📚 Ibratli Hikoyalar 📚
18K subscribers
6.95K photos
3.25K videos
44 files
16.4K links
Хаётий ва Ибратли ҳикоялар... Хикматлар хазинаси...
Инсон такдирини аччик синовлари...


Hamkorlik va reklama uchun 👇👇

@Bronzam

.



.



.



.



.





.
Download Telegram
📝 Аёлининг айбига кўз юмган мард эркак..

 Бир камбағал инсон бор эди. 
Унинг топгани аранг рўзғорини тебратишга етар эди.
 Олти ой деганда, бир тугун гўшт ейишарди. Топган-тутганини тўплаб, бир куни эр товуқ сотиб олиб, таом тайёрлаши учун аёлига келтириб берди.
 Бечора анчадан бундай тансиқ таомни татиб кўрмагани учун, таом таёр бўлишини орзиқиб кутди. 
Таом дастурхонга тортилди. 
Таомдан татиб кўрса, жуда шўр бўлиб кетган экан. Бироқ, буни ҳеч кимга билдирмади, аёлига ҳам лом-лим демади. 
Ўзига ўзи деди: «Эй Роббим, борди-ю, менинг қизим ҳам таомга шундай кўп 
туз солиб юборса, куёвим уни кечиришини, унинг кўнглини оғритмай, бир сўз демаслигини истар эдим. Хотиним ҳам бировнинг қизи, унинг ҳам кўнгли оғришини истамайдиган ота-онаси бор. 
У Сенинг банданг, мен уни сени розилигинг учун кечирдим», деди. 
Орадан вақт ўтиб бу эркак оламдан ўтди. 
Бир тақводор киши уни тушида кўрди. 
Ундан: «Сенга қандай муомала қилишди», деб сўради. 
Аллох менинг барча гуноҳларимни кечирди ва жаҳаннам азобидан озод этди. «Мен сени кечиришимнинг сабаби, менинг бир бандамни кечирганингдир. 
Сен унинг айбига кўз юмдинг, умрингда бир емоқчи бўлган тансиқ таомингни шўр қилиб қўйса ҳам, аёлингга лом-лим демадинг, уни кечирдинг.
 Мен ҳам сени кечирдим», деди.

Эркак эркакларнинг -  ЁМОНЛИГИНИ билгани учун хотинини рашк қилади ! Хотин аёлларнинг ҳийла ва ~ МАКРИНИ билгани учун эрини рашк қилади ! 

Аёлларга зулм ўтказма, бўлма тошбағир,
Улар қийшиқ қовурғадан яралган ахир.
Нетсин Аллоҳ яратибди уларни шундоқ,
Синиб қолар тўғирлашга уринганинг чоқ.
Ўз холига қўйсанг баттар қийшаяди ул,
Одам ўғли ўзинг танла-қай бири маъқул.
Мурувват қил сенга қарши қилсаларда жанг,
Яхши эмас синиб қолса битта қовурғанг..!
👍49❤6
ОЁҒИНГ ИЛА ТЕПГИН

Аллоҳ таоло Ўзининг Каломи шарифида марҳамат қилиб шундай деган:

“(Шунда унга айтилди): "Оёғинг билан (ерни) тепгин! (чашма отилиб чиқур). Мана шу совуққина чўмиладиган ва ичимлик сувидир" (Сод сураси, 42-оят).

Мазкур оят муолажа қилиш, даволаниш ва шифо талаби борасида сабабларни ушлашга далилдир. Сабабни ушлаш ҳаракат демакдир. Ҳаракатда эса барака бор. Тепсиниш ила ҳаракат, яъни пиёда юришда касал одам учун бир канча фойдалар мавжуд. Инсон бир жойда ланжлик ва касаллик ётоғига михланганча таслим бўлган ҳолда ётавермаслиги лозим. Бу иши саломатлик ҳамда ризқ талаб қилишнинг зиддидир.

Аллоҳ таоло Айюб алайҳиссаломга касал ҳолатида ҳаракат қилдирмасдан ҳам ердан сувни чиқазиб қўйишга қодир Зот. Лекин ҳаракат қилиш ва сабабни ушлаш ҳамма учун бир хил даркордир. Ҳатто, касаллар ҳам бундан мустасно эмас.

Германиянинг Мюнхен шаҳрига икки тиззам оғригани сабабли амалиёт қилдириш мақсадида боргандим. Мен билан олмон доктори Д.Қитний жарроҳлик амалиётини ўтказди. Бир-икки кундан сўнг доктор менга бажаришим учун машқлар буюрди. Буларнинг биринчиси эса юриш машқи эди. Кунлик текширувларининг аввалида “Бугун қанча юрдингиз?” саволи турарди. У таржимонга мени худди аскарлар юргандай, тепсиниб - тепсиниб юришимни тайинлар эди. Ўз олдида ҳасса таёқ билан юришимни назорат қилар эди. Насиҳатим шуки, пиёда юришни канда қилманг. Қон босимингиз тушишига, қон айланиши яхшиланишига асосий омиллардан бири шу. Борди-ю, юриш чоғида тилингизни Аллоҳнинг зикри ва Расулуллоҳ соллаллоҳу алайҳи васалламга салавот айтиш билан намлантириб турар экансиз, бу нур устига аъло нур бўлади. Ўз-ўзидан қалбингиз ёришганини ҳис қиласиз. Ҳаракатда бўлинг, тепсининг, юринг, тасбеҳ айтинг сурур ва саодат лаззатини тотасиз.

«Ниҳоят саодатни топдим» китобидан.

@IBRATLI_SOZLAR
👍48❤3👏2
Қўшимча дарс

Наргиза дарсини якунлаб, ҳар доимгидек тез-тез юриб кета бошлади. Уйида иккита боласи ёлғиз ўтирибди. Устидан қулфлаб келган.
—Устоз, Наргиза опаа! Кимдир чақирди. Тўхтаб ортига қаради.
Бу ўқувчиси Дилоромнинг ойиси экан.
—Қизимга қўшимча машғулот ўтинг, —илтимос қилди аёл.
—Яхши ҳақ тўлайман. Индивидуал ишлайсиз, хўпми?
Наргиза йўл бўйи кавказликларга ўхшаб кетадиган аёлнинг таклифини ўйлаб келди.
Маоши кам, бор-йўғи ўн беш соат дарсга қанча ҳам пул оларди?
Кимё мураккаб фан.
Уйига келса, иккита боласи уйларни ёйиб ташлаган, қорни оч ўтирибди. Турмуш ўртоғи билан ажрашиб Тошкентга келаётганида ўзини бемалол эплашига ишонган эди, йўқ қўлидан келмаяпди.
Кечқурун ўғли йиғлади
—Ширин чой ичаман, шакар чой ичаман.
Наргиза қўшимча дарс ўтишга рози бўлди. Аёлнинг шартига кўнди; ўқувчининг уйига боради, камида икки соат дарс ўтади.

Наргиза ўша куни ишдан чиқиб айтилган манзилга борди. Дарс ўтаётганида ўқувчининг онаси шундоқ рўпарасига келиб ўтириб олди. Наргизанинг қорни оч эди. Кўнгли гум-гум кетар, камқонликдан толиққан вужуди қақшаб борар, кўз олди хиралашиб, назарида кўз қорачиқлари томир тортишаётгандек—ғилайлашиб қолаётгандек эди..

"Неча пул бераркин? Ўғлимга шакар олиб борардим" Хаёлида шу ўй айланарди ўқитувчининг.
Ва ниҳоят, икки соат ҳам ўтди. Наргизанинг телефони буни мамнуният билан тасдиқлаб турарди.
Аёл берган пулни олиб, елкасидан тоғ ағдарилди, чарчаса ҳам зиналардан тез-тез юриб тушиб кетди. Дўконга кириб, бир кило шакар беришларини сўради.
Тайёр, тортиб қўйилган, елим халтадаги икки ҳовуч келадиган шакарни қўлига тутқазди сотувчи
—Мана, тортиб қўйганмиз, тайёр, ўн олти минг сўм!—деди.
Наргизанинг нафаси ичига тушиб кетди. У бугунги дарси учун ўн беш минг олганди. Минг сўмни қаердан олади? Ёнида бошқа пули йўқ.
—Менга ўн беш минглик қилиб тортиб беринг,-деди журъатсиз.
Сотувчи малол келганини яширмай, минғирлаб бориб шакардан бир куракчасини олиб қопга солди, сўнг аёлга узатди.

Мактабдаги тўрт соат ҳам бир бўлган, бугунги икки соати ҳам бир бўлганди. Нимадир нотўғри эди бу ерда, аммо аёл нималигини билмасди
—Бошқа бормайман!

Икки кундан кейин ўғли кўзига қараб тарвуз егиси келаётганини айтди.
Наргиза қўшимча дарс таклиф қилган аёлнинг уйига кириб бораркан бу сафар аввал нархини сўраб, кейин тарвуз сотиб олишни мақсад қилди. Олдинда эса уни икки соатлик машаққат кутарди...
👍81❤14🔥1🥰1🤔1
Дастурхон

Ака бой-бадавлат эди. Ота-онасига вақти-вақти билан совғалар илиниб турар, укасининг қўлида яшаётган падари ва волидасининг дори-дармонидан хабар оларди. Кексаларга яхши овқат керак, парвариш керак. Ака ҳадеб йўқлашдан чарчадими, ота-онасини уйига олиб кетадиган бўлди. Уканинг юрак-бағри эзилиб қолди, аммо начора, қўли калталик қурсин.

Қариялар катта ўғилнинг уйида бекам-у кўст яшадилар, вақти соати етиб вафот этганда ҳам сўнгги манзилга аканинг уйидан кузатилдилар.

Бу пайтга келиб уканинг ҳам ишлари юришиб қолди. Уй-жойини эпақага келтирди, дастурхони ҳам тўкин бўлиб қолди, аммо энди ота-онаси йўқ...

Бир куни ака казо-казо меҳмонлар орасида мамнуният билан сўз қотди.
—Яхшиям ота-онамнинг хизматларини қилиб қолган эканман, армон бўлиб қолмади.
Ука бошини эгди. Қўли калталик қурсин.

Йиллар йилларни қувиб ўтаверди.
Ака ҳам кексайиб қолди. Катта ўғли бегона юртларга кетиб дом-дараксиз бўлди, кичик келини аёли билан чиқиша олмай эрини уйдан олиб чиқиб кетди. Мана ота-онасидан хабар олмаганига ҳам бир ой бўлди.
"Мен ота-онамни парвариш қилдим-ку, нега болаларимдан қайтмади!" Охирги пайтлар шуни кўп ўйлай бошлади.
Укасининг болалари мўмин-қобил бўлди. Оёққа туриб олган иниси ҳозир элнинг олди.

Аёли инқиллаб, гапириб-гапириб олдига овқат қўйди.
—Келин олиб ёлчимадим. Ҳалиям хизматкорман. Ўзим соғ бўлсам ҳам майли эди...
Эри кўп гап айтгиси келди; бир маҳаллар бу уйда хизматкорлар ишлаганини, ёшлигида сайр-у саёҳатларга олиб борганини... Ҳа, майли, мол-давлат ҳам қўлнинг кири экан, бугун сенда, эртага бошқа бировда. Бу дунё кимга вафо қилибдики...

Кампирининг жағи тинай демасди. Овқат ҳам заҳар бўлди. Ўрнидан туриб, устига камзулини илди-ю, эшикка йўл олди. Негадир укаси билан гаплашгиси келди.

Ота-онасидан қолган файзли уйлар кейинги пайтларда таъмирдан чиқиб замонавий тус олган. Қўш келинлар ҳовлида хизмат қилиб юрарди. Уларнинг саломига алик оларкан, ичкаридан таниш овозни эшитган укаси чиқди. Қучоқлашиб кўришдилар. Чой дамлаб келган келинлар ҳам, укасининг аёли ҳам жигарларни ёлғиз қўйдилар.
—Ҳеч ота-онамизни туш кўрасанми?
—Ҳа,— деди ука секин гап бошлаб
—Кўп кўраман, Қуръон ҳатм қилиб якунласам, Рамазон ойларида эрталабгача дуо қилиб, истиғфор айтиб уларнинг руҳида бахшида қилсам...
—Мен сира кўрмайман...
Анча ўтирдилар. Ота-оналарини, болаликларини хотирладилар.

Ака ҳазонларни бир-босиб ортга қайтаркан ўзи учун қачонлардан бери қидираётган бир ҳақиқатни топган эди. Ўшанда ота-онаси унинг уйида яшашни истамаган, ўз уйида ўтиришни, сўнгги йўлга ҳам ўз уйидан чиқишни истаганди. У эса қайсарлик билан қарияларни уйда тутиб турарди. Бир сафар отаси ялинчоқ оҳангда
—Ўғлим, ўз уйимга олиб бор, — деди.
—У ерда нима еб ичасизлар? Қандай яшаётганингизни кўрдим-ку! Иссиқ уй, тайёр овқат, ўтиравермайсизларми?
Чол индамади, кейин журъатсиз оҳангда қўшиб қўйди
— Бизни уйимизга олиб бориб, ўзинг хабар олиб турсанг бўлмайдими? "Ош-овқат, дори дармонимизни ҳам уйимизга олиб бориб бер", демоқчи бўлди, аммо сиртига чиқармади.

" Ўшанда ота-онамни қийнаб қўйган эканман. Яхшилик қиляпман деб ўйлаганман, ўзимча. "

Уйга кирди-ю, таҳорат олди кейин жойнамозини кўтариб, хонасига кирди....

Тонгга яқин кўзи илинибди.
Юраги гупиллаб ўтирар экан, кўрган тушини эслашга ҳаракат қилди.
"Ўғлим, юборган дастурхонинг келди, бериб юборган кўрпанг ҳам иссиққина экан, раҳмат!"

Ака кўз ёшлари қуйилиб келаркан укасининг муваффақияти сабабини топгандек бўлди...

Феруза Салходжаева

Муаллиф номисиз тарқатилмасин.
👍74❤7🤔2
Қарз.

Шодиянинг боши қотди. Пул топмаса, бўлмайди. Ҳозир ким ҳам қарз берарди? Хаёлига ҳар доимгидек ёлғиз жигари—акаси келди,  аммо қайси юз билан боради. Икки кун олдин жиянига. "Гепатит С" ташхиси қўйилганини келинойисидан эшитган эди. Бу касалликнинг оғир формаси бўлиб, бора-бора жигар церрозини келтириб чиқариши мумкин экан.  Худо асрасин!
Акасига қўнғироқ қилиб, овутган бўлса-да, хабар ололмаган, бугун пул жуда-жуда зарур бўлгани учун кетаётган эди.
Оёқлари тош бойлагандек зил-замбил. Кўнглида минг истихола билан қадрдон дарвозасидан кириб борди.
Онаси райҳонлар барқ урган ҳовли ўртасидаги ўрик дарахти тагига ўрнатилган супада ўтирган экан. Уни кўриб, нурсиз кўзлари чарақлаб кетгандек  бўлди.
—Ҳой, Акром, синглинг келди. Хосиятхон, бу ёққа қаранг, Шодия келяпди.
Онаси ҳар уни доимгидек ўрнидан туриб, маҳкам бағрига босиб кўришди. Димоғига райҳон иси урилди.

Кейин акаси чиқди, ортидан келинойиси.
Акаси пешонасидан ўпиб қўйди, келинойиси бағрига босди.
—Акмал яхшими?
—Ҳа, руҳи тетик, алҳамдулиллаҳ, касалгаям ўхшамайди, ўзинг яхшимисан? Акаси қувноқ гапиришга уринса-да, кўзларида дард бор эди.
Шодия ерга боқди. "Қандай айтаман!" Қайнонаси  "Акангизда пул бор,  жигарлар шунақа пайтда бир-бирини қўллаб юбориши лозим!",-деганди.
—Уста боқиб қийналмаяпсизми? Сўрашиб ўтди келинойиси дастурхон тузаркан.
—Ҳа, амаллаяпмиз. Ўзи шу масалада келгандим. Ака, об-ҳаводан кўргандим; эрта-индин ёмғир ёғиб қолиши мумкин экан. Шу.. Томга озгина пул етмай қолди. Усталар аввалги ҳақимизни тўламасанглар, ишни тўхтатамиз деяпди. Шодия шу гапларни айтгунча қора терга тушиб кетди. Акаси индамади ўрнидан туриб уйига кириб кетди.
Қўлида елим қоғозга ўралган бир даста пул кўтариб чиқди.
—Ол, синглим, бори-шу,  чамамда етиб қолади. Тезроқ ёпиб ола қолинглар, ўзи хом ғишт, яна бир иш ортмасин.
—Раҳмат, ака, аммо ўзингиз... Эртага Акмалнинг дориларига пул керак бўлса, қийналиб қолмайсизми?
—Унгача Худо—пошшо. Аллоҳ бир йўл кўрсатар. Уялиб келинойисига қаради. Самимий нигоҳлар доимгидек табассум қилиб турарди.
—Олаверинг,  Шодияхон, ўйламанг, акангизни боши омон бўлсин, Худойим жиянингизни дардига шифо берсин, - деди.

Онаси акасини узоқ дуо қилди.
—Болам “Раҳм (қариндошлик) Аршга осилиб: “Ким мени уласа, Аллоҳ уни уласин. Ким мени узса, Аллоҳ уни узсин”, дейди” Буни  Имом Бухорий ривоят қилганлар. Силайи раҳм қилганинг учун Аллоҳ дуоларингни ижрбат қилсин.
Аллоҳ Акмалжонимни дардига ғойибий шифо берсин! —деди.

Усталар ишга тушди. Югуриб, елиб юрган Шодия телефони жиринглаганини ҳам сезмай қолибди. Акаси. Беш марта қўнғироқ қиоибди. Тинчликмикан?
—Ассалому алайкум  , ака!
—Шодия, Акмалнинг такрорий таҳлиллари топ-тоза чиқди, ўша куни шифохонадагилар адашиб бошқа одамнинг таҳлилини бериб юборган эканлар.
—Вой, Худога шукур!
—Ўша пул сенга мендан ҳадя! Қайтаришни ўйлама, синглим
😢78👍74❤5🔥2
КАМПИРНИНГ ҲИКМАТИ

Ойнаи жаҳонда бир кампир билан суҳбат кетаяпти. У эри билан эллик йил бахтли ҳаёт кечирган экан. Журналист қиз ундан бахтининг сири ҳақида сўради.

Бунинг сабаби овқат тайёрлашдаги маҳоратми? Ёки гўзалликми? Ёки фарзанд дунёга келтиришми?

Кампир деди:

Эру хотиннинг бахти Аллоҳнинг тавфиқидан сўнг асосан хотиннинг қўлидадир. Аёл киши уйини жаннатга ҳам, дўзахга ҳам айлантириши мумеин. Инсон фақат молу дунё билан бахтиёр бўла ол- майди. Кўпгина бадавлат аёлларни биламан. Улар бахтсиз. Турмуш ўртоғидан яшириниб юришади. Яхши овқат тайёрлаш ҳам бахт бера олмайди. Кўпгина ошпаз аёлларни биламан. Уларнинг ҳаётига чидаб бўлмайди. Гўзаллик ҳам бахт бера олмайди. Кўп гўзалларни эрлари талоқ қилган. Фарзанд туғиш ҳам бахт бера олмайди. Кўпгина серфарзанд аёлларни биламан. Улар ҳам бахтсиз. Журналист қиз ажабланиб сўради:

- Унда бахтли бўлишнинг сири нимада?

Кампир деди:

- Эримнинг жаҳли чиққанда мутлоқ эҳтиром билан сукут сақладим. Бошимни хам қилдим. Сукут сақлаганингизда, сукутингиз замирида масхаралаш бўлмасин. Эркак киши зийрак бўлади. Уни дарҳол илғайди!

Журналист киз сўради:

- Шунақа пайтда хонадан чиқиб кетсангиз бўлмайдими?

Кампир деди:

Зинҳор бундай қила кўрма. Бундай қилсанг, уни тинглашни истамаётганингни билиб қолади. Сен жим тур. Эрим тинчлангунча ҳар бир айтган гапини маъкуллаб тураман. Гапини тугатгандан сўнг чиқишга изн сўрайман. Сўнгра чиқаман. Чунки у бақирганидан кейин дам олиши керак. Чиқиб уй ишларини тинчгина битираман.

Журналист киз деди: Унда кейин нима қиласиз? Бир-икки ҳафта унинг олдига кирмайсизми?

Кампир деди:

- Ҳаргиз бундай қила кўрма. Бу икки томонни хам кесадиган ханжар кабидир. Суҳбатингга муҳтож бўлиб турганда, сен ундан узоклашсанг, у сендан узоклашишга кўникиб қолади. Натижада қайсар ва талабчан бўлиб колади!

Журналист қиз деди:

Кейин нима киласиз? Кампир деди:

Бироздан сўнг бир стаканда шарбат ёки қаҳва олиб кираман. Унга: «Марҳамат, буни ичиб олинг, - дейман. У мендан: «Аччиқландингми?» деб сурайди. Мен: «Йўқ», дейман. У узр сўрайди ва мулойим гаплар билан кўнглимни ола бошлайди.

Журналист қиз деди:

Сиз унинг гапларига ишонасизми? Кампир деди:

Албатта! Нега энди ғазаби чиққанда унга ишониб, ғазабдан тушганда ишонмаслигим керак?

Журналист қиз сўради: Қадрингиз-чи?

Кампир деди:

- Қадрим эримнинг розилигида, уйимнинг тинчлигида. Эринг олдида барча кийимларингни ечасан-ку ахир. Қандай қадрият ҳақида гапираяпсан?!
👍59🔥10❤6🥰1
#ИБРАТ

ДОИМО ЯХШИ ГУМОНДА БЎЛИНГ

Бир аёл деди:
«Худо хоҳласа, мен албатта солиҳ инсонга турмушга чиқаман! У билан бахтли ҳаёт кечираман». Айтгани бўлди.

Деди:
«Мен университетда ўқишга қабул қилинишимга ишонаман ва шунга интиламан! Ўзим истаган мутахассисликга кираман!». Айтгани бўлди.

Унга дедилар:
«Етар шунча туққанинг! Болалар чарчатишдан бошқасига ярашмайди».
Деди:
«Аллоҳ ёрдам беради. Фарзандаларим қобил, кўзимнинг қувончи бўлишади». Айтгани бўлди.

Эри катта туҳматга қолиб қамалди. Дедилар:
«Эринг туҳматга қолиб қамалди. Яқин орада чиқмаса керак. Унинг фақат ўлиги чиқади».
Деди:
«Йўқ, Худо хоҳласа, албатта чиқадилар. Мен уларни жуда ҳам чиройли кутиб оламан». Айтгани бўлди. Эрининг қандай чиққани ҳаммани ҳайратда қолдирди.

Бир киши деди:
«Мен ишдан ҳайдалишдан қўрқаман. Шунинг учун ишсиз қоладиган кунларимга ҳам пул йиғмоғим керак!» Айтгани бўлди. Ишдан бўшатилди.

Нимага бизнинг айтганларимиз рўёбга чиқади?

Чунки Аллоҳ таоло: «Бандам Мени қандай ўйласа, шундайман!» дейди. Агар Аллоҳ ҳақида чиройли гумон қилса, ўзига яхши. Ёмон ўйласа, ўзига ёмон.

Шунинг учун ҳам Мусо алайҳиссалом Нил дарёсига келиб, қочишга йўл қолмаганда ҳам Роббилари ҳақида чиройли гумон қилдилар. Қавмлари: «Энди қўлга тушдик» дейишса ҳам, улар: «Йўқ! Албатта, Роббим мен билан, У менга тўғри йўлни кўрсатур» дедилар. Аллоҳ уларнинг айтганларини рўёбга чиқарди. Ақл бовар қилмас ҳолда дарё қоқ иккига бўлинди. Йўл очилди.

Ҳатто арзимас нарсалар ҳақида гапириш, ўйлашда ҳам диққат қилинг!

Доим некбин (оптимист) бўлинг! Аллоҳ ҳақида чиройли гумон қилинг! У - КАРИМ, РОҲИМ!

Ёмонлик ҳақида ўйламанг! Агар қийин вазиятга тушиб қолсангиз, Мусо алайҳиссалом айтган сўзларини эсланг «

У (Мусо) «Йўқ! Албатта, Роббим Албатта, Роббим мен билан, У менга тўғри йўлни кўрсатур», деди, деб айтинг.
👍24❤9🤔3
Чамаси 5-6 ёш бўлган пайтларимда уйимизда тўй бўлиб, бир кун олдин узоқ-яқин қариндошлар келишган эди. Тенгқур ўғил - қизлар аралаш қувлашмачоқ ўйнаётгандик. Ўзимдан икки ёшлар чамаси кичикроқ бола мени қувлагани ва қочиб дадамнинг олдиларига бориб қолганимни эслайман. Шу пайт беҳосдан дадамнинг нигоҳларига кўзим тушиб қолиб, юрагим орқага тортиб кетган.

Дадам жуда ҳам рашкчи инсонлар. Ҳали мактабга ҳам чиқмаган ёшда бўлсам ҳам, ўғил болалар билан ўйнаганим отамнинг жаҳлларини чиқариб юборганини кўриб, нигоҳларига кўзим тушган заҳоти тошдек қотганман. Бир оғиз қаттиқ гапирмаганлар, лекин юзларидаги жаҳл ифодасидан эсхонам чиқиб кетгани кечагидек ёдимда.

Бу ҳаётимдаги жуда қисқа муддатли эпизод эди. Лекин шу бир неча сониялик эпизоддан қаттиқ таъсирланганман. Вояга етмаган бўлсамда, ўғил болалар билан  ўйнашим нотўғри нарса эканлиги миямга қўрғошиндек қуйилган. Отамни жаҳллантирган нарса орият эканини англаганман.

Айнан ўша дақиқаларда илк бора орият туйғуси ҳақида тушунчага эга бўлганман. Ўша орият ҳисси мени бутун умрим давомида «одамови»га айлантирди. Қарши жинс вакилларидан мактаб, кўча ва бошқа жойларда ҳам ўзимни тортишга одатлантирди. Шу орият ҳох аёл бўлсин, ҳох эркак  мендаги инсонларнинг юзига қараб гапирадиган журъатни ўлдирди.

Ўша воқеадан кейин тортинчоқ бўлиб қолганман. Болалигим, ўсмирлигимдан то ҳозиргача зарурат бўлмаса йиллаб кўчага чиқишга ҳам эҳтиёж сезмайман. Зерикиш баҳонаси билан кўчаларни кезмайман. Саёҳатларга қизиқмайман. Эркак хотин аралаш йиғиладиган жойлардан имкон қадар қочаман. Рашкчи эканликлари сабаб, олий ўқув юртида таҳсил олишимга ҳам имкон бермаганлар. Ҳунарга ўргатганлар. Лекин кўчада ишлашни умуман ҳохламаганман.

Албатта ётсирашим ҳар доим ҳам эмас. Яқинларим орасида киришимлиман.
Болалигимдан эркалигимни ҳис этсамда, буни суиистеъмол қилмаганман, чунки, ҳаддимни билдириб улғайтиришган. Эркалик ва қаттиққўлликнинг таъсирини бир хилда ушлашган.

Ориятли эканликларини ҳис этдириш билан бир қаторда эсимни таниган онларимдан Аллоҳни танитиб, Роббимга муҳаббатли бўлишни сингдирганлар. Бирор бандани Роббимни севганчалик севмадим. Бу неъматни ҳис этишимга сабабчи бўлган падарим ва волидамни Аллоҳ икки дунё саодати билан сийлашини Яратгандан тилайман. Ота-онам қалбимга Роббимга бўлган муҳаббатни сингдириш орқали, бутун умримга етадиган яхшилик қилишган. Аллоҳ улардан рози бўлсин.

Фарзандларимизга Аллоҳга муҳаббат ва орият туйғусини сингдира олишимизни насиб этсин. Зеро, таъмагирлик, маъсиятлар гирдобидан асралишда шу икки жиҳат қалқон вазифасини ўташига ҳаётимда кўп бора гувоҳ бўлганман.

Аллоҳни севиш -- Аллоҳни рози қиладиган ишларга ундайди. Чунки инсон ҳар ишда имкон қадар муҳаббати эгасининг розилиги билан ҳисоблашади.
Орият ҳисси эса, одамлар маломат қиладиган ишлардан тийилишга мажбур қилади.

Хулосам сўнгида Ў. Ҳошимовнинг бир гапини айтиб ўтишни лозим топдим:
“Бандасидан ҳаё қилмаганнинг, Яратувчисидан қўрқишига ишонмайман“.
Роббимиз ҳаёимизни мукаммал қилиб, Ўзига нисбатан муҳаббатимизни зиёда этсин.

Ҳа, дарвоқе, дадажоним "Facebook" ёки "Телеграм" даги фаоллигимни билсалар сўйиб, сўйилган жойимга майда қалампир билан туз сепадилар. Киришдан мақсадим манфаатли бўлиш ва Аллоҳ розилигига эришиш бўлганлиги сабабли охиратда маломат қилмасликларидан умидим бор...
👍78❤7😢3🔥2
​✒️Йўловчи...

– Кўзингизга қарасангиз-чи, ҳой! йигит тармозни қаттиқ босгач, ҳозиргина машинасининг тагига кириб кетишига бир бахя қолган йўловчига бақирди. Сўнг дарҳол автомобилидан тушиб, йўл ўртасида қаққайиб турган ўзи тенги йигитнинг ёнида ҳозир бўлди:
– Кармисиз, нима, сизга гапираяпман? Сал қолса, босиб кетардим...
– Яхши бўларди...
Маъюс шивирлаш ҳайдовчи йигитнинг шаштини пасайтирди. Йўловчи ўйчан нигоҳларини узоқларга тикканча чайқалиб юра бошлади. “Аниқ бир фалокатга йўлиқади, маст кўринади”, ўйлади ҳайдовчи.
– Юринг, манзилингизга ташлаб қўяман.
Аммо йўловчи уни эшитмагандек тентираб кетаверди. Ҳайдовчи унинг билагидан ушлаб, машинаси томон судради.
– Ўтиринг! Бу алфозда кўчада қоласиз! Изғиринни қаранг ўзи...
Йигит унга бўйсуниб машинага ўтирди. Унчалик маст ҳам эмас экан, қандайдир ҳардамхаёл...
– Қаерга борамиз? Манзилингизни айтинг.
– Энди борар манзилим йўқ... Муҳаббат номли уйдан ҳайдашди. Қаҳратонда қолдиришди...
Йўловчи йигитнинг телбанамо сўзларидан ҳаётида қандайдир ёмон ҳодиса юз берганини англаган ҳайдовчи унинг ҳолатини сал тушунгандек бўлиб, машинани ўз уйи томон ҳайдади.
Уйига етиб келгач, йигитни меҳмонхонага бошлади. Аччиққина кўк чой дамлади. Йўловчи ўзи бир дардкашга муҳтож эканми, суҳбатлари ярим тунгача чўзилди.
– Бугун у менга таклифнома тутқазди... шунчаки, ҳудди ўртамизда ҳеч нима бўлмагандек. Қизиқ, бу хабарни эшитиб юрагим тўхтаб қолса керак, деб ўйлагандим. Ҳалиям яшаяпман...
– Бевафо денг... ҳайдовчи йигит бошини сарак-сарак қилди.
– Эҳ, бу замон қизларига ишонч йўқ ўзи. Шунинг учун менам қизларга ишонмай, келин танлашни онамга топширгандим. Ўзларига ёққан қизни танладилар. Яқинда тўйимиз... Ҳақиқий севги-муҳаббат тўйдан сўнг пайдо бўлади. Сиз бу ўткинчи ғам-аламга кўпам берилманг, дўстим. Вақт барига даво.
– Беш йиллик муҳаббатимга вақт қачон даво бўлар экан? «Нега» деган саволдан қутула олармикинман? Энди бировни у каби сева олармикинман? йўловчининг кўзига ёш келди. Билдирмаслик учун чойдан ҳўплади.
Ҳайдовчи унинг елкасига қоқди:
– Ўзингизни қўлга олинг! У кўз ёшларингизга арзимас экан. Тақдир сизнинг фойдангизга ишлаган: бир субутсиз жуфтдан қутқарибди.
Йўловчи аламли кулди. Қўйнидан таклифномани чиқариб ғижимлаб ирқитди.
– Қачонлардир «сизни севаман» деб пичирлаган лаблар, қулоқларимни қитиқлаган зулфлар, шу каби қаҳратонда қўлларимни иситган кафтлар, фақат менга қадалган нигоҳлар... энди тамоман бегонага насиб этмоқда. Аммо у буни шунчалик табиий қабул қилдики... муҳаббатимиз учун курашишни истамади. Ота-онасининг сўзидан чиқа олмаслигини айтди.
– Шунча вақт... нега ўзингиз совчи юбориб розиликларини олмагандингиз?
– У тенгим бўлганида биз аллақачон бирга бўлардик. Дунёда мансаб, пул, бойлик деган нарсалар ҳам борки, ҳамиша муҳаббат йўлига ғов бўлиб келган. Унинг отаси сарфлаган бир кунлик пулни ота-онам бир ойда ҳам топа олишмайди. Лекин мен доим ўз кучимга ишониб келганман! Куни кеча лавозимим кўтарилди. Энди отаси розилик берар, деб севганимдан суюнчи олишга ошиқдим. У эса... «суюнчи»ни аллақачон ҳозирлаб қўйган экан!
– Ҳа... қиз бола кўп ҳолатда отасига қарши чиқа олмайди. Уни ҳам тушунинг.
– Тақдир... ҳай, майли. Тунда сизни ҳам безовта қилдим. Энди кетай...
– Эрталаб кетарсиз. Ёки элтиб қўяй...
– Раҳмат, ҳожати йўқ. Уйим шу атрофга яқин. Онам кутиб қолгандир...
Икки йигит қуюқ хайрлашди. Йўловчи негадир енгил тортган, совуқ ҳаво заҳри юзини чимдиласа-да, шаҳдам кетиб борарди. Бу изғирин унга нима бўпти? Ҳали ҳаётида баҳорлар келади...
Ҳайдовчи йигит бўлса уни кузатгач, меҳмонхона диванига чўзилди. Ўз ҳаёти, бўлажак умр йўлдоши ҳақда ўй сурди. Бор-йўғи икки марта кўришган бўлсалар-да, бу қиз ўзига ипдек боғлаб олди. Йигит у билан бахтли бўлишига ишонади...
Шу пайт кўзлари стол тагида ётган бояги таклифномага тушди. Йўловчи уни қолдириб кетибди. Беихтиёр уни очди. Очдию... ҳайрат тўла кўзларида боягина ёниб турган туйғу ўрнини кучли оғриқ эгаллади: ўша сана, ўша ресторан, ўша...
Таклифномада ўзи ва бўлажак рафиқасининг исм-шарифи ёзилган эди...


Нодирабегим Иброҳимова.

@ibratli_sozlar
👍59❤7💔5😢4🔥1🥰1👏1
Ота-онага қилган яхшиликнинг мукофоти

Оиламизда фақат уч ўғил бўлганмиз. Мен уларнинг кенжаси эдим. Менинг қиз бола опа-сингилларим бўлмаган. 5 ёшлигимда отам вафот қилган. Бир маротаба отам билан Димашқнинг бир чеккасидаги уйга отамнинг дўстиникига бирга борганимизни эслайман. Бошқа нарса эсимда қолмаган. Отам вафотларидан кейин уларнинг укалари, яъни амаким ҳолимиздан хабар олиш учун ҳар куни келар эдилар. Ҳар куни... масофа узоқ бўлишига қарамай... бизга кўплаб яхшиликлар қилганлар. Онам ҳам бор меҳрларини берганлар. Дарҳақиқат, ота-онаси вафот этган етим эмас, балки отаси доим ўз ишлари билан машғул ва онаси доим ўзи билан ўзи овора бўлган болалар етимдир! Катта акам тарбия ва таълим соҳасида идора ишларида катта вазифада ишлайди. Иккинчи акам ўрта мактаб мудири, мен эса толиби илмман. Дарҳақиқат, онажонимнинг бизга қаратган эътиборлари мисли йўқ, чексиздир. Уйланишимдан олдин ўзларидаги бор нарсаларни менга тақдим қилдилар. Гўзал хулқ соҳибаси эдилар. Меҳмонларни жуда яхши кўрар эдилар. Ким келишидан қатъи назар олдига турли мевалар келтириб, ширин овқат пишириб, дастурхонга тортар эдилар. Ҳозир мен нимага эга бўлсам, барчасини оила қуришимдан олдин бериб бўлган эдилар. Мен уларга бўлган чексиз муҳаббатимни кўксимнинг тубида сақлайман. Кейин онам 9 йил давомида касал бўлдилар. Ҳаётимдаги барча муваффақиятим онамга қилган яхшиликларимда деб ўйлайман. Дарҳақиқат, онажонимнинг хулқлари олий эди. Қайси маънода? Агар акамнинг уйида бўладиган бўлсам, унинг уйидаги бирор бир салбий хабарни онамга етказишим қатъиян тақиқланган эди. Акам ҳақида ҳам бирор бир нарса айтишим мутлақо мумкин эмас эди. Ака-укалар ўртасидаги меҳримиз ҳам онамнинг бир-биримиз ҳақида маълумотлар етказишимизни тақиқлаганларида деб ўйлайман. Онам бетобликларида аёлим ҳам уларга онасидек қаради. Аллоҳ аёлимдан рози бўлсин. Онамнинг яна бир ажойиб хулқларидан: шаҳарнинг чеккасида сингиллари бўлар эди. Ўша сингиллариникига мен учун таом тайёрлаш учун борар эдилар. Ақл бовар қилмайди-я!!! Дарҳақиқат, аёлим онамга ўз онасидай муомала қилди. 9 йил хизматларида бўлди!! Ўз қизидай мукаммал хизмат қилди! Оилани идора қилиш жуда нозик иш. Оила идора этишда бизга яқинларимизнинг салбий маълумотлари кириб келмас экан, олдимиздаги ҳолат анча енгиллашади. Хурсанд қиладиган хабарлар ўрнига салбий хабарлар келаверса, оиладаги муҳаббат дарс кетади. Оила идораси меҳр-муҳаббат устига қурилган бўлса, бу уй жаннатга айланади! Аллоҳга қасамки, қаср каби уйлар бор, лекин ичи ҳам-ғуссага тўла. 60 метр келадиган уйлар бор жаннатнинг ўзи! Яна бир бор ўзим тушуниб иқрор бўлган нарсани айтмоқчиман! Ота-онага яхшиликнинг мукофоти икки дунёда ҳам кўрилар экан! Аллоҳ таоло Исро сураси 23-оятда: “Роббинг фақат унинг ўзигагина ибодат қилишингни ва ота-онангга яхшилик қилишингни амр этди”, дейди. Аллоҳ таоло ота-онага яхшилик қилишни ибодат даражасига кўтарди, ояти каримада ибодатдан кейиноқ келиши шунга далилдир. Онамга қилган яхшиликларим неъматини, алҳамдулиллаҳ, кўряпман.

Яна такрор айтаманки, оила бошқаруви меҳр-муҳаббат, самимият ва четдан турли дилни хуфтон қиладиган гап-сўзларни аралаштирмаслик устига бино қилинса, яшаш осон бўлади, эр-хотин муҳаббат билан яшашларига ҳалал берилмайди!
Демак, оила идораси меҳр-муҳаббат устига қурилган бўлса, бу уй жаннатга айланади!
Мен бундай таълимни ОНАМдан ўргандим!

✍️Доктор Муҳаммад Ротиб Наблусий
Тўтиёхон Саидумарова таржимаси.
👍45❤6👏2😁1
📝 Ҳижобга кирган аёл ҳикояси.

Отам ёшлигимда вафот этганлар. Унаштирилиб турмушга чиқишимга саноқли кунлар қолганда онам ҳам дорулбақога риҳлат қилдилар. Унаштирилган одамим кутолмаслиги айтиб айниб кетди. Онам отамнинг иккинчи турмуши эди, аввалги аёлидан икки опам бор эди. Ўгай опам онам вафотидан кейин бир одамга мени зўрлаб узатиб юборди. Қийинчилик кўриб улғайганим сабаб янги ҳаётимдаги қийинчиликларга ҳам тез кўникиб кетдим. Кетма кет учта фарзандли бўлдим. Ҳаётим бир маромда ўтарди: иш, уйдаги юмушлар, болаларимни уй вазифаларини қилдириш, баъзан қариндошларникида тўй-томоша, туғилган кун ва улардаги эркак-аёл аралаш ичкилик билан ўтадиган йиғинлар...Менга булар оддий ҳолатдек эди, ҳаммани ҳаёти шундай эди назаримда... Бир куни одатдагидай ишдан қайтиб бироз уйим олдида қўшни аёллар билан гаплашиб қолдим. Махалламизга кўчиб келганига ҳали кўп вақт бўлмаган келин ҳам улар орасида эди. У келин ёш бўлишига қарамай кенг хижоб ва катта рўмолда юрарди. Авваллари шунақаларни кўрсам энсам қотарди. Аммо бу келинни негадир ёқтириб қолдим. Гапиришлари, ўзи ҳам ёқимли эди. Бора-бора бу келин билан кўпроқ гаплашгим келаётганини ҳис қилдим. У мен билан фақат дунёвий нарсалар ҳақида гаплашарди.(Кейинчалик бу ўзига хос психологик жараён бўлгани, бир-биримизга яқинлашиш учун менга ёқадиган гаплар қилганини билдим). У билан танишганимга бир ойча бўлганда бир кун суҳбатимиз бошқача бўлди. Мен у кунни- мен ҳидоят топган ўша кунни асло унутмайман, унутолмайман. Ўша куни салом-аликдан сўнг савол берди:
- Опа, мусулмонмисиз?
Ўзим англаб етмайдиган, аммо тўтиқушдек такрорлайдиган гапни айтдим:
-Алҳамдулилло, мусулмонман.
-Мусулмоннинг бурчлари, фарзларини биласизми?
Нима деб жавоб беришни билмай қолдим, чунки бу саволларни жавобини билмасдим...Келин менга мусулмон одам билиши керак бўлган 40 фарзни айтди. Малоикларга иймон деганда, ҳайрон бўлиб малоик нималигини сўрадим. У кулиб:
-Опа, истасангиз уйимга чиқинг, сиз билишингиз керак бўлган нарсаларни суҳбатлашамиз,-деди.
-Хозироқ билгим келяпти,-дедим ва у билан бирга уйига чиқдик. Жуда узоқ суҳбатлашдик. 40 йиллик умрим зое бўлганини, гуноҳу маъсиятлар билан ўтказганимни англадим. Муслима келин эса тавбага кеч эмаслигини, тирик пайтимда Аллоҳни танишимга Ўзи имкон бераётгани, бу эса Аллоҳ мени севишини билдиришини айтиб мени кўнглимни кўтарарди. Шу бугундан бошлаб қайтадан шаҳодат айтиб хижобга кирдим. Эримни қаршилигига қарамай ишимни ташлаб муслима аёл вазифаларини ўргана бошладим. Ҳатто малоик нималигини билмайдиган мендек аёл бир неча ой давомида намоз, Қуръон ўқишни ўргандим. Ўша муслима келин сабаб анчагина илм олдим. Эрим деярли ҳар куни махалладаги эркаклар билан ичиб маст-аласт юрарди. Мен ёнгинамиздаги масжидга намозга ўтувчи эркакларга ҳавасим келар, мени эрим ҳеч қачон намоз ўқимаса керак деб ўйлардим. Муслима келинга ҳам бу ҳақда айтардим. У мени доим Аллоҳга қаттиқ боғланишим кераклигини айтарди.
-Аллоҳдан сўрайверинг, У албатта истаганингизни беради. Агар дуоингиз қабул бўлмаётган бўлса, камчиликни ўзингиздан қидиринг. Сиз кечалари таҳажжудга туриб Аллоҳдан йиғлаб илтижо қилинг, Аллоҳ бандаларини илтижосини албатта қабул қилади,-дерди.
Алҳамдулиллаҳ, дуоларим ижобат бўлиб эрим ҳам намоз ўқий бошладилар. Аввалига 1-2 вақт ўқилган намозлар бор-бора тўлиқ бўлди.Масжидга шу қадар боғландиларки, 5 вақтни биронтасини канда қилмай масжидда ўқийдиган бўлдилар. Қўл учида кун кўрардик, Аллоҳ топганимизга барака берди, бу йил биринчи марта қурбонлик қилишга ҳам қодир бўлдик. Ёшим 58 да. Кеч бўлса ҳам Аллоҳни таниганимга, хижобга кирганимга шукр қилишдан ва мени, оиламни ҳидоят топишига сабабчи бўлган муслима қўшнимизни дуо қилишдан тўхтамайман. Доим такрорлайман: мен қирққа кириб малоик нималигини билмайдиган аёл эдим, менга Ўзини билдирган Аллоҳга беҳисоб шукр.
Азиза опа.
👍77❤12👏1
БАЛИҚ ВА ҚУШ

Ҳасан Басрий яктагини сув устига тўшаб устига ўтирди.

Уни кўриб Робиа ал-Адавийя ҳам жойнамозини ҳавога бир силкитиб устига ўтирди.

Кейин Ҳасан Басрийга шундай деди:

''Ҳасан, сенинг ишингни балиқлар, мен қилган ишни қушлар қилади.

Булар қийин иш эмас.
Асл ҳақиқат Аллоҳнинг ризолигига эришишдир".

Бировнинг ҳавода учганини кўрсангиз, дарров уни каромат соҳиби экан дея хулосага келманг.

Унинг фазилат ва каромат соҳибини аниқлаш учун унинг шариат қоидаларига қай даражада амал қилишига эътибор беринг.

📚"Фаридиддин Аттор. Тазкират-ул авлиё 115-бет".

Шошма-шошарлик, бир нарсани аслини, яъни ичини билмай қарор чиқариш ҳам фаросат пастлигини билдиради...
Фаросат-қаерда қандай гапириш, қаерда қандай жим туриш, ва нима қилиш ҳамда нима қилмасликни билишдир...
Албатта фаросат ҳам Аллоҳ томонидан бериладиган неъмат...
Хайрли Тун Азизларим Тонгда гоибона дийдорлашгунча Аллохга Омонатсизлар Сизларга осуда тун ва ширин тушлар хамрох булсин яхшиларим
👍17
This media is not supported in your browser
VIEW IN TELEGRAM
Ayol — mehr, sabr va chiroy timsoli.
Lekin ba’zida u ham charchaydi…
O‘zini yo‘qotadi, unutadi, yig‘laydi.
Shunda unga faqat tushunadigan, ko‘ngliga yetadigan so‘z kerak bo‘ladi.

“Sevimli Ayol” — bu shunchaki kanal emas.
Bu joyda ayollar o‘zini eslaydi.
Baxtli turmush sirlari, er bilan muomala, o‘zini qadrlash — hammasi bu yerda.

Sen ham o‘zingni unutgan bo‘lsang — qayt!
@sevimli_ayol_siri – bu yerda har bir ayol SEVIMLI.
👍12🥰1
Аёл учун энг афзал жой.

Аллоҳ таъолога аёл ҳижобда бўлиши шу даражада манзурки,
аёл қанчалик авратини ёпса ва қанчалик ўзини номаҳрам эркаклардан олиб қочса, шунчалик Аллоҳ таъоло уни яхши кўради. Ҳаттоки, ҳадиси шарифда келадики, Набий соллаллоҳу алайҳи васаллам:

الْمَرْأَةُ عَوْرَةٌ، فَإِذَا خَرَجَتِ اسْتَشْرَفَهَا الشَّيْطَانُ، وأقرب ما تكون من ربها إذا هي في قعر بيتها

"Аёл (бошдан оёқ) авратдир. Қачонки, у (заруратсиз) уйидан чиқса, шайтон унга кўз тикади ва аёл уйининг энг ичкарисида бўлган чоғида Роббисига энг яқин бўлади" дедилар. (Саҳиҳи ибн Ҳиббон)
Яъни, аёл заруратсиз уйидан ташқарига чиқса, шайтон одамларни у аёлни кўриб, бадназарлик ва бошқа гуноҳларга мубтало бўлишларига ҳаракат қилади.
Бу ҳадиси шарифда очиқ-ойдин айтилганки, аёл бошдан-оёқ авратдир ва у уйининг энг ичкарисида бўлган чоғида Аллоҳ таъолога энг яқин бўлади Бу ҳадисдан маълум бўладики, аёлнинг ҳижобда бўлиши ва заруратсиз уйидан чиқмаслиги ўта фазилатли ва аҳамиятлидир
👍22
Жаннатдаги илк лаҳзалар

Жаннатдаги биринчи лаҳзаларимиз, биринчи кунимиз, биринчи кечамиз, биринчи тонг қандай бўлар экан..

Анҳорлар, қасрлар, мевалар, чодирлар, олтин, кумуш, ҳарирлар..
Бир неча замон аввал ўтиб кетган ва кўрмаган яқинлар билан дийдорлашув..

Онасини рози қилган йигит онаси билан, қари отахон қизи билан, ота-оналар ёшлигида уларни ташлаб вафот этиб кетган фарзандлари билан учрашган онлар..

Касаллар шифо топган, ғамгинлар бахтиёр бўлган, чоллар йигитга, кампирлар бокирага айланган онлар..

Пайғамбарлар билан учрашадиган, саҳобаларга салом берадиган, умматнинг буюк уламолари билан танишадиган, мужоҳид ва шаҳидларга боқадиган ва фаришталарни кўзимиз билан кўрадиган онлар..

Аллоҳ таолони ўн тўрт кунлик ойни кўргандек кўрадиган бахтли онларимиз..

Мажбурият ва амаллар бекор қилинган, одамлар ҳисоб-китобдан ўтиб бўлган, қора кунлар ортда қолган замон..

Нифоқ ва ёмонликлар, уруш ва адоватлар оламини тарк этиб келдик, қарилик, заифлик, сиқилиш, дард ва давони унутадиган онларимиз..

Аллоҳ таоло бизга "Сизлардан рози бўлдим, абадул-обод сизларга ғазаб қилмайман" дейдиган онлар..

Барчани шу лаҳзаларга етказсин.
👍49❤17👏1
☝️«ОЯТАЛ КУРСИЙ» НИНГ ФАЗЛИ:

1. «Оятал Курсий»ни уйидан чиқаётганда ўқиган одам қайтиб келгунча Аллоҳ таолонинг ҳимоясида бўлади.

2. «Оятал Курсий»ни ҳовлисида ўқиган одамникига ўттиз кунгача шайтонлар, қирқ кунгача сеҳргарлар кирмайди.

3. «Оятал Курсий»ни уйқуга ётганда ўқиган одамни Аллоҳ таоло ўзини ҳам, қўшнисини ҳам, қўшнисининг қўшнисини ҳам омонда сақлайди.

Оятал курсийнинг хосиятлари жуда кўп. Ҳадиси шарифларда шундай дейилади:

4. “Оятал курсий оятларнинг саййиди. Бир жойда ўқилса, шайтон у ерда тура олмайди, албатта, қочади.” (Ҳаким)

5. “Оятал курсий Қуръони каримнинг тўртдан бири.” (Абушшайх)

6. “Фотиҳа билан Оятал курсийни ўқиган одамга шу куни жин ва шайтон зарар етказа олмайди, кўз тегмайди.” (Дайламий)

7. “Ётар маҳали оятал курсийни ўқиган кишига шайтон яқин келолмайди.” (Шавоҳид-ун-нубувва)

8. “Ҳар бир фарз намозидан кейин Оятал курсийни ўқиган одам учун Жаннатга киришига ҳеч қандай тўсиқ йўқ.” (Насоий, Ибн Хиббан, Байҳақий, Табароний)

9. “Уйидан чиқаётганида Оятал курсий ўқиган кимсага уйига қайтгунича етмиш фаришта истиғфор ва дуо айтади.”

10. Уловга минганида ҳам Оятал курсий ўқиш офат ва бало-қазолардан сақлайди.

11.Оятал курсийни ихлос билан ўқиган одамнинг инсон билан жонивор ҳақларидан, фарз қарзларидан бўлак бутун гуноҳлари кечирилади. Яъни тавбалари қабул бўлади. (Ислом ахлоқи)

12. Ҳазрати Али “Қабр азобидан қутилиш учун Оятал курсийни кўп ўқиш керак” деб айтганлар. ( Зухра-тур-Рияз )

13.“Намоздан кейин Оятал курсий ўқиган кимсага ҳар бир ҳарфи учун қирқ савоб ёзилади.”( “Аййуҳал валад илмиҳол”даги ҳадис)

14. “Кимки намоздан сўнг Оятал курсий ўқиса, шу оят тўхтамасдан Арши аълогача кўтарилиб “Ё Рабби! Мени ўқиган қулингни кечиргин!” дейди. Ҳақ таоло макондан муназзаҳ ҳолда “Эй фаришталарим! Гувоҳ бўлинглар, намоздан кейин Оятал курсини ўқиган қулимни кечирдим” деб буюради.”

15. “Фарз намозни тугатгандан кейин бир марта Оятал курсийни ўқиб, 33 марта Субҳоналлоҳ, 33 марта Алхамдулиллоҳ, 33 марта Аллоҳу акбар ҳамда бир марта “Ла илоҳа иллаллоҳу ваҳдаҳу ла шарика лаҳ, лаҳул мулку ва лаҳул хамду ва ҳува алайҳиссалом кулли шайин қодир” деган одамнинг гуноҳларини Аллоҳу таоло кечиради.”

16. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Ҳар нарсанинг саноми – кўзга кўринган жойи бўлади. Бақара сураси Қуръоннинг саномидир. Унда бир оят бор. Ўша оят Қуръон оятларининг саййидасидир. У «Оятал Курсий», дедилар».

17. Имом Доримий ривоят қиладилар, Абдуллоҳ ибн Аббос розияллоҳу анҳумо: «Ким Бақара сурасидан ўн оятни–аввалидан тўрт оят, «Оятал Курсий» ва ундан кейинги икки оят ва охиридан уч оятни кечаси ўқиса, ўша уйга шу кечаси шайтон кирмайди», деганлар.

18. Имом Насаий Абу Умомадан ривоят қилган ҳадисда Пайғамбаримиз алайҳиссалом: «Ким ҳар фарз намоздан кейин «Оятал Курсий»ни ўқиса, унинг жаннатга киришини фақат ўлим тўсиб туради, холос», деганлар.

Яъни, ўлмагани учун жаннатга кирмайди, агар вафот этса, уни жаннатдан тўсадиган ҳеч нарса қолмайди, дегани....

✅❗️Бу маълумотни бошқаларга ҳам етказайлик!
👍39❤7🔥1
#Дуо

«Дуодаги илтижога қарамай, бериш муддатининг кечга сурилиши умидсизлигингга сабаб бўлмасин. У Зот сенга Ўзи ихтиёр қилган нарсани Ўзи ирода қилган вақтда ижобат қилиш кафолатини берган.  Сен ихтиёр қилган нарсани сен ирода қилган вақтда эмас».

Ибн Атоуллоҳ Сакандарий раҳматуллоҳи алайҳ ушбу ҳикматда дуо қилган банда риоя қилиши лозим бўлган буюк одобни эслатмоқда. Гоҳида баъзи бандалар қанчалик ёлвориб дуо қилса ҳам ижобат бўлмаганидан умидсизикка тушиб қоладилар. Бу эса тўғри эмас. Дуо бобида ҳам руҳий тарбия устозлари ояти карима ва ҳадиси шарифларни юқори мақомлардан англаб етиб, иймон ва эҳсон даражаларида муолажа қилиш тажрибаларини ҳаётга татбиқ қилганлар. Ушбу ҳикмат ўша тажрибаларга йўғрилган ҳикматлардан биридир. Биз ҳам уларнинг тажриба ва шарҳларидан фойдаланишга ҳаракат қиламиз. 

Аввало дуонинг маъносини билиб олайлик. «Дуо» сўзи араб тилида чақириш, сўраш маъноларини англатади. Кўпинча дуо қилиш ҳамда бирон нарсани талаб қилиш маънолари бир-бирига аралашиб кетади. Шунинг учун талаб нима-ю, дуо нима эканини аниқ билиб олиш алоҳида маъно касб этади.

Талаб – сўровчи нутқ қиладиган лафзнинг васфидир. «Менга тилаган нарсамни бергин» каби.

Дуо эса сўровчида пайдо бўладиган нафсий ҳолатдир. Мазкур нафсий ҳолат икки нарса билан: қалб ва ҳисларнинг уйғоқлиги ҳамда уларнинг ҳар бирининг синиқлик ва ҳокисорлик ила Аллоҳ таолога юзланиши билан ва яна дуо қилувчининг ўзи қилган гуноҳлар учун Аллоҳ таолога сидқидилдан тавба қила бошлаши билан бўлади.

Ҳа, дуо қилинаётган пайтда қалб ва ҳисларнинг уйғоқлиги ҳамда уларнинг ҳар бирининг синиқлик ва хокисорлик ила Аллоҳ таолога юзланиши бўлмаса, одатга кўра, икки қўлни кўтариб, тилга келган талаб сўзларини такрорлаётган бўлади.

Бундай вақтларда қалб ғофил бўлиши, тилда бир гап, хаёлда эса бошқа гап бўлиши ҳам мумкин. Албатта, бу ҳолатни дуо деб бўлмайди.

Бас, шундай экан, бу ишни қилаётган одамни «Фалончи Аллоҳ таолодан сўрамоқда», дейишимиз мумкин. Аммо «Фалончи Аллоҳ таолога дуо қилмоқда», дея олмаймиз.

Кўпчилик бирор нарсага эришмоқчи бўлса, турли дуоларни ўрганиб, ёд олади. Уларни такрор-такрор ўқиб, Аллоҳ таолодан ўз тилагини сўрайди. Аммо сўраган нарсасига етиша олмай юраверади, чунки у ҳақиқий дуо қилгани йўқ, шунчаки сўраш билан банд. Дуо деб аталадиган нафсий ҳолатга эришгани йўқ.

Шу билан бирга, у ўзи қилган гуноҳлар учун Аллоҳ таолога сидқидилдан тавба қилишни бошлагани ҳам йўқ. Балки гуноҳ қилишда давом этаётган бўлиши ҳам мумкин.

Ахир бирор одамдан бир нарсани сўрайдиган одам ўша берувчига нисбатан беодоблик содир этган бўлса, аввал мазкур беодоблик учун узр айтиб туриб, кейин сўровини сўрайди-ку!? Нима учун Аллоҳ таолога гуноҳ қилган банда У Зотдан узр сўрамай туриб, яна сўровини сўраши керак? Аллоҳ таолога осий бўлиб туриб, яна қандай қилиб У Зотдан «Менга фалон нарсани бер», дея талаб қила олади?!

Шунинг учун ҳам баъзан ўзи ҳақида қилган дуоси қабул бўлган кишиларнинг кўпчилик учун қилган дуолари қабул бўлмайди. Чунки бу кишининг ўзи тавбани яхши қилиб, дуони ихлос билан қилган бўлади. Аммо кўпчилик ичида гуноҳга ботиб, бунга парво ҳам қилмай юрган кимсалар бўлиши мумкин.

📚 «Хислатли ҳикматлар шарҳи», Шайх Муҳаммад Содиқ Муҳаммад Юсуф роҳимаҳуллоҳ.
👍22❤2
Аёл киши йўл қўядиган хатолар.

Аёлларнинг тиллари кўп ҳолларда фожеалари ҳисобланади. Гўзал, пазанда, идеал аёл ҳам узун тили сабабидан бахтсиз бўлиб қолиши мумкин. Лекин доим ҳам тил энг асосий камчилик ҳисобланавермайди. Бугун сизларга кўп аёллар қиладиган хатоларни ёзамиз, мақсадимиз шу сабабдан ўзингизни ислоҳ қилиб, оилангизни мустаҳкам қилишингиз.

🎀 Нолиш. Ношукурлик ҳар қандай сабрли эркакни ҳам безор қилади. Шикоят, нолишлар ҳеч кимга, хатто, аёлларнинг ўзларига ҳам ёқмайди.

🎀 Итоатсизлик. Итоат аёлни нақадар севимли ва гўзал қилишини кўп аёллар билмайди. «Ҳўп бўлади» деб қанча жанжалларнинг олди олиниши мумкин.

🎀 Тартибсизлик. Бу умумий хулоса, аёл уйида, ҳаёлида, ошхонасию гап-сўзида ниҳоятда хушёр ва тартибли бўлиши зарур. Эркаклар майда-чуйдага эътиборсиз, улар тез мослашади. Ҳаёт шу эканда, деб юраверишади. Лекин ҳамма аёллар ҳам тартибсиз эмас, боз устига бундайлар орасида бевалари ҳам бор

🎀 Ўзига қарамаслик. Бу ҳам юқоридагидек, аёл киши жуфти учун ҳамиша зийнатланиши зарур. Жуда кўп аёллар тўйга, кўчага безаниб чиқадиларда, уйларида кампирдек юрадилар. Сизнинг гўзаллигингиз, аввало, эрингиз учун. Бу ҳақида батафсил алоҳида тўхталамиз.

🎀 Таққослаш. Бошқанинг эри билан қиёслайвериш эркакни синдирадиган амал. Бировнинг минг яхши эри, ўзингизнинг «ёмонингиздек» бўлмайди.

🎀 Беҳуда гаплар. Эзмалик аёлларни ҳунук қилиб кўрсатади, ғийбатдан олинган маълумотлар, ҳадеб бекорчи гапни гапиравериш аёлни аёлликдан «радио»ликка тушириб қўяди. Аёл билан суҳбатлашиш роҳат бўлиши керак, «пульти бўлса эди, ўчириб қўярдим» фикри ўтмасин зинҳор.
👍21❤7🔥3
📚 АЛЛОҲ СЕН БИЛАН САВДО ҚИЛАВЕРАДИ

Ривоят қилинишича, бир аёл Довуд алайҳиссаломнинг ҳузурларига кириб келиб:
– Эй Аллоҳнинг пайғамбари, Роббинг золимми ёки одилми? – деб сўрабди. Довуд алайҳиссалом:
– Ҳолингга вой бўлгур, Роббим одил, У ҳеч кимга жабр-зулм қилмайди, нега бундай деяпсан? – дебди. Шунда аёл:
– Мен бир бева аёлман, болаларим бор, уларни қўл меҳнатим билан боқаман. Кеча йигирган ипимни бир бўлак матога ўраб, сотиш учун бозорга олиб кетаётган эдим, тўсатдан бир қуш менга ҳужум қилиб қолди: мато ва ипни олиб қочди, мен эса болаларимнинг олдига ҳеч нарсасиз, ночор ва хафа ҳолда қайтдим.
Шу суҳбат бўлиб турган пайтда Довуд алайҳиссаломнинг эшиги тақиллаб қолди. Довуд алайҳиссалом киришга изн берди. Улар ўн нафар тижоратчилар эди. Ҳар бирининг қўлида ўн динордан пул бор эди. Улар:
– Эй Аллоҳнинг пайғамбари, бу пулларни ҳақдорларга беринг, – дейишди. Шунда Довуд алайҳиссалом:
– Бу пулларни беришга сизларни нима мажбур қилди? – деб сўради. Улар:
– Биз бир кемада эдик, бирдан қаттиқ шамол туриб, ғарқ бўлишимизга сал қолган эди, тўсатдан бир қуш келиб, бир мато ташлади. Унинг ичида йигирилган ип бор эди. Биз улар билан кемамизнинг айбларини тўғрилаб олдик, шундан кейин шамол бизга ортиқ қийинчилик туғдирмади. Саломат қолганимиз учун ҳар биримиз ўн динордан садақа беришни назр қилдик, мана ўша пуллар, – дейишди. Довуд алайҳиссалом ҳалиги аёлга қараб:
– Аллоҳ сен билан денгизда ҳам, қуруқликда ҳам савдо қилаверади, сен эса Уни золим дейсан, – деди ва унга юз динорни узатиб:
– Буни болаларингга сарфлагин, – деди.
Аллоҳ барчамизни Ўзи тўғри йўлдан адаштирмай, ҳидоятда собит қадам қилсин! Ё Аллоҳ Ўзининг Раззоқсан, ризқимизни ҳалолидан бергин, ўзгани ҳаққидан асрагин!
👍40❤5👏3🤔2😁1
​#соғинч
​​
АКА , МЕНИ ИЗЛАБ КЕЛИНГ ...

Ака, мени излаб келинг,
Сенлаб келинг, сизлаб келинг,
Соғинчларда қоврилди жон,
Малҳам бўлинг, музлаб келинг

Дилим йиғлар, тинмайди ёш,
Ханжар урди кўп бағритош,
Кўз ёшимга ғарқ бўлди Шош,
Ака, мени излаб келинг...

Танда жоним омонатда,
Тўйдирдилар ҳиёнатдан,
Сабоқ бериб диёнатдан,
Ака, мени излаб келинг...

Елкангизга қўяй бошим,
Тинақолсин кўзда ёшим,
Томоғимдан ўтсин ошим,
Ака, мени излаб келинг...

Отам ҳидин олиб келинг,
Юриб эмас, елиб келинг,
Муштоқлигим билиб келинг,
Ака, мени излаб келинг...

Йўлингизга мен хам чопай,
Суйган тандир нониз ёпай,
Болалигим бир кун топай,
Ака, мени излаб келинг...

Сингилжоним , қайдасан деб,
Орзуйимга бериб бир зеб,
Йўлга тушинг ғамимни еб,
Ака, мени излаб келинг...

Соғинганим билмайсизми,
Чопиб , чопиб келмайсизми,
Бир кун бахтли қилмайсизми,
Ака , мени излаб келинг...

Ҳижрон - оғу, ютаяпман,
Сизни жуда кутаяпман,
Йиғлай шеърим битаяпман,
Ака, мени излаб келинг...

Ака , мени излаб келинг,
Сенлаб келинг, сизлаб келинг,
Отам бўлиб битта сафар,
Ҳам синглим денг, қизлаб келинг...
👍20❤7