📌📌📌📌📌📌

ELEKTR TA’MINOTI SOHASI: KECHA VA BUGUN
 
Mirzo Ulug‘bek nomidagi Samarqand davlat texnika universitetida elektr energetikasi sohasida mehnat qilayotgan fidoyi mutaxassislar ishtirokida “Elektr ta’minoti xizmati jonkuyarlari” bilan uchrashuv hamda “Samarqand viloyat elektr tarmoqlari” kitobining taqdimoti bo‘lib o‘tdi.
 
“Munshaot” nashriyot-matbaa ijodiy uyi tomonidan nashr etilgan mazkur kitobda Samarqand viloyati elektr tarmoqlari tizimining shakllanish va rivojlanish bosqichlari, sohada yillar davomida samarali mehnat qilgan fidoyi insonlar faoliyati, erishilgan yutuqlar hamda bugungi islohotlar haqida qimmatli ma’lumotlar jamlangan.
 
Taqdimotda “Zarafshon” va “Samarkandskiy vestnik” gazetalari tahririyati bosh muharriri Farmon Toshev, Respublika Ma’naviyat va ma’rifat markazi viloyat bo‘limi rahbari Xolbek Kubayev, “Hududiy elektr tarmoqlari” AJ Samarqand hududiy filiali direktori Eldor Mamasoliyev va boshqalar so‘zga chiqib, kitobning ahamiyati, elektr energetikasi sohasida mehnat qilayotgan insonlarning jamiyat taraqqiyotidagi o‘rni haqida fikr-mulohazalarini bildirdi.
 
Ta’kidlanganidek, elektr energiyasi — hayotimiz barqarorligi, ishlab chiqarish taraqqiyoti va iqtisodiy yuksalishning muhim omillaridan biri. Uni aholi va iste’molchilarga uzluksiz yetkazib berish ortida esa o‘z kasbiga sadoqat bilan xizmat qilayotgan minglab mutaxassislarning mashaqqatli mehnati mujassam.
 

Shu ma’noda, “Samarqand viloyat elektr tarmoqlari” kitobi nafaqat sohaning kechagi tarixi, balki bugungi fidoyilik va ertangi maqsadlar haqida hikoya qiluvchi muhim manba sifatida ahamiyatlidir. Unda kasb an’analari, ustoz-shogirdlik saboqlari va soha taraqqiyotiga munosib hissa qo‘shgan insonlar xotirasi mujassamlashgan.
 
Tadbir davomida elektr energetikasi sohasining faoliyati, uning bugungi imkoniyatlari va sohada amalga oshirilayotgan ishlarga bag‘ishlangan videorolik ham namoyish etildi.
 
Uchrashuv samimiy muloqotlar, kasb fidoyilariga ehtirom va soha tarixi bilan bog‘liq xotiralar bilan uyg‘un tarzda o‘tdi. Taqdim etilgan kitob esa elektr energetikasi sohasidagi fidoyi insonlar mehnati va Samarqand elektr tarmoqlarining taraqqiyot yo‘lini kelajak avlodlarga yetkazishga xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Kuz-qish mavsumiga tayyorgarlik koʻrish maqsadida elektr ta’minoti barqarorligi mustahkamlanmoqda

Aholini sifatli, barqaror va uzluksiz elektr energiyasi bilan ta’minlash, mavjud elektr tarmoqlarining texnik holatini yaxshilash hamda kuz-qish mavsumiga puxta tayyorgarlik ko‘rish maqsadida “Hududiy elektr tarmoqlari” AJ Xorazm hududiy filiali tomonidan belgilangan chora-tadbirlar asosida keng ko‘lamli mukammal ta’mirlash va modernizatsiya ishlari amalga oshirilmoqda.

Xususan, Urganch shahrida joylashgan 110/6 kV kuchlanishli “Sharqiy” podstansiyasidan chiquvchi 6 kVli “Oromgoh-1 ” havo elektr tarmog‘ida mukammal ta’mirlash ishlari olib borilmoqda.

Mukammal ta’mirlash jarayonida uzoq yillar davomidan buyon xizmat qilib keloyotgan elektr ustunlari zamonaviy va mustahkam temir-beton ustunlarga almashtirish va elektr qurilmalarni yangisiga almashtirish ishlari bajarilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

KORRUPSIYANING OLDINI OLISH BO‘YICHA MUHIM VAZIFALAR BELGILANDI

Kuni kecha Chinoz shahrida “Hududiy elektr tarmoqlari” AJ Toshkent hududiy filiali xodimlari ishtirokida korrupsiyaning oldini olish, uning xavf-xatarlarini barvaqt aniqlash va bartaraf etish, shuningdek, davlat dasturlari ijrosini ta’minlash borasida amalga oshirilayotgan ishlar hamda kelgusidagi ustuvor vazifalarga bag‘ishlangan yig‘ilish bo‘lib o‘tdi.

Unda “Hududiy elektr tarmoqlari” AJ va Toshkent hududiy filialining Korrupsiyaga qarshi kurashish va komplayens nazorat xizmati rahbarlari, viloyat prokuraturasi vakillari, mahalliy Kengash deputatlari, filial rahbariyati hamda ishchi-xodimlar ishtirok etdi.

Ochiq muloqot davomida xodimlarga xizmat faoliyatida qonuniylik, xolislik va halollik tamoyillariga qat’iy rioya qilish, korrupsiyaviy holatlarga nisbatan murosasiz munosabatda bo‘lish hamda mavjud korrupsiyaviy xavflarni o‘z vaqtida aniqlash va bartaraf etish muhimligi ta’kidlandi.

Shuningdek, tadbir davomida korrupsiyaviy xavf-xatarlarning oldini olish, manfaatlar to‘qnashuviga yo‘l qo‘ymaslik, xizmat vakolatlaridan qonuniy va vijdonan foydalanish, poraxo‘rlikning huquqiy oqibatlari hamda korrupsiyaga qarshi kurashishda har bir xodimning shaxsiy mas’uliyati yuzasidan batafsil tushuntirishlar berildi.

Tadbir yakunida xodimlarga korrupsiyaning har qanday ko‘rinishiga nisbatan murosasiz munosabatda bo‘lish, xizmat faoliyatida qonuniylik, xolislik va adolat tamoyillariga amal qilish hamda o‘z xizmat vazifalarini mas’uliyat va sidqidildan bajarish yuzasidan tegishli tavsiyalar berildi.

📱Facebook | 📱Telegram | 📱YouTube | 📱Instagram | 📱X | 📱 het.uz