【PEPE唔食得架】

聖誕節期間發生過高危性行為？ 而你又聽過阿乜水講話72小時之內服用一種藥物係可以阻斷愛滋病病毒感染風險？

冇錯，你所聽到嘅係一種叫做「PEP」， 中文名稱叫做暴露後預防性投藥(Post-Exposure Prophylaxis)，主要功能係同時採用兩種HIV治療藥物，及早抑制愛滋病病毒係體內開始進行複製嘅過程。至於是否能夠成功抑制愛滋病病毒進入身體，則視乎你係喺高危性行為之後幾耐開始服用PEP療程。 一般而言，係高危性行為後72小時之內，開始服用PEP療程，能夠成功阻斷81% - 99%嘅愛滋病病毒感染機會。越早服用，阻斷成功機會越大。

如果你有需要服用PEP，你係可以選擇公立醫院急症室輪候就診，向醫生表明你嘅情況，至於醫生會唔會開畀你，係有佢哋嘅篩選條件，所以唔一定包攞到。而坊間亦都有少量私家醫生備有PEP藥物，以供有需要人士緊急服用。

MY PLACE轄下嘅亦包括提供緊急暴露後預防性投藥服務，一個價錢同時包括肝腎功能檢查，相關性病檢查及醫生診斷服務三次，以及情緒支援，以助你渡過擔憂嘅時刻：

#PEP #暴露後預防性投藥