ОЗОРИМСАН МУҲАББАТ

Муаллиф ХазонРезги

11-

-Ойиииижооооон ...

Ботир ухлаб ўтирган куйида сапчиб тушгани учун бошини машина шифтига уриб олди :

- Иммм...

Ботир қаттиқ оғриқ турган бошини маҳкам чангаллаган куйи ихради...

Бу вақтда Шодия ўз овозидан уйғониб кетган, ҳозиргина кўрган тушининг таъсиридан қутила олмаган, камига қаердалигини англай олмай довдираб ўтирарди.

Шодиянинг шуури аста- секин тиниқлашди. У бошини ушлаб ихраётган Ботирга ажабланган овозда мурожаат қилди:

- Ботир ака, нима бўлди ?!

- Мен нима бўлганини сиздан сўрамоқчи эдим ?! Ўзингиз нима учун бақирдингиз !?

-Узр , сизниям қўрқитвордимми ?
Шу десангиз ... Шу ...

- Шодия , шу - шу деяверманг , очиғини айтаверинг , нима бало тушизда ажина кўрдингизми ?

- Тўғри топдингиз. Тушимда ёмон нарса кўрдим . Аммо ажинамас .
Бир тўда илонлар галаси ичида қолиб кетибман . Шунақаям қўрқдимки... Ўлиб қолай дедим. Барчасига бояги суҳбатимиз сабабчи . Ҳалиям ўзимга келганим йўқ...

Ботир секин машинадан тушди . Машинани айланиб ўтиб ҳайдовчи тарафдаги эшикни очиб бояги сувни олди . Сўнг Шодияни имлади:

- Келинг , юзингизни чайиб олинг. Озроқ ўзингизга келасиз.

Шодия Ботирга сўзсиз бўйсунди. У Ботир қуйиб турган сувга юз - қўлини ювиб, дили анча равшан тортди.
Ботир ҳам юзини ювиб олди .
Икковлари яна машинага ўтиришди.

- Анча яхшимисиз , Шодия ?

- Ҳа , раҳмат ...

- Манг , манави шарбатдан ичиб юборинг, яна ҳам тетиклашасиз.

- Катта раҳмат ...

- Шодия , кўп сиқилманг , тушида илон кўрган одамга ўнгида бойлик келади. Халқда "Тушда кўрсанг - ганж, ўнгда кўрсанг - янч" деган мақол бор. Сиз эса бир илонлар галасини кўрибсиз. Бу сизга катта хазина учрайди дегани .

- Э, хазинасиз ўтирсам ҳам тинч ўтирай. Юрагим ёрилай деди .Энг катта хазина аслида бу саломатлик .

- Тўғри айтасиз , бу фикрингизга қўшиламан. Кейин...

- Нима кейин ?!

- Илонлар хақида гапириб уйқингизни бузишга сабабчи бўлдим , узр ...

Шодия пиқ этиб кулиб юборди .

Ботир ажабланди :

- Нимага кулаяпсиз ?

- Мендан кечирим сўраманг, аллақачон ҳисоб тўғри бўлди , хаттоки мен кўпроқ кечирим сўрашим керак , менимча .

- Нима учун , тушунмадим?

- Биринчидан , бақириб юрагингизни ёрдим , иккинчидан... Бошингиз ғурра бўлмадими ?

- Бўлди ... Ҳалиям оғрияпти ...

- Келинг муздек нарса қўямиз ...

- Шартмас.

- Соат неччи бўлдийкин , Ботир ака ?!

- Билмасам ...

- Бугун ҳаётимдаги энг узун тун бўлди-ёв ...

- Нега...?

- Вазият тақазосига кўра ...
...

Улар узоқ суҳбатлашдилар . Икковларининг ҳам уйқулари ўчиб кетганди.
Орадан анча вақт ўтди. Аста тонг ёришиб кела бошлади .

Туғилиб ўсган ота уй ҳақида Хайрулло Ҳамидоқдан ажойиб шеър!

Ёшликдаги ота уйини соғинган Яқинларга юбориб қўямиз

📚 Ibratli Hikoyalar 📚

ОЗОРИМСАН МУҲАББАТ
-12-

Муаллиф ХазонРезги

- Тонг отяпти ...

Ботир Шодияга қараб жилмайди.

Аста - секин қуйилиб келаётган қуёш нурлари таъсири остида Ботир Шодиянинг кўзига бошқача кўриниб кетди. Юраги негадир бир орзиқиб кетди. Юрак дупурини Ботир унинг кўзларидан сезиб қоладигандек , Шодия юзини дарров четга бурди .

- Шодия , мен секин катта йўлга чиқай , бирорта таниш машина учраса сизни уйингизга жўнатиб юбораман. Қўрқмайсизми ?!

Шодия кулимсиради :
- Қўрқсам , бақираман ...

Ботир унга қўшилди :
- Келишдик , фақат секинроқ бақиринг. Сизни қўрқитмоқчи бўлганни юраги ёрилиб кетмасин ...

* * *

Ботир икки нафар йигитчани бошлаб келганда , Шодия ёпинчиқларни тахлаб машинани тартибга келтириб қўйганди.

Йигитлар келиб Шодияга салом беришди ва машинани катта йўл томонга итариб кетишди . Шодия бу йигитларни танимади . У ҳам машина ортидан эргашиб катта йўлга чиқиб борди. Йигитлар машинани йўл четига чиқаришгач, Ботирга қўл силкиб хайрлашган бўлишди ва ўша ерда турган эски москвичга ўтириб жўнашди.

Ботир Шодияга изоҳ берди:

- Буларниям машинаси бир соатча аввал шу ерга келганда бузилиб қолибди .

Ботир Шодияга қарар тушунтириш берар экан , узоқдан қишлоқдошлари Собит аканинг газели кўринди.

Шодия бирдан ҳурсанд бўлди-ю , аммо тезда бўшашиб тушди. У туни бўйи Ботир билан шу ерда қолиб кетганини нотўғри тушунишларидан изтироб чека бошлади .

Собит ака уларни ёнида машинасини секинлатиб тўхтади. Газель деярли бўш эди. Уч - тўрт нафар тонгги улгуржи бозорга чиққан йўловчиларгина машинада уйқусираб ўтиришарди .

- Ҳа йигит , нима бўлди ? ,-

Собит ака бир йигит билан қизга , бир машинага қарар экан ҳайрон бўлиб савол берди

Ботир аввал саломлашди , кейин ўктамлик билан жавоб қилди:

- Собит ака, бировнинг насибаси бировники экан-да . Тонг қоронғусида кирага чиққандим. Тушум яхши бўлди деб ҳурсанд бўлсам , машинани қилиғи чиқди. Бу кизнинг йўл хақи сизни насибангиз экан... Начора .Тағин ҳам икки бекат аввал тушиб қолган аёллар машинамнинг қилиғидан озор чекишмади...

* * *

Шодия иссиққина газелда кетар , Ботирнинг зукколигига тан берарди. У билан биргаликда тушиб қолган ноқулай вазиятни шундай абжирлик билан шубҳа-ю гумонга ўрин қолдирмайдиган қилиб бошқача талқин қилиб ташлаганига завқи келарди.
Шодиянинг кўз ўнгига Ботирнинг кулимсираб турган ўктам чеҳраси келди- ю, кўнгли овозсиз шивирлади:

- Ботир ака...

Агар эртага ўлишимизни билганимизда

Тасаввур қилинг, агар бизга эртага ўласан деб хабар берилса, бугун нима билан машғул бўлар эдик? Шубҳасиз, зиммамиздаги қарзларимизни адо этиш, ҳаммадан розилик сўраш, тинмай истиғфор айтиш ва ибодат қилиш каби ишлар билан ўтказар эдик. Ҳатто кечаси ҳам кўзимизга уйқу келмас, бир дақиқа бўлсада вақтимни яхшилик учун сарфлай, деган бўлар эдик. Кўнглимизга ўйин-кулгу сиғмас, унинг ўрнига охират учун фойдали иш билан машғул бўлар эдик...

Нега хозир қилмаябмиз шу ишларни бизга хеч ким ертага яшайсан деб кафолат бермаганку...😢

​​
ОЗОРИМСАН МУҲАББАТ .
-13-

Шодия уйларига етиб келганда қуёш чиқиб кетганди. Ҳамма вақт бўлгани каби ойиси эрта туриб кўча ва ҳовлига сув сепиб қўйган экан. Куз фасли ва ҳаво совуқ бўлишига қарамай одатини канда қилмайдиган онаси хатто қиш фаслидаям ер қор кўрмаган вақтлари жиллақурса сувни шакароб қилиб сепишни тарк этмасди. Унинг бу одатига дадаси доим кулиб , "Шодия , ойингни боши сув сепишга қоронғи бўлган" деб кулгани- кулган эди.
Шодия тахмин қилганидек , ойисини ошхонадан топди:

- Ойижоооон !

Онаси газ тандиридан қайноқ сомсаларни лаганга солаётган экан. Сал қолса чўчиганидан сомсаларни лагани билан ташлаб юборай деди :

- Вой қизим-а , қилиғинг қурмасин-а , сал қолса сомсани патирини чиқарардим ...

Шодия онасини бағрига отилди :

- Туғилган кунингиз муборак бўлсин , ойижон !

* * *

Тушга яқин Шодиянинг дадаси ҳам уйга кириб келганда , хонадон тўлиб кетгандек бўлди. Бутун оила байрамона тушлик қилишди. Тушликдан сўнг идишларни ювиб , чойни янгилаб келаётган Шодия меҳмонхона остонасида дадасининг ташвишли овозини эшитиб сергакланди:

- Шу пайтгача айтмай нима қилдинг ? Она бўлиб сен айтмасанг , ота бўлиб мен айтишим керакми ? Тушунсангчи ? Соҳиб шошилтиряпти ?!

Шодия кўнгли алланималарни ҳис қилиб , маъюс тортди.
У гап нима ҳақида кетаётганлигини тахмин қилди. Соҳиб - дадасининг яқин оғайниси эди. Ёшликдан бирга ўсган , кези келганда "бир майизни қирқ бўлиб еган" дўсти ҳақида гап кетганда Шодиянинг дадаси : "Дунёда иккита мард бўлса биттаси Соҳиб, битта мард бўлса уям Соҳиб" дер эди .
Соҳиб амаки қўшни махаллада турарди. Данғиллама уй- жойи , қатор- қатор машиналари бор бу инсоннинг якка- ю ягона эрка ўғли Акром анчадан бери Америкада ўқирди.
Акрамни эслаши билан Шодиянинг кўз ўнггига дарҳол Ботир келди. Беихтиёр иккисини солиштириб кўра бошлади .
Акрам Шодиядан икки ёш катта эди . Шодия кўринишидан олифта бу йигитни эслаганда унга нимадир етишмаяпгандек туюларди . Бугун билса Акрамда йигитлик виқори етишмас экан.

- Шодия , чой қаниии ?!

Шодия остонада хаёл суриб , қўлида тутиб чойнаклаги чойни ҳам унутиб қўйганини фаҳмлади .
У хонага кирганда дадаси ойисига имлаганча ўрнидан туриб ташқарига йўналди .

Ойиси Шодияга "ўтир" деганича сўз бошлади :

- Шодииии ...

давоми бор .

Муаллиф: Хазонрезги

🌤🤩 ХАЙРЛИ ТОНГ!

🤩🤩Ассалому алайкум!
БУГУН 5- Ноябрь

🤩🤩Пайшанба тонги муборак бўлсин.. 🩷🩷🩷

🤩🤩Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият тарк этмасин! Илохим.🤲

🤩🤩КУНИНГИЗ ХАЙРЛИ ВА БАРОКАТЛИ БЎЛСИН!

🌼 Меҳрингиз бирдек барчага бўлсин,
🌿 Қалбингиз иймон нурига тўлсин,
🌷 Кунингиз доимо қувончла ўтсин.

Яқинларга Улашинг.. 🌸

Каналимизга обуна
бўлинг👇💖

📚 Ibratli Hikoyalar 📚

ОЗОРИМСАН МУХАББАТ
(давоми)
-14-

Шодия ойисига савол назари билан боқди:

- Эшитаман, ойижон.

- Шодиии...

Шодиянинг онаси гапни қандай бошлашни билмай чайналди ,- болам, шу десанг...
Шу десанг , сени ҳам турмуш қурадиган вақтинг келиб қолди. Хуллас , сени Соҳиб амакинг ўғиллари Акромга сўраттирибдилар . Биласан , Соҳиб амакинг ҳам , Самия келин ойинг ҳам асл инсонлар. Акром ҳам кўз ўнгимизда ўсган синашта йигит. Шунга ... Улар тез кунларда сени бошингни боғлаб , тўйларингни кўрсак дейишаётган эди ... Қизим , нима ...

-Ойижон , мен тушунмадим . Сизнинг гапингиздан мен ўша Акром ака...га турмушга чиқишим керакми? Нима мен шунга мажбурманми ? Ёки мажбурлайсизларми ...

Шодия охирги сўзларини ўпкаси тўлиб, йиғламсираб гапирди.
Унинг аҳволини кўрган онаси чуқур ух тортди:

- Болам , биз ... Биз Соҳиб амакингдан қарздормиз . Уларга "йўқ" жавобини бериш нонкўрлик бўлади.

- Ойижон, Соҳиб амаким дадамнинг дўстлари бўладилар-а?! Энг қадрдон, қиёматлик ( онаси "ҳа" дея бош силкиди ) . У қандоқ дўстлик эканки, қиёматлик деб аталиб , бирор нарса таъма қилинса ?!... Ўртага илинж тушса. Яна бу анов - манов нарса эмас, инсон тақдири бўлса ? ! Айтинг , ойижон , бизни улардан қанча қарзимиз бор , наҳотки бу қарз мен билан бир ўлчамда бўлса. Очиғи , Соҳиб амакимни жуда яхши кўрардим , аммо бу гап-сўзлардан кейин...

- Болам, сен ҳалитдан бери гапираётган қадр, одамгарчилик, инсонийлик ... Мана шуларнинг барчаси учун ҳам уларга "хўп" дейишимиз керак. Хаттоки шарт !

- Ҳеч нимани тушунмаяпман, ойижон, ҳеч нимани . Очиғи бошим айланиб кетди. Ўртада мен билмаган бир сир бор. Тўғрими, ойижон?... Индамаяпсиз ... Демак тўғри , демак рост .
Менга ҳаммасини бир бошдан айтмагунингизгача , мен тўйга розилик бермайман. Мен билишим керак. Нимани , ёки кимни эвазига умримни бировга мажбуран бахшида қилишимни...

Шодия пиқ- пиқ йиғлай бошлади.
Дилдора опа Шодияни сочларини силади. У бор гапни қизига айтмаса бўлмаслигини тушунди.
Дилдора опа бундан салкам йигирма икки йил аввал бўлиб ўтган воқеаларни эслаш учун хотирасини жамлашга ҳаракат қилди . Унинг юз-кўзидан бўлиб ўтган ҳодисаларни ёдлаш жуда азобли эканлиги яққол кўриниб турарди...

-Даданглар билан Соҳиб амакинг ёшликларида қўшни бўлишган, - деб бошлади ўз ҳикоясини Дилдора опа, - улар деярли тенгқур. Бобо ва бувиларнинг хам амакингни ота- онаси билан қил ўтмас қадрдон бўлишган. Икки дўстнинг, яъни Соҳиб амакинг ва дадангнинг деярли бир вақтда тили ва оёқлари чиққан. Бир вақтда мактабга чиқишган. Мактабни битиргач, орадан икки йил ўтиб Соҳиб амакингни уйлантириб қўйишган. Даданглар эса... Даданглар эса бу ишни ортга суришга мажбур бўладилар . Чунки даданг кўнгил қўйиб кўз остиларига олган қиз ..., яъни мен ҳали мактабни битирмаган эдим. Бобонг билан бувинг мени ота- онам билан келишиб оқ ўратиб қўйишгач , даданглар кўнгиллари тинчиб ҳарбийга кетдилар. Бу орада мактабни тамомладим. Бир куни қўшнимизни қизини тўйи бўлди. Ўша вақтда тўйдан бир кун олдин келиннинг уйида "қиз вечер" деган зиёфат бўларди. Зиёфатга куёв ҳам ўз дўстлари билан ташриф буюришарди. Мен қўшни бўлганимиз учун зиёфатда ҳизматда бўлдим. Бу орада куёвнинг оғайниларидан биттаси кайфи ошиб менга хиралик қила бошлади. Мен кўпчиликнинг ўртасида изза бўлганимдан тўйхонадан секин сирғалиб чиқиб кетдим. Воқеадан ҳабардор бўлиб қолган Соҳиб амакинг халиги йигитни тартибга чақириб сал қаттиқроқ гапирибди. Йигит ҳам дарров "биттама-ма битта чиқасанми" деб амакингни кўчага тортибди. Кўчага олиб чиққач эса пичоқлаган...
Тўғри ўша йигит ўз вақтида жазосини олган, аммо...
У вақтлар Самия келинойинг Акрамга ҳомиладор эдилар.
Орадан икки ой ўтиб улар фарзандли бўлишди ва...

Дилдора опа чуқур оҳ тортди .

- Нима "ва" ойижон. Нега изтироб чекаяпсиз ?! Ахир амаким соғ- саломатларку ...

Эрим одамлар олдида бошқа аёлга уйланди


Энди мендан воз кечди, этибор бермайди деб ўйлаган эдим. Шунчалар кўп ўйлаб йиғлаганимдан кўз ёшлар билан ухлаб ортиқ умидимни уздим.
Лекин тун ярмидан отганда, дарвоза секин қийиллаб очилганидан чўчиб кетдим. Аста ўрнимдан туриб хонамдан чиқиб дарвоза томонга қараган эдимки дахшатдан музлаб қолдим. Чуни у ерда...
Кейинги воқеада Эрим мен кутмаган иш қилади🤯

ОЗОРИМСАН МУҲАББАТ
-15-

Муаллиф ХазонРезги

- Ўша воқеадан кейин улар бошқа фарзанд кўришмади. Сабаби , ўшанда пичоқ зарбидан ...
Хуллас , уларнинг ёлғиз фарзанд билан ўтишига , камига амакингни ярим жон бўлиб қолишига мен сабабчиман.
Агар улар бўлмаганларида ҳозир мен ...

- Авваламбор бу тақдир, ойижон.
Ўзингиз айбдор бўлмаган ишда ҳадеб бағрингизни тилкалайверманг.Қолаверса ...

Шодия бир оз сукут сақлади . У онасини шу йиллар давомида елкасида оғир юк билан яшаганини ҳис қилди . У узоқ ўйламади . Онасига меҳр билан тикилди ва :

- Ойижон , сизлар нима десангиз шу.
Менга ёмонликни раво кўрмайсизлар-ку...,- деди

Дилдора опа енгил тортди :

- Ўзимнинг қизимдан ўргилай , - шивирлади оҳиста.

* * *

Бир хафтадан кейин онаси Шодияни йўқлаб қўнғироқ қилди :
( Шодиянинг телефони харидор аёлнинг уйида қолиб кетганида , уни топиб олган аёл бажарилган иш ҳақини беришга келган вақт Назира опага ташлаб кетган эди)

- Қизим, эртага уйга келгин .

Шодия нималарнидир тушунгандек бўлди, ортиқча савол беришдан ўзини тийди :

- Хўп бўлади, ойижон...

* * *

Эртаси куни Шодияларникида учрашув ва "оқ ўрар" маросимлари бўлиб ўтди. "Оқ ўрар" деган маросим бу куёв тамонни қизимизни сизга келинликка берамиз деб розилик бериш маросими эди. Куёв томондан келган меҳмонларга келин тараф бирор оқлик мато тақдим қилиши бўлғуси тўйнинг дебочаси ҳисобланарди .
Якшанба оқшомида ташриф буюрган қадрдонлар асосий меҳмонхонада шодон гурунглашишар, ёшларни эса алоҳида хонага суҳбатлашиб олиш учун йўллашган эди .
Кичик меҳмонхонада Акром билан учрашган Шодия , ортиқча мулозаматларсиз у узатган кичик қутичани олди ва столнинг бир четига қўйди.

- Нималигини очиб кўрмайсизми ?

Йигитнинг саволига Шодия нима деб жавоб қайтаришни билмай эсанкиради :

- Ҳалироқ кўрарман, ҳозир бир оз ноқулай...- Шодия тўғрисини айтиб қўяқолди .

- Нега , беҳижолат кўраверинг . Бу тилла узук ва зирак. Комплект. Ўзим танладим.

Шодия ерга боқиб турган бўлсаям , Акромнинг тилла тишларини ярақлатиб кулимсираганини ҳис қилди .

- Яхши , раҳмат ...

- Америкадан олиб келгандим ....

Шодия битта мавзуни ха деса чайнайверган Акромдан хафсаласи пир бўла бошлади.

- У ерда нима иш қиласиз , сир бўлмаса ?!

- Биринчидан ўқийман. Молия йўналишида . Иккинчидан ишлайман. У ерда ўзбеклар очган катта бир супермаркет бор . Ўша супермаркетнинг битта бўлимида иш бошқарувчиман.

- Ҳааа... Ҳам ўқиб , ҳам ишлаш қийинмасми ?

- Баъзан қийин , баъзан осон.
Байрам кунлари қийинроқ . Оддий кунлар эса иш бир оқимда ... Ўзингизчи , нималар билан машғулсиз ? Ўқишлар бу йил битади- а ?

- Ҳа , насиб қилса. Дарсдан кейин тикув цехида ишлаяпман. Маҳоратимни ошириш учун...

БАЛИҚ. Субҳаналлоҳ, уни ҳидлаган маст одамнинг хуши ўзига келиб, мастлигидан асар хам қолмас экан!

ТУЯ. Ҳамма жонзотларда бўлган ўт пуфак, фақат туяда бўлмас экан. Субҳаналлоҳ, шунинг учун ҳам туянинг сабрини узайтирар экан!

ДУХОН (тутун) дарахти. Япониянинг «ОНО» номли шаҳарчасида ажиб бир дарахт бор экан. Субҳаналлоҳ, қуёш ботса, унинг ички қисмидан тутун чиқар экан.

ЧИВИН. Олимларнинг кашфиётига кўра, чивиннинг тепа (бел) қисмида одам кўзи кўролмайдиган кичкинагина ҳашаротча яшар экан. Субҳаналлоҳ ((Албатта, Аллоҳ чивин ёки ундан устунроқ нарсани мисол келтиришдан уялмас)) (Бақара 26).

Чўчқа. Субҳаналлоҳ, бу жонивор осмонга қарай олмайдиган ягона жонзот экан.

ОЛМА. Субҳаналлоҳ, инсонни тонгга қадар тетик қила оладиган хусусият, кофе уруғи (кофеин) га қараганда, олманинг таъсири кучлироқ экан.
✧══════•❁❀❁•══════✧