📌📌📌📌📌📌

ELEKTR ENERGIYASI TA’MINOTINI YAXSHILASH BORASIDA AMALGA OSHIRILAYOTGAN ISHLAR
 
Jizzax viloyatida elektr tarmoqlarini modernizatsiya qilish, mavjud muammolarni bartaraf etish hamda iste’molchilar uchun yanada qulay sharoit yaratish borasida keng kо‘lamli ishlar amalga oshirilmoqda.
 
Mavjud muammolarni bartaraf etish va iste’molchilar uchun yanada qulay sharoit yaratish borasidagi ishlar haqida Sevimli telekanalining “Zamon” axborot dasturida lavhani kuzatishingiz mumkin.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Prezident Shavkat Mirziyoyevning "O‘zbekiston va Koreya Respublikasi: o‘zgarishlar davrida kelajak sari intilayotgan hamkorlik" maqolasi e’lon qilindi

Koreya Respublikasining yetakchi nashrlaridan biri — "The Chosun Daily"da Prezident Shavkat Mirziyoyevning "O‘zbekiston va Koreya Respublikasi: o‘zgarishlar davrida kelajak sari intilayotgan hamkorlik" sarlavhali maqolasi e’lon qilindi.

Maqolada O‘zbekiston va Koreya o‘rtasidagi tarixiy rishtalar, bugungi alohida strategik sheriklik, savdo-investisiya aloqalari hamda munosabatlarni yangi texnologik bosqichga olib chiqish istiqbollariga alohida e’tibor qaratilgan.

Maqolada qayd etilganidek–

— so‘nggi yillarda O‘zbekiston va Koreya o‘rtasidagi ikki tomonlama savdo hajmi 5 barobarga oshgan;

— Koreyaning O‘zbekiston iqtisodiyotiga kiritgan investisiyalari hajmi 8 milliard dollardan oshgan;

— Ayni paytda mamlakatimizda Koreya kapitali ishtirokida 700 dan ziyod qo‘shma korxona va loyihalar amalga oshirilmoqda;

— KOICA, Koreya Eksimbanki va EDCF bilan hamkorlikdagi loyihalarning umumiy portfeli 3,5 milliard dollardan ortiq;

— 2025 yilda Markaziy Osiyo davlatlarining umumiy yalpi ichki mahsuloti 500 milliard dollardan oshgan.

Prezident ikki mamlakat iqtisodiyotining o‘zaro to‘ldiruvchanligi yangi o‘sish drayverlarini yaratish uchun katta imkoniyat ekanini ta’kidlab, hamkorlikni umumiy ishlab chiqarish tizimlari, texnologik platformalar va yangi bozorlarni shakllantirish darajasiga olib chiqish muhimligini ta’kidladi.

"Ishonchim komilki, aynan shu asosda hamkorligimizning yangi sahifasini ochishimiz — alohida sohalardagi muvaffaqiyatli hamkorlikdan umumiy ishlab chiqarish tizimlari, texnologik platformalar va yangi bozorlarni shakllantirishga o‘tishimiz mumkin. Bu esa mamlakatlarimiz barqaror va uzoq muddatli farovonligining yanada mustahkam poydevorini barpo etadi".

Maqolada sun’iy intellekt, yarim o‘tkazgichlar, robototexnika, elektr transport vositalari, biofarmasevtika, aqlli qishloq xo‘jaligi va “aqlli shaharlar” istiqbolli hamkorlik yo‘nalishlari sifatida belgilangan. Shuningdek, ta’lim va inson kapitaliga investisiya kiritish, akademik almashinuv va qo‘shma ilmiy tadqiqotlarni kengaytirish muhimligi e’tirof etgan.

Prezident, shuningdek, Markaziy Osiyo-Koreya Respublikasi sammiti O‘zbekiston va Koreya munosabatlari bilan bir qatorda, butun mintaqa bilan hamkorlikni yangi bosqichga olib chiqish uchun muhim maydon ekaniligiga alohida urg‘u berdi.

"...O‘zbekiston siyosiy muloqotni chuqurlashtirish, amaliy hamkorlikni kengaytirish va sheriklikning yangi, samarali mexanizmlarini shakllantirishga qaratilgan qator dolzarb tashabbuslarni ilgari surish niyatida. Bu tashabbuslar “Markaziy Osiyo — Koreya Respublikasi” formatini sifat jihatidan yangi bosqichga olib chiqish, uni yanada tizimli, dinamik va uzoq muddatli mintaqaviy ustuvor vazifalarga yo‘naltirilgan mexanizmga aylantirishga qaratilgan".

Prezident maqolasida qayd etilganidek, O‘zbekiston va Koreya Respublikasi o‘rtasidagi strategik sheriklik nafaqat ikki tomonlama munosabatlarni, balki Markaziy Osiyoda tinchlik, barqarorlik, innovatsiya va umumiy taraqqiyot uchun yangi imkoniyatlarni shakllantirishga xizmat qilmoqda.

"Markaziy Osiyo va Koreya Respublikasi tinchlik, innovatsiyalar, o‘zaro ishonch va umumiy farovonlikka asoslangan hamkorlikning yangi makonini shakllantira olishiga chin dildan ishonaman"- deydi Davlatimiz Rahbari maqolada.

Ma’lumot o‘rnida: The Chosun Daily — 1920 yilda tashkil etilgan «Chosun Ilbo» mediaguruhi tarkibidagi nashr bo‘lib, Koreya Respublikasidagi yirik axborot platformalaridan biri hisoblanadi.

Nashr siyosat, iqtisodiyot, jamiyat va xalqaro munosabatlarga oid dolzarb voqealarni keng yoritib boradi. Unda O‘zbekiston Prezidentining maqolasi e’lon qilinishi ikki mamlakat o‘rtasidagi strategik sheriklikka bo‘lgan yuksak e’tiborning yana bir ifodasidir.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

35 yil — 35 natija: Qoraqalpog‘istonning birinchi va ikkinchi yirik quvvatli shamol elektr stansiyalari hamda birinchi energiya saqlash tizimi

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Saida Mirziyoyeva, Prezident Administratsiyasi rahbari:

Prezident uchun eng muhimi – xalq, inson qadri. Har bir insonning muammosi bo‘lmasligi...

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

YANGIYO‘L TUMANIDA ELEKTR TA’MINOTINI YAXSHILASH BORASIDAGI ISHLAR IZCHIL DAVOM ETMOQDA

Yangiyo‘l tumanida elektr ta’minotini yaxshilash, mavjud muammolarni tizimli ravishda bartaraf etish hamda aholi uchun yanada barqaror elektr ta’minotini yaratish borasidagi ishlar jadal davom etmoqda.

Davlatimiz rahbari tomonidan belgilab berilgan vazifalar ijrosi doirasida tumandagi mahallalarda elektr tarmoqlari bosqichma-bosqich modernizatsiya qilinmoqda.

Xususan, hududdagi elektr tarmoqlari daraxt shoxlaridan tozalanib, eskirgan tayanchlar zamonaviy temir-beton tayanchlarga almashtirilmoqda. Shuningdek, transformator punktlarida kapital ta’mirlash ishlari amalga oshirilmoqda.

Elektr kuchlanishi past bo‘lgan mahallalarda esa yangi transformatorlar o‘rnatilib, zamonaviy SIP kabellari tortilmoqda. Natijada elektr tarmoqlarining ishonchliligi oshib, iste’molchilarga elektr energiyasini barqaror yetkazib berish imkoniyati kengaymoqda.

Ushbu sa’y-harakatlarning bosh maqsadi — aholini sifatli va barqaror elektr energiyasi bilan ta’minlash, elektr ta’minotidagi muammolarni manzilli hal etish hamda hudud energetika tizimini zamonaviy talablarga moslashtirishdan iborat.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

MAVSUMGA TAYYORGARLIK ISHLARI DAVOM ETMOQDA
 
Toshkent shahrida iste’molchilarni kuz–qish mavsumida uzluksiz va sifatli elektr energiyasi bilan ta’minlash maqsadida tizimli ravishda tayyorgarlik ishlari olib borilmoqda.
 
Xususan ayni paytda Shayxontohur tumani Betepa mahallasida elektr uzatish tarmoqlari, transformator punktlari va taqsimlash qurilmalari ko‘rikdan o‘tkazilib, zarur ta’mirlash va yangilash ishlari bajarilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz