"ဟေး၊ မိယာတာ... နင် အသက်ရှင်ရတာ ပျော်ရဲ့လား"
လက်ရှိပစ္စုပ္ပန်မှာ ရှင်သန်နေကြတဲ့ မိန်းကလေးငယ်တွေရဲ့ လူငယ်ဘဝ လွတ်မြောက်ရာ ဇာတ်လမ်းတစ်ပုဒ်ပဲဖြစ်ပါတယ်။

သာမန်ဆိုတဲ့ ဘဝနဲ့ ဝေးကွာနေတဲ့ ကောလိပ်ကျောင်းသူ မိယာတာ ဟီရိုဟာ ကျောင်းတက်ရသလို တစ်ဖက်မှာလည်း အိပ်ချိန်မရှိဘဲ မနက်ကနေ ညအထိ အချိန်ပိုင်းအလုပ်တွေနဲ့ အိမ်မှုကိစ္စတွေမှာ အလုပ်ရှုပ်နေရသူပါ။

ဒါတွေအားလုံးက သူ့ရဲ့မိခင်ကို ပိုက်ဆံပေးဖို့နဲ့ ပြုစုစောင့်ရှောက်ဖို့အတွက်ပဲ ဖြစ်ပါတယ်။

သူ့ရဲ့မိခင်ဟာ ကြမ်းတမ်းရက်စက်တတ်တဲ့ နှိပ်စက်ညှဉ်းပန်းတတ်တဲ့သူမျိုး မဟုတ်ပါဘူး။ ဒါပေမဲ့ "မေမေ သမီးကို ချစ်တယ်" ဆိုတဲ့ စကားလုံးလေးတစ်ခွန်းတည်းနဲ့ပဲ ဟီရိုကို ချည်နှောင်ထားခဲ့တာပါ။

ဒါကြောင့် ဟီရိုဟာ ဘဝအပေါ် ဘာမျှော်လင့်ချက်မှမရှိဘဲ နူးညံ့တဲ့ စိတ်ပျက်အားလျော့မှုထဲမှာ ရှင်သန်နေရရှာပါတယ်။

တစ်နေ့မှာတော့ ဟီရိုဟာ သူနဲ့ တစ်နေရာတည်းမှာ အချိန်ပိုင်းအလုပ်တူတူလုပ်တဲ့ အတန်းဖော် အဲနာဂါ မိယာဘိနဲ့ ဆုံတွေ့ခဲ့ပြီးနောက် သူ့ရဲ့ဘဝဟာ သိသိသာသာကြီး ပြောင်းလဲသွားပါတော့တယ်။

တစ်ချိန်တည်းမှာ သူ့အမေ သူ့ကိုဖုံးကွယ်ထားခဲ့တဲ့ ကိစ္စတစ်ခုကိုလည်း မမျှော်လင့်ဘဲ သိရှိသွားပြီး အိမ်ကနေ ထွက်ဖို့ ဆုံးဖြတ်လိုက်တဲ့အခါမှာတော့ ..

ဒီကားက မိသားစု သံယောဇဉ်၊ လိင်စိတ်ခံယူမှု (Identity) နဲ့ မျိုးဆက်တစ်ခုနဲ့တစ်ခုကြားက နားလည်မှုတွေအကြောင်းကို အရမ်းကို နွေးထွေးပြီး  အနုပညာဆန်ဆန် ရိုက်ပြထားတာပါ။

ဇာတ်လမ်းက Hannah ဆိုတဲ့ အမျိုးသမီးနဲ့ သူ့သမီးဖြစ်သူ Frances တို့အကြောင်းကို အခြေခံထားပါတယ်။

သူတို့ သားအမိနှစ်ယောက်ဟာ အမ်စတာဒမ် မြို့မှာနေထိုင်တဲ့ Hannah ရဲ့ အဖေ (Frances ရဲ့ အဘိုး) Jimpa ဆီကို အလည်သွားကြတာပါ။

"Jimpa" ဆိုတာက Frances က သူ့အဘိုးကို ချစ်စနိုးခေါ်တဲ့ နာမည်လေးပေါ့။ Jimpa က အမ်စတာဒမ်ရဲ့ လွတ်လပ်တဲ့ လူမှုပတ်ဝန်းကျင်မှာ  အခြေချနေထိုင်နေတဲ့သူပါ။

ဒီခရီးစဉ်အတွင်းမှာ Frances က သူ့ကိုယ်သူ Non-binary (ကျား/မ ခွဲခြားသတ်မှတ်မထားသူ) အဖြစ် ခံယူထားကြောင်းနဲ့ သူ့ရဲ့ တကယ့် Identity ကို ရှာဖွေတွေ့ရှိသွားကြောင်း မိခင်ဖြစ်သူကို ဖွင့်ပြောပြခဲ့ပါတယ်။

ဒီနေရာမှာ ဇာတ်လမ်းက ပိုပြီး စိတ်ဝင်စားဖို့ကောင်းလာတာက အမေဖြစ်သူ Hannah က သူ့သမီးကို ချစ်ပေမယ့် ဒီလိုအပြောင်းအလဲသစ်ကို လက်ခံဖို့ ရုန်းကန်နေရချိန်မှာ၊ အဘိုးဖြစ်သူ Jimpa ကတော့ သူ့မြေးလေးကို နားလည်မှုအပြည့်နဲ့ ကူညီပေးနေတာပါ။

အဘိုး၊ အမေ နဲ့ မြေး သုံးယောက်ကြားမှာ ရှိနေတဲ့ မတူညီတဲ့ အမြင်တွေ၊ အချစ်တွေနဲ့ နားလည်မှုတွေကို ခရီးစဉ်တစ်လျှောက်မှာ လှလှပပလေး မြင်တွေ့ရမှာ ဖြစ်ပါတယ်။

Jimpa အဖြစ် ဝါရင့်သရုပ်ဆောင် Ian McKellen က သရုပ်ဆောင်ထားပြီး၊ Hannah အဖြစ် Olivia Colman က ပါဝင်ထားပါတယ်။

ဒီလို ထိပ်တန်းသရုပ်ဆောင်နှစ်ယောက်ရဲ့ အပေးအယူတွေကတင် ဒီကားကို ကြည့်ရတာ တန်နေပါပြီ။  ခိုက်ရန်ဖြစ်ပွားတာမျိုးထက် မိသားစုဝင်တွေကြား

တစ်ယောက်ကိုတစ်ယောက် နားလည်ဖို့ ကြိုးစားတဲ့ စိတ်ပိုင်းဆိုင်ရာ ပြောင်းလဲမှုတွေကို အသားပေးထားပါတယ်။

ဇာတ်လမ်းနောက်ခံ အမ်စတာဒမ်မြို့ရဲ့ အလှအပတွေကလည်း ဒီကားရဲ့ ပေါ့ပေါ့ပါးပါးနဲ့ နွေးထွေးတဲ့ ခံစားချက်ကို ပိုပြီး ပံ့ပိုးပေးထားပါတယ်။

"မျိုးဆက် သုံးဆက်ကြားက မတူညီတဲ့ အယူအဆတွေကို အချစ်နဲ့ နားလည်မှုတွေနဲ့ ဘယ်လိုပေါင်းကူးပေးမလဲဆိုတာကို ရိုက်ပြထားတဲ့၊

စိတ်ကို နွေးထွေးစေမယ့် မိသားစုဒရာမာကားလေး" ပါပဲ။

ဒီကားက မိသားစုဝင်တွေကြား ပွင့်လင်းမြင်သာမှုရှိဖို့ ဘယ်လောက် အရေးကြီးလဲဆိုတာကို သင်ခန်းစာပေးသလို၊ Ian McKellen နဲ့  Olivia Colman တို့ရဲ့ သရုပ်ဆောင်ကောင်းမှုကြောင့် ပရိသတ်တွေကြားမှာ တော်တော်လေး ရေပန်းစားနေတဲ့ ကားတစ်ကား ဖြစ်ပါတယ်။

"အချစ်ဆိုတာကို နားမလည်တဲ့သူနဲ့ အချစ်ကို မ ယုံကြည်တဲ့သူ နှစ်ယောက်ဆုံတွေ့ကြတဲ့အခါ..."GL (Girls' Love) ဇာတ်လမ်းလေးတွေကိုမှ သဘောကျပါတယ်ဆိုတဲ့ ပရိသတ်တွေအတွက် ထိုင်း Romance/Drama စီးရီး အသစ်စက်စက်လေးတစ် ခုကို တင်ဆက်ပေးလိုက်ပါပြီ။ ဇာတ်လမ်းလေး ကတော့ "Love Lab" ဆိုတဲ့ အေဂျင်စီလေးကနေ စတင်ထားပါတယ်။

ဒီအေဂျင်စီက ဖောက်သည်တွေ လိုအပ်သမျှ တာဝန် တွေကို အကုန်လုပ်ပေးတဲ့ နေရာတစ်ခုပေါ့။ ကလဲ ဆို တာက အဲဒီအေဂျင်စီက စိတ်ဆတ်ပြီး အလုပ်ကို တိတိကျကျလုပ်တတ်တဲ့ ဝန်ထမ်းမလေးပါ။

တစ်ရက်မှာတော့ ကလဲဆီကို တာဝန်တစ်ခုကျလာပါ တယ်။ အဲဒါကတော့ နာမည်ကြီး လျှို့ဝှက်ဆန်းကြယ် ဝတ္ထုရေးဆရာမ အဲရစ်ကို စောင့်ရှောက်ပေးရမယ့် အလုပ်ပါ။

ထူးဆန်းတာက အဲရစ်က သူ့ရဲ့ နောက်ဝတ္ထုသစ် အတွက် သုတေသနလုပ်ဖို့ "ရိုမန်တစ်ဆန်တဲ့ ဇာတ်ဝင် ခန်း" တွေကို လက်တွေ့ သရုပ်ဆောင်ပြမယ့် အငှား ချစ်သူ ပါတနာတစ်ယောက် လိုအပ်နေတာပါပဲ။

ဒီလိုနဲ့ အငှားချစ်သူအဖြစ် သရုပ်ဆောင်ရင်း ထူးဆန်း တဲ့ စမ်းသပ်မှုတွေကြားမှာ သူတိုနှစ်ယောက်ရဲ့ အကွာ အဝေးက တဖြည်းဖြည်း နီးကပ်လာတဲ့အခါ…

"တချို့အချစ်တွေက မျှော်လင့်မထားတဲ့ အချိန်မှာ ပွင့်လန်းလာတတ်တယ်" ဆိုတဲ့အတိုင်းပဲ တစ်ယောက် က အချစ်ကို တစ်ခါမှ နားမလည်ခဲ့ဖူးသလို၊ နောက် တစ်ယောက်ကလည်း အချစ်ကို ဘယ်တော့မှ မ ယုံကြည်ခဲ့သူတွေမို့ သူတို့နှစ်ယောက်ရဲ့ ဒီ "အချစ် စမ်းသပ်မှု" ကြီးက တကယ့် အချစ်စစ်အဖြစ် ပြောင်းလဲသွားမလားဆိုတာ ရင်ခုန်စရာ ကြည့်ရှုရမှာ ပါ။

အချစ်၊ သံယောဇဉ်နဲ့ နားလည်မှုတွေကို ဖြည်းဖြည်း ချင်း တည်ဆောက်သွားမယ့် ဇာတ်လမ်းလေးဖြစ်လို့ ကြည်နူးစရာလေးတွေနဲ့ ရင်ခုန်ချင်စရာကောင်းတဲ့ ကားကောင်းလေး ရှာနေတဲ့ GL Fan တွေ လက်မလွတ် တမ်း ရှုစားလိုက်ကြပါဦးနော်။

နာမည်ကျော် အဆိုတော် Hayley Kiyoko ရဲ့ နာမည်ကြီး သီချင်းနဲ့ ရောင်းအားအကောင်းဆုံး ဝတ္ထုကို အသက်သွင်း ပုံဖော်ထားတဲ့ လူငယ် အချစ်ဒရာမာ ဇာတ်ကားကောင်းလေး "Girls Like Girls" ကို တင်ဆက်ပေးလိုက်ပါတယ်။ ထွက်ထွက်ချင်းမှာပဲ ပရိသတ်တွေကြားမှာ အတော်လေး ရေပန်းစားနေတဲ့ ဇာတ်ကားလေးပဲ ဖြစ်ပါတယ်။

အဓိက ဇာတ်ကောင်ဖြစ်တဲ့ ကိုးလီ ဟာ သူမ သိပ်ချစ်ရတဲ့ မိခင်ဖြစ်သူကို ဆုံးရှုံးလိုက်ရပြီးနောက်... ဝမ်းနည်းကြေကွဲမှုတွေနဲ့အတူ အော်ရီဂွန် ပြည်နယ်က ကျေးလက်မြို့လေးတစ်ခုဆီကို ပြောင်းရွှေ့လာခဲ့ပါတယ်။ အဲဒီမှာ တစ်ခါမှ အတူမနေခဲ့ဖူးတဲ့ ဖခင်ဖြစ်သူနဲ့ အတူနေထိုင်ရင်း ဘဝအသစ်တစ်ခုကို အံဝင်ခွင်ကျဖြစ်အောင် စတင်ဖို့ ကြိုးစားရပါတော့တယ်။

အဲဒီမြို့လေးမှာပဲ ဆွန်နီယာ ဆိုတဲ့ ကောင်မလေးတစ်ယောက်နဲ့ ဆုံတွေ့ခဲ့ပါတယ်။ ဆွန်နီယာက အရမ်းတက်ကြွပြီး ဆွဲဆောင်မှုရှိသလို လူချစ်လူခင်လည်း ပေါတဲ့သူပါ။ ဒါပေမဲ့ သူ့မှာလည်း စိတ်ရှုပ်စရာကောင်းတဲ့ ကောင်လေးနဲ့ ပတ်သက်တဲ့ ရှုပ်ထွေးတဲ့ ကိုယ်ပိုင်ပြဿနာတွေ ရှိနေပါတယ်။

ကိုးလီနဲ့ ဆွန်နီယာတို့ နှစ်ယောက်ဟာ တဖြည်းဖြည်း အရမ်းကို ရင်းနှီးသွားကြပြီး သူငယ်ချင်းသံယောဇဉ်ထက် ပိုတဲ့ ခံစားချက်တွေ အပြန်အလှန် ဖြစ်တည်လာကြပါတယ်။ ဒါပေမဲ့...ပတ်ဝန်းကျင်ရဲ့ အမြင်တွေနဲ့ကိုယ့်ကိုယ်ကိုယ် အရှိကိုအရှိအတိုင်း လက်ခံနိုင်ဖို့ ကြောက်ရွံ့မှုတွေကြောင့်သူတို့ရဲ့ ဆက်ဆံရေးဟာ အတက်အကျ၊ အချိုးအကွေ့ များစွာကို ရင်ဆိုင်လာရပါတော့တယ်။

"Girls Like Girls" ဟာ ဘဝရဲ့ အခက်အခဲတွေကြားထဲကနေ တကယ့် အချစ်စစ်ကို ရှာဖွေတွေ့ရှိသွားတဲ့ ကြည်နူးဖွယ်၊ လွမ်းမောဖွယ် ဇာတ်လမ်းလေးပါ။ ဇာတ်လမ်းအသွားအလာလေးက နည်းနည်းလေး လေးပင်နိုင်ပေမဲ့... ဇာတ်ကား ပြီးသွားတဲ့အခါ ရင်ထဲမှာ နွေးထွေးတဲ့ ခံစားချက်လေးတစ်ခု ကျန်ရစ်နေခဲ့မှာ အသေအချာပါပဲ။

ဘဝရဲ့ အချိုးအကွေ့တွေနဲ့ လူငယ်သဘာဝ အချစ်ဒရာမာ ဇာတ်ကားကောင်းလေးတွေကို အရသာခံ ကြည့်ရှုချင်တဲ့ ရုပ်ရှင်ချစ်သူတွေ အချိန်ပေးကြည့်သင့်တဲ့ ဇာတ်ကားလေးဖြစ်ကြောင်း အထူးညွှန်းဆိုပေးလိုက်ပါတယ်။

ကလာရာနဲ့ ဆစ်ဒနီတို့ဟာ အရမ်းခင်ပြီး တပူးပူးတတွဲ တွဲရှိနေကြတဲ့ လိင်တူချစ်သူနှစ်ယောက်ဖြစ်ကြပါ တယ်။ ကံမကောင်း အားမလျော်စွာနဲ့ ဆစ်ဒနီအရမ်း တယုတယပြုစုပေးခဲ့ရတဲ့ သူ့ရဲ့ အိမ်မွေးတိရ စ္ဆာန် တောက်တဲ့တစ်ကောင်ဟာ သူနဲ့အရင်ကတွဲပြီး ရှင်ကွဲ ပြတ်ခဲ့ရတဲ့ အရင်ကောင်လေးနဲ့အတူပါသွားပါတယ်။

ဒါကို မကောင်းဖြစ်နေတဲ့ ဆစ်ဒနီဟာ သူ့အမေရဲ့ကား ကိုမသိအောင်ယူပြီး ကလာရာနဲ့အတူတူ သူ့ရည်းစား ဟောင်းပြောင်းသွားတဲ့ မြို့သစ်အထိလိုက်သွားခဲ့ပါ တယ်။

ဒီလိုနဲ့ လူကြီးမသိအောင် တိတ်တခိုးကားလျှောက် မောင်းပြီး ရက်နဲ့ချီအောင် အိမ်ကထွက်ပြေးလာတဲ့ တစ်လျှောက်မှာ ဆယ်ကျော်သက်မိန်းကလေးနှစ် ယောက် ဘယ်လိုဒုက္ခမျိုးစုံနဲ့တွေ့ရမလဲဆိုတာကို ဒီ ဇာတ်ကားထဲမှာ အရယ်မဆုံးအောင် ရိုက်ကူးပေးထား တာပဲဖြစ်ပါတယ်။

မင်္ဂလာပွဲ တက်ဖို့ အဖော်ရှာရင်း ဖြစ်တတ်တဲ့ အလွဲတွေကို ခေတ်ပြိုင် Dating Vibe နဲ့ ပေါ့ပေါ့ပါးပါး ခံစားရမဲ့ အမေရိကန် Romantic Comedy ဖြစ်ပါတယ်။

မင်္ဂလာပွဲတစ်ခုဆီကို တစ်ယောက်တည်း မတက်ရောက်ချင်တာကြောင့် အိမ်ထောင်မရှိသေးတဲ့ ဇာရာ တစ်ယောက် အတူတူတက်ရောက်ပေးမယ့် ချစ်သူအဖော်ကို အသည်းအသန် လိုက်လံရှာဖွေရခြင်းကနေ စတင်ထားပါတယ်။

ဇာရာဟာ မင်္ဂလာပွဲမတိုင်မီ အမျိုးသား ၄ ဦးနဲ့ ပထမဆုံးအကြိမ် ဒိတ်လုပ်ကြည့်ဖို့ စီစဉ်ခဲ့ပါတော့တယ်။ ဒါပေမဲ့ ဒိတ်တစ်ခုချင်းစီတိုင်းမှာတော့ မမျှော်လင့်ထားတဲ့ အလွဲအချော်တွေ၊ ရယ်စရာ အဖြစ်အပျက်တွေနဲ့ ကြုံတွေ့ခဲ့ရပြီး အရာရာဟာ သူမ စီစဉ်ထားတဲ့အတိုင်း ဖြစ်မလာခဲ့ပါဘူး။

ဒီ အဖြစ်ပျက်တွေအတွင်းမှာပဲ... ဇာရာဟာ သူမကို အရှိအတိုင်း လက်ခံနားလည်ပေးနိုင်မယ့် စစ်မှန်တဲ့ အချစ်စစ်လမ်းကြောင်းမှန်ပေါ်ရောက်သွားရင်း ဘာတွေဆက်ဖြစ်သွားမလဲကြည့်ရမှာပါ။

မကြာခင်ကမှ ပြီးဆုံးသွားတဲ့ လူငယ်ပရိသတ်တွေရဲ့ အသည်းစွဲ Euphoria ဇာတ်လမ်းတွဲကို လွမ်းနေကြတဲ့ သူအတွက် အလွမ်းပြေစေဖို့ HBO က Documentary လေးတစ်ခုကို ထုတ်ပေးခဲ့ပါတယ်။

ဒီ Documentary လေးမှာတော့ လွန်ခဲ့တဲ့ ဆယ်စုနှစ် အတွင်းမှာ ရုပ်ရှင်နယ်ပယ်အပြင် တခြားသော ယဉ်ကျေးမှုဓလေ့ နယ်ပယ်အသီးသီးကို လူငယ်ဆန် ပြီး ဆန်းသစ်တဲ့ပုံစံတွေနဲ့ မီးစတစ်ဖက် ရေမုတ် တစ်ဖက် ရိုက်ခတ်ဖောက်ထွက်လာခဲ့တဲ့ Euphoria ဇာတ်လမ်းတွဲလေးဟာ ဘယ်လိုမျိုး အစပြုခဲ့လဲဆိုတာ ကို မြင်တွေ့ရမှာပါ။

ဒါ့အပြင် Euphoria ဇာတ်လမ်းတွဲမှာ ပါဝင်ခဲ့တဲ့ Cast & Crew တစ်ဖွဲ့လုံးကလည်း သူတို့အတွေ့အကြုံတွေ ကို ပြန်လည်မျှဝေထားပြီး ဒီဇာတ်လမ်းတွဲကို ကြည့် ရင်း ကြီးပြင်းလာတဲ့၊ အတူဖြတ်သန်းလာတဲ့ပရိသတ် တွေအတွက် ဒီ Documentary လေးက အလွမ်းပြေ စရာလေး ဖြစ်မှာပါ။

ဖီလစ်ပိုင် ရုပ်ရှင်/ဇာတ်လမ်းတွဲ လောကမှာ The Rich Man's Daughter နဲ့ ပရိသတ်အားပေးမှု အခိုင်အမာ ရရှိထားတဲ့ Glaiza နဲ့ Rhian တို့ရဲ့ အတွဲညီညီ သရုပ်ဆောင်ချက်တွေကို ပြန်လည်ကြည့်ရှုရမဲ့ Romance / Drama ရုပ်ရှင်ဖြစ်ပါတယ်

ဇာတ်လမ်းကတော့ စည်းကမ်းကြီးပြီး မိမိရဲ့ စိတ်ခံစား ချက်တွေကို အမြဲတမ်း ထိန်းချုပ်ကာ လူသူနဲ့ စည်း ခြားထားတတ်တဲ့ အပန်းဖြေစခန်းပိုင်ရှင် "အန်း" အကြောင်းကနေ စတင်ထားတာပါ။

အန်းဟာ သူမရဲ့ ဘဝကို အရာရာ စနစ်တကျ ရှိနေအောင် ဖန်တီးထား ပေမဲ့... အတွင်းစိတ်မှာတော့ မသိစိတ် ဒဏ်ရာတွေနဲ့ ပြည့်နှက်နေခဲ့ပါတယ်။

ဒါပေမဲ့ တစ်နေ့မှာတော့ သူမရဲ့ အပန်းဖြေစခန်းဆီကို "ချစ်ခ်စ်"လို့ အမည်ရတဲ့ လွတ်လပ်စွာ နေထိုင်တတ်တဲ့ အမျိုးသမီးတစ်ဦး ရောက်ရှိလာခဲ့ပါတယ်။ ချစ်ခ်စ်ရဲ့ ထူးခြားတဲ့ အပြုအမူတွေကြောင့် အန်းရဲ့ ထိန်းချုပ် ထားတဲ့ ဘဝစည်းဝိုင်းတွေဟာ တဖြည်းဖြည်း ပြိုပျက် လာခဲ့ရပါတော့တယ် ..

ဒီလိုမျိုး ပြိုလဲသွားခြင်းဟာ အန်းအတွက် နာကျင်စရာ မဟုတ်ဘဲ... အတိတ်က စိတ် ဒဏ်ရာတွေကို ကုစားပေးပြီး စစ်မှန်တဲ့ မေတ္တာတရားနဲ့ မထင်မှတ်ထားတဲ့ ဘဝသစ်ဆီကို ဦးတည်သွားပုံကို ကြည့်ရမှာ ဖြစ်ပါတယ်။

age-gap relationship တွေကိုမှကြိုက်ပါတယ်ဆို တဲ့သူတွေအတွက် 3mm Patricia Highsmithe The price of Salt Novel ကိုပြန်လည်ရိုက်ကူးထားတဲ့ rating မြင့်ဇာတ်လမ်းကောင်းတစ်ကားပါ။

ဒီကားကိုဒါရိုက်တာ Todd Haynes ခေါင်းဆောင် ရိုက်ကူးထားပြီး မင်းသမီးကြီး Cate Blanchett, Rooney Mara တို့ပါဝင်ပါတယ်။

မင်းသမီးနှစ်ယောက်လုံး Oscar Nominations ဝင်ခဲ့ တာမို့လို့ သရုပ်ဆောင်ကိုတော့ အထူးတလည်ပြောပြစရာတောင်မလိုတော့ပါဘူး။

လူတိုင်းလူတိုင်းဘဝမှာ ကိုယ်တိုင်ရဲ့တည်ရှိမှုကို မေးခွန်းပြန်ထုတ်စေနိုင်တဲ့တစ်စုံတစ်ဦးကတော့ရှိစမြဲ

ဘာအကြောင်းပြချက်ကြီးကြီးမားမားမှမရှိပါပဲနဲ့ ဒီ တစ်ယောက်ကိုမှအဲလိုလိုတောင့်တနေမိတာမျိုး။

နားလည်မပေးနိုင်တဲ့ချစ်သူကောင်လေး ၊ ငြီးငွေ့ဖွယ် အလုပ်တို့ထဲပိတ်မိနေသူ အသက်၂ဝ သာရှိသေးတဲ့ မိန်းမငယ်လေးတစ်ဦးအတွက်တော့ ကယ်ရိုလ်ဆိုတဲ့ လူ ကုန်ထံအသိုင်းအဝိုင်းမှ သက်လတ်ပိုင်းအမျိုးသမီးက အဲ့လိုဖြစ်တည်မှုတစ်ခုဖြစ်လာခဲ့တယ်။

စူးရဲရဲအကြည့်၊ နီရဲရဲနှုတ်ခမ်းတို့နဲ့ ရင့်ကျက်တဲ့အလှ တရားပိုင်ရှင် ကယ်ရိုလ်နေရာမှာသရုပ်ဆောင်တဲ့ မင်းသမီးကြီး Cate Blanchett ကအသံနဲ့တင် ဖမ်းစားနိုင်စွမ်းရှိတာမို့ကောင်လေးရောကောင်မလေး ပါလက်မလွှတ်သင့်ပါဘူး

1950s ခုနှစ်ပိုင်းတွေမှာ LGBTQ ဆက်ဆံရေးတွေ အပေါ်လူတွေရဲ့အမြင်၊ ခေါင်းစဉ်တပ်ခွင့်မရှိတဲ့ ဆက်ဆံရေးတစ်ခုအနေနဲ့ ဒီအမျိုးသမီးနှစ်ဦးအတွက် အဆုံးသတ်ရောကောင်းနိုင်ပါ့မလား ဒါတွေကိုတော့ ကိုယ်တိုင်ပဲကြည့်လိုက်ကြနော်

ရည်းစားဟောင်းတွေ ဖြစ်ခဲ့ကြပေမဲ့ လက်ရှိမှာတော့ အရမ်းချစ်ကြတဲ့ သူငယ်ချင်းတွေ ဖြစ်နေကြတဲ့ ကွီး ယား (Queer) အမျိုးသမီး လေးဦးရဲ့ ဘဝ၊ အချစ်၊ သံယောဇဉ်၊ ခင်မင်ရင်းနှီးမှု အကြောင်းကို ရိုက်ကူး ထားတဲ့ ဖိလစ်ပိုင် Drama ရုပ်ရှင်ဖြစ်ပါတယ်

သာမန် Drama တွေနဲ့ မတူဘဲ Queer Community ကြားက စစ်မှန်တဲ့ သံယောဇဉ်၊ ရည်းစားဟောင်း အဖြစ်ကနေ သူငယ်ချင်းကောင်းအဖြစ် ကူးပြောင်း သွားပုံနဲ့ Chosen Family ရဲ့ အဓိပ္ပာယ်ကို လှပစွာ တင်ဆက်ထားပါတယ်။

ဇာတ်လမ်းကတော့ အသက် ၃ဝ အရွယ်သို့ ရောက်ရှိလာကြပြီဖြစ်တဲ့ ကွီးယား (Queer) အမျိုးသမီး လေး ဦးအကြောင်းကနေ စတင်ထားတာပါ။

သူတို့ လေးဦး ဟာ အတိတ်မှာတော့ တစ်ယောက်နဲ့တစ်ယောက် ချစ်ကြိုက်ခဲ့ကြဖူးတဲ့ ရည်းစားဟောင်းတွေဖြစ်ကြပေမဲယ့် လက်ရှိမှာတော့ အပြန်အလှန် ယုံကြည်အားကိုးရဆုံးသော အရင်းနှီးဆုံး သူငယ်ချင်းတွေအဖြစ် ရပ်တည်နေကြပါတယ်။

သူတို့ လေးဦးဟာ လူကြီးဘဝရဲ့ အခက်အခဲတွေ၊ အလုပ်အကိုင်နဲ့ ဘဝအပြောင်းအလဲတွေ၊ အချစ်ရေး ဒဏ်ရာတွေနဲ့ ပတ်ဝန်းကျင်ရဲ့ စိန်ခေါ်မှုတွေကို ရင်ဆိုင် ရချိန်မှာ... သွေးသားတော်စပ်ခြင်း မဟုတ်ဘဲ ကိုယ်တိုင်ရွေးချယ်ထားတဲ့ မိသားစု သံယောဇဉ်နဲ့ တစ် ယောက်ကိုတစ်ယောက် ဖေးမကူညီရင်း ကျော်ဖြတ်ကြပါတော့တယ်။

အတိတ်က နာကျင်မှုတွေ၊ အနာဂတ်ရဲ့ မရေရာမှုတွေကြားမှာ သူတို့ရဲ့ ခင်းမင်မှုနဲ့ အချစ်ရေး ဇာတ်လမ်းတွေဟာ ဘယ်လိုမျိုး အဆုံးမသတ်နိုင်တဲ့ သံယောဇဉ်တွေနဲ့ ဆက်လက်စီးဆင်းသွားမလဲဆိုတာ ကို ရှုစားရမှာ ဖြစ်ပါတယ်။

"အရာရာ ပြီးပြည့်စုံမနေလည်း အဆင်ပြေပါတယ်" ဆိုတဲ့ မက်ဆေ့ချ်လေးနဲ့အတူ လူသားတွေကြားက ရှုပ်ထွေးနက်နဲတဲ့ ဆက်ဆံရေးကို တန်ဂိုအကနဲ့ ဥပစာနှိုင်း ဖော်ကျူးထားတဲ့ ရုပ်ရှင်ကားသစ်လေးနဲ့ မိတ်ဆက်ပေးချင်ပါတယ်။

လတ်တလောက လူကြိုက်များသွားတဲ့ The Journey to Gyeong-ju ထဲက မင်းသမီး Lee Yeon နဲ့ 4minute အဖွဲ့ဝင် Kwon So-Hyun တို့က အဓိက ပါဝင်သရုပ်ဆောင်ထားကြပါတယ်။

ဇာတ်လမ်းအကျဉ်းလေးကတော့...

ယုံကြည်ထားခဲ့တဲ့ သူငယ်ချင်းရဲ့ သစ္စာဖောက်မှုကြောင့် ရှိသမျှပိုက်ဆံ အကုန် ဆုံးပြီး နေစားငြိမ်းတဲ့ စက်ရုံတစ်ရုံမှာ အလုပ်ဝင်ဖြစ်ခဲ့တဲ့ ဂျန်ဂျီဝန်း (Lee Yeon)...

သူနဲ့ အတူနေရတဲ့ အခန်းဖော်ကတော့ ရှင်းဂျူဟီး (Kwon So-Hyun) ပါ။ သူငယ်ချင်းဆီကနေ ရခဲ့တဲ့ စိတ်ဒဏ်ရာကြောင့် လူတွေကို မယုံကြည်နိုင်ဖြစ်နေတဲ့ ဂျီဝန်းနဲ့မတူဘဲ ဂျူဟီးကတော့ လူတွေကို အပြည့်အဝ ယုံကြည်တတ်တယ်။ အားနာတတ်တယ်။ သူကိုယ်တိုင်ပဲ တာဝန်ယူချင်တဲ့သူမျိုးပေါ့။

ဒါကြောင့်လည်း ဟန်ဗြောဆိုတဲ့ မိန်းကလေး အစပျိုးလိုက်တဲ့ လုပ်ငန်းခွင် မတော်တဆမှုမှာ ပါဝင်ပတ်သက်မိပြီး ဂျူဟီးပဲ အစအဆုံး ခေါင်းခံရဖို့ ဖြစ်လာခဲ့ပါတော့တယ်။

ဒီလို ဖိစီးမှုတွေကြားမှာ ဂျူဟီးအတွက် တစ်ခုတည်းသော စိတ်ထွက်ပေါက်ကတော့ သူ အရမ်း ချစ်နှစ်သက်ရတဲ့ တန်ဂိုအကပါ။ တန်ဂိုတစ်ပုဒ် ပြီးဆုံးတဲ့အထိပဲ သူနဲ့အတူ ကပေးပါလို့ ဂျူဟီးက အခန်းဖော် ဂျီဝန်းကို တောင်းဆိုလိုက်တဲ့အခါမှာတော့...

အေးစက်တဲ့ အရုဏ်ဦးလို ဘဝထဲမှာ နေရောင်ခြည်နွေးနွေးလေးသဖွယ် အဖော်ပြုပေးတဲ့ တန်ဂိုအကကို သူတို့နှစ်ဦး ခြေလှမ်းတွေ ညှိယူရင်း ဆုံးခန်းတိုင်အောင် ကနိုင်ကြပါ့မလား...

လုပ်ငန်းခွင် မတော်တဆမှု ပြဿနာကရော ဘယ်လိုပုံစံနဲ့ အဆုံးသတ်သွားမလဲဆိုတာကို အေးအေးငြိမ့်ငြိမ့်လေး ခံစားကြည့်ရှုရမှာ ဖြစ်ပါတယ်။

ဒီကားက ၂၀၂၅ ခုနှစ် ကိန်းရုပ်ရှင်ပွဲတော်မှာ ပြသခဲ့ပြီး ဝေဖန်ရေးဆရာတွေရဲ့ ချီးကျူးမှုအများကြီးရရှိခဲ့တဲ့ ပြင်သစ်ဒရာမာရုပ်ရှင်ဖြစ်ပါတယ်။ စာရေးဆရာမ Constance Debré ရဲ့ ၂၀၂၀ ခုနှစ်ထွက် ကိုယ်တိုင်ရေး အတ္ထုပ္ပတ္တိဝတ္ထုကို အခြေခံပြီး ရိုက်ကူးထားတာ ဖြစ်ပါတယ်။

ရှေ့နေဟောင်းတစ်ဦးဖြစ်သူ Clémence (Vicky Krieps) ဟာ သူ့ရဲ့စာရေးဆရာမ ဘဝသစ်ကို စတင်ဖို့နဲ့
သူ့ရဲ့ စစ်မှန်တဲ့သဘာဝအတိုင်း နေထိုင်ဖို့အတွက် အိမ်ထောင်ရေးကို စွန့်လွှတ်ခဲ့ပြီး အမျိုးသမီးတွေနဲ့
စတင်တွဲခဲ့ပါတယ်။

ဒါပေမဲ့ ခင်ပွန်းဟောင်းဖြစ်သူ Laurent က Clémence ရဲ့ လိင်စိတ်ခံယူမှုနဲ့ ဘဝရွေးချယ်မှုတွေကို
အကြောင်းပြပြီး သားငယ်လေး Paul ရဲ့ ကလေးအုပ်ထိန်းခွင့်ကို တစ်ဦးတည်းရယူဖို့ တရားရုံးမှာ
လျှောက်ထားလာခဲ့ပါတယ်။

ဒီဇာတ်လမ်းဟာ မိခင်တစ်ယောက်အပေါ် လူ့အဖွဲ့အစည်းရဲ့ မျှော်လင့်ချက်တွေ၊
မိသားစုတရားရုံးစနစ်အတွင်းက ဖိအားတွေ၊ မိခင်တစ်ယောက်ရဲ့မေတ္တာနဲ့ ရုန်းကန်ရမှုတွေကို
လေးနက်စွာ ပုံဖော်ထားပါတယ်။

၇၈ ကြိမ်မြောက် ကိန်းရုပ်ရှင်ပွဲတော်ရဲ့ Un Certain Regard အပိုင်းမှာ ရွေးချယ်ခံရပြီး Queer Palm ဆုအတွက် ဆန်ကာတင်သွင်းခံခဲ့ရပါတယ်။ မင်းသမီး Vicky Krieps ရဲ့ ပီပြင်လှတဲ့သရုပ်ဆောင်မှု၊ စိတ်ခံစားချက်နဲ့အတူ ပညာသားပါပါရိုက်ကူးထားမှုကို ချီးကျူးထားကြပါတယ်။

လူကြီးရေးရာအိမ်ထောင်ရေး/ဆက်ဆံရေး အကြောင်းအရာတွေ၊ စိတ်ခံစားမှုဆိုင်ရာ ပြင်းထန်တဲ့အခန်းတွေနဲ့ LGBTQ+ အကြောင်းအရာတွေ ပါဝင်တာကြောင့် အသက် ၁၇ နှစ်နဲ့အထက်သာ ကြည့်ရှုဖို့ သင့်တော်ပါတယ်။