"كن الظهر ياسعود فيه انغمد سيف
والصدر صار لكل الاوجاع مينا " :(

العام يا ام سعود كان الحزن ضيف
واليوم دق اوتاده الحزن فينا

الحزن غيمه غيبت نجمة الصيف
وباسباب جوره ياجواهر شكينا

غاب الحبيب ولا بقى للهنا طيف
والآه يانوره تهاوت علينا

كن الظهر ياسعود فيه انغمد سيف
والصدر صار لكل الاوجاع مينا

اقول يا محمد متى فارق وكيف
واصيح ياسارة متى هو بيجينا

يانوف من عقبه ترى بسمتي زيف
جف الفرح من حولنا وانطفينا

أبوك يانواف ماله تواصيف
وانشد مشاعل كان مثله لقينا

والكون ياهيفا بلا ظله مخيف
واعذر بكانا يافهد لو بكينا

كان القمر، كان البحر، والمجاديف
كان الحنان اللي بحضنه دفينا

وكان الملاذ لشاكي الضيم والحيف
كم شال عنا وكم خذا عن يدينا

والله لو كان المقدر على الكيف
ماغبت يا نايف ولا احنا ظمينا

كل مارخيت الجفن جدت عواصيف
والشوق ثار وفارقتني السكينه

وشفتك مثل شمسٍ بروس المشاريف
نورك يناديني وانا اقول وينه؟

والقاك واصحى والمحك راقي النيف
حيٍّ ولو صلت عليك المدينه

أحسك بجنبي ماهي تخاريف
ياساكن عيون المهاة الحزينه

في ذا جلسنا بين صمت وسواليف
وفي ذا الممر اثنينا كم مشينا

وفي هالزوايا كم جمعنا مواليف
وياما على ذيك المرايا ضوينا

عشره عمر ماتنتهي بالصواديف
وذكرى تبي تحيا ولو مابقينا

الموت يانايف كتاب وتصاريف
وحنا بحكم اللي خلقنا رضينا
- مها السديري في رثاء زوجها الأمير نايف

حلمٍ لو أصحى من منامي ما تخطّيته
-فارس فايح

‏"وش عليه إن فزّت الشمس لقباله
‏كم صباحٍ سيّل الشمس من كمه"
‏- مساعد الرشيدي

‏"أنت كلك نار تجمع بياضٍ مع حمار
‏تقل شمسٍ توها للمغيب محمّره"
‏- عبدالله بن زوبين

‏"دثريني بالمحبة.. زمليني بالصداقة
‏واذبحيني ألف مرة و احضنيني بس ليلة"
‏- عبدالملك الخربوش

‏"حتى لو إنك خسرت المعركة ما يعيب
‏أحيانًا الميّتين.. أكبر من المقبرة"
‏- طلال الحميّان

و إن كتبنا عن ضياع العمر ؟ عادي
‏حزننا طفلٍ من اللوعة تمنّى

‏داخلي شاعر من البارح ينادي
‏و أعجبه صوت الصدى بجوفي و غنّى

‏كنت أشوف الغيم تلويح و أيادي
‏و المطر يصبغ كفوف الأرض حِنّا

‏الوجع غُربة .. و أنا عاشق بلادي
‏ياااهلا بالموت دامه في وطنّا :(
- عبدالملك الخربوش

ضياك يلحف القمرا و تضوي من ضياه أنوار
‏ مصابيح السماء .. تفرح إلى من مرها ظلك

‏"تجي مثل الصحيح لبال خلِّك، أو تجي زلة
‏ترا بالحالتين إن جيت حققت مصلوحي"

‏إنتي جميله .. بس أنا عذروبي
‏دايم أضيّع كل حاجه جميله