Бир кишига дўстлари эчкиэмар совға қилишди. У бу ноёб мавжудотни парвариш қила бошлади. Кунларнинг бирида кутилмаганда эчкиэмар унинг бармоғидан тишлаб олди. Жон аччиғида бу маҳлуқни йўқотмоқчи бўлди, лекин жониворнинг кўзларига кўзи тушгач, бўшашиб, ғазаби босилди. Эчкиэмар гўёки унга садоқат тўла нигоҳлари билан маҳзун боқиб “кечир, хўжайин” деяётгандай туйилди.

Жонивор кун бўйи унинг ортидан эргашиб бир қадам ҳам нари кетмади. Хўжайин шундай содиқ дўстни йўқотмоқчи бўлганлигини ўйлаб бироз хижолат ҳам бўлди.
Эрталаб уйғониб қараса “дўсти” тун бўйи ёнидан жилмай, ундан кўз узмай, ғамгин нигоҳлари билан унга қараб турганини кўрди. Ва ичидан қандай ажойиб, ғамхўр ҳайвони борлигини ўйлаб суюнди. Унинг бу мамнунлигини кечаги жароҳатланган бармоғининг шишиб, чидаб бўлмас оғриқ бериши бузар эди. Эчкиэмарини ёнига олиб шифокор кўригига борди.

У ерда маълум бўлишича эчкиэмарнинг бу тури заҳарли ҳисобланиб, заҳар кучсиз бўлганлиги сабабли ўлжа бирданига ўлмаган, шунинг учун бу ақлсиз махлуқлар ўлжани аввал тишлаб, кейин унинг ўлишини пойлаб, ортидан эргашишар экан...

Садоқат билан кўзларингизга боқиб, ортингиздан эргашадиган, ўтирсангиз атрофингизда тикка турадиганларга кўпам ишонаверманг, улар шунчаки пайтини пойлаб, жисмингизни парчалашни кутаётган бўлишлари ҳам мумкин...


@IBRATLY

Бир йигит қудуққа тушиб кетди. Ёрдам сўраб, додлай бошлаган эди, кишилар унинг овозини эшитиб, қудуқдан чиқариб олишди.

Бир киши у йигитнинг қўлига тинчланиб, ўзига келиб олиши учун бир коса сут тутқазди. Йигит сутни ичиб бўлгач, кишилар ундан қандай қилиб қудуққа тушиб кетганини сўрашди. Йигит одамларга қудуққа қандай қилиб тушиб кетганини кўрсатиб бераман деб қудуқ ёнига борган эди яна бехосдан қудуққа тушиб кетди ва ўлди.

Аҳли илмлардан бир киши ушбу ҳикояни зикр қилиб, унинг ҳикматида шундай дейди:
«Ўша бир коса сут йигитнинг ризқи эди. Йигит эса ўша сутни ичганидан сўнг, ризқи поёнига етди ва вафот этди. Шундай экан, ризқингиз келмай қолишидан қўрқманг! Фақатгина ризқ келадиган сабабларни адо этинг холос. Раззоқ-ризқ бергувчи Аллоҳнинг ўзидир! Ҳеч бир жон ўзига битилган ризқи поёнига етмасдан ва ажали келмасдан туриб ўлиб қолмайди!

@IBRATLY

#Ибрат

Ушбу оила Умрадан келганида поёндозларсиз, дабдабасиз, жимгина уйларига қайтишибди.

Одамлар энди-энди тушуниб етмоқда. Умрага борди дегани бу дабдаба билан кутиб олинсин дегани эмас, бу нарса ҳеч қаерда йўқ. Фақат бизда қолиб кетган эди...

@IBRATLY - Ибрат улашамиз

Baxt bu masalan aylanib kelib bir kirsang obunachilaring ko'payib qolishi.. :) 😉

​​Одамлар нима деркин?

Қиз талаба бўлди.
«Ўқиб олим бўлармиди», қўл силтади одамлар.

Қизгина унга ошиқ йигитнинг изҳорини қабул қилди.
«Танлаганинг шуми», кулди одамлар.

Келинчак жуфтининг хизматида бўлди, бирор марта юзига тик қарамади.
«Мунча лаллаймасанг», деди одамлар.

Аёл кетма кет фарзандларни дунёга келтирди.
«Бунча кўп туғасан», ачинди одамлар.

Аёл ишга кирди, рўзғорга қарашди.
«Оилани унутма», ақл ўргатди одамлар.

Аёл ҳасталанди.
«Жони қирқта, ўлмайди», хукм қилди одамлар.

Аёл курашди, гулдек яшнади, кўзёшини бировга кўрсатмади.
«Бир балоси бор», шубҳаланди одамлар.

Кампир кексайди, ҳамманинг ризолигини олиб омонатини топширди.
Одамлар эса ҳамон гапирарди...

✍🏻 Нодирабегим Иброҳимова

@IBRATLY

Harqancha tun uzoq bo’lmasin, bir kun albatta tong otadi…

Abdulloh domla

@IBRATLY

Мен учун ҳам йиғланглар...

Басрада бир обид бўларди. У кўп ибодат қилар, маҳзунлик ва кўп йиғи уни касал қилиб, оздириб юборган эди. Вафоти яқин қолганида аҳлу оиласи унинг атрофига тўпланиб йиғлашди. Обид уларга: «Мени ўтирғизиб қўйинглар», деди. Сўнг уларга қараб, отасидан сўради:
— Отажон, сиз нега йиғлаяпсиз?
— Ўғлим, сени йўқотишни, сендан кейин ёлғиз қолишимни ўйлаб йиғладим.
Обид онасидан сўради:
— Онажон, сиз нега йиғлаяпсиз?
— Фарзанд доғининг аччиғини тотишимни ўйлаб йиғлаяпман.
Сўнг хотинидан сўради:
— Сен нега йиғлаяпсан?
Яхшиликларингизни йўқотишимни, сиздан бошқага муҳтож бўлишимни ўйлаб йиғлаяпман.
Обид болаларидан сўради:
— Сизлар нега йиғлаяпсизлар?
— Сиздан кейин хор бўлишни, етим қолишни ўйлаб йиғлаяпмиз.
  Бу жавобларни эшитган обид уларга қараб туриб, йиғлаб юборди. Улар сўрашди:
— Ўзингиз нега йиғлаяпсиз?
— Бирортангиз мен учун йиғламаётган экансиз. Ҳамма фақат ўзи учун йиғлаяпти экан. Ичингизда мен учун — сафарим узоқлигини ўйлаб йиғлайдиган йўқми?
Сафар учун озуқам озлигини ўйлаб йиғлайдиган йўқми?
Тупроқда ётишимни ўйлаб йиғлайдиган йўқми?
Оғир ҳисоб-китобга йўлиқишимни ўйлаб йиғлайдиган йўқми?
Оламлар Роббининг олдида туришимни ўйлаб йиғлайдиган йўқми?
Обид шу сўзларни айта туриб, юзи билан йиқилди. Уни қимирлатиб кўришди. Қарашса, жони узилган экан.

https://t.me/IBRATLY

Менга хотиржамлик келтирувчи ҳикматлар

1. Қуёшга ўхшаб порлашинг — учун аввал ботишинг керак.

2. Аллоҳ сендан нимани олган бўлса, албатта, ундан яхшисини қайтиб беради. Фақат сен бунга ишон!

3. Сени ўлдирмаган барча нарса сени — кучли қилади.

4. Хато қилишинг сени қисматингга ёзилган эди. Хоҳласанг ҳам қочиб қутулолмасдинг.

5. Қийинчиликлар сени Аллоҳни эслашингга, Унга яқин бўлишингга сабабчи бўлаётган бўлса, қийинчилик эмас — Аллоҳнинг туҳфаси экан!

6. Аллоҳнинг ҳикмати ила ёпилган ҳар бир эшик ортида — Унинг раҳмати ила очиладиган икки эшик бор.

7. Охири абадий жаннат бўлган машаққатнинг нимаси машаққат?

8. Сени тақдиринг ер яралишидан 50 минг йил аввал китобда битиб қўйилган. Келажакни ўйлаб хавотир олма!

9. Аллоҳ ижобат қилишни истамаганида — сени дуо қилишга илҳомлантирмаган бўларди.

10. Қачонки дуо қилсанг, Аллоҳ — ё сўраганингни беради, — ё ундан ортиғини беради, — ёки уни ортидан келаётган балони олдини олади.

Шунда ҳам бермаса охиратда сенга янада кўпайтириб беради.

12. Сенга етган мусибатга ҳар доим ҳам — сен айбдор эмассан.

Баъзи пайтлар Аллоҳ даражангни кўтариш учун ҳам мусибатга йўлиқтиради.

Сенга фойдали бўлган бўлса, улашиб қўйишни унутма!

✍ Моҳир Мирзахмедов

@IBRATLY

#baroat_şabon_najot

❗️БУГУН БАРОАТ КЕЧАСИ...

🌙 Бароат кечаси 13 февраль пайшанба куни шом намозидан 14 февраль бомдод намозигача давом этади.

✍️ Устоз Одилхон қори ЮНУСХОН ўғли

☝️ДЎСТЛАРИНГИЗГА ҲАМ УЛАШИНГ!!!
@IBRATLY

Кимнингдир телефонида, контактлари ёки лентасида эмас, балки дуоларида бўлиш ҳақиқий муҳаббатдир.

#Жумамуборак💚

@IBRATLY

Менга шундай таъсир қилдики, йиғлаб юбордим. Унча бунчага йиғламас эдим. Ўқитувчини идиш ювсада фанини нақадар улуғлаши, болаларни севишини, ғурурини синдириб шу даражага етиб келиши, бу жуда қийин иш. Муболаға қилмадим. Сиз ҳам ўзингизни шу ўринга қўйиб кўрингга...
Менга жуда таъсир қилди.

@IBRATLY

​​​​МЕНГА ЎЗ ДИНИМ...


Кафирун сураси... Олтинчи оят,
Хаста юрагимга яқиндир ғоят.
Ўқийман шунда тинч қўярсиз шояд:
Сизга ўз динингиз менга ўз диним!

“Аллоҳу Акбар”-ла бошланар тонгим,
Мусҳафи шарифга ошиқдир онгим.
Маним азоним бор, йўқ маним бонгим,
Сизга ўз динингиз, менга ўз диним!

Бошимда мўминлик аталмиш бир тож,
Манфаатим учун қолсамхамки оч,
Зар учун бўйнимга осмагайман хоч,
Сизга ўз динингиз, менга ўз диним!

Қондошим кўп кўрдим сиздайлар дўқин
Юрагимга санчиб нафратнинг ўқин.
Десангизда сен хам бутларга чўқин,
Сизга ўз динингиз, менга ўз диним!

Исломга киринг деб бошингиз ёрмам,
Аммо ўз қадрим хам тупроққа қормам.
Мендан кечсангизда черковга бормам,
Сизга ўз динингиз, менга ўз диним!

Майлига силаи раҳмни узмам,
Аммо сизлар билан иттифоқ тузмам.
Куфр уммонида сизлар-ла сузмам,
Сизга ўз динингиз, менга ўз диним!

Мен кечаги Ренис эмасман энди,
Сиз узатган гўштдан емасман енди.
Кемамиз биттадир демасман энди,
Сизга ўз динингиз, менга ўз диним!

Сафари қариган ғариб меҳмонман,
Гарчи гуноҳлари тахмон-тахмонман.
Мен Ислом боласи Абдураҳмонман,
Сизга ўз динингиз, менга ўз диним!!!

@IBRATLY

01.01.2020
Абдураҳмон Мешаян

Аллоҳим барчамизни Расулуллоҳ соллаллоҳу алайҳи васалламнинг равзаларини кўриб саловату-саломлар айтишликка муяссар айласин!

@IBRATLY

Отамни-Онамни асра Аллоҳим.

Тунлари ухламай бедор бўлганим,
Мен учун куюниб зор-зор бўлганим,
Ҳаёт ташвишидан озор кўрганим,
Отамни-Онамни асра Аллоҳим.

Уларнинг борлиги давлатим тахтим,
Қувончим,шодлигим энг олий бахтим,
Елкамда кўтариб ҳаж қилиш ахдим,
Отамни-Онамни асра Аллоҳим.

Шай туриб туну-кун ҳизматин қилай,
Юзларин силабон ғанимат билай,
Солиҳ фарзанд бўлиб дуосин олай,
Отамни-Онамни асра Аллоҳим.

Гоҳида кеч келсам кўзлари гирён,
Бошимда волидам парвона ҳар он,
Фарзандим тинчми деб ўйлайди ҳамон,
Отамни-Онамни асра Аллоҳим.

Ҳаётим мазмуни ёлғизим улар,
Хар нени ҳоҳласам кўзимдан билар,
Бизнинг эркамиз деб бошларим силар,
Отамни-Онамни асра Аллоҳим.

Мен ДОНИЁР нодонман қалби сўқирман,
Баъзида чин ҳазил шеърлар туқирман,
Фарзандлик бурчимдир аҳир уғилман,
Отамни-Онамни асра Аллоҳим.

Дуода сурагум РОББИМ паноҳим,
Иккиси соғ бўлиб юрсин илоҳим,
Уларнинг олдида кўпдир гуноҳим,
Отамни-Онамни асра Аллоҳим...

@IBRATLY

Ҳасан Басрийдан: "Киши ота-онаси билан урушиб юриши мумкинми?" дея сўрашди. Жавоб қилдилар: "Ҳатто пойабзаллари билан ҳам мумкин эмас!!"

@IBRATLY

Эрталаб соғ-омон туролган бўлсанг,
Чароғон қуёшни кўролган бўлсанг.
Онангдан хол-аҳвол сўролган бўлсанг,
Демакки бугунинг-энг чиройли кун!

Эшитсанг жуфтингдан меҳрли калом,
Фарзандинг жилмайиб айтса: "Ассалом!"
Отанг дуо қилса- " Омон бўл, болам! "
Демакки бугунинг-энг чиройли кун!

Дилингга энг гўзал тилаклар тўлса,
Орзулар ушалса, армонлар ўлса.
Айтар сўзларингда шукуринг бўлса,
Демакки бугунинг-энг чиройли кун!

Бирор яқинингдан бўлмасанг жудо,
Қалбинг ўртамаса аламли нидо.
Яна бир кун учун ризқ берса Худо,
Демакки бугунинг-энг чиройли кун!

Бугунингиз муборак !

✍ Дилобар Уролова 👇

https://t.me/+FRVxLY3C7mg5ZmMy

Ассаламу алайкум ва роҳматуллоҳи ва барокатуҳ!🌷 🍃

🌤 Жума тонги муборак
бўлсин!

Сиз ва бизларни соғ–саломат уйғотган Роббимизга ҳамдлар бўлсин!

Ҳамиша Аллоҳнинг паноҳида
бўлинг 🤲🏻

Канал 👉 @IBRATLY