📌📌📌📌📌📌

OLMAZOR TUMANIDA ELEKTR ENERGIYASI UCHUN TO‘LOVLAR IJROSI VA DEBITOR QARZDORLIKNI QISQARTIRISH MASALALARI MUHOKAMA QILINDI

Toshkent shahar Olmazor tuman elektr ta’minoti bo‘limida Bosh prokuratura mas’ullari hamda “Hududiy elektr tarmoqlari” AJ Energosavdo filiali rahbariyati ishtirokida yig‘ilish o‘tkazildi.

Yig‘ilishda tumanda elektr energiyasi uchun hisob-kitoblarning ijrosi, to‘lovlar tushumi holati hamda debitor qarzdorlikni qisqartirish borasida amalga oshirilayotgan ishlar atroflicha muhokama qilindi.

Xususan, elektr energiyasi uchun tushumlar rejasining to‘liq bajarilishini ta’minlash, to‘lov intizomini mustahkamlash, elektr ta’minoti tizimining barqaror va uzluksiz ishlashini ta’minlash, mavjud texnik kamchiliklarni o‘z vaqtida aniqlash va bartaraf etish bo‘yicha mas’ullarga tegishli vazifalar belgilandi.

Shuningdek, to‘lov qobiliyatiga ega iste’molchilardan elektr energiyasi uchun to‘lovlarni to‘liq undirish choralarini kuchaytirish, debitor qarzdorlikni bosqichma-bosqich qisqartirish hamda bu boradagi ishlarni har bir hudud kesimida muntazam monitoring qilib borish zarurligi ta’kidlandi.

Yig‘ilishda mavjud qarzdorliklarning kelib chiqish sabablari ham tahlil qilinib, umidsiz qarzdorlik holatlari bo‘yicha qonunchilikda belgilangan tartibda tegishli choralarni ko‘rish yuzasidan topshiriqlar berildi.

Bundan tashqari, elektr energetikasi sohasida joriy etilayotgan yangi tizimlar hamda qabul qilingan normativ-huquqiy hujjatlarning mazmun-mohiyatini mas’ullarga yetkazish, ularning ijrosini ta’minlash va bu boradagi ishlarni tizimli tashkil etishga alohida e’tibor qaratildi.

Yig‘ilish yakunida belgilangan vazifalarning o‘z vaqtida va sifatli bajarilishini ta’minlash, ijro intizomini kuchaytirish hamda elektr energiyasi uchun to‘lovlar undirilishini yaxshilash bo‘yicha mas’ullarga aniq ko‘rsatma va topshiriqlar berildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“HUDUDIY ELEKTR TARMOQLARI” JAMOASI XALQARO MUSOBAQADA ISHTIROK ETMOQDA

Ayni kunlarda Turkiyaning Anqara shahridagi TEDAŞ o‘quv poligonida turkiy davlatlar o‘rtasida taqsimlash elektr tarmoqlariga xizmat ko‘rsatuvchi elektromontyorlar o‘rtasida mahorat musobaqasi bo‘lib o‘tmoqda.

An’anaviy tarzda o‘tkazib kelinayotgan mazkur xalqaro musobaqada “Hududiy elektr tarmoqlari” AJ jamoasi ham ishtirok etmoqda.

Har yili tashkil etiladigan musobaqa doirasida jamoalar texnik tayyorgarlik, jabrlangan xodimga birinchi yordam ko‘rsatish hamda elektr qurilmalarida sodir bo‘lgan yong‘inni bartaraf etish bo‘yicha o‘zaro bellashadilar.

O‘tgan yili mazkur musobaqaga Samarqand shahri mezbonlik qilgan. Unda barcha shartlar bo‘yicha yuqori natijalarni qayd etgan “Hududiy elektr tarmoqlari” AJ jamoasi faxrli birinchi o‘rinni egallagan edi.

Jamoa bu yilgi musobaqada ham muvaffaqiyatni davom ettirib, yurtimiz sharafini munosib himoya qilish va yuqori natijalarni qayd etishni maqsad qilgan.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

SIRDARYODA YIRIK ENERGETIKA LOYIHALARI JADAL AMALGA OSHIRILMOQDA

Viloyatda yangi ishlab chiqarish quvvatlari va zamonaviy turar joy massivlarini barqaror elektr energiyasi bilan ta’minlashga qaratilgan yirik infratuzilma loyihalari izchil davom ettirilmoqda.

O‘zbekiston Respublikasi Prezidentining 2025-yil 27-dekabrdagi PQ-393-son qaroriga muvofiq, “Hududiy elektr tarmoqlari” AJning “Hududiy qurilish-montaj direksiyasi” filiali tomonidan Sirdaryo viloyatining Sayxunobod va Boyovut tumanlarida tashqi elektr ta’minotini yaxshilashga qaratilgan yirik loyihalar amalga oshirilmoqda.

Xususan, Sayxunobod tumanida tashkil etilgan kichik sanoat zonasi hamda Boyovut tumanidagi “Yangi O‘zbekiston” massivini barqaror elektr energiyasi bilan ta’minlash maqsadida 110 kVli elektr tarmog‘i va 2 ta 110 kVli podstansiya qurilishi jadal sur’atlarda olib borilmoqda.

Ayni paytda Sayxunobod tumanida quvvati 2x40 MVA bo‘lgan podstansiyada elektr qurilmalarini o‘rnatish ishlari yakuniy bosqichga yetkazilgan.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

BMT Bosh Assambleyasi 81-sessiyasida O‘zbekistonning pozitsiyasi bildirildi

BMT Bosh Assambleyasining 81-sessiyasida 130 ga yaqin davlat delegatsiyalari qatorida O‘zbekiston delegatsiyasi ham ishtirok etdi. Sessiya doirasida O‘zbekiston Respublikasi Prezidenti Administratsiyasi rahbari Saida Mirziyoyeva nutq so‘zladi.

Nutqda bugungi dunyoda ziddiyatlar tobora kuchayib, o‘zaro ishonch susayib borayotgan bir sharoitda O‘zbekistonning aniq pozitsiyasi bayon etildi:

“Tanlagan yo‘limiz aniq — ochiqlik, yaxshi qo‘shnichilik va muloqot. Biz tinchlik, hamkorlik hamda inson qadr-qimmatini e’zozlash tarafdorimiz.”

Nutqda, shuningdek, Markaziy Osiyodagi tub o‘zgarishlar, O‘zbekistonning taraqqiyot yo‘li va aholining turmush darajasi yaxshilanayotgani, BMTning bugungi dunyodagi o‘rni, Afg‘oniston masalasi, bolalar huquqlari va demografik barqarorlik, Orol fojiasi va ekologik muammolar, sun’iy intellekt taraqqiyoti, qonun ustuvorligi va ayollar huquqlari, Toshkentdagi Islom sivilizatsiyasi markazi hamda inson qadrini ulug‘lash kabi dolzarb masalalarga to‘xtalib o‘tildi.

“Bugun hech bir davlat global muammolarni yolg‘iz o‘zi hal eta olmaydi. O‘zbekiston ishonch va o‘zaro hurmatga asoslangan kelajakni barpo etish yo‘lida munosib hissasini qo‘shishga doimo tayyor.”

📱Facebook | 📱Telegram | 📱YouTube | 📱Instagram | 📱X | 📱 het.uz