Тўрт кишидан ҳеч қачон аразламанг:

• Отадан;
• Онадан;
• Ака-укадан;
• Опа-сингилдан!

Тўрт нарсадан Аллоҳ таолонинг паноҳини тиланг:

• Ғамдан;
• Маҳзунликдан;
• Ожизликдан;
• Бахилликдан!

Тўрт кишига бағритошлик қилманг:

• Етимга;
• Мискингга;
• Фақирга;
• Беморга!

Тўрт нарсани тақинчоқ каби тақиб олинг:

• Сабрни;
• Ҳалимликни;
• Илмни;
• Саҳийликни!

┄┅অঠই 🇺🇿 ইঠঅ┅┄
Ибрат излаганга — ибратдир дунё

ВАҚТ ҲАҚИДА

Исо алайҳиссалом айтади: “Дунё – уч кун: кеча, бугун, эртага. Кеча ўтди. Бугун тириксан, эртага яшайсанми, йўқми – Аллоҳ билади. Демак, сен фақат бугун учун яшаб қол, бугунни ғанимат бил”.
Буни янада теранроқ муҳоша қилсак, дунё – уч соат: бир соати ўтди, бир соати ўтяпти, яна бир соатига Аллоҳ молик. Худди шундай дунё – уч нафас. Бир нафас ўтди, яна бир нафасни оляпсан. Учинчи нафасни Аллоҳ билади – уни оласанми йўқми?! Шу боис бир лаҳзани бўлса-да, яхшиликлар билан ўтказиш, тоат-ибодат қилиб қолиш лозим. Чунки ўлим тўсатдан келиши ҳақида Расулуллоҳ соллаллоҳу алайҳи ва саллам бундай огоҳлантирганлар.
Билгинки, вақтни ғанимат билиш – энг афзал амал. Чунки киши нафас олиб турибдими, демак, у вақтни ғанимат билиши зарур. Ким вақтини зое қилса, умрини беҳуда ўтказибди. Чунки бир кеча-кундузда 24 соат бор. Инсон бир соатда 180 марта нафас олади. Бир суткада 4324 марта нафас олади. Унинг ҳар бир нафаси омонат, яъни олган нафаси чиқмаслиги ёки чиққан нафаси кирмаслиги мумкин

┄┅অঠই 🇺🇿 ইঠঅ┅┄
Ибрат излаганга — ибратдир дунё

"Кўпчилик одамлар пул одамни ўзгартириб юборади дейишади, лекин аслида ундай эмас..."

Билл Гейтсдан жуда кучли сўзлар!

┄┅অঠই 🇺🇿 ইঠঅ┅┄
Ибрат излаганга — ибратдир дунё

Аёл ким?

Аёлдан сўрашибди:
— Сиз ишлайсизми ёки уй бекаси? - деб.
Шунда аёл жавоб берибди:
— Ха мен ишлайман, куну тун уй бекаси бўлсам ҳам.
— Мен бир кунда 24соат ишлайман.
— Мен Онаман...!
— Мен Аёлман...!
— Мен Қизман...!
— Мен Будильникман..
— Мен Ошпазман...!
— Мен тикувчи, бичувчи, тозаловчи, режаловчи...
— Ва Мен Устозман!!!

Оналаримиз ва аёлларимиз қадрига етайлик!
┄┅অঠই 🇺🇿 ইঠঅ┅┄
Ибрат излаганга — ибратдир дунё

Қозоқ биродарларимиздан яна бир шедевр ижтимоий ролик!

Жуда таъсирли ишланибди. Очиғи, ўзимизда ҳам ўз тилида гапиришдан ор қилиб, бошқа тилда гаплашадиган миллатнинг илдизига тушган қуртлар талайгина.

Вақтингизни аямасдан, охиригача кўринг. Албатта, афсусланмайсиз!

➖➖➖ 🇺🇿 ➖➖➖
Ибрат излаганга — ибратдир дунё

• Агар бировнинг ташвиши сени ҳам ташвишга солса;
- билки ҳали табиатинг тоза экан.

• Агар ўзингдан бошқаларда ҳам гўзалликни кўра олсанг;
- билки, ички дунёинг гўзал экан.

• Агар биродарлик ришталарини муҳофаза қила олсанг;
- билки, сен учун нурли йўлларда доим ҳамроҳ топилади.

• Агар ўзингдан бошқаларга ҳам яхшиликни холис қила олсанг;
- билки, сен вафога жуда яқинсан!

• Билгин:
• Айбсиз дўст қидирган ёлғиз яшайди;
• Нуқсонсиз жуфт излаган бўйдоқ ўтади;
• Қийинчиликсиз ёр истасанг... истаб юраверасан;
• Лабингни фақат икки нарсага ишлат:
- бири табассум;
- иккинчиси сукут.
• Табассум мушкул ишларни ҳал қилади;
• Сукут эса мушкул ишларни ўтказиб юборади.

Шайх Шаъровий

┄┅অঠই 🇺🇿 ইঠঅ┅┄
Ибрат излаганга — ибратдир дунё

Ҳатто, жим ўтирган ҳайкал бўлсанг ҳам биров келиб, кайфиятингни бузмоқчи бўлади. Шундай экан, одамларнинг гап-сўзига парво қилма!

➖➖➖ 🇺🇿 ➖➖➖
Ибрат излаганга — ибратдир дунё

Охиратга олиб кетадиган савоб чемоданингиз шундай - тешик бўлишидан эҳтиёт бўлинг!

• Таҳорат оласиз-у, сувни исроф қиласиз!
• Ҳижоб ўрайсиз-у, хулқингиз ёпинмаган!
• Тунлари таҳажжуд намозига турасиз-у, кунлаб биродарингиз билан аразлашиб юрасиз!
• Рўза тутасиз-у, одамларни ғийбат қиласиз!
• Дабдабали ифторлик берасиз-у, сўнгра "энг зўр ифторликни мен бердим" деб одамлар ичида мақтаниб юрасиз!
• Садақа берасиз-у, уни миннат қиласиз!

Яхшиликларингизни тешик халтага солманг!

➖➖➖ 🇺🇿 ➖➖➖
Ибрат излаганга — ибратдир дунё

Нима учун оналарнинг оёқлари оғришини биласизми?

Аллоҳ таоло онанинг бачадонидаги суюқликни ҳаддан ташқари шўр қилиб қўйган. Шунинг натижада, бачадон ичидаги ҳомила вазнсиз ҳолатда бўлади. У доим суюқликнинг юқори қисмида бўлади. Болага озуқа киндигидан онага боғланган ришта орқали осонгина келиб туради.
Ҳомиладор аёл тўйиб таом истеъмол қилмаса ёки кўпроқ вақт оч қолса, ҳомилага келадиган озуқа онанинг тишлари ва суякларининг эриши орқали қопланади. Шунинг учун аксарият аёлларнинг ёши ўтгани сайин тишлари тўкилиши, тизза ва оёқларининг оғриши кузатилади.
Шунинг учун ҳомиладор аёлларнинг вақтида ва тўйиб овқатланиши ўзларининг келажакда соғлом бўлишларида жуда муҳим.
Кошкийди, онасининг тиззаси ёки оёғи нима учун оғриётганини фарзанд билганида, фақат ўзини ўйлайвермасдан қандай қилиб онасини рози қилиш устида бош қотирган бўлар эди.
Расулуллоҳ саллаллоҳу алайҳи васаллам бежизга: "жаннат оналар оёғи остидадур" демаганлар.

┄┅অঠই 🇺🇿 ইঠঅ┅┄
Ибрат излаганга — ибратдир дунё

🐝 Мўмин мисоли – асалари каби

🌙 Расулуллоҳ соллаллоҳу алайҳи васаллам: “Мўминнинг мисоли асалари кабидир. У фақат покиза нарсаларни ейди ва (ўзидан) пок нарсаларни қолдиради”, дедилар.

🍯 Асалари фақат покиза нарсага қўнади ва ўзидан фақат пок нарса қолдирар экан, Сиз ҳам асалари каби бўлинг. Сиздан фақат яхшиликлар қолсин!

🌹 Кунингиз хайрли ва баракали ўтсин!
🤲 Аллоҳ таоло бугунги қиладиган жамики дуо ва ибодатларингизни қабул этсин!

┄┅অঠই 🇺🇿 ইঠঅ┅┄
Ибрат излаганга — ибратдир дунё

Онангизга қўнғироқ қилинг

Бир инсон бор дунёга арзир,
Тоғдек бардош, осмондек сабр,
Ҳозир эмас, ҳозироқ, ҳозир,
Онангизга қўнғироқ қилинг.

Югуртирсин замона зайли,
Юрибсиз-ку ул зот туфайли,
Боягина кўргансиз, майли.
Онангизга қўнғироқ қилинг.

Жон томирин узган сизни деб,
Уйқуларин бузган сизни деб
Умри ўтар ўғил-қизни деб,
Онангизга қўнғироқ қилинг.

Ишларингиз юрса-юрмаса,
Вақт югурик кутиб турмаса,
Боролмайсиз, жилла бўлмаса,
Онангизга қўнғироқ қилинг.

Қўлингизга қарамайди у,
Моянангиз сўрамайди у,
Соғинчингиз энг буюк қайғу
Онангизга қўнғироқ қилинг.

Неча дўстни йўқлайсиз ҳар кун,
Бола-чақа, бағрингиз бутун,
Майли, лоақал илтифот учун,
Онангизга қўнғироқ қилинг.

Кўнгли ярим, бор умиди сиз,
Сизсиз бутун дунёда ёлғиз,
Ич-ичидан йиғлайди унсиз,
Онангизга қўнғироқ қилинг.

Шугинадан азизроқ ким бор,
Чекмаганми етарли озор,
Керак бўлса бир кунда юз бор,
Онангизга қўнғироқ қилинг.

Деманг давлат иши ўйинми,
Тирикчилик эгди бўйинни,
Беш дақиқа топиш қийинми,
Онангизга қўнғироқ қилинг.

Болам дея тун-кун дуода,
Умрингизни тилар Худодан,
Ҳолин қилманг баттар гадодан,
Онангизга қўнғироқ қилинг.

Юргандирлар деманг соғ-омон,
Бугун борлар, эртага гумон,
Пушаймоннинг сўнгиси ёмон
Онангизга қўнғироқ қилинг.

© Малика Салимова

P.S.: Ота-онамизнинг ҳолидан хабар олиш эсдан чиқмасин!

┄┅অঠই 🇺🇿 ইঠঅ┅┄
Ибрат излаганга — ибратдир дунё

Баракали аёл қандай бўлади?


┄┅অঠই 🇺🇿 ইঠঅ┅┄
Ибрат излаганга — ибратдир дунё