"Дада зўр иш қилдик-а"
(хаётий воқеа)
Бир куни машинамда 6 ёшли ўғлим билан кетаётиб, йулда кўп қаватли уй остидаги пайнетга пул тўлаш учун тушдим. Қайтиб келсам, ўғлим йиғлаб ўтирибди. Нима гап десам, "дада анавини қаранг" деди. Қарасам, йўл четида кийимлари эски бир кампир тахта устига нарса қўйиб сотиб ўтирибди.
“Нарсаларнинг сонини қаранг, 2-3 та конфет, 2 пачка донали сигарет. Бошка хеч нарса йук.”
Хуш нима қилибди десам, 6 яшар ўғлим "ўғли йўқми уни, нега бу ахволда, қорни очдир, дада илтимос мана шу пулларни хаммасини шу аёлга берайлик" деб машинам баридаги бир сиқим пулимни кўрсатди. Нихоятда таъсирланиб, боламнинг айтганини қилиб пулларнинг хаммасини ўша аёлга олиб бориб бердим.
Аёл ханг-манг бўлиб қолди. Нима учун деган саволига, мен кулиб, "шу пулни сизга илинган инсонни дуо қилсангиз кифоя" дедим.
Аёл йиғлаб юборди, "илойим уша одамнинг умрига барака берсин, бахтли бўлсин, Аллох мукофотласин" дея дуо қилаётганида менинг қай ахволга тушганимни тасаввур қилаверинг. Ичларим жимирлаб кетди.
Машинага қайтиб, йўлга тушдик. Ўғлим "дада зўр иш қилдик-а" деса, мен жавоб беролмай, бошимни силкитиб қўйдим. Чунки кўзларимда ёш, бўғзимга нимадир тиқилган, ичимда эса "шундай фарзанд берган Аллохга беадад шукр" деб айтаётган эдим...

@IBRATLY

👏 Barakalla, yigitlar! O'zbekiston penaltilarda Xorvatiyani yengib, keyingi bosqichga yo'l oldi! 🇺🇿🫶

РОССИЯГА КEТГАН ДАДАЛАР

Умр кўзу қошнинг ораси,
Юртда қолган юрак пораси.
Йўқдир балки ўзга чораси,
Россияга кетган дадалар.

Қолай дея доим улгуриб,
Секин юрмас. Юрар югуриб.
Пулни ердан олмас супуриб,
Рассияга кетган дадалар.

Телефонда ёлғондан кулар,
Ёлғиз қолса сочларин юлар.
Урушларсиз фронтда улар
Россияга кетган дадалар.

Гоҳо қаттиқ нонни тишлайди,
Кеча кундуз демай ишлайди.
Совуқ вагонларда қишлайди
Россияга кетган дадалар.

Изғиринни кўзга илишмас,
Хиёнатни истаб қилишмас.
Хотиржамлик рангин билишмас
Россияга кетган дадалар.

Билмас қўйин олалигини,
Кўрмас ипак толалигини.
Боласининг болалигини,
Россияга кетган дадалар.

Аёлига «соғиндим», демас
Фақат тушда пушаймон емас.
Хурсандлиги ҳақиқат эмас
Россияга кетган дадалар.

Меҳр беринг турмасдан койиб,
Ҳаёл билан кетмасин тойиб.
Қолар У ҳам бир куни бойиб,
Россияга кетган дадалар.

Соғинчлари аслида қулоч,
Гоҳида тўқ гоҳо қорни оч.
«Тақдирда...», дер. Ёқ ўзга илож
Россияга кетган дадалар.

Тушда онасини қучади,
Юрагидан тоғлар кўчади.
Ҳар тун тушда уйга учади
Россияга кетган дадалар.

Таъқиб қилар жонини хатар,
«Яхшиман», деб ёзади хабар.
«Кетмайман»- дер келса ҳар сафар
Россияга кетган дадалар.

Ҳаёллари доим сиз-ла банд,
Ўзи қор еб сизга тутар қанд.
Ким онам дер ким эса фарзанд
Россияга кетган дадалар.

Юртни эслаб сомсалар ёпар,
Не қилса ҳам ҳалол ризқ топар.
Суратларни пинҳона ўпар,
Россияга кетган дадалар.

Дуо қилинг соғ бўлсин жони,
Сиз деб кезиб чиқар дунёни.
Лафзи каби ҳалолдир нони,
Россияга кетган дадалар.

Ҳақ қўлласин қийналган пайтлар,
Сиз учун бу ёзилган байтлар.
Иншаоллоҳ саломат қайтар
Россияга кетган дадалар.

Кўринг фарзандингиз бўйини,
Боши бўлинг улар тўйини.
Бўлди,чалманг соғинч куйини
Россияга кетманг дадалар.

Дарахт бўлди ниҳол садалар,
Унутилди қанча ваъдалар.
Интиқ кутар йўл қараб кўзлар
Қайтақолинг энди дадалар...

✍️ НИЛУФАР ТEМУР қизи

👉 @IBRATLY 🌱

#Latoif

    Madrasada bolalarga Alloh odamni qanday yaratganligi to'g'risida aqida darsi bo'layotgan edi.
Odam alayhissalomning ayoli - Havvo uning qovurg'asidan yaralgani haqida gapirilayotgandek bo'ldi. Haftaning so'nggida Abdullohning oyisi o'g'ilchasining go'yo mazasi yo'qdek cho'zilib yotganini ko'rib:
-Abdulloh, nima bo'ldi bolam? - deb so'radi.
Kichik Abdulloh:
-Qovurg'amda bir og'riq sezyabman. Menimcha yaqinda xotinlik bo'lsam kerak - deb javob berdi!😄))

@IBRATLY

КЎЗИМ ОЧИЛСИН

Payme: Kapalak bolalar

@IBRATLY

Ular sizni huddi shunday katta qilishgan. UNUTMANG❗️

@IBRATLY 🍃

☝️Ushbu video shahar yoki qishloq haqida emas. Biroz tafakkur qilgan odam, uning mag‘zini oson anglab yetadi.

Xo‘sh videoni ko‘rib, ayting-chi, u nima haqida ekan?

👉 @IBRATLY 🍃

Aytolmaysiz

😊

@IBRATLY

Қиш фаслига етказган Аллоҳга ҳамдлар бўлсин, қишнинг биринчи куни муборак бўлсин,

❗️Қалбингиз ҳамиша қордек оппоқ ва беғубор бўлсин!


👉 @IBRATLY

#Қизлар_учун

Гўзал қизим!

Саодатли бўлишни хоҳласанг, орқангдан гапирганларга парво қилма...

Бировнинг ризқига кўз олайтирма...

Бошқаларнинг насибасига қарама.

Ғийбатчининг сўзига парво қилма.

Юрагингни ғаш қиладиган миш-мишларга эътибор қилма.

Сени эътироф этмаганнинг, танқидига аҳамият берма.

Осмонга қара...

Дарахтларга қара...

Қўлингдаги неъматларга қара...

Товоғингдаги ризққа қара...

Ойна қаршисига ўт, бу дунёда биттагина  бўлган ўзингга қара...

Сени севган Роббингнинг раҳматига қара...

Ким нима деса десин, сен фақат ўз амалингга қара...

Сўнгра ўтир, ўгирилиб қалбингга қара, ана саодат, мана ҳаловат, ана шукр, мана улкан ташаккур!..

Умида Азиз

👉 @IBRATLY

📝ЕР ОСТИДА ЯРИМ СОАТ.

(ибрат учун)

Хозир ёзаётганларим кимлар учун сафсатадир, аммо кабрга киришдан олдин тириклигингизда уйгониб олинг...
Бу одам ё телба ёки бошига бирор катта мусибат тушган. Ярим кечаси қабристон деворига тирмашаётганимни кўрган одам шундай хаёлга бориши аниқ эди. Аслида ҳам шундай, ахир, намозга бепарволикдан ортиқ мусибат борми?. Бир пайтлар ўқиган эдим. Суфён Саврий ҳазратлари уйида ўзи учун қабр кавлаб, баъзи-баъзида унинг ичида ўлим ҳақида тафаккур қилиб ётаркан. Кейин ҳаяжонланганча: Раббиржиъун (Раббим, мени қайтар,) дея ўрнидан турар, устидаги тупроқни қоқиб айтаркан: Дунёга такрор қайтдинг, кўрайлик, савоб қозонишга қандай киришасан?. Яқин кунлардан буён ибодатга бепарвоман. Намозларни бесабаб қолдира бошладим, айниқса, бомдодни. Бу ҳолат қайтарилавергач, Суфён Саврий ҳазратлари каби нафсимга жазо беришим лозим, деган қарорга келдим. Ҳеч ким билмасин дея, ярим кеча қабристон деворига тирмашаётганим шундан. Чунки эшикдан кирсам, қоровул кўриб қолади. Мана, девор устига чиқдим. Этни жунжиктирадиган даражада қоронғу, сокинлик. Ичимни қўрқув қоплади. Қабрларга тикилганча ўйланиб қолдим: буларнинг баъзисида севинч бор, баъзисида азоб. Агар марҳумлар тилга киришса, Расулуллоҳ айтганларидек: Намозга диққатли бўлинг! деб ҳайқиришарди. Шу ўй билан пастга қандай сакраганимни билмай қолдим. Тушдиму деворга орқам билан ёпишиб олдим. Секингина бошимни буриб, ён томонга қарадим. Аввалдан билардимки, бу томонда кавлаб қўйилган қабрлар бор. Ўша томонга қадам ташларканман, оёқларим тош боғлангандек оғирлашганини ҳис қилдим. Нима бўляпти менга, қулоғим остида шивир-шивирлар, кимнингдир нафаси. Орқамга қарасаммикан? Йўқ! Булар ҳаммаси шайтоний васвасалар. Ахир, хуфтонни жамоат билан бирга адо қилдим, иншааллоҳ, Аллоҳ муҳофазасидаман, қароримдан ҳеч нарса чалғитолмайди. Мана, қабр оғзида ўтирибман. Шу пайтгача бу ердан ҳам қоронғироқ жой кўрмаганман. Қандай жасорат билан бу ергача келдим? Қабр ичида мени нималар кутаётган экан? каби саволлардан юрагим оғзимга келди гўё. Шу ердан қайта қоламан, қасамни бузганим учун уч кун рўза тутаман. Ҳозир эса қабр четида бир оз ўтираману кейин кетаман, деган хаёлда титраётган тиззаларим билан чўккаладим. Қўрқув ва васвасаларни қувиш мақсадида Аъузу биллаҳи минаш-шайтонир рожийм, дея зулмат қоплаган очиқ қабрга тикилганча ўйга толдим. Ё Аллоҳ! Бу ерга ҳар бир инсоннинг келиши муҳаққақ. Ўлимдан қочиш йўқ. Лекин шуни била туриб нега дунёнинг ортидан бунчалик қувамиз? Парвардигоро, қанчалаб инсонга озор бердик, қанча ғийбатлар қилдик, намозни тарк этган, Қуръонни куй-қўшиққа алмаштирганимиз қанча. Била туриб ғафлатга ботамиз, Сенга исён қиламиз. Сўнгги маконимиз эса шу қоронғу лаҳад. Шу ўйлар остида Аллоҳга таваккул қилиб, ўнг оёғимни узатдим ва қабрга тушдим. Елкамдаги ёпинчиқни тўшаб, ётиб олдим. Қаттиқ қўрқувда эдим. Ўйладимки, ҳозир устимни тупроқ кўмиб қўйсая? Дарҳол ётган жойимда кўзларимни юмиб олдим, юрагим қинидан чиқиб кетмасин, вужудимнинг титраши тинсин дея.
Агар мен, яъни тирик, куч-қувватли одам шу ҳолга тушса, ўликнинг ҳоли нима бўлар экан?

©Крик Души Шухрат.

@IBRATLY

#Кун_ҳикмати

Бир киши бахтига кўз тегишидан ҳадиксирайди, бир куни ҳақиқатдан унга ҳасадчининг кўзи тегади.
– Бошқа киши ушбу йили ўқишга кира олмайман деб хавотир олади, айнан ўша йили ўқишга кира олмайди.
– Аёл эри ёки фарзандлари бемор бўлиб қолишидан қўрқади, оқибатда ҳақиқатда ўша иш ҳосил бўлади, яъни улар касал бўлиб қолишади.

Нима учун айнан қўрққан нарсангиз юзага келишини биласизми?
Сабаби ушбу ҳадиси қудсийдадир. Аллоҳ таоло ҳадиси қудсийда шундай дейди: “Мен бандамнинг Мен ҳақимдаги гумонидаман”

Шундай экан, Аллоҳга яхши гумон қилинглар, ким чиройли гумон қилса, муваффақиятга эришади!

👉 @IBRATLY

Нега эҳсон қилишга қўлинг титрайди?

Фозил қори Ёсин қори ўғли

👉 @IBRATLY