📌📌📌📌📌📌

Elektr ta’minotini yangi bosqichga olib chiqayotgan islohotlar

Sirdaryo viloyatida elektr ta’minoti tizimini modernizatsiya qilish, infratuzilmani yangilash hamda iste’molchilarni barqaror energetika resurslari bilan ta’minlash maqsadida keng ko‘lamli ishlar olib borilmoqda.

O‘zbekiston Respublikasi Prezidentining 2025-yil 8-oktabrdagi "Alohida tuman (shahar) va mahallalarni aholining yashashi hamda tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida"gi qarori ijrosi doirasida "Hududiy elektr tarmoqlari" AJ Sirdaryo hududiy filiali tomonidan tumanning Paxtakor, Oqibat, Yoshlik va Shirin mahallalarida elektr ta’minoti infratuzilmasini tubdan yangilash ishlari boshlandi. Loyiha doirasida 560 dona temir-beton tayanch, 21,5 kilometr zamonaviy elektr uzatish tarmog‘i hamda 10 ta yangi transformator punkti barpo etilishi rejalashtirilgan. Ushbu ishlar yakunlangach, elektr ta’minotining ishonchliligi oshib, uzilishlar kamayadi hamda aholi va tadbirkorlik subyektlariga ko‘rsatilayotgan xizmat sifati yanada yaxshilanadi. Qurilish-montaj ishlarini sifatli va qisqa muddatlarda amalga oshirish uchun viloyatdagi barcha tuman va shahar elektr ta’minoti korxonalaridan 200 nafardan ortiq malakali xodimlar hamda 22 ta maxsus texnika va 28 ta avtomashinalar safarbar etilgan.

Sirdaryo tumanida amalga oshirilayotgan modernizatsiya ishlari energetik barqarorlikni yanada oshirish, infratuzilmani zamon talablari asosida yangilash hamda aholi va tadbirkorlik subyektlari uchun qulay sharoit yaratishga xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Prezidentimiz huzurida energetika sohasida amalga oshirilayotgan chora-tadbirlar haqida taqdimot

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

​​​​📌📌📌📌📌📌

HURMATLI ELEKTR ENERGIYASI ISTE’MOLCHILARI!

Ma’lumki, “Hududiy elektr tarmoqlari” AJ tomonidan aholi bilan samarali muloqot qilish hamda iste’molchilar murojaatlariga tezkor javob qaytarish tizimi yo‘lga qo‘yilgan.

Mazkur tizim orqali yashash hududingizda elektr ta’minoti bilan bog‘liq muammolar yuzaga kelgan taqdirda, murojaatingizni bevosita hududiy rahbarlarga yuborishingiz mumkin.

Yuborilgan murojaat hudud rahbari tomonidan shaxsan nazoratga olinib, belgilangan tartibda ko‘rib chiqiladi hamda tegishli javob taqdim etiladi.

Quyida “Hududiy elektr tarmoqlari” AJ tizimiga kiruvchi hududiy elektr tarmoqlari korxonalarining murojaatlarni yuborish uchun aloqa botlari hamda guruh administratorlari manzillari keltirilgan.

Shuningdek, elektr energiyasi ta’minoti bilan bog‘liq muammolar yoki mazkur sohaga oid taklif va mulohazalaringizni “Hududiy elektr tarmoqlari” AJning Telegram messenjeridagi  "Hududiy elektr tarmoqlari" AJ bilan muloqot kanali orqali ham yuborishingiz mumkin.

Murojaat uchun:
@HET_admin
📞 1154

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

#intervyu

Har bir mahallaning barcha zarur ma’lumotlarni o‘zida mujassam etgan energetik pasporti shakllantiriladi.

Unda mahalladagi iste’molchilar soni va ularning toifalari, elektr energiyasi va tabiiy gaz infratuzilmasining mavjud holati, ularni ta’mirlash va modernizatsiya qilish uchun qancha mablag‘ va vaqt talab etilishi, yangi iste’molchilarni tarmoqqa ulash imkoniyatlari kabi barcha zarur ma’lumotlar aks ettiriladi.

Agar mavjud quvvat yangi iste’molchilar ehtiyojini qoplash uchun yetarli bo‘lmasa, infratuzilmani qaysi yo‘nalishlarda kuchaytirish va kengaytirish zarurligi ham aniq belgilanadi.

Elektr va gaz ta’minoti korxonalari hamda iste’molchilar o‘rtasidagi muloqot yangi bosqichga olib chiqiladi.

Buning uchun zamonaviy onlayn platformalar ishga tushirilib, aholi va tadbirkorlarga zarur ma’lumotlarni mobil ilovalar orqali olish imkoniyati yaratiladi. Jumladan, elektr va gaz ta’minotidagi uzilishlar haqida ham mobil ilovalar orqali tezkor ma’lumot berib boriladi. Shu bilan birga, Call-markazlar faoliyati ham yanada takomillashtiriladi.

Elektr energiyasi va tabiiy gazni yetkazib berishdagi yo‘qotishlar hamda debitor qarzdorlikni keskin qisqartirishga alohida e’tibor qaratiladi.

Bunda sohada amalga oshirilayotgan ishlar doimiy monitoring qilib boriladi, raqamli texnologiyalar va sun’iy intellekt imkoniyatlaridan keng foydalaniladi.

Xususan, xodimlarga kunlik vazifalarni belgilash, ularning ijrosini nazorat qilish, hisobotlarni shakllantirish, mavjud xavflarni tahlil qilish, qaysi hududlarda uzilishlar ko‘p kuzatilayotganini aniqlash va kelgusida uzilish yuzaga kelishi mumkin bo‘lgan holatlarni oldindan prognoz qilish imkonini beruvchi tizimlar joriy etiladi.

Bu orqali avariyalarning oldini olish, zarur hollarda tarmoq quvvatini oshirish yoki infratuzilmani modernizatsiya qilish choralari oldindan ko‘riladi. Natijada xodimlar mehnat samaradorligini oshirish va tarmoqlardagi avariyalar sonini sezilarli darajada kamaytirish ko‘zda tutilmoqda.

Energiya resurslari tannarxini pasaytirishda raqobat muhitini kengaytirish va bozor mexanizmlarini jadal joriy etishga ham alohida ahamiyat beriladi.

Avvalo, suyultirilgan gazning erkin bozorini shakllantirish bo‘yicha tegishli choralar ko‘riladi.

Bunda tadbirkorlarning import qilib olib kirgan suyultirilgan gazini aholi va tadbirkorlik subyektlariga sotish jarayonini soddalashtirish, ular uchun qo‘shimcha qulayliklar yaratish bilan birga, xavfsizlik talablariga qat’iy rioya etish ta’minlanadi.

Shu maqsadda amaldagi texnik reglamentlarni qayta ko‘rib chiqish va suyultirilgan gazdan foydalanish bilan bog‘liq xavflarning oldini olishga qaratilgan choralarni kuchaytirish bo‘yicha topshiriq berildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“Qizil” toifadagi mahallalarning elektr ta’minoti yangilanmoqda

Davlatobod tumanida elektr ta’minotini yaxshilash bo‘yicha amalga oshirilayotgan keng ko‘lamli ishlarga qo‘shimcha ravishda yangi loyihalar ham yo‘lga qo‘yilmoqda.

Ushbu ishlar “Mening yurtim” telekanalining “Hudud” informatsion dasturida yoritildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz