HUDUD | Xorij xabarlari

🌍 EKVADORDA SUV TOSHQINI, SURIYADA HAVA HUJUMI VA ARGENTINADA LOLALAR MAVSUMI — XORIJ XABARLARI

🇪🇨 Ekvadorda suv toshqinlari yuzlab oilalarni boshpanasiz qoldirdi

Ekvadorning janubi-g‘arbiy qismida El-Ninyo hodisasi bilan bog‘liq kuchli yog‘ingarchilik va suv toshqinlari kuzatildi. El-Oro provinsiyasining Machala shahrida ko‘plab hududlarni suv bosdi. Dastlabki ma’lumotlarga ko‘ra, 438 ta oila uy-joysiz qolgan, 160 kishi vaqtinchalik boshpanalarga joylashtirilgan. Ayrim hududlarda qutqaruv va evakuatsiya ishlari davom etmoqda.

🇸🇾 Suriyada havo hujumi oqibatida besh kishi halok bo‘ldi

Suriya janubidagi Daraa viloyatining Muzayrib shahriga uyushtirilgan havo hujumi oqibatida besh kishi halok bo‘ldi. Zarba natijasida turar joy binosi vayron bo‘lgan. Qurbonlar orasida ayollar va bolalar ham borligi ma’lum qilindi. Voqea joyida qidiruv-qutqaruv ishlari olib borilmoqda.

🇵🇪 Perudagi daryo bo‘yida chiqindilar to‘planib qoldi

Peru poytaxti Lima shahridan oqib o‘tuvchi Rimak daryosi bo‘yida plastik idishlar, paketlar, eski mebellar va qurilish chiqindilari to‘planib qolgan. Ayniqsa, Truxillo va Dueñas ko‘priklari oralig‘ida ifloslanish kuchaygan. Mahalliy aholi chiqindilarni nazorat qilish va hududni tozalash choralari yetarli emasligidan norozilik bildirmoqda.

🇦🇷 Argentinada ikki milliondan ortiq lola ochildi

Argentinaning Chubut provinsiyasidagi Trevelin shahrida joylashgan bog‘da ikki milliondan ortiq rang-barang lola gulladi. 1996-yilda bir oila tomonidan tashkil etilgan bog‘da dastlab atigi 100 dona lola ekilgan. Hozir esa gullash mavsumida minglab sayyohlar tashrif buyurmoqda. Gullash jarayoni 7-noyabrgacha davom etishi kutilmoqda.

Muxbir: Hilola Muhammadjonova
⏰12:00 27.10.2026

😎  Telegram 😎 Instagram▶You Tube

O‘zbekiston Prezidenti Shavkat Mirziyoyev bir gruuh tibbiyot xodimlarini davlatimizning yuksak unvonlari bilan mukoftotladi.

Surxondaryo! Uzun tumanida tog‘ jismlari qulashi oqibatida yo‘l to‘silib qoldi. Vaziyat bilan tanishamiz!

Sun’iy intelekt odam aqlidan aqllimi? Janubiy afrikalik ayol dastur yordamida kitob yozib million dollar ishlab topdi!

Toshkentda havoning ifloslanishiga nima sabab bo‘lmoqda? Mutahassis izoh beradi!

Namanganda mintaqaning eng shirin festivali o‘tkazildi. Asal ko‘rgazmasidan maxsus reportaj

Anons |⏰ SOAT 16:00 | Jonli efir

😎  Telegram 😎 Instagram▶You Tube

HUDUD | Toshkent

IBN SINO NOMIDAGI DAVLAT MUKOFOTI TA’SIS ETILADI

Prezident Shavkat Mirziyoyev sog‘liqni saqlash va farmatsevtika sohasi xodimlari bilan uchrashuvda tibbiyot xodimlari uchun Ibn Sino nomidagi alohida davlat mukofotini ta’sis etish tashabbusini e’lon qildi. Shuningdek, uchrashuvda sohada faoliyat yuritayotgan 800 mingdan ziyod xodimning hissasi e’tirof etildi. Oshqozon, yo‘g‘on ichak, prostata bezi va o‘pka saratonini erta aniqlash ishlari bosqichma-bosqich kengaytirilishi, 2028-yildan barcha hududlarda joriy etilishi va bu maqsadlar uchun yiliga 700 milliard so‘m ajratilishi ma’lum qilindi. Bundan tashqari, “Yangi O‘zbekiston tibbiyot standartlari” joriy etilishi, viloyat bosqichida g‘olib bo‘lgan 14 nafar shifokor elektromobil bilan taqdirlanishi hamda sog‘lom turmush tarziga oid eng yaxshi 10 ta loyiha muallifiga 200 million so‘mdan grant berilishi bildirildi.

Muxbir: Umida Olimova
⏰16:00 27.10.2026

😎  Telegram 😎 Instagram▶You Tube

HUDUD | Surxondaryo

SURXONDARYODA TOG‘ JINSLARI QULAB, AVTOMOBIL YO‘LI TO‘SILDI

Surxondaryo viloyatining Uzun tumanidan o‘tuvchi avtomobil yo‘lida tog‘ jinslari qulab tushdi. Mutasaddi tashkilotlar tomonidan tezkor choralar ko‘rilib, yo‘l qisqa vaqt ichida tozalandi va transport vositalari harakati tiklandi. Fuqarolardan tog‘li hududlarda harakatlanish vaqtida ehtiyotkor bo‘lish hamda yo‘l belgilari va mas’ul xizmatlar ko‘rsatmalariga amal qilish so‘ralmoqda.

Muxbir: Muqaddas Panjiyeva
⏰16:00 27.10.2026

😎  Telegram 😎 Instagram▶You Tube

HUDUD | Toshkent

TOSHKENTDA V TURK DUNYOSI XALQARO MUHANDISLIK SAMMITI O‘TKAZILMOQDA

25–28-oktabr kunlari Toshkentda “Muhandislik va texnologiyada mushtarak kelajak” shiori ostida V Turk dunyosi xalqaro muhandislik sammiti bo‘lib o‘tmoqda. Unda O‘zbekiston, Turkiya, Qozog‘iston va Ozarbayjon vakillari sun’iy intellekt, kiberxavfsizlik, energetika, mudofaa sanoati va boshqa istiqbolli yo‘nalishlarda hamkorlik masalalarini muhokama qilmoqda. B2B uchrashuvlar doirasida yangi texnologiyalarni joriy etish, qo‘shma loyihalarni amalga oshirish va investitsiyaviy aloqalarni rivojlantirishga alohida e’tibor qaratilmoqda.

Muxbir: Mirzaolim Rustambekov
⏰16:00 27.10.2026

😎  Telegram 😎 Instagram▶You Tube

HUDUD | Namangan

NAMANGANDA V XALQARO ASAL FESTIVALI O‘TKAZILDI

Namangan shahridagi “Afsonalar vodiysi” tematik parkida V Xalqaro asal festivali bo‘lib o‘tdi. Unda O‘zbekiston, Qozog‘iston, Qirg‘iziston, Rossiya va Ozarbayjondan 200 nafardan ortiq asalarichi, soha mutaxassisi va tadbirkor ishtirok etdi. Uch kun davom etgan festivalda 35 tonna asal va asalarichilik mahsulotlari namoyish etilib, 50 mingdan ziyod ishtirokchi uchun madaniy tadbirlar, sport musobaqalari va hunarmandlar yarmarkasi tashkil etildi. Festival asalarichilar o‘rtasida tajriba almashish, mahsulotlarni targ‘ib qilish va xalqaro savdo aloqalarini rivojlantirishga xizmat qildi.

Muxbir: Muhammadjon Begmatov
⏰16:00 27.10.2026

😎  Telegram 😎 Instagram▶You Tube

HUDUD | Qashqadaryo

QASHQADARYODA YANGI TEZKOR BOSHQARUV MARKAZI ISH BOSHLADI

Qashqadaryo viloyati Ichki ishlar boshqarmasida zamonaviy Tezkor boshqaruv markazi foydalanishga topshirildi. Markazda 112 qisqa raqamiga kelib tushgan murojaatlarni tegishli xizmatlarga yo‘naltirish, “Tashvish tugmasi” orqali xavf signallarini qabul qilish va kiberjinoyatlarga qarshi kurashish yo‘lga qo‘yilgan. Shuningdek, viloyat hokimi Murotjon Azimov shahar va tuman ichki ishlar bo‘limlari boshliqlariga yangi xizmat avtomashinalarining kalitlarini topshirdi. Yangi markaz huquqbuzarliklarning oldini olish va fuqarolar xavfsizligini ta’minlashga xizmat qiladi.

Muxbir: G'olib Amirov
⏰16:00 27.10.2026

😎  Telegram 😎 Instagram▶You Tube

HUDUD | Sirdaryo

SIRDARYODA “JADIDLAR IZIDAN” TANLOVINING TUMAN-SHAHAR BOSQICHI O‘TKAZILDI

Sirdaryo viloyatining Guliston shahrida “Jadidlar izidan” tanlovining shahar bosqichi bo‘lib o‘tdi. Unda 6–8-sinf hamda 9–10-sinf o‘quvchilari jadid bobolarimizning hayoti, ijodi va ma’rifatparvarlik g‘oyalariga oid bilimlarini sinovdan o‘tkazdi. Test savollari orqali kechgan bellashuv yakunida yuqori ball to‘plagan ikki nafar ishtirokchi tanlovning viloyat bosqichiga yo‘llanma oldi.

Muxbir: Sevara Ahmadqulova
⏰16:00 27.10.2026

😎  Telegram 😎 Instagram▶You Tube

HUDUD | Farg'ona

RISHTONDA TEXNIKUM QOSНIDA ZAMONAVIY TIBBIYOT KLINIKASI ISH BOSHLADI

Farg‘ona viloyatidagi Rishton Abu Ali ibn Sino nomidagi jamoat salomatligi texnikumi qoshida ko‘p tarmoqli tibbiyot klinikasi tashkil etildi. Muassasa bir vaqtning o‘zida aholiga tibbiy xizmat ko‘rsatish va o‘quvchilar uchun amaliy mashg‘ulotlar o‘tkazish bazasi vazifasini bajarmoqda. Klinikada texnikumning 8 nafar bitiruvchisi doimiy ish bilan ta’minlandi. Shuningdek, joriy o‘quv yilida 60 nafar o‘quvchi Buyuk Britaniyaning Pearson xalqaro ta’lim dasturiga qabul qilindi. Ushbu tashabbus tibbiyot sohasi uchun malakali kadrlar tayyorlash va yoshlarning bandligini ta’minlashga xizmat qiladi.

Muxbir: Muhammadsiddiq Usmonov
⏰16:00 27.10.2026

😎  Telegram 😎 Instagram▶You Tube

HUDUD | Toshkent

TOSHKENTDA HAVO IFLOSLANISHIGA QANDAY OMILLAR SABAB BO‘LMOQDA?

So‘nggi kunlarda Toshkent shahrida havo ifloslanishi bilan bog‘liq holat kuzatilmoqda. Bunga qanday omillar sabab bo‘lmoqda va vaziyatning yuzaga kelishiga nimalar ta’sir ko‘rsatmoqda? Texnika fanlari doktori, Ixtisoslashtirilgan atmosfera laboratoriyasi markazi rahbari Zikrilla Alimov ushbu holat yuzasidan o‘z izohlarini berdi.

⏰16:00 27.10.2026

😎  Telegram 😎 Instagram▶You Tube

HUDUD | Xorij xabarlari

JANUBIY AFRIKALIK YOZUVCHI SUN’IY INTELLEKT YORDAMIDA 1 MILLION DOLLARDAN ORTIQ DAROMAD TOPDI — XORIJ XABARLARI

Koral Hart taxallusi bilan ijod qiluvchi yozuvchi 20 oy ichida sun’iy intellekt yordamida 371 ta ishqiy roman yozib, Amazon va boshqa onlayn platformalarda sotgan. U ChatGPT, Claude va Grok kabi chatbotlardan foydalangan. Muallif asarlarning g‘oyasi, syujeti va qahramonlarini o‘zi ishlab chiqqan. Biroq, muvaffaqiyatiga qaramay, u haqiqiy ismini sir saqlamoqda.

ISPANIYADA AVTOBUS JAROHATLANGANLAR BILAN JARLIKKA QULADI

Ispaniyaning Barselona shahri yaqinida avtobus yo‘ldan chiqib, taxminan 20 metr chuqurlikdagi jarlikka qulagan. Hodisa oqibatida 83 kishi jarohatlangan, ulardan yetti nafari og‘ir ahvolda. Voqea sabablari yuzasidan tekshiruv olib borilmoqda.

MICROSOFT 60 MING XODIMIGA IXTiyoriy ISHDAN BO‘SHASHNI TAKLIF QILDI

Microsoft kompaniyasi AQSH, Kanada, Buyuk Britaniya va Hindistondagi 60 ming nafar xodimiga kompensatsiya evaziga ixtiyoriy ravishda ishdan bo‘shash dasturini taklif qildi. Bu qaror kompaniyaning sun’iy intellekt infratuzilmasiga katta sarmoya kiritayotgani fonida xarajatlarni qisqartirish chorasi sifatida izohlanmoqda.

TURKIYADA TORNADO OQIBATIDA BESH KISHI HALOK BO‘LDI

Turkiyaning Antaliya hududida yuz bergan tornado oqibatida besh nafar ishchi halok bo‘ldi, yana bir kishi jarohatlandi. Tabiiy ofat qurilish maydonidagi ishchilar yashaydigan boshpanalarga zarar yetkazgan, katta kran esa qulab tushgan. Hodisa joyida qutqaruv-qidiruv ishlari davom etmoqda.

XITOYLIK TADBIRKOR UMRBOD QAMOQ JAZOSIGA HUKM QILINDI

Xitoyning mis savdosi bilan shug‘ullanuvchi yirik kompaniyasi asoschisi Xe Szinbi firibgarlik va poraxo‘rlikda aybdor deb topilib, umrbod qamoq jazosiga hukm qilindi. Sud ma’lumotlariga ko‘ra, kompaniya faoliyati bir nechta bank uchun bir milliard dollardan ortiq zarar xavfini yuzaga keltirgan. 61 yoshli tadbirkor hukm ustidan shikoyat kiritgan.

Muxbir: Hilola Muhammadjonova
⏰16:00 27.10.2026

😎  Telegram 😎 Instagram▶You Tube

HUDUD | Toshkent

PREZIDENT OLIMPIADASIDA 3,5 MINGDAN ZIYOD YOSH 26 TA SPORT TURI BO‘YICHA BELLASHADI

Prezident Shavkat Mirziyoyev ikkinchi bor o‘tkazilayotgan Prezident olimpiadasining ochilish marosimida ishtirok etib, sportchi yoshlar, murabbiylar va sport fidoyilarini tabrikladi. Bu yilgi musobaqalarda mamlakatimizning turli hududlaridan kelgan 3,5 mingdan ziyod yosh olimpiya va paralimpiya yo‘nalishidagi 26 ta sport turi bo‘yicha kuch sinashadi. Ularga 1,5 ming murabbiy hamrohlik qilmoqda. Davlatimiz rahbari yoshlar orasidan kelajakda dunyoni hayratga soladigan chempionlar va rekordchilar yetishib chiqishiga ishonch bildirdi.

Maxsus son

Muxbir: Umida Olimova
19:30 27.10.2026

😎  Telegram 😎 Instagram▶You Tube

HUDUD | Toshkent

PREZIDENT OLIMPIADASI OCHILDI: G‘OLIBLAR UCHUN YANGI IMKONIYATLAR E’LON QILINDI

Prezident Shavkat Mirziyoyev 27-oktabr kuni Toshkentdagi Olimpiya shaharchasida Prezident Olimpiadasining tantanali ochilish marosimida ishtirok etdi. Joriy yilgi musobaqalarda 3,5 ming nafardan ziyod yosh sportchi 26 ta sport turi bo‘yicha bellashadi. Davlat rahbari kelgusi yildan g‘olib va sovrindorlar uchun pul mukofotlari 2,5 baravar oshirilishini, shuningdek, Olimpiada g‘oliblariga bir yillik stipendiya tayinlanishini ma’lum qildi. O‘zbekiston rekordini yangilagan maktab bitiruvchilari esa oliy ta’lim muassasalarining sport yo‘nalishlariga imtihonsiz, davlat granti asosida qabul qilinadi. Marosim yakunida Prezident Olimpiadasi mash’alasi yoqildi.

Muxbir: Umida Olimova
⏰09:00 28.10.2026

😎  Telegram 😎 Instagram▶You Tube

HUDUD | Toshkent

BIZNES-OMBUDSMAN HUZURIDAGI JAMOATCHILIK KENGASHI YIG‘ILISHI O‘TKAZILDI

Toshkent shahrida Biznes-ombudsman huzuridagi Jamoatchilik kengashining navbatdagi yig‘ilishi bo‘lib o‘tdi. Unda joriy yilning to‘qqiz oyida amalga oshirilgan ishlar sarhisob qilinib, tadbirkorlarni qiynayotgan tizimli muammolar hamda ularning yechimlari muhokama qilindi.

Muxbir: Hilola Muhammadjonova
⏰09:00 28.10.2026

😎  Telegram 😎 Instagram▶You Tube

HUDUD | Buxoro

G‘IJDUVONDA “JADIDLAR IZIDAN” TANLOVINING TUMAN BOSQICHI O‘TKAZILDI

Buxoro viloyatining G‘ijduvon tumanida “Jadidlar izidan” tanlovining tuman bosqichi bo‘lib o‘tdi. Unda o‘quvchilar jadid bobolarimizning hayoti, asarlari va ma’rifatparvarlik g‘oyalariga oid bilimlarini sinovdan o‘tkazdi. Bellashuv yakunida ikki yosh toifasi bo‘yicha g‘oliblar aniqlandi. Tanlov yosh avlodni jadidlar merosini chuqur o‘rganishga undashga xizmat qilmoqda.

Muxbir: Akbar Mahmudov
⏰09:00 28.10.2026

😎  Telegram 😎 Instagram▶You Tube

HUDUD | Andijon

ANDIJONDA GIYOHVANDLIK VA KIBERJINOYATLARNING OLDINI OLISH BO‘YICHA TADBIRLAR O‘TKAZILMOQDA

Andijon viloyatida yoshlar o‘rtasida giyohvandlik va psixotrop moddalar tarqalishining oldini olish, shuningdek, kiberjinoyatlardan ogohlikni oshirishga qaratilgan profilaktik tadbirlar o‘tkazilmoqda. Transportda xavfsizlikni ta’minlash boshqarmasi xodimlari temir yo‘l korxonalari, ta’lim muassasalari va mahallalarda tushuntirish ishlarini olib bormoqda. Tadbirlar davomida fuqarolarga internet firibgarligidan himoyalanish, shaxsiy ma’lumotlar va bank kartalari xavfsizligini ta’minlash bo‘yicha tavsiyalar berilmoqda. O‘quvchilarga esa giyohvandlikning salbiy oqibatlari tushuntirilib, huquqbuzarliklarning oldini olishga alohida e’tibor qaratilmoqda.

Muxbir: Dilfuza Ahmedova
⏰09:00 28.10.2026

😎  Telegram 😎 Instagram▶You Tube

HUDUD | Qashqadaryo

NISHON TUMANIDA MAJLISLAR VA MA’RIFAT MARKAZI HAMDA YOSHLAR IT-MARKAZI QURILMOQDA

Qashqadaryo viloyatining Nishon tumani Paxtakor mahallasida 500 o‘rinli Majlislar va Ma’rifat markazi barpo etilmoqda. Yangi maskan anjumanlar, uchrashuvlar va turli bayram tadbirlarini o‘tkazish uchun xizmat qiladi. Shu bilan birga, mahallada yoshlarning dasturlash, axborot texnologiyalari va raqamli savodxonlikni o‘rganishlari uchun Yoshlar IT-markazi ham qurilmoqda. Har ikki loyiha aholi uchun qulayliklar yaratish va yoshlarning zamonaviy kasblarni egallashiga ko‘maklashishga qaratilgan.

Muxbir: Gʻolib Amirov
⏰09:00 28.10.2026

😎  Telegram 😎 Instagram▶You Tube

HUDUD | Xayriya

BEMOR AYOL SAXOVATLI INSONLAR YORDAMIGA MUHTOJ

38 yoshli ayol bir necha yildan buyon turli kasalliklardan davolanib kelmoqda. Shu vaqt ichida bir necha jarrohlik amaliyotini ham boshdan kechirgan. Ayni paytda u shifokorlar nazoratida davolanishni davom ettirishi zarur. Biroq uzoq davom etayotgan muolajalar xarajatlari oilasiga og‘irlik qilmoqda. Shu bois oila saxovatli insonlardan moddiy yordam so‘ramoqda.

5614 6820 2751 7699

/Soniya Qarshiyeva/

☎️Telefon: +998990838818

⏰09:00 28.10.2026

😎  Telegram 😎 Instagram▶You Tube

HUDUD | Toshkent

TOSHKENTDA “INNOWEEK–2026” XALQARO INNOVATSION G‘OYALAR HAFTALIGI O‘TKAZILMOQDA

Toshkentda o‘tkazilayotgan “InnoWeek–2026” xalqaro innovatsion g‘oyalar haftaligida 225 nafar mahalliy va 40 nafar xorijiy ishtirokchi tomonidan 750 ta innovatsion mahsulot namoyish etilmoqda. Ko‘rgazmada tabiiy gazni tejash, masofaviy ta’lim uchun videokontent yaratish, pomidordan vaksina olish, issiqxonalardan chiqadigan zararli tutunni filtrlash hamda ekologik texnologiyalar bo‘yicha ishlanmalar taqdim etilgan. Haftalik doirasida tadqiqotchilar, tadbirkorlar va investorlar o‘rtasida uchrashuvlar tashkil etilib, ilmiy ishlanmalarni amaliyotga joriy etish va tijoratlashtirish masalalari muhokama qilinmoqda. Xalqaro haftalik 29-oktabrga qadar davom etadi.

Muxbir: Ruxsora G'aafurova
⏰12:00 28.10.2026

😎  Telegram 😎 Instagram▶You Tube

HUDUD | Toshkent

TOSHKENTDA MARKAZIY OSIYO – YEVROPA ITTIFOQI YOSHLAR FORUMI O‘TKAZILDI

Toshkentda Yoshlar ishlari agentligi hamda Raqamli iqtisodiyot va agrotexnologiyalar universiteti hamkorligida “Markaziy Osiyo – Yevropa Ittifoqi” yoshlar forumi tashkil etildi. Ikki kun davom etgan anjumanda 12 davlatdan kelgan ekspertlar, talabalar va ta’lim sohasi vakillari ishtirok etdi. Forumda xalqaro grant dasturlari, Yevropaning nufuzli oliy ta’lim muassasalarida tahsil olish, ilmiy tadqiqotlarda qatnashish va xalqaro hamkorlikni rivojlantirish masalalari muhokama qilindi. Ishtirokchilarga grant loyihalarini tayyorlash hamda ilmiy g‘oyalarni xalqaro miqyosga olib chiqish bo‘yicha tavsiyalar berildi.

Muxbir: Madina Ahmedova
⏰12:00 28.10.2026

😎  Telegram 😎 Instagram▶You Tube

HUDUD | Andijon

ANDIJONDA “JADIDLAR IZIDAN” TANLOVINING SHAHAR BOSQICHI O‘TKAZILDI

Respublikamizning barcha hududlarida o‘tkazilayotgan “Jadidlar izidan” tanlovining navbatdagi bellashuvi Andijon shahrida tashkil etildi. Unda o‘quvchilar jadid bobolarimizning hayoti, ijodi va ma’rifatparvarlik g‘oyalariga oid bilimlarini namoyish etmoqda. Tanlov yosh avlodni milliy merosimizni chuqur o‘rganish va ajdodlarimizning ma’rifiy qarashlarini keng targ‘ib etishga undashga qaratilgan.

Muxbir: Dilfuza Ahmedova
⏰12:00 28.10.2026

😎  Telegram 😎 Instagram▶You Tube