АССАЛОМУ АЛАЙКУМ

Яхшиларим , мехрлиларим .
Меҳнаткаш , дилкаш , қалби адабиётга ошно , шу сабаб сўзлари пурмаъно , ҳеч йўқ ўғил қизи учун доно , жуфти учун ягона гўзал опа сингилларим , Ҳожионаларим , ижодлари баркамол адибаларим чаққон уй бекаларим , ширинсўз келинжонлару , ҳаётнинг паст баланд йўлларида мағрур яшаётган ожиза эмас мард хонимлар ....
Ҳаммага пойтахт шахри азим Тошкентдан қайноққина саломлар .
Фақат мандан эмас ....
Тошкентнинг оппоқ , қаймоқли , шкалатли , мевали морожнисимон булутлар тўп тўп бўлиб сузиб юрган тинч , мовий осмонидан , водовоз машиналар шиғиллатиб муздек сув сепиб ўтган , йўл четлари супурилган , катта кичик машиналар зув зув ўтиб қайтаётган кенг чиройли кўчаларидан , бекатлар атрофини супуриб , топ тоза қилиб қўйган , юзларидан мехнатларининг баракасидек улуғ маржон терлари оқаётган мехнаткаш сариқ жилеткали ободончилик ходимларидан , эрталабдан халқ учун хизматда , автобус совутгичини ёқиб муздек қилиб қўйган ҳайдовчилардан , автобусдани жилмайган , маюс , ўйчан , ҳиссиз , бесаранжом , сокин хўмрайган чеҳралардан , бугун дам олиш куни невараларининг қий чувидан қочиб , кампирини қўлидан етаклаб кўчага олиб чиққан отахонлардан қўйингки жамийки инсону мавжудотлардан салом .
Ва Аллохга бехисоб шукур шу саломни сизга эрталабки саррин саболар орқали сизга етказиш бахти каминайи камтаринга насиб этиб турибди .

Алҳамдулиллаҳ .
ШАХЗОДАнгизни дуо қилиб қўйишни унутманг 😘 .

📚 Ibratli Hikoyalar 📚

👆👆👆👆 аввалги қисмлар

#БЕДОР_ТУЙҒУЛАР

27- ҚИСМ

бутунлай ўзга бир олам эди. Анис Мадина билан суҳбатлашганда инсон зотининг , инчинун қиз боланинг бу қадар тафаккур ва мушоҳада кучига эга эканлигидан ҳайратга тушар эди.
Анисни ушлаб турган нарса битта эди, у ҳам бўлса Мадинага нисбатан Комила билан кўп маротаба суҳбатда бўлганлиги эди. Шу боис у дил ёриб Мадинага ўз кечинмаларини айтишга юраги бетламас ва лекин ундан бутунлай кечиб кетишни истамас эди. Агар Анисдан улардан ҳар иккисини бир оғиз сўз билан таърифлаб беришларини сўралса ,у иккиланмасдан Комилани "Юрак" , Мадинани "Ақл" дея таърифлаган бўлар эди.

Юрак ва ақл. Шу сўзларни талаффуз қилар экан Аниснинг аллақаерда ўқигани эсига тушиб кетар эди. Айтишларича юрак ва ақл жангида ҳамиша юрак ғолиб чиқар экан. Ғолибликни қўлга киритганда эса ҳар сафаргидагидек бу гал ҳам мағлуб бўлганини англар эмиш.

Анис қишлоққа охирги сафар борганида онаси Раҳбар ая уни ёнига олиб қаттиқ койиди.

- Болам , - деган эди ўшанда Раҳбар ая ўпкаси тўлиб ,- хонадонимизга ўз оёғи билан келган бахтни англамаслик учун ё шу даражада гумроҳ бўлиш керак ёки бўлмаса билмадим ким?! Мадинанинг сафари борган сари қарияпти. У айтганининг устидан чиқадиган қиз эканлигини аллазамон исботлаб бўлди. Мана Розияни олимпиаданинг Республика босқичига олиб чиқди. Ҳадемай бу босқич ҳам бўлиб ўтади.
Бу ишлар битгач Мадина асосий ваъдасини бажаради. Ўқув йили тугаши билан уйига - Тошкентга қайтади.

Мен эса ... - Раҳбар аянинг лаблари маҳзун қийшайди,- мен эса яна сўппайиб тўрт деворни дугона қилиб қолавераман. Майли ,- чуқур оҳ тортди ая,- майли ўз ўғлим шу тақдирни раъво кўрган экан мен нима ҳам дердим. Сен эса ўғлим,- у Анисга дардли тикилди ,- юююравер, ҳеч нарсани ўйлама. Мен билан дадангни боғлаб бериб қўйган- да . Шунга ҳотиринг жам бўлаверсин . Тўғрисини айтсам , сени Дилёрани ҳам яхши кўрганингга ишонмай қўйдим. Яхши кўрган одам , умрида муҳаббат таъмини тотган инсон қолганларга бундай азобни раво кўрмайди. Айниқса онасига ... Майли болам , қаерда бўлсанг ҳам бошинг тошдан бўлсин.

Анис ҳозир онасининг ўша кундаги ҳолатини кўз ўнгига келтирар экан ўзидан қаттиқ нафратланиб кетди.

- Бўлди ,- деб ўйлади у , - шу бугуноқ Комила билан масалани узил - кесил ҳал қиламан. Комила ҳарчанд "кўнглим" бўлмасин , ҳаётга ақл ва идрок кўзи билан боқишим керак. Бугун ундан мен билан учрашишини сўрайман. Қани бу сафар нима деркин ?
Комила билан муносабатим гўёки қаҳраган чўлда мавжланиб турган саробга интилган ташна йўловчининг кечмишига ўхшайди. Қадам босган сари йўлим унмайди. Сароб эса ялт - юлт қилиб ҳушимни ўғирлагани ўғирлаган. Тамом , ортиқ бундай давом этиб бўлмайди.
Анис бугун "Бедор туйғулар"нинг навбатдаги сонини тайёрламади. Очиғи бунга ҳафсаласи келмади. Радиоэшиттириш кетадиган вақтда унинг вақтига мос мусиқий композицияни эфирга узатди- ю , ўзи студиянинг мўъжаз хонасида Комилага мактуб ёзишга тутинди.

- Салом , Коми...

Бугун "Бедор туйғулар" йўқ . Кутганмидингиз ... Наилож . Ҳаётда ҳамиша биз ўйлагандек бўлмас экан . Бугун эшиттиришни тайёрлай олмадим, сабаби ўзимнинг бедор туйғуларим бири бири билан жанг қилиб ётишибди. Нега дейсизми ? Нега бўларди? Улар кўнгил кўзи билан бошқа кўнгил эгасини таниб қолишганига анча бўлган . Инсоннинг сурати эмас , сийрати орқали ҳам севиб қолса бўлишига ишонч ҳосил қилиб бўлишган .
Коми ... Балки етар - а ? Нима дедингиз ? Етар шунча мушук - сичқон ўйнаганимиз ? Узр бу ўхшатиш анчайин қўпол чиқди. Бироқ нетайки , ҳозир чиройли ва нафис сўз танлайдиган аҳволда эмасман .

Комииии... Мен жуда қийналиб кетдим. Ҳар куни эфир орқали меҳр, оқибат , садоқат ҳақида сўз юритаман- у , аммо ўзимга қолганда ...
Биласизми ? Яқинда ... Мен туфайли ... Мен туфайли онам йиғладилар. Улар аввал ҳам кўп ёш тўкканлар . Бариси мен туфайли . Аммо бу сафар кўз ёшлари кўксимни тешиб юборди. Бу сафар улар йиғлай туриб дуо қилдилар. Умрим узоқ , бошим тошдан , мартабам улуғ бўлишини сўрадилар.
Мен эса лом - лим дея олмадим. Нима учунлигини айтайми ?

@ХазонРезги /74

​#БЕДОР_ТУЙҒУЛАР

Мен азизамнинг умрлари давомида бир бора сўраган тилакларини ижобат қила олмадим ... Ўша тилак сизга қизиқ бўлса айтганим бўлсин.
Улар мени куёвлик либосида кўришни истайдилар. Бор - йўғи шу ... Мен ноқобил фарзанд эса ... Мен бемеҳр ўғил эса ўз ҳисларимда чалкашиб, чалғиб юрибман .
Комии ... Мен сизнинг тимсолингизда ўз кўнглим эгасини топган эдим . Сиз менга кўриниш беришни истамайсиз. Бироқ шу топда менинг сизсиз яшашимда маъно қолмаган каби , сизнинг ҳам менсиз яшашингизда умид йўқдир деб ўйладим. Ё сўзларим ёлғонми ?
Ёлғон денг ва биз жимгина хайрлашайлик .
Мен ортиқ бундай давом этишини истамайман. Тўғри сиз билан то кексайиб, қариб , қартайиб харф танимай , эсим кирарли- чиқарли бўлиб қолгунимча шу алфозда яшаб ўтишимга ишончим комил. Ва яна айнан ўша ишончим бундан буён онамнинг кўзларида бир томчи ёш кўришга тоқат қила олишимга комил эмас.

Охирги сўровим :

Ҳа ёки йўқ ?!

Анис мактубни жўнатиб юборгач хўрсинди :

- Юрак ва ақл жангида ҳамиша юрак ғолиб чиқар экан. Ғолибликни қўлга киритганда эса ҳар сафаргидагидек бу гал ҳам мағлуб бўлганини англар эмиш...

Анис шуларни ўйлаб қанча вақт ўтганини билмади. Бир маҳал қараса ўз манзилига Комиладан жавоб хати келибди.

- Якшанба куни . Миллий боғда. Алишер Навоий ҳайкалининг ёнида. Соат ўн икки- ю ноль нолда.

Анис Комиладан келган мактубни ўқиб кўзларига ишонмади.

- Наҳотки? Наҳотки Комила учрашишга рози бўлган бўлса?

Демак у ҳам ...

Анис тўғри ўйлабди- да ?!

Комила унга бефарқ эмаслиги рост экан- да.

Якшанбагача ҳали уч кун бор . Уч кун- а ?

Анис ҳовлиқиб қолган эди. У кун эмас, соат санаб , дақиқа санаб якшанбани кутди. Атай қилгандек , Комила унинг бошқа смсларига жавоб ёзмади.

Тикилган қозон қайнамайди деганлари шу бўлса керак- да. Бошқа вақтда бир тутам бўлган кунлар Анис учун шу қадар узундан узоқ бўлиб туюлди-киии .

Ниҳоят ... Ўша кун ҳам келди. Анис айтилган жойга белгиланган вақтдан анча аввал бориб олди . У салкам саккиз ойдан бери деярли ҳар кеча дардлашган қиз Комилани кўриш илинжида шу қадар ёнар эди- ки...

Дам олиш куни бўлганлиги учун боғда одам анча гавжум эди.

- Ассалому алайкум , Анис ака ...

Анис ортига ўгирилди . У ўзига салом берган қизга қараб , кўзлари тиниб кетди. Унинг тасаввуридаги Комила ...
/75

Муаллиф : Хазонрезги

​​📝НИМА ЭКСАНГ...

     Дугонаси Зоҳиданинг набираларини етаклаб қабристонга олиб бораётгани Мапура опоқининг ғашини келтирди.
"Тавба ,- дея ўйлади у ажабланганча , - олиб бораман деса бошқа жойлар қуриб қолганми  ? Бу Зоҳиданинг бошидан офтоб ўтганми , нафақага чиққанидан буён набираларини олиб қабристонга югуради. Янаям келинлари яхши экан . "Ойижон бу нима қилганингиз , болани ўтини ёрасиз- ку?" деб индашмайдиям -а" .
     Зоҳида опанинг келинлари учун бу гапларни Мапура опанинг ўзи айтди:
- Эгачи , муштдек болаларни олиб ҳадеб мозорбошида нима бор ? Ундан кўра театр , цирк , ҳиёбон, "сити"ларга олиб боринг. Бундоқ ўзингиз ҳам баҳра олиб келасиз . Ҳа деса қабристонда нима бор ? Ўзи шундоғам Ҳотира куни , Ҳайит арафа кунлари борилади- ку ?!
      Зоҳида опа оҳиста жилмайди:
- Ота -она андоза , Мапураой. Шунингдек бобо , бувилар ҳам.
    Мен ёмон иш қилаётганим йўқ . Набираларимга тирикларни йўқлаш қанчалик савобли иш бўлса , ўтганларни ҳам ҳотирлаш шунчалик улуғ иш эканлигини ўргатаяпман . Барчамизни охир борадиган манзил-маконимиз ўша ер бўлса.
     Набираларим сиз айтган дам олиш жойларига ҳам мавриди билан бориб келишяпти.
- Набираларингиз қўрқиб қолишмасин деяпман-да , бўлмаса менга нимайди ? - бўш келмай чимирилди Мапура опоқи...
- Нега қўрқишсин , Мапураой? Маҳрумлардан  ҳам қўрқар эканми одам?!  Бир вақтлар ўз онам "Ўликлардан эмас , тириклардан қўрқиш керак, қизим" дея уқтиргандилар.
      Ўтиб кетганлар эса бир калима қуръон билан йўқланадилар. Шундан руҳлари шод бўлади...
    Мапура опа Зоҳида опага бас келолмаслигини билиб қўл силтаган эди ўшанда. 
   Орадан бирмунча вақт ўтиб Мапура опа  суҳбатдошининг нақадар ҳақ эканлигига ўзи  тан бериб ўтирибди.
   Куни кеча Зоҳида опанинг уйқусида вафот этиб қолганлиги ҳақида хабар қишлоққа яшин тезлигида тарқалди. "Солиҳ банда чин уйига  елдек учиб кетади"  деганлари рост экан. Хуфтон намозидан сўнг чин дунёга риҳлат қилган аёлни бомдодга чиқарадиган бўлишди.
    Мапура опа Зоҳида опанинг жанозасидан анча кеч қайтди. Ҳовлидаги супада  уни кутиб ўтирган эри Наби амаки аёлини имлаб чақирди :
- Бери кел ...
      Опа эрининг муҳим гапи борлигини ҳис қилганча унинг амрига сўзсиз бўйсуниб ёнига чўкди.
- Хотин , бу ёғи жаа қизиқ иш бўлди-ю а ?!  Дугонангни айтаман. Вой унинг қабр тупроғининг майинлигини...
     Ҳамма гапирди.
     Одатда гўрков бунақа вақтда жим тургувчи эди. Аммо бугун "Бир кетмон солсам ўн кетмон тупроқ ўйилиб чиқса бўладими ?!" деган сўзларини ҳамма эшитди.    
       Энди у ёғини сўра.
       Марҳумани қабрга  бериб, дуо - фотиҳадан сўнг  ортимизга қайта бошладик. Шунда жанозада иштирок этаётганлардан  энг охиргиси қабрдан  етти қадам узоқлашиши билан издиҳомдан марҳуманинг саккиз нафар набираси ва ўртанча ўғли ажралиб чиқишди ва тезда ортга қайтиб тиловатни бошлаб юборишди. Улар кетма- кет "Ясин", "Мулк" , "Ихлос", "Фотиҳа" каби бири- бирдан гўзал сураларни ўқий бошлашди.
    Биласанми бу нима учун эди ?! Бу - барчаларининг  бир тан-у , бир жон бўлиб онаси ва бувиларининг  қабрдаги савол-сўроқларини енгиллаштириш учун қилишаётган саъй -ҳаракатлари эди ...
    Мапура опа умр йўлдошининг сўзларини бўлмасдан киприк қоқмай  тинглади .
       Опанинг ўзи ҳам  шу топда турмуш ҳамроҳи  Наби акага дугонаси Зоҳиданинг  келинлари  ва қиз набиралари кечадан буён қориялар даврасида марҳуманинг руҳи покига бағишлаб уч давра қуръон ҳатм қилдиришганини ҳавасланиб айтиб бериш учун тараддуд кўрар эди...

Эссиз 100$, ухлади😂

Акани юраги ёрилди .

📚 Ibratli Hikoyalar 📚

Тақдир алмашинуви...


❤️❤️❤️❤️

👆👆👆👆 аввалги қисмлар

#БЕДОР_ТУЙҒУЛАР

28-ҚИСМ

бутунлай бошқача қиз эди. Ким билсин Анис Комила деганда худди Мадинага ўхшаш қизни тасаввур қилгани учун , рўпарасидаги қиз уни саросимага солиб қўйган бўлса керак.
Анис "Бу қиз балки мухлислардан бири бўлса керак , мени теледастурлардаги меҳмон сифатидаги чиқишларимдан ёинки турли байрам тадбирларидаги олиб борган бошловчилик йўналишимдан таниган бўлса эҳтимол" деган хаёлга борди ва қиз тарафга қараб ўсмоқчилади :

- Сиз...

- Мен Комиман ...

- Коми ... - унинг ортидан такрорлади Анис ва бўшашганча илова қилди ,- танишганимдан ҳурсандман.

Комила , Анис учун Коми бўлган бу қиз ҳам ўзига етарлича ҳусндор эди. У сочлари ўзига жуда ярашиқли тарзда калта қирқтирилган , буғдой рангдан оқ юзли , қош - кўзлари попукдек қиз экан. Кўзлари эса чақнаб турибди. Худди ана шу чақноқ кўзлар Анисда Коми сиймосининг суратини чизишга моънелик қилмоқда эди.
Аниснинг қиз билан қилган суҳбатлари орқали ҳис қилишича Коми маҳзун кўзли , қалби булоқ сувидек тоза ва шу билан бирга маъюс бир қиз бўлиши керак эди. Бу қиз эса йигитда ўз ҳаётидан мамнун ва шаддодгина бир образда намоён бўлаётган эди.

- Анис ака , чоғимда ҳафсалангиз пир бўлди,- Комила майин кулимсиради,- кўнгил кўнгилни таниши бир гап- у , суратга келганда тан олиш бошқа экан шекилли.

Анис ўзини қўлга олиши кераклигини ҳис қилди:

- Йўғей, шунчаки шошилиб қолдим,-деди у овозидаги жиддийликни бироз юмшатган тарзда ,- билсангиз бу учрашув узоқ кутилган ва айни дақиқаларда шунчалик кутилмаган бўлди. Юринг , боғни бироз айланамиз.

- Хўп ,- дея бош силкиди қиз.

Анис қиз билан айланар экан унинг феъл- атворига борган сари ажаблана борди. Қиз гуллари барқ очилган ранго- ранг гулзор олдидан ўтганларида ҳам гулларга кўнгил учун бўлсин бир бор назар ташлаб қўймагани Анисни баттар таажжублантириб қўйди. Ахир Коми у билан ёзган ёзишмаларида "Гуллар жон-у дилим , тикишдан бўш вақтимда соатлаб уйимиздаги мўъжаз гулхонада уларга тикилиб ўтираман " деб ёзмаганмиди ? Ёки кўча гуллари Коми учун ўгаймикан ?
Анис шу топда Мадина билан қишлоқларидаги боққа борганда қизнинг ҳар бир гулга завқланиб боққанига , тиззалаб ўтириб олганча уларга кўзларини катта - катта очиб ҳавас билан тикилганига , табиатнинг бетакрор мўъжизасидан ҳеч айрилгиси келмай уйга кетишаётганларида ҳам ортидаги ўгирилиб гулзорга такрор, такрор қараганини эслади.

- Коми...Гуллар жуда чиройли очилибди- а?

Анис қаршисидаги қизга саволомуз боқди .

-Ҳааа , - деди Комила ортиқча ҳиссиётга берилмай , - баҳор баҳорлигини қилади-да , жумладан гуллар ҳам . Улар ҳам ўзларига юклатилган вазифани бажаришади.

Анис қизнинг бу даражадаги совуққонлигидан ҳайрон бўлди.

"Йўқ , бу мен таниган Комила эмас ,- дея ўйлади у , - бу бутунлай бошқа қиз. Биттада ўзини фош қилиб қўйяпти. Аммо қандай қилиб бу ерга келиб қолди? Асл Комила жўнатдимикан уни ?
Бу қиз анчайин шаддод кўринади. Асл Комила эса бошқача эди. У бутунлай бошқача эди. Аммо ҳар иккиси бир бўлиб мени синашларидан мақсад нима ? "Тармоқдаги сермулозамат Анис ҳаётда қанчалар бетакаллуф экан?" деган саволга жавоб олишмоқчи чоғи. Майли ўйин бўлса ўйин бўлақолсин . Қани бир сизларнинг ноғорангизга ўйнаб кўрай- чи ? Анчадан буён рақс тушмаган эдим ўзи. Бир чигаллар ёзилсин ...


* * *

Мадина асл исми Комила бўлган курсдошини Анис билан учрашишга зўрға кўндирган вақтдан буён юраги така - пука.

- Эплай олмайман ,- дея обдон тихирлик қилди Комила, - ахир сен ва мен икковимиз икки дунёмиз.

- Дугош, ҳаддим фақат сенгагина сиғади , илтимоооос . Кейин орамиздаги барча гап-сўздан хабаринг бор. Анис акага қанақа муомала қилишни ўзинг биласан.

- Менга барибирку-я , аммо сал зийрак бўлган инсон икковимизни дарровда фарқлай олади.

- Ҳаракат қиласан-да энди, Коми. Бир қўллавормасанг бўлмайди.
Очиғи бу ўйинни бошлашга бошлаб қўйиб ... - Мадина ҳиқиллаб қолди ,- афсусдаман.

Комиланинг дугонасига раҳми келиб кетди. Нима қилсин Мадина ҳам ёмон бўлсин деган эмас.

ХазонРезги /76

📚 Ibratli Hikoyalar 📚

​#БЕДОР_ТУЙҒУЛАР

Бир муштипар онанинг дардига малҳам бўлай деб мана энди ўзининг дардига даво истаб ўтирибди.

- Майли , - деди ваниҳоят Комила дугонаси Мадинанинг тушиб қолган вазиятда кўмак қўлини чўзгиси келиб , - кўндирдинг , аммо қовун тушириб қўйсам айб мендамас. Қани бир бошдан айт-чи , ўша йигит "мени" қай кўринишда танийди ? Нималар ҳақида гаплашгансизлар, то есть "гаплашганман" ?. Бир бошдан , битта - битта гапир-чи?

- Дугош , сени жудаям яхши кўраман. Шу тантилигингга қойилман ҳар доим ,- Мадинанинг хуррам овози эшитилди телефондан .

- Анис Ўктамга шунақа дейманми ? Уни дугош деб чақираманми ? - хазиллашди Комила .

Комиланинг қизиқчилигига Мадинадан жавоб келди:

- Жиннивой ! Фақат мана шунақа хазилкашлигингни Анис акага қила кўрма. Мен улар билан доим жиддий гаплашганман

- Ясна ! Демак , сипони ёқаман экан- да ! Мадиш, бу ўйин ўзимга ҳам қизиқ туюлиб кетмоқда. Аммо бир нарса мени ўйлантираяпти. Хўп , мен у йигит билан кўришдим ҳам дейлик. Кейин-чи? Кейин нима бўлади ? Учрашувдан мақсад нима ? Уни Комиладан совутишим керак-ми ? Шунақа экан "Узр, турмушга чиқадиган бўлиб қолдим . Сафаримиз шу ергача экан. Начора ?" деб икки энлик хат ёзиб қуённи расмини чизиб қолсанг ҳам бўлар эди- ку ? Ортиқча даҳмазанинг нимага кераги бор эди ? Нега учрашувга розилик бердинг ?

- Мен , мен ...- каловланиб қолди Мадина

- Сен уни яхши кўриб қолгансан ! - гапни шарт кесди Комила,- шунчаки хайр дейишга ҳам кўнглинг бўлмаяпти , шундай эмасми ? Гапир ! Нега жимсан ?!
Мадина ! Сени билмасам экан....

- Комии ... Илтимос , мени қийнама.Мен унинг ...

- Кўнглини синишини ҳоҳламаяпсан. Ҳолбуки ўзинг тўкилиб адо бўляпсан. Эҳ , Мадина ! Ўша йигит қишлоққа , уйига борганда сал бўлса ҳам сенга асл Комила - Мадинага қиз бола сифатида озроқ майл билдирмадими ? Ахир уни айнан Мадина бўлиб севиб қолганинг йўқми ? Ахир ўзинг у билан соатлаб суҳбатлашдик демаганмидинг ?!

- Йўқ ! Йўқ ! Йўқ ! У ... У Комилани танлади. Шунга унинг ҳаётидан айнан Комила бўлиб чиқиб кетмоқчиман.

Комила дугонасининг товуши бўғилиб қолганлигидан унинг милт- милт йиғлашга тушганини ҳис қилди

- Ўзингчи ? Яъни ... Мадина-чи ?

- Унинг мақсади аввал бошдан бошқа бўлган ,- маҳзун жавоб берди Мадина,- яқинда у ҳам ўз йўлидан кетади . Ўзининг аввалги ҳаётига қайтади. Шўхлисойда қандай қўққисдан пайдо бўлган бўлса , шундай изсиз йўқолади.

- Мадина изсиз йўқола олмайди. У ҳар кўнгилга қадаган умид куртаги ҳадемай ўз тотли мевасини бера бошлайди. Мадиш , гўзалим ,- Комиланинг овози товланди ,- мен сен билан фахрланаман. Анис акага келсак , хавотир олма барчаси сен айтгандек бўлади.

* * *

- Коми ... Бир чиройли шеър ўқиб берсангиз- чи ? Овозингиз чиройли экан . Шунга сўраяпман . Балки икковимиз дует ижро қилармидик ? - Анис қизга синчков назар ташлади .

Комиланинг қошлари уюлди. "Оббо шу топда шеърга пишириб қўювмиди ? - ўйлади у ,- кошки шеър ўқишга қизиқсам. Ўзи мактабда ҳам адабиётдан аранг тўртга илинганман. Шундаям устозимиз амакимнинг келинлари бўлганлиги учун. Уффф , нимани ўқиб бераман энди бу кишимга ? Ўзиям мендан гумонсирашни бошлагани аниқ. Бўлмаса шеър сўрайдиган вақтми ҳозир? "
Комила шулар ҳақида ўйлар экан бирдан кўнгли ёришди ва жиддий туриб Анисга мурожаат қилди :

- Анис ака , мен ...

/77
Муаллиф: Хазонрезги

Ким қайси асарни ўқияпти .
Бонусс олиш шартини яхши биласизларааа 👍🤔

📚 Ibratli Hikoyalar 📚

ЭРИМГА ПРАНК ҚИЛДИМ ✍

Ҳар ой дугоналар йиғилиб дийдор ширин қилиб ўтирардик .
Бу сафарги йиғилишимизда эркакларнинг хиёнати ҳақида сўз очилиб қолди .
Шунда Гавҳар деган бир дугонамиз айтиб қолди .
-- Хиёнат қилмаган эркак қилмайди , қилганини минг асранг қилади .
-- Ман туппа тузук эримга пранк қиламан деб сал қолди инфарк қилиб олишимга .
У пайтлар номерим юсел эди , антенна тутмайверганига билайн номер олдим ўз номимга .
Эрим билан бир ҳазиллашай деб смс ёзиб юбордим .

-- Фалонча акоов яхшимисиз чарчамаяпсизми .
Ман сизни яхши кўриб қолганман сиз сезмаяпсиз .
Мошинангизга кўп чиқаман ....

Эрим таксичилик хам қилардилар бўш вақтида .

-- Маҳаллангизда тураман .
Ишдан келишингизни деразадан қараб кутиииб ўтираман .
Хотинингиздан хам кўпроқ ман кутсам керак .
Ишонмасангиз бугун келишиз билан смз ёзаман сизга , кутинг .

Куни бўйи шунақа смс лар ёздим . Ора орада сим картани чиқариб , ўзимникини қўяман , тел қилиб қолмасинлар деб .

Кечда ишдан келиб , мошинани деразани тагига қўйишлари билан яна смс ёздим .
-- Яхши келдизми жооон .
Тезда номерни алмаштириб олдим .
Эримга тел қилиб
,, нон помидор олиб келинг , - дедим .
Лекин эрим бечора мошинадан тушолмай қолдилар
Ўзим пастга тушиб бордиму янги номердан ёзвордим .
-- Нима бўлди , яхшимисиз  , мошинадан тушмаяпсиз .
Хабарни жўнатдиму мошинанинг ойнасини таққиллатдим .
Телефонига тикилиб ўтирган эрим ялт этиб қаради
Кўзларида дахшат акс этарди .
Шошиб телни чўнтагига солдию мошинадан тушди .
Алланечук елкалари чўкиб қолгандай туюлди . Мошинани қулфлаб домни тепаларига деразаларга аланглаб қараб қўйдилар . Бу орада ман
-- Хотиниз бормасалар тушмасдизми мошинадан .
деб ёзвордим .
Смсни овозини хам ўчирмаган эканлар . Тинг тинглаб хабар келди .
Эрим хар қанча ўзини бепарво тутса хам кўзлари бошқача эди .
-- Уйга кир , ман керак нарсаларни олиб келаман дедилар .
Уйга чиқиб ёздим
-- Сизни хотинингизга хавасим келаяпти , куйиб кетаяпман .
Ман сизни оилангизни бузмоқчи эмасман , шунчаки гаплашгим келди .
Кейин сим картани алмаштирдиму телни қўйиб қўйдим .
Эрим теоефон билан иши йўқ , бемалол одам эди .
Ишдан келгандан кейин телефонни қўлларига олмасдилар .
Бугун эса келиб ваннага кирса хам тел қўлида , ошхонада ҳам қўлида .
Ўзи алланечук тараддудда .
Овқатлангунимизча ўглим уйчага кираман деб қолди .
Зўр бўлди дедиму секин телни опкириб яна сим карта алмаштирдим . Оддий битта сим карталик нокия эдида телим .
-- Яхши овқатланяпсизми .
Хозир уйизга кирсаммикина .
Ё тел қилайми .
деб кетма кет смс ёздиму  срази ташқарига чиқиб ошхонага кирдим .
Эрим қўлига телефон манга қараб қотиб қолди .
Туриши шунчалар аянчли эдики ўзимдан нафратланиб кетдим 😢.
Бу эркак мандай ношуд хотинни йўқотишидан қўрқаётгани йўқ , айбсиз айбдорлик хиссидан қўрқди , оила ҳаловатидан ажралиб қолишдан қўрқди .

Сим картани алмаштириб телни отвордим нарёққа .
Тўхтатдим бу ўйинни аммо ўзимни нима деб оқлайман .
Ҳозирги ақлим бўлса ўша янги сим картани отворардим , ишлатмасдим .
Эрим жойига ётаркан ниҳоятда чарчаган , ҳорғин ва кайфиятсиз мисоли хаста  эди .
Чуқур уҳ тортиб қўйдилар .
Телни хам ёстиғини тагига қўйди .
Эрталаб мани уйғотмай ишга кетиб қолибдилар .
Соат 10 ларда телефон жиринглади . Қарасам эрим .
Кўтардим ...
-- Эээ сани найни найни .. кетди бу ёғи .. Охири уйга борай ман сани нима қиламан дедилар .

Пайнет дўконлари бўларди у пайти . Соат 9 10 ларда очилгандан кейин эрим номерди текширтиришга берган . Мани паспорт далним чиққанда.
Ўша куни кечроқ келдилар , қўрқиб кетдим ҳақиқатдан бирортасиникига кетдими деб .
Жахлидан тушиш учун таксичилик қилиб юрибдилар .
Кўнгли ёзилавермагандан кейин шомда битта масжидга кириб имом домлага ҳаммасини айтиб берибдилар .
Барака топгур домла чиройли насиҳат қилиб ,  мани оқлагувчи гаплардан гапириб , ҳовридан туширибдилар .
Шу билан уйга келдилар . Минг тавалло билан кечирим сўраб қутилдим .
Аммо яхшигина сабоқ олдим .
-- Дугонажонлар , тинч ошингизга оғу солмангда , эрингизни қадрига етинг .

Гавҳарнинг ҳикоясига кулишимизниям , ўйланишимизниям билмай қолдик .
🤔

ШАХЗОДА САТТОРОВА .✍

https://t.me/shahzodangizdanhttps .

---

Ташқарига чиқаётганимда унинг айтган гаплари қулоғим остида жарангларди...

— "Сенда кўнглим йўқ... Мен бошқа қизни топдим. Кет!"

Қўлимдаги сумкамни маҳкам қучиб, эшик олдида бир зум тўхтадим. Ичимда: "Қайт," дейди, деб кутдим...

Лекин у совуққонлик билан:

— "Агар яна турмуш қурсанг, ўзингни бунчалик ер қилма..." деди-да, эшикни юзимга ёпди.

Кўз ёшларимни артиб ота уйим томон йўл олдим...

Ўшанда ҳали билмасдим...

---

Ташқарига чиқаётганимда унинг айтган гаплари қулоғим остида жарангларди...

— "Сенда кўнглим йўқ... Мен бошқа қизни топдим. Кет!"

Қўлимдаги сумкамни маҳкам қучиб, эшик олдида бир зум тўхтадим. Ичимда: "Қайт," дейди, деб кутдим...

Лекин у совуққонлик билан:

— "Агар яна турмуш қурсанг, ўзингни бунчалик ер қилма..." деди-да, эшикни юзимга ёпди.

Кўз ёшларимни артиб ота уйим томон йўл олдим...

Ўшанда ҳали билмасдим...

📚 Ibratli Hikoyalar 📚

Тўрт кишидан ҳеч қачон аразламанг:
— Отадан; — Онадан;
— Ака-укадан; — Опа-сингилдан!

Тўрт нарсадан Аллоҳ таолонинг паноҳини тиланг:
— Ғамдан; — Маҳзунликдан;
— Ожизликдан; — Бахилликдан!

Тўрт кишига бағритошлик қилманг:
— Етимга; — Мискингга;
— Фақирга; — Беморга!

Тўрт нарсани тақинчоқ каби тақиб олинг:
— Сабрни; — Ҳалимликни;
— Илмни; — Саҳийликни!

📚 Ibratli Hikoyalar 📚

#У‌ткинчи_дунё


#No_211


#муаллиф_Қосимова_Нодира


—Ким бор?
Ботир эшикдан югуриб кириб бақирди.
—Хозир..
Навбатчи хамшира югуриб ичкаридан залга чиқди.
—Тезлашинг. Хотинимни дарди бошланди...
Ботир югуриб чиқиб, машинадан Мунирани туширди
Докторлар тезда Мунирани ёнидан суяб ичкарига олиб кириб кетишди
—Муниса яхшимисиз?
Ботир кеч бўлганда Мунисага қўнғироқ қилди
—Тинчликми ака?
Муниса шошиб сўради
—Мунирани туғруқхонага олиб келдим. Кела оласизми? Ёнида ўзингиз турганингиз яхши эди.
—Хозир, Аббос акамдан сўрайчи..
Муниса телефонни ўчириб, Аббосни нўмерини терди.
—Уф ўчирилган...
Муниса асабийлашиб, Саодатни хонаси томон юрди.
—Ойижон, набирангизга қараб турсангиз, опамни туғруқхонага олиб кетишибди.
—Вой, соғ саломат қутилиб олсин.
Кеч бўлганда қандай борасиз?
Аббос, Шайдони қидириб чиқиб кетганича, халигача йўқ.
—Поччам ўзлари олиб кетади.
—Майли бораверинг, дадангиз билмай қўяверсин. Мен болани хабар олиб тураман ухлаяптими?
—Ха тонггача уйғонмайди. Уйғонгунча қайтаман худо хохласа.
—Юринг сизни секин чиқариб юбораман.
—Хозир телефон қилиб хабар берай. Кийиниб чиққунимча келади.
Муниса секингина хонасига кириб кийиниб чиқиб, туғруқхонага кетди


💫💫💫💫


Аббос туни билан тунги клубларни айланиб, уйидан узоқда жойлашган клубдан излаган инсонини топди
Секин бориб, бош диванлардан бирига ўтирди.
Ўтириши билан, икки ёнига икки қиз жойлашди.
—Янгимисиз?
Аббосни қулоғига шивирлади бири
—Ха янгиман. Биринчи келишим бу ерга.
—Майли, кунда келадиган бўлиб қоласиз, биз билан бир кеча бирга бўлсангиз.
Яна бири Аббосни юзида бармоғини айлантирди
—Ху анави қиз ким?
Аббос давра ўртасида, тинмай рақс тушаётган, Шайдони кўрсатди
—У хам ўзимиздан. Шу ерни қўғирчоғи десак хам бўлади.
—Сиз хам биласиза, кимни танлашни.
Ёнида ўтирган қиз, қўлидаги ичимликдан хўплаб, кулиб қўйди
—Нега?
Аббос, хайрон қаради
—Биз пуллик, у эса пул олмайди.
Хамма билан хам тунни ўтказмайди, ўзига ёққани билан бирга бўлади холос.
Қизлар кулишди.
—Менга ўша қизни гаплашиб, ичкарига олиб кириб берасизлар, хаққини сизларга бераман.
—Вааввв, зўрку. Хизмат қилмай пул ишлаш. Келишдик, ўзингиз кўндириб оласиз, биз фақат ичкарига киритиб берамиз.
Қизлардан бири шундай деди.
—Жон дейди, шундай келишган йигитга.
Ичкилик ичиб ўтирган қиз, Аббосни кўйлагини тугмасига қўлини югуртирди
—Қани мени ичкарига кузатиб қўйинглар, кейин ўша қизни олиб кирасизлар.
Аббос ўрнидан турди.
Икки қиз икки ёнидан қучоқлаб, Аббосни хонага олиб киришди.
—Бир кеча мен билан бўлишга қарзсиз. Менга ёқиб қолдингиз.
Ёнидаги қиз, Аббосни юзидан ўпиб олди.
Аббосни кўнгли бехузур бўлиб, ичкарига кириб юзини ювиб эшикка орқасини қилиб ўтирди.

📚 Ibratli Hikoyalar 📚

#У‌ткинчи_дунё


#No_212


#муаллиф_Қосимова_Нодира


Эшик очилиб, қадамлар товуши яқинлашгани сари, Аббосни қўллари махкамроқ муштланар эди. Кўзлари қизариб, бўйин томирлари бўртиб чиқиб турарди.
—Фақат шу сафарга рози бўлдим, дугоналарим илтимос қилгани учун.
Шайдо, хонага кириб чироқни ёқишни хохламади. Спални олдидаги лампа чироғи хонани ғира-шира ёритиб турарди.
—Ўтираверасизми?
Шайдо устидаги тугмали, кўфтичкасини ечиб, Аббосга ирғитди.
Аббос бошига келиб тушган кийимни махкам сиқди.
—Тезроқ ишни бошлайлик, мен уйга кетишим керак. Агар ёқиб қолсангиз, яна такрорланиши мумкин бу тун.
Шайдо, Аббосни ортидан келиб қучди.
Аббос индамай эшик олдига борди.
—Нима энди ўзим ўргатишим керакми сизга?
Шайдо яна ортидан бориб, белидан силади.
—Нархингни қанчага бахоладинг?
Аббосни овозини эшитган Шайдо сакраб тушди.
Аббос чироқни ёқди, хона ёп ёруқ бўлиб кетди.
—Ха қўрқиб кетдингми?
Қани ишни бошлайлик, балки ёқиб қоларман.
Аббос, ўгирилиб қаради
—Ака, акажон хаммасини тушунтириб бераман, бу англашилмовчилик.
Шайдо, битта майкада қолгани учун, қўллари билан баданини беркитди.
—Нимасини тушунтириб берасан фохиша..
Аббос Шайдони юзига тарсаки тушурди. Шайдо тарсаки зарбидан учиб тушди.
—Сенга нима етмади?
Аббос, Шайдони сочидан сиқимлаб ушлади.
—Оғрияпти.. қўйиб юборинг ака..
Шайдо йиғлаб гапирди
—Ха сочингиздан ушласам оғрийди, бошқа нарсага омримайдими?
Аббос, Шайдони сочидан ғижимлаганча ўрнидан тургизди. Шайдо оғриқдан тинмай йиғларди.
—Шарманда қилдинг, шахарда бизни ер билан яксон қилдинг.
Баданини пуллаган фохиша, жаханнамда куйиб ёнасан хали сен.
Мана буни кийиб ол, манабу жирканч баданингни беркит.
Аббос, куч билан итариб юборди.
—Акажон мени уйга олиб борманг, дадам ўлдиради.
Кечиринг, бир марта имкон беринг.
Шайдо Аббосни оёғига ёпишиб йиғлади.
—Олиб бориб қўлига топшираман, ўзини берган тарбиясини кўриб қўйсин.
Аббос, Шайдони қўлидан тортиб олиб чиқиб кетди.
—Вой, бўлдими?
Ташқарида икки қиз турарди.
—Ха бўлди, бу қизни хизмати қанча эди. Қанча беришим керак, шунга тўясизларми?
Аббос чўнтагидан бир даста пул чиқариб, қизларни юзига отди
Шайдо тинмай йиғларди.
—Қўйиб юборинг дугонамизни.
Яна бошқалари кутиб турибди, бу қизни бўшашини..
Қизлардан бири, Аббосни қўлидан ушлаб тўхтатиб қолди.
—Бир кунда нечтасига хизмат кўрсатасиз?
Аббос Шайдога нафрат билан қаради.
Шайдо бошини эгди.



💫💫💫💫


—Табриклайман почча, полвондек ўғиллик бўлдингиз..
Муниса югуриб чиқиб, суюнчилик хабарни берди
—Машаоллоҳ. Яна ўғиллик бўлдимми?
Ботир хурсандчиликдан кўзи ёшланди
—Опам сизни чақиряпти.
—Ххозирр..
Ботир хаяжонланиб ичкарига кириб кетди.
—Қийналмадингми маликам?
Ботир Мунирани пешонасига лаб босди.
—Йўқ, қийналмадим. Сизда гапим бор.
Мунира Ботирни қўлидан тутди.
—Гапир бирор нима керакми?
—Мен шу болани Назо опамга бермоқчиман...
Мунира, устида ётган чақалоқга қараб гапирди
—Нима?
Ботир кутилмаган хабардан гангираб қолди

📚 Ibratli Hikoyalar 📚

#У‌ткинчи_дунё


#No_213


#муаллиф_Қосимова_Нодира


—Ахир қандай?
—Аёл қалбини аёл тушунади, уни хам она бўлишга, бола қучоқлашга хаққи бор.
—Қандай бўларкан?
—Менга опамни чақириб беринг. Болаларни энагасига ташлаб келсин.
—Рахмат сенга, мени айбим билан фарзандсиз бўлишди.
—Ўзингизни қийнаманг, хамма хам хато қилади. Мухими хатойингизни тушундингиз.
Мунира синиқ жилмайди.


💫💫💫💫


—Ассалому алайкум ойижон.
Муниса Латофатга қўнғироқ қилди.
—Ваалайкум ассалом, қизим тинчликми кечасида қўнғироқ қиляпсан?
Латофат соатга қаради.
—Ойижон, яна бир бор бувижон бўлдингиз, биринчи табриклай деб қўнғироқ қилдим
Муниса кўз ёшлари билан гапирди
—Вой, Машааллоҳ.
Латофат ўрнидан туриб кетди.
—Хозир келаман деманг, тонгда келаверасиз.
—Хўп, хўп. Албатта борамиз.
Латофат хаяжонланиб телефонни ўчирди.


💫💫💫💫


—Акажон, бир марта кечиринг. Дадам мендан воз кечади бу ахволимни кўрса..
Эшик олдига етганда, Шайдо Аббосни қўлига осилиб йиғлади.
—Мен сендан кечдим, менга сендек сингилни боридан йўғи яхши, дадамни ўзи билади сени нима қилишини.
Аббос махкам қўлидан сиққанча, уй ичига олиб кириб, тўғри дадасини хонасига кириб, оёқлари остига ташлади
—Эркалаб, еру кўкка кўтариб катта қилган қизингиз.
Ахволини кўриб қўйинг.
Аббос жахл билан, Камолга қаради.
Камол нафрат тўла нигоҳи билан, Шайдога қараб турарди.
—Дадажон мени бу уйдан чиқариб юбориш учун, тухмат қилишяпти.
Шайдо шошиб туриб Камолни қучмоқчи бўлди
—Яқинлашма менга...
Камол Шайдони юзига тарсаки туширди.
Онангга ўхшаб енгилтак бўлдингми?
—Бас қилинг дадаси..
Саодатни ранги оқариб, Шайдо билан Аббосга қаради.
Шайдо йиғлаганча хеч нимани тушунмай, Саодатга қараб турарди.
Аббосни кўзи хам Саодатда эди.
—Фохиша, қонинг бузилган эдида ўзи. Барибир ўхшадинг, ўхшамасин деб сени еру кўкка кўтариб, еганинг олдингда емаганинг кетингда бўлишига харакат қилдим.
Пулга зўриқиб кўчага чиқиб, шу йўлни тутмасин деб сумкангни дафтар ручкага эмас, пулга тўлдирдим.
Шуми рахматинг?
Камол, Шайдога энгашиб гапириб, бақирди.

📚 Ibratli Hikoyalar 📚