Балаға қазақша есім қойыңдар деп шулап жүргендер - иа, сөздері ішінара дұрыс. Бірақ олар ешқашан баласына “Мұқанбет, Абдолла, Қадиша, Бәтима деп қоймайды, қойғысы да жоқ.

Одан арғысы, олардың дені қоғамда қазақы құндылықты ұстанушы уә насихаттаушы емес. Бата білетіні ілеу де біреу, Дәстүрден бес сауал қойсаң, үшке біледі. Сүйте тұра осындай сәтте ультраұлтшылдығы ұстап кетеді.

“Өзің диуанасың, кімге пір боласың?” дейді мұндай да атам қазақ…

Осындай боп қалат та енді. Біз - намазхандар негізі бөлінбейміз. Өздері бөледі. Бізді ана сәбет үкіметі кезінде бөліп қойған: “арабқұл” деп, “адасқан” деп жақтырмайды да. Адам болғасын танысамыз ғой басқа адамдармен. Сонда біреулері: “атеистпін” десе охооу деп…”тәңіршімін” десе уаа деп… сосын біз “намазханбыз” десек , ыыыһһ😱

Қор-қа-ды-ы! Бізден қорықпаңыздар😁

✍️ threads желісінен

Жүз теңгең болғанша - жүз досың болсын!

Сонда баяғыда дос тым арзан болған ба әлде теңге құнды болған ба?🤔

#әпендішілік

Ит адамның досы. Бірақ, адам иттің досы ма?🤔

Өмірде де солай. Сен біреуді дос санайсың. Бірақ ол үшін сен дос санатында емессің...

Мүфтият “Үздік имам” дейтін сайыс бастапты. Биыл екінші жыл. Әгәрәки мені діни басқарманың PR-менеджері қылып алғанында кемі бес жыл бұрын өткізуші едік…🤪

Кіндігін смайликпен жауып қоятын ахижандар мен бетін смайликпен жауып қоятын ухтишкалар - БІРДЕЙСІҢДЕР!

Еркінбек қари Атырауда қызметте жүргенде аптасына бір күн мешітте Құраннан дәріс беретін. Көшеден үйренген самоучка тәжуидімізді түзетіп, жаттаған сүрелерді тексертіп алатынбыз. Фатихадан сүрініп, Нәсты ортасынан үзгенде, ойымыз сан жаққа секіріп, келесі аяты еске түспей, сасқан үйректің хәлін кешетінбіз.

Бүгінгі Құран жарысын қарап отырып, қариларға іштей сүйсіндім. Шетінен сен тұр, мен атайындар. Кейбірі жаңылса не ұмытса да лезде түзеп әкетіп жатқандарын көріп, тамсанбасқа шара болмады.

Алла қаласа, он жылдан кейін еліміздегі Құран жарысы басқа деңгейде өтеді. Марафон сияқты абсолюттен бөлек, жас категориясы бойынша да жеңімпаздар анықталады. Өзім бұйырса, +65 қатысамын деп отырмын…🤭😅

Ислам удобный дін емес. Сол үшін көп адамға дінсіздік, тәңіршілдік ұнайды.

Ислам тәуекелдің діні. Сен Құдайдың қандай екенін білмейсің. Пайғамбармен жүздеспедің. Жәннат пен Тозақты көрмедің. Қабір азабын сезінбедің. Хор қыздарын да қалай елестетеріңді білмейсің. Бірақ сүйте тұра сол дінге берілесің, тірлігіңді исламға сай түзейсің.

Алла сол үшін Құранда “Шын мәнінде Алла тәуекелшілдерді жақсы көреді. “Алла сабырлылармен бірге” дейді.

Исламды кемсіткен Баян әпшеме заң жоқ та, тойдағы әлдебір қарияның сөзіне заң бар екен.

Шерхан атам “Заң өрмекшінің торы. Мықтылар құтылады, әлсіздер тұтылады” деп қалай дөп айтқан дерсің..!

Әлі осы ойдамын…😬

Мүфтият жазбасын өшірді деп өкпелемеңіздер. Бастысы, діни басқарма өз үнін естіртті, ұстанымын көрсетті, наразылығын танытты. Жамағат көрді, қуаттанды, қолпаштады, бөлісті. Естуі тиіс жерлер бәлкім естіді.

Сондықтан бұл жерде процесс емес, нәтиже маңызды. Бастысы, соған фокус қойған жөн. Әйтпесе, “Құр айғай бақырған, Құлаққа ән бе екен” деп Абай айтпақшы, құр ұлардай шулай бергеннен әзір(!) нәтиже көрмедім, өз басым…

Десе де, шулай берген де жөн. Біздің елде жыламаған балаға точно емшек жоқ…😬

Қазір орамалға қатысты «Ауғанстанға көшіп кетіңдер!» дейтіндер көбейді. Ойлап қоям, Ауғанстандағылар өз ауғандарына «қайда көшіп кетіңдер?» дейді екен..?🤔

Айтқым келгені басқа.

Сендер Ауғанстанға мүсіркей қарауларың мүмкін. Тарихқа сәл тереңірек үңілсең, мүсіркеудің орнына құрмет пайда болады.

Ауғанстан сен мен біз ойлағандай әлсіз мемлекет емес. ХХ ғасырдағы ең үлкен держава КСРО-ға қарсы он жыл бойы берілмеді. Әлемді билеген АҚШ та жиырма жыл бойы Ауғанстанды бақылағысы келгенімен, ақыры әскерін шығарып тынды.

Біз жетпіс жыл бодандықтың салдарынан тіліміз бен ділімізден айырылудың аз-ақ алдында қалдық. Ал ауғандар қырық жыл қырғын көрсе де, ұлттық болмысын, тілін, дәстүрін сақтап қалды.

Ауғанстанға күлмес бұрын, сонау жүз жыл бұрынғы зобалаңда талай ата-бабамыздың атамекенін тастап, Ауғанстанға қарай ауғанын да ұмытпаған жөн...
____________

Бүгінгі Ауғанстандағы саяси ахуал мен рухани дағдарыс бір күнде пайда болған жоқ. Оның артында соңғы жарты ғасырдағы ішкі қақтығыстармен қатар, түрлі державалардың геосаяси ойындары жатыр...

Біз Ауғанстан туралы көбіне батыстық БАҚ көздерінен білеміз. Ал, олардың әуселесі белгілі. Біздегілер, соларды оқып, еш фактчекиң жасамай, таратып жатыр. Ә так, Ауғанстанды іштей көріп, жаңалықтарды пуштун тілінен тікелей аударып отқан БАҚ біздің елде жоқ. Тәк что, сүрініп жатып, жығылғанға күлмейік...

Ауған да, қазақ та мың өліп, мың тірілген, тарихтың талай тезінен өткен тағдырлас халықтар. Әрине, Ауғанстанды ақтаудан аулақпын. Жаман ұлт болмайды, жаман саясат көп жерде бар...

Саясат демекші, Қазақстан екі жыл бұрын «Талибан» қозғалысын террористік ұйымдар тізімінен шығарып тастады. Мұның өзі саясатта ақ пен қараның ғана болмайтынын көрсетеді…

Ауғанидің қазақ теңгесінен құндырақ екенін көргенде, тіпті күле де алмайды екенсің...😬

Тұру керек болса, тұрып бердік,
Өлгеніміз жоқ…

Мына әннің мүфтиятқа қатысы жоқ десең…🤭

#әпендішілік #хиджаб

Кезінде осындай жазба салған ем…😐

Алла шейіттерді рақымына бөлесін..!🤲😥

Сектолог танысым бар - кірмеген сектасы жоқ, кезінде Құрбанәліге қол берген, таблиғтармен де таң атырған, ахилармен ақиланған, гүленшілермен гәпке барған дегендей…)

Қазір тым жақсы ханафи боп жүр. Ара тұра деобанд деп дікілдеп тұратыны бар енді…😅

Бір әпенді тридсте:

“Орамалдағы қыздар киндер сюрприз сияқты, ішінен не шығатынын бір Құдай біледі” депті…😂😂

СӘЛӘФИЗМ 🟰 КОУЧИЗМ

Бізде талай сәләфилікті насихаттаған уағызшылар болды, әлі де бар. Олардың ешбірі ашық түрде Сирияға шақырмады, жиһадқа үндемеді. Бірақ елде теракт жасап, шетел асқан сектанттардың дені солардың уағыздармен сусындаған еді.

Себебі адамды белгілі бір әрекетке итермелеу үшін міндетті түрде «бар, жаса» деп ашық бұйрық берудің қажеті жоқ. Үнемі қайталанған уағыз, белгілі бір құндылықтарды дәріптеу, қоғамның бір бөлігін «адасқан», «діннен алыс», «бізден емес» деп көрсету адам санасына біртіндеп әсер етуі мүмкін. Ал сол дүниетаным радикалдануға бейім адамда кейін әлдеқайда радикалды шешімдерге жол ашуы ықтимал.

Бұл жерде маңызды бір нәрсе бар: сәләфилік уағыз тыңдағандардың бәрі жиһадқа кеткен жоқ. Бірақ сол уағыздарды тыңдаған адамдардың арасынан кейін радикал жолға түскендер болды. Демек, мәселе тек «ол ашық түрде жиһадқа шақырды ма, жоқ па?» деген сұрақпен шектелмейді. Оның тұрақты түрде қандай ой қалыптастырғанына да қарау керек.

Қазір әлеуметтік желіде қитұрқы пікірлерімен, әсіресе отбасы тақырыбында острый ұстанымдарымен танылған тұлғалар бар. Олардың ерермендеріне сүйенсек, ОЛ әрдайым әлсіздердің құқығын қорғаушы, ешкімді ашық түрде ажырасуға шақырмайды және т.б.

Рас, бір-екі рет тыңдаған адамға дәл солай көрінуі мүмкін.

Ал тұрақты тыңдарманға, әсіресе отбасылық өмірінде қиындықтары бар, жұбайымен қарым-қатынасы күрделі адамға бұл контент мүлде басқаша әсер етуі мүмкін. Бір мәселеге үнемі бір ғана қырынан қарау, жұбайының әр әрекетін белгілі бір негативті сүзгіге салу, өз басынан өтіп жатқан қиындықтарды сол адамның түсіндіру үлгісі арқылы бағалау - ақырында адамның көзқарасын біртіндеп өзгертуі ықтимал.

Яғни мұнда да «ажырас!» деген тікелей үндеу жоқ. Бірақ, ажырасу туралы ойға жетелейтін дүниетаным ұсынылуы мүмкін. Әсіресе осындай контентті күн сайын, ұзақ уақыт бойы тұтынатын және өмірінде дәл сол проблема бар адам үшін.

Бұл, әрине, «осы коучты тыңдағанның бәрі ажырасады» деген сөз емес. Сәләфилік уағыз тыңдағандардың бәрі жиһадқа кетпегені сияқты, ОНЫ көргендердің бәрі де ажыраспайды.

Бірақ «ол ешкімді ашық түрде ажырасуға шақырмайды ғой» деген уәждің өзі жеткіліксіз.

Өйткені адамның санасына әсер ету үшін міндетті түрде тікелей бұйрық беру қажет емес. Кейде адамның белгілі бір жағдайды қалай түсіндіретінін, қандай шешімді қалыпты деп қабылдайтынын өзгерту әлдеқайда маңызды.

Сондықтан мұндай тұлғаларды бағалағанда тек «не деді?» деген сұрақпен шектелмей, «үнемі не туралы айтады?», «қандай көзқарасты қалыптастырады?», «оның контентін ұзақ уақыт тұтынған адам мәселені қандай қырынан көре бастайды?» деген сұрақтарды да қойған жөн...

Адамға есікті ашып берудің қажеті жоқ, кейде тек сол есіктің бар екенін қайта-қайта көрсетсең болғаны...

Өнім, тамақ жайлы “100% ХАЛАЛ” деп жазатындар “95% халал” дейтін жоқ екенін біле ме екен..?)))

Мешіті жоқ ауыл көп. Ауылы жоқ мешіттер де бар…

Ауруханада жатқан танысың оқуға кітап сұрағанда “Ақырет өткелдерін” апарып берсең қате бола ма екен..?🤭

#әпендішілік