#У‌ткинчи_дунё


#No_157


#муаллиф_Қосимова_Нодира


—Мунира ўзингизми?
—Ха мен, нега келдингиз?
Мунира қўпол охангда гапирди.
—Сизни уйингизга қидириб бордим, лекин кўрсатишмади.
Азиз, столга ўтирди.
—Нега бордингиз? Яна тутиб беришгами?
—Нега ундай дейсиз? Мен сизни тутиб бермаганман.
—Ўша таксисни йўллаб, ўзингизни оппоқ кўрсатманг, сиздан хафаман, ва қайтиб кўзимга кўринманг.
—Тушунтириб беришимга имкон беринг.
—Керакмас, яхшиям қилган экансиз мени тутиб бериб.
Мунирани охангидан дард сачради.
—Мени изимга тушишган экан, мен буни билмагандим.
—Билгансиз ва сотилгансиз?
—Мени полвоним онасини соғинибди шекили, инжиқлик қиляпти.
Ботир икки эгизакларни кўтариб хонага кириб келди.
Азиз турган жойида қотиб қараб турарди, нигоҳи болаларда эди.
—Қани берингчи, арслонимни.
Мунира ўғлини қўлига олди.
—Сен...
Ботир Азизга қараб қошини чимирди
—Ха мен, кўраман деб ўйламаганмидингиз?
—Сени бир ёқлик қилиб юборишмаганми?
—Оллоҳим яшашни пешонамга ёзган экан, бандаси нима хам қила оларди.
—Бас қилинглар, мақсадга ўтинг.
Мунира Азизга қараб гапирди
—Кечагина куйиб келган беморингиз хақида гаплашиш учун киргандим.
—Хамма гапни онасига айтдим. Йигит жиддий жароҳат олмаган. Ёнидаги аёл, жиддий. Кейин хомиладор экан, болага хам шикаст етган. Тез кунда йигитга рухсат берамиз, шериги хали анча даволаниши керак.
Энди кетишингиз мумкин.
Мунира, шошиб гапирди
—Майли.. яхши қолинг.
Азиз секин ташқарига чиқиб кетди. Чиқдию, ўзида англаб бўлмас оғриқни хис қилди.
—Нахотки шу кишига кўниб кетган бўлса?
Нахотки шундан фарзанд кўрган бўлса?
Нахотки шундай қиз, ўша тўнкага насиб қилган бўлса?
Азиз, деворга суянганча бошини ушлаб қолди.
Ичкаридан келаётган овоз, Азизни тобора бўға бошлади. Тезда юриб ташқарига чиқиб кетди.
—Нега сени олдингда бемалол ўтирибди у ?
Ботир зарда қилди
—Эшитдингизку нега кирганини.
Мен кунда ўнлаб мижозлар билан гаплашаман, буни ўзингиз яхши биласиз.
—Бу билан эмас, тушундингми? Бу билан эмас, қайтиб гаплашганингни кўрмай.
Ботир бақириб юборди
—Бас қилинг, чиқинг хонамдан. Беринг қизимни
Мунира, Ботирни қўлида ширингина бўлиб ухлаб ётган, қизига қараб гапирди.

📚 Ibratli Hikoyalar 📚