د زړۀ هره خبره د ژبې پۀ وسیله نۀشي کېدلی، نو لۀ همدې وجې الله ج ساړه اهونه، اوښکې، ستړې موسکا، اوږده خوبونه او د لاسونو رېږدیدا پیدا کړل!
#نزار_قباني

هغوی چې نۀ مې خوښیږي؛مېنټ ناستی یې راباندې کال شي!
همېش د ؤرته جبري ناستو سره مخ یم؛ "نۀ"هم نۀ شم ؤیلی!

لویې ونې ډېر ځله د هغو چینجیو له لاسه را پرېوځي،
چې د همدغو ونو په ډډو کې اوسېږي او تغذیه کیږي…

که ښځه د هر هیواد وي، هغې ته پروا نه وي چې مېړه یې څوک دی. که مېړه یې ليډر (مشرتابه) وي، جنرال وي یا د مافیا مشر. په ۲۰۱۵ کال کې د نوبل جایزه ګټونکي ترک کیمیا پوه عزیز سنجر وايي چې یوه ورځ له دې جایزې وروسته، زما میرمن را غږ کړ: عزیزه! په کور کې راټول شوی کثافات بهر کوڅې ته واچوه.
ما ورته وویل: زه د نوبل جایزه ګټونکی یم.
هغې بیا را غږ کړ: د نوبل جایزه ګټونکي کیمیا پوه عزیز صاحب! په کور کې راټول شوی کثافات کوڅې ته واچوه!☺️
✍️ ښځه او ټولنه

د ملګرو په انتخاب کښي محتاط اوسی،ګڼه ګوڼه مه جوړوی، هرڅوک د ملګرتیا وړ نه وي.
”ابوالکلام ازاد

کامو په خپل کتاب طاعون کې وايي؛ پوه شوم چې د انسانانو د ټولو بدبختیو وجه داده چې صفا او واضیح نه غږيږي، نو ځکه ما پرېکړه وکړه چې صفا خبره وکړم او صفا رفتار وکړم. دې ځای کې کامو د انسان د ټولو بدبختیو وجه دده نقاب او دروغجنه څهره بولي. نه پوهېږم چیرې مې اوریدلي و چې د انسان اصلي مخ یا اصلي شخصیت هغه څه ده کوم چې دی یې ښکاره کول نه غواړي، یعنې دده اصلي شخصیت هغه یو نه دی کوم چې دی ښکاره کوي بلکې هغه دی کوم چې دی نه ښکاره کوي. (ددې اصلي مخ د پټولو تر ټولو ستر لامل ټولنه…بللی شو یعنې دا ټولنه ده چې انسان اړ کوي ترڅو په خپل اصلي مخ یا شخصیت باندې پرده را وغوړوي

څه ته په تمه یاست؟

دې ته په تمه یاست؟
چې به کاڼه په منډو-منډو راشي
وایي به ودرېږئ او غوږ کېږدئ!
لکه چې نن دا مظلومان او بلهاریان د نړۍ
کومه کیسه کوي؟

دې ته په تمه یاست؟
چې غاصبان او خونخواران د نړۍ
به شرمنده شي او اعلان به وکړي
چې له دې پس مو دا په وینو باندې سرې شتمنۍ
نه تیریږي، نه یې غواړو؟

دې ته په تمه یاست؟
چې به لېوان نور تاسو نه خوري؟
او پر ځای د دې به
تاسو ته خواړه درکوي؟
پړانگان به هم نن د دوستۍ له رویه
بدل او هېښنده طلب وکړي
وایي به راشئ، رانه ایسته کړئ
دا پولادي وحشي تېره غاښونه؟

دېته په تمه یاست؟؟؟

برتولت برشت

انسان دوه مخه لرې ، یو د ځان په وړاندې او یو د خلکو په وړاندې ، هغه مخ چې د خپل ځان په وړاندې یی لرې هیڅکله نه غواړې هماغه مخ خلکو ته وښایې .
د همدې مخ شاته انسان ، خپلې هیلې، ناکامۍ، عیبونه، ګناهونه، غلطياني، کمزورياني ، فکرونه , نفرت او ان خپله ماضي، یا تیر وخت پټوي.
که چيرته خلک د انسان د همدې مخ په اړه پوه شي نو شاید د انسان حیثیت او ارزښت ته ډیر تاوان ورسوي ، او شاید په ټولنه کې خپل نفوذ له لاسه ورکړې .
همدا مخ نورو ته ښودل د شرم او ټيټوالي باعث کيږې .
مونږ انسانان تل هڅه کوو چې همدا مخ تل همداسي نالیدلی او پټ پاتي شې .

اګاتا کریسټي خو به پيژنئ
د جاسوسي او جنايي ناولونو ملکه پيژندل کیږي .
یو چا له هغې وپوښتل :
چي تاته د داومره زبردست جرمونه او کیسې څنګه فکر ته راځي؟
هغه موسکۍ شوه او ځواب یې ورکړ:
کله چې زه له ډوډۍ وروسته د خوړو لوښي مینځم دا ساده کار زما ذهن ته د وژنې او جرم فکر راولاړوي.

د هغې په اړه ویل کیږي چې ډیری وخت به یی په حمام کې لیکل کول حمام ته به یی له ځان سره کافي ، چای ، قلمونه ،کاغذونه او ټول د اړتیا وړ شیان وړل ،هلته به د ګرمو اوبو په ټپ کې کیناستله او لیکل به یې کول ، ځکه هغې ویلې چي ګرمي اوبه فکر اراموې او په حمام کې څوک راته مزاحمت نه کوي .
کتابونه یې واقعیت چي ډیر جالب دي ، تاسي یې کوم کتابونه لوستي دي ؟

«زه د پيسو لپاره مهاجر نه شوم،
بلکې د هغو يادونو له لاسه تښتم
چې وطن کې مې زړه راخوږوي.»
✍️: عليزي

زه بد انسان نه یم،
فقط هر څه چې مې په ریښتیني زړه خوښ شي،
یا یې قسمت راته نه راکوي، یا یې وخت.
✍️: علیزی

هر څه لږ لږ رانه لرې شول:
هیلې، ملګري، ارمانونه…
او چې پاتې شول؛
یوازې ستړیا وه چې ما هیر نه کړه.
✍️: عليزي

د نفرت قابل هم نه دی
هغه شخص چې په مینه کې دروغ وایي!
کافکا 🍁

که رانه وپوښتې!
په انسانانو باور کوې؟ او که په یوازې ځان غر را نړوې؟
وبه وایم: کولنګ لرې که غر په لاس راونړوم.
نن سبا باور د غره له نړولو څخه سخت دی.

د کلونو کلونو راهیسې مې دا غوښتل چې د نورو خلکو د اخلاقو اؤ طرز پۀ اساس ژؤند ؤکړم… خو ؤروسته لۀ دې ټولو، یؤ لوی مصیبت راغی. اوس زۀ پۀ دې کنډؤالو اؤ ویجاړو کې ګرځم، بې قانونه یم، ټوټې ټوټې شؤی یم، یؤاځې یم اؤ دا یؤاځېتوب مې منلی دی، خپلې ځانګړې ځانګړتیاؤې اؤ خپلو کمزوریو ته مې ځان سپارلی دی. اوس باید یؤ نؤی حقیقت لۀ سره جوړ کړم؛ ؤروسته لۀ دې چې ټول ژؤند مې پۀ یؤ ډؤل دروغو کې تېر شي .
البرت کامو

*دردناک حقیقت:*
*په تاریخ کې تر ټولو زیان رسونکي خلک، ناپوهان نه و، بلکې بې‌ملاحظه خلک وو.*
*بې‌ملاحظه‌ توب تر ټولو خطرناکه عارضه ده، چې تر اوسه لپاره یې علمي حل نه دی موندل شوی.*
*بې‌ملاحظه خلک اکثر هوښیار، پوهه او ځیرک وي، خو ځان غرضه، پر نورو بې‌احترامي کوونکي او د حقونو سرغړونکي وي.*
لیکوال: خاویر کرمنت

*د ژوند هره شېبه په خوند تېره کړه. ژوند یوازې هدف ته رسېدل نه دي.*
*هر عمل د بل عمل پیل دی، نو ښه ده چې د ترسره کولو پرمهال ترې خوند واخلې.*
*لذت ځواک درکوي، باور زیاتوي، او ژوند ته ژور معنی ورکوي.*
*هر کار له خندا او خوښۍ سره وکړه؛ حتی د ساه اخیستل هم.*
*دارن هاردي*

د انسانانو وژل یوازې پر سر د وسلې نیولو او پر هغوی د بم غورځولو مانا نه لري، او نه هم یوازې په جګړه یا فزیکي قتل پورې محدود دي. ځینې وختونه موږ انسانان ډېر ورو، په چوپتیا او بې‌غږه توګه وژنو. کله چې له یو چا د خوښۍ او ارزښتمن کېدو احساس واخلو، هغه کس د خپلو ټولو ښو احساساتو د له منځه وړلو پر لور ګام اخلي. کله چې د یو انسان د ارزښت احساس تخریب کړو، هغه ورو ورو پر خپل ځان شک پیلوي، له څه مودې وروسته نور ورته ځان ښه نه ښکاري، پر خپل ځان رحم نه کوي، او د شک او دروني ځان‌ملامتۍ په یوه دوامداره حالت کې بند پاتې کېږي.