📌📌📌📌📌📌

Anomal issiq sharoitida dam olish kunlari ham elektr energiyasi iste’moli va ishlab chiqarish eng yuqori ko‘rsatkichlarga chiqmoqda

O‘zbekiston yagona energetika tizimida 2026-yil 18-iyul kuni, shanba kuni bo‘lishiga qaramay, anomal issiq havo ta’sirida yozgi mavsum uchun sutkalik elektr energiyasi iste’moli294,4 mln kVt·soatni tashkil etib, yangi rekord qayd etildi.

Mazkur ko‘rsatkich o‘tgan yil yozgi mavsumida qayd etilgan eng yuqori natijadan 21,8 mln kVt·soatga yoki 8 foizga, shuningdek, 17-iyuldagi iste’mol hajmidan1 mln kVt·soatga yoki 0,34 foizga yuqori bo‘ldi.

Kecha yagona energetika tizimining maksimal yuklamasi kechki eng yuqori soatlarda 13,7 GVtga yetdi.

Shuningdek, 2026-yil 18-iyul kuni sutkalik elektr energiyasi ishlab chiqarish hajmi ham 297,1 mln kVt·soatni tashkil etib, yangi rekord o‘rnatildi. Bu ko‘rsatkich 17-iyulda qayd etilgan296,1 mln kVt·soatlik rekorddan 1 mln kVt·soatga yoki 0,34 foizga yuqori bo‘ldi.

Bugun, 19-iyul kuni ham yakshanbabo‘lishiga qaramay, havo haroratining yuqoriligi saqlanib qolayotgani sababli yagona energetika tizimining yuklamasi 13,4 GVtga yetdi. Bu esa, anomal issiq sharoitida dam olish kunlarida ham elektr energiyasiga bo‘lgan talab yuqori darajada saqlanib qolayotganini ko‘rsatmoqda.

2026-yil 18-iyul kuni Toshkent shahrining ayrim hududlarida elektr tarmoqlari va qurilmalarida yuzaga kelgan texnik nosozliklar sabab qisqa muddatli avariyaviy o‘chishlar kuzatildi. Xususan:

🤩Soat 08:14 da Olmazor tumanining Qoraqamish 2/4, 1/4 va 2/1 mavzelaridagi ayrim elektr tarmoqlarida yuzaga kelgan texnik nosozlik sabab 900 nafar iste’molchining elektr ta’minoti qisman uzilgan. Nosozlik bartaraf etilib, elektr ta’minoti soat 11:25 dan boshlab bosqichma-bosqich tiklanib, soat 14:10 da to‘liq tiklangan.

🤩Soat 14:05 da Chilonzor tumanining 17-, 18- va 19-dahalaridagi iste’molchilarni elektr energiyasi bilan ta’minlovchi ayrim elektr tarmoqlarida nosozlik yuzaga kelib, 800 nafar iste’molchining elektr ta’minoti qisman uzilgan. Elektr ta’minoti soat 18:05 da to‘liq tiklangan.

🤩Soat 15:00–15:10 oralig‘ida Mirzo Ulug‘bek tumanining Buyuk Ipak yo‘li, Dostoyevskiy ko‘chasi hamda Qorasuv-6 mavzesidagi iste’molchilarni elektr energiyasi bilan ta’minlovchi ayrim elektr tarmoqlarida texnik nosozlik yuzaga kelib, 890 nafar iste’molchining elektr ta’minoti vaqtincha uzilgan. Nosozliklar bartaraf etilgach, elektr ta’minoti soat 16:15 dan boshlab bosqichma-bosqich tiklanib, soat 18:12 da to‘liq tiklangan.

🤩Soat 16:00 da Mirobod tumanining Gospitalniy mavzesidagi iste’molchilarni elektr energiyasi bilan ta’minlovchi ayrim elektr tarmoqlarida nosozlik yuzaga kelib, 310 nafar iste’molchining elektr ta’minoti qisman uzilgan. Elektr ta’minoti soat 17:25 da tiklangan.

🤩Soat 16:10 da Yunusobod tumanining 13 va 14-dahalaridagi iste’molchilarni elektr energiyasi bilan ta’minlovchi ayrim elektr tarmoqlarida nosozlik yuzaga kelib, 340 nafar iste’molchining elektr ta’minoti qisman uzilgan. Elektr ta’minoti soat 16:50 da tiklangan.

🤩Soat 16:56 da Mirzo Ulug‘bek va Yunusobod tumanlarining ayrim hududlarida elektr ta’minoti obyektlarida yuzaga kelgan texnik nosozlik sabab 2 700 nafar iste’molchi elektr ta’minotidan uzilgan. Elektr ta’minoti soat 17:14 da to‘liq tiklangan.

🤩Soat 18:35–18:45 oralig‘ida Uchtepa, Yashnobod va Olmazor tumanlarining ayrim hududlaridagi iste’molchilarni elektr energiyasi bilan ta’minlovchi ayrim elektr tarmoqlarida texnik nosozlik yuzaga kelib, 870 nafar iste’molchining elektr ta’minoti qisman uzilgan. Nosozliklar bartaraf etilgach, elektr ta’minoti soat 22:29 dan boshlab bosqichma-bosqich tiklanib, 19-iyul kuni soat 02:30 da to‘liq tiklangan.

Yuqori yuklamalar sharoitida energetika tizimi korxona va tashkilotlarining tezkor xizmatlari kuchaytirilgan tartibda faoliyat olib bormoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌
 
Yakshanba kuni yagona energetika tizimining maksimal yuklamasi kechki eng yuqori soatlarda 13,8 GVtga yetdi
 
O‘zbekiston yagona energetika tizimida 2026-yil 19-iyul, yakshanba — dam olish kuni bo‘lishiga qaramay, anomal issiq havo ta’sirida yozgi mavsum uchun sutkalik elektr energiyasi iste’moli 291,8 mln kVt·soatni tashkil etdi.
 
Mazkur ko‘rsatkich o‘tgan yil yozgi mavsumida qayd etilgan eng yuqori natijadan 19,2 mln kVt·soatga yoki 7,04 foizga yuqori bo‘ldi.
 
Shuningdek, kecha yagona energetika tizimining maksimal yuklamasi kechki eng yuqori soatlarda 13,8 GVtga yetdi. Bu ko‘rsatkich ham 18-iyulda qayd etilgan maksimal yuklamadan 100 MVtga yuqori bo‘ldi.
 
Yakshanba kuni bo‘lishiga qaramay, sutkalik elektr energiyasi ishlab chiqarish hajmi ham yuqori darajada saqlanib, 295,4 mln kVt·soatni tashkil etdi.
 
Bu ko‘rsatkichlar anomal issiq havo sharoitida, hatto dam olish kunlarida ham elektr energiyasiga bo‘lgan talab yuqori darajada saqlanib qolganini hamda iste’molchilarni uzluksiz elektr energiyasi bilan ta’minlash uchun energetika tizimi barqaror ishlayotganini ko‘rsatadi.
 

Shu bilan birga, yuqori iste’mol davrida elektr ta’minoti barqarorligini ta’minlash maqsadida energetika korxonalarining avariya-ta’mirlash brigadalari kuchaytirilgan tartibda ishlab, elektr tarmoqlaridagi nosozlik va avariyaviy holatlarni tezkor bartaraf etishdi.
 
Xususan, kecha ayrim hududlarda, jumladan, soat 13:55 da Mirzo Ulug‘bek tumanining Osiyo ko‘chasini elektr energiyasi bilan ta’minlovchi tarmoqda nosozlik yuzaga kelib, 280 nafar iste’molchi elektr ta’minotidan vaqtincha uzilgan. Soat 16:30 da nosozlik bartaraf etilib, elektr ta’minoti tiklangan.
 
Soat 19:50 da Farg‘ona viloyatidagi elektr tarmog‘ida yuzaga kelgan nosozlik oqibatida Qo‘qon shahri, Furqat, Dang‘ara, Uchko‘prik va O‘zbekiston tumanlaridagi 13 ming nafar iste’molchi elektr ta’minotidan uzilgan. 20-iyul kuni soat 00:26 da nosozlik bartaraf etilib, barcha iste’molchilarning elektr ta’minoti qayta tiklangan.
 
Soat 21:15 da Toshkent shahridagi podstansiyada yuzaga kelgan nosozlik sababli Shayxontohur va Olmazor tumanlaridagi 7 ming nafar iste’molchi qisman elektr ta’minotidan uzilgan. 20-iyul kuni soat 00:20 da nosozlik bartaraf etilib, elektr ta’minoti tiklangan.
 
Soat 22:00 da Mirzo Ulug‘bek tumani Hamid Olimjon ko‘chasidagi 350 nafar iste’molchi elektr ta’minotidan vaqtincha uzilgan. Soat 23:55 da elektr ta’minoti qayta tiklangan.
 
Soat 23:40 da Sergeli tumani Hilol ko‘chasidagi 330 nafar iste’molchi elektr ta’minotidan vaqtincha uzilgan. 20-iyul kuni soat 01:45 da elektr ta’minoti qayta tiklangan.
 
20 iyul kuni soat 01:10 da Olmazor tumani Chuqursoy ko‘chasidagi 340 nafar iste’molchi elektr ta’minotidan vaqtincha uzilgan. Soat 06:05 da elektr ta’minoti qayta tiklangan.
 
Soat 04:40 da Uchtepa tumani 11- va 12-dahalaridagi 330 nafar iste’molchi elektr ta’minotidan vaqtincha uzilgan. Soat 06:45 da elektr ta’minoti qayta tiklangan.
 
Soat 05:25 da Toshkent shahridagi podstansiyada yuzaga kelgan nosozlik sababli Yakkasaroy va Mirobod tumanlaridagi 1 300 nafar iste’molchi elektr ta’minotidan uzilgan. Soat 07:10 dan boshlab elektr ta’minoti bosqichma-bosqich tiklangan.
 
Shuningdek, kecha 19-iyul kuni Toshkent shahrining Yashnobod, Yunusobod va Chilonzor hamda Toshkent viloyatining Zangiota va Toshkent tumanlarida elektr tarmoqlarida turli vaqtlarda yuzaga kelgan nosozliklar sababli ayrim iste’molchilar elektr ta’minotidan vaqtincha uzilishlar kuzatilgan.

Yuqori yuklamalar sharoitida energetika tizimi korxona va tashkilotlarining tezkor xizmatlari kuchaytirilgan tartibda faoliyat olib bormoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Kelgusi o‘n yilda energetika infratuzilmasi uchun 8 milliard dollar talab etiladi.

Shu bilan birga, tarmoqlardagi yo‘qotishlarni kamaytirish orqali daromadni oshirish bo‘yicha yetarli ish olib borilmayapti. Olti oyda elektr energiyasi yo‘qotishi 17,2 foizni yoki 4,8 milliard kilovatt-soatni tashkil qilgan.

Gaz tarmog‘idagi yo‘qotishlar 7,6 foizga, ya’ni 797 million kub metrga yetgani aytildi. Hududiy gaz tarmoqlari korxonalarida mehnat unumdorligi qo‘shni davlatlarga nisbatan 1,5-2 barobar pastligi qayd etildi.

“Franklin Templeton” tahlillariga ko‘ra, “Hududiy elektr tarmoqlari” bozor qiymatini 2 barobarga oshirish mumkin.

Shuningdek, “Uzbekistan Airways” bozor qiymatini 40 foizga, “O‘zbektelekom”nikini 50 foizga oshirish imkoniyati bor.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Elektr energiyasi — zamonaviy hayot asosi!

Uni tejash esa har birimizning mas’uliyatimiz.

Bugunni o‘ylab emas, kelajakni asrab energiyadan oqilona foydalanaylik!

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Elektr tarmog‘i xo‘jaligi obektlarini muhofaza qilish qoidalariga rioya qiling!

O‘zingiz va yaqinlaringiz hayotini xavf ostiga qo‘ymang!

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Eng katta baxtimiz – xalqimiz bizga ishonishi — Prezident Shavkat Mirziyoyev

Davlatimiz rahbari kechagi videoselektor yig’ilishida xalqning ishonchini qozonishdek baxt hammaga ham nasib etavermasligini ta’kidladi:

“Ana shu baxta munosib bo’lishimiz uchun har kuni mehnat qilishimiz kerak. Mehnatimizning natijasini xalqimiz sezishi kerak. Mehnatimiz natijasini odamlar ko’rib turishi kerak. Bugungi raqamlar agar boshqa davlatlarda bo’lsa, qarsak chalishardi. Agar biz qarsakka o’tib ketsak, ertaga odamlarimiz bizdan norozi bo’ladi. O’zbekiston xalqining ichida “Qilsa bo’lar ekan-ku” degan iborani ikki karra ko’paytirishimiz kerak. Ana shunda, xalqimiz oldida bergan va’dalarimizni bajarib, yuzimiz yorug’ bo’ladi”, - dedi Prezident.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

KELAJAK BUGUNDAN BOSHLANADI!

Elektr energiyasini tejash – shunchaki odat emas, balki yurtimiz ravnaqi va kelajak avlod oldidagi mas'uliyatdir.

Shu ezgu g‘oyani bolalar nigohi orqali yoritgan ushbu videorolik barchamizni elektr energiyasidan oqilona va tejamkor foydalanishga chorlaydi.

Elektr energiyasini asrang — tejamkorlikni bolalikdan boshlang!

Unutmang, har bir o‘chirilgan ortiqcha chiroq, har bir tejalgan kilovatt-soat – kelajagimiz uchun qo‘shilgan munosib hissa.

Iste'mol madaniyati bolalikdan boshlanadi. Keling, elektr energiyasini birgalikda asraylik!

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

BARQAROR ELEKTR TA'MINOTI YO'LIDA

Yozning jazirama kunlarida elektr energiyasiga bo‘lgan talabning keskin ortishi sharoitida iste’molchilarni barqaror elektr energiyasi bilan ta’minlash maqsadida "Hududiy elektr tarmoqlari" AJ Sirdaryo hududiy filiali tomonidan elektr tarmoqlarini modernizatsiya qilish, mukammal ta’mirlash hamda profilaktik tadbirlar izchil amalga oshirilmoqda.

Jumladan, Guliston shahar elektr ta’minoti xodimlari tomonidan Guliston shahrining Navbahor mahallasida joylashgan 70-sonli transformator punktida quvvatni oshirish ishlari bajarildi. Ushbu transformator punktidagi 250 kVA quvvatdagi transformator o‘rniga 400 kVA quvvatga ega zamonaviy transformator o‘rnatildi.

Sirdaryo viloyatida elektr ta’minoti ishonchliligini yanada oshirishga qaratilgan bunday amaliy ishlar tasdiqlangan reja asosida barcha hududlarda olib borilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Toshkent shahridagi “MEI” Milliy tadqiqot universiteti Federal davlat oliy ta’lim muassasasi filiali 2026/2027 o‘quv yili uchun quyidagi ta’lim yo‘nalishlariga o‘qishga taklif etadi:

➖Issiqlik energetikasi va issiqlik texnikasi
➖Elektr energetikasi va elektr texnikasi
➖Fundamental informatika va axborot texnologiyalari (Sun’iy intellekt tizimlari)
➖Iqtisodiyot
➖Elektronika va nanoelektronika
➖Sifatni boshqarish

Batafsil

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“Sevimli” telekanalining “Zamon” informatsion dasturi muxbiri Murodjon Ahadov issiq ob-havo sharoitida elektr energiyasi tizimi tomonidan amalga oshirilgan ishlar va mavjud muammolar yuzasidan lavha tayyorladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

“Hududiy elektr tarmoqlari” AJ Qoraqalpog‘iston hududiy filiali tomonidan olib borilayotgan ishlar xalqimizga sifatli va uzluksiz elektr energiyasi yetkazib berishga qaratilgan.

Hududda tuman va shahar elektr ta’minoti korxonalari xodimlari tomonidan ayni kunlarda joriy va mukammal ta'mirlash ishlarini uyushqoqlik bilan o‘tkazayotgan bo‘lib, yaqinlashib kelayotgan kuz-qish mavsumiga tayyorgarlik ishlarini jadal olib borishmoqda.

Xususan, Nukus shahrining chekka hududlarining biri hisoblangan “Samanbay” makon fuqarolar yig‘inida ham bu ishlar talab darajasida tashkillashtirilgan.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

HUDUDLARDA REJALI TA’MIRLASH ISHLARI DAVOM ETMOQDA

Elektr ta’minoti tarmoqlari hamda transformator punktlarida amalga oshirilayotgan rejali ta’mirlash va profilaktika ishlari elektr ta’minoti barqarorligini ta’minlash, tarmoqlardagi yuklamani me’yorlashtirish hamda avariyaviy holatlarning oldini olishga qaratilgan.

Bugun Karmana tumani elektr ta'minoti "Narpay" ustolik joyi xodimlari tomonidan Shibzon mahallasidagi transformator punktlarida joriy ta’mirlash ishlari bajarildi. Olib borilayotgan ishlar iste’molchilarni barqaror va uzluksiz elektr energiyasi bilan ta’minlashga xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

OCHIQ MULOQOT - 2026

O‘zbekiston Respublikasi Prezidenti bilan bo‘lajak VI Ochiq muloqot mamlakatimiz biznes muhitini rivojlantirishda yuksak strategik ahamiyatga egadir.

Tadbirkorlar 1100 yoki 1094 qisqa raqamlariga qo‘ng‘iroq qilib yoki @ochiqmuloqot2026_bot orqali murojaat qilishlari mumkin!

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz