“Исми Юсуф, етти ёшда, сочи жингалак, юзи оппоқ, ширин”

Онаизор боласини шу сўзларни айтиб изларди. Ахир у она-да, боласи ўзи учун ширин. Аммо у чиндан ҳам ширин эди. Роса қидирди, шифохонани излаб юрганида унга ўғли қаердалигини айтишди.

Иброҳим алайҳиссалом ва аёллари Соранинг ҳузурига кетганди. Қиёматгача ота-онасини ўша ерда кутиб туради.

Яратган Эгам барча вафот этганларни раҳматига олсин!

Бир она ўғлини бомдод намозига уйғотишга ҳаракат қилса ҳам ўғли уйғонмабди. Масжидда намоз тугагандан кейин яна уйғотибди, ўғли яна уйғонмабди...

Сўнгра онаси уни ўша ҳолида ташлаб, мактабига ҳам уйғотмай, ўз юмушига киришиб кетибди. Ўша куни ўғлининг жуда муҳим бир фанидан имтиҳони бор экан, уйғониб соатни қараса, имтиҳон соати ўтиб кетибди. Шу вақт онасига телефон қилиб:
- Ойи, бугун соат тўққизда менинг имтиҳоним бор эди-ку, нега мени уйғотмадингиз? - дебди. Онаси унга жавобан:
- Ўғлим, сенинг охират имтиҳонидан йиқилганингни кўргач, дунё имтиҳони учун безовта қилишни истамадим, - дебди.

P.S.: Ҳаммага охират имтиҳонидан аъло ўтиш насиб этсин!

•••┄┄┄❅┄┄┄•••
https://t.me/IBRATLY

Қуёш чиқмасдан аввал тур!

Барокат истасанг Ҳақдан,
Қуёш чиқмасдан аввал тур!
Саодат истасанг Ҳақдан,
Қуёш чиқмасдан аввал тур!

Эшик оч вақти бомдодда,
Уйингга нур-зиё кирсин,
Ҳаловат истасанг Ҳақдан,
Қуёш чиқмасдан аввал тур!

Бошинг қўй саждага, тавба-
Тазарру айла, эй ғофил.
Ки роҳат истасанг Ҳақдан,
Қуёш чиқмасдан аввал тур!

Дилинг пок тут, тилинг пок тут,
Қадам боссанг, йўлинг пок тут,
Aдолат истасанг Ҳақдан,
Қуёш чиқмасдан аввал тур!

Aзозил макридан огоҳ бўл эй,
Уйқунгни тарк айла,
Ҳидоят истасанг Ҳақдан,
Қуёш чиқмасдан аввал тур!

Aзон чоғида қушлар
Тангрига ҳамд-у сано айтгай,
Ҳимоят истасанг Ҳақдан,
Қуёш чиқмасдан аввал тур!

Май-у маст, фаҳш, кибрдан қоч,
Маърифатга томон юз оч,
Иноят истасанг Ҳақдан,
Қуёш чиқмасдан аввал тур!

Барокат бўлғуси ҳосил,
Ҳаловатдан хотиржам дил.
Шафоат истасанг Ҳақдан,
Қуёш чиқмасдан аввал тур!

Бобоқулман, Яратган ишқида
Тонг чоғида уйғоқман.
Каффорат истасанг Ҳақдан,
Қуёш чиқмасдан аввал тур!

©️ Бобоқул Усмон

•••┄┄┄❅┄┄┄•••
https://t.me/IBRATLY

Ҳозирги даврда нималар бўлмоқда?

• Уйлар катталашди, аммо оилалар кичрайди;
• Тиббиёт ривожланди, бироқ касалликларнинг тури кўпайди;
• Одам Ойга етиб борди, аммо ён қўшнисининг ҳолидан бехабар;
• Пуллар кўпайди, аммо хотиржамлик йўқолди;
• Донолик юксалиб боряпти, лекин ҳис-туйғулар камайиб кетяпти;
• Билим-маърифат ошди, аммо ҳикмат озайди;
• Йўл-йўлакай қўшилиб оладиган дўстлар кўп, бироқ ҳақиқийлари жуда кам;
• Соатлар турли дизайнда ишлаб чиқарилмоқда, аммо кўп нарсага вақт топа олмаймиз;
• Одамлар йилдан-йилга кўпайиб бормоқда, бироқ одамийлик йўқолиб бормоқда.

•••┄┄┄❅┄┄┄•••
https://t.me/IBRATLY

УЗУК СОТУВЧИ
(ҳаётий воқеа)

Бир неча киши Мисрга бордик. Дўконга кирдик. Бир узук ёқиб қолиб нархини сўрадик.
– 1400 жунайҳ, – деди. Бир оз нархини тушириб беришини илтимос қилдик.
– Қаерликсизлар? – деди.
– Ўзбекистонлик, нарҳини, Бухорий юртидан, – дедик.
– Бухорий юртидан экансиз, сизларга 20 фоиз чегирма қилиб берамиз, – деди. Бизга ёқиб кетди.
– Яна қандай олимлар бўлган? – деб сўради.
– Имом Термизий, – дедик.
– МашаАллоҳ, у киши ҳам сизларданми? – деди бири ишонқирамай.
– Ҳа, биздан кўплаб алломалар чиқишган, – дедик.
– Яна ким?
– Имом Замахшарий, – дедик.
Сотувчи “МашаАллооооҳ” деди-да, қўллари билан кўзларини ёпди. Панжалари орасидан ёш оқа бошлади. Кейинроқ билдик, у киши Имом Замахшарийнинг ашаддий мухлислари экан. Бир оз суҳбатлашгандан кейин:
– Сизлардан фойда олмайман. 620 жунайҳга тушган, шуни берсангиз бўлди, – деди. Шу пайт орамиздагилардан фақат ўзбеккагина хос бўлган «гап» чиқди: “Шундан икки дона беринг…”
Мен уялиб кетдим. “Майли, бераман” деди. Узукни бераётганда ёнда турган кишилардан бирлари «намоз ўқишармикин?» деб қолди. Сотувчи қўлини узатаётганча тўхталиб қолди. “Ҳа, намоз ўқийсизларми?” деди. Савол билан жавоб орасида узилиш пайдо бўлди. Чунки, жавоб айтарли йўқ эди…
Бир оз сукутдан кейин “Жумъа намозига чиқиб турамиз” деди кимдир. “Бошқа намозларничи?” деди ҳайрон бўлиб. Зўрғагина “Йўқ” дея олдик. Сотувчининг қўли муаллақ туриб қолди. Бироз сукут қилди-да, ачиниш билан “Майли, мен мусулмонман, айтган нархимга бераман, аммо сизлар қайтиб Имом Бухорийни тилингизга олманг, ҲАҚҚИНГИЗ ЙЎҚ!” – деди…

P.S.: Дарҳақиқат, бугун биз бенамозликдан қўрқмайдиган, ҳаромдан ҳаё қилмайдиган уммат бўлдик. Бизнинг ҳеч бир уламомизни тилга олишга ҳаққимиз йўқ!!!

•••┄┄┄❅┄┄┄•••
https://t.me/IBRATLY

Сулаймон алайҳиссалом бир чумолини кўриб ундан:
– Бир кунда қанча буғдой ейсан? – деб сўрабдилар. Чумоли:
– Бир дона, – деб жавоб берибди.
Сулаймон алайҳиссалом унинг олдига бир дона буғдойни қўйибдилар-да, устидан бир косани ағдариб:
– Кунлик ризқингни мен келтириб тураман! – дебдилар.
Эртасига келиб, косани олиб қарасалар чумоли бир дона буғдойнинг ярмини еб, қолган ярмини ушлаб турганмиш! Сулаймон алайҳиссалом чумолига:
– Менга, бир дона буғдойни бир кунда ейман, деган эдинг! Ярми ортиб қолибди-ку!? – дебдилар. Чумоли у зотга қараб:
– Ризқим Аллоҳнинг зиммасида экан, у Зот менга кунлик ризқимни етказишни унутмайди! Бунга ишончим комил! Лекин куним сизга қолгач, эсингиздан чиқиб қолсам-чи, деган хавотир билан ярмини олиб қўйдим. Чунки бандага ишонч йўқ! Ризқ фақат Аллоҳдандир! – деб жавоб қилибди.

P.S.: Ҳеч кимнинг куни бировнинг қўлида қолмасин!

•••┄┄┄❅┄┄┄•••
https://t.me/IBRATLY

🌿Тўртинчи фарзандим дунёга келганда ҳар бир ота-она каби Оллоҳга шукроналар айтиб ўзимизни бахтиёр ҳис этдик. Ўғлимнинг келажаги ҳақида орзуларга берилар эканман, дунёда мендан-да бахтлироқ инсон йўқ эди, чамамда. Болалар шифокорининг “болангиз касалманд туғилди, гапиролмаслиги, юролмаслигиям мумкин”, деган гапи мени турган жойимда михлаб қўйди. Хаёлимда “нега айнан менинг болам?”, “наҳотки шунчалар гуноҳларим кўп бўлса”, деган аянчли савол чарх урарди.
Ўтирсам ҳам, турсам ҳам ўзимни айбдордек ҳис этишдан воз кечолмасдим. Туну кун Оллоҳга илтижо қилиб, болам учун дуолар қилардим.

Уйга рухсат беришган кунда турмуш ўртоғимни болаларим билан хурсанд, қўлида гул билан кўриб, кўнглим анча хотиржам бўлди. Кейинроқ билсам, докторлар турмуш ўртоғимга боладан воз кечишни таклиф қилишган, турмуш ўртоғим эса Оллоҳнинг неъматини  рад этадиган ғофил эмаслигини айтган экан.
Болам 2 ойлик бўлганида юрагида туғма нуқсон борлигини ҳам билдик. Яна ичак фаолиятида ҳам бузилиш бўлиб, ичидан қон келиши юрак-бағримни эзарди. Аммо эр-хотин тушкунликка тушмай, Оллоҳнинг марҳаматидан умидвор бўлаверар эдик.

Болам ўсган сари соғлиги ёмонлашиб борар, юраги жарроҳлик амалиётисиз тузалмаслиги аён бўла бошлади. Турмуш ўртоғим тижорат билан шуғуллансалар-да, рўзғордан пул орттириб, амалиёт учун пул тўплаш осон эмас эди. Ҳеч ким ўзидан ортмай қолган бу замонда бировдан қарз кўтариш ҳам осон иш эмасди.

Эр-хотин кеча-ю кундуз Оллоҳга таваккал қилиб, яхши кунларга умид қилдик. Турмуш ўртоғим шу фарзандимиз туғилганидан бери ишларига қут-барака кирганини айтганларида Меҳрибон Зотнинг  марҳаматини ҳис этдим.
Тез-тез касалликка чалинаётган мурғаккина гўдагим жонлантириш бўлимида ўзига келарди. Нимжонгина вужуди билан яшаш учун курашаётган болам бир ярим ёшида ҳам икки-уч ойлик гўдакка ўхшарди.

Докторлар ўғлимнинг юрак амалиёти мураккаблигини, имконият бўлса, чет элда қилдиришимиз лозимлигини айтишди. Ягона нажоткоримиз Оллоҳга илтижоларимиз, дуоларимиз сабаб секин-аста имкониятларимиз эшиги очила бошлади.
Ҳужжатларни тўғрилаш ишлари билан югуриб юрганимизда турмуш ўртоғимнинг жарроҳ танишларига дуч келиб қолдик. Бизнинг мақсадимизни эшитган бу жарроҳ гап бошлади: “Ака, очиғини айтаман сизга, яхшилаб ўйлаб кўринг... бу бола шунча харажат қилишга арзирмикан?.. Ҳам ичаги, ҳам юрагида муаммо бўлса... Дейлик, ҳаммаси тузалди, лекин бу боланинг яшаб кетишидан сизга нима фойда?..”

Давоми бор...

https://t.me/IBRATLY

🍃Давоми ...

Э, воҳ, Оллоҳим, кўнгил кўзи сўқир бу бандаларингни ўзинг кечир! Бизни ҳам шунақалар сафида қилмаганинг учун ўзингга ҳамд-у санолар бўлсин! Кўнглимда шу кечинмалар билан турмуш ўртоғимга қарадим. У киши танишига лом-мим демай сукут сақлади-да, секин мени йўлакка бошлади...
Ва ниҳоят, Ҳиндистоннинг нуфузли клиникаларидан бирида ўғлимнинг жарроҳлик амалиёти ўтадиган бўлди.

Бир ойлик муддатга мўлжалланган сафар олдидан турмуш ўртоғим тижоратни тўхтатиб туришга мажбур эдилар. Аммо, дўконнинг ижара пули, бироз олинган қарзларни узиш мажбуриятидан турмуш ўртоғим сиқилаётганини, аммо менга ўзини хотиржам кўрсатаётганини ҳис қилардим. Бир томондан мусофир юрт, нотаниш одамлар орасига бориш ҳадик берса, иккинчи томондан беозоргина кулиб турувчи мушфиқ гўдагимнинг барча қийинчиликлардан қутулишини ўйлаб таскин топардим. Яна ҳамма-ҳаммасини Ҳасиб зотга таваккал қилиб, эр-хотин ўғлимизни олиб йўлга тушдик.

Аеропортдан хушмуомала таржимон йигит бизни кутиб олиб, меҳмонхонага олиб кетди. Шифо умидида келган юртдошларимиз билан бир жойга жойлашдик. Кейинги куни дарҳол мен ва ўғлимни клиникага ётқизишди. Икки кунлик текширувдан сўнг, ўғлимни жарроҳлик амалиётига тайёрлай бошлашди. Доктор мени чақириб амалиёт оғир ўтишидан, ўғлим ойлаб жонлантириш бўлимида ётиши мумкинлигидан огоҳлантирди. Боламнинг тепасида туриб, Яратганга дуо қилишдан бошқа нарса ҳаёлимга келмасди. Амалиёт кунида эр-хотин фақат яхши кунларга умидвор бўлиб, илтижолар қилдик. Боламизнинг келажаги докторлар айтгани каби бўлмаслигига, ҳаммаси Қодир Зотнинг қўлида эканлигига умидвор эдик. Шунинг учун тинмай дуо қилар эдик. Зеро, ота-онанинг фарзанди ҳаққига қилган дуоси, қолаверса, мусофирнинг дуоси ижобат бўлишини яхши билардик.

Алҳамдулиллоҳ, ўғлимнинг юрак жарроҳлиги амалиёти жуда омадли ўтди. Докторлар ўғлимнинг кутилганидан тез тузалаётганидан ҳайратда эдилар. Бир ҳафта деганда бизни жонлантириш бўлимидан оддий палатага ўтқазишди. Доим беҳолгина бўлиб ётволадиган, камҳаракат ўғлимнинг анча тетиклашгани, кўзларида порлаб турган яшаш умидини кўриб, бўғзимга йиғи тиқиларди. Ҳамшираларнинг ўғлим тепасида парвоналигини кўриб кўнглим тоғдек кўтарилади.

Амалиётнинг 14-кунида бизга рухсат беришди. Яна бир ҳафта шу ерда қолиб, ҳар куни докторлар назоратига келиб туришимиз керак эди. Қиш Дехлида ҳам қишлигини қилар экан. Кунлар анча-мунча совуқ эди. Шу боис ўғлим шамолламасин дея турмуш ўртоғим касалхона биносигача такси чақиртирган эканлар. Уччовлон  яна меҳмонхонага қайтдик. Келгач, турмуш ўртоғим касалхона харажатларидан ташқари кам маблағ қолганини, ҳали олдинда меҳмонхона тўлови, бир ҳафталик еб-ичиш, боламиз учун харажатлар борлигини айтиб қолдилар.

Касалхона ва меҳмонхона орасидаги масофа анча олис бўлгани боис ҳар куни таксида муолажа учун қатнашимиз кам пул эмас эди. Боламиз тузалганидан хурсандчилигимиз билан мусофир юртда пулсиз қолиб кетиш ҳадиги баробар қалбимизга кириб келганди. Меҳмонхонада бирга турган юртдошларимиздан ёрдам сўраш жуда ноқулай эди.
Эр-хотин ўйлаб-ўйлаб, охири, қўлимиздаги бор пулни ишлатиб турайлик-чи, жуда бўлмаса, банк орқали қариндошларимиздан пул олиб турамиз деган қарорга келдик. Буёғи яна ўзига таваккал...

Давоми бор...

https://t.me/IBRATLY

Якуний қисм...

Ва, ниҳоят, ўғлим соғайиб бизга Ватанимизга қайтишга рухсат беришди. Меҳмонхона хўжайини яшаган кунларимизни ҳисоб-китоб қилиб олиши керак бўлган пулнинг бир қисмини ўғлинг учун деб қайтариб берди. Меҳрибон Зотнинг марҳамати билан Ватанимизга эсон-омон, яна қўлимизда пулимиз ортиб қайтдик.

Энди бу ёғи дўконнинг ижара пули, қарзларни тўлаш учун ҳам ишлаш кераклиги ҳақида эр-хотин суҳбатлашиб турганимизда телефон жиринглади. Олсам дўкон эгаси Дилбар опа. Биздан ҳол-аҳвол сўраб, ўғлимни суриштирдилар. Яхши гапларни айтиб кўнглимни кўтардилар. Суҳбат охирлаб хайрлашаётганимизда  “Ҳа, дарвоқе, менга ўтган ой  учун ижара пулини тўлашларингиз шарт эмас. Мендан сизларга ёрдам шу бўлақолсин” дедилар.

Ё Раб, бир бандангга шунча яхшиликми?.. Наҳот, шунча марҳаматингга лойиқ кўрган бўлсанг..... Алҳамдулиллоҳ! Гўшакни қўйиб тинимсиз йиғларканман, бу ҳолимни ўзимдан бошқа ҳеч ким тушунмасди!
Шу воқеаларга ҳам бир ярим йил бўлди. Бу вақт мобайнида ўғлим чопқиллаб юриб ҳам кетди. Ҳозир боғчага боради, уч ярим ёш ўғлим яхши гапиролмаса-да, зеҳни ўткирлиги, ҳаммага меҳрибонлиги кўзимни қувонтиради. Адасига қўшилиб азон айтишга, намоз ўқишга ҳаракат қилаётганини кўриб, ўғлим туғилганида докторларнинг айтган ваҳимали гаплари учун беҳудага азоб чекканимни тушунаман.

Ўғлим менга жазо эмас, мукофот сифатида берилганини тушуниб етдим. Оллоҳ ўғлим туфайли фақат яхши одамларни рўбарў қилди. Ўзимни ҳам қўлимдан келганча яхшилик қилишга  ўргатди. Қолаверса, ҳар бир нарсадан иллат эмас, ҳикмат излашга ўргатди! Ноумид бўлманг! Карами кенг Зотнинг марҳаматидан умидвор бўлиб яшанг!

©Дилдора Шарипова

https://t.me/IBRATLY

Хеч қачон хечкимга хасад қилманг ❌

Хасад шундай захардирки инсон уни ўзи ичиб бошқаларни ўлишини кутади

Ҳулоса қилиш ўзингиздан

👉 https://t.me/IBRATLY

Бир подшоҳнинг 10 та ўғли бўлган экан. Кунлардан бир кун уруш бўлиб, ўғиллари жангга сафарбар бўлишибди. Шунда катта ўғли оламдан ўтганининг хабарини қилишганда:
– Аллоҳнинг иродаси экан. Ўзи берди, ўзи олди, – дебди.

Маълум бир вақт ўтгандан кейин яна бир ўғли оламдан ўтибди. Унинг хабари берилганда ҳам:
– Аллоҳнинг иродаси экан. Ўзи берди, ўзи олди, – дебди.

Бирин-кетин бошқа ўғиллари ҳам ҳалок бўлиб. Уларнинг хабарига ҳам бир муносабат билдирибди. Бироқ, кенжа ўғлининг ҳалок бўлганининг хабарини беришганда дод солиб йиғлаб юборибди. Шунда:
– Олампаноҳ, шунча ўғлингиз ҳалок бўлганида йиғламаган эдингиз, нимага айнан кенжангиз ҳалок бўлганида йиғлаяпсиз? Ёки уни бошқаларидан ортиқ кўрар эдингизми? – деб сўрашибди.

Подшоҳ:
– Аслида, ҳаммасини бирдек яхши кўраман. Бироқ, кенжа ўғлим бенамоз эди. Шунга унинг нариги дунёда қандай жавоб беришини ўйлаб йиғлаяпман... – деб жавоб қилибди.

P.S.: Дарҳақиқат, азизлар, ўлим даҳшат эмас, бенамоз бўлиб ўлиш ҳақиқий даҳшат.

Фикр қилинг, биродарлар! Фикр қилинг!

•••┄┄┄❅┄┄┄•••
https://t.me/IBRATLY

🍀Анас розияллоҳу анҳудан ривоят қилинади: "Росулуллоҳ соллаллоҳу алайҳи васаллам: "Ким ризқининг кенг қилиб берилишини ёки ажалининг кечга сурилишини хоҳласа, силаи раҳм қилсин", дедилар".

(Муттафақун алайҳи ривояти)

© Вақф уз

https://t.me/IBRATLY

...🍃Бир ёши катта одам ўз ўгли билан поездга чиқиб жойлашишди. Поезд юришга отланаётган эди. Ҳамма йўловчилар ўз жойларини эггаллаши биланоқ секинлик билан поезд юра бошлади.Қариянинг  ўгли поезд юриши билан  ҳурсанд бўла бошлади. Унинг  ёши 25да бўлиб ойна тарафга яқин жойда ўтирган эди. Уларнинг рўпарасида бир оила ҳам бор эди. Ўгил Поезд харакатга тушиши билан қўлини ойнадан чиқариб , атрофни кузатиб ўз отасига: “Отажон қаранг, ҳамма дарахтлар ортда қолиб кетяпти”-деб баланд овозда отасини эътиборини торта бошлади. Ота жудаям ҳурсанд бўлди ва кулиб қўйди.
  
Уларнинг олдидаги оила ҳайрон бўлди, чунки 25 ёшли йигит ҳудди болаларча ҳурсанд бўлаётган эди…
Тўсатдан йигит : “Отажон, қаранг ҳайвонлар ва булутлар поезд билан бирга юряпти”-деб, яна ўз отасини эътиборини тортди.
Бир оздан сўнг ёмғир томчилай бошлади, ойна очиқлиги сабабли йигитнинг қўлига ёмғир томчилари тушди. Шунда у ҳурсанд бўлиб отасига: “Отажон, қаранг ёмғир томчилай бошлади”-дея, бақирди. Отаси янада ҳурсанд бўлиб кулиб қўйди.
 Яна рўпарадаги оила йигитга ҳайрон бўлиб қарашди ва йигитнинг отасига : “Нима учун ўглингизни докторга кўрсатмагансиз, у ҳудди ёш болага ўхшар экан, бизнингча сиз ўз ўглингизни докторга кўрсатиб уни даволатишингиз керак”-дея, маслаҳат бера бошлашди.
Шунда ота: “Ҳа албатта, биз хозиргина доктордан келяпмиз, менинг ўглим 25 йилдан сўнг, фақат бугундан бошлаб кўзи кўра бошлади”-деб, жавоб берди.

Бу ҳикоядан оладиган фойдамиз шуки, ҳар биримиз бирор нарса ҳақида тўгри маълумотга эга бўлмасдан туриб у ҳақида гапирмаслигимиз ва  ҳулоса чиқаришга шошилмаслигимиз керак экан.

© Ахлоқий ҳикоялар cом

https://t.me/IBRATLY

Бир куни бир инсон бир хабар ўқиб туриб беихтиёр “СУБҲАНАЛЛОҲ” дебди, пастроққа қараб “АЛҲАМДУЛИЛЛАҲ” деб ўқишни давом эттирибди, ўқиётиб “ЛА ИЛАҲА ИЛЛАЛЛОҲ” сўзларини ўқибди. У ўзини жуда яхши ҳис қилибдида “АЛЛОҲУ АКБАР” дебди. Унинг қалби янада ҳузур топишини истаб Аллоҳга истиғфор айтиб “АСТАҒФИРУЛЛОҲ, АСТАҒФИРУЛЛОҲ, АСТАҒФИРУЛЛОҲ” дея уч марта қайтарибди. Аллоҳ ва унинг Расулига чексиз муҳаббати ва ҳурмати ила “САЛЛАЛЛОҲУ АЛАЙҲИ ВАСАЛЛАМ” дебди. Шу сўзларни қайтариб айтиб у Аллоҳнинг савобидан бебаҳра қолмабди!

Сиз бу инсоннинг кимлигини биласизми?
БУ СИЗ!!!

ҲОЗИР ШУ СЎЗЛАРНИ СИЗ ҚАЙТАРДИНГИЗ. ДОИМО АЛЛОҲНИ ЗИКРИНИ ҚАЙТАРИБ ЮРИНГ ВА БУНИ ЯҚИНЛАРИНГИЗГА ҲАМ ЭСЛАТИБ ТУРИНГ

••┄┄┄❅┄┄┄•••
https://t.me/IBRATLY

Аёл эрининг вафот этганига бир неча йил бўлган эсада, унинг кўйлагини ҳамон жавонга осиб қўйганди. Кўйлакнинг чўнтагига эса доимо бир миқдорда пул солиб қўйишни одат қилганди.

Ҳар сафар фарзандларидан бири эҳтиёжи учун пул сўраганида, хонадонда ота номи янграб туриши учун "Отангнинг чўнтагидан ола қол, болам" дейишни жуда жуда ёқтирар эди...

P.S.: Аёл нақадар кучли бўлмасин, суянадигани бўлмаса, синиб кетиши ҳеч гап эмас! Шунинг учун ҳам эрларингизни қадрланглар, муҳтарама аёллар!!!

••┄┄┄❅┄┄┄•••
https://t.me/IBRATLY

Шайхга савол беришибди:
— Қизлар билан юрардик, тавба қилдик. Энди уйланмоқчимиз, бизга қандай қизлар тўғри келади?!

Шайх жавоб қилибдилар:
— Тавба қилган қизлар!

P.S.: Кўз олайтираётганинг кимнингдир номуси эканлигини унутма, йигит!!!

••┄┄┄❅┄┄┄•••
https://t.me/IBRATLY

Ҳеч қачон таслим бўлманг, зеро сўнгги паллада ҳам ғалаба қозонишга имкон бўлади!

••┄┄┄❅┄┄┄•••
https://t.me/IBRATLY