HUDUD | Andijon

ANDIJONDA GIYOHVANDLIK VA KIBERJINOYATLARNING OLDINI OLISH BO‘YICHA TADBIRLAR O‘TKAZILMOQDA

Andijon viloyatida yoshlar o‘rtasida giyohvandlik va psixotrop moddalar tarqalishining oldini olish, shuningdek, kiberjinoyatlardan ogohlikni oshirishga qaratilgan profilaktik tadbirlar o‘tkazilmoqda. Transportda xavfsizlikni ta’minlash boshqarmasi xodimlari temir yo‘l korxonalari, ta’lim muassasalari va mahallalarda tushuntirish ishlarini olib bormoqda. Tadbirlar davomida fuqarolarga internet firibgarligidan himoyalanish, shaxsiy ma’lumotlar va bank kartalari xavfsizligini ta’minlash bo‘yicha tavsiyalar berilmoqda. O‘quvchilarga esa giyohvandlikning salbiy oqibatlari tushuntirilib, huquqbuzarliklarning oldini olishga alohida e’tibor qaratilmoqda.

Muxbir: Dilfuza Ahmedova
⏰09:00 28.10.2026

😎  Telegram 😎 Instagram▶You Tube

HUDUD | Qashqadaryo

NISHON TUMANIDA MAJLISLAR VA MA’RIFAT MARKAZI HAMDA YOSHLAR IT-MARKAZI QURILMOQDA

Qashqadaryo viloyatining Nishon tumani Paxtakor mahallasida 500 o‘rinli Majlislar va Ma’rifat markazi barpo etilmoqda. Yangi maskan anjumanlar, uchrashuvlar va turli bayram tadbirlarini o‘tkazish uchun xizmat qiladi. Shu bilan birga, mahallada yoshlarning dasturlash, axborot texnologiyalari va raqamli savodxonlikni o‘rganishlari uchun Yoshlar IT-markazi ham qurilmoqda. Har ikki loyiha aholi uchun qulayliklar yaratish va yoshlarning zamonaviy kasblarni egallashiga ko‘maklashishga qaratilgan.

Muxbir: Gʻolib Amirov
⏰09:00 28.10.2026

😎  Telegram 😎 Instagram▶You Tube

HUDUD | Xayriya

BEMOR AYOL SAXOVATLI INSONLAR YORDAMIGA MUHTOJ

38 yoshli ayol bir necha yildan buyon turli kasalliklardan davolanib kelmoqda. Shu vaqt ichida bir necha jarrohlik amaliyotini ham boshdan kechirgan. Ayni paytda u shifokorlar nazoratida davolanishni davom ettirishi zarur. Biroq uzoq davom etayotgan muolajalar xarajatlari oilasiga og‘irlik qilmoqda. Shu bois oila saxovatli insonlardan moddiy yordam so‘ramoqda.

5614 6820 2751 7699

/Soniya Qarshiyeva/

☎️Telefon: +998990838818

⏰09:00 28.10.2026

😎  Telegram 😎 Instagram▶You Tube

HUDUD | Toshkent

TOSHKENTDA “INNOWEEK–2026” XALQARO INNOVATSION G‘OYALAR HAFTALIGI O‘TKAZILMOQDA

Toshkentda o‘tkazilayotgan “InnoWeek–2026” xalqaro innovatsion g‘oyalar haftaligida 225 nafar mahalliy va 40 nafar xorijiy ishtirokchi tomonidan 750 ta innovatsion mahsulot namoyish etilmoqda. Ko‘rgazmada tabiiy gazni tejash, masofaviy ta’lim uchun videokontent yaratish, pomidordan vaksina olish, issiqxonalardan chiqadigan zararli tutunni filtrlash hamda ekologik texnologiyalar bo‘yicha ishlanmalar taqdim etilgan. Haftalik doirasida tadqiqotchilar, tadbirkorlar va investorlar o‘rtasida uchrashuvlar tashkil etilib, ilmiy ishlanmalarni amaliyotga joriy etish va tijoratlashtirish masalalari muhokama qilinmoqda. Xalqaro haftalik 29-oktabrga qadar davom etadi.

Muxbir: Ruxsora G'aafurova
⏰12:00 28.10.2026

😎  Telegram 😎 Instagram▶You Tube

HUDUD | Toshkent

TOSHKENTDA MARKAZIY OSIYO – YEVROPA ITTIFOQI YOSHLAR FORUMI O‘TKAZILDI

Toshkentda Yoshlar ishlari agentligi hamda Raqamli iqtisodiyot va agrotexnologiyalar universiteti hamkorligida “Markaziy Osiyo – Yevropa Ittifoqi” yoshlar forumi tashkil etildi. Ikki kun davom etgan anjumanda 12 davlatdan kelgan ekspertlar, talabalar va ta’lim sohasi vakillari ishtirok etdi. Forumda xalqaro grant dasturlari, Yevropaning nufuzli oliy ta’lim muassasalarida tahsil olish, ilmiy tadqiqotlarda qatnashish va xalqaro hamkorlikni rivojlantirish masalalari muhokama qilindi. Ishtirokchilarga grant loyihalarini tayyorlash hamda ilmiy g‘oyalarni xalqaro miqyosga olib chiqish bo‘yicha tavsiyalar berildi.

Muxbir: Madina Ahmedova
⏰12:00 28.10.2026

😎  Telegram 😎 Instagram▶You Tube

HUDUD | Andijon

ANDIJONDA “JADIDLAR IZIDAN” TANLOVINING SHAHAR BOSQICHI O‘TKAZILDI

Respublikamizning barcha hududlarida o‘tkazilayotgan “Jadidlar izidan” tanlovining navbatdagi bellashuvi Andijon shahrida tashkil etildi. Unda o‘quvchilar jadid bobolarimizning hayoti, ijodi va ma’rifatparvarlik g‘oyalariga oid bilimlarini namoyish etmoqda. Tanlov yosh avlodni milliy merosimizni chuqur o‘rganish va ajdodlarimizning ma’rifiy qarashlarini keng targ‘ib etishga undashga qaratilgan.

Muxbir: Dilfuza Ahmedova
⏰12:00 28.10.2026

😎  Telegram 😎 Instagram▶You Tube

HUDUD | Toshkent

MILLIY KINOLOGIYA MARKAZIGA 30 YIL TO‘LDI

Bojxona postlarida taqiqlangan buyumlar, giyohvandlik vositalari va noqonuniy yuklarni aniqlashda kinologlar hamda ularning xizmat itlari muhim o‘rin tutadi. Malakali mutaxassislarni tayyorlab kelayotgan Milliy kinologiya markazi tashkil etilganining 30 yilligi munosabati bilan markazda tantanali tadbir bo‘lib o‘tdi. Unda kinologiya sohasining yutuqlari va xizmat itlarining bojxona nazoratidagi ahamiyatiga e’tibor qaratildi.

⏰12:00 28.10.2026

😎  Telegram 😎 Instagram▶You Tube

HUDUD|Farg'ona

MILLIY QADRIYATLAR ASRALAYOTGAN XONADON SAYYОHLAR E’TIBORIDA

O‘zbekistonning chekka qishloqlaridan birida yashovchi etnik qirg‘iz oilasi — Bahrom aka va Gulbahor opaning xonadoni o‘ziga xos tirik muzeyga aylangan. Gulbahor opa milliy gilamlar to‘qisa, Bahrom aka qo‘y junidan ip yigirib, turmush o‘rtog‘iga ko‘maklashadi. Xonadonda qardosh xalqning qadimiy urf-odatlari, hunarmandchiligi va mehmondo‘stlik an’analari saqlab kelinmoqda. Bu maskan milliy madaniyat bilan yaqindan tanishishni istagan sayyohlarni ham o‘ziga jalb etmoqda.

Muxbir: Hilola Abduqodirova
⏰12:00 28.10.2026

😎  Telegram 😎 Instagram▶You Tube

HUDUD|Qashqadaryo

KO‘ZI OJIZ USTOZ O‘QUVCHILARIGA ILM VA ISHONCH ULASHMOQDA

Qarshi shahridagi 18-sonli “Nurli maskan” maktab-internatida ingliz tilidan dars berayotgan 31 yoshli Farrux Ziyotov ko‘rish imkoniyati cheklangan bo‘lishiga qaramay, o‘z bilim va tajribasini o‘quvchilariga o‘rgatmoqda. U darslarda mnemonika usulidan foydalanib, bolalarning tilni oson o‘zlashtirishiga ko‘maklashmoqda. Uning shogirdlari orasida ingliz tilidan B1 va B2 darajadagi sertifikatlarni qo‘lga kiritganlar bor. Fidokorona mehnati uchun Farrux Ziyotov joriy yilda “Jasorat” medali bilan taqdirlandi. Ayni paytda u 15 nafar o‘quvchi bilan qo‘shimcha mashg‘ulotlar olib bormoqda.

Muxbir: G'olib Amirov
⏰12:00 28.10.2026

😎  Telegram 😎 Instagram▶You Tube

HUDUD|Italiya

O‘ZBEKISTONLIK SARTAROSH JAHON CHEMPIONI BO‘LDI

Italiyada sartaroshlik va kosmetologiya bo‘yicha jahon chempionati bo‘lib o‘tdi. Unda 50 ta davlat vakillari ishtirok etdi. Quvonarlisi, hamyurtimiz Muhriddin Dalimov zamonaviy va kreativ soch turmaklash mahorati bilan hakamlarning eng yuqori bahosini olib, birinchi o‘rinni qo‘lga kiritdi va jahon chempioniga aylandi.

⏰12:00 28.10.2026

😎  Telegram 😎 Instagram▶You Tube

HUDUD|Toshkent

O‘ZBEKISTON VA BELARUS OLIMLARI OPTIK TOLALI DATCHIKLAR BO‘YICHA HAMKORLIK QILMOQDA

O‘zbekiston Respublikasi Jamoat xavfsizligi universiteti va Belarus davlat aloqa akademiyasi hamkorligida optik tolali datchiklarni yaratish va amaliyotga joriy etish bo‘yicha ilmiy loyiha amalga oshirilmoqda. Hamkorlik doirasida kursantlar uchun mahorat darslari o‘tkazilib, yangi ilmiy ishlanmalar taqdim etildi. Mazkur loyiha zamonaviy texnologiyalarni rivojlantirish va ilmiy hamkorlikni mustahkamlashga xizmat qiladi.

⏰12:00 28.10.2026

😎  Telegram 😎 Instagram▶You Tube

HUDUD|Xorij xabarlari

🌍 JANUBIY AFRIKADA SUV IFLOSLANISHI, MEKSIKADA TOSHQIN VA MISRDA QADIMGI TIMSOH QOLDIQLARI — XORIJ XABARLARI

🇿🇦 JANUBIY AFRIKADA ICHIMLIK SUVI IFLOSLANISHI OQIBATIDA 833 TA KASALLANISH HOLATI QAYD ETILDI

Janubiy Afrikada ichimlik suvi ifloslanishi oqibatida oshqozon-ichak kasalliklari bilan bog‘liq 833 ta holat qayd etildi. Bemorlarning katta qismini to‘rt yoshgacha bo‘lgan bolalar tashkil etadi. Suv tozalash inshootidagi texnik nosozlik sababli qariyb uch hafta davomida suvni zararsizlantirish ishlari bajarilmagan. Hozirda ta’mirlash va suvni tozalash ishlari boshlangan. O‘lim holatlari hozircha qayd etilmagan.

🇰🇷 JANUBIY KOREYADA KUZGI MANZARALAR MINGLAB SAYYОHLARNI JALB QILMOQDA

Janubiy Koreyaning Nami orolida kuzgi manzaralar, ayniqsa, oltinrang tusga kirgan ginkgo daraxtlari sayyohlar e’tiborini tortmoqda. Mehmonlar bu yerda tabiatdan bahramand bo‘lib, sayr qilish va suratga tushishmoqda.

🇲🇽 MEKSIKADA SUV TOSHQINI 150 DAN ORTIQ OILANI BOSHPANASIZ QOLDIRDI

Meksikada La Montada to‘g‘onining yorilishi oqibatida ko‘chalar va turar joylarni suv bosdi. 150 dan ortiq oilaning uylari vayron bo‘lgan, qariyb 100 ta avtomobil suv oqimida ketgan. Aholi vaqtinchalik boshpanalarga joylashtirilgan. Hududlarda tozalash ishlari olib borilib, jabrlanganlarga yordam ko‘rsatish markazlari faoliyat yuritmoqda.

🇪🇬 MISРDA 45 MILLION YILLIK TIMSOH QOLDIQLARI QAYTA O‘RGANILDI

Misrda 1927-yilda Qohira yaqinidan topilgan timsoh qoldiqlari zamonaviy kompyuter tomografiyasi yordamida qayta tekshirildi. Natijada taxminan 45 million yil avval yashagan, ilgari noto‘g‘ri tasniflangan timsoh turi aniqlashtirildi. Tadqiqot qadimgi Misr hududida yashagan timsohlar xilma-xilligini yaxshiroq tushunishga yordam beradi.

Muxbir: Hilola Muhammadjonova
⏰12:00 28.10.2026

😎  Telegram 😎 Instagram▶You Tube

Bugun Toshkentda Markaziy Osiyo xalqaro ta’lim forumi bo‘lib o‘tdi. Mintaqa mamlakatlari kadrlar tayyorlashda ham birlashmoqdalar

Demografik o‘sishlar pensiya tizimiga ta’sir o‘tkazadimi? Samarqandda ayni masala xalqaro anjuman doirasida muhokama qilindi.

Italiyadagi ayrim restoranlar oilaviy dasturxon uchun yangi qoidani joriy etdi. Endi tamaddi paytida mijozlarning qo‘l telefonlari olib qo‘yiladi.

Surxondaryoda kuzgi mavsumda 11 mingdan ziyod daraxt ko‘chatlarini ekishga hozirlik ko‘rilmoqda.

Anons |⏰ SOAT 16:00 | Jonli efir

😎  Telegram 😎 Instagram▶You Tube

HUDUD|Toshkent

TOSHKENTDA MARKAZIY OSIYO XALQARO TA’LIM FORUMI O‘TKAZILDI

Bugun Toshkentda Markaziy Osiyo xalqaro ta’lim forumi bo‘lib o‘tdi. Unda mintaqa mamlakatlari ta’lim sohasi rahbarlari, rektorlar va xalqaro ekspertlar talabalar almashinuvi, qo‘shma ta’lim dasturlari hamda diplomlarni o‘zaro tan olish masalalarini muhokama qildi. Shuningdek, oliy ta’lim muassasalarida sun’iy intellektdan foydalanish masalasiga ham alohida e’tibor qaratildi.

Muxbir: Ruxsora G'afurova
⏰16:00 28.10.2026

😎  Telegram 😎 Instagram▶You Tube

HUDUD|Toshkent

TOSHKENTDA “MARKAZIY OSIYO YOSH YETAKCHILARI” DASTURIGA START BERILDI

Toshkent va Buxoro shaharlarida 27–29-oktyabr kunlari ilk bor “Markaziy Osiyo yosh yetakchilari” mintaqaviy dasturi o‘tkazilmoqda. “Yuksalish” harakati va Germaniyaning Konrad Adenauer jamg‘armasi hamkorligida tashkil etilgan dasturda Ozarbayjon, Qozog‘iston, Qirg‘iziston, Tojikiston va O‘zbekistondan 20 nafardan ortiq yosh siyosatchi, deputat, davlat xizmatchisi hamda jamoat arboblari ishtirok etmoqda. Dastur doirasida parlament islohotlari, korrupsiyaga qarshi kurash, raqamlashtirish, mahalla tizimi va turizm sohalaridagi tajriba almashish, shuningdek, mintaqaviy hamkorlikni mustahkamlash masalalari muhokama qilinadi.

Muxbir: MIrzaolim Rustambekov
⏰16:00 28.10.2026

😎  Telegram 😎 Instagram▶You Tube

HUDUD|Toshkent

O‘ZBEKISTONDA URUG‘ SAVDOSI BO‘YICHA IXTISOSLASHTIRILGAN XALQARO KONGRESS O‘TKAZILMOQDA

O‘zbekiston mezbonligida urug‘ savdosi bo‘yicha to‘qqizinchi xalqaro kongress bo‘lib o‘tmoqda. Qishloq xo‘jaligi vazirligi tashabbusi bilan tashkil etilgan anjuman urug‘chilikni rivojlantirish va mamlakatlar o‘rtasidagi savdo aloqalarini kengaytirishga qaratilgan. Dastur doirasida davlat idoralari, ilmiy muassasalar va urug‘chilik kompaniyalari vakillari ishtirokida taqdimotlar hamda biznes uchrashuvlari o‘tkazilmoqda.

Muxbir: Muhammad Amir Hayotzoda
⏰16:00 28.10.2026

😎  Telegram 😎 Instagram▶You Tube

HUDUD|Samarqand

SAMARQANDDA PENSIYA TIZIMLARINING KELAJAGIGA BAG‘ISHLANGAN XALQARO KONFERENSIYA O‘TKAZILDI

Samarqandda pensiya tizimlarining kelajagiga bag‘ishlangan xalqaro konferensiya bo‘lib o‘tdi. Unda Markaziy Osiyo davlatlari va Ozarbayjondan kelgan mutaxassislar ishtirok etdi. Muhokamalarda demografik o‘zgarishlar sharoitida pensiya ta’minoti barqarorligini saqlash, sohani raqamlashtirish hamda xalqaro tajribadan foydalanish masalalariga e’tibor qaratildi.

Muxbir: Nozima Karimova
⏰16:00 28.10.2026

😎  Telegram 😎 Instagram▶You Tube

HUDUD|Surxondaryo

SURXONDARYODA “YASHIL MAKON” LOYIHASI DOIRASIDA 11 MILLIONDAN ORTIQ KO‘CHAT EKILADI

“Yashil makon” umummilliy loyihasi doirasida Surxondaryo viloyatida kuzgi ko‘chat ekish mavsumiga tayyorgarlik ishlari olib borilmoqda. Joriy mavsumda hududda 11 million 187 ming tup ko‘chat ekish, 723 ta mahallada ko‘kalamzorlashtirish ishlarini amalga oshirish, shuningdek, mikroo‘rmonlar, soyali sayr ko‘chalari va jamoatchilik bog‘larini barpo etish rejalashtirilgan. Angor tumanidagi bog‘bonlar ham mevali va manzarali daraxt ko‘chatlarini parvarishlab, loyihaga munosib hissa qo‘shmoqda. Ayni paytda bog‘lardan birida 4 mingga yaqin ko‘chat yetishtirilmoqda. Tadbirkorlik faoliyati orqali doimiy va mavsumiy ish o‘rinlari ham yaratilmoqda.

Muxbir: Muqaddas Panjiyeva
⏰16:00 28.10.2026

😎  Telegram 😎 Instagram▶You Tube

HUDUD

“DOK-1 MAKS” VA “AMBRONOL”DAN JABRLANGAN BOLALAR OILALARIGA 80 MILLIARD SO‘M KOMPENSATSIYA TO‘LANDI

“Dok-1 Maks” va “Ambronol” dorilaridan jabrlangan 88 nafar bolaning oilalariga jami 80 milliard so‘m kompensatsiya to‘lab berildi. Yana ikki bolaning oilasiga qolgan 2 milliard so‘m bank kartalari bilan bog‘liq texnik masalalar hal etilgach o‘tkaziladi. Sog‘liqni saqlash vazirligi ma’lumotiga ko‘ra, to‘lovlarni tezlashtirish uchun davlat budjetidan 65 milliard 200 million so‘m ajratilgan. Ushbu mablag‘ aybdorlardan pul undirish va ularning mol-mulkini sotish orqali respublika budjetiga qaytarilishi belgilangan.

⏰16:00 28.10.2026

😎  Telegram 😎 Instagram▶You Tube

HUDUD|Xorij xabarlari

🌍 HINDISTONDA SIKLON, LONDONDA ROBOTLAR UCHUN YANGI TEXNOLOGIYA VA CHILIDA TORNADO — XORIJ XABARLARI

🇮🇳 HINDISTONDA 180 MINGDAN ORTIQ AHOLI EVAKUATSIYA QILINDI

Hindiston sharqiga “Arnab” sikloni yopirilib, Andxra-Pradesh va Odisha shtatlarida kuchli yog‘ingarchilik hamda suv toshqini xavfi yuzaga keldi. Xavfsizlik maqsadida 180 mingdan ortiq aholi evakuatsiya qilindi. Maktablar yopilib, o‘nlab aviareyslar va 100 dan ortiq poyezd qatnovi bekor qilindi. Ayrim hududlarda daraxtlar va elektr ustunlari qulab, elektr hamda gaz ta’minotida uzilishlar kuzatildi.

🇬🇧 LONDONDA ROBOTLARNI BIR MARTA KO‘RSATISH ORQALI O‘RGATISH TEXNOLOGIYASI TAQDIM ETILDI

Londonda robotlarga vazifalarni bir martalik namoyish orqali o‘rgatish imkonini beruvchi sun’iy intellekt texnologiyasi taqdim etildi. Ushbu texnologiyani ishlab chiqayotgan startap 40 million dollar investitsiya jalb qilgan. Yangi yondashuv robotlarni o‘qitish va turli vazifalarga moslashtirish uchun sarflanadigan vaqt hamda xarajatlarni kamaytirishga yordam beradi.

🇮🇹 ITALIYADA RESTORANLARDA TELEFONDAN FOYDALANISHNI CHEKLASH TAJRIBASI BOSHLANDI

Italiyaning Sardiniya orolidagi 15 ta restoran oilalarni ovqatlanish vaqtida telefondan foydalanmaslikka undovchi “Dasturxonda ekranlarsiz” loyihasini boshladi. Bir oyga mo‘ljallangan tashabbus ota-onalar va bolalarni telefonlarga chalg‘imasdan, o‘zaro suhbatlashishga rag‘batlantirishga qaratilgan. Tajriba natijalariga qarab, uni mamlakatning boshqa hududlarida ham joriy etish rejalashtirilgan.

🇨🇱 CHILIDA TORNADO YUZLAB UYGA ZARAR YETKAZDI

Chilining markaziy va janubiy hududlarida yuz bergan tornado uylar va maktablarga zarar yetkazdi. Dastlabki ma’lumotlarga ko‘ra, 230 dan ortiq uy vayron bo‘lgan, kamida to‘rt kishi jarohatlangan. Qurbonlar haqida ma’lumot berilmagan. Jabrlangan aholi vaqtinchalik boshpanalarga joylashtirilmoqda.

🇨🇳 XITOYLIK MOTOTSIKLCHI SUVDA 40 KILOMETRDAN ORTIQ MASOFANI BOSIB O‘TDI

Xitoylik mototsiklchi Chjan Syue maxsus qayta jihozlangan mototsiklda suv yuzasida 40 kilometrdan ortiq masofani bosib o‘tib, rekord natija qayd etdi. Transport vositasi quruqlikda ham, suvda ham harakatlanishga moslashtirilgan. Chjan Syue ushbu natijaga erishish uchun 2009-yildan buyon mehnat qilganini ma’lum qildi.

Muxbir: Hilola Muhammadjonova
⏰16:00 28.10.2026

😎  Telegram 😎 Instagram▶You Tube