما اعتقد علي قدر عطاك ربنا ح يديك واهم شي انو الواحد يكون قادر علي العطاء مهما واجهتو خيبات لانو دي فقط تجارب وح نتعلم منها بس ما يعني انو نحنا #نفقد_الثقه في كل الحوالينا لانو الدنيا زي ما فيها الخير فيها الشر

بس نحنا كيف نعرف نتعامل معاهو وكل انسان جواه #بزره_صالحه بس احتمال ما لقت اللي يعرفها ويعتني بيها كويس

ولو كل زول وقف عند #اول_خيبه الحياه ح تكون صعبه ف نحنا لازم نقيف مع بعضنا وكل واحد يكون عندو ثقه في انو ممكن يغير في البعض ولو #حاجات_بسطيه

واضعف الايمان انو يغير في نفسو وكدا نحنا ح #نرقى_بأنفسنا ☺️🌸
‏
#انور_ادم

🌟

💕فُضفُضۃ فُي ِِهـدًوء💕 @hdoo5

الريده الصادقه ما بتموت في قلب المحب ، وإن قابله بشعور معاكس لانو الزول دا ساكن جواك ومشاركك في تخيلاتك وحتكون مستعد في أي لحظة احتاجك فيها تمد ليهو يدك وتبزل #جهد_خرافي عشان تساعدوو بغض النظر عن الخلافات أو الوجع السببو ليك

في البزعل وبزعلو بتغير عليك بدون سبب يخلك زي المجنون ما فاهم حاجه او حتى م قادر تتعرف ع حالك وتسأل نفسك انا عملت شنو ؟ وغلبا ما يكون دا السؤال البدور ف راسك #طول_الوقت
بس ف النهايه تكتشف انو غيروك بي زول تاني وتحاول تتماسك وتتمنى تنسى اي شئ بتعلق بيهو وتمارس حياتك طبيعي وبالرغم من دا كلو
بقول انا ما بحمل تجاهك #ذرة_حقد حياتك وانت حر فيها

في البزعل منك بديك ضهرو ولا بشتغل بيك اصلا ممكن يكون موجوع او نفسو يكون معاك وقت ضيقك بس بقول #كرامتي بس ممكن يسال من اخبارك من بعيد

انت خت الزعل بي اتجاه وكونو اني في موقف يستاهل تقيف معاي دا بي اتجاه ما تلخبط الكيمان وخليك #زول_فاهم

كون مع الزول المحتاجك وقت حوجتو واكيد ما ح يكون اي زول #احتاج_ليك يعني اختارك من بين الاف الناس لي حبو ليك ولي ثقتو فيك فما تخذلو اثبت ليهو #حسن_ظنو فيك وحسنك في معاملتك معاهو ومعزتك ليهو

جايز دا يكون سبب في حد زاتو لي حل الخلاف البينكم او الزعلة الخلتك بعدت منو لما وصل مرحلة الاحتياج وبقي يجيك ويقول ليك #اقيف_معاي

زعلان قررت تبعد اعرف ادب البعاد وفنو و ابعد بس وقت الحارة خليك #اقرب_زول

المهم خليك من ضمن الناس البتمثل
#الزول_الاصيل
#الزول_المعطاه
#الزول_المخلص

#الزول_المعطاه هو البقدر يمتص قلقك من مشكله معينه ويقيف معاك م عشانو لا عشانك وعشان الحاجات الحلوه الكانت بينكم وم زالت بتردد في ذاكرتو وعمرو م بفكر يمحيك من ذاكرتو لانو انت اديتو احساس ولو هسي الاحساس م موجود بالحب والاهتمام ، اخ ، صديق ،حبيب
في نهايه زول م بتخلي عنك وقت الحاره ووقت تحتاجو تلقي يسعدك يهديك السعاده وبتمتص الهموم والزعل

#الزول_المخلص هو البيزرع حياتك أمل وتفاؤل ويشوف فيك الحاجات الحلوه الانتا ماشايفه في روحك ومايحكم عليك ولايسئ الظن فيك ولو أخطأت يسامحك
عشان حبو ليك اكيد أكبر من خطأك
ولو غضبت ينظر إليك برحمته

#الزول_الاصيل هو الزول الواعي البخلي مشكلتو معاك لحظة احتياجك ليهو وبقيف جمبك وبدعمك بي كل حواسو من غير ما يخت املو فيك انك ترجع ليهو او انو يشتري رضاك بي وقفتو جمبك او يستجدي عواطفك عشان تبقى مشكلتك مدخل ليهو عشان يرجع ينسيك الزعل ، هو زول بسيط بتعامل معاك بي اصلو ما اصلك 😊👋


#انور_ادم

🌟

💕فُضفُضۃ فُي ِِهـدًوء💕 @hdoo5

اسواء حاجه #في_العلاقه يجي علي بالك زول انت ولا علي بالو و هو يجي علي بالو الزول اللي انت علي بالو وانت ولا علي بالك

بالجد دا الحاصل بس #مشكلتنا نحن ما بنفكر ع الناس البنحبهم ، بنفكر ب قلبنا قبل علقلنا وحتي لو في الواقع قدامنا هم ما عايزننا ، تعمل نفسك ما شايف وتخت ليهم #العزر

#المشكله انو نحن بنجري ورا حاجات هي ما بتجري في #اتجاه_معاكس لينا ولو عاينا ورانا بنلقي ناس كمان جارين ورانا وياريت بس لو نقدر نقيف خطوة عشان الورانا يحصلنا

بس لو فكرنا شويه بعقلنا ما بندي فرصه للناس الما معبرانا ، ونمشي للناس العايزانا ونلقي منهم المعامله الكنا راجينها #من_سراب 😃⚡️

#انور_ادم
🌟

💕فُضفُضۃ فُي ِِهـدًوء💕 @hdoo5

#المشاعر
#الاهتمام
#الحب

الثلاثه حاجات دي عموما ما بتطلب تاخير لانه التاخير يعني برود والبرود يعني #موت

وما اظن بتنفع المشاعر الباردة او الممكن نقول عليها ميتة لانو لحظة احتياجنا ليها ما لقيناها والحي ابقى من الميت


#انتهى ✋

#انور_ادم

🌟

💕فُضفُضۃ فُي ِِهـدًوء💕 @hdoo5

لمن نتعلق ب زول معين ، بنتعلق لدرجة الادمان وتجي لحظه تجبرنا اننا نفقدو
وقتها ح نفقد نفسنا وح #نفقد_الاعتياد
#اعتيادنا ع كلماتو البترد الروح
#اعتيادنا ع لحظات جمعت الفرح بينا
#اعتياد ع كل تصرف بادر منو

وتجي لحظة اننا نواجه الحقيقه ونخت نفسنا امام الامر الواقع ، واقع انو طلع من حياتنا

ح نندم وح #نكره_نفسنا وسأل ليه نحنا فرطنا ؟؟ ليه فرطنا في عشراقة الفرح

ح نتمنى لو #ترجع_الايام ونتخطى مرحلة الزعل ونتخطى مرحلة اننا ظلمناهو ع ذنب هو م عملو

نحاول اننا نرجع ونرتب كلامنا بدافع انو يسامحنا بس نتزكر اننا اتأخرنا كتير
فنبدا نحصر نفسنا #ع_زكرياتنا 😊😿


#انور_ادم
🌟

💕فُضفُضۃ فُي ِِهـدًوء💕 @hdoo5

لمن تكون لسه في سنه ال20سنه
عيب جدا لما تكون في العمر دا وكل طلعاتك وخروجك قعده في #كافيه او #مطعم وبس

الطلعه و الخروج
#يعني فسحى كامله ومتكامله
#يعني مكان لتغيير جو ما اكل

#الاكل دي حاجه بتحصل اثناء الطلعه والخروج بس ما الخروج بذات نفسو
#الخروج يعني تطلع مكان يكون
#بحر
#شارع_النيل
#حدائق
#المتحف
#المعرض
#السينما
#ندوات_شعريه
#رحلات_نيليه او امكان تانيه انت بتكون عارفها غير الاكل ، اما #المولات بنمشي عشان نشتري منها ملابسنا #والمطاعم بنجيب منها الاكل عشان تقوينا وتحمسنا علي الطلعات الذكرتها فوق

#استمتع_بسنك 😍✌️

#انور_ادم


🌟

💕فُضفُضۃ فُي ِِهـدًوء💕 @hdoo5

جميل انو يكون عندك زول واحد مكفيك وكفيل انك بيو هو تقدر تستغني عن كل البشر الباقين #في_حياتك

زول تحس معاو الفرحه وانها اتخلقت عشانكم انتو الاتنين وبتشوف سعادتك في بسمتو هو واي شي معاو #بكون_مختلف

مهما طال بيكم الزمن والكلام بتبقو زي ما انتو لا بتزهجو من بعض لا بتكلو لا بتملو وما بتختو حسابات لي ونستكم نهائي وبتاخدوا راحتكم في الكلام

بتحس انو الزول عبارة عن #صاحب ومستحيل تطلع كلمه منك ما يفهما بتفهمو بعض من طرف الكلام وونستكم زاتا ما بتخلص

لمن تقعد معاو بتحس انك داير تطلع مشاعرك وحكاويك ، بتجيك فتره بتكونو ساكتين لكن بتحاول تفتش في اي موضوع تفتحو معاو المهم تكون بتسمع صوتو ده ويكون جمبك ويحكي ليك وتحكي ليو تحكي ليو اااي شي حتي لو موقف بايخ وعبيط وما منو فايده لكن معاو هو بكون عندو طعم تاني المهم #ما_يسكت

ممكن عادي تتكلمو بى اطراف عيونكم تفاصيلكم الصغيره كلها بتكونو عارفنها وتحكوها لي بعض وكل ما يحصل ليك موقف بتفرح شديد عشان تحكي ليو اول ما تلقاو

ممكن عادي لو خيروك بى #كل_ناس الدنيا ديل وهو تختارو هو لانك عارف هو شنو وعارف انك انت شنو
انسان ح يجي في بالك اول ما تقرا الكلام ده
وغالبا الزول ده #بكون_صحبك 😍❤️


#احساس_فابيانو😉✌️
#ليك

#انور_ادم
🌟

💕فُضفُضۃ فُي ِِهـدًوء💕 @hdoo5

يا عزيزي ما تحاول تربط #حالاتك_النفسية بي زول ، شيل فكرة انك تعتمد علي زول في الحاجة دي

لانو اول ما #ربط_حالتك واستقرارك النفسي وسلامك الداخلي فانت حاتكون رهين مزاج الشخص دا يرفع معنوياتك اخر سماء ويحبطك يجيبا ليك سابع ارض ولما تربط حالتك النفسية ب زول معين حتتدمر حسب #مزاج_زولك

عشان كدا عمرك ما حتكون مرتاح
راحتك النفسية بتكون بس لم انت التخلي بالك منها ما #زول_تاني

فشنو فرح نفسك براك مافي زول بيعرف شنو البفرحك غير نفسك ، نفسك دي حبها ودلعها واديها حقها ع الآخر ح تعيش #اسعد_زول في الكون

#المهم

لما تجي تربطها ، اربطها بي عبادتك ، ايمانياتك روحك ، اربطها بي ثقتك في نفسك وحبك للحياة عموما ما تحددها بي #شخص

#خليك_واعي 😊💐

#انور_ادم
‏

🌟

💕فُضفُضۃ فُي ِِهـدًوء💕 @hdoo5