💙💙💙

Havo haroratining keskin ko‘tarilishi va elektr tarmoqlariga tushayotgan yuklamaning ortishi natijasida, soat 14:30 holatiga ko‘ra Toshkent shahri va viloyatidagi ayrim elektr uzatish tarmoqlari hamda podstansiyalarda texnik nosozliklar yuzaga kelgan.

Buning oqibatida Olmazor, Yakkasaroy, Chilonzor, Yunusobod, Yashnobod, Mirzo Ulug‘bek, Sergeli va Zangiota tumanlaridagi 8 250 ta iste’molchi elektr ta’minotidan vaqtincha uzilgan.

Hozirgi vaqtda maxsus brigadalar tomonidan nosozliklarni bartaraf etish va iste’molchilarning elektr ta’minotini qayta tiklash choralari ko‘rilmoqda.

Keltirilgan noqulayliklar uchun iste’molchilardan uzr so‘raymiz.

Elektr ta’minotida rejali va rejadan tashqari o‘chishlar haqida har bir tuman elektr ta’minoti korxonasii (ETK) tomonidan tashkil etilgan telegram guruhlarda e’lonlar berib borilmoqda.

Xususan, Yunusobod, Yashnobod, Mirzo Ulug‘bek, Chilonzor, Sergeli ETK kabi telegram guruhlari orqali muntazam ravishda ma’lumot berib borilyapti.

Shuningdek, Toshkent shahri va Toshkent viloyatlari hokimliklari tomonidan tashkil qilingan telegram guruhlarida elektr ta’minotidagi uzilishlar to‘g‘risida ma’lumotlar berib borilmoqda.

Telegram | Facebook | Instagram | YouTube | X | Veb-sayt

📌📌📌📌📌📌

MIRZO ULUG‘BEK TUMANIDAGI TRANSFORMATOR PUNKTIDA YUZAGA KELGAN HOLAT BARTARAF ETILMOQDA

Bugun ijtimoiy tarmoqlarda Toshkent shahri Mirzo Ulugbek tumanida "Navnihol" MFY, Olimlar ko‘chasida transformator punktida yong‘in sodir bo‘lgani yuzasidan xabarlar tarqaldi.

“Toshkent shahar elektr tarmoqlari” MCHJ mutaxassislari tomonidan mazkur holat noqulay ob-havo sharoitiga qaramasdan barataraf etilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

💙💙💙

Elektr ta’minotidagi nosozliklarni bartaraf etish bo‘yicha ma’lumotlar yangilandi
 
Avval xabar berganimizdek, havo haroratining keskin ko‘tarilishi hamda elektr tarmoqlariga tushayotgan yuklamaning ortishi natijasida Toshkent shahri va Toshkent viloyatining ayrim elektr uzatish tarmoqlari hamda podstansiyalarida yuzaga kelgan texnik nosozliklarni bartaraf etish ishlari izchil davom etmoqda.
 
Hozirga qadar Yashnabod va Zangiota tumanlaridagi elektr tarmoqlarida yuzaga kelgan nosozlik bartaraf etilib, iste’molchilarning elektr ta’minoti tiklandi.
 
Ayni vaqtda energetiklar tomonidan Olmazor, Sergeli, Yunusobod, Mirzo Ulug‘bek va Chilonzor tumanlaridagi elektr tarmoqlarida tezkor ta’mirlash ishlari olib borilmoqda. Hozirda mazkur hududlardagi jami 3 500 ta iste’molchining elektr ta’minotini qisqa muddatlarda to‘liq tiklash choralari ko‘rilmoqda.
 
Energetiklar elektr ta’minotini barqarorlashtirish va barcha iste’molchilarni qayta elektr energiyasi bilan ta’minlash uchun kuchaytirilgan tartibda ish olib bormoqda.
 
Keltirilgan noqulayliklar uchun iste’molchilardan uzr so‘raymiz.

Telegram | Facebook | Instagram | YouTube | X | Veb-sayt

📌📌📌📌📌📌

Energetika tizimida yoshlar bandligi va kadrlar salohiyatini oshirishga qaratilgan yangi tashabbuslar boshlandi

Prezidentimizning yoshlar bilan bo‘lib o‘tgan ochiq muloqotlarida belgilangan ustuvor vazifalar ijrosini ta’minlash maqsadida Energetika vazirligi tomonidan oliy ta’lim muassasalari bitiruvchilari uchun ochiq muloqot va bo‘sh ish o‘rinlari yarmarkasi tashkil etildi.

Unda Energetika vaziri Jo‘rabek Mirzamahmudov hamda vazirlik tizimidagi korxona va tashkilotlar rahbarlari ishtirok etib, yoshlar bandligini ta’minlash, ularning innovatsion tashabbuslarini qo‘llab-quvvatlash hamda yoqilg‘i-energetika tarmog‘i uchun malakali kadrlar tayyorlash masalalarini muhokama qildilar.

Tadbirda Toshkent davlat texnika universiteti, I.M.Gubkin nomidagi Neft va gaz universiteti, Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universiteti hamda I.D. Mendeleyev nomidagi Kimo-texnologiya universitetining professor-o‘qituvchilari va 130 nafardan ortiq bitiruvchi yoshlar ishtirok etdi.

Uchrashuvda “Issiqlik elektr stansiyalari” AJ, “O‘zenergosotish” AJ, “Hududiy elektr tarmoqlari” AJ, “O‘zbekgidroenergo” AJ, “O‘zbekneftgaz” AJ, “O‘ztransgaz” AJ, “Hududgazta’minot” AJ, “O‘zbekiston milliy elektr tarmoqlari” AJ, Qayta tiklanuvchi energiya manbalari milliy ilmiy-tadqiqot instituti hamda “Milliy dispetcherlik markazi” DUK rahbarlari ishtirok etib, o‘z tashkilotlaridagi bo‘sh ish o‘rinlari, mehnat sharoitlari, kasbiy rivojlanish imkoniyatlari hamda sohadagi istiqbolli yo‘nalishlar haqida batafsil ma’lumot berdilar.

Ochiq muloqot davomida yoshlar tomonidan bildirilgan taklif va tashabbuslar muhokama qilinib, sohada yoshlar bandligini ta’minlash va ularning salohiyatini ro‘yobga chiqarishga qaratilgan bir qator muhim vazifalar belgilab olindi. Jumladan:

➖oliy ta’lim muassasalarini tamomlagan, ammo bandligi ta’minlanmagan yoshlarni energetika tizimidagi yirik korxona va tashkilotlarda kafolatli ish o‘rinlari bilan ta’minlash;

➖“1000 ta masalaga — yoshlardan 1000 ta yechim” loyihasi doirasida tizim tashkilotlaridagi dolzarb muammolar bo‘yicha ochiq innovatsion tanlovlar tashkil etish, eng yaxshi texnologik yechimlar mualliflarini munosib rag‘batlantirish;

➖yoqilg‘i-energetika sohasida faoliyat yuritayotgan istiqbolli mutaxassislar orasidan “100 nafar yosh energetik”ni saralab olish, ularni nufuzli xorijiy kompaniyalar va xalqaro tashkilotlarda stajirovka o‘tashga yuborish hamda muvaffaqiyatli yakunlagan yoshlarni rahbar kadrlar zaxirasiga kiritish.

Shuningdek, tarmoq uchun raqobatbardosh va zamonaviy bilimlarga ega mutaxassislar tayyorlash, ta’lim, ilm-fan va ishlab chiqarish integratsiyasini yanada mustahkamlash maqsadida Energetika vazirligi hamda mazkur oliy ta’lim muassasalari o‘rtasida hamkorlik memorandumlari imzolandi.

Tadbir ochiq muloqot ruhida o‘tib, yoshlar o‘zlarining innovatsion g‘oya va takliflari bilan faol ishtirok etdilar. Sohada mehnat faoliyatini boshlash istagini bildirgan 100 nafardan ortiq bitiruvchi bevosita ish beruvchi tashkilotlar rahbarlariga biriktirildi. Shuningdek, 80 nafardan ortiq yosh aksiyadorlik jamiyatlari va ularning tizim tashkilotlarida mavjud bo‘sh ish o‘rinlari bo‘yicha suhbatlarga taklif etildi.

Mazkur tadbir yoqilg‘i-energetika sohasi uchun malakali kadrlar zaxirasini shakllantirish, yoshlarning bandligini ta’minlash hamda ularning bilim va salohiyatini amaliyot bilan uyg‘unlashtirish yo‘lidagi muhim amaliy qadamlardan biri bo‘lib xizmat qiladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Jazirama issiqda elektr tarmoqlarining qizishiga bir vaqtning o‘zida to‘rtta asosiy omil ta’sir qiladi

Haroratning yuqori bo‘lishi

Transformatorlar, podstansiyalar va elektr uzatish tarmoqlari tashqi havo orqali soviydi. Qishda havo harorati +10…+20 °C bo‘lsa, uskunalardan ajralayotgan issiqlik oson tarqaladi.

Ammo havo harorati 40–45 °C ga yetganda sovitish samaradorligi keskin pasayadi. Buning natijasida uskunalarning ichki harorati ham tezroq ko‘tariladi.

Elektr iste’molining oshishi

Yozda elektr tarmoqlariga tushadigan yuklama keskin ortadi. Bunga konditsionerlar, muzlatgich va sovitish uskunalari, sanoat hamda xizmat ko‘rsatish obyektlarining yuqori quvvatda ishlashi asosiy sabab bo‘ladi.

Elektr tarmoqlarida yuklama ortishi bilan simlar va transformatorlarda issiqlik ajralishi keskin ko‘payadi. Masalan, elektr yuklamasi ikki baravar oshsa, ajraladigan issiqlik qariyb to‘rt baravar ortadi.

Quyosh nurlarining to‘g‘ridan to‘g‘ri ta’siri

Ochiq maydonda joylashgan transformator punktlari, podstansiyalar, metall shkaflar va yuqori kuchlanishli uskunalar kun bo‘yi quyosh nurlari ta’sirida qiziydi.

Metall yuzalar quyosh ta’sirida havo haroratidan ancha yuqori darajagacha qizishi mumkin. Masalan, havo +40 °C bo‘lganda metall korpuslar 55–70 °C gacha qizishi mumkin. Qora rangli metallarda bu ko‘rsatkich yanada yuqori bo‘ladi.

Uskunaning o‘zidan chiqadigan issiqlik

Bu eng asosiy omil hisoblanadi. Transformator ichida mis yoki alyuminiy chulg‘amlar, magnit o‘zak va elektr yo‘qotishlari doimiy ravishda issiqlik hosil qiladi. Yuklama ortishi bilan bu yo‘qotishlar ham oshib boradi.

Shuning uchun tashqarida havo +42 °C bo‘lsa ham, transformatorning ichi ancha yuqori haroratda ishlaydi. Ta’kidlash joizki, tashqi korpusi 70 °C bo‘lgan transformatorning ichidagi chulg‘am harorati 100 °C dan yuqori bo‘lishi mumkin.

Shu sababli issiq kunlarda ayrim transformator punktlari yoki elektr uzatish tarmoqlarida nosozliklar yuzaga kelishi ehtimoli ortadi.
Havo harorati 40–45 °C bo‘lgan kunlarda elektr tarmoqlari bir vaqtning o‘zida tashqi muhit, to‘g‘ridan to‘g‘ri quyosh nurlari va yuqori elektr yuklamasi ta’sirida ishlaydi. Natijada transformator korpuslari 55–80 °C, elektr simlari 60–90 °C, transformator chulg‘amlari esa 80–110 °C atrofidagi haroratgacha qizishi mumkin.

Bunday sharoitda elektr ta’minoti tizimidagi har qanday qo‘shimcha yuklama yoki texnik nuqson avariya ehtimolini oshiradi. Shu bois energetiklar yozning eng issiq kunlarida tarmoqlarni doimiy nazorat qiladi, yuklamani qayta taqsimlaydi va yuzaga kelgan nosozliklarni tezkor bartaraf etish choralarini ko‘radi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

JAZIRAMA ISSIQDA HAM FIDOYILIK BILAN XIZMAT

Yozning jazirama kunlarida havo harorati yuqori bo‘lishiga qaramay, “Hududiy elektr tarmoqlari” AJ Andijon hududiy filiali elektromontyorlari hamda ishchi brigadalari elektr ta’minotining barqarorligini ta’minlash yo‘lida tunu kun fidoyilik bilan mehnat qilmoqda.

Mutaxassislar elektr uzatish tarmoqlari va transformator punktlarida rejalashtirilgan hamda tezkor ta’mirlash ishlarini belgilangan texnika xavfsizligi qoidalariga qat’iy amal qilgan holda olib bormoqda. Ularning mas’uliyatli va mashaqqatli mehnati natijasida iste’molchilarga sifatli hamda uzluksiz elektr energiyasi yetkazib berish ta’minlanmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz