📌📌📌📌📌📌

JIZZAX VILOYATIDA KUZ-QISH MAVSUMIGA TAYYORGARLIK DOIRASIDA SAF KO‘RIGI O‘TKAZILDI

Jizzax viloyatida 2026/2027-yillar kuz-qish mavsumini betalofat o‘tkazish, aholi va iqtisodiyot tarmoqlarini elektr energiyasi bilan ishonchli ta’minlash, elektr tarmoqlari va energetika obyektlarining barqaror ishlashini ta’minlash maqsadida saf ko‘rigi o‘tkazildi.

Saf ko‘rigi davomida “Hududiy elektr tarmoqlari” AJ Jizzax hududiy filiali tomonidan mavsum davomida yuzaga kelishi mumkin bo‘lgan avariya va nosozliklarni tezkor bartaraf etishga jalb etiladigan tezkor brigadalar, maxsus texnika, avariya-tiklash vositalari va zarur jihozlarning shaylik holati ko‘zdan kechirildi.

Shuningdek, kuz-qish mavsumida elektr ta’minotida yuzaga kelishi mumkin bo‘lgan muammolarning oldini olish, avariya holatlariga tezkor javob qaytarish hamda iste’molchilarni elektr energiyasi bilan ishonchli ta’minlash borasida ko‘rilayotgan choralar muhokama qilindi.

Tadbir davomida mas’ul xodimlarning hamkorlikdagi harakatlari, tezkor brigadalarning tayyorgarligi va favqulodda vaziyatlarda tezkor choralar ko‘rish imkoniyatlariga alohida e’tibor qaratildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

MARG‘ILONDA ELEKTR TA’MINOTI YAXSHILANMOQDA

Marg‘ilon shahridagi “Turon”, “Istiqlol”, “Mustaqillik”, “Navbahor”, “Navro‘z” va “Yangiobod” mahallalari hududidagi axoli hamda 280 ga yaqin tadbirkorlik subyektlarini elektr ta’minotini yaxshilashga qaratilgan amaliy ishlar olib borilmoqda.

Mazkur ishlar O‘zbekiston Respublikasi Prezidentining 2025-yil 8-oktabrdagi “Alohida tuman (shahar) va mahallalarni aholining yashashi va tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida”gi PQ-298-son qarori ijrosi doirasida amalga oshirilmoqda.

Loyiha doirasida 10 kilometr uzunlikdagi 6 kV kuchlanishli yangi elektr uzatish kabel tarmoqlarini tortish ishlari bajarilmoqda.

Yangi elektr tarmoqlarining barpo etilishi hududdagi tadbirkorlik subyektlarini ishonchli va barqaror elektr energiyasi bilan ta’minlash, mavjud tarmoqlardagi yuklamani kamaytirish hamda elektr ta’minoti sifatini yaxshilashga xizmat qiladi.

Ayni paytda qurilish-montaj ishlari belgilangan loyiha asosida davom ettirilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

G‘OLIBLAR MUNOSIB TAQDIRLANDI

Avval xabar berilganidek, Anqara shahrida turkiy davlatlar o‘rtasida taqsimlovchi elektr tarmoqlariga xizmat ko‘rsatuvchi elektromontyorlar o‘rtasida mahorat musobaqasi bo‘lib o‘tdi.

Unda “Hududiy elektr tarmoqlari” AJ jamoasi a’zolari musobaqa jarayonida namoyon etgan yuksak diqqat-e’tibori, ehtiyotkorligi va kasbiy mahorati bilan yuqori natijani qayd etdi. Hakamlar hay’ati qaroriga ko‘ra, jamoa “Eng diqqatli mutaxassislar” nominatsiyasiga loyiq deb topildi.

Kuni kecha O‘zbekistonga qaytib kelgan “Hududiy elektr tarmoqlari” AJ jamoasi Boshqaruv raisi S. Isakulov tomonidan munosib taqdirlandi. G‘oliblarga Jamiyatning tashakkurnomalari hamda pul mukofotlari topshirildi.

Ma’lumot o‘rnida: An’anaviy tarzda o‘tkazib kelinayotgan mazkur xalqaro musobaqada “Hududiy elektr tarmoqlari” AJ jamoasi doimiy ravishda yuqori natijalarni qayd etib kelmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

YANGIYO‘L TUMANIDA ELEKTR TA’MINOTINI YAXSHILASH ISHLARI JADALLIK BILAN DAVOM ETMOQDA

"Hududiy elektr tarmoqlari" AJ Toshkent hududiy filiali tomonidan tuman aholisini barqaror elektr energiyasi bilan ta’minlash maqsadida keng ko‘lamli modernizatsiya ishlari olib borilmoqda.

Bu kabi amaliy choralar elektr ta’minoti barqarorligini oshirish, tarmoqlarning ishonchliligini ta’minlash va iste’molchilarga ko‘rsatilayotgan xizmatlar sifatini yaxshilashga xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz