Тафаккур машқи ....

Мантиқий савол ....

Оғзида бирорта ҳам тиши бўлмаган одам тиш оғриғини қачон сезади ????

🤔🤔🤔

📚 Ibratli Hikoyalar 📚

Заковат

Эр аёлининг ғашига тегмоқчи бўлиб:
— Нима учун Аллоҳ таоло аёлларни гўзал қилиб яратган?! - дея сўради.
— Чунки сиз эркаклар уни севишинглар учун! - жавоб берди аёли.
Эр яна қитмирлик қилиб:
— Нима учун Аллоҳ таоло аёлнинг ақлини ноқис қилиб яратган?! - деди.
Аёл эса пинагини бузмай:
— Чунки у сиз эркакларни севиши учун! - дея жавоб қайтарди.

©интернет

📚 Ibratli Hikoyalar 📚

​​#СУБҲИДАМ

-65-

- Айтиб кўринг-чи ?!

- Нимани?!

- Яхшимисан деб ?!

- Тушунмадим , нимага ?! Ҳа майли . Яхшимисан ?!

- Ўзинг- чи ? - Суюма бир зум пауза сақлади ва қўшимча қилди , - демайман , почча ...

Икковларининг юзларига табассум югургандек бўлди .

- Суюма , битта гап айтаман . Хафа бўлиш йўқ ...

- Қани?

- Шу манга ҳалол ўйинчилар ёқади- да . Бу деганим мендан сенсирашни илтимос қилган одам...

- Давом этаверинг , почча ...

- Уффф , мени энди... энди почча демасангиз , шуу ...

Суюма бирдан жим бўлиб қолди , кейин узр сўрашга ўтди :

- Узр , почча . Тилим шунга ўрганиб қолган- да . Аста - секин ... Тўғрисини айтсам исмингиз бирам узун. Айтиб бўлгунимча бир ухлаб тураман...

- Суюма , сизни , э сени шунақа хазилкаш деб ўйламаган эканман. Гапга жуда уста эканлигингни бугун билибман.

- Ҳар доим эмас. Шунчаки ҳозир кайфият шунга тортиб қолди- да.

- Айтганча , Суюма , ярим кечада бу ерда нима қилиб юрибсан ...

- Тўғрисини айтайми , ёки ёлғонлайми ?!

- Тўғрисини айт ...

- Майли , тўғриси сизни хафа қилиши мумкин бўлсаям айтганим бўлсин. "Шум бола" киносида айтади- ю , ооозгина айбим бор деб ...

- Нима ?!! Айбим бор , қўрқитма эй!

- Битта қўрқитаман ...( Суюма кўзини қисди ва давом этди ) Хуллас , Робия уйимизга борган хафталардан бошлаб... Ойижонимни гапларига кириб ... Ўзимга боғлиқ бўлмаган ҳолда ...

- Суюма бунча сабаблари кўп, айбинг нима , ҳақиқатдан қўрқишни бошладим...

- Уффф, хуллас ярим кечаси овқат ейдиган одатим бор . Ойижоним болага қарашга куч керак дердилар ва хонамга у , бу егулик қўйиб қўярдилар . Ҳақиқатдаям ўша вақтлар роса чарчадим ва қорним ҳам очиб кетарди. Ҳозир Робия унақа чарчатмайди , аммо одатимни йўқотолмаяпман. Шунга ошхонага егулик қидириб чиққанидим .

- Овқатландингми ?!

- Йўўўқ...

- Нега ? Музлатгич тўла нарса турибди- ку ...

Суюма жилмайди :

- Э буни айтмасангиз ҳам биламан. Кундуз куни "запись" қилиб ҳам олганман . Аммооо ...

- Муаммо нимада унда ?!

- Муаммо шунда-ки , мен ошхонани чироғи қаердан ёқилишини топа олмадим ...

Абдумажид кулиб юборди . Суюма унга дарҳол танбеҳ беришга шошилди :

- Тшш, Робиш уйғониб кетса ... муаммонинг глобалига дуч келасиз ...

Абдумажид ўрнидан турди:

- Кетдик , Суюма . Сенга шерик бўлсам қаршилик қилмасанми ?

- Ха, барибир йўқ дея олмайман . Чироқни ёқиб беришингиз керак- ку , почча ...

- Яна почча дейди- я ?!...

- Ўзингиз айтинг, нима деб чақиришимни , айтишга осонроқ бўлсин ...

Абдумажид ўйланган бўлди :
- Ҳазрати олийлари деяқол ...

Суюма ҳозиржавоблик билан дарҳол таклифини билдиришга шошилди:

- Султон Сулаймон десам- чи ?!

Икковлари беихтиёр кулиб юборишди ...

Дил тўла армон ...
Лабда табассум ...

Абдумажиднинг ҳам , Суюманинг ҳам тақдири бир- бирлариникига шунчалар ўхшаш эдики ...
Икковлари ҳам камдан- кам инсонга насиб этилмиш чин муҳаббат соҳиби бўлишган, севишган, севилишган ва муҳаббатларидан бир умрга ... жудо бўлишган эди ... Икковлари ҳам кўнгиллари мажруҳ инсонга айланган эдилар ...

* * *

- Вооой , ухлаб қолибман .
Суюма тонг отиб кетганда кўзларини очди- ю , шоша - пиша отланиб ҳовлига югурди . У эшикни очиши билан ҳайратдан донг қотди ... Кўзларига ишонмади. Сабаби ...

давоми бор ...

Муаллиф: Хазонрезги

https://t.me/ibratli_xayotiy_xikoyalar

📚 Ibratli Hikoyalar 📚

АССАЛОМУ АЛАЙКУМ

Ҳаммага , тоға хола аммага .
Тонгда туриб ибодатга шошган , сўнг даласига чопган , сигир соғиб , нон ёпган , ҳаловатни меҳнатдан топган оналариму , опаларимга Ассалому алайкум .

Тонг қоронғусида сув сепиб ҳовли супурган , ғира шира қоронғуликда дараозада уйқусираб турган ёрига жилмайиб қўшнини дарвозасини олдигача тозалаб қўйган янгигина келинчак ,

Чақалоғи уйғонмаси ишларимга улгурай деб рўмолини қийшиқ ёпиниб ошхонага куймаланаётган жувон ,
сахарлаб боласини кўтариб чиқиб яшил майдончадаги болалар арғимчоғида учиб ўтирган келин ,
бомдод номозидан қайтаётган боболар , чиқинди пакетини саланглатиб чопиб кетаётган болакай , қишлоқда ташқари сўридаги қатооор солинган жойларини йиғаётган сочлари жамалак қиз , бир нарсадан қуруқ қолгандай эрталабдан уйғониб олиб бешикни ичида ғув ғув қилиб овоз берииб ётган чақалоқ , келини ишларини қилиб олгунича неварасига қарашга шошган , жойнамоздан туриб келиб бешик тебратган қайнонажонлар .... хуллас ҳамма ҳаммага Ассалому алайкум ....

Болалигимдан бирга катта бўлган дугонам бор . Шу билан аразлашиб қолсак ,
Бир биримизга
,, сани уйимизга қўймайман , борсанг киритмайман , бирга ўйнамайман , акамни тўйига қўймайман , опамни тўйига бормайсан ,, - деярдик ...🤔

Бугун англадим дугонажон , ҳаёт шундоғам бизни бирга ўйнатиб қўймас эканку 😔
Шундоғам бир биримизникига боролмай қолар эканмизку ,
Шундоғам бир биримизни уйимизга киролмай қоларканмизку 😔
Тўйларимизга киритмаслик эмас , қўй сўйиб чорласак ҳам боролмай қоларканмизку дугонажон..... 😔🤔
Бугун сани жудаям соғиндим ....😊❤️

Қадрига етинг бир бирингизни азизларим .
Шитоб билан илгарилаб кетаётган замонда меҳр олиб меҳр кўргизишга улгуриб қолиш керак ....

Кунингиз хайрли ўтсин , Ҳар доимгидек ШАХЗОДАнгиз сиз билан бирга 😘 .

📚 Ibratli Hikoyalar 📚

Асл муҳаббат меҳрда шундайми ....

Муҳаббат қандай намоён бўлади ўзи ....

..... Онаси , тур дори ичиб ухлагин .
Тишинг ёмон оғрияптими , уйқунгда безовта бўлаяпсанда .
---- Мана дори , билан сув ичиб ол .

Тиш оғриғим ҳам эсимдан чиқиб кетди ....

Ман учун шу севги , асл муҳаббат шу  ..... 👍😊

📚 Ibratli Hikoyalar 📚

Жим..

Баъзан кўз олдингда урчийди жанжал,
Нигоҳлар аямай нигоҳинг янчар,
Юрагингга секин суқилар ханжар,
Ранжийсан ва лекин яшайсанда жим.

Юрасан амаллаб ўзингни босиб,
Кўнглингга қўярлар болтани осиб,
Инжа туйғуларинг кетарлар озиб,
Лекин иложсизсан, яшайсанда жим.

Арқонни чирт этиб уза олмайсан
Ўзингга бошқа уй туза олмайсан,
Дардларинг бировга ёза олмайсан,
Ранжийсан валекин яшайсанда жим.

Умид бор, шу музлар эрийди ахир,
Аччиқ нигоҳ сўзлар чирийди тахир,
Кимлардир деса ҳам чидама, бақир,
Бир ёруғ кунларни кутиб азизим,
Яшаяпман жим...

GuliiNigorrr

🌱 Яхшиликнинг ҳеч бирини кичик санаманг, ҳатто кимнидир очиқ чеҳра билан кутиб олиш бўлса ҳам.

🌱 BintuSodiq

📚 Ibratli Hikoyalar 📚

👆👆👆👆👆
Қиссанинг аввалги қисмлари

#СУБҲИДАМ
(давоми)
-66-

Абдумажид узун резина ичакни улаганча ҳовлига берилиб сув сепар , ҳаммаёқ орасталикдан ярақ- ярақ қиларди.

- Ассалому алайкум , -Суюма ҳижолатли ер чизди , - узр ухлаб қолибман ...

- Ваалейкум ассалом , бунинг учун узр сўрашга ҳожат йўқ .

- Қўшнилар нима деб ўйлади экан- а ?! Янги келин роса боқибеғам экан дейишгандир.

- Билмадим ,- деди ҳотиржам Абдумажид ,- уларнинг хаёлларига кириб чиқа олмайман- ку .
У Суюманинг бўшашиб қолганини кўриб таскин оҳанггида сўз қотди :

- Э қўябер, улар сени ёш боланг борлигини билишади.

Суюма жилмайди :

- Мен чой тайёрлай бўлмаса ...

Суюма ошхонага кирганда столни усти нонушта учун безатилиб тайёр қилиб қўйилганлигига кўзи тушди .
Хатто термосга чой ҳам дамланиб қўйилибди .
Суюма энди ростманасига уялди . У бир зум дастурҳонга тикилиб турди- ю , индамай Робия ухлаб ётган хонага кириб кетди .

- Чойга чиқасизлармииии ?

Абдумажид ошхонадан туриб Суюма ва болаларни чақирганида , ичкаридан "Ҳозииир" деган овоз келди .

Кўп ўтмай остонада Шаҳзод кўринди . У чопқиллаб келиб Абдумажиднинг бўйнига осилди:
- Ассалому алайкум , адажон . Яхши ётиб турдингизми ?!

Шаҳзод шундай дея туриб адасининг икки юзидан чўлпиллатиб ўпиб олди .

Абдумажид учун бу кутилмаган ҳол эди . У анчадан буён бундай ўзи нима деб аташни билмаётган қайноқ туйғуни туймаган эди. Кўп ўтмай, остонада Робияни кўтариб олган Суюма кўринди . У Робияни шунақа чиройли кийинтириб - тарантириб қўйган эдики , кўрган одам беихтиёр "Вуй бу қизнинг асаллигини" деб юбориши тайин эди . Суюма Робияга оч пушти кўйлак кийдирган, қўнғироқ сочларига рангли тасмалардан бантикчалар тақиб ташлаган эди.
Робия ҳам келиши билан адасига интилди :

- Аййяя...

Абдумажиднинг юзларига табассум ёйилди. Маҳзун кўзларига нур ингани сезилди . У Робияни қўлига олар экан :
- Робия қизим , яхши ухлаб турдими ? Энди ман наннасини еб оладими?! - дея айланиб- ўргилиб эркалар эди .
Нонуштадан кейин Абдумажидни қандайдир хаёлчанг кўрган Суюма аста сўради :

- Тинчликми , безовта кўринасиз ?!

- Тинчлик ... Шу ишга борсаммикан ё бугун ҳам уйда қолсаммикан деб ўйлаяпман.

Суюма ҳам унга қўшилиб ўйлашган бўлди :

- Агар бормаслигингиз мумкин бўлса , унда уйда қолинг... Болалар ҳурсанд бўлишарди ...

Аслида Абдумажидга ҳам шу керак эди . У уйда қолишга Суюмадан ҳижолат тортаётган эди, аммо унинг "сўзига кириб ноилож" кўнган бўлди .
Абдумажид фарзандлари даврасида кечгача яйради . У айниқса Робия ўзи билан чиқишиб қолганидан ҳурсанд бўлар , уни "ўзимни асал қизим" дея эркалашдан бўшамас эди .
Абдумажид ертўладан Шаҳзод болалигида учган арғимчоғини атай топиб чиқди . Уни ҳовлидаги ўрик шоҳига ўрнатиб , Робияни учира бошлаганида қизалоғининг қанчалик ҳурсанд бўлганлигини кўриб ўзи ҳам баравар қувончни ҳис қилар эди. Абдумажид анчадан бери "оталик бахти" деб аталмиш бу туйғуни ҳис қилмаган эди...

* * *
Орадан бир хафта ўтиб Суюма ишга кетаётган Абдумажидга ийманиб савол ташлади :

- Мабодо, бугун бизни уйимизга бир кириб ўтолмайсизми ?!

- Тинчликми , Суюма ?!

Суюма унга нима дейишни, кўнглидагини қандай тушунтиришни билмай каловланди:

- Шу десангиз ...

- Эшитаман...

- Биласизми , мени узатиб келишганларида ... Хуллас , фақат ялтир- юлтир кийим кечакларни олиб келишган экан. Очиғи шу иссиқда бу кийимлар жуда жонимдан тўйдирди . Шунга уйда қолган оддий кийимларим ва тикув машинамни олиб келиб берасизми девдим ... Ойижонимларга қўнғироқ қилиб қўярдим ... Хўп десангиз ...

- Суюма кийим тикасанми ?! Демоқчиманки , тикувчиликдан хабаринг борми ?!

- Йўғей унчалик профессионаллик даражасидамас . Шунчаки ҳаваскорман . Кейин анчадан бери тикмай ҳам қўйгандим . Уйда зерикканда бир эрмак қилсам деган эдим- да ...

Абдумажид ўйланиб қолди , кейин Суюмага қатъият билан сўз қотди :

- Суюма отлан , болаларниям кийинтир ...

- Қаерга ?! Ишингиз-чи ?!

- У ерда ўзим хўжайинман- ку , биласан хўжайинлар ишга бормаса , ишхона юмушлари

ХазонРезги

Қизларни гумбурлаганига уйлан😂

📚 Ibratli Hikoyalar 📚

Барчага яхши кайфият 😅

#СУБҲИДАМ
-67-

юзасидан юрган бўладилар .

Абдумажид "хўп" деб ичкарига кириб кетаётган Суюмани тўхтатди :
- Ха айтганча, Суюма. Ичкаридаги жавонда Райҳон опангдан ... қолган анча кийим бор эди . Сенга сиғиши керак эди, - Абдумажиднинг овозида ўзгариш сезилди .
Суюманинг ҳам юзига маҳзунлик соя сола бошлаган эди :

- Уларни кия олмайман ...

- Кечир , Суюма . Кийгин келмаса , ўзинг биласан ...

- Уларни кийгим келмагани учун киймоқчимасман . У кийимлардан опамнинг ҳидлари келиб турибди . Мен уларни кийсам , ювсам ... уларнинг ифорлари кетиб қолади. Шунга ... Мен бу уйга келганимдан буён ҳар куни бу кийимларни бағримга босиб опамни...
Суюманинг кўзларида ёш ғилтиллай бошлади .
Абдумажиднинг ҳам аҳволи уникидан кам эмас эди ...
Абдумажид ҳам худди Суюма каби Райҳонни соғинганида ўзининг шундай иш тутишини эслади. У "Бу таклифни қайдан ҳам этдим" деб ўз - ўзидан норози бўлди .
Аммо Суюма ичкарига киргач "Бекорга Абдумажид акани кайфиятинини буздим , яхшиси ҳозир ёнига чиққанимизда кўнглидан чиқариб юбориш керак. Ахир бўлиб ўтган ишларда уни заррача айби йўқ- ку" деган тўхтамга келган эди.
Суюма тезда болалар билан бирга отланиб , тайёр бўлиб чиқди.

Абдумажид уларни олиб йўлга тушди .
Суюма Абдумажид бизни уйига олиб кетаяпти деб ўйлаганди . Аммо машинада шаҳарнинг қоқ марказига қараб йўл олганлигини кўриб , ҳайрон бўлди, аммо савол беришдан ўзини тийди .
У Абдумажиднинг машинасини ойнаванд магазин биносининг ёнида тўхтатганида алланималарни тушунгандек бўлди . Магазин ҳашаматига кўра нархлари баланд эканлигидан дарак бериб турар эди.
Абдумажид уларни магазиннинг аёллар кийим- кечаклари билан савдо қиладиган бўлмасига етаклаб борганда , Суюманинг кўнглидан "шу ерга келиш шартмиди" деган ўй кечди.
Абдумажид сотувчи аёл билан енгил саломлашган бўлди-ю ю, унга Суюмани кўрсатиб енгил, уйга кийишга мўлжалланган кийим танлаб беришини сўради . Аёл "хўп" деб бош ирғади- ю , Суюмани ўлчамини сўраб олгач , уни ёнига айтилган типдаги кийимларни бир уюм қилиб тўлдириб ташлади .
Суюма бу кийимларни нархи яхшигина пул туришини билганлиги учун танлашга ҳам иккиланиб туриб қолди. У Абдумажиднинг ўзи учун ҳаражат қилаётганидан ва буни ўзи сўраб олгандек бўлиб қолганлиги учун қаттиқ ҳижолатга тушган эди.
Абдумажид Суюмадаги ушбу ҳолни сезди чоғи , ўзи чаққон ишга киришди . Орадан кўп ўтмай Суюманинг шунча кийим керак эмас деб билдирган эътирози инобатга олинмасидан , бир дунё кийим-кечак харид қилиниб машинага жойланди . Кейин болалар бўлимидан Шаҳзод ва Робия учун ҳам харидлар қилинди.
Суюманинг "Ўзингиз учун-чи , бирор нарса олмайсизми ?" деган саволига Абдумажид бир жилмайди - ю, қўйди.
Улар қайта машинага ўтирганларида Абдумажид "Энди сизларни бир меҳмон қилай" деди- ю , шинам емакхонага олиб борди .
Улар борган жойларида болалар ўйнашлари учун ажойиб бурчак қилинган экан. Дам олиш куни бўлмаганлиги учун , жойлар бўш, емакхонада икки - уч стол банд қилинган , аммо ёш болалардан Шаҳзод билан Робиядан бошқа ҳеч ким йўқ эди . Шаҳзод Робиянинг қўлини ушлаганча дарров ўйинчоқлар уйиб ташланган жойга югурди. Абдумажид билан Суюма эса уларга яқин жойдаги столни банд қилдилар .
- Болалар ҳам анчадан бери уйдан чиқишмаган эди ,- деди Суюма таом буюртма қилаётган Абдумажидга қараб .

Абдумажид Суюмага ҳайриҳоҳ боқди :

- Ҳа , ўзи бир ёки икки хафтада мана шундай сайрга чиқиб турсак бўларкан , нима дейсан , Суюма?!

- Билиб туриб сўраманг ?! Албатта жон деймиз ?! Мумкин бўлса кейинги сафар ҳайвонот боғига олиб борсангиз . Болалар, айниқса Робияни жонли ҳайвонларни кўрган вақтидаги юз ифодасини бир кўрсам девдим .

- О, зўр фикр ?! Бугун олиб борардим- у, энди кун исиб кетди .

- Ҳа тўғри айтасиз, энди кеч .

- Суюма бир нарсани сўрасам майлими ?!

- Нимани?

- Мени ким деб чақиришни ҳал қилмадингми мабодо ?!

- Султон Сулаймон !

- Йўғей , бу жуда баландпарвоз бўлиб кетади ...

- Хазиллашдим ... Менимча Абдумажид ака дейман , шуниси маъқул , шунга нима дейсиз ?!

- Майли айтишга

ХазонРезги

Сиз яхшилик қилаверинг, Меҳр кўрсатаверинг. Билишмайди, қадрлашмайди деб куюнманг. Билгувчи, ҳар нарсани кўргувчи Зот бор. У, сиз барча яқинларингизга бераётган Мехрингизни, ҳаммасини бошқа бир инсон томонидан қайтаради. Ҳаммасини қайтаради. Шундай қайтаридики, яна яхшилик қилгингиз келаверади. Яхшилик улашаверинг чунки уни албатта ортиғи билан қайтиб оласиз

©интернет

Аллоҳим! Умримизга, вақтимизга ва ризқимизга барака бер. Бизни вақтини беҳуда совурадиганлардан эмас, Сен рози бўладиган гўзал ишлар билан машғул бўладиган тавфиқли бандаларингдан қилгин.

@BintuSodiq

📚 Ibratli Hikoyalar 📚