Аёлингизни камситманг. Ота оналар қизларини бунинг учун узатишмайди.

Ҳар бир инсон фарзандини бахтли бўлишини истайди. Сизга берилган омонатни тўғри ҳимоя қила олинг.

Яқинларга Улашинг.. 🌸

Каналимизга обуна
бўлинг👇💖

#СУБҲИДАМ

-70-

Абдумажид энди Суюмани аввалгидан ҳам ўзига яқин олар , "Имкон бўлса- ю , унинг учун дунёнинг бор яхшилигини қила олсам" деган кайфиятда бўлиб қолган эди.

- Суюма...

- Лаббай, Абдумажид ака...

- Уйда зериккандек бўлмаяпсанми ...

Суюма жилмайди :

- Йўўўқ , болалар бор- ку.. Шаҳзод мактабга чиқади- ю бу йил . Шунга у билан шуғулланаяпман ...

- Суюма , ҳоҳласанг эртага магазинга бориб Шаҳзод учун рангли қалам, расм дафтар ..., яна дарс қиладиган стол, стул олсак...
Нима дейсан ?!

Суюманинг кўзлари чақнади :

- Ҳар доимгидек , жон дейман... Яна ...

- Нима яна , айтавер ...

- Робишим ... Робишимизга битта велосипедча олиб бера оласизми ?! Кеча кўчада қўшни болаларникини учиб кўриб ... бирам тушгиси келмади ...

- Бори шуми ?! Сен яхшиси яна нималар кераклигини ўйла. Рўйҳат қилиб қўйсанг, ҳаммасини бир йўла олиб келамиз ...

- Албатта , сиз айтасиз- у , мен йўқ дер эканман-ми ?! Хўп бўлади- да !

Абдумажид яна ўйланди:

- Суюма , аслида мен бошқа нарсани назарда тутиб гап бошлаган эдим...

Суюма индамади . Чиройли қошларини кериб Абдумажиднинг нима демоқчи эканлигини кутди .

- Суюма , мени ижодхонам доим қулфлолиқ туради . Аммо сен сабабини сўрамадинг . Бунга сабаб у ерда керакли ҳужжатлар , режадаги лойиҳалар , ҳамкорлик шартномаларининг бир нусҳаси туради . Аммо бу муҳими эмас. У ерда ёғочга нақш ўйиш учун тиғли анжомлар бор , кейин ҳар хил мойбуёқлар . Шу сабабли болалар кирмаслиги учун у ерни қулфлаб юраман. Бу ҳотиржам бўлишим учун , албатта .
Биласанми , у ерда жуда кўп дурдона асарлар бор. Саъдий Шерозий , Навоий , Бобур , Машраб, Маҳтумқули, Нодирабегим ... Абдулла Қодирий , Абдулла Қаҳҳор , Ойбек, Саид Аҳмад , Эркин Воҳидов , Абдулла Орипов , Ўткир Ҳошимов ... Бу ижодкорларнинг жуда кўп китоблари алоҳида жавонда турибди...Агар ҳоҳласанг , уларни олиб ўқишинг мумкин ... Калит , эшикнинг тепасидаги бурчакда кичиккина тешик бор, ўша ерда ...

- Абдумажид ака...

- Ҳоооов !

- Сиз менга ҳозир шунчалик қимматли совға бердингизки ...
Сўз билан таърифлашни иложи йўқ ... Аммо у ерда ўтириб китоб ўқишимнинг иложи йўқ. Майлими , битта - битта олиб чиқиб, болалар ухлаган вақтда ўқисам . Биласиз , уларни узоқ вақтга ёлғиз ташлаб кета олмайман ...

- Албатта , Суюма . Бу сени ҳам уйинг . Шундай бўлгач , китобларда энди сениям ҳаққинг бор. Фақат , уларни ошхонага...

- Нима ?! Ошхонага?! Тушунмадим, нима учун ошхона деясиз , Абдумажид ака ?!

Абдумажид бир қизариб , бир бўзариб сўзлай кетди :

- Э , сўрама ... Айтсам тилим куяди, айтмасам дилим. Анави тўғридаги қўшнимизни келини бор- ку ?! Ҳа ўша Ўринбойни аёли Замира . Ўша келин ўқишга кираман деб бир куни таниқли ёзувчининг китобини имтиҳонга тайёрланиш учун сўраб олганди. Мен ҳам "Ҳа майли, савоб бўлар" дея ҳўп дея бера қолган эдим.
Икки хафталарда олиб чиқиб берди . Китобни хонага олиб кириб , столни устига жойлаб чиқиб кетдим . Кечга яқин хонада ижод қила туриб, орадаги танаффусда бир китоб ўқий деб ичини очганимни биламан ...

- Ҳўш...

- Э сўрама... Ўша келин китоб ўқиб туриб устида аччиқ- чучук еганми нима бало , варақлари қапишиб кетган , орасида памидорниям , пиёзниям парракчаларини топиб олсам дегин ... Бечора китобнинг ёзувлари ўша савзавотларнинг ширасида ўчиб ҳам кетибди.
Бир тутадим, бир тутадим ...
Бир амаллаб тонгни оттирдим- у, қўшнимникига ўқдек учдим.
Келин демаган "Ўламан саттор, бу ишни мен қилганим йўқ " деб туриб олса дегин. Қўлимдан ҳеч бир иш келмади ...

Хуллас ҳар сафар китоб ҳақида гап кетса , эсимга биринчи ўринда шу воқеа тушади ...

Суюма ҳам Абдумажидга қўшилиб на кулишни , на куйишни билмайдиган ҳолатга тушган эди ...

ХазонРезги

💓💓💓💓💓💓💓💓💓💓

​​​​​АССАЛОМУ АЛАЙКУМ
БУГУН ЯНГИ ХАФТА
💓💓— АВГУСТ
ДУШАНБА ТОНГИ
МУБОРАК БЎЛСИН АЗИЗЛАРИМ! 🌤🕊

Тонг нури қалбингизни ёритсин,
Юрагингизга хотиржамлик насиб этсин.

Ҳар қадамингига барака,
Ҳар ишингизга омад ёр бўлсин.

Дуоларингиз осмонларга кўтарилиб,
Қабуллар билан қайтсин 🤲✨
Аллоҳнинг ҳимояси ва раҳмати сиз билан бўлсин.
Бугунги кунингиз хайрли ва сермазмун ўтсин! 🌺

Яқинларга Улашинг.. 🌸

Каналимизга обуна
бўлинг👇💖

📚 Ibratli Hikoyalar 📚

​​#СУБҲИДАМ
-71-

Бир куни Шаҳзоднинг машқларини текширишга кирган Абдумажид столнинг бир четида турган оддийгина блокнотга кўзи тушди . Блокнотни кўриниши Абдумажиднинг эътиборини тортгани боис , уни варақлаб кўра бошлади...
Варақлаш асносида Абдумажиднинг қошларига тугун туша бошлади . У ҳайратдан лабларини тишлаганча , кўзларини варақдан варақга тикар экан, хаёлида "Оббо , Суюма- ей ?! Ҳали шунақа истеъдодим ҳам бор дегин?! " дея такрорлашни қўймас эди ...
Абдумажидни ҳайратга солган нарса Суюма томонидан чизилган эскизлар эди .
Суюма ҳар бир варақда биттадан қиз чизган ва унинг устидаги кийим дизайнини ўзгача моделлаштирган эди. У қизнинг соч турмаги , пардози , бошига кийиладиган бош кийими, либоси , унга мос тушадиган пойафзали ва тақинчоқларини шу даражада уйғунлаштириб ишлаб чиққан эди-ки , Абдумажиднинг берган баҳоси бўйича бу иш унча - мунча моҳир дизанер- стилистнинг ҳам қўлидан келмас эди.
"Бу фақатгина туғма истеъдод эгасининг қўлидан келадиган иш- ўйлади Абдумажид,- Бу истеъдодга йўл очмасам , бунинг учун қанча гуноҳга қолишимни тасаввур ҳам қилиб бўлмаса керак-ов. Тавба , либосларнинг бир бирига қараб кўзинг қамашади- я . Аммо Аллоҳнинг суюкли бандаси эканман- да . Кечагина, Молдавияда ўтказиладиган турли миллатларнинг миллий-замонавий либослар танловига ижодий иш топширишимизни сўрашган эди, кун бўйи қўлимда бор ишларни солиштиравериб , кўзларим қамашиб кетганди. Аммо танлаган номзодларимнинг уччаласининг ҳам ижодлари бир- бирига ўхшар эди. Демак, ижодий иши учинчи ўринда кетаётган қизнинг ишларини Суюманинг ижодий ишлари билан алмаштираман !"

- Суюмааа !

Абдумажиднинг овози одатдагидан қаттиқроқ эшитилгани учун Суюма ҳаялламай хонага кирди :

- Лаббай, тинчликми ?!

Абдумажид ҳаяжон билан энтикиб гапира бошлади:

- Суюма , ҳамма ишингни йиғиштир ! - Абдумажид эскизларни танлай бошлади,- Менга мана бу , яна бунисиниям , кейин буниям... Мана шу учта эскизингни тонггача катта оқ қоғозга кўчириб берасан . Бўяш ишларига ўзим қарашиб юбораман...

- Абдумажид ака , ҳеч нимага тушунганим йўқ , илтимос бу ишни нима учун сўраётганингизни билсам бўладими ?!

- Суюма , ҳозир тез ишга киришиш ҳаракатини бошла... Қолган маълумотларни йўл- йўлакай тушунтириб бераман ...

Суюма Абдумажидга жовдираб қаради , аммо эътироз билдирмади :

- Ҳўп бўлади , Ҳазрати олийлари ...

Абдумажиднинг кайфияти жуда кўтарилиб кетган эди , у Суюмага шодон гап ташлади :

- Шундоқ бўлсин ...

- Бир эмас, ярим оғиз сўзингиз ...

Шу куни Суюма ва Абдумажид тонггача ижодхонада ижод қилиб чиқдилар . Эскизларнинг айрим деталлари устида тортишдилар , баъзи бир жойларида сўзлари бир жойдан чиқди ... Ўртада Суюманинг "бир озгина бор айбини" ҳисобидан икки марта овқатланишга тўғри келди ...

- Мана битди , - Абдумажид ишларидан кўнгли тўлиб керишди ,- Қара тонг ҳам отиб келаяпти . Ҳа айтганча , битта энг муҳим иш қолиб кетибди .

- Бўлди чидолмайман , уйқум келиб кетди . Ёстиғим ҳам аразлаб ётгандир ...

- Суюма қаердан олсан- а шунақа гапларни , тавба ! Кўпинча сенга гап тополмай қоламан ... Аммо охирги штрихни ҳозир қўймасак уйқум келмайди ... Майли вақтингни олмайман . Фақат шу коллекцияга битта ном топиш керак эди . Нима деб номласак экан ?! "Оппоқ орзулар" десак бўлмасмикин ?! ...

Суюманинг кўзлари катта очилди , бўғиқ овозда хаёлчанг шивирлади :

- ... "Субҳидам"

- "Субҳидам" ?! Бу дегани...

- Тонг ёришиб келаётган вақт ... Мана шу ҳозирги пайт ...

Абдумажид кўп ўйланмади :

- Ҳудди эртакдагидек ... Бетакрор ... Демак , коллекциямизнинг номи - "Субҳидам"

Суюма зорлангандек бўлди :

- Мен жудаям чарчадим, озгина дам оламан...

Суюма Абдумажидга шу сўзларни айтди- ю , эшикдан чиқди , у хонадан тезроқ узоқлашишни истар эди , чунки ...

давоми бор ....

ХазонРезги

Tarvuz kesishning bu usulini siz aniq bilmagansiz🤩

📚 Ibratli Hikoyalar 📚

АССАЛОМУ АЛАЙКУМ

Олис , яқинлардаги қадрдонларим .
Ҳамма зўрми , яхши дам олиб , янги ҳафтанинг биринчи иш кунини бошлаб олдингизми .

Қайноқ ёз фасли ҳам сўнги ойига кирди . Аммо кунлар ҳалиям иссиқ , жазирама пешонадан уради . Канденсанерли салқингина хоналарда иш қиладиганларку хўп хўп , аммо кенг далаларда ишлайдиган меҳнаткашларга сабр тоқат ва офият берсин .

Шу иссиқларда ҳаловат излаб кўплар оилавий ёки қариндошлари билан , дўстлари жамоаси билан тоғларга , сувомборларига , дала ҳовлиларга , кўнгилочар сув ҳавзаларига дам олиш , муздек сувларга роҳат қилиб чўмилиш учун боришади .
Ва албатта шу бахтли роҳатижон дамларини , тансиқ таомлар пиширишганини , тўкин дастурхонларию шодон мусиқада тушган қувноқ ўйинларини видеотасвирларга , расмларга олиб , тарихга муҳрлашади .
Албатта бунинг ёмон томони йўқ , ҳамма яшаётган умридан рози бўлиб уни ўз билганича расм видео қилиши бу унинг иши .....

Аммо , аммо шу видео , расмларни ижтимоий тармоқларга жойлаш , кўпгина группаларга жўнатиш маъқул эмас деб ўйлайман ....

Чунки сизнинг муздек сув ичидаги кулиб турган чехрангизни кўрган , пахта ягана қилиб юрган , пешонасига оқ рўмол танғиган , юзу кўзларидан оққан терлари кўзини , бўйинларини ачиштираётган деҳқон аёлининг кўнгли ўксиб қоладими дейманда ....

Сиз қўлингизда каттагина шашликни сихи билан тутиб турган расмингизни кўрган , кичгинагина дарахтнинг ингичка соясида ўтириб помидор , пиёз тўғраб , буханка нон билан еб ўтирган , устидаги сариқ жилеткасининг ранги офтобда ўчиб кетган ободончилик ходими бўлиб ишлайдиган , юзи пардоз кўрмаган , кўзлари маюс аёл кўриб кўнгли ўксимасмикин дейманда ....

Қўлингизга микрафон олиб мусиқага қўшилиб қўшиқ куйлаган видеонгизни кўрган , касалхонанинг дориларнинг кўнгилларни бехузур қилувчи ҳидига тўлган ва деразадан қуёшнинг тик нури тушиб турган хастахонасида шифтга термулиб ётган беморнинг томоғига алам тиқилмаса дейман .

Болаларингиз билан қий чув қилиб сувҳавзасида чўмилган видеонгизни кўриб қолган , лойқа сувли ариқ қирғоғида ўтириб , илимилиқ тарвузни ёриб еб ўтирган , ота онаси билан фермер даласига тарвуз узишга ишга чиққан болакайнинг дилида ғайирлик , ҳасад ғимирлаб қолмаса дейман .

Тўғри яхши яшашга ҳамманинг ҳаққи бор ва интилган одам бунга эришади .
Айтишингиз мумкин сиз айтган одамларнинг қўлида шу видеони кўриш учун фалон пуллик телефони борку деб ....
Ҳозир кимда телефон йўқ , ҳаммада бор , қолаверса бошқа ёнидаги бировнинг телефонидан кўриши хам мумкин ва синиқ кўнглининг ўксишига шу видеолар сабаб бўлиши мумкин .

Масалан ўзим гувох бўлган воқеа ....
Тунов куни бир йигит стулга ўтириб истаграм титяпти . Тасвирда турли овқатлар чиқиб турибди . Онаси харид билан оввора бўлган беш ёшлардаги бола ҳалиги йигитнинг ёнига бориб телефонига қараб турибди .

Тиниқ экранда бор гўзаллиги ва маззаси ярқ этиб чиқиб турган овқатларга қараб бола беихтиёр тамшанганини ва ютинганини сезиб қолдим ...
Ҳатто қўлчасини узатиб экранни силаб қўйди .
Уни кўриб қолган онаси
,, қорнинг очдими ўғлим , ҳозир овқатлантираман ,, - деб уни нари олиб кетди .
Бу болани онасининг имкони етар , олиб берар .

Аммо имкони етмайдиганлар бировни телефонидан кўрсачи , яшайдиган ҳолидан дили ғашланиб , кўнгли ўксисачи ....

Бу ҳаётда тирик эканмиз , ҳамма ўзича бахтли яшаябди .
Аввало тириклигимизга ва соғлигимизга беҳисоб шукур .

Ақллилик қилмоқчи эмасман , шунчаки кўнглимдан ўтганларини баён қилдим холос ....

Кунингиз хайрли ўтсин
ШАХЗОДАнгиз сиз билан бирга 😘

📚 Ibratli Hikoyalar 📚

👆👆👆👆 қиссанинг аввалги қисмлари

#МУТОАЛАА_ЗАВҚИ

#СУБҲИДАМ
(давоми )

-72-

Абдумажиднинг ўзининг кўз ёшларига гувоҳ бўлишини истамас эди ...

Суюманинг эскизлари танловга онлайн тарзда жўнатилди . Орадан икки хафта ўтгач, минглаб номзодлар ичида Суюма ярим финалга чиққанлиги тўғрисидаги хабар келди.
Бу Абдумажид учун ҳам жуда катта янгилик бўлди. У Суюманинг бажарган ишлари бу қадар муваффақиятга эришади деб етти ухлаб бир тушига кирмаган эди .
Ҳабар билан бирга танловнинг яна янги шарти ҳам келган эди . Шартга кўра танлов маъмуриятига фақатгина бир дона либос эскизи жўнатилиши керак эди. Мавзу қилиб "Одам ва олам" рукни танланган эди .
Абдумажид чет давлат- Молдавиядан келган барча хабарни ишхонада қабул қилиб олгач , уйга шамолдек учди .
У энтикиб Суюмага барчасини тушунтирар экан :

- Суюма , эскиз икки кунда тайёр бўлиши керак, энди баравар ўйламасак бўлмайди, деди.

Суюма ўйланиб қолди.
- Бирор ғоянг бўлса , айтавер Суюма тортинма ,- деди Абдумажид далда берган оҳангда .

- Ўйлаяпман , Абдумажид ака. Келинг, барчасини бафуржа кечки овқатдан кейин кўриб чиқсак...

- Майли , тўғри айтасан. Нима овқат еймиз бугун?! Очиғи қорним очгани энди сезилди:

- Тефтель шўрва . Шаҳзодимизнинг буюртмасига кўра .

Абдумажид Суюмага энди жавоб қайтармоқчи эди , остонада Робияни етаклаган Шаҳзод кўринди , у Робияга Абдумажидни кўрсатиб :

- Робиш , ана ада ! - деди ...

Робиш қийқириб Абдумажидга талпинди . Абдумажид уни қучиб олди , кейин бошидан баландга кўтарди:

- Асал қизимни ҳозир "ҳам" қилиб қўяман ...

Робия юқоридан адасига кулиб қаради :

- Йўўў , адда !

- Нима ?! Нима деди мени она қизим ?! Қани яна бир қайтарсин- чи?!

- Адда , адда !

Абдумажид Суюмага ҳурсанд бўлиб мақтанди :

- Қарагин , аяси ! Бугун биз адда бўлдик ... Буни нишонламасак бўлмайди , а лаббай ?!

Суюма Абдумажидга қараб кулимсиради :

- Ва ниҳоят ... Табрикларимни қабул қилиб олинг ... Нишонлашга келсак , қандай таклифлар бор ?!

- Ҳозир кўрасиз- да !?

Абдумажид фарзандларини етаклаб кўчага чиқиб кетди. Улар орадан ярим соат ўтмай қайтганларида қўни- қўнжилари тўлиб кетган эди . Абдумажид ўртача катталикдаги тортни Суюмага узатди :

- Бу танловдаги ғолибамиз учун махсус . Ўзлари яхши кўрадиган музқаймоқ кремлигидан ...

Суюма Абдумажид уни бундай тортни яхши кўришини билганига ҳайрон бўлди , аммо гапни кўпайтиргиси келмади , тортни олганча миннатдорчилик билдирди:

- Раҳмат , пулингиз кўўўп бўлсин !

* * *

Кечки овқатдан кейин Робия барвақт ухлаб қолди . Шаҳзод расм дафтарни бўяшга машғул бўлган вақтида , Абдумажид ва Суюма ҳам ўз ижодлари оламига шўнғишди.
Улар ўзларининг анча таклифларини ўртага ташладилар . Обдон тортишдилар . Тортишув натижасида охири
Суюма ўз сўзини ўтказди .
Суюма бу сафар оч сариқ рангдаги матодан тикиладиган кўйлак эскизини тайёрлашни таклиф қилган эди .
Эскизда жингалак сочларини узун қилиб ёйилган қиз тасвири туширилган эди . Унда қизнинг сочларига гўё шабнам қўнган каби томчи кўзчалар қадалган, унга кийдирилган кўйлак бичими ҳаддан ташқари оддий эди . Кўйлак ёқасиз ва енгсиз эди , аммо этаклари узун бўлиб белдан пастига қизнинг сочларига қадалган каби томчилар қуюқлаштирилиб жойлаштирилган эди ... Қиз қўлларини чўзганича кун ёришар тамонга қараб турар , кўзларида бир олам умид мужассам эканлиги кўратилган эди .

- Субҳидам...

Бу сафар эскизга "Субҳидам" номини Абдумажид танлади .

ХазонРезги

Асаларилар ҳам ўз жинсидан бўлатуриб ишламай, уядаги асални бекорга еб ётадиганларини ўлдириб ташлайдилар.

                       Абу Райҳон Беруний

АССАЛОМУ АЛАЙКУМ

Кўзлари гирён , ўзлари бир ён , сўзлари бийрон , ҳаётнинг пасту баландида гоҳ шахдам , гоҳида ҳайрон азиз опа сингилларим , дўсту ёронларим .

Барчангизга хайрли тонг , хайрли кун .
Бугунга нимаики режалаган ишларингиз бўлса бекаму кўст адо этинг , яхшилик ва эзгулик ҳамроҳингиз бўлсин .

Тошкент осмони тип тиниқ , бетакрор гўзалликка эга мовий сарҳад ....
Кунчиқишда тилладай ярақлаб чиқиб келаётган бобо қуёшнинг заррин нурлари маҳобатли масжиднинг баланд мезаналаридаги кунгурадор гумбазларига урилиб , ажиб жилва билан ярақлайди .

Кенг ва равон йўллардан зува - зувв у ёқдан бу ёққа ўтаётган машиналарнинг овозини босиб турли нағмаларда чуғурлаётган қушларнинг овози мароқли симфониядек дилга сурур бағишлайди .

Бекатда автобус кутиб турган аёлнинг қўлини тутиб , атрофга олазарак боқаетган боланинг кўзларида бир олам ҳайрат ва алланечук қувонч мужассам . Мисоли дунёни тутиб тургандек болакайга қўл берган онанинг кўзларида хотиржамлик ва умид балқийди .
Ўриндиқда ўтириб сумкачасидан дори олиб киши билмас оғзига ташлаган онахоннинг ҳам дилида қанча орзу - ниятлари бор . Бекат бурчагида тинмай миёвлаб турган мушукчага , онасининг қаршилигига қарамай дўкондан печени олиб берган ўсмир йигитчанинг қалби меҳр муҳаббатига тўла экани шундоққина кўриниб турибди .

Ҳа юртимиз тинч , олам мунаввар , Аллоҳимга беҳисоб шукур .

Сиз билан ҳар доимгидек ШАХЗОДАнгиз бирга бўлди 😘

📚 Ibratli Hikoyalar 📚