ينجرح قلب لكن ترتفع هامه والله اني لاموت ولا انحني راسي
لو رماني زماني وسط دوامه العواصف شديده والجبل راااسي

انقل الحزن وامشي منتصب قامه قاسي الوقت..لكنّي بعد قاسي
واسمع الحلم يصرخ لحظة اعدامه رابط الجاش..ماهز الخبر باسي

عزتي غاليه والناس سوامه قلت ماطيع حتى تقطع انفاسي
زانت ايام عمري، شانت ايامه مارجيت العزاء من رحمة الناسي

من عجز لايدوس الهم باقدامه لازم انه مع الايام ينداسي
يندمل جرح قلبٍ ماتت احلامه بس ماضن يبرا جرح الاحساسي

يوم صارت مابين القلب والهامه ويش ابي بالحياه اليا انحنى راسي؟
-مساعد الرشيدي طيّب الله ثراه

دثريني بالمحبة.. زمليني بالصداقة
‏واذبحيني ألف مرة و احضنيني بس ليلة
‏- عبدالملك الخربوش

‏"سنين العمر تطويني وأنا في عزتي هارون
‏وكم أيوب في صدري شكا صبره وإصراره"
‏- محمد البجي

بخوض من الحروب وبنتصر وأظمأ، وأبلّ الريق
‏من اللي يخسر بحرب الحياة و وجهك سلاحه؟

‏"أمشي وهمي جبل.. يمشي معي وين ما أروح
‏ أزريت أشيل الجبل، وأزريت لا أفارقه"
‏- مساعد الرشيدي

ليس بالمكان إنما بالجليس

‏"يا رب في وجهك أمي حيلها لا يطيح
‏اللي لك الليل.. طول سنينها تاقفه"
‏- سامي العرفج

عارف إنك من بيوت المكارم سليلة
‏بنتٍ أطهر من الماء في بطون السحايب

‏على الماء و القصايد و المرايا
‏تبي تلمح طيوفي .. لا إرادي

‏أنا الغفران من بين الخطايا
‏وأنا الغير اللي كنت تظن عادي

‏تبي تسوي بك الدنيا سوايا
‏و ترجع .. بس ما تلقى بلادي

معك أستطعم الدنيا ومقبوله معك وتزين
‏ومن قبلك وسيعات الأراضي .. ما تناسبني

يتوبني عن المسيار مسياري عليك اليوم
‏زبنتك عن لهيب القايله وأظهرتني فيها

يجرّ المشاعر في مساريك خيط الصوف
‏لو إن خطوة أحساسي معك خطوة المنهي

‏" وأشوف إن ضحكتك غيثٍ حيت عقبه صحاري قفار
‏مثل ما الأرض ممطورة ثرى صدريّ غدى ممطور ".

‏" في البال بدوٍ وقفوا للمطر صف "