Онамга Ҳаж тилайман


Аллоҳнинг пок номини олиб тилимга
Аввало ўзига ҳамд-сано бўлсин
Саломлар айладим ўнгу-сўлимга
Онам қадамлари Маккага етсин 

Шунча машаққату меҳнати ҳаққи
Энди бутун умри шодликда ўтсин 
У инсон арзийди у инсон ҳақли
Онам қадамлари Маккага етсин

Барча намозлари бўлиб ижобат
Дилида бор ғаму дардлари кетсин
Каъба қаршисида қилсин ибодат
Онам қадамлари Маккага етсин

Расулуллоҳ қабрини зиёрат қилиб
Биздан чексиз саломлар айтсин
Аллоҳим номинга саловат ўқиб
Онам қадамлари Маккага етсин 

Омон бориб қайтсин саломат
Муқаддас пойини Арофат ўпсин
Онамни елкангга кўтар самолёт
Онам қадамлари Маккага етсин

Бир банданг ўтинчин қабул қил Аллоҳ
Уни ризо қилмай умрим ўтмасин
Онамнинг сабрига бир ўзинг гувоҳ
Онам қадамлари Маккага етсин.

17.02.2022

Тахаллус: 🌺Гулкўнгил🌺

Муаллиф:Раҳимова Гулҳаёт Собир қизи

https://t.me/IBRATLY

5 дақиқаю 11 сония вақт топиб шу видеони охиригача кўрсангиз, ҳақиқий ногиронлар кимлар эканини билиб оласиз, иншаа Аллоҳ.

@IBRATLY

Ассаламу алайкум ва роҳматуллоҳи ва барокатуҳ!🌷 🍃

🌤 Жума тонги муборак
бўлсин!

Сиз ва бизларни соғ–саломат уйғотган Роббимизга ҳамдлар бўлсин!

Ҳамиша Аллоҳнинг паноҳида
бўлинг 🤲🏻

Канал 👉 @IBRATLY

Бир аёл турмуш ўртоғини текширмоқчи бўлади.

Турмуш ўртоғи ишдан келишига яқин «ортиқ у билан яшай олмаслигини, муҳаббати адо бўлганини ва уйни ташлаб кетганини» ифодаловчи мактуб ёзади.

Мактубни хонтахтани устига қўйиб, турмуш ўртоғи нима қилишини томоша қилиш учун шкафни ортига беркиниб олади.

Турмуш ўртоғи келиб мактубни кўради, уни ўқиб бўлгач, у ҳам бир мактуб ёзиб хонтахтани устига қўяди ...

Ва ортидан рақсга тушиб, жуда хурсанд кайфиятда бирига телефон қилди.

«Ало, гулим қалесан? Сенга хушхабар, у уйни тарк этибди. Ортиқ орамизда ҳеч қандай монелик йўқ. Ҳозир тезда олдингга бораман» дея шошилганча уйдан чиқиб кетди.

Шкафни ортида яширинган аёл қалби жуда ҳам маҳзун, кўзларидан шашқатор ёшлар оқизганча ташқарига чиқди ва эри ёзган мактубни ўқиди.

Мактубда шундай сўзлар ёзилган эди:

«Оёқларинг кўриниб турибдику, Ҳумайро. Чой дамлаб тур, машинадан овқатни олиб келай...»

https://t.me/IBRATLY

Кундалик ҳаётингиздан позитив энергия олиб хурсанд бўлиш сирлари

— Ҳар куни кун давомида бўлиб ўтган ижобий нарсаларни, воқеаларни эслаб ёзиб қўйинг.
— Совуқ хабарлардан (ТВда, интернетда уруш, зўравонлик, табиий офатлар, қисқаси кўнгил чўктирувчи) узоқроқ юринг!
— Фақат яхши хабарлар ўқишга, тинглашга интилинг!
— Ҳаётдан нолийдиган, ғийбатчи, ношукур инсонлар билан камроқ иложи бўлса умуман гаплашманг!
— Ҳаётингиздаги ҳар бир қийинчиликка кулиб, дарс, сабоқ деб қабул қилинг. Ҳар бир ишда ҳикмат бор.
— Ҳаётга кулиб боқинг! Ўз-ўзидан йўлларингиз очилиб ишларингиз юришиб кетганини сезмай қоласиз!

https://t.me/IBRATLY

Болани моддий таъминлаб қўйиш оталик вазифаси эмас!

Оталар муҳим ишлар билан машғул. Шу даражадаки, фарзандлари билан бироз шуғулланишларидан ҳам муҳим. Оталар фарзандларининг моддий эҳтиёжларини қондириш билангина оталик вазифаларини бажардим деб ўйламасликлари, виждонларини бироз роҳатлатиш учун болаларини ҳафтада бир марта сайрга олиб чиқиш етарли, деб тушунмасликлари керак. Бу тарзда оталик қилаётганлар хафа бўлишмасин, оталик вазифаси булардан иборат эмас! Икки ҳафта фарзанди билан ниманингдир режасини тузган отага буни яна бир бор эслатмаса унутиб қўядиган ота қўрқиши, қаттиқ қўрқиши керак. Модомики, сизнинг вақтингиз ҳисобли, фарзандингиз учун вақтингиз бўлмаса, у ҳолда ўзингизнинг келажагингиз ҳақида ҳозирдан қайғуришингиз керак бўлади.

Энди сиз 15 кун ёки 1 ойда бир марта тўрттагина нон билан бир соатга кўргани келадиган фарзандингиз устидан шикоят қилишни умуман ҳаёлингизга келтирмаслигингиз керак. "Ўғлим, қизим, нега мен билан гаплашиб ўтиргани бемалол келмайсан, келасану кетасан" деган сўзларингизга жавобан "уйда ҳамма нарса етарли бўлса, мазза қилиб ўтирсангиз-чи, мени ишларим бошимдан ошиб ётибди," деган жавобларига тайёр туришингиз керак. Чунки сиз ҳақиқий оталик фарзандни моддий эҳтиёжларини қондириш деб ҳисобласангиз, кун келиб болаларингиз ҳам отамни моддий томондан таъминласам, фарзандлик вазифамни адо этган бўламан деб тушунади.

Хўш, сиз шунга тайёрмисиз?

https://t.me/IBRATLY

Бир кун ҳаммаси яхши бўлади, деймиз.. Аслида бугунимиз ҳам энг яхшиси эканлигини билмаймиз.

Бир кун ўша ёр ҳам келар, муаммолар кетар, қарз узилар, уй олинар, ватанга қайтилар, соғайиб кетилар...

Аммо... Аммo, ўша вақтда бугунингиздаги каби ёшроқ бўлмайсиз. Ўша бир куни бугунги иштиёқингиз, шижоатингиз, кучингиз, қувватингиз бўлмаслиги мумкин. Ўша куни бугун хоҳлаётганингизни хоҳламай қолишингиз мумкин...

Бугунингизни қадрланг! Аслида энг яхши кун бугундир!

©️ Ориф Таскин ("Ҳаёт менга шуни ўргатди")

https://t.me/IBRATLY

#ИБРАТ

Икки фарзандини етаклаб, бир фарзандини бағрига босиб келган сингил ўзи туғилиб ўсиб, катта бўлган хонадонга кириб келдию, йиғлаб юборди. Бу ҳолатни кўрган ака ҳеч нарсани англай олмасди. Бироқ акани бағрига ўзини отган сингил йиғлаб пичирлар эди: "Наҳот, фарзандларим ота мехридан маҳрум бўлсалар?" Ака гап қаерда эканлигини бир оз англагандек бўлди, “аммо нега”  деган савол тўхтамай тилида айланар эди. Акани ҳаёлидан бир зумда бир нечта яхши-ю, ёмон гумонлар ўтиб кетди. Ақлини жиловлаб деди:
-  “Синглим, менга аста ҳаммасини тушунтириб айтмасанг ҳозир ақлдан озиб қоламан. Самандарга нима бўлди ёки у нима қилди?”
Сингил кўзларидан ёшини артиб сўри четига омонатгина ўтирди. Бу ҳолатни кўрган келин, сингилни қўлидаги болани олди ва икки катта ўғлини хам етаклаб уй ичига кириб кетди. Сингил аста сўз бошлади
-  “Фалокат содир бўлди ака, фалокат. Аллоҳ бизга синов юборди. Ҳабарингиз бор, куёвингиз бир бойваччани машинасини ижарага хайдаб рўзғоримизни тебратиб турар эдилар. Кеча кечаси бахтсиз ходиса рўй берибди. Куёвингиз машинада кетаётган вақт йўлига ёш бола югуриб чиққан. Болани ҳаётини сақлаб қоламан деб, машинани қаттик бурган. Машина ағдарилиб ёна бошлаган. Машина ичидаги бир йўловчи воқеа содир бўлган жойдан оғир аҳволда касалхонага олиб кетилган, аммо касалхонада жон таслим қилган. Машина эса ўша жойда ёниб қора темирга айланган. Куёвингизни ҳозир қамаб қўйишган. Машина эгаси ва ҳалок бўлган мархумнинг уйидагилари куёвингиз устидан ариза ёзишган. Агар машинани пулини тўламасак ва мархумни уйидагиларини рози қилмасак куёвингиз қамалар экан" - деди-ю, кўзларидан шашқатор ёш қуйиларди – “Бу вокеадан хабар топган ойижонимни (қайнона) юраклари хуруж қилиб қолди. Уларни ҳам касалхонага ётқиздик. Биласиз адажон (қайнота) ва ойижонлар қариб қолишган, бу дардни кўтара олмайдилар" - қўшиб қўйди қалтироқ овозда. Ака махзун ўйга толди:
-  "Ҳа синглим, яхши иш бўлмабди, сен менга хўжайнинг қаердалик манзилини айт. Мен хозироқ бориб барча ишларни суриштириб билейчи. Ўзинг эса тез уйингга қайт. Адажонингга яхши қара. Уларни ёнида бўл, ойингдан хабар ол, борақол синглим" - деб, сингилни кузатгач ўзи хам йўлга чоғланди.
Эртасига тонгда акани ховлиси деворига ёзилган эълон барчани хайрон қолдирди. "УЙ СОТИЛАДИ". Қўшнилар ўзаро шов-шув қилишарди. Айрим қўшнилар бетоқат бўлиб нима гаплигини билгани ҳам киришди, хонадон сохиблари табассум билан "ҳа пул зарур бўлиб қолди, ховлини сотиб кичикроқ квартирада яшаб турсак хам бўлаверади" - деган жавобни олишди. Узун қулоқ гаплар сирлигича қолмади. Кичик бир шахарчада барча бир бирларини таниганлиги учун бу гап тез тарқалди ва ака нима сабабдан уйини сотмоқчи эканини англаб етишди. Сингил ҳам бу гапдан хабар топиб, акани ёнига чопди. Ундек қилмаслигини ўтиниб сўради, аммо ака сингилни гапига қулоқ солмади.
-  "Самандар у ёқда қийинчиликда, сен рухан азобда жиянларим ота деб бўзлаб турса, мен қандай хотиржам данғиллама ҳовлида яшайман? Кўз ёшингни йиғиштирда, бор уйингга. Сабр қилиб кут, Инша Аллоҳ хаммаси яхши бўлади" - ака табассум билан синглисини кўнглини хотиржам қилиб уйига кузатиб юборди. Ҳовлига ҳа деганда харидор топилмади, топилган харидор эса нархига келиша олмади. Орадан кунлар ўтди. Бир куни акани аёли деди:
-  "Фалон пул бўлса сотаман" - деб ўтирсак ўша нархга харид қиладиган харидор чикқунча Самандарни иши бир ёқлик бўладику. Кирган нархига сотинг. Тезлаштириб Самандарни олиб чиқинг" - бу сўзларни эшитган ака Аллоҳга хамдлар айтди, негаки шундек аёлни умр йулдош қилиб берганидан.
Орадан бир икки кун ўтиб эшик таққиллади. Харидор бўлса керак деб хурсанд бўлиб эшик томон ошиқди. Кўчада шахарча масжидини имоми қори ака турар эдилар.. Зудлик билан уларни ичкарига таклиф қилишди. Ҳол-аҳвол, салом аликдан сўнг қори ака чой устида гап бошладилар:

"Аллоҳга шукрки, орамизда сиздек сингилга мехрибон акалар борлигидан, яна Аллоҳга шукрким орамизда саҳоватпеша сахий бойларимиз борлигидан. Сизни оилангиз бошига тушган ташвишдан хамшаҳарлар барчаси хабар топишди. Уч  тўрт саховатли бой муслимлар ўзаро келишиб сизга керакли суммани тахминан йиғиб Аллоҳ йўлига эхсон қилдилар.

Улар кимлигини сир сақлашимни илтимос қилдилар. Сиз ва болаларингиз синглингиз жонига оро кириб, ховли сотилиб, кўчада бошпанасиз қолишингизни истамадилар" - дедида елим халтага солинган бир талай пулни ака қўлига узатди.

Азизлар! Орамизда сингилларга меҳрибон акалар ва саховатли сахий бойлар жуда кўп. Аллоҳ уларни Ўз панохида асраб, икки дунёларини обод қилсин.

@IBRATLY

Чол ва олма дарахти (жуда ибратли ривоят)

👉 @IBRATLY

🌺Бу ўша аёл...

🔘 Сизга қайсидир иши ёқмай, кўнглингиз ранжиётган аёл, сизнинг бир қанча “ажойиб фазилатларингиз”га сабр қилиб келаётгандир...

🔘 Сиз уни арзимаган хатоси сабаб, аста-секин ёмон кўра бошлаган аёл, жонингизданда ортиқ яхши кўрадиган ўғил-қизларингизнинг онаси...

🔘 Сизга ёмонлиги бўлмаган, сиз ёмон кўрадиган ота-онанинг жигарбанди сизнинг ота-онангиз атрофида гир айланиб, парвона бўлган ҳам ўша аёл...

🔘 Сиз кўчада ҳаёни оёқ остига ташлаб, миллийлигимизни унутиб, европага тақлид қилиб кийинган аёллардан кўз узолмай қолганингизда, иффати ва иймонини сақлаб, заруратсиз остона хатлаб кўчага чиқмайдиган ҳам ўша сизнинг аёлингиз...

🔘 Сиз кўчада баъзи болаларнинг билиб ёки билмай қилган одобсизлигидан ранжиб, ўзингизга-ўзингиз ғулдираб гапирганинггизда, уйда шириндан - шакар фарзанларингизни ўзлигимизнинг асл миллий одоб -аҳлоқ булоғидан суғорган ҳам ўша мунис аёл...

🔘 Сиз унинг нимани яхши кўришини ўйлаб ҳам кўрмаганингизда, сизнинг яхши кўрадиган нарсаларингизнинг рўйҳатини ёддан санаб берадиган ҳам ўша аёл...

🔘 Сиз кўчада ўзингизни ўйлаб ошна-оғайнилар билан чойхонада паловхўрлик қилиб ўтирганингизда, сизни уйда кутиб, нималарни яхши кўришингизга қараб таом тайёрлаган ҳам ўша аёл...

🔘 Сиз рўзғорнинг ками ҳақида ўйлашга вақт топа олмаганингизда, маошингизни бир ойдан иккинчисига тежаб етказадиган ҳам ўша аёл...

🔘 Сиз кўча ва ишхонанинг ташвишидан чарчаб, уйга келганингизда уни сизга роҳат масканига айлантирган ҳам ўша аёл...

🔘 Сиз тирикчилик илинжида уйингизни тарк этканингизда, уйингиз ва ҳурмат-эътиборингизни, молу-давлатингизни сақлаган ҳам ўша аёл...

🔘 Сизнинг кўчада эр бўлиб, кўкрак кериб юришингиз сабаби ҳам ўша аёл сабабли...

Сизга Аллоҳнинг раҳмати ва марҳамати ёғилсин эй муслима аёллар. Аллоҳ доим сизни суйсин.

Ҳаётий Ҳикоялар ва шерлар👇

https://t.me/+FRVxLY3C7mg5ZmMy

Ризқ

• Ризқ икки хил бўлади:
• бири сени қидирадиган ризқ;
• бири сен қидирадиган ризқ.
• Сени қидирадигани ожиз бўлсанг ҳам, сени топиб боради.
• Сен қидирадиган ризққа эса фақат саъй-ҳаракат билан эришасан. Бу ҳам ризқингдир.
• Биринчиси, Аллоҳнинг фазли.
• Иккинчиси, Аллоҳнинг адолатидир.

©️ Али ибн Абу Толиб

👉 @IBRATLY

Жигарлар

Тўй-томоша қилсанг келган дўст, ёринг,
Сал қоқилсанг ўзин йироқ тутарлар.
Синовларда тинглагани юрак зоринг,
Ўғир кунда керак бўлар жигарлар!

Севдим десанг ҳиёнатни кўрасан,
Армонларни сенга туҳфа этарлар.
Эгиласан, қоқиласан, турасан,
Ўғир кунда керак бўлар жигарлар!

Кўча-кўйда ошна бўлиб юрганинг,
Давринг келса бирга даврон сурарлар.
Бутун умр жонингга жон бўлганинг,
Оғир кунда керак бўлар жигарлар!

Улар учун қизиқ эмас савлатинг,
Сал сиқилсанг, улар ичдан тугарлар.
Қизиқтирмас йиққан мол-давлатинг,
Оғир кунда керак бўлар жигарлар!

Керак эмас бегонанинг дилҳуни,
Бутун умр сендан нолиб ўтарлар.
Тобутингни кўтаришар бир куни,
Оғир кунда керак бўлар жигарлар!

✍ Мумтозбегим

👉 @IBRATLY

​​ Ассалому алайкум!

Хайрли тонг! Яхши кайфият, қалб ҳотиржамлиги, ҳалол ризқ ва ҳамиша тақво ҳамроҳингиз бӯлсин!

👉 Ибратли Хикоялар

Қари кампир оғир сумкани қийналиб кўтариб келётган эди. Ўша ерда ўйнаб юрган бир етим бола кампирни кўриб ёрдам берди. Манзилга етгандан сўнг "Сенга тарбия берган ота-онангдан Аллоҳ рози бўлсин" деб дуо қилди ва йўлида давом этди. Етим боланинг дуога кўтарилган қўли ҳавода муаллақ туриб қолди...

Исломбек Мирзақулов

@IBRATLY

Ердан олиниб отилган кесак онамни бошига тегди ! Оғриқдан бошини ушлаган онам жон аччиғида қўшни холани олдига югуриб бориб, юзига тарсаки туширдилар ! Қўшни холани ўғли онамга “ёпишди” ! Мен эса ўғлининг ёқасидан тортиб юзига мушт туширдим ! Укам дадамни чақириш учун уй томон югурди ! Жанжал авжига чиқди !...

Уйдан югуриб чиққан дадам бир-бирини сочига ёпишган онам ва қўшни хотинни олдига бориб, онамни қўлларидан тортиб ажратдилар ва онамни юзига тарсаки туширдилар ! Қўшни амаки хам оғзи тинмай қарғанаётган хотинини юзига тарсаки туширди ! Икки аёл юзини ушлаганча уйга йиғлаб кириб кетди ! Мен дадамдан қўрқиб қочиб қолдим !...

... Икки қўшни орасига жанжал келтириб чиқарган нарса бу – бефаросат товуқ эди ! Қишлоқ жойда қўшни билан орада баланд девор тортиш юз кўрмаслик белгиси бўлганлиги учун қўшнимиз билан орамизда бир метр хам чиқмайдиган сим сетка номига тортилган эди. Шундоғам қишга паррандаларга теккан касаллик сабаб қирилиб кетган товуқларимиздан фақат бир дона хўроз қолганди. Қўшнимизга хам шу ахвол, унда бир дона товуқ қолган. Бу иккаласи гоҳ у ховлига, гоҳ бу ховлига ўтиб, баҳор вақти ховлимизга экилган памидор кўчатларини расвосини чиқариб, титкилаб, яроқсиз ҳолга келтирарди. Аввалига даханаки бўлган жанжал мана бугун авжига чиқиб, уруш билан якунланди !...

... Кечга яқин уйга қайтдим. Дадам анча ховуридан тушган эканлар индамадилар. Ошхонага кирдим. Йиғидан кўзлари шишиб кетган онам идиш-товоқ ювардилар. Мени кўриб, жилмайишга уринган онам, яна йиғлаб юбордилар.
- Кел болам,- деб ёнларига чақирар эканлар, - Холангни бекор хафа қилиб қўйдик ! Шунча йиллик қўшничилигимизга арзирмиди шу ифлос парранда ! Бор ! Шу хўроз ўлгурни ушлада дадангга олиб бор, сўйиб берсинлар! – дедилар.

Шунақа ! Бизда хеч ким қўшнини бегона демас эди. Қўшни хотин хола – онамга сингил, қўшни эркак амаки – дадамка укадек эди ! Шундай тарбия билан катта бўлдик. Эсимни таниганимдан бери шу жанжал биринчи ва охиргиси бўлганди...

Хўроз сўйилди ! Гўшти ош қилиниб устига босилди ! Кечга дастурхон атрофига ўтирар эканмиз, онам хўроз гўшти “босилган” ошни дастурхонга қўйдилар. Шунда дадам :
- Қўшнига хам бердингми ? – дедилар. Онам кўзларини ерга қаратдилар.
- Қўшнига бермасдан ошни хидини чиқариб биринчи сузишга уялмадингми ? Қачонгача қовоқ-тумшуқ қилиб юрмоқчисан ? Мени ота-онам узоқда, сени ота-онанг узоқда, эрта тирик-ўликлигимиз шу қўшни биланку ! Суфе сенга ! – дедилар дадам. Бу гапдан кейин онамни юзи қизариб, бизга бошқа товоқга ош сузиб келдиларда, хўроз гўштини тенг иккига бўлиб, ошни устига қўйдилар. Товоқни кўтариб қўшниникига йўл олдилар.
- Тўхта ! Манави “шеригинг”ни хам олиб кет ! Бирга урушдиларингми, бирга ярашинглар ! – деб дадам мени хам қўшиб қўшниникига жўнатдилар ! Минг уят билан ўзим истамаган холда онамга эргашдим.

Қоронғуда ўртада тутилган сеткадан сакраб юрмайлик деган ўй билан қўшнини дарвозаси томондан бордик. Дарвозани энди тақиллатамиз деган хам эдикки, қўлида ош, ўғли орқасидан эргашган қўшни хола дарвозани бирдан очди. Қўлидаги ошни устига товуқ гўшти билиниб турарди. Онам билан бир-бирларига бироз термулиб туришдида, қўлларидаги ошга қараб кулиб юборишди. Қўшни хола уйига таклиф қилди. Кирдик. Амаким эса “ дадангни хам чақириб кел ” деди. Югуриб бориб дадамни хам қўшниникига чақириб чиқдим. Бир-биридан кечирим сўрашлар, ўзаро кулгу ва хурсандчилик шу кеча ярим тунга қадар давом этди...

... Эрталаб қўшни холани кулгусидан уйғониб кетдим. У билан онам хеч нарса бўлмагандек айвонда чақчақлашиб, сухбатлашиб ўтиришарди.....

.... Ишим шахарга кўчгандан кейин анча вақт кўп қаватли уйда ижарага турдим. Аввал ўзим, кейин оиламни хам олиб келдим. Ишга кетаман, эшик қуфланади ! Ишдан келаман, эшик очилади ! Қўшни деган “банда” ни фақат юзини танийман. Бир оғиз “ салом” деймиз бир-биримизга тўқнаш келгач. Бошқа сўз йўқ ! Хотиндан сўрайман “ Хотини билан яхшимисан ? Салом алик қиладими ? ”. “ Бошида саломлашардим. Кейин қаерданлигимизни суриштиргач, ўзини осмонга олиб саломимга хам жавоб бермай қўйди !” деб жавоб беради хотин.

Эх қўшним, қўшним ! Нахотки сен ота-онам билан бирга қишлоққа қолиб кетган бўлсанг ! Эх мехрим, оқибатим ! Нахотки сен шахарга керак бўлмасанг ?! Кўрдим шахарга қанча-қўшниларни арзимаган ёш болани гапини деб жанжаллашганини, кўрдим шахарга бир-бирини хотинига зино назари билан қараган эркакларни, кўрдим шахарга эшигини остига ахлат тўкиб кетадиган “мехрибон” қўшниларни ! Кўриб-кўриб бу кўз хам, бу қалб хам аста секин қотиб борди ! Мен хам истамаган холатда “шахарлик” бўлиб қолдим !!!

Оллоҳ насиб қилиб ховли жой олиб, кўчиб ўтдик. Қўшнимиз хам бизга ўхшаган ёш оила. Иккаламиз хам қурилишдан бўшамаймиз. Қўшни эр-хотин ишда,болалари уйда. Хотиним ёш боласи туфайли уйда. Хар кун қўшни хотин ишдан қайтгач, қозонга жазиллатиб овқатга уринади. Кечга қолиб кетади. Бу пайт биз овқатланаётган бўламиз. Бир девор ховлида қўшнини болалари “ Она овқатингиз пишдими ” деб сўраши эшитилиб туради. Ўша қишлоқда юрган вақтим хам, хозир хам одамлар сиз бераётган бир лаган овқатга мухтож бўлмаган. Аммо мана шу арзимаган лаган сиз билан қўшнингиз орасидаги мехр-оқибат ришталарини боғлайди ! Дастурхон атрофига ўтирар эканман хотинимга қараб шундай дейман :

- Қўшнига хам бердингми ?!....

Абдулла Омон

👉 Ибратли Хикоялар

#МашaАллоҳ

❗️Хозирги замонда бунақа Ота-бола ўтиришлар камайиб кетган хавасим келди.

👉 @IBRATLY