#СУБҲИДАМ
-73-

* * *

Бу сафарги танлов натижасини Абдумажид ҳам , Суюма ҳам муштоқлик билан кутишарди. Орада Шаҳзод биринчи синфга чиқди . Суюманинг ишлари анча кўпайиб қолган эди . Шаҳзодга дарс қилдиришга алоҳида вақт ажратар , бу эса анчагина салмоқли эди . Танлов натижалари эса аввалгисидан кўра анча кечикди.

- Ўтмаганим рост . Шунинг учун овора бўлиб хабар ҳам жўнатиб ўтиришмаган ...

Суюманинг бу сўзларига Абдумажид эътироз билдирган бўлса- да , аммо ўзинг юрагини ҳам шубҳа-ю гумонлар эза бошлаган эди.
Абдумажид ҳам , Суюма ҳам танловдан умидларини узишган бир вақтда , сентябрь ойининг йигирманчи числосида фирманинг электрон почтасига бир мактуб келиб тушди .

Абдумажид уни ўқиш учун очганида кўзларига ишонмади :

Суюма финал босқичига йўлланма олган эди !

Танлов маъмурияти сафарнинг барча ҳаражатларини ўз бўйнига олган , Молдавияга бориш учун икки кишилик йўл ҳаққи ҳам шунинг ичида эди.
Танловнинг финал боқичи роппа-роса бир ойдан кейин - йигирманчи октябрда ўтказилиши маълум қилиниб , финалда қатнашиш шарти ҳам ёзиб юборилган эди.
Шарт эса ... жуда оддий эди : миллий услуб уйғунлигидаги либос- эркин мавзу.
Абдумажид иши юзасидан бу каби танловларга кўп қатнашган , турли давлатларда бўлган , у ердаги танловларда нуфузли ўринларни эгаллаган бўлса ҳам бу сафар ўзгача ҳаяжонланди.
Абдумажид бу гал барча ижодни Суюманинг ўзига ҳавола қилди :

- Ўзинг образ ярат , бу энди сенинг танловинг , - деди у Суюманинг ёрдам сўраб қилган мурожаатига.

Суюма Абдумажидга кўзларини катта- катта очиб қаради , нималарнидир англагандек бўлди , кейин шаҳдам қадамлар билан ижодхонага кириб кетди .

* * *
Хаш- паш дегунча , уч ҳафта ҳам ўтиб кетди .
Абдумажид ва Суюма Шаҳзод ва Робияни олиб йўлга тушдилар .
Улар самолётда аввал Россияга , сўнгра Молдавияга етиб боришлари учун кўп вақт сарфлаганлари йўқ эди .
Танлов мутасаддилари уларни аэропортда хуш тавозъе билан кутиб олдилар. Улар аввалдан тайёрлаб қўйилган меҳмонхонага жойлаштирилдилар. Меҳмонларга бир кун ҳордиқ чиқариб олишлари учун барча шароитларни муҳайё қилиб берилди . Эртаси куни шаҳарнинг диққатга сазовор жойларига экскурция уюштирилди . Абдумажид , Суюма , Шаҳзод ва Робиялар дилдан яйрашди. Молдавиянинг пойтахти Кишинев шаҳри бу пайтда жуда сокин табиатда эди ... Ҳали Тошкентда иссиқнинг тафти қайтмаган бир вақтда бу ердаги ҳузурбахш енгил ҳаво кишининг руҳиятига ўзгача оромбахш кайфият бағишлаган эди...
Кечга томон меҳмонхонага қайтганларида, кун бўйи тинимлари бўлмаган болалар тезда уйқуга кетдилар ... Абдумажид билан Суюманинг кўзларидан уйқу қочган эди ... Улар эртанги ўтказилинадиган финал олдидан қаттиқ ҳаяжонга тушган эдилар ...
Танлов бошида иштирокчиларнинг умумий сони ўн беш минг нафардан ортиқ бўлган экан . Финалга саксон етти иштирокчи етиб келибди .
Ҳар бир иштирокчи тавсия қилган либос намойиши учун биттадан модель ажратилибди. Суюма ўзига ажратилган модель қизни рангпар чеҳрасига қараб ўйланиб қолди: " Йўўўқ , мени либосимдаги қиз образи бу қизга мутлақо тўғри келмайди"...

ХазонРезги

​​#СУБҲИДАМ
-74-

Суюма тавсия қилган либос тақдимоти ўттиз саккизинчи рақам остида иштирок этиши керак эди. Абдумажид Шаҳзод ва Робия билан залнинг олдинги ўринларида ўтирар эди . У кўзлари тўрт бўлиб, Суюма тақдим этган либосни кийиб чиқадиган модель қизни кута бошлади .
Ниҳоят танлов бошловчиси уч тил- инглиз , рус ва ўзбек тилида Суюманинг номини эълон қилди :

- Кутиб оламиз ! Қаршингизда ўттиз саккизинчи рақамли иштирокчи Суюма Нодирова ! Ўзбекистоооон ! У томонидан тайёрланган миллий либос номи - "Соғинч ифори" !

Залдагилар диққатларини саҳнага қаратдилар. Бирдан саҳнага улар учун ўзгача услубда бўлган мусиқа янгради .
Барча дамини ичига ютиб модель қиз саллона қадам ташлаб чиқиб келишини кута бошлади .

Аммо ... Мусиқа садолари остида бошига қўндирилган тиллақоши устидан ташлаб олинган рўмолининг бир учи билан юзини ярим тўсиб оҳиста қадамлар билан саҳнага Суюма чиқиб келди . У саҳна марказида тўхтади ва озгина силтанган ҳаракат билан ўзини ортга олди . Шу аснода ўша ҳолатдан залга қараб эгилди.Қўллари тезда кўксига бориб таъзим бажо айлади .
Таъзим аста рақс билан жой алмашди...

Тун кечалар кўкда ҳилол кулиб турар ,
Ҳилолмисан ? Ҳилолдайин кулмайсанми ?
Сен кулмасанг бошгинамга осмон қулар ,
Сени қандай эъзозлашим билмайсанми ? !
Сен ҳам мени соғинганда йиғлайсанми ?!
Сени қандай эъзозлашим билмайсанми ?!

Суюма саҳнада шу қадар гўзал ҳаракатлар билан "сузар" эди- ки , ўтирганларнинг барчаси ўзини унутган , бутун вужудлари кўриш , тинглаш ва... энг асосийси юракка айланиб қолган эди .

Балки бедор , балки ором олиб шу чоғ ,
Тортадирсан ором ичра бир ўтли оҳ ,
Кўргин бизни не куйларга солди фироқ ,
Тушларингда мени қучиб ухлайсанми ,
Сен ҳам мени соғинганда йиғлайсанми ,
Менсиз ҳатто дунёларга сиғмайсанми,
Сен ҳам мени соғинганда йиғлайсанми...

Суюма рақс тушмас эди . Суюма саҳнада яшаётган эди . У барини унутган эди ... У бу рақсга бундан икки йил аввал тушган эди . Аммо ундаги Суюма... ҳозирги Суюма эмас эди.

Ранжимагин севгинг менга азоб десам ,
Ҳижронингда нечун бўлдим ҳароб десам,
Яна мени ўз ҳолимга қайтар десам,
Кўксимга бош қўйиб баттар тиғлайсанми ?!
Сен ҳам мени соғинганда йиғлайсанми?!...

Суюма барча чегараларни вайрон қилиб юборган эди . У рақс тушар ва ...бутун залдагиларни сеҳрлаб эди .

Суюма бор изҳорини рақсида ифода этар эди ...

Сенсиз қалбим фарёдларга тўлиб борар ,
Жонсиз жисмим лаҳза сайин сўлиб борар,
Бу дард мени минг бўлакка бўлиб борар ,
Севсанг агар ҳолим сўраб келмайсанми...
Сен ҳам мени соғинганда йиғлайсанми ?!..

Суюма мусиқа билан бирга тўхтади ... Залда жимлик ҳукмрон эди . Бир пайт Суюманинг оёқлари остига бир даста гул учиб тушди . Шунда бошланди . Суюманинг ён - атрофи гул ва гулдасталарга кўмилиб кетган , барча ўрнидан туриб тинимсиз Суюмани олқишлар эди ...

"Санъат сарҳад билмайди" деганлари шу экан- да .

Инсонларнинг кўнглига етиб бориш учун кўп ҳолларда тил билиш шарт бўлмай қолиши мумкин экан ...
Биргина мусиқа , рақс , юз ифодаси орадаги минглаб тўсиқларни лаҳзада кунфаякун қилиб ташлаши мумкин экан ...

Суюма ҳамма уни қутлаётган ушбу лаҳзаларда одамлар орасидан кўзлари билан Абдумажидни излар эди ...
Абдумажид бу сафар чидай олмаган эди . У Суюмани бу аҳволда кўришни истамаган ягона инсон эди ... Шунинг учун у

давоми бор

ХазонРезги

#Воқеа

“КИШТ-КИШТ” ВОҚЕАСИ
Фазилатли бир аёл ушбу  воқеани сўзлаб берган эди:
– Тобим бўлмай шифохонага бордим. Кириш учун  рақамимни олдим ва навбатимни кута  бошладим. Бироздан сўнг ёшгина қиз келиб, навбат рақамини олиб ўтирди.
У чиройли кийинган ва ўзига анча оро берган эди. Эркаклар унга беихтиёр қарай бошлашди. Ичимда қандайдир овоз унга насиҳат қилишимга ундарди. Иккиланиб ўтирдим, кейин Аллоҳга таваккал қилиб, ёнига бориб ўриндиққа секин чўкдим. Салом бердим ва мулойимлик билан  танбеҳ бера бошладим. Аллоҳнинг амрига хилоф иш қилаётганини юмшоқлик ила тушунтирдим. Бироқ қиз гапларимни ёқтирмай овозини  баландлатиб, унинг ҳаётига аралашмаслигимни, қандай хоҳласа шундай кийинишини, унга ҳеч ким хўжайин эмаслигини, ҳали ёш экан, хоҳлаганича кийинишини айтиб, жеркиб берди.
Ўзи айтганидек, “бу унинг ҳаёти, истаган кийимини кияверсин”. Хафа бўлиб, жойимга қайтиб ўтирдим. Лекин ичимдаги бир овоз мени тинч қўймас эди: “Нима учун унга ўлим ва охират  ҳақида сўзламадим? Бу юриши унинг шахсий ҳаёти бўлса, ўлим ва охират шахсий ҳаёти эмас-ку!”
Яна унга табассум билан юзланиб, мурожаат  қилдим:
– Қизим, биргина саволимга жавоб берсангиз. Майлими  сўрасам?..
Қизнинг энсаси қотиб уф тортди ва менга чимирилиб қараб:
– Яна нимани сўрамоқчисиз, хола? Сўрасангиз сўранг! – деди жеркиб.
– Ёшман, ёшлигимда шунақа юриб қолишим керак деяпсиз. Лекин ўлим фариштаси ҳозир келиб қолса, унга нима деб  жавоб берган бўлардингиз?
Қиз сақич чайнай бошлаб, телефонидан бош кўтарди ва менга масхараомуз қаради. Унинг назарида мен панд-насиҳатлари билан ҳамманинг асабини эговлайдиган, рўдапо кийимдаги, замондан ортда қолган семиз кампир эдим, ўзи эса ақлли ва замонавий қиз эди гўё.
Ундан жавоб кутардим. Кошки у саволимга жавоб бермаганида эди! Ўшанда у шундай деди:
– Ўлим фариштаси дейсизми? – кулди қиз. – Кишт-кишт деб ҳайдаб юбораман.
Бу жавобни эшитиб, анг-танг ҳолда қолдим. Бироқ қиз билан гаплашиб ўтиришга вақт йўқ эди. Қиз саволимга жавоб берган аснода худди чақмоқ чаққандек шифохона экранида менинг навбат рақамим кўриниб, овоз жаранглади. Ўрнимдан туриб, шифокорнинг ҳузурига кирдим. Ҳолим касаллигимдан эмас, ҳалиги қизнинг айтган гапларидан оғирлашганди. Қандай қилиб бундай сўзларни айтди? Панд-насиҳатларим ёқмай, менга аччиқ қилиб оғзидан чиқиб кетдими? Бундай гапларни айтиш ўйин эмаслигини, наҳотки, у билмаса?!
Нафақат гапиришга,  балки бу ҳақда ўйлашга ҳам  қўрқардим...
Шифокор кўригидан  чиқдим ва кутилмаганда йўлакдаги ғала-ғовур ва югур-югурга гувоҳ бўлдим. Шифокор кўригига келган бир талай аёллар ва шу ерда ишлайдиган ҳамширалар кимнингдир бошига тўпланиб туришарди.
– Юраги урмаяпти... Тамом...
– Инна лиллаҳи ва инна илайҳи рожиъун... – деган гапларни эшитдим.
“Шифокор қабулига келган беморлардан бири вафот этибди-да”, деб яқинроқ бордим ва тўпланиб турганлар орасидан бош суқиб, ўриндиқда ётган одамга қарадим. Қарадиму, кимни кўрдим денг! Бу ўша  қиз эди. Соғлиги безовта қилиб, шифохонага келган эди-ю, шифокор кўригига киришга улгурмасдан жон таслим қилганди.
Мен ҳайратдан қотиб қолгандим. Нега боя бу қизни кўрганимда ичимда товуш пайдо бўлди? Унга мен баҳона тавба қилишга охирги имкон юборилган эди. Қиз эса бу имконни ўтказиб юборганди. Ўтказиб юбориш ҳам гапми, бу имкондан фойдаланмай тескари гапларни айтганди.
– Бирор гап айтдими? – сўрадим атрофимдагилардан.
– Йўқ, ҳеч нарса демади. Қўлидан телефони тушиб, бирдан ранги оқариб, кўзлари олайиб, шилқ этиб ёнига йиқилди, – дейишди менга.
Ўлим фариштаси келган эди. У эса “кишт-кишт” дейиш у ёқда турсин, бирор сўз ҳам айтолмаганди...
(Манба: интернет)

 

📚 Ibratli Hikoyalar 📚

#СУБҲИДАМ
-75-

болаларни олиб зални тарк этиб чиқиб кетган эди.
Суюма ҳеч қаерга сиғмай кетди. Бу бегона шаҳарда ўзини ёлғиз қолиб кетгандек ҳис қилди. Абдумажидсиз олган олқишлари , шаънига чалинган қарсаклар, залга йиғилган минглаб инсонларнинг эътирофи татимай кетди ...

Шунда Суюма битта нарсани тушуниб қолди ! ! !

У Фозилни қанчалар севса ..., Абдумажидни шунчалар ( ! ) қадрлар экан !

Суюма бу ёруғ оламда севги, муҳаббат , ишққа тенг бу туйғу нима эканлигини англай олмай энтикди ...
Билгани шу бўлди-ки , Абдумажид унинг учун ўрнини ҳеч ким боса олмайдиган ва ҳеч қачон кечиши мумкин бўлмаган инсон бўлиб улгурибди...

Суюма биргина юраги шу топда қоқ ўртасидан бўлиниб кетганлигини ҳис қилди. Унинг муҳаббат деб ном олган қисмида Фозил маҳзун жилмайиб кўринса, инсонийлик деб аталган қисмида Абдумажид ҳокисор кулимсирарди ...

Суюма саҳнадан тушгач , танлов маъмурияти ўн дақиқалик танаффус эълон қилди ва барчадан ўз жойларида ўтириб туришларини сўради . Бундай ҳолатни юзага келишида Суюма ва унинг рақси "айбдор" эди .
Зумда саҳнага тўртта махсус кийимлик йигитлар югуриб чиқишди. Улар саҳнада ва ерларда ёйилиб ётган гулдасталарни йиғиштиришга тушдилар , аммо бунга анча вақт кетишини ҳис қилиб яна қўшимча ёрдам кучи чақирдилар.
Суюма эса кийиниш ҳонасида ярим соатча бошини кафтлари орасига олиб сўзсиз ўтирди . Сўнгра бир қарорга келгандек бошини дадил кўтарди, оҳиста иншоотнинг орқа тарафдаги чиқиш эшигидан чиқиб кетди . У ўзлари жойлашган унча узоқ бўлмаган меҳмонхонага елдек учди . Суюма меҳмонхонанинг тегишли номерига кирганида Абдумажиднинг Робияни қўлида кўтариб олганча аллалаб ухлатаётганининг устидан чиқди.
Абдумажид ички сезги билан Суюманинг хонага кирганини сезди... Индамади ... Қўлида ухлаб қолган Робияни дивандаги ухлаётган Шаҳзоднинг ёнига авайлаб ётқазди ...
Абдумажид ҳамон ўзига сўзсиз тикилиб жавоб кутаётган Суюмага яқинлашди . Унга бақамти келиб дардли тикилди ...
Суюма ундан кўзларини олиб қочмади...
Абдумажид унинг сочларига қўл узатди , аммо тегинмади :

- Мени кечир ...
Кечира олсанг , кечир...

Абдумажиднинг овози шу қадар дардли ва ялинчоқ эдики, уни тинглаган одам бу овоз соҳибининг юраги парча- парча бўлиб кетганлигини фаҳмлаши қийин эмас эди...

Суюма унинг кўзларидан барини ўқиди ...

Суюма унга барча сирлари аён бўлиб қолганлигини тушунди ...

Суюма ўзини оқлаш учун ҳеч нима демади ...

Суюма Абдумажидни айбдор санамади ...

Суюма Абдумажид билан чексиз уммонда сузаётган бир қайиқдаги икки ҳамроҳга қиёс қилди ўзини ...
Икковларининг тақдирлари ёлғиз Аллоҳнинг измида бўлган ночор йўловчиларга ... Аммо бу йўловчилар саодатли ҳам эдилар , сабаби улар асл инсон эдилар , бир- бирларини қўллайдиган асл инсон...

Суюма шу топда Абдумажиддек инсон билан дунёга нур берган Аллоҳга чексиз шукр қилар эди ...

Улар шу куни танловга ўтказилаётган жойга қайтиб бормадилар ...

Танлов натижаси эртаси куни оқшомда эълон қилинадиган бўлди . Кечки соат ўн тўққизларда гала концерт бошланди. Дунёнинг турли бурчакларидан таклиф қилинган ўз ишининг моҳир ижрочи санъаткорлари иштирокидаги концерт йиғилганларга ўзгача кайфият бахш этди .
Концертнинг авж нуқтасида Халкаро кўрик- танлов ҳайъати раиси - Мишель Пабло ҳоним саҳнага кўтарилди .
У кўрик- танловнинг мақсад ва вазифалари ҳақида қисқача тўхталиб , финал босқичида қатнашган барча иштирокчилар учун алоҳида имтиёз берилиши , улар беш йил давомида ўзлари истаган давлатда тажриба алмашишлари мумкинлиги, яратган либослар тўплами ўттиздан ошиқ таниқли журналларда чоп этилиши ҳуқуқини қўлга киритганлиги каби имкониятларни эътироф этиб ўтди.

- Энди эса танловимизнинг сараланган кучли ўнталигини саҳнага таклиф қиламан,- деди Мишель хоним, - демак бошладик

Бутун залга жимлик чўкди

- Рани Рай - Ҳиндистон
- Алина Клименько - Украина
- Елена Захарова - Россия
-

- Суюма Нодирова - Узбекистан ..

Суюма ўз номи чиққанида даставвал ҳеч нарсага тушунмади... Атрофидагилар "Тур

ХазонРезги .

ФАХРЛИ ЎҒЛОНЛАР .

,, Пахтакор -- 79 ,, ўғлонларининг ёрқин хотирасига бағишланди .

##

Осмонда милтирар саноқсиз юлдузлар ,
Улар бугун кўпайиб қолдими ,
Наҳот ўзбекнинг мард ўғлонлари ,
Юлдузга айланиб қолдими .

Миллий ғурурини номи елкасида ,
,, Пахтакор ,, дея ҳайқириб эли ,
Мусофир юрт ўлкасида ,
Осмон қорайиб , ўртанди дили .

Кўкка парвоз айлаган руҳлар ,
Кутиб олсин уларни ҳурлар ,
Ўғлонларни эслаганда доим ,
Ёғилсин омондан беҳисоб нурлар .

ШАХЗОДА САТТОРОВА ✍ .

https://t.me/shahzodangizdan

📚 Ibratli Hikoyalar 📚

Бугун бу моҳир футбол ўйинчиларининг ҳалок бўлганига 47 йил бўлибди .
Аллоҳим рахматига олган бўлсин 🤲

📚 Ibratli Hikoyalar 📚

#хайрли_тонг

Дунёни борича қабул қилсангиз, шундагина яшаш осонроқ бўлади... Қўлингиздан келган нарсани ўзгартиринг. Ўзгартириш қўлингиздан келмайдиганлари учун эса, сабр қилинг...

Доимо яхши ниятда бўлинг, зеро ниятингизни гапирмасангиз-да эшитадиган Зот бор..!

Ассалому алайкум қадрдонлар! Бугунги кунингиз яхшиликларга бой бўлсин! 🥰

АССАЛОМУ АЛАЙКУМ

Қадрдонларим , ҳамма яхшими .
Эрталабги салқинда ишларимни қилиб олай деб елиб югуриб юрибсизми ....
Чарчаманг , омадингизни , соғлиғингизни берсин .
Фарзандлар роҳатини кўриб юриш ҳаммамизга насиб этсин .

Ҳар қанча муаммо , ҳар қанча ташвиш ўтади , бекорга айтмайдилаку
,, ойнинг ўн беши қоронғу , ўн беши ёруғ ,, деб .

ИнШаАллоҳ ҳамманинг ҳаётида фақат ёруғ кунлар бўлгай .
Аллоҳга бехисоб шукур .

Бекатда автобус кутиб турар эканман катта кўчадан светофорнинг тўхташ ишорасидаги қизил чироққа ҳам тўхтамай , огоҳлантирувчи сигналини қаттиқ ва тўхтовсиз чалганича иккита ўт ўчириш машиналари кетма кет зувиллаб ўтиб кетди .
Яқин атрофда осмонга қуюқ қора тутун ўрламоқда эди , ҳрйнаҳой ўша ерга шошилди бу машиналар ....
Фалокатлардан асрасин Аллоҳим , жонга зарар бермасин ....
Тинчлик бўлсин илоҳим .

Ўзингизни эҳтиёт қилинг , Ўзи асрайди сизни .
ШАХЗОДАнгиз 😘

📚 Ibratli Hikoyalar 📚

#СУБҲИДАМ
-76-

ўрнингдан, саҳнага кўтарил! " дея имо - ишора қилганларида ҳеч нарсага тушунмади, довдиради .
Суюма шунча одамлар орасидан Абдумажидни қадрдон овозини эшитди :

- Суюма , турақол энди... Бўлақол ...

Суюма Абдумажиднинг овозига бўйсунди , аста ўрнидан туриб саҳнага юра бошлади , аммо беш қадам юрмай нимадир уни тўхтатган бўлди , ортига ўгирилди ...

- Суюмааа, биз сен билан ...

Суюма Абдумажиднинг овозидан куч олгандек , масофанинг бу ёғини дадиллик билан босиб ўтди. У қолган иштирокчилар қаторидан жой олар экан , бошини баланд кўтариб саҳнадан залдагиларга қаради .

Мишель хоним ўн нафар иштирокчини қўллаб қарсак чалаётган мухлисларни қўли билан тўхтатди :

- Энди хаъкамлар ҳайъати томонидан кўйилган баллар асосида ўринларни эгаллаймиз .
Тўққизинчи ўрин соҳибаси Жазоирлик қатнашчимиз - Севда Камол ...

Суюманинг қулоқлари том битди ... Ўзини саҳнада эмасдек ҳис қилди. Кўзига шу ерга етиб келгунча бўлган воқеалар мардондек тизилиб тизилиб келди.
Суюма қаттиқ чалинган чапаклар зарбидан ўзига келганидек бўлди:

- Учинчи ўрин соҳибаси мафтункор Рани Рай...

Қарсаклар остида Ранига диплом ва сертификат топширилди

- Иккинчи ўрин соҳибаси - Селена Жолли - Америка Қўшма штатлари
Яна қарсаклар , яна эътирофлар ва табриклар...

Навбат биринчи ўринни эгаллаган иштирокчини эълон қилишга келди. Барча нафасини ичига ютди . Зал тўфон олдидан борлиққа чўкадиган сукунатга чўмгандек эди гўё... Бу сукунатни Мишель хонимнинг тантановор овози бузди :

- Биринчи ўрин соҳибаси Алина Клименько - Украина ...

Алина қарсаклар остида йиғилганларга таъзим бажо келтирди...

Суюма ҳам баланд бўйли , келишган бу қизни самимий қутлаб берилиб қарсак чалар экан ич- ичидан "Ҳақиқатда муносиб берилган баҳо" дея такрорлар эди .

Суюма Мишель ҳоним уни саҳнага чақириб , фамилиясини нима учундир айтмаганига ҳайрон бўлмас, ҳатто тадбир нашидасидан ўзини бу сафда нима учун турганлигини ҳам унутгандек бўлди.

Шу вақт Мишель хоним қўлидаги рўйҳатга бир кўз югуртириб , кеча Суюмани чиқишини ўзбек тилида эълон қилган йигитга гап ташлади . Йигит ўзбек эмас эди, афтидан у кавказликлардан эди , ўзбек тилини ҳам озроқ акцент билан гапирар эди . Йигит илдам келиб Мишель хонимни қўлидаги қоғозни олди ва залга мурожаат қилди :

- Мишель хоним бу иштирокчини ўрнини ўз тилида эълон қилишимни сўрадилар .
Залдагилар ўзбек тилига тушунмасликлари кафтдек аён эди , аммо у йигит овозидаги тантановорликни сусайтирмади :

- Бугунги кўрик- танловимизнинг мутлоқ ғолибаси , гран- при совриндориииии - Суюмаааа Нодироооовааааа ! ( охирги сўзлар эса бор овозда бақириб айтилди:) Ўзбекистоооооооооннн !!!

Минглаб инсонлар йигитнинг "Гран- при" деган сўзининг ўзиданоқ барча сўзга тушуниб бўлган эдилар .

Зал худди кечаги каби оёққа турди . Ҳамма тўхтамай қарсак чалар ва "Браво, брависсимо " дея олқиш ёғдирар эди .

ХазонРезги

ОНАМНИНГ ДУОСИ ....✍

Жисмим меҳнатдан толганида ,
Қаламим ҳам тебранмай қолганида ,
Дилимга махзунлик соя солганида ,
Онамнинг дуоси асрайди мени .

Олисларда умиднинг чироғи милтираб ,
Кўнглим соҳир ҳислардан титраб ,
Ўйловлар ишончим олганида ,
Онамнинг дуоси асрайди мени .

Ҳар нафас , ҳар лаҳза балки биргадир ,
Жигарлар бир бирига тиргакдир ,
Дўстдан ҳамдард излаб борганимда ,
Онамнинг дуоси асрайди мени .

Ҳаёт чархпалаги айланар тинмай ,
Хато қилдик билиб билмай ,
Биламан ҳар қадам қоқилганимда ,
Онамни дуоси асрайди мени .

ШАХЗОДА САТТОРОВА ✍

(Т)ўй

Бугун амаким ўғлини уйлантирди. Ҳамма хурсанд. Мен ҳам. Энг оҳорли кийимларимни кийдим. Сочларим фалон сўмга турма-
кланган. Эгнимда ҳам унча-мунча қизлар киймаган оқшом либоси. Ҳар-ҳар замонда оёғимдаги қиммат туфлимга қараб ҳаволаниб қўяман. Бу даврада энг гўзали ўзим! Энг сара кийимларни кийган малак!..
Стол остига разм солар эканман, э-эски оёқ кийимига кўзим тушди. Қизиқ, кимники экан? Тўйга ҳам шунақа туфли киядими?
Тавба! Эгаси ...онам экан. Уялиб кетдим... Онамнинг туфлисидан эмас, ўзимдан...

Дилобар Аслиддин қизи

📚 Ibratli Hikoyalar 📚

#Ҳаётий ҳикоя

ҚУЛОҚСИЗ ҚОЗОН
ёки қайнона эмас, она ҳақида

Қўлингизга келин бўлиб тушганимга ўттиз уч йил бўлибди. Бу орада меҳрингиз булоғидан қизингиздек қонсам, баъзан қаҳрингиз қиличида ҳам кесилгандек бўлдим. Лекин шу кунга келиб, бугун сизнинг ўрнингиз, муҳаббатингиз ва қадрингизни билдим…
Эсингиздами, янги келинчак бўлиб Тошкентга ўқишга кетишимдан бир кун аввал бир сават ёғли кулча ёпиб бергандингиз. Онамнинг олдига бориб мақтандим:
–Бувим менга ёғли, ширин патир-кулча қилиб бердилар. Уч йил Тошкентда ўқибману бирор марта ана шундай нон ёпиб қўлимга бермабсиз-а?
Онам кулиб “Энди у сенинг онанг, яна кўп марта ана шундай патирчалар ёпиб бераверади, патир-кулчаларинг билан ўша ерда тошдек қотгин” дедилар.
* * *
Ўқишдан келганимнинг эртасига ухлаб қолиб, бир оз кечроқ турибман. Ҳовлига чиқсам, ўчоқнинг олдида куймаланяпсиз. Қайнотам раҳматли нега чойни ўчоқда қайнатаётганлигингиз билан қизиқди.
–Бугун бирам ўчоқдаги чойни ичгим келдики…Ўчоқ чойининг таъми бошқача-да,–дедингиз.
Ўчоқнинг чойини маза қилиб ичдик. Ўз уйимни йиғиштиргани кирганимдагина кўзим электр “сувқайнатгич”га тушди. Уни эрталаб жойига олиб чиқиб қўйиш ёдимдан кўтарилган экан. Келини тушмагур ҳали ўрнидан турмаганидан “сувқайнатгич”ни сўролмай, мактабга кетаётган ўғиллари нонуштасига чой кечикмаслиги учун – ўчоқда сув қайнатган экансиз ўшанда. Ўчоқ, ухлаб қолган келинларига дакки бераётган қайноналарни кўрганимда айбимни билдирмаслик учун тутунда кўзларингиз ачишиб чой қайнатган кунингиз кўз ўнгимда гавдаланаверади.
* * *
Олти келинингизнинг бари оилада тўнғич қизлар эди. Келин бўлганида ҳам рўзғор юмушларини эплаб бажара олмайдиган биз ношудларни йўлга солгунча эсингиз кетди. “Олтита жиннини шинни қиламан деб ўзим тугадим” дея гоҳи куйиб, гоҳи кулардингиз. Жинни эмасмиз-ку, дердик биз ҳам ичимизда.
Бир марта саватдаги нонни тандирнинг ёнига олиб кетаётганимда тоғорадаги кул устига барчасини қўлимдан тушириб юборганимни кўриб “кулини қоқиб олаверинг, югуринг, тандир совиб қолади, дарров бошқатдан ясаб чиқинг”, дея кулиб қўйганингизда ўзимни нотавондек сезсам ҳам юзингизда норозилик аломати кўрмаганлигим учун хурсанд бўлиб нонларни бошқатдан ясаб чиқдим.
* * *
Эслайсизми, қаҳратон қиш кунларининг бирида кичик қозончани омборхонадан олиб чиқишни буюрдингиз. Кирсам, ичидаги сув совуқдан музлаб қотиб қолибди. Музини харчанд олай десам, эплолмадим. Қозонни ерга бир урдим. Нимадир учиб тушгандек бўлди. Музи кўчиб тушяпти шекилли, деб ерга қарата қаттиқроқ отдим. Яна “муз” кўчди. Қарасам, учаётган муз бўлакчалари эмас, темир қозончанинг қулоқлари экан. Икки қулоғидан айрилган қозонни қилт этиб ҳам қўймаган музи билан олдингизга шумшайиб олиб кирдим.
–Ие, бунинг қулоқчалари қани?– дедингиз ҳар галгидек ҳушёрлик билан нима бўлганлигини сезиб.
–Учи-и-иб кетди,–дедим ва нима учун “учириб юборганим”ни оқлай бошладим.
–Афанди қиз, уйга олиб кирсангиз, печкадаги оловга қўйсангиз, ўша муз бир дақиқада эрирди-ку,–дея ҳар домгидек яна кулиб овқат қилишга ундадингиз.
Мендан кейин хонадонимизга тушган беш келин ва невараларнинг нега бу қозонча қулоқларининг иккитаси йўқлиги ҳақидаги узлуксиз саволларига тафсилотини латифа қилиб айтиб келдингиз. Қулоқсиз қозон эса мен қулоқсиз келиннинг эпсизлигини ёдга солиб, сизнинг катта қалбингизни намоён қилиб, ҳамон ошхона четида беркингандек бўлиб туради…
* * *
Фарзандли бўлганлигим учун Тошкент Давлат университети журналистика факультетининг кундузги бўлимидан сиртқисига ўтказдим. Қизимни сизга ташлаб имтиҳонларни топширгани ўқишга кетдим. Дилбандимсиз бир ойни қандай ўтказганлигимни ҳозир ҳам айтиб беролмайман. Имтиҳонларни якунладиму Фарғонага чопдим. Уйга келсам, боламни олиб қишлоққа кетган экансиз. Турмуш ўртоғимга тезроқ қизимни кўрмасам юрагим ёрилишини айтиб, қишлоққа қараб йўл олдик.
Менинг ўқишдан қайтадиган кунимни билиб сиз эса Фарғонага отлангансиз. У пайтлар уяли алоқа йўқ, бир-биримиздан бехабар йўлда учрашмай биз сизникига, сиз бизникига келганмиз.

📚 Ibratli Hikoyalar 📚

Уйимиз қулфлигини кўриб, қўшнилардан суриштириб, онаизорни боласи дийдорига тезроқ тўйдириш учун яна қишлоққа учгансиз. Биз эса қизим ва сизни уйдан тополмай ноилож Фарғонага қайтганмиз. Қишлоққа бориб, ўғлингиз ва келинингизнинг қайтиб кетганлигини эшитиб, сиз яна шаҳарга боргансиз. 100 кмдан узоқ масофадаги йўлни неварангиз ва каттагина тугун билан уч-тўрт марта у ёқ-бу ёққа автобусда босиб ўтиб, ярим тунда олдимизга кириб келгансиз. Мен қизимни қучоқлаб, сиз мени бағрингизга олиб тоза йиғлаганмиз. “Ўқишини битириб олсин дейишса, шоштирмай мен ўлай” деб қизим билан бир ойлик айрилиқ учун ўзингизни айблагансиз.
* * *
Мендан кейинги овсиним бошқоронғуликнинг энг ёмон ҳолатини бошдан ўтказган. Қизиқ жойи, у сизни кўрмасликка бошқоронғу бўлган, яъни сизни кўришга тоқати йўқ эди. Унинг “ёзилиб кетгунча” бўлган вақтида сиз ҳар куни “лозиманда”га баҳона излардингиз. “Фалончининг келини туғибди, йўқлаб қўяй”, “писмадончи уйида касал ётибди, олдида пича ўтириб ҳолидан хабар олиб келай”, “анави қўшнининг қизи алоҳида уйга кўчиб чиқибди, уй тўйига боролмадим, тўшак олиб борай” билан кунларингизни атрофда, бегона жойларда ўтказдингиз.
Бошқоронғулиги тарқаб, нима бўлганига ҳамон ўзининг ҳам ақли етмай турган овсинимга:
–Ҳа, энди мени сал-пал кўргингиз келиб қолдими?– дея бағрингизни очиб самимий кўришгансиз. Тўрт болали бўлиб, ўтган кузда ўзи ҳам иккинчи келин олган, яқинда бешинчи невара кўрган овсиним ва унинг фарзандлари ана шу ўттиз уч йил аввалги “ғалати келин”ингизнинг ҳолатини тушунганингиз ва “қайнонасини кўришни хоҳламаётгани сабаб” уни ҳайдаб юбормаганингиз учун сиздан бир умр миннатдорлар.
Янги келинчакнинг “таксикозлик” ва иккиқатлик инжиқликларини кўтара олмай ёки кўтаришни хоҳламай боласининг турмушини бузиб юбораётган, арзимаган сеп ё буюмни деб келинидан, гуноҳсиз набираларидан воз кечаётган ёш(баъзан катта) қайноналарга сизнинг ҳаракатларингиз, тоқатларингизни ибрат қилиб кўрсатгим, айтгим келаверади.
* * *
Қишлоқдан шаҳарга, бизникига келаётганингизда бир кўчада чинорлар кесилаётган экан. Чинор кесувчилардан бир бўлак кесиб беришларини илтимос қилибсиз. Махсус гўштқиймалагичда гўшт бемаза бўлиши, тахтада чопилгани ўзгача таъм бериши, келинингиз ўғлингизга шу тўнкачада гўштни майдалаб, қиймалар билан маставалар қилиб беришини эринмай айтибсиз-да, бошингизга зил-замбил тахтани қўйиб 2-3 чақирим жойдан пиёда(ҳатто автобус чиптасига кетадиган пулни ҳам невараларимга берай деб авайлагансиз!) келибсиз. Омборхонамда турган тўнкани у ёқ-бу ёққа жилдирганимда, унда гўштни қийма ҳолига келтирганимда бошингизда кўтариб келган кунингизни эслайман. Ҳозир тахта қуриган, анча енгил бўлиб қолган, шунда ҳам аранг ўрнидан қўзғатаман. Қулочимга сиғмайдиган бу тўнгакни ҳўл ва оғирлигида, неча километрга дам олмай кўтариб келган бошингиз омон бўлсин-ей!..
* * *
Келинларга ҳамиша “Кўзларингиз тўқ бўлсин, суқ бўлманглар, суқлик хўрлик, хорлик келтиради” дея уқтирасиз. Овсинларим билан бу гапларингизни қулоғимизга қўрғошиндек қуйиб олганмиз. Қайноғаларим бозорлардан, чет эллардан машиналарни тўлдириб совға-саломлар келтиришади. “Эрим кимга нима олиб келибди” дея қизиқиб ҳам қўймаган кўзлари тўқ овсинларимга нарсаларнинг энг яхшиси ва кўпини тенг тақсимлаб берасиз. Бизникида биров бировдан ўпакаламайди, анави мендан ўтиб кетди, қолмайин деган ким ўзарлик йўқ. Меҳмон кутиш санъати, меҳмонга бориш одоби, қариндош-қўшинлар билан муомала қандай бўлиши лозимлигини сиздан ўрганганмиз.
Ёш қайноналарга қайноначилик сирларини эринмай ўргатасиз. Тартиб ва меҳр, қатъият ва бағрикенгликни қўшиб қандай она(ҳа, қайнона эмас), она бўлиш мумкинлигини ўз амалларингиз билан исботлаб қўясиз. Қайнонам эмас, ОНАМ бўлдингиз!

Соҳиба АБДУРАҲМОНОВА.

📚 Ibratli Hikoyalar 📚

​Болалигим қайтиб бер ҳаёт!

Бунча шошдинг билмадим қайга,
Умр билан ўйнашиб пойга,
Қумсаб қайтгим келар бир жойга,
Болалигим қайтиб бер ҳаёт!

Ҳали тўйиб ўйнолмагандим,
Келажакка ташлатдинг одим,
Шўҳлик қилмай ўтираман жим,
Болалигим қайтиб бер ҳаёт!

Адашмайман зўр давр десам,
Оқибатдан эмас эдик кам
Майлими бир айланиб келсам,
Болалигим қайтиб бер ҳаёт!

📚 Ibratli Hikoyalar 📚

... ҚОҒОЗГА ЎРАБ

Ҳақиқатни айтинг, ҳақни албатта,
Юзга урманг лекин сўз билан шартта,
Синдирманг қалб деган шишани жўртта,
Гапиринг хитойи қоғозга ўраб.

Кунгабоқар каби кулинг юзига,
Заҳрингизни сочманг унинг кўзига,
Секин қулоғига, шахсан ўзига,
Гапиринг хитойи қоғозга ўраб.

Қўполлик қилмангиз келтириб жаҳл,
Жаҳл келса билингки, қочади ақл,
"Ранг кўр, ҳол сўр" дегани топилган нақл,
Гапиринг хитойи қоғозга ўраб.

Аччиқ, ножўя сўз турар кўкайда,
Бақир-чақир қилиш, билинг бефойда,
Ёввойи бўлмоқлик хосдир тўқайда,
Гапиринг хитойи қоғозга ўраб.

Ўнгидан борингиз, чапдан ҳам келинг,
Овозингиз бўлсин шивири елнинг,
Сазалар ўлмасин, ширинсўз бўлинг,
Гапиринг хитойи қоғозга ўраб.

Яхши сўз шифодир, мисли гулдаста,
Осондир сўз билан қилмоқлик хаста,
Тўғри сўзингизни айтингиз аста,
Гапиринг хитойи қоғозга ўраб.

Кўнгилларни олинг кунига яраб,
Умр йўли борар қабрга қараб,
Гуноҳлар савобни қилмасин сароб,
Гапиринг хитойи қоғозга ўраб.

Ҳақиқатни айтинг, ҳақни албатта...
    11.08.2024
Барно Қарноқли

📚 Ibratli Hikoyalar 📚