📚 Ibratli Hikoyalar 📚
18K subscribers
6.95K photos
3.25K videos
44 files
16.4K links
Хаётий ва Ибратли ҳикоялар... Хикматлар хазинаси...
Инсон такдирини аччик синовлари...


Hamkorlik va reklama uchun 👇👇

@Bronzam

.



.



.



.



.





.
Download Telegram
Чамаси 5-6 ёш бўлган пайтларимда уйимизда тўй бўлиб, бир кун олдин узоқ-яқин қариндошлар келишган эди. Тенгқур ўғил - қизлар аралаш қувлашмачоқ ўйнаётгандик. Ўзимдан икки ёшлар чамаси кичикроқ бола мени қувлагани ва қочиб дадамнинг олдиларига бориб қолганимни эслайман. Шу пайт беҳосдан дадамнинг нигоҳларига кўзим тушиб қолиб, юрагим орқага тортиб кетган.

Дадам жуда ҳам рашкчи инсонлар. Ҳали мактабга ҳам чиқмаган ёшда бўлсам ҳам, ўғил болалар билан ўйнаганим отамнинг жаҳлларини чиқариб юборганини кўриб, нигоҳларига кўзим тушган заҳоти тошдек қотганман. Бир оғиз қаттиқ гапирмаганлар, лекин юзларидаги жаҳл ифодасидан эсхонам чиқиб кетгани кечагидек ёдимда.

Бу ҳаётимдаги жуда қисқа муддатли эпизод эди. Лекин шу бир неча сониялик эпизоддан қаттиқ таъсирланганман. Вояга етмаган бўлсамда, ўғил болалар билан  ўйнашим нотўғри нарса эканлиги миямга қўрғошиндек қуйилган. Отамни жаҳллантирган нарса орият эканини англаганман.

Айнан ўша дақиқаларда илк бора орият туйғуси ҳақида тушунчага эга бўлганман. Ўша орият ҳисси мени бутун умрим давомида «одамови»га айлантирди. Қарши жинс вакилларидан мактаб, кўча ва бошқа жойларда ҳам ўзимни тортишга одатлантирди. Шу орият ҳох аёл бўлсин, ҳох эркак  мендаги инсонларнинг юзига қараб гапирадиган журъатни ўлдирди.

Ўша воқеадан кейин тортинчоқ бўлиб қолганман. Болалигим, ўсмирлигимдан то ҳозиргача зарурат бўлмаса йиллаб кўчага чиқишга ҳам эҳтиёж сезмайман. Зерикиш баҳонаси билан кўчаларни кезмайман. Саёҳатларга қизиқмайман. Эркак хотин аралаш йиғиладиган жойлардан имкон қадар қочаман. Рашкчи эканликлари сабаб, олий ўқув юртида таҳсил олишимга ҳам имкон бермаганлар. Ҳунарга ўргатганлар. Лекин кўчада ишлашни умуман ҳохламаганман.

Албатта ётсирашим ҳар доим ҳам эмас. Яқинларим орасида киришимлиман.
Болалигимдан эркалигимни ҳис этсамда, буни суиистеъмол қилмаганман, чунки, ҳаддимни билдириб улғайтиришган. Эркалик ва қаттиққўлликнинг таъсирини бир хилда ушлашган.

Ориятли эканликларини ҳис этдириш билан бир қаторда эсимни таниган онларимдан Аллоҳни танитиб, Роббимга муҳаббатли бўлишни сингдирганлар. Бирор бандани Роббимни севганчалик севмадим. Бу неъматни ҳис этишимга сабабчи бўлган падарим ва волидамни Аллоҳ икки дунё саодати билан сийлашини Яратгандан тилайман. Ота-онам қалбимга Роббимга бўлган муҳаббатни сингдириш орқали, бутун умримга етадиган яхшилик қилишган. Аллоҳ улардан рози бўлсин.

Фарзандларимизга Аллоҳга муҳаббат ва орият туйғусини сингдира олишимизни насиб этсин. Зеро, таъмагирлик, маъсиятлар гирдобидан асралишда шу икки жиҳат қалқон вазифасини ўташига ҳаётимда кўп бора гувоҳ бўлганман.

Аллоҳни севиш -- Аллоҳни рози қиладиган ишларга ундайди. Чунки инсон ҳар ишда имкон қадар муҳаббати эгасининг розилиги билан ҳисоблашади.
Орият ҳисси эса, одамлар маломат қиладиган ишлардан тийилишга мажбур қилади.

Хулосам сўнгида Ў. Ҳошимовнинг бир гапини айтиб ўтишни лозим топдим:
“Бандасидан ҳаё қилмаганнинг, Яратувчисидан қўрқишига ишонмайман“.
Роббимиз ҳаёимизни мукаммал қилиб, Ўзига нисбатан муҳаббатимизни зиёда этсин.

Ҳа, дарвоқе, дадажоним "Facebook" ёки "Телеграм" даги фаоллигимни билсалар сўйиб, сўйилган жойимга майда қалампир билан туз сепадилар. Киришдан мақсадим манфаатли бўлиш ва Аллоҳ розилигига эришиш бўлганлиги сабабли охиратда маломат қилмасликларидан умидим бор...

📚 Ibratli Hikoyalar 📚
❤58❤‍🔥2😢2👍1🔥1😁1
#РУҲИЯТ

🔖Муносиб яшашнинг 🔟 қоидаси

1⃣ 24 соатни фақат ўзингга сарфлама.

Бошқалар учун қайғуриш, бошқаларга далда бўлиш ва бошқалар билан фикрлашишни канда қилмагин. Ҳаётингда маъно йўқлигини сезган кунинг атрофга боқ ва одамларга ёрдам қўлини чўз. Бу яхшилигинг яшашинг учун сабаб бўлади.

2⃣ Ҳаёт сиз учун нимани англатишини аниқла.

Ўзингизнинг ҳаётдаги сўнгги йилларингизда тасаввур қилинг. Бу — ҳаёт! Ва сиз ўша маҳалда ўтган умрингизни қандай тасаввур қилиб, нима деб изоҳлаган бўлар эдингиз? Ҳаёт — гўзаллик, муҳаббат, жўшқинлик, яратувчанлик ва қизиқувчанлик мужассам бўлган муқаддас ибодатхонадир. Ибодат эса — эзгу амал ва эзгу фикрни англатади.

3⃣ Келажакда яшашни бас қил.

«Бир куни», «вақтим ёки имконим бўлганида» деган режалар кўпайиб кетса, бир зумга тўхтанг ва ўзингиздан «нимага ҳозир ёки бугун эмас?» деб сўранг. Ҳаёт афсуслар билан уйғониш учун қисқалик қилишини ҳис этинг. Ҳар куни сизга тириклигингизни эслатадиган бирор иш қилинг.

4⃣ Кўпроқ бахтиёр ва самимий одамлар даврасида бўл.

Улар ҳаётни бошқаларга қараганда яхшироқ ҳис қилганлари учун ҳам, уни ёрқинроқ кўрадилар. Сиз ҳам улардан ижобийликни ўрганинг. Унутманг, йўқотилган вақт — биз яшай олмаган дақиқалардир.

5⃣ Дардга матонатли бўл.

Оғриқ ва қайғулар умримизнинг кунларини ўғирлайди холос. Ҳаёт сизга лимон отганида, сиз ундан лимонад тайёрланг. Айтишадику, синовларга сени кучсиз қилишларига йўл қўйма. Акс ҳолда, ҳаммасини яна бошидан бошлашга тўғри келади.

6⃣ Шуурингга диққат қил.

Шунда ундаги истаклар сўзга айланадилар. Сўзларингга диққат қил — улар ҳаракатга айланишади. Ҳаракатга эргашсанг — у одатга айланади. Одатларга диққат қил, шунда фазилат шаклланади. Фазилат эса — сенинг тақдирингдир.

7⃣ Одамларни кечир ва уларни сев.

Инсон тирик мавжудотлар орасида кучли қувват манбаига эга жонзот. Бу қувватни у маънавий илдизлардан олади. Бунинг йўли эса шошиб чиқарилган хато хулосаларни рад қилиш. Кимнидир ёмон кўриш, кимдандир нафратланиш, бу — бизни охир-оқибат душманидан қўрққан, ҳимояга муҳтож одамга айлантириб қўяди. Ҳимоя эса яшаш эмас, яшашдан қочиш дегани.

8⃣ Ўз-ўзингга ҳаёт сабоғини беришга одатлан.

Яшаш — мунтазам қилинган хатоларнинг хулосаси. Модомики, хулоса йўқ экан, яшаб ҳам бўлмайди. Боши деворга тегиб ҳам сабоқ чиқармаётган эркак эса чиндан-да қашшоқ ва бахтсизликка муносиб.

9⃣ Таваккал қилишга одатлан.

Бу — ўзини ҳаётнинг энг яхшисига муносиб кўриш дегани. Ҳаёт ишора ва белгилар ёрдамида бизга доимо «Кел, ичкарироқ кир!» дейди. Аммо кўпинча биз унинг суратини оламизда, сўнг қўрқиб орқага тисариламиз.

🔟 Ҳар дақиқа сенга азиз инсонларни қадрла ва ҳимоя қил.

Иш, бу — ҳаёт дегани эмас. Ота-она, дўстларинг учун ҳам яша. Айниқса, ота-онангни азиз билиб, хизматларини қил. Шекспир айтганидек, ота-онанинг овози — Яратганнинг овози. Фарзанд учун улар жаннат йўлбошловчиларидир.

Муносиб ва бахтиёр умр барчамизга насиб қилсин!

📚 Ibratli Hikoyalar 📚
❤28👍1🥰1
Пайғамбаримиз (с.а.в) Аллоҳ берган умрни роҳатда, ҳузур ичида яшаш ва Аллоҳ ризолигига эришмоқ учун қуйидагиларга мутлоқ амал қилишимизни буюрадилар:

     1. Доимо тоза овқатларни енг.

     2. Жуда иссиқ ва жуда совуқ еманг.

     3. Кўп чайнаб, секин енг.

     4. Овқатдан олдин ва кейин қўлларингизни ювинг.

     5. Доимо овқатдан иштаҳали бўлиб туринг, кўп еманг.

     6. Овқат ейиш давомида кўп сув ичманг.

     7. Қишда бироз кўпроқ ёғли овқатлар, ёзда эса енгилроқ овқатлар ва кўкатлардан енг.

     8. Овқатларингиздан хурмони кам этманг.

     9. Узум, хурмо ва зайтун. Аллоҳга шукур этмоқ учун сизга сиҳат ва қувват беради.

     10. Чарчаган вақтингизда ширинликларни енг.

     11. Синиқ косаларда овқат еманг, бундай идишда сув ҳам ичманг.

     12. Овқатланаётганда доимо яхши кайфиятда бўлинг, ёлғиз овқат еманг.

     13. Доимо овқатдан сўнг дуо ўқиб, шукр қилинг.

     14. Ҳар ойда бир кун рўза тутингки, вужудингиз дам олсин.

     15. Асал еб туринг, у минг дардга даводир.

«Илоҳий мўъжизалар» китобидан.

📚 Ibratli Hikoyalar 📚
❤22
Қушлардан беш сабоқ

Жой ўзгартираётган ёввойи ғозларнинг “V” ҳарфи шаклида учишларини кузатган бўлсангиз керак. Мутахассислар бу юзасидан текширув олиб боришди ва шундай маълумотларни аниқлашди:
Бу шаклда училганида, олдда бораётган қуш ҳар қанот қоққанида ортидаги ҳамроҳи учун уни кўтариб турадиган ҳаво оқимини юзага келтиради. Шу тарзда уларнинг учиш тезлиги тахминан 80 фоизга ортади. Бу битта қуш эришадиган энг баланд даража гуруҳ ҳолида училганида икки баробарга ошади, демакдир.
1 - сабоқ. Аниқ мақсади бўлган ва унга эришиш йўлида бирлашган инсонлар кўзлаган ниятларига осонроқ ва тезроқ етишади.
“V” гуруҳидан чиқиб қолган ғоз парвозга қийналади. Чунки ҳамроҳлари ҳосил қилган ҳаво оқимидан ташқарида қолади. Шу сабабли, гуруҳга қайтиб, улар билан биргаликда учишда давом этади.
2 - сабоқ. Агар бу ҳолатдан ўрнак ола билсак, ҳаммаслакларимиз билан илм, тажриба борасидаги доимий ҳамкорликни асло узмаймиз.
Гуруҳ бошида бораётган ғоз ортидагилар каби ҳаво оқимидан фойдаланолмайди. Шу сабабли, бошқаларга қараганда тезроқ чарчайди. Бундай пайт тез орқага ўтади ва ундан кейин учиб бораётган ҳамроҳи йўлбошловчи ўрнини эгаллайди. Шу тарзда ҳар бир ғоз манзилга етгунча гуруҳнинг ҳар бир нуқтасидан жой олади ва қушларнинг чарчоқлари ҳам бир хил нисбатда бўлади.
3 - сабоқ. Қилаётган ишингизни вақти, ўрни келганида бошқасига бера билмоқ ҳам керак...
Учиш тезлиги пасайганида орқадагилар қичқириб олдиндагиларни тезроқ ҳаракат қилишга ундашади.
4 - сабоқ. Ўзимизни қанчалар ҳақ деб билмайлик, бошқаларнинг огоҳлантиришлари илдамлашимиз учун кераклигини унутмаслигимиз; бундан ғазабланмаслигимиз, яхшилик сифатида қабул қилишимиз зарур.
Гуруҳдан бир қуш касалланса ёки овчи томонидан уриб туширилса, икки ғоз ажралиб чиқиб, бошига фалокат келган ҳамроҳлари учадиган ҳолга келгунга (ёки ўлгунига) қадар уни асло тарк этишмайди. Кейинроқ бошқа гуруҳ топишади, бу тарзда ўзларига қўшилган ҳамжинсларини ёввойи ғозлар, албатта, ёнларига олишади.
(“Ирфон”)

📚 Ibratli Hikoyalar 📚
❤17👍4
Муҳаммад (с.а.в)нинг замонавий илмда исботини топган 10 та одатлари

Муқаддас Ислом дини анъаналарига кўра, пайғамбаримиз Муҳаммад алайҳиссалом Яратганнинг ҳабиби, севгилиси, яратилган бутун инсониятнинг ва бошқа махлуқотнинг ҳар тарафлама энг юксагидир.

Пайғамбаримиз (алайҳиссалом)нинг одатлари, айтган сўзлари ва етказган хабарларига асрлар оша мусулмон халқлари томонидан турмуш тарзининг муҳим қоидалари, намунаси сифатида амал қилиб келинмоқда.

Бу амаллар инсонларга нафақат маънавий-ахлоқий, шунингдек жисмоний наф келтирмоқдаки, уларнинг соғлик ва саломатлигимиздаги ўрни халқаро илм аҳли, замонамизнинг етук олимлари томонидан ҳайрат билан эътироф этилмоқда. Қуйида эътиборингизга Пайғамбаримиз (алайҳиссалом)нинг илм-фан эътироф этган 10 та фазилат ва одатларини баён қиламиз.

📕 Эрта турмоқлик:

Пайғамбаримиз (алайҳиссалом) эрта ётиб, азонда, Бомдод намози вақтида уйғонишни одат қилганлар. Бугунги илм ҳам эрта туриш кун ва ҳаётнинг самарали ўтишини, бу инсонни руҳий ва жисмоний саломатлигига фойдали эканини эътироф этди.
Ҳар куни 15 дақиқа олдин уйғониш ҳам бир ойда анча-мунча фойдали иш билан машғул бўлиш учун замин яратади.

📕 Камроқ емоқлик:

"Одам фарзандлари орасида ўз ошқозонини тўлдиришдан ҳам ёмонроқ одат йўқ. Одам болаларининг тирик қолишлари учун бир неча бўлак озуқа кифоя қилади. Ўз таомининг учдан бири, ичимлигининг учдан бири ва олаётган нафасининг учдан бирига ҳам қаноат қилса бўлади." (Имом Термизий ривояти)

Кам таом истеъмол қилиш касаллик ва бетобликдан халос бўлишнинг энг яхши йўл эканлиги Пайғамбаримиз (алайҳиссалом) томонидан кўп айтилган ва бунга амал қилинган. Бу қараш эса яқинда ҳам илм томонидан исботланган. Хусусан япониялик олимлар узоқ яшаш учун жуда тўйиб овқатланмаслик, тўйганлик даражаси 80 фоиздан ошмаслигини айтишади.

📕 Секин овқатланмоқлик:

Бугунги илм инсон миясига тўйганлиги ҳақида хабар овқатлангач 20 дақиқадан сўнг келишини айтади. Пайғамбаримиз (алайҳиссалом) ҳам шошмасдан овқатланишни одат қилганлар. Бу эса танага овқатни яхши ҳазм қилиш, камроқ таом истеъмол қилиб, ортиқча бадҳазмликларнинг олдини олишга хизмат қилган. Пайғамбаримиз (алайҳиссалом) бу одатни бошқаларга ҳам кўп маротаба тавсия қилганлар.

📕 Таомни бошқаларга ҳам илинмоқлик

Бу одат фазилатларнинг энг гўзали экани, шубҳасиздир. "Якка-ёлғиз эмас, жам бўлиб, биргаликда овқатланишни одат қилинг." (Имом Термизий)

Пайғамбаримиз (алайҳиссалом) барчани таомни бошқаларга ҳам илинишга чақирганлар. Бугунги илмнинг эътироф этишича, қўни-қўшни ва атрофдагиларга таом улашмоқлик инсонни тушкунлик ҳолатидан фориғ қилар, оилавий ҳамда ўзаро муносабатларни мустаҳкамлар экан. Айниқса, ота-оналарнинг фарзандлари билан бир дастурхон атрофида ўтириб овқатланиши жуда фойдали тарбия воситаси экан.

📕 Сувни кам-кам ичмоқлик:

"Туя мисоли сувнинг борини бир ҳўплашда ичманг. Сувни шошмасдан, 2-3 қултумда ичинг. Сувни ичишдан аввал бисмиллоҳ деб, ичаётган чоғингизда Аллоҳга шукур қилинг. Сувни ичиб бўлгач, Алҳамдулиллаҳ дейишга одатланинг." (Имом Термизий ривояти)
Бугунги илмнинг айтишича, бир вақтнинг ёки қисқа вақт ичида кўп сув ичиш танада бош оғриғи, қон босими мувозанатининг бузилиши, бош айланишини келтириб чиқаради. Шу сабабли, сувни шошмасдан ва кам-кам ичишга одатланинг.

📕 Анор истеъмол қилмоқлик:

"Анор ва унинг пўстлоғи овқат ҳазм қилишни яхшилайди." (Абу Нуайм ривояти)
Анорнинг фойдали хусусиятлари Пайғамбаримиз (алайҳиссалом)нинг тавсияларидан сўнг бир неча асрлар ўтиб илмда ҳам исботини топди. Бир муддат аввал замона олимлари анорни сайёрамиздаги энг фойдали мева дея эътироф этишди. Айниқса, юрак фаолиятида унинг нафи жуда кўп.

Анор таркибида 15 турдаги аминокислота учрайди ва шундан 5 таси бошқа жойда учрамайдиган аминокислоталар ҳисобланади. Шунингдек ушбу мева К, C, Б9 ва Б6 витаминларига ҳамда калий, асал, марганетс ва фосфор минералларига жуда бой.

📚 Ibratli Hikoyalar 📚
❤37👍5🔥1🎉1
СОЛИҲА АЁЛ...

Умар ибн Абдулазиз давлат тепасига келгач, хотини Фотима Султонни ҳузурига чақириб, шундай деди:
"Хотин, мен энди ўзини фақатгина оила эҳтиёжларига масъул деб билган аввалги Умар эмасман. Менга юкланган масъулият юки сенга етарлича ғамхўрлик қилишим имконини тўсади. Агар дунё роҳатини истасанг, отангни уйига қайт. Ҳолимга рози бўлиб, мен билан қолишни ихтиёр этсанг, устингдан зийнатларни Байтул молга (давлат хазинаси) топширишинга тўғри келади. Чорасиз мусулмонлар фақирлик ва ноиложлик гирдобида тўлғанаётган бир пайтда халифанинг хотини турли қимматбаҳо зийнатларга бурканиб юриши яхши эмас".
Эрининг сўзларини жон қулоғи билан тинглаган Фотима Султон ҳеч иккиланмай қимматбаҳо тақинчоқларни хазинага топширди. Шу тариқа Умар ибн Абдулазизга муносиб эканини исбот қилди.

Умар ибн Абдулазиз вафот этгач, тахтга Язид ибн Абдулмалик онасининг зеб-зийнатларини хазинадан олиб келтирди.
Онасига:
"Биламанки, бу тақинчоқларни сиз чин кўнгилдан рози бўлиб бермагансиз. Мана барчасини қайтариб олинг" деди.
Фотима Султон унутилмас жавоб қайтарди:
"Аллоҳга қасамки, мен буларни қабул этмайман. Эрим ҳаётлик чоғида уни қандай ҳурмат қилган бўлсам, вафотидан сўнг ҳам шундай эъзозлайман. У рози бўлмайдиган бирор ишни қилишдан ўзимни тияман".

📚 Ibratli Hikoyalar 📚
❤21👍9
⚡️️"Сигир соғишни ҳам билмайдиган” 18 ёшида 6 ойлик келин қайнонасининг истагига кўра “ҳайдалди”…

⚡️1 йиллик келин сўрамай писта чақиб қўйгани учун талоқ қилинди…

⚡️6 ойлик келинчак ҳомиладор бўлмаётгани учун қайнонаси ажратиб юборди…

⚡️20 ёшли 3та тилни биладиган олий маълумотли педогог келин “яхши овқат қилмагани” учун онасиникига “ҳайдалди”…

⚡️Уй ишларига “уқувсиз” ёш қория келин қайнонаси тарафидан ”ҳайдалди”…

⚡️Қайнонасининг топшириғини(битта чой дамлаб беролмай ухлаб қолгани учун)бажармаган ҳомиладор келинни эри талоқ қилди…

⚡️Янги келиннинг “оддий сепи” сабабли меҳмонлар олдида “уялиб қолган” қайнона ва қайнисингиллар келинни талоқ қилдиришди…

⚡️Тонг саҳарда туриб ҳовли супурмагани учун ёш келинни қайнонаси ”ҳайдаб юборди”…

⚡️Касал боласига керакли дориларни “қайнонасидан сўрамай” олиб берган келин “ҳайдалди”…

⚡️Куёвга “ёқмай қолган” янги келинчак “ҳайдалди”…

⚡️Куёв 3 кунлик келинни уриб ўлдирди.

Арзимаган сабаблар ва бир оиланинг гулдек қизининг ҳаёти ўйинчоқ қилинмоқда…

Рўйхатни яна узоқ давом эттириш мумкин .
  Шунчаки:

Оила бошқаришга лаёқатсиз, онаси ва аёли ўртасида адолат ва мувозанатни сақлай олмайдиган қўрқоқ, лапашанг, ландовур “эркак”нинг уйланиши ҳаром бўлса керак деб ўйлаб қолдим…

Арзимаган сабабларни ковлаб келинни ҳайдаётган қайнона ва қайнисингиллар эса дунё ва охират хорлигига ҳозирланаверишсин (мабодо дунёда бўлмаса ҳам, охиратда албатта кўришади буни)!!!
Ҳурмат-иззат қилиш бу албатта фазилат, аммо ҳар ким ҳаддини билиши керак.
Шаръий илмлардан бехабар, ҳақлари чегарасини билмайдиган хонадонга асло қиз бермаслик керак, ҳатто обрўли хонадон бўлса ҳам.

Қизингизни илмдан ахлоқдан хабари бор зиёли оилага беринглар.

Отасини пулига кун кўрадиган хат саводи йўқ, ҳатто гапиришда ҳам имлода ҳам хато қиладиган Қуръон нима Никоҳ нималигини билмайдиган онгсиз йигитларга эмас.
Ўғли узоққа кетса келинини олиб қолиш ҳам динимиздан эмас. Тўғри қайнота қайнонани хизматини қилиш керак лекин никоҳ эр қаерда бўлса хотин ҳам ўша ерда бўлади дегани.

Кўпчилик оилаларда келинлик қуллик деб қаралади. Ваҳоланки у ҳам 18 ё 20 йил бировни бошига кўтариб гулдек асраган қизидир.
Қачонки Келиним келса Хизматимни қилади, ўғлимни нега туққанман роҳатини кўрай деб эмас Келиним келса солиҳ зурриётларни тарбиялайди Қори Олимлар чиқади деб ният қилса шунда ўзгариш бўлади.

Ҳеч қайси бир аёл рўзғор ишларини зўр эплаб қўйгани учун Тарихда қолмаган. Ҳаммаси илми ахлоқи буюк фарзандларни тарбия қилгани учун тарихда қолган.

Рўзғор ўз исми билан ғор.
Уй иши биз ўлсак ҳам тугамайди.
Бу билан уй ишини қилмаслиги керак демайман. Қилсин лекин илмига ҳам вақт ажратсин.
Умримизни ғанимат билиб илм олайлик, келинларимиз қизларимизга ҳам ўргатайлик. Зеро аёл ўқиса бутун Жамият илмли бўлади.
Ҳамма гуноҳ ҳамма хатолар ажрашишлар Жоҳиллик илмсиздан келиб чиқади.
Илмли келиндан уй ишларини пазандачиликни зўр билишини кутманг. Чунки Ота онаси уни болалигидан уй ишларига эмас ўқишга йўналтирган бўлади.
Ўқимаган қиздан эса илмли набира кутманг.
🔴Чунки она ўзида бор нарсани ўргатади.Тарбияни ҳам тарбияси бор Она беради.

📚 Ibratli Hikoyalar 📚
❤68🔥6👏5👍2
КОМИЛЛИКНИНГ ҚИРҚ ҚОИДАСИ

◾️ Аввал қалбингизни, сўнг ташингизни гўзал қилинг. Қалбингизни зикр билан, ташингизни ибодат ва гўзал ахлоқ билан зийнатланг.

◾️ Дўстларингизга ва эҳтиёжмандларга тамасиз, миннатсиз ёрдам қилинг.

◾️ Ёмонликка яхшилик билан жавоб қилинг. Бермаганга беринг, келмаганга боринг.

◾️ Хатоларни яширинг; ўз хатоларингиз билан шу қадар машғул  бўлингки, бошқаларнинг айбу хатосини муҳокама қилишга вақтингиз қолмасин.

◾️ Даъват қилинмасангиз-да, қариндошларингизни зиёрат қилинг. Зарар берманг, зарар кўрманг. Таклиф ва такаллуфдан узоқ туринг.

◾️ Аллоҳнинг неъматларига шукр қилинг, тортиқни айбситманг.

◾️ Одамларга қўшилинг, дўст бўлинг, лекин тўғри йўлдан оғиштирадиган, хатоларга бошлайдиганлар билан эмас.

◾️ Бировга насиҳат қилсангиз, фақат ўзига қилинг. Ким бўлишидан қатъи назар, насиҳат, ўгит ва танқидларни тавозею мамнуният билан қабул қилинг.

◾️ Сахий бўлинг. Ҳатто муҳтожликда ҳам кўзи тўқ, қаноатли бўлинг.

◾️ Дўстларингизни қадрланг, вафодор бўлинг. «Кўйлакнинг янгиси, дўстнинг эскиси яхши».

◾️ Самимият ва завқ билан инсонларга егулик тортиқ қилинг, ҳадялар улашинг.

◾️ Яхшиликда ва дастурхон ёзганда энг яқин дўстингиз ҳамда бегонага бир хил муносабатда бўлинг.

◾️ Дўстларингиз сизнинг нарсаларингиздан ўзиникидек фойдаланишига имкон беринг.

◾️ Мусофир ва фақирларни яхши кўринг. Уларга яхши муносабатда булинг. Факирни камситманг, бойларга қуллик қилманг.

◾️ Очиқ кўнгил, очиқ қўл бўлинг. Ҳар бир амалингизни холис Аллоҳ учун бажаринг.

«Иймон ва ҳузун» китобидан.

📚 Ibratli Hikoyalar 📚
❤12👌1
Аёлларга фойдали маслаҳат

Қаерда бўлишингиздан қатъи назар, Аллоҳ таоло сизни кўриб, эшитиб турганини унутманг!

Доимо шариатимиз буюрганидек кийининг! Либосингиз сизнинг чин муслима эканингизни айтиб турсин!

Пардозингиз таҳорат бўлсин! Тилингиздан Аллоҳ таолонинг зикри тушмасин!

Қуръони Каримни ўқишни, оятлар маъноси борасида тафаккур, тадаббур қилишни доимий одат қилиб олинг!

Намоз вақти бўлганда, ҳар қандай ишингизни ташлаб, намозни адо этинг!

Намозда асло шошилманг! Қироатни тажвид билан ўқиб, руку, саждаларини ўрнига қўйиб, намозни адо этинг!

Али Тантовий исмли олимнинг мана бу гапларини ёдингизда тутинг: «Агар намозда шошилсанг, ёдингда тутки, сен қўлга киритишни истаётган ва йўқотишдан қўрқаётган нарсаларнинг барчаси сен ҳузурида турган Зотнинг қўлидадир».

Зинадан чиқмоқчи бўлганингизда ортингиздан эркак киши ҳам чиқадиган бўлса, сиз четга ўтиб, кутиб туринг, эркак чиқиб кетсин, кейин сиз чиқинг.

Лифтга чиқмоқчи бўлганингизда у ерда бегона эркак бўлса, чиқманг. Кутиб туринг. Лифт ўша одамни манзилига олиб чиққач, кейин лифтни чақиринг.

Амакингиз, аммангиз, тоғангиз, холангизнинг ўғиллари билан ҳеч қачон қўл бериб кўришманг, чунки улар сизга номаҳрамдир.

Сизга маҳрам қариндошлар бўлса ҳам, муомалада чегарани билинг, виқорингизни, иффатингизни сақланг.

Дугоналарингиз билан кўчада кетаётганингизда қаҳ-қаҳа отиб кулишиб, баланд овозда гаплашманг. Ҳаёли бўлинг ва кўчада юриш одобига риоя қилинг!

Сиз ўтирган уйга ёши катта қариндошлар кирса, уларни ҳурмат қилиб ўрнингиздан туринг!

Кўчада кетаётганингизда, ёнингизда отангизми, акангизми бўлмаса, бирорта бегона эркак билан, ҳатто у номаҳрам қариндош бўлса ҳам, гаплашманг, у билан асло ёлғиз қолманг. Динимиз бизни бундан қайтарган.

Жамоат жойида кетаётганингизда ерда ётган нон бўлагини кўриб қолсангиз, уни олиш учун энгашманг, балки ноннинг ёнида тўхтаб, ўтириб, кейин олинг.

Автобусда, таксида юришингизга тўғри келиб қолса, ёнингиздаги йўловчига асло ҳаётингиз ҳақида ҳикоя қилманг. Овозингизни баланд кўтарманг.

Аллоҳ таоло қиз боқаётган, қизларини узатиш арафасида турган ва қизларини узатган азизларимизни меҳрибон, насиҳатчи, ҳақни кўрсатувчи ота-она бўлишларини насиб этсин! Қиёмат куни барча муслима қизлар ўз ота-оналари учун дўзахдан парда бўлишларини насиб айласин!

Аллоҳ таоло ўғил боқаётган, ўғлини уйлантириш арафасида турган ва уйлантирган азизларимизни меҳрибон, ибратли, ҳақни кўрсатувчи, наситҳатгўй ота-она бўлишларини насиб этсин! Қиёмат куни барча мусулмон йигитлар ўз ота-оналарининг бошларига иззат тожи, устларига каромат сарпоси кийдирилишига сабабчи бўлишларини насиб айласин!

Нозимжон Ҳошимжон тайёрлади

📚 Ibratli Hikoyalar 📚
❤33
СЎНГГИ БОР ОНАНГНИ ҚАЧОН ЙЎҚЛАДИНГ?!

Кимга қуллуқ қилиб, кўнглин тўқладинг,
Тунлари хотиржам, беғам ухладинг.
Битта саволимга жавобинг борми,
Сўнгги бор онангни қачон йўқладинг?!

Зор эмас эди-ку бир қучоқ гулга,
Ёки совға-салом, мол-дунё, пулга,
Аччиқ тилларингни ботириб болга,
Сўнгги бор онангни қачон йўқладинг?!

Ҳатто, ёринг кутмай, ухларди тунда,
Бир онанг йўлинг пойларди шунда,
Шундайин муҳаббат ҳаққи учун-да
Сўнгги бор онангни қачон йўқладинг?!

Даврон сурдинг тўй-у тантаналарда,
Хаёлинг нозанин, жаноналарда,
Жаннатнинг калити шу оналар-да,
Сўнгги бор онангни қачон йўқладинг?!

Боланг билан единг ёғли паловлар,
Уйингнинг тўрида турди бировлар,
Унинг овлоқ кўнглин, айт-чи, ким овлар,
Сўнгги бор онангни қачон йўқладинг?!

Пеш қилма қачондир берган молингни,
Онанг нима қилар бу газмолингни!?
Кўриб юрсам, дейди шу жамолингни,
Сўнгги бор онангни қачон йўқладинг?!

Юрибсан-да бугун, амалдор жўра,
Ишларинг кўп, вақтинг топилмас сира,
Ҳеч бўлмаса, битта сим қоқиб кўра,
Сўнгги бор онангни қачон йўқладинг?!

Гоҳ дунё қувладинг, гоҳида мансаб,
Гоҳ дилин оғритиб, айладинг ғазаб,
У фақат йиғлади, боласин қумсаб,
Сўнгги бор онангни қачон йўқладинг?!

Онаси йўқлардан бир сўра, қани,
Қаердан беминнат меҳр топгани,
Қабр эшикларин очмасдан ҳали,
Сўнгги бор онангни қачон йўқладинг?!

Бугун бор! "Онажон, боримсиз", - дегил,
Оёқларин ўпиб, саждага эгил,
Вафо Мўмин, ахир, жавобин бергил:
Сўнгги бор онангни қачон йўқладинг?!

(Вафо Мўмин)

☝️САВОБ УМИДИДА ДЎСТЛАРИНГИЗГА ҲАМ УЛАШИНГ!!! АЛЛОҲ РОЗИ БЎЛСИН!!!

📚 Ibratli Hikoyalar 📚
❤9👍1
ОТА-ОНАГА ЯХШИЛИК ҚИЛИШ ФАРЗАНД УЧУН САОДАТДИР

1. Ота-онасига яхшилик қилиш туфайли фарзанднинг бошига тушган кулфатлари аритилади.
2. Ота-онага яхшилик қилиш фарзанднинг гуноҳи кабираларига каффорот бўлади.
3. Ота-онага яхшилик қилиш фарзанднинг ризқи кенг ва умри узун бўлишига сабаб бўлади.
4. Ота-онанинг дуосини олиш фарзанднинг дунё ва охирати обод бўлишига сабаб бўлади.
5. Ота-онага яхшилик қилиш фарзанднинг қилган амаллари қабул бўлишига ва гуноҳлари кечирилиб жаннатга киришига сабаб бўлади.

Ота-онага яхшилик қилиш асосан қуйидаги ишларни адо этиш билан бўлади:

1. Ота-онага холис ният билан яхшилик қилиш; Яъни улар дунёга келишларига сабаб бўлганлари учунгина эмас, балки Аллоҳ таоло буюргани учун яхшилик қилиш.
2. Ота-онани яхши кўриб улуғлаш;
3. Аллоҳга маъсият бўлмайдиган ўринларда уларга итоат этиш;
4. Ота-онага тавозеъли бўлиш;
5. Ота-она хурсанд бўладиган ишларни қилиш;
6. Ота-онадан олдин овқатланмаслик;
7. Ота-онанинг ҳузурига киришда ҳам, чиқишда ҳам салом бериш;
8. Ота-онанинг олдида овозини баландлатмаслик;
9. Ота-она учун молини сарфлаш;
10. Ота-она яхши кўрадиган кишиларга ҳам яхшилик қилиш;
11. Сафарга ота-онанинг дуоларини олиб чиқиш;
12. Ота-она шариатга мувофиқ қасам ичган бўлсалар уни адо этиш учун ҳаракат қилиш;
13. Ота-онанинг жаҳллари чиқадиган ишларни қилмаслик;
14. Ота-онани исмлари билан чақирмаслик;
15. Ота-онани камситадиган ишлардан сақланиш;
16. Ота-она вафот этганларидан сўнг ҳам уларнинг ҳақларини сақлаш.

☝️САВОБ УМИДИДА ДЎСТЛАРИНГИЗГА ҲАМ УЛАШИНГ!!! АЛЛОҲ РОЗИ БЎЛСИН!!!

📚 Ibratli Hikoyalar 📚
❤7
✨Азиз диндошим муборак Жуманинг файзи барокати сизга бўлсин

🌙 Энг яқин инсоним кириб келган “Жума” куни муборак бўлсин.

😀 ЯҚИНЛАРИНГИЗНИ БИРИНЧИЛАРДАН БЎЛИБ ТАБРИКЛАНГ

📚 Ibratli Hikoyalar 📚
❤5👍1
Аёл Аллоҳ учун машаққатларга чидаса, ажр олади

Мадинада Ҳавла бинт Тувайт ал-Аттория исмли хушбўй сотувчи аёл бор эди. У баъзида Расулуллоҳ соллаллоҳу алайҳи васалламнинг уйларига келарди. Унинг турмуш ўртоғи ҳақида сийрат китобларидан топишга ҳаракат қилдим, афсуски, ҳеч қандай маълумот тополмадим. Нега тополмаганимни ҳодисани айтиб бўлганимдан кейин тушунасизлар.
Бир куни Ҳавла бинт Тувайт Оиша онамизнинг ҳузурларига келади. Ўша кунги келишининг сабаби бор эди: эридан шикоят қилмоқчи эди. У Оиша онамизга шундай дейди: «Эй мўминларнинг онаси! Мен ҳар куни кечқурун янги тушган келиндек эримни кутиб оламан. Энг чиройли кийимларимни кияман, энг хушбўй атирларимни сепиб олдига чиқаман. Аллоҳга қасамки, буларнинг барчасини Аллоҳнинг розилигини топиш учун қиламан».
Оиша онамиз уни тингларкан, унга: «Бироздан кейин Расулуллоҳ соллаллоҳу алайҳи васалламнинг ўзлари келади, сен гапингни уларга айт. Сенинг муаммонгга улар ечим айтадилар», дейдилар. Пайғамбаримиз соллаллоҳу алайҳи васаллам уйга кирар-кирмас хушбўйнинг ҳиди бурунларига уради ва: «Бунча ёқимли ҳид, Ҳавла келганга ўхшайди. Сен ундан бирор нарса олдингми, Оиша?» деб сўрайдилар. (Биров сотиш учун нарса олиб келса, Пайғамбаримиз уни бўш қайтармасдилар). Оиша онамиз Ҳавла нарса сотиб эмас, бир муаммосини айтиб келганини айтдилар. Ҳавла Оиша онамизга ўзи ҳақида қандай гапирган бўлса, Оиша онамиз ҳам худди шундай тарзда у зотга етказдилар. Пайғамбаримиз тингладилар. Кейин шундай дедилар: «Эй Ҳавла! Сабр қил ва эрингга итоат қил!» Буни эшитган Ҳавла шундай деди: «Эй Аллоҳнинг расули! Агар мен сиз айтгандек қилсам, яъни нима бўлса ҳам эримга итоат қилиб, гапига қулоқ солсам, бунинг эвазига менга бирор ажр борми?»
Пайғамбаримиз соллаллоҳу алайҳи васаллам: «Нега ажр бўлмасин, Ҳавла?! Бир аёл Аллоҳ учун барча машаққатларга чидаса, албатта ажр олади. Ўз уйидаги бир нарсани олиб бошқа ерга қўйса ҳам унга ажр бор», дедилар. Ҳавла бу гаплардан ғоят хурсанд бўлса-да, яна бошқа нарсаларни ҳам эшитгиси келиб, сўрай бошлади: «Эй Аллоҳнинг расули, янаям кенгроқ тушунтирасизми?» Пайғамбаримиз соллаллоҳу алайҳи васаллам айтдилар: «Сен нима деб ўйлаяпсан, Ҳавла? Айтайлик, бир аёл эридан ҳомиладор бўлса, у аёлнинг савоби, кундузи рўза тутадиган, кечаси намоз ўқийдиган ва Аллоҳга итоат қиладиганнинг савобига тенг. Туғиши савоб, эмизиши савоб. Аёл боласини эмизишни бошлаганидаёқ ҳар бир эмизишига бир қул озод қилганлик савоби берилади. Болани сутдан чиқарганида осмондан унга: Эй аёл! Ишингни бошла ва ўтмишни унут, чунки сен ўтмишга масъул эмассан», дейилади. Оиша онамиз гапга аралашиб: «Эй Аллоҳнинг расули! Савоб фақатгина аёл учунми? Эркакка савоб йўқми? Эркакка раҳмим келди», дейдилар. Пайғамбаримиз соллаллоҳу алайҳи васаллам: «Бўлмаслиги мумкинми, эй Оиша! Албатта, эркакларнинг ҳам савобда ҳиссаси бор. Қара, мусулмон ўз аёлининг қўлидан тутиб, унга яқинлик қилмоқчи бўлганида Аллоҳ у кишига ўн савоб ёзиб қўяди. Киши аёлини қучоқлаганида Аллоҳ у кишига йигирма савоб ёзади. Киши аёли билан яқинлик қилганидан сўнг ғусл қилганида танасидаги ҳар бир туки учун ўнта савоб ёзилиб, ўнта гуноҳи ўчирилади. Ўша кечанинг тонггида Роббимиз фаришталарга хитоб қилиб, бандаси билан фахрланади ва: "Шу бандам кечанинг совуқлигига ҳам парво қилмади. Роббиси хоҳлагани учун ғусл қилиб, ибодатга киришди. Мен сизларни гувоҳ қилиб айтаманки, унинг барча гуноҳларини афв қилдим", дейди.

Абу Исҳоқ Саълабий, «Ал-Кашф вал-Баяну ан тафсийрил Қуръан» асаридан

Абдуллоҳ Раҳим таржимаси

☝️САВОБ УМИДИДА ДЎСТЛАРИНГИЗГА ҲАМ УЛАШИНГ!!! АЛЛОҲ РОЗИ БЎЛСИН!!!

📚 Ibratli Hikoyalar 📚
❤52💋1
Bugun juda asabiysiz,turmush o'rtog'ingizdan jahlingiz chiqdi, hech narsa qilgingiz yo'q,hattoki kechki ovqatni ham,lekin qilishingiz shart. Ovqat qilyapsiz-u, ammo ichingizda eringizni yomonlab,g'azablanyapsiz. Misol uchun: " Betayin,nima deyotganini o'zi ham bilmaydi, nima bo'lsa men balogardon, hamma narsaga men yugurishim kerak. Qilganimga yarasha rahmat ham eshitmayman", shu kabi so'zlar.

Mana shu holatda sizdan son-sanoqsiz salbiy, negativ energiya qayerga boradi? Albatta nigohlaringiz, qo'llaringiz bilan ushlab turgan qoshig'ingiz orqali tayyorlayotgan ovqatingizga o'tadi. Ovqatni hech qanday kamchiliklarsiz tayyorlasangiz ham, mazasi o'zgarmasa ham, yegan odam: "Nimadir yetishmayapti" degan gapni ichidan o'tkazadi. O'sha kamchilik ayolning ko'nglidir, taomdagi ortiqcha narsa esa, negativ energiya.

Yomon kayfiyatda tayyorlangan taom xo'randaning mutlaqo yo boshini yo qornini og'ritadi.

Hamma ayoldan har xil energiya chiqadi va bu esa ovqatning mazasiga ta'sir qiladi.

Agar nimadandir qattiq jahlingiz chiqsa yoki asabiylashsangiz ovqat qilishdan oldin tahorat olib, bir duo o'qing, so'ng ovqat qiling.

Albatta siz shu o'rinda shubhalanishingiz mumkin. Insondan chiqadigan salbiy va ijobiy energiyaga ishonmayotgan bo'lishingiz ham mumkin. Men gaplarimi isboti uchun misollar keltiraman.

Nazar (ko'z tegishi) nima?
Insondagi hasad yoki havas yoki judayam qattiq yaxshi ko'rish yoki yomon ko'rish tuyg'u va hissiyot tufayli chiqadigan energiyaning qarshidagi insonga borib tegishi va buning natijasida o'sha odamni kasal qilishi yoki biror bir zarar berishi emasmi?

Payg'ambarimiz Muhammad sollallohu alayhi vasallam bir hadisi sharifda "Nazar insonni go'rga,tuyani esa qozonga tiqadi" deganlar.

Agar imkoningiz bo'lsa uyingizda darz ketgan,cheti uchgan idishlaringiz bo'lsa tashlab yuboring.Bunday idishlardan foydalanish makruhdir.

Qisqasi faqatgina taom tayyorlashda emas, har qanday ishda ham ichingizdagi nafrat yoki shunga o'xshash tuyg'ular bo'lsa, qilayotgan ishingizni boshlamaganingiz ma'qul.

"Quloq oshiq bo'lar ekan ko'zdan avval" kitobidan 🌷

📚 Ibratli Hikoyalar 📚
❤41
Транспортда кетяпман. Ёнимда икки аёл гаплашиб кетишяпти. Беиҳтиёр гапларини эшитиб қоляпман. Бири қайнонасини "гапириб" кетяпти, иккинчиси унга далда беряпти: "Қўявер, бир куни юзага чиқасан!"
Секин ўгирилиб қарасам, ҳалиги юзага чиқиши керак бўлган аёл элликка яқинлашиб қолган. (Тахминан. Ҳар ҳолда шундай кўринди). Бечора аёл юзага чиқиши учун яна неча йил керак? Кампир бўлганда юзага чиқадими?

Умуман олганда биз ўзбекларни гапимиз қизиқ:

"Юзага чиқиш!"

Майли юзага чиқиш учун ҳаракат ҳам қилинар, соғлиқлар, умрлар, ниятлар фидо қилинар, аммо шунда ҳам катталар ҳоҳлашса юзага чиқаришади, ҳоҳлашмаса бир умр хўрланиб ўтиб кетилаверади. Ҳўш энди айтингчи, кимга керак бундай юзага чиқиш?
Қачонгача бировни қадрли, қимматли бўлган умрини совурамиз?..
Қачон тўхтаймиз?..

Умму Солиҳа

📚 Ibratli Hikoyalar 📚
❤14😢11👍10🔥1
ДУГОНАСИНИ ҒОЛИБ ҚИЛГАН ҚОРИЯ

Аёллардан бири айтади:

«Мен билан дугонам «Набаъ» яъни, амма порасини ёдлаш учун мусобақа уюштирдик. Мусобақа шартлари шундай эди. Ким биринчи бўлиб ёд олса, иккинчи ёд олган биринчисига ҳадя беради деб келишиб олдик. Бу фикр менга ёқиб қолди ва олийҳимматлик билан Қуръони Каримни ёд олишга киришдим. Икки ҳафта ўтгач, амма порасини ёдлаб, ғолиб бўлдим. Дугонам менга тасбеҳ ва шоколад ҳадя қилди, сўнг мусобақани «Мулк» порасини ёдлаш учун давом эттирдик. Бунда ҳам мен ғолиб бўлдим. Дугонам менга рўмол совға қилди. Шу тариқа беш порага етиб бордик. Мен қандай қилиб ҳар сафар ғолиб бўляпман, ахир унинг ҳам ҳиммати баланд эдику, деб гумон қила бошладим. Ундан буни сабабини сўрасам, дугонам кулдида: «Мен ўн беш порадан кўп ёд олганман» деди.

Ҳа, мени Қуръон ёдлашга қизиқтириш, ҳимматимни кучайтириш учун у ҳар гал мени ғолиб деб эълон қилаётган экан. Янги рўмол ўраганимда, ҳар гал мени ўша ҳолда кўрганда, у менинг гўзаллигимни ва рўмолимни роса мақтар, уни турлича ўраш усулларини ўргатар эди. Менинг Қуръондан кунлик вазифам йўқлигини билгач, у менга Мусҳаф ҳадя қилди ва ҳар икки ойда Қуръонни тўлиқ хатм қилишга келишиб олдик».

Расули Акрам соллаллоҳу алайҳи васаллам: «Киши дўстининг динида бўлади. Сизлардан бирингиз кимни дўст тутаётганига қарасин», деб бежиз айтмаганлар.

У зот ҳаводан нутқ қилмайдиган, ҳар бир гапи ваҳийдан иборат бўлган зотдир. Воқеамиздаги аёл дугонасининг яхшилиги сабаб, Қуръондан бир неча пора ёд олди, шунингдек, рўмол ўрашда бардавом бўлди ва Қуръонни хатм қилишни йўлга қўйди.

Сизга Аллоҳни эслатмайдиган, Расулуллоҳ соллаллоҳу алайҳи васалламни танитмайдиган, жаннатга бошламайдиган кимса билан дўст бўлманг!

Нозимжон Ҳошимжон таржимаси

📚 Ibratli Hikoyalar 📚
❤40👏5
Qiyomat kuni hamma bir - biridan qochadi.

Faqat Qurʼon hofizlari oʻz - ota onalarini axtaradilar.. TOJ kiydirilishi uchun...

Qurʼonga dars, vazifa yoki oʻqib qoʻyilishi shart boʻlgan majburiyat sifatida qaramang!

Balki Uni muhabbat, solih amal va JANNAT kaliti hisoblab munosabatda boʻling!

Bir oʻylab koʻring!

Mukkasidan ketgan telefoningiz, oʻlishingiz bilanoq, sizdan ajraladi. Boshqalarniki boʻladi.

Qurʼon esa, bizdan oldin qabrimizga borib turadi.

Endi aytingchi, qancha vaqtingizni bu ikkisi uchun sarflaysiz?

Taammul qilishmizga arzigulik haqiqat!

📚 Ibratli Hikoyalar 📚
❤10😢5
​​​​​​АЁЛЛАРГА ЁҚАДИГАН ЭРКАКЛАР

• Аёлдан сўрашди:
- Сизнингча ҳақиқий эр ким?
• Аёл жавоб берди:

☝🏻 - жеркийвермай чиройли насиҳат қиладиган;

✅ - титкилайвермай ишонадиган;

🌸 - йиғлатавермай кулдирадиган;

🤴🏻 - оёқ-ости қилавермай бошига кўтарадиган;

💎 - итоатни қадрлайдиган;

🤲🏻 - ибодатни севадиган;

🛡 - суянса бўладиган;

🔰 - ҳаромдан ҳазар қиладиган;

👳🏻‍♂️ - Роббига бандаликда аҳли-аёлини ҳам эргаштира олган эр ҳақиқий эрдир!

• Эрлик исм эмас феълдир, аслида!

📚 Ibratli Hikoyalar 📚
❤13👏6
Бир инсон хикоя қилади:
Аёлим ёнимда ухларди. Менга эса кутилмаганда инстаграмдан хабар келди. Бир қиз менга дўстлик таклифини жўнаткан эди. Мен ким эканлигини билай деб ўйладим ва дўстлик таклифини қабул қилдим.
Унга хабар ёздим:
- Ким бу танимадим?
- Мен ўшаман. Сизни уйланганингизни эшитдим, лекин ҳали хам сизни соғиняпман.
У ўтмишдаги қиз дўстим эди. Ўзига алохида эътибор берадиган жуда латофатли қиз эди.

Мен аёлим ухлаётганига ишонч хосил қилиш учун инстаграмни ёпдим. Сўнг аёлимга қарадим. У кун бўйи уй ишлари билан овора бўлганидан чуқур уйқуда эди. Унга қарарканман, ўйлаб қолдим...
.
Қандай қилиб у ўзи учун янги бўлган уйда ўзини бунчалик хавфсиз хис қилиши ва хотиржам ухлаши мумкин.
У 21 йил оиласи билан яшаган уйидан анча узоқда.
Қачонки у жахли чиқса ёки хафа бўлса онаси ёнида бўларди. У хохлаганича йиғлаб дардларини айтиши мумкин эди. Укаси эса уни кайфиятини кўтарар, отаси уйга у ёқтирган барча нарсани олиб келар эди...
Бу хаёллар миямга келар экан, телефонни қўлимга олдим ва "block” ишорасини босдим.
Аёлимга юзландим ва унинг ёнида уйқуга кетдим. Чунки мен эркакман. Аёлига хиёнат қилмайдиган ва оиласини бузилишини истамайдиган эркак.

📚 Ibratli Hikoyalar 📚
❤60🔥23👍10🤔1
Эркаклар учун муҳим ва ёқимли бўлган жумлалар

1⃣ Сиз учун нимадир қила оламанми?

Барча эркаклар, умуман олганда аёллар ҳам улар ҳақларида қайғуришларини ёқтиришади. Бу инсонда самимийликни ва муносабатлардаги ишончни мустаҳкамлайди биизниллаҳ. Юқоридаги савол қалбдан қалбга берилган савол бўлганлиги сабабли, партнёрнинг ҳам жисмоний, ҳам руҳий саломатлиги сиз учун муҳим эканлигининг далолатидир.

2⃣ Сиз билан ўзимни хавфсиз ҳис қиламан

Ҳар бир рижол ўз аҳли оиласининг ҳаёти тинч-тотув ва бехатар бўлиши учун ҳаракат қилади. Аёл киши эса бу ҳаракатларини қадрлашини ва улар зое эмаслигини билдирса, жуфти ҳалолига янада кўпроқ ҳаракат қилиш учун энергия берган ҳисобланади.

3⃣ Бошқаларнинг гап-сўзлари мен учун аҳамиятсиз. Сизни улардан яхшироқ биламан ва тамом ила ишонаман

Эркак киши аёлининг ишончини сезса уни оқлашга ҳаракат қилади ва сизнинг қадр-қийматингиз ҳам унинг кўз ўнгида баланд бўлади.

4⃣ Келинг, қизиқарлироқ нималардир қилиб кўрамиз

Аслида жуфтингиз вақтни мароқли ўтказишни яхши кўради, лекин бу фикр сизга ёқадими, ёки йўқ - билмайди. Шу сабаб баъзан бошқарувни ўз қўлингизга олиб, ҳурсандчиликлар, кичик бўлсада байрамлар уюштириб туринг.

6⃣ Ҳаёлларим ҳам фақат сиз билан бўлиб қолди

У истаган инсон уни ҳам ҳудди шундай хоҳлашлигини билиш кимга ҳам ёқмайди дейсиз?! Самимий туйғулар - ҳар бир инсон учун энг катта неъмат.

6⃣ Мен ҳақимда қайғуришингиз мени чиндан ҳам бахтиёр қилади

Эркаклар уларни қадрларига етишлигини хоҳлайдилар. Уларнинг қилган ҳаракатларини ҳудди шундай бўлиши керакдек қабул қилиш керак эмас. Кўзимизга арзимагандек кўринган ишлар учун ҳам ташаккур айтиш унга янада кўпроғини қилиш учун мотивация беради.

7⃣ Сизни чин қалбимдан яхши кўраман

Агарда "Мен сизни севаман" деган сўз жонингизга теккан бўлса актив лексиконингизга бошқа ибораларни киритиш фурсати келди. Ишонаверинг, жуфтингиз уни севишингизни эшитишдан чарчамайди. Турли лафзлар билан ифодаланган севги изҳорлари эса янада қизиқарли ва оригиналроқ туюлади ;)

Бу оддий лекин фойдали маслаҳатларга амал қилиб кўринг, ўзгаришлар сизни узоқ куттирмайди биизниллаҳ.

📚 Ibratli Hikoyalar 📚
❤17👏2