#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Мана бир неча йиллардан буён қизим шу касаллик билан курашади. Тез-тез муолажа олиб туради. У тенгилар турмушга чиққач, биз ҳам қизим бироз чалғисин, дардини унутиб ҳаётига нур кирсин деган мақсадда уни турмушга бермоқчи бўлдик. Сиздан совчи келгач эса, тарихингиздан хабардор бўлдик. Биринчи тўйингиз нима учун бузилганини билиб балки икки юраги ярим бир бутун бўларсизлар деган хом хаёлга бордик. Сизга мен ўзим барини тўйдан кейин айтмоқчи эдим, аммо кўриб турганингиздек... Бари учун сиздан кечирим сўрайман.

Йигитали ҳозир эшитганлари таъсирида карахт аҳволга тушиб қолган эди. Бироқ охирги қарорга келиш ўзининг қўлида эканлигини яхши фаҳилаб турарди. Биринчи сафар Хонзода билан боғлиқ муаммолардан шаҳарга қочиб қутилганди. Аммо энди-чи?
- Паризоддан сўранг-чи? У никоҳ оқшомида қатнаша олармикан? Ўзини яхши ҳис қилаётган бўлса, маросимга кеч қолмайлик дегандим...

Карим Муродовнинг юзлари ёришди, у Йигиталига чексиз меҳр билан тикилди:

- Қизим тезда тайёр бўлади. Кийимларини бошқа енгилроғига алиштириб олсин...

Тез орада сал аввал сув қуйгандек жим-жит бўлиб қолган ҳовли яна жонланди. Орадан бир соатга яқин вақт ўтиб Паризоднинг қўлларидан етаклаб чиққан Йигитали бу сафар Паризодга қўшилиб Карим Муродовнинг оқ фотиҳасини олди.
Олган уколи таъсириданми ё бўлажак турмуш ўртоғи Йигитали баридан хабар топгани учунми кўнгли жойига тушган Паризод бу сафар анча сокин бўлиб қолганди. Йигитали аввал Паризодни тўй машинасига чиқариб, сўнг ўзи унинг ёнидан жой олар экан, ичидан нимадир "чирт" этиб узилганини ҳис қилди. У ўзига ўзи "Тўғри қарор қабул қилдиммикан?" деган савол беришни аллақачон бошлаб юборган эди...

-66-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

"Feruza" ресторанининг барча ҳужжатлари , жумладан эгалик ҳуқуқи Хонзоданинг номига ўтганидан уч кишининг хабари бор эди. Булар Ҳорун Рашидов, Феруза ҳамда Ҳоруннинг ўнг қўли бўлмиш Камол эди. Айнан Камол рестораннинг барча ҳужжат ишлари Хонзодага ўтказилиши масалаларини имкон даражасида тезроқ ҳал қилиб берганди.

Бугун Хонзода рестораннинг ҳўжайини сифатида илк бор тўй маросимини ўтказаётган бўлиб , ресторан унинг қўл остига ўтганлигидан юқорида санаб ўтилганлардан бошқа ҳеч кимнинг хабари йўқ эди. Хонзода ҳамон қўриқлаш хизмати таркибидаги ходим ҳисобланиб келинар, унинг Карим Муродовнинг қизини тўйини ўтказишдаги жонбозлигини атрофдагилар Ҳорун Рашидовнинг шахсий буйруғи сифатида қабул қилган эдилар.
Ва ниҳоят никоҳ оқшоми учун барча тайёргарлик ишлари ўз ниҳоясига етди.
Хонзода қўриқлаш йигитлари таркибида келин ва куёвни кутиб олишга тайёр турар эди. У ҳар сафаргидек қўриқлаш хизмати ходимлари билан бир хил кийим костюм-шим кийиб, галстук тақиб олган, фақат бу сафар истисно тариқасида узун сочларини Шабнамга қирқ кокил қилиб ўрдириб орқасига олган эди. Унга кўзи тушган Асрор ака узоқдан жилмайиб қўли билан "Жуда очилиб кетибсан" дегандек ишора қилиб кўзини қисиб қўйди. Ҳамиша жиддий юрадиган Жалолиддин ҳам Хонзодага бу сафар киши билмас назар ташлаб қўяётган эди. Жалолиддин Хонзодани яқиндан билган сари нозиккина вужудда шунчалик чидам ва бардош мужассам эканлигига тобора ҳайрон бўлиб бораётган эди.

Кечга яқин тўйхонани келин ва куёвнинг қариндош-уруғ, дўст-биродарлари тўлдира кетди. Йиғилганларни КаримМуродов билан бир қаторда Ҳорун Рашидовнинг ўзи кутиб ола бошлади. Меҳмон ва мезбонларнинг бари ичкаридан жойини эгаллагач, Асрор ака қўл остидагиларга буюрди:

- Ҳамма залга! Келин-куёвларни кутиб оламиз.
  
-67-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Қўриқлаш ходимлари залдаги келин-куёв кириб келадиган узун йўлакнинг икки тарафига узун қатор бўлиб тизилдилар. Қаторнинг қарама-қарши икки тарафидаги энг тўрида Асрор ака ва Хонзода жой эгалладилар. 

   - Энди даврамизга бугунги оқшомимизнинг асосий  сабабчилари Йигитали ва Паризодхонларни таклиф этамиз,- дея эълон қилди бошловчи тантанали оҳангда,  - тўйхонамизга йиғилган азизлардан эса икки ёшни қарсак садолари остида қаршилашларини сўраб қолган бўлар эдик.
Тез орада "Сеҳр" ансабмлининг раққоса қизлари оппоқ момиқ патли оққуш либосида тизилиб даврани эгалладилар. Хонзоданинг сценарийси асосида раққоса қизлар келин-куёвни даврага гўзал тарзда кузатиб келишга шай бўлдилар.
    Тўйхона бўйлаб ўша таниш ва қадрдон  қўшиқ янгради: 
    - Ёр уйига келинпошша ибо билан кклибди, 
    Куёв тўра юрагига шифо билан келибди, 
   Аста-аста қадам босар қутлуғ бўлсин қадамлар, 
   Ҳаё билан ҳиром айлаб ҳимо билан келибди.

   Келибди,  келибди ҳимо билан келибди...

   Келин тўйхонага кираверишдаги меҳмонларга келин салом қилди шекилли ўша ерда куёв билан бир зум ушланиб қолишди.

   Тўй оқшоми хонадонга нур таралиб бир зумда, 
   Гуё тундан қуёш чиқиб зиё билан келибди
   Назокати,  чиройи ёшлигига нур қўшибди
   Андиша-ю одоб деган сарпо билан келибди.

   Келибди,  келибди сарпо билан келибди.

Келин-куёв аста давра тўрига яқинлашдилар.

Узукка кўз солган мисол куёв бола ёнида,
Гўё куёв Тоҳир бўлиб Зуҳро билан келибди.
Севги бахтин кўз-кўз этар кўз тегмасин бахтига,
Бошига бахт қуши қўниб ҳумо билан келибди.

Келибди, келибди ҳумо билан келибди.

Келин- куёв давра тўрига яқинлашганда раққоса қизлар узун тизилиб уларнинг ортига ўтишди.
Шунда...

Шунда Хонзоданинг кўзи давра тўридаги куёв- Йигиталига тушди..

-68-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌺🌸🌸АССАЛОМУ АЛАЙКУМ 🌸🌸 ПАЙШАНБА ТОНГИ МУБОРАК БЎЛСИН💕

🌸🌺 Бошлаётган кунингиз, хайрли-барокатли ўтсин!

🌸🌺 Қанчадан бери амалга ошмаётган орзуларингиз рўёбга чиқсин!

🌸🌸 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин!

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

БОМДОД  ШАМОЛИ

Пайғамбаримиз саллоллоҳу алайҳи ва саллам ва авлиёуллоҳларнинг нега бомдоддан кейин ухламаганликларини сабабини қидирганларнинг қаршисига қўйидаги маълумотлар чиққан.
Бомдод намозидан кейин Аллоҳ таолонинг қудрати билан ер юзига бир шамол инади. Бу ҳаво у вақтда уйғоқ бўлганларга Аллоҳнинг бир лутфидир. Фақат бу ҳаво уйғоқ бўлганларга фойда ва шифо бўлади, ухлаб ётганлар бу шифодан маҳрумдир. Ўша пайтда уйғоқ бўлган жамики жонлининг иммунитети юксалади, умри узаяди, териси порлоқлашади. Бу шамолдан фойда кўрганлар руҳий касалликка чалинмайди.

Аллоҳнинг марҳамати - тонг неъматидан баҳраманд бўлиш барчага насиб қилсин!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Айни лаҳзаларда қўлини кўксига қўйиб турган Хонзода кимдир устидан яхдек сув қуйиб юборгандек ҳолатга тушди. У аъзои баданини чулғаган титроқни босиш учун лабини маҳкам тишлади.
Кутилмаганда куёвлик тахтидаги жойини эгаллаш учун келинни етаклаб келаётган Йигиталининг ҳам нигоҳи Хонзодага тушганди.
Бир вақтлар қадрдон бўлган бу нигоҳлар нечадир сонияларга ўзаро муҳрланиб туриб қолди. Йигиталининг аҳволи ҳам Хонзоданикидан кам эмасди. У ҳам кутилмаган бу учрашувдан лол-у бемажол бўлиб қолган эди.

Хонзода Йигиталининг кўзларига биз зум изтиробли нигоҳлари билан тикилди. Бу нигоҳларда "Нима учун? Айбим нима эди менинг!?" деган жавобсиз саволлар қоришиб кетгандек эди гўё.
Бошини қуйи эгиб олган Паризод куёвининг ҳолатини сезмай майда қадамлар билан юришда давом этар экан, Йигитали беихтиёр унга эргашишга мажбур бўлди.

Келин-куёвнинг ортидан надомат билан тикилиб қолган Хонзода мусиқа садолари шўхроғига алмашиши билан аста сирғалиб залдан орқа эшигидан чиқиб кетди.
Хонзода шу кетишда ҳилват жой излаб ўзини қўшни корпусга урди. Чароғон чироқлари порлаб турган узун даҳлиз бўйлаб кичикроқ холлга чиққан Хонзода бурчакдаги ўриндиққа ўзини ташлади-ю, шашқатор йиғлаб юборди.
У елкалари силкинганча ўксиб- ўксиниб кўз ёш тўкар эди.

- Сен бундай йиғлашга муносиб эмассан, мунчоқкўз!?

Хонзода тепасида эшитилган дардли овозни таниб бошини илкис кўтарди:

- Сиз!? Бу ерда нима қиляпсиз? - сўради у ҳайрон қолганча ёшли кўзларини рўпарасидаги йигитга жовдираб тикиб.

Йигит ҳазин жилмайди ва Хонзодага рўмолчасини узатди:

- Нима қилардим? Сени олиб кетишга келдим. Кўз ёшларингни артиб ол. Кетамиз.

-69-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 


- Мен...-Хонзода ўпкаси тўлиб сўзини давом эттира олмади.

- Ўша йигит билан икковингизни қарашларингизни кўриб бир вақтлар орангизда оташин муҳаббат бўлганини тушуниб етдим. Мен яна шуни биламан-ки, икковингиз ҳозир бирга эмас экансиз, демак айб у йигитда. Сабаби сендек қизни яхши таниган инсон нечоғлик бебаҳо гавҳар эканлигингни англаган бўларди, буни англамаган йигит эса ношудларнинг ношуди ва унингдек пандавоқи учун кўз ёш тўкилишига арзимайди.
Хонзода, ҳозирги тўккан кўз ёшларинг унинг учун охиргиси бўлишини истардим. У йигит ўзича "Тилла саноатининг қироли Карим Муродовнинг қизига уйланяпман" деб осмонда учраётган бўлса керак, аммо у билмайдики у ҳар қандай тиллани йўлда қолдирувчи асл бриллиант-сендек қиздан қуруқ қолди.
Сенда ҳозир барига бирйўла нуқта қўйишга имкон бор.
- Қанақасига? - Хонзоданинг овози бу сафар дадилроқ эшитилди.

- Мен сенинг жуда чиройли рақс тушишингни биламан. Яна шуни биламанки, мен ҳам чакана рақс тушмайман. Нима дейсан, анави шўртумшуқнинг рўпарасида ажойиб бир шоу уюштирмаймизми?

Хонзода бироз ўйланди-ю, рўпарасидаги суҳбатдошига рад жавобини бермоқчи бўлиб оғиз жуфтлаган эди йигит ундан аввал ҳаракатга тушди:

- Тшшш, мунчоқкўз... Эътирозга шошилма. Кўриб турибсан, у йигит соф ва самимий севгини эмас, балки манфаат ва бойликни танлади. У бугун орангиздаги барча муносабатдан воз кечганини кўрсатди. Энди эса сенинг навбатинг. Сен қўяжак нуқта унинг ёдида бир умр қолса дейман.
- Яхши! - деди Хонзода қаддини тик тутар экан, - мен барига тайёрман! Рақс бўлса рақс-да! Хўш қайси қўшиққа ўйнаймиз!?

- Юравер-чи, йўл-йўлакай бир қарорга келармиз...
Хонзода ҳамроҳи билан ортга қайтар экан, уларнинг суҳбатини панада пойлаб туриб эшитган Асрор ака ҳар иккисининг ортидан мамнун жилмайиб қўйди.

-70-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Йигитали Хонзодани бу ерда, яна бундай кўринишда учратаман деб сира ўйламаган эди. Қизи тушмагур шунчалик гўзаллашиб, шунчалик дилбарлашиб кетибди-ки!? Оила аъзолари ҳар қадамда таъкидлайдигандек анавинақа, ёмон ҳулқли қизларга асло ўхшамайди. Қайтага ўзига ишончи ортган, янада шаҳдам ва шаддод қиёфада кўринди кўзига.
Аммо бу ерда нима қилиб юрибди? "Ўйлашимча шу ерда ишлайди шекилли..."

Йигитали шулар ҳақда ўйлар экан куёв жўраси Акмал келиб қулоғига шивирлади:

- Ҳайкалга ўхшаб тош қотиб ўтиравермасдан ёнингдаги келинга ҳушомад қилиб ўтиргин бундоқ? Ҳаммани кўзи ҳозир сенларда бўлса ? Сен бўлсанг келин билан ишинг йўқдек, гўёки уйланишга мажбурдек бўзрайиб ўтирибсан. Бўл тез ўзингни йиғиштириб ол! Қарагин, ҳамма ёқни муҳбир-у, блогерлар босиб ётибди. Ҳозирданоқ ижтимоий тармоқни тўйинг тафсилотлари боса бошлади. Сен дарҳол ўзингни қўлга олгин-да, илжайиб келинга мулозамат қилиб ўтир! Тушундингми?

Акмалнинг сўзи тугар- тугамас тўйхона бўйлаб ажиб тарона янгради.
Даврага қадди қомати келишган баланд бўйли йигит- Жалолиддин чиқиб келди. У нариги бурчакда турган Хонзоданинг сочига ( Йигитали қизнинг даврага қайтганини шу топда пайқади) косюмининг ички чўнтагида авайлаб олиб чиққан бир дона қип-қизил атиргулни қистирди-ю, хиёл таъзим қилиб даврага бошлаб чиқди.

- Ой юзидан нур ёғди сим-сим,
Юр, муҳаббат, кетдик бу ердан...
Ширин тушлар кўрсин севгилим,
Юр, муҳабаааат, кетдик бу ердан...

Хонзода лабида ажиб табассум билан йигитга тикилганча қоматини тик турганча давра бўйлаб ҳиром айлай бошлади.
Йигит ҳам Хонзодадан кўзини узмай унга монанд давра бўйлаб суза бошлади.

Тўйхонага йиғилган барча меҳмон-у мезбонлар бу икки ёшга маҳлиё бўлиб бўлиб қолгандилар. Улар Жалолиддин ва Хонзоданинг рақсини ушбу никоҳ оқшоми учун маҳсус ҳозирланган номер деб ўйлаган эдилар.
Айни дамларда уларнинг рақсидан таъсирланган "Сеҳр" рақс ансамблининг бадиий раҳбари Дилнавоз тегишли ходимларга бу рақс учун турли чироқ ёғдулари ва орада тутунли булут эффектини тақдим эттириб юборди.

-71-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌙 Зулҳижжа ойининг илк Жумаси муборак бўлсин!

Аллоҳ таоло бу кунни барчамиз учун хайрли, баракали ва савобли амалларга тўла қилсин. Бу улуғ кунлар барокати, дуолар ижобати сизларга ҳамроҳ бўлсин.

📱@Insta_retseptlar — Mazali yeguliklar har kuni taomnomangizda!

ҚАДРДОНЛАР

Гар меҳр кўрсатсанг — меҳрингни билган,
Ҳам қадр кўрсатсанг — қадрингни билган,
Дилингда айтмаган дардингни билган,
Яхшиям, дунёда меҳрибонлар бор!
Яхшиям, дунёда қадрдонлар бор!

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

💕Дунёдаги барча аёллар, турмуш ўртоқларидан шундай сўзларни эшитишни ҳоҳлашлари аниқ!

🍀🎉Хамма аёлларга ҳам, шундай турмуш ўртоқ насиб қилсин амин 🤲

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi