📚 Ibratli Hikoyalar 📚

ОНАСИЗ ҚОЛГАН ЧАҚАЛОҚ ✍.

66 - қисм .

Инсон яшар экан орзу ниятлар , истаклар оғушида олға интилади .
Синовли кунлари , қувончли кунлари қандай ўтгани ёлғиз ўзига билинади холос .

Умиданинг момоси келин олиб уй рўзғор юмушларидан бир озгина чалғиди холос . Шунисигаям шукур қиларди момо .

Болаларга қараш эса ҳамон бобоси ва момосининг ташвиши эди .
Эрталабдан Умиданинг ҳар доимги иши бошланар . Супур - сидир , жойларни йиғиш , укаларини кийимларини таёрлаш .
У хеч бирини оғринмай , биров айтмаса ҳам билиб билиб қиларди .
Мактабдан келиб яна шу ишлари бошланарди .
----Умидааа Гулбахор кўчага чиқиб кетди , - янгасининг зардали овозидан қизча мактабдан келиб нон тўғрабгина ичаётган илиқ сутига тиқилиб қолай деди .
Шошиб дастурхонни қайирдию кўчага чопди .

Гулбаҳор жудаям шўх , бунинг устига инжиқ ва асабий қиз бўлиб катта бўларди . Кўчадаги қизчалар билан тенг айтишар .
,, Чўлоқ ,, деган болани сочига ёпишарди . Гунохкор қизни чириллатиб дуч келган жойидан юмдалаб момосининг овутиб айтган сўзини такрорларди .
----Мани Худо шуннай яяатган , мани Худо яхши кўяди - унинг сўзлари зардали , болаларча жахл билан бўлсада аламдан титраб , титраб гапирарди . Баъзан росса бақириб , ер тепиб йиғларди .

Умида синглисини қучоқлаб овутар , кийимларини қоқиб , алдаб , сулдаб уйга олиб кирарди .

Опасининг мехридан аллақачон овунган Гулбаҳор арз қилишга тушарди ,
----Опачи , опа Наси мани
,, етимча ,, - деди , ман уни урдим кейин .
----Гули , сингилжоним хеч кимни урмагин , уришмагин , - опасининг зорли овозига қизча жим бўлиб қоларди .
Гулбаҳор Умида опачаси худди катталардек ўзини , укасини яхши , кўришини , тиш тирноғи билан ҳимоя қилишини сезарди .

Баъзан шу арз додини момосига қилар , момоси уни овутиб ,
----Сан етимчамассан , сан Аллоҳнинг қизисан , - деярди .

Умида кўчада жимгина юрар , мактабидан хам тезгина келиб , катталардек рўзғорга уринарди .
Анча чарчаб қолган момосидан , доим норози минғирлаб юрадиган янгасидан гап эшитмаслик учун тинмасди .

Ҳовли супурган ҳам у , тезак таппи қилган ҳам у , ҳовли супурган ҳам у , укасига қараб , кирларигача ювган ҳам Умида эди .
Янги келинчак аввалига бир оз ўзича юрдию , кейин рўй рост Умида ва Гулбаҳорга худди ёвга қарагандек қарарди .
Сўзларидан илон пўст ташлар , гапига кирмай болаларча инжиқлик қилган Гулбаҳорни аямай урарди .

Биринчи маротаба синглисини калтакланиб тургани устига келиб қолган Умида , бор овозда додлаб синглисига ёпишган. Шу куни янгасидан у ҳам калтак еганди .

Кечқурин синглисини кўкарган жойларини силаб ўтираркан биринчи маротаба онасини йўқлаб ўксиб ўксиб йиғлади .
---Онажон , онажоним нимага бизани ташлаб кеттиз онажоон .
Синглимни қандай овутай онажон , укамга қандай қарайман онажон .
Аллоҳим онажонимни қайтариб бер , онажимни ...

Тиззасига билакчасини қўйиб , пешонасини тираб милт - милт кўз ёш тўкиб ўтирди .
У шу туришида хам ўзини эмас икки жигаргўшасини ўйларди .
Шу етимликда эзилиб турган миттигина юракда куч - қувват , ҳаётга бўлган иштиёқ икки укасини вояга етказишига етарли шижоати бор эди .

Умида нафақат ўзининг укаси ва синглисини , ҳаттоки кичик тоғасининг уч фарзандини ҳам меҳр билан , бир онадек катта қилди .

Орада , шахарда қолиб кетган катта келин келиб болаларни олиб кетар , таътилда шахарда туриб бир оз дам олиб олишсин деярди .

Аммо кичик келинга Умида ва Гулбаҳорнинг хизмати кераклигидан жанжал қилиб қайтариб олиб келтириб оларди .
Умида хеч ишдан бош тортмас , унинг учун укалари калтак емаса бўлди эди .

Орадан йиллар ўтди .

Бу йиллар силсиласида гўдаклар ҳам , момосию бобоси ҳам кўп машшаққатлар чекишди .
Бу қийинчиликлар эса Умидани ҳаётга тайёрлади . Бардошли , метин иродали , мунис , ақлли , одобли , ҳаёли қилиб тарбияланди , Умида .

Шунданми унинг совчиси кўп эди .
Онасидек юзлари оппоқ , гўзал , сарвқомат ва сочлари узууун эди , унинг .

Кексаликнинг оёқдан йиқитар кунларидаям шу уч набираси учун қаддини тутиб юрган бобоси ва момосига қизлари Сабриянинг ҳаёти сабоқ эди .
Улар Умидани ёш узатишмоқчи эмас эди . Аммо ....

давоми бор ...

ШАХЗОДА САТТОРОВА ✍

❤67👍15🔥10🤔8

2.86K viewsAbdulatif, edited 16:18