📌📌📌📌📌📌

#XalqPrezidenti

О‘zbekiston Respublikasi Prezidenti

Muhtaram Shavkat Miromonovich Mirziyoyevga

Muhtaram Shavkat Miromonovich!
"Hududiy elektr tarmoqlari" aksiyadorlik jamiyatining kо‘p ming sonli mehnat jamoasi nomidan Sizni tavallud ayyomingiz munosabati bilan samimiy muborakbod etamiz.

Sizning yuksak siyosiy irodangiz, dono va uzoqni kо‘zlagan rahbarligingiz ostida Yangi О‘zbekistonni barpo etish, mamlakatimizni har tomonlama rivojlantirish, xalqimiz farovonligini yuksaltirish, iqtisodiyot tarmoqlarini modernizatsiya qilish hamda jahon hamjamiyatida О‘zbekistonning nufuzini mustahkamlash borasida ulkan islohotlar amalga oshirilmoqda.

Energetika sohasini tubdan isloh qilish, elektr ta’minoti tizimini modernizatsiya qilish, zamonaviy infratuzilmani rivojlantirish, raqamli texnologiyalarni keng joriy etish, qayta tiklanuvchi energiya manbalarini rivojlantirish hamda iste’molchilarni barqaror va sifatli elektr energiyasi bilan ta’minlash bо‘yicha qabul qilingan tarixiy qarorlar mamlakat taraqqiyotining mustahkam poydevori bо‘lib xizmat qilmoqda.

Bugungi kunda "Hududiy elektr tarmoqlari" aksiyadorlik jamiyati jamoasi ana shu yuksak ishonch va e’tibordan ruhlanib, yurtimiz aholisi va iqtisodiyot tarmoqlarini uzluksiz hamda ishonchli elektr energiyasi bilan ta’minlash, tarmoqlarni modernizatsiya qilish, energiya samaradorligini oshirish va sohada innovatsion yondashuvlarni keng tatbiq etish yо‘lida bor kuch va salohiyati bilan xizmat qilmoqda.

Muhtaram Prezidentimiz!

Sizning Vatan ravnaqi, xalqimiz farovonligi va kelajak avlodlar manfaatlarini ta’minlash yо‘lidagi fidokorona mehnatingiz barchamiz uchun yuksak ibrat va ilhom manbai hisoblanadi. Mamlakatimiz taraqqiyotiga qaratilgan ezgu tashabbuslaringiz hamisha yuksak natijalar bersin, barcha reja va maqsadlaringiz muvaffaqiyatli rо‘yobga chiqsin.

Tavallud ayyomingizda Sizga mustahkam sog‘liq, uzoq umr, oilaviy baxt-saodat, yuksak davlatchilik faoliyatingizda yangi zafarlar, mamlakatimiz taraqqiyoti va xalqimiz farovonligi yо‘lidagi sharafli faoliyatingizga ulkan omad va muvaffaqiyatlar tilaymiz.

Yurtimiz tinchligi, xalqimiz farovonligi va Yangi О‘zbekiston taraqqiyoti yо‘lidagi ezgu ishlaringizga Yaratganning О‘zi madadkor bо‘lsin!

Tavallud kuningiz muborak bо‘lsin, Muhtaram Prezident!

Hurmat bilan,
"Hududiy elektr tarmoqlari" aksiyadorlik jamiyatining kо‘p ming sonli mehnat jamoasi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

#XalqPrezidenti #Xalqyetakchisi

Barqaror energetika – Yangi O‘zbekistonning kelajak sari ishonchli qadami

Yurtimizda millatlararo totuvlikni mustahkamlash, qo‘shni davlatlar bilan yaxshi qo‘shnichilik va strategik sheriklik munosabatlarini izchil rivojlantirishga qaratilgan oqilona siyosatingiz energetika sohasida ham mutlaqo yangi bosqichni boshlab berdi.

Buning natijasida mintaqaviy energetika hamkorligi sezilarli darajada kengayib, yirik qo‘shma infratuzilma loyihalari amalga oshirilmoqda, mamlakatimizning energetika xavfsizligi va eksport salohiyati izchil mustahkamlanmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Kun raqami: “Yashil” energiya 7 mlrd kVt⋅soatga yetdi — bu o‘tgan yilning mos davridagidan 23%ga ko‘p

Yurtimizda qayta tiklanuvchi energiya manbalarini keng joriy etish, “yashil” energetikani izchil rivojlantirish hamda “yashil” iqtisodiyotga o‘tishni jadallashtirish ustuvor yo‘nalishlardan biriga aylandi. Prezidentimiz tashabbuslari bilan amalga oshirilayotgan keng ko‘lamli islohotlar ushbu yo‘nalishda mutlaqo yangi bosqichni boshlab berdi.

Bugungi kunda sohaga jalb etilayotgan yirik investitsiyalar, zamonaviy texnologiyalar va xalqaro hamkorlik loyihalari samarasida “yashil” energetika jadal sur’atlarda rivojlanmoqda. Bu nafaqat elektr energiyasi ishlab chiqarish quvvatlarini oshirish, balki tabiiy resurslardan oqilona foydalanish, energiya xavfsizligini mustahkamlash hamda atrof-muhitni muhofaza qilishga ham salmoqli hissa qo‘shmoqda.

Olib borilayotgan sa’y-harakatlar samarasida bugungi kunda yurtimizda umumiy quvvati 5 602 megavatt bo‘lgan 21 ta “yashil” elektr stansiya, jumladan, 15 ta quyosh elektr stansiyasi (3 930 MVt) va 6 ta shamol elektr stansiyasi (1 672 MVt) ishga tushirildi.

Natijada quyidagi ko‘rsatkichlarga erishildi:
– 2022-yilda – 434 mln kVt⋅soat,
– 2023-yilda – 576,9 mln kVt⋅soat,
– 2024-yilda – 4,9 mlrd kVt⋅soat,
– 2025-yilda – 10,5 mlrd kVt⋅soat,
– 2026-yilning yanvar–iyul oylarida – 7 mlrd kVt⋅soat “yashil” energiya ishlab chiqarildi.

Natijada, so‘nggi 4 yil va 2026-yilning bugungi kuniga qadar jami 23,4 mlrd kVt⋅soatdan ortiq “yashil” energiya ishlab chiqarilgan.

Bu esa, qariyb 6,24 mlrd kub metr tabiiy gaz tejalishiga hamda atmosferaga qariyb 13,46 mln tonna zararli gazlar chiqarilishining oldi olinishiga xizmat qilgan.

Bu ko‘rsatkichlar yurtimizda qayta tiklanuvchi energiya manbalarini keng joriy etish nafaqat elektr energiyasi ishlab chiqarish hajmini oshirayotganini, balki tabiiy resurslarni tejash va atrof-muhitni muhofaza qilishga ham salmoqli hissa qo‘shayotganini ko‘rsatadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Elektr energetika tizimida dispetcherlik boshqaruvi yanada takomillashtiriladi

Vazirlar Mahkamasining 2026-yil 21-iyuldagi “O‘zbekiston Respublikasi Energetika vazirligi huzuridagi “Milliy dispetcherlik markazi” davlat muassasasi faoliyatini takomillashtirishning qo‘shimcha chora-tadbirlari to‘g‘risida”gi 400-sonli qarori qabul qilindi.

Qaror bilan, elektr energetikasi tizimida tezkor-dispetcherlik boshqaruvini yanada takomillashtirish, qayta tiklanuvchi energiya manbalarini yagona energetika tizimiga samarali integratsiya qilish hamda Milliy dispetcherlik markazi faoliyatini kuchaytirishga qaratilgan qo‘shimcha chora-tadbirlar belgilandi.

Qarorga muvofiq, “O‘zbekiston milliy elektr tarmoqlari” AJ hamda “Hududiy elektr tarmoqlari” AJ tomonidan amalga oshirilayotgan milliy, mintaqaviy va hududiy dispetcherlik funksiyalari Milliy dispetcherlik markazi boshqaruviga o‘tkaziladi.

Mazkur o‘zgarish elektr energetikasi tizimini yagona markazdan tezkor muvofiqlashtirish, tarmoqlar faoliyati samaradorligini oshirish hamda iste’molchilarni elektr energiyasi bilan yanada ishonchli ta’minlashga xizmat qiladi.

Shuningdek, energiya balansini real vaqt rejimida rejalashtirish va prognozlashning zamonaviy raqamli tizimlari joriy etiladi. “PowerFactory” (DIgSILENT) va “PLEXOS” dasturiy platformalari yordamida elektr energiyasi ishlab chiqarish, jumladan, quyosh va shamol elektr stansiyalarining ishlab chiqarish hajmlari hamda ularning elektr tarmog‘iga ta’siri yanada aniq prognoz qilinadi.

Qaror bilan, shuningdek, dispetcherlik boshqaruvini raqamlashtirish, ilg‘or xalqaro tajribani joriy etish hamda soha mutaxassislarining malakasini oshirish bo‘yicha ham qator vazifalar belgilandi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

Aholi murojaatlari amalda o‘z yechimini topmoqda

Jizzax viloyatida aholi tomonidan bildirilayotgan murojaatlar asosida elektr ta’minoti sifatini yaxshilashga qaratilgan ishlar izchil davom ettirilmoqda.

Xususan, “Hududiy elektr tarmoqlari” AJ Jizzax hududiy filiali G‘allaorol tuman elektr ta’minoti korxonasi tomonidan fuqarolar murojaatlariga asosan eskirgan sim tarmoqlari va yog‘och ustunlar zamonaviy temir-beton ustunlarga almashtirilib, elektr tarmoqlarining quvvati oshirilmoqda.

Shu bilan birga, hududlardan kelib tushayotgan boshqa murojaatlar bo‘yicha ham belgilangan vazifalar o‘z vaqtida ijro etilmoqda.

Mazkur jarayon tafsilotlari bilan “Sevimli” telekanalining “Zamon” informatsion dasturi orqali tanishishingiz mumkin.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

BARQAROR ELEKTR TA’MINOTI SARI !

Iste’molchilarni uzluksiz, barqaror va sifatli elektr energiyasi bilan ta’minlash, elektr tarmoqlarining ishonchliligini yanada oshirish hamda kuz-qish mavsumida kuzatilishi mumkin bo‘lgan nosozliklarning oldini olish maqsadida "Hududiy elektr tarmoqlari" AJ Sirdaryo hududiy filiali tomonidan Sirdaryo keng kо‘lamli ishlar olib borilmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

O‘zbekiston Respublikasi Prezidentining tegishli farmonlari bilan:

Sherzod Xikmatullayevich Xodjayev O‘zbekiston Respublikasi energetika vaziri lavozimiga tayinlandi va shu munosabat bilan O‘zbekiston Respublikasi Energetika bozorini rivojlantirish va tartibga solish agentligi direktori lavozimidan ozod etildi.

Bundan ilgariroq Sh.Xodjaev nomzodi Oliy Majlis Qonunchilik palatasi deputatlari tomonidan ma’qullangan edi;

Jo‘rabek Tursunpulatovich Mirzamahmudov O‘zbekiston Respublikasi energetika vaziri lavozimidan ozod etildi.
—
Соответствующими указами Президента Республики Узбекистан:

Ходжаев Шерзод Хикматуллаевич назначен на должность министра энергетики Республики Узбекистан и в связи с этим освобожден от должности директора Агентства по развитию и регулированию рынка энергетики Республики Узбекистан.

Ранее кандидатура Ш.Ходжаева была одобрена депутатами Законодательной палаты Олий Мажлиса;

Мирзамахмудов Журабек Турсунпулатович освобожден от должности министра энергетики Республики Узбекистан.

📱Facebook | 📱Telegram | 📱YouTube | 📱Instagram | 📱X | 📱 het.uz

Birozdan so‘ng Prezident Shavkat Mirziyoyev raisligida yoqilg‘i-energetika tarmog‘ida kelgusidagi ustuvor vazifalar yuzasidan videoselektor yig‘ilishi boshlanadi.
—
Скоро под председательством Президента Шавката Мирзиёева начнется видеоселекторное совещание по приоритетным задачам в топливно-энергетической отрасли.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Prezident Shavkat Mirziyoyev raisligida yoqilg‘i-energetika tarmog‘ida kelgusidagi ustuvor vazifalar yuzasidan videoselektor yig‘ilishi boshlandi.

Davlatimiz rahbari so‘nggi o‘n yilda energetika sohasida juda katta islohotlar amalga oshirilganini ta’kidladi. Qonun va qarorlar qabul qilinib, sohada xususiy sektor va xorijiy investorlar uchun yo‘l ochildi.

Prezidentimiz investorlar bilan bir necha bor shaxsan uchrashib, ularning takliflarini eshitganini qayd etdi. Har bir yirik loyihani amalga oshirish uchun sharoit yaratilib, zarur kafolatlar berildi.

Natijada energetika sohasiga 23 milliard dollar xorijiy investitsiya kiritildi, joylarda 9,5 gigavattli elektr stansiyalari ishga tushirildi. Shu tariqa generatsiya bo‘yicha ichki ehtiyojni to‘liq qoplaydigan quvvatlar yaratildi.

So‘nggi yillarda elektr va gaz tarmoqlari, podstansiyalar, transformatorlar va gaz taqsimlash qurilmalarini yangilash uchun 30 trillion so‘m ajratildi. Bu oldingi 25 yilda yo‘naltirilgan mablag‘dan 6 karra ko‘p.

“Ochiq aytish kerak. Energetikada muammo mablag‘da emas, chunki qancha kerak bo‘lsa, topib beryapmiz. Muammo tizimning boshqaruvida!”

– dedi Prezidentimiz.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Barcha hududlarda deyarli bir xil tarmoq bo‘lgani bilan ayrim tumanlar yaxshi ishlayotgani, boshqalarida esa doim avariya sodir bo‘layotgani ko‘rsatib o‘tildi. Bu talab nazorat va intizomning har xilligi bilan bog‘liq.

Energetika vazirligi va uning quyi bo‘g‘inlaridagi rahbarlarda ijro va mas’uliyat yetishmayotgani tanqid qilindi. Shu bois, odamlar ham, tadbirkorlar ham tizimga mas’ul rahbarlarning hozirgi ishidan mutlaqo norozi.

“Takror aytaman: tizimdagi har bir rahbarning qilayotgan ishi, eng avvalo, odamlarning hayotida, turmush tarzida sezilishi, tadbirkorlarning mushkulini oson qilishi kerak”,

– dedi davlatimiz rahbari.

Har yili yoz va qishda o‘nlab podstansiyalarda avariya bo‘lib, yuzlab transformatorlar yonib ketmoqda. Iyun-iyul oylarining o‘zida 4 mingga yaqin avariya sodir bo‘lib, aholi va tadbirkorlar 8-10 soatgacha elektrsiz qolgan.

So‘nggi besh yilda Shirin shahri, Yangihayot, Yakkasaroy va Ohangaron tumanida elektr iste’moli 2 karradan ziyod oshgan. Biroq mas’ullar va hokimlar tarmoqlarning bunday yuklamani ko‘tara olmasligini oldindan hisobga olmagan.

Prezidentimiz har bir uzilish tadbirkorlar va iqtisodiyotga qancha zarar keltirgani hisoblab chiqilmaganini tanqid qildi. Hokimlar energiya iste’moli balansini aniq bilmagani uchun milliardlab mablag‘ havoga ketayotganini ko‘rsatib o‘tdi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Bugungi kunda ayrim hokimlarda infratuzilmani yaxshilash bo‘yicha aniq hisob-kitob mavjud emas.

Tarmoqdagi yo‘qotishlar 17,2 foizni tashkil etmoqda. O‘tgan olti oyda 4,8 milliard kilovatt-soat elektr energiyasi yo‘qotilgan.

Andijon shahri, Asaka, Yangiobod, Koson, Ko‘kdala, Boysun, Oltinsoy, Qo‘shtepa, Toshloq, Qo‘shrabot va Samarqand tumanida yo‘qotishlar 25 foizdan yuqori.

ASKUE va ASKUG tizimi joriy qilinganiga to‘rt yildan oshgan bo‘lsa-da, aholi xonadonlariga o‘rnatilgan 300 mingta gaz va 234 mingta elektr hisoblagich tarmoqqa ma’lumot uzatmayapti. Oqibatda ayrim hududlarda debitor qarzdorlik kamayish o‘rniga ko‘paymoqda.

Lekin ko‘p rahbarlar samaradorlik deganda faqat quyosh paneli o‘rnatishni tushunib yurgani, uy energiya samarador bo‘lmasa, sarflangan mablag‘ behuda ketaverishi qayd etildi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Yig‘ilishda Surxondaryodagi bug‘-gaz elektr stansiyasi qurilishi uchun joy noto‘g‘ri tanlangani tanqid qilindi. Gazni stansiyaga yetkazish uchun 300 million dollar sarflashga to‘g‘ri kelmoqda.

Tashabbuskor bilan tuzilgan shartnoma shartlari puxta o‘rganilmagani qo‘shimcha xarajat yuzaga kelish ehtimolini paydo qilgan. Mas’ullarga shartnoma shartlarini qayta ko‘rib chiqish topshirildi.

Tizimdagi jiddiy kamchiliklar uchun energetika vaziri va “Hududiy elektr tarmoqlari” rahbari lavozimidan ozod etildi. “Milliy elektr tarmoqlari”, “Issiqlik elektr stansiyalari”, “Transgaz” va “Hududgaz” rahbarlariga yil yakunigacha sinov muddati belgilandi. Natija bo‘lmasa, ular ham ishdan ketishi ogohlantirildi.

Yangi energetika vaziri Sherzod Xodjayev, “Hududiy elektr tarmoqlari”ning yangi rahbari Sardor Isaqulov va Energiya inspeksiyasining yangi boshlig‘i Axad Isoqjonov bugundan yangicha ish uslubini joriy qilishi shartligi ta’kidlandi.

“Hokimlar ham “Bu energetiklarning ishi” deb xotirjam o‘tirishga haqqi yo‘q. So‘rov qattiq bo‘ladi”,

– dedi Prezidentimiz.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Yangiyo‘l tumani aholisi va tadbirkorlarini elektr hamda gaz bilan barqaror ta’minlash bo‘yicha maxsus shtab tashkil etiladi. Unga energetika vaziri Sherzod Xodjayev boshchilik qiladi, tuman hokimi San’at Jumaniyozov esa uning o‘rinbosari bo‘ladi.

Mas’ullar ikki haftada tumanning 51 ta mahallasida aholi va tadbirkorlarning oylik, choraklik va yillik talabini o‘rganadi. Shu asosda “energiya iste’moli balansi” shakllantiriladi.

Qaysi mahallada transformator yoki gaz taqsimlash qurilmasini yangilash, qayerda tarmoq tortish zarurligi aniq belgilanadi. ASKUE va ASKUG tizimiga mos kelmaydigan hisoblagichlar almashtirilib, ma’lumot uzatmayotgan qurilmalarning uzluksiz aloqasi ta’minlanadi.

Elektr va gaz yo‘qotishlarini 2 karra kamaytirish bo‘yicha alohida dastur ishlab chiqiladi. Bunda zarur mablag‘ning qanchasi tizim korxonalari, qanchasi mahalliy qo‘shimcha daromad hisobidan ajratilishi aniq ko‘rsatiladi.

Yirik iste’molchi bo‘lgan korxonalar energiya auditidan o‘tkazilib, ularni tejamkor texnologiyalarga o‘tkazish uchun banklar tomonidan resurs ajratiladi. Barcha bog‘cha, maktab, texnikum, shifoxona va poliklinikalarning energiya sarfi tahlil qilinib, toifalarga ajratiladi.

Ko‘p qavatli uylarning isitish tizimi diagnostika qilinadi, qarzdorlikni bartaraf etish bo‘yicha ko‘chama-ko‘cha ish olib boriladi. Barcha ishlar 1-oktabrgacha yakunlanib, Yangiyo‘l elektr va gaz ta’minoti bo‘yicha namunaviy tumanga aylantiriladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Yangiyo‘l misolidagi tizim respublikadagi barcha tuman va shaharlarga tatbiq etiladi. Energetika tizimi rahbarlari har bir viloyatdagi eng og‘ir bittadan tumanga biriktiriladi.

Ular hokimlar bilan birgalikda yil yakunigacha o‘ziga biriktirilgan hududda yangi ish tizimini yo‘lga qo‘yadi. Islohotlar shtabi, Bosh vazir o‘rinbosarlari, vazirlar, tarmoq va bank rahbarlari ham hududlarga chiqadi.

Aholi va tadbirkorlarning elektr va gaz bilan bog‘liq masalalari o‘rganilib, mas’ullarga yil yakunigacha va kelasi yilda amalga oshiradigan ishlari aniq ko‘rsatiladi. Mazkur ishlar uchun mablag‘ manbalari ham belgilab beriladi.

Elektr va gaz hisobini yuritish, tarmoqdagi yo‘qotishlar va debitor qarzdorlikni keskin kamaytirish imkoniyatlari joyida ko‘rsatib beriladi.

Davlatimiz rahbari viloyat va tumanlardagi elektr hamda gaz ta’minoti rahbarlarining “ko‘zini ochish”, ularni natija uchun ishlash uchun mas’uliyatini oshirish zarurligini ta’kidladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Bugungi kunda “Hududiy elektr tarmoqlari”da 25 ming, “Hududgaz”da 16 ming xodim ishlaydi. Lekin xodimlar ishini boshqarish raqamlashmagani sababli kun davomida kim nima bilan bandligini na elektr tarmog‘i, na gaz ta’minoti rahbari biladi.

Shu bois, mehnat unumdorligi boshqa davlatlardan 1,5-2 barobar past, avariyalarni bartaraf etish muddati esa 3-4 barobar ko‘p.

Energetika vazirligi tarkibida Yoqilg‘i-energetika tarmog‘ini raqamlashtirish va sun’iy intellektni joriy etish markazi tashkil etiladi.

Markaz “ishlab chiqarish – uzatish – taqsimlash – yetkazish” zanjiri, ko‘mir, suyultirilgan gaz va mazut ta’minotini “stress-audit”dan o‘tkazadi. Shu asosda sohani rivojlantirishning bir nechta ssenariysi ishlab chiqiladi.

Har bir xodimning kunlik ishini raqamli algoritm orqali boshqaradigan tizim yaratiladi. ASKUE va ASKUG ma’lumotlari sun’iy intellekt orqali tahlil qilinib, shubhali o‘zgarishlarni aniqlaydigan platforma ishga tushiriladi.

Tizimdagi 106 ming xodim uchun 10 ta asosiy KPI belgilanadi. Unda avariyaviy va rejali o‘chishlar, yo‘qotishlar, debitor qarzdorlik, quvvatlar rezervi va ta’mirlash dasturlarining bajarilishi asosiy mezon bo‘ladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Yig‘ilishda kuz-qish mavsumiga tayyorgarlik masalalari ham ko‘rib chiqildi. Hozir tabiiy gaz yetib borishi qiyin bo‘lgan 1 ming 916 ta mahalla mavjud.

Mas’ullarga uch oyda ushbu mahallalardagi isitish tizimini elektrga o‘tkazish uchun qancha infratuzilma va qo‘shimcha elektr energiyasi talab etilishini hisob-kitob qilish topshirildi.

Birinchi navbatda moliyalashtirish talab etiladigan mahallalar bo‘yicha alohida dastur ishlab chiqiladi.

Bugungi kunda 3 million 700 ming xonadon suyultirilgan gazdan foydalanmoqda. So‘nggi yillarda mazkur tizim raqamlashtirilib, ancha tartibga keltirilgan bo‘lsa-da, gazni o‘z vaqtida yetkazish muammosi to‘liq hal etilmagan.

Suyultirilgan gaz yetkazib berishga xususiy sektorni jalb etish va buni Andijon viloyatidan boshlash taklifi ma’qullandi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Davlatimiz rahbari iqtisodiyotni texnologik va innovatsion o‘sish modeliga o‘tkazish uchun barcha sohalarda, xususan, energetikada zamonaviy kadrlar zarurligini ta’kidladi.

Hozir 25 ta texnika oliygohida bu yo‘nalishda yiliga 5,5 ming mutaxassis tayyorlanmoqda.

“Ochig‘i, ta’lim amaliyot bilan bog‘lanmagani uchun bitiruvchining ishga kirishib ketishiga 2-3 yil ketyapti”,

– dedi Prezidentimiz.

Mas’ullarga bir oyda oliygohlardagi yoqilg‘i-energetika yo‘nalishlari bo‘yicha ta’lim dasturlarini to‘liq yangilash topshirildi. 1-sentabrgacha laboratoriya va poligonlarni yangi talablarga moslashtirish boshlanadi.

Yangi o‘quv yilidan 3-kurs talabalarining yarmi, 4-kurs talabalarining barchasi dual ta’limga qamrab olinadi. Chunki kelgusi 2-3 yilda quyosh va shamol generatorlari, elektr zaryadlash uskunalari kabi yo‘nalishlarda minglab mutaxassislarga ehtiyoj paydo bo‘ladi.

Saudiya Arabistonining “ACWA” kompaniyasi Shirin energetika texnikumini jihozlab, yiliga 220 nafar yoshni yangi kasblarga tayyorlamoqda. Yangi o‘quv yilidan Qoraqalpog‘iston, Buxoro va Navoiydagi bittadan texnikumda ham ushbu tajriba joriy etiladi.

Yig‘ilishda mutasaddilarning hisobotlari tinglandi.

📱Facebook | 📱Telegram | 📱YouTube | 📱Instagram | 📱X | 📱 het.uz