🧕 Muslimalar kundaligi
1.61K subscribers
3.68K photos
3.57K videos
4 files
6.89K links
Download Telegram
Хайрли тун!
Аллоҳни берган куни ҳам ниҳоясига етди.
Яхшилик қилиб,
улгурмаган бўлсангиз,
эртанги кун зое кетмасин! Барчамиз бу дунёга ғаниматмиз...
Эзгуликни қалбингизга
жо қилинг-ки,
ҳар ўтган кунингиз
бесамар бўлмасин.
Сизларни Аллоҳ учун
яхши кўрамиз.
Тунингиз осуда ўтсин,
яхши дам олинг!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍7❤3🥰2
This media is not supported in your browser
VIEW IN TELEGRAM
АССАЛОМУ АЛАЙКУМ

ПАЙШАНБА ТОНГИ МУБОРАК БЎЛСИН

🌷Тонг отиб меҳрибоним янги кун келса,
🌷Гуллар ифори ила шаббода елса.
🌷Сиз кулиб қаршиланг ниятлар билан.
🌷Ажабмас бирма бир ижобат бўлса🤲

КУНИНГИЗ ХАЙРУ БАРОКАТГА ТЎЛА БЎЛСИН


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2
This media is not supported in your browser
VIEW IN TELEGRAM
Ассалому алайкум ва раҳматуллоҳи ва баракатуҳ!

🌸🌳 ХАЙРЛИ ТОНГ! 🌳🌸

🤲 Аллоҳим, кўзларимизни уйқудан очканинг каби, қалбларимизни ҳам ғафлатдан уйғот!
☘️ Дунё тонг нури ила ёритганинг каби, ҳаётимизни ҳам ҳидоят нури ила мунаввар қилгин!

🌷Амин йа роббал аламин!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5
Onammi?! Namozimmi?!

Banu Isroilda Jurayj ismli avliyo odam bo‘lgan ekan. Ibodatda mustahkam, juda parhezkor inson edi. Paxsa devorli ibodatxona qurib o‘sha yerda o‘z ibodatlarini qilar ekan. Avvallari tojir bo‘lgan deyiladi tafsir kitoblarda, lekin keyinchalik tijoratni tashlab, ibodatga o‘tiradi. Onasiga ko‘p xizmat qilgan, onasining roziligini olgan kishi edi. Bir kuni onasi kelib o‘g‘lini tashqaridan chaqirdi. Ibodatxonani ichida o‘g‘il namoz o‘qirdi. Nafl namozini ado etardi. Namozda o‘yladiki:

– Yo Rabbiy, onammi namozimmi?

U o‘zicha qaror berdiki, namozim dedi. Onasiga javob bermay namozini o‘qiyverdi. Ona har safar chaqirganda uch marta chaqirardi, javob bo‘lmasa qaytib ketardi. Ya’ni bir kunda uch marta chaqirardi. Uch marotaba kelganida ham Jurayj namoz vaqtida bo‘lardi. Har safar:

—Ey Robbim, onammi namozimmi? – derdi va namoziga to‘xtalardi.

Jurayj ana shunday ixtiyor qilgan odam edi. Aslini olganda onasining roziligini olgan, lekin namozda onaga ham javob berib bo‘lmaydi deb o‘ylardi. Holbuki, nafl namozini tezlatib turib ona tugul boshqalarga ham javob bersa bo‘ladi. Ammo Jurayj onaga javob bermadi. Uchinchi kun uchinchi marta ham Jurayjning onasi o‘g‘lini chaqirdi, yana javob bo‘lmagach ona duo qildi:

– Alloh seni buzuq ayollarning tuhmatiga uchratmasdan o‘ldirmasin, – dedi va ketdi.

Albatta Jurayjning obro‘si baland edi, uni ko‘ra olmaydiganlar ham yo‘q emas edi. Dushmanlarining davrasida qanday qilsak Jurayjni sharmanda qila olamiz degan maslahatlar tez-tez bo‘lib turardi. Bir kuni chiroyli, ammo yengiltak bir ayol:

– Men uni yo‘ldan uraman, – dedi hamda garov o‘ynadi.

Jurayjning oldiga borib uni o‘ziga qaratmoqchi bo‘lib turli ishvalar qildi, ammo Jurayj unga iltifot qilmadi. Keyin u ayol tog‘larga chiqib ketdida, bir cho‘ponni topdi. Ayol cho‘pon bilan yaqin munosabatda bo‘lib, undan homilador bo‘ldi. Vaqt o‘tib bolani dunyoga keltirdi. Bolaning otasi kim deb so‘rashganda Jurayj dedi. Odamlar esa so‘roq-so‘rov qilmasdan Jurayning ibodatxonasiga kelib ibodatxonani buzishdi. Jurayjning o‘zini esa kaltaklashdi. Ular:

– Biz seni oqil, ibodatli odam deb yursak, sen haromxo‘r ekansan-ku, – deyishdi.

Shunda Jurayj namoz o‘qidi. Payg‘ambarimiz alayhissalom ham mushkul vaziyatga tushsalar namoz o‘qir ekanlar. Biz musulmonlarga ham bu amal sunnatdir. Namozini o‘qib bo‘lgach dedi:

– Menga bolani ko‘rsatinglar.

Bola beshikda yotardi. Bordida bolaning qorniga barmog‘i bilan niqtab, dedi:

– Ey bola, otang kim?

Beshikdagi bola tilga kirib, otam cho‘pon deya uning ismini aytdi. Odamlar xato qilganlarini tushunishdi. Ibodatxonani qaytib paxsa devordan qurib berishdi.

Mana shu voqeani Payg‘ambarimiz Muhammad Mustafo sollallohu alayhi vasallam sahobalariga hikoya qilib berganlar. Bu voqeadan tushunishimiz kerak bo‘lgan narsa - onaning darajasi naqadar yuksakligidir. Shuning uchun ulamolarimiz aytishadiki:

– Onang seni bir ishga buyurayotgan bo‘lsa, Robbing seni ibodatga chorlayapti.

Bu voqeadan nimani xulosa qilamiz. Ona degan ulug‘ zot o‘zining bir duosi bilan o‘z jigarbandini nimalarr qila olishi mumkinligini ko‘rdik. Onalaringizga shunday munosabatda bo‘lingki, har bir nafasida sizdan rozi ekanligi bilinib tursin. Ota-onasini qariyalar uyiga tashlab ketayotganlar bilib qo‘yishsin, sizlar uchun bu dunyoda ham, u dunyoda ham yaxshilik ozdir. Ota-ona rizoligida Allohning rizoligi bordir. Barchamizga ota-onasini rizoligini olgan holda bu foniy dunyoni tark etish nasib etsin.
Assalomu alaykum va rohmatullohi va barokatuh.

©Shayx Sayyid Rahmatulloh Termiziy.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍18😢2👏1
ДОНИШМАНД БИЛАН СУҲБАТ...

Мен ундан ёшини сўраган эдим, у айтди:
– 95-да, онам эса 105-ёшда вафот этганлар.
– Соғлиғингизни бу қадар яхшилигининг сири нимада? – сўрадим ундан.
– Касал бўлмасликда, – жавоб қайтарди у.
– Лекин бу бизнинг ихтиёримизда эмас-ку?! – дедим ҳайратимни яшира олмай.
У эса кулиб:
– Ҳа, шундай, – деди.
– Унда менга бунинг сирини айтинг, мен ҳам амал қилай, – дедим.
– Бирор нарсани «Бисмиллаҳ»сиз оғзингга ола кўрма, ҳатто у бир томчи сув ёки таомнинг жуда кичик бўлагини ҳам, – деди у.
Жим бўлиб қолдим.
У эса сўзида давом этди:
– Аллоҳ таоло ҳеч нарсани сабабсиз яратмади.
Ҳар нарсанинг ҳикмати борки, унда фойда ва зарарлари яширинган.
Биз «Бисмиллаҳ» деганимизда Аллоҳ таоло таомдан барча зарарни олиб ташлайди.
Овқатланишдан аввал доим «Бисмиллаҳ»ни айт ва Яратувчингга шукрда бўл.
Таомланиб бўлганингдан кейин «Алҳамдулиллаҳ» деб шукрона келтир. Шунда ҳеч қачон дард чекмайсан.
Унинг бу гапларидан кўзларим ёшга тўлди.
Уни улуғ олим деб ўйладим.
Эндигина кетмоқчи бўлиб турган эдим, қўлларимдан тутиб гап бошлади:
– Эшит, таом ҳақидаги охирги нарса.
Қайтадан жойимга ўтирдим.
– Бирон киши билан таомланаётганингда, гарчи қанчалар очиққан бўлсанг, ҳам асло биринчи бошлама.
Таомга аввал у қўл узатсин ёки унга "олинг" дея манзират қил.
Кейин эса ўзинг ҳам еявер.
Ундан бунинг сабабини сўрашга хижолат бўлиб турган эдим, ўзи айтиб қолди:
– Бу таомингнинг садақасидир.
Қолаверса, бандаларига қайғурганинг учун Аллоҳ сендан хурсанд бўлади.
Доим ёдингда тут!
Таом сенинг тананг, жисминг учун, «Бисмиллаҳ» эса қалбинг учун.
Энди менга айт-чи, қандай қилиб сен касал бўлишинг мумкин?!
У ердан ўйга толганча кетдим.
Биз динимиз буюрган бу каби арзимас нарсаларга на эътибор қиламиз ва на фарзандларимизга ўргатамиз.

Умар ибн Абу Салама розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг қарамоғларидаги бола эдим. Қўлим товоқда изғиётган эди.
Шунда Расулуллоҳ соллаллоҳу алайҳи васаллам менга:
«Эй бола! «Бисмиллаҳ», дегин, ўнг қўлинг билан егин ва олдингдан егин!» дедилар.
Шундан буён ана шундай таомланаман»
(Бухорий, Муслим, Абу Довуд, Термизий ривояти).

Аллоҳ таоло барчамизни ҳар қандай касалликлардан ҳифзу ҳимоясида асрасин ва Ўзига итоаткор бандаларидан қилсин!


Инглиз тилидан Малика Назарова таржимаси.

«Ҳилол» журналининг
4(41) сонидан.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍23
ДИЛ ОҒРИҒИ

Қизлик уй бозор. Шоҳ ҳам келади, гадо ҳам. Ноила бўй етганда ҳам "остонани супурувчилар" сони бисъёр бўлди. Сабаб ҳам ҳар доимги сабаб: Ноила оқила, чаққон, боз устига чиройли ҳам эди.
Ота-она бунақа вақтда шошилиб қолар экан. Бир қарорга келиш жуда маъсулиятли. Умр савдоси ахир. Совчилар эса ҳар турфа кишилар.
Бир куни эса... Бир куни қўшни маҳаллалик Соли соқовнинг ўғлига сўраб совчилар келди. Ота томонидан дангал "Йўқ!" жавоби айтилди. Совчилар ҳам биттада бўш келадиган хилидан эмас экан. Иккинчи марта яна келишди... ва келганларига минг пушаймон ейишди. Гарчи куёвликка номзод йигит ўқимишли, яхши касбни эгаллаган бўлса-да, бу тарозининг оғир палласини боса олмади:
- Менинг соқов хонадонига берадиган қизим йўқ, - гапни шарт кесди ота.
Ота сўзида турди. Қизини тагли-тугли оилага келинликка берди.
Ота бир умр пушаймон бўлиб яшади. Уч набиралик бўлган ота, набираларини хар бағрига босиб суйганда ич-ичидан эзилади. У набираларининг ҳеч бири "Бобожон" деб эркаланмаслигидан куяди.
Қандай эркалансин? Уччови ҳам безабон бўлса...

Астахфируллоҳ.... Тилга эхтиёт бўлинг. Гохида ноҳақ айблов ёки ноҳақ айтилган сўз, қарғиш ва дуоибад каби ўзингизга қайтиши мумкин...

Ибрат учун яқинларга юборинг!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍19😢6❤2
ЗУККО ШИФОКОР ВА ЮРИСТ

Америкада ҳеч бир клиникага ишга кира олмаган хитойлик шифокор ўз клиникасини очиб, шифохона пештоқига “Шифо топганга хизмат 20 доллар, шифо топмасанг, 100 доллар компенсация!” дея ёзиб қўйди.

Эълонни кўрган юрист хитойликдан пул ишлаш мақсадида шифохонага кириб, таъм сезмаётганидан арз қилди. Хитой шифокор ҳамширасига 14 чи қутидаги доридан келтиришни буюрди.

Шифокор “юрист бемор” оғзига 3 томчи керосин томизиши билан юрист “тфу-у-у, бу керосинку!” деб бақирди.

Шифокор: “Сизнинг таъм билиш сезгингиз қайта ишга тушди, сиздан 20 доллар!”

Аламда қолган юрист бемор бир неча кундан кейин қайта ташриф буюрди ва хотирасидан шикоят қилди. Шифокор ҳамширага 14 чи қутидан дори олиб келишни буюрди.

Бемор “у қутида керосин бор эди!”- дея ҳайқирди.

Шифокор: “Сизнинг хотирангиз қайта тикланди, сиздан 20 доллар!”

Аламдан куйган юрист кейинги сафар шифокорга кўзидан шикоят қилиб келди.

Хитойлик шифокор бу сафар ожиз қолганини эълон қилиб, даво топмаган беморга 100 доллар беришини эълон қилди ва 20 долларлик купюра узатди.

Юрист бемор: “Ахир, бу 20 долларку!”

Шифокор: “Сизнинг кўриш қобилиятингиз тикланди, сиздан 20 доллар!”

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👏15👍11❤2
This media is not supported in your browser
VIEW IN TELEGRAM
❤️ Ona duosi

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
🥰1
Media is too big
VIEW IN TELEGRAM
Mahito🍹

🔺Kerakli masalliqlar:

1,5 litr garzli suv
1,5 litr gazsiz suv
4 ta laytm
2 bogʻ myata
Muz boʻlaklari

Sirop uchun:
300 gr shakar
150 gr suv


🔺Tayyorlanishi:

Idishga shakar va suvni solib qaynatib sirop qilip sovutishga qoʻyamiz.
Stakanlarimizga myata barglari va laymni toʻgrab solamiz. Qoshiq yoki boshqa uskuna yordamida bir ikki urib sovugan siropimizdan ikki qoshiqdan quyib chiqamiz. Muz boʻlaklarini joylab gazli va gazsiz suvimizni quyib aralashtirib olamiz. Yaxna holda istemol qilamiz.
Retsept yoqqan boʻlsa duo qilishni unutmang❤️
👍5❤1
This media is not supported in your browser
VIEW IN TELEGRAM
Subhanalloh deb yozib qoldiring...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍7
🧕 Muslimalar kundaligi
#ТАНЛАНГАН - Эҳтиёт бўлинг , -деди у Мафтунанинг қўлларидан тутар экан. Мафтуна "Узр" дегандек қўлини кўксига қўйиб бош силкиди. Айни дамда кўча тарафдан "Олиб келишди , марҳумни олиб келишди деган шовқин тутди. Қурбонгул опанинг ёнидаги аёллар…
👆👆👆👆 аввалги қисмлар

#ТАНЛАНГАН

20 - ҚИСМ

Содиқжон Гулнурнинг ёноқларидаги кўз ёшларини бармоқлари ёрдамида сидирмоқчи бўлди , аммо улар кўплигидан бу ишнинг уддасидан чиқа олмади . Шунда у чўнтагидан чиройли қилиб дазмоллаган дастрўмолини суғуриб олди ва қизнинг кўз ёшларини авайлаб артди.
Гулнур Содиқжонга қаршилик кўрсатмади, у ўпкасини боса олмай , юраги тўлганча маҳзун қиёфада тураверди .

- Юр ... Кетдик...- Содиқжон қизнинг қўлидан тутиб машина томон етаклади .

Гулнур битта- битта қадам босиб йигитга эргашди. Содиқжон қиз олд ўриндиққа ўтиргач, эшикни ёпди ва ўзи машинани айланиб ўтиб ҳайдовчи ўрнига ўтирди.

У машинани ўт олдиришдан аввал Гулнурга савол назари билан боқди :

- Яхшимисиз ? Ўзингизни яхши ҳис қилаяпсизми ?

Гулнур эзгин қиёфада "йўқ" дея бош чайқади :

- Бугун мен умримда биринчи марта шу касбни танлаганимдан афсус чекдим...

- Ҳаммаси яхши бўлади. Кўп ўтмай барчаси ўз ўрнига тушиб кетади,- Содиқжон шундай дея машинасини ўз жойидан аста жилдириб кета бошлади .

Гулнур ундан "Қаерга кетаяпмиз?" деб сўрамади. Содиқжон жуда узоқ юрмай қизни сўлим ва сокин , мўъжазгина ҳиёбонга олиб борди. Мажнунтоллар қуюқ соя ташлаган, япасқи тошчалар чиройли қилиб ётқизилган зилол сувли ариқчанинг ёнига ўрнатилган ўриндиқлардан бирига Гулнурни ўтиришга таклиф қилган Содиқжоннинг ўзи тезда бориб муздеккина лимонад кўтариб қайтди.

- Буни ичинг , анча енгил тортасиз ,- деди у Гулнурга лимонадлардан бирини узатар экан,- бирорта егулик олай десам ҳеч бири кўнглимга ўтиришмади. Ё музқаймоқ олиб келайми ?

Гулнур бош чайқади :

- Иштаҳам йўқ. Лимонаднинг ўзи маъқул .

Содиқжон ҳам Гулнурнинг ёнидан жой олди. У индамай лимонад хўплаганча қизнинг ўзи гап очишини сабр билан кута бошлади.

- Эркин ака хавотир олмайдиларми ? - сўради Гулнур ва ниҳоят тилга кириб , - ахир бу вақтда идорада бўлишимиз керак эди- ку?

- Йўқ , улар бир иш буюрдиларми , охиригача сабр билан кута оладилар , сабаби иш битса шундоқ ҳам идорага ўқдек учиб боришимизни биладилар ,- деди Содиқжон Гулнурни ҳотиржам қилиш мақсадида.
У хозиргина лимонадга бориб келганда телефонидан майорнинг шахсийсига булутли қуёш суратини жўнатиб юборган , бу улар ўртасида ўзаро "Ҳавотир олманг бироз ушланиб қоламиз" деган маънони англатар эди.

Гулнур ярим соатларда ўзига келди.

- Содиқ ака , -деди ҳазин овозда ,- айтайлик мен бу ерда йўқман. Шунда сиз Мингноров масаласида ишни нимадан бошлар эдингиз ? Ёки калавани учини қаердан қидирган бўлар эдингиз ?

Содиқжон елка қисди . Аммо тез орада гапга тушди :

- Мингноров Шодмон тириклик чоғида жуда мақтовга арзигулик инсон бўлмаган экан. У табиатан жуда бадфеъл бўлган кўринади. Вақтида кўпчиликнинг дили Мингноров туфайли қаттиқ оғриган шекилли , жаноза ҳам совуган ошдек тим- тирис ўтди.
Яна шуни айта олиш мумкин-ки, қотил бегона эмас. Қотилни қариндош ёки касбдошлари , умуман олганда ўзаро олди- берди қиладиганлари орасидан қидириш керак.

- Ўртада пул масаласи бор деб ўйлайсизми ? - хўрсинганча сўради Гулнур.

- Гумонлар ичида асосийси шу...

- Содиқжон ака... Мен сизга ишонсам бўладими ? - Гулнур йигитнинг кўзларига дардли тикилди

- Бу нима деганингиз ? - ҳайрон бўлганча сўради Содиқжон

- Ҳозирги ўртамизда бўладиган суҳбат, яъни мени сизга айтадиган гапларим орамизда сир бўлиб қололадими демоқчиман. Шунга ваъда бера оласизми ?

- Йигит сўзим,- деди Содиқжон Гулнурнинг кўзларига тик боққанча ,- мудомики ҳозир гапирадиган сўзларингизни бошқаларга айтишимни истамасангиз сиз ҳоҳлаганингизча бўлақолсин.
Сир десангиз демак- сир.

Гулнур Содиқжоннинг сўзларидан енгил тин олди . У аста - секинлик билан дона- дона қилиб сўзлай кетди:

- Мен ҳамиша ҳар қандай жиноятга жазо муқаррар бўлиши керак деб ҳисоблаганман. Кишилик жамиятининг мувозанат қонуни айнан шунда дея ҳисоблаганман.Ҳатто кимдир "Вақти келиб бу қарашларинг ярим кун , ёинки бир соатда ўзгаради" деса ҳеч қачон бўй бермаган бўлар эдим.

/62
👍41❤4
#ТАНЛАНГАН

Бугун эса бу борадаги қарашларимнинг бари бир зумда чиппакка чиқди.

Содиқ ака ...

Мен таслимман.

Таслим...

Муҳаббатга ...
Садоқатга ...
Вафога таслимман...

Ҳайрон бўляпсиз-а ? Асло ҳайрон бўлманг ! Мен бугун Мингноров иши бўйича айбдор деб топилиши керак бўлган жиноятчининг кимлигиги биламан. Унинг ўзига қилган жиноятини тан олдириб ҳам бўлдим. Бироқ... Бироқ жиноятчининг исмини эълон қилгим йўқ. Иложи бўлса-ю , ушбу жиноят иши ҳеч қачон очилмаса эди дейман. Қўлимдан келса-ю , шу ишни босди- босди қила олсам ...
Эҳҳҳ...
Аммо бу ҳатти- ҳаракатлар қонунга мутлақо зид.
Мен ...
Мен инсонийлик ва қонун ўртасида сарсон , саргардон бўлиб қолгандекман.
Вужудимга минглаб игналар санчилгандек , ўша игналар етмиш минг қон томиримда ўнг-у терсига қарама- қарши чопаётгандек азобдаман.

Ҳайрон бўлаяпсиз- а ? - Гулнур сўзидан тўхтаб йигитнинг кўзларига бир зум тикилди .

Содиқжон бўғзига келган хўрсиниқни ташига чиқара олмай оғир ютинди:

- Сўзлайверинг. Мен ... - деди у ,- мен сизни тинглаяпман. Тушунишга ҳаракат қиляпман...

- Биласизми ? Ўша эркакнинг жасади бўлаклангани , сўнгра ўрамларга ўралиб аҳлатхонага олиб бориб ташлангани ҳақида эшитганим ҳамоно бу ишни бир киши , бир киши бўлганда ҳам аёл киши қилганини таҳмин қилгандим.
Хўш мен нима сабабдан бундай таҳминга келдим? Сабаби аёл киши нозик вужудига сумбатдек эркакни ортмоқлаб кўздан йўқота олмасди. Бўлакларга бўлди-ми, демак у ёлғиз.
Ҳаа... Сиз ҳайрон қолаяпсиз. Аёл киши бу ишни қила олишига ишона олмаяпсиз а ? Лекин шуни билинг- ки , арслонга бас келиш мумкин . Аммо урғочи арслонга асло бас келиб бўлмайди ! Агар у ярадор урғочи арслон бўлса , ҳеч қачон таслим бўлмайди , ҳеч қачон ! Олишув икки томоннинг бирини ўлими билан якунланмасдан қолмайди.

Мен Мингноровникига борганимда эллик фоиз ишонч билан қотил ўша ерда бўлса керак деб ўйлагандим.
Мушкулимни Аллоҳнинг ўзи осон қилди. Ногоҳон қулоғимга чалинган икки аёлнинг суҳбати мени керакли манзилга жуда яқинлаштириб қўйди. Ўша суҳбат менга Мингноровнинг ҳаётдаги сийрати ва яқинларига муносабатини билдириб қўйганди. Орада "Қотилликка қўл уриши мумкин" деган гумондорим хонадоннинг кичик келини Мафтунага кўзим тушди-ю , мен ечимга жуда яқин турганлигимни фаҳмдим. Бунга сабаб келинчакнинг ҳаддан ташқари гўзаллиги эди.
Кўча-куйда чиройли аёлларни кўрса оғзининг сўлаги оқиб, илиқиб юрадиган мараз одамларда ҳаё деган туйғу бўлмайди. Ҳаё, ор, номус биринчи ҳиёнатдаеқ чалажон бўлган бўлса , вақтида тавба қилмаганларда у тезда нобуд бўлади. Ҳаёси йўқ инсонда ажратиш деган нарса бўлмайди . "Бу аёл фалончининг , буниси фисмадончининг ҳасми , ҳалоли" деган идрок нафсга қул бўлиб бўлган инсонда қайдан бўлсин?
Мен шуларни ўйлаб турганимда Мафтуна ёнимга келиб мункиб кетди. Шунда унинг бўғиқ ёқалик кийимининг ичидан моматалоқ бўлиб кетган бўйин ости тўшига кўзим тушди. Бу доғлардан кимнингдир унга "Яхшилаб" азоб бергани кўриниб турарди .

Бу орада Мингноровнинг жасади уйга келтирилиб ҳамма ўзи билан ўзи овора бўлиб қолди.

Мен эса Мафтунани кўздан қочирмай тургандим. Одамлар тўс- тўс бўлиб турган бир вақтда , мен лип этиб Мафтунанинг хонасига кирдим.
Кирдим ва келинчакка қўлимдаги идорага кириб -чиқиш учун олинган муҳрли гувоҳномани кўрсатдим. У гувоҳномада сурат ва унинг устидан босилган муҳрни англаб- англамай туриб ўзини йўқотиб қўйди :

- Мен жиноят қидирув бўлими терговчиси Воисова Гулнурман, - дедим дона- дона гапиришга ҳаракат қилиб,- сиз Мингноров Шодмон Раимбердиевичнинг ўлимида гумонланаяпсиз. Марҳумнинг бўлакланган тана аъзолари ва ўрамдан сизнинг бармоқ изларингиз топилган,- дедим келинчакни қопқонга тушириш мақсадида ёлғонлаб.
Бироқ Мафтуна мен кутгандек жазавага тушмади.
У хонадаги стулга аста чўкди ва :

- Мен қилган ишимдан афсусланмайман. Агар ўша ўзим кўрган азобли кунларни қайта яшашга тўғри келса , яна шу ишни ҳеч иккиланмай қилардим, - деди .

Мен Мафтунадан бундай кескин жавоб ва журъатни кутмаган эдим .

/63
👍40❤4
#ТАНЛАНГАН

Беихтиёр бўшашдим:

- Нега ?! Нима учун бу ишни қилдингиз ? Наҳот-ки ечимнинг бошқа йўли бўлмаган ? - деб сўрадим ундан тиззаларимдан мадор қочганча.

- Йўқ ,- деди Мафтуна "афсус" дегандек ,- бошқа йўл билан у ифлосни тўхтатиб бўлмас эди.

Шундан сўнг Мафтуна бор гапни яширмай айтиб берди:

- Мен Хуршид акамга турмушга чиққан никоҳ кечасида отаси ўрнида деб мана шу малъундан фотиҳа беришини сўрашган эди. Ўшанда ҳаррир дарпарда остидан ўзимга суқланиб қараб турган нигоҳга кўзим тушиб дарровда "Йўқ , бўлиши мумкин эмас" деган эдим. "Ака деган уканинг ҳасми ҳалолига кўз олайтирса икки дунёси куйиб кетмайдими?" деган хаёл ҳам кўнглимдан кечганди.

Эртаси куни келинсаломда яна "ота ўрнида ота" бўлиб тортинмай пешонамга лаб босганда қанчалик ижирғанганимни тасаввур ҳам қилолмайсиз. Аммо буларни Хуршид акамга айта олмасдим . Нима ҳам деяр эдим ахир? Менга шундай туюляпти дермидим ?

Қайноғам эса келин бўлиб тушган хафтамдан бошлаб уйга сара егуликлар олиб кела бошлабди. Ҳатто қайнонам "Мафтунаой, пойқадамингиз қутлуғ келиб Шодмонга ҳам инсоф кириб қолди" деганлари ҳамон қулоқларим остида .
Аммо ўша сахий ўғиллари Хуршид акамга "Тўй учун фоизга қарз олгандим , эгалари сўрамаяпти. Негалигини биласанми ? Қарзни қанча тўламасак уларга яхши-да, фоиз шунча ошади" деб тушунтириш берди- ю , тез кунда ҳе йўқ, бе йўқ "Россияга қурилиш бригадасига бориб ишлайсан" деб билет кўтариб келди.

Хуршид акам ўзларини у ёққа уриб кўрдилар , бу ёққа уриб кўрдилар , аммо бўлмади, ноиложликдан кетишга мажбур бўлдилар.
Улар шу кетганча олти ойда бир келдилар. Шунда ҳам қайноғам алланималарни баҳона қилиб ортга қайтартириб юбордилар. Ҳуршид акам очиғини айтмадилар- у , аммо гап- сўзларидан қайноғам Ойижонни "Тузалмас касал бўлиб қолдилар, дорига пул етмаяпти" деган баҳона қилганларини тусмолладим. Ойижон ўша пайтда ўт пуфакларини олдирган эдилар.

Хуршид акам қайта Россияга кетгандан кейин қайноғам ўз- ўзидан менга хўжайин бўлиб олди. Мен ўзимча "Эрим уйда йўқ , энди ота- онамникига борсам бемалол икки- уч кун у ерда туриб келсам керак" деб ўйлагандим. Аммо қаёқда дейсиз ?! Қайноғам "Чиққан қиз чиғириқдан ташқари , ота- онасиникида кунда пишириб қўйган жойи йўқ" дер эди. Мен қизлик уйимга икки , баъзан уч ойда , шундаям икки соатга бориб келадиган бўлдим . Бу қайноғамга қанча ялиниш эвазига тегадиган жавоб эди. Ўша вақтлари тиз чўкиб этагини ўпмаганман халос .

Кечалари овсинимни қизлари ва қайнонам билан бирга ётардим. Аммо ишонсангиз хатто ҳожатга ҳам ёлғиз ўзим чиқишга қўрқар эдим.

Тўғри бир йилдан ошиқ даврда қайноғам менга суқ назари билан қараганини айтмаса , бошқа ошиқча ҳатти- ҳаракат қилмади , аниқроғи қила олишга фурсат топа билмади.

Аммо қайноғам кейинги ойларда ўз- ўзидан мени камситадиган , таҳқирлайдиган ва шундан ҳузур топадиган бўлди. Мени қанчалик изиллатиб йиғлатса , ўзининг кўнгли шунчалик чоғ бўлар эди. Бироқ мен барига чидашга мажбур эдим. Бир куни рисоладаги таомни "Тузини шўр қилибсанлар" деб қошиқни косага зарб билан урди. Шунда овсинимнинг қизи "Ада, овқат шўр эмас- ку" деганда "Қизингга тарбия бермаяпсан , Отага муомалани билмайди" деб овсинимни дўппослай кетди. Гап орасида "Мафтуна келинойинг билан ётиб тилларинг бир қарич бўлган сенларнинг" дея иккала қизни бошқа хонага кўчириб олиб чиқиб кетди. Мен энди қайнонам билан ёлғиз қолган эдим. Буёғига кунларим янада қийинчилик билан ўта бошлади. Қайноғам менга очиқ- ойдин суйила бошлаганди . Бир куни агар уни десам еганим олдимда , емаганим ортимда бўлишини , топган тутгани меники бўлишини айтди. Мен ўшанда қалтираганча "Укангиз-чи , укангиз нима бўлади ?" деб сўрай олдим халос. У эса безбетларча "Болта тушгунча кунда дам олади , укам келгунча сен ва менинг айш суриб олганимиз қолади, у ёғига Худо пошшо" деди. Ифлос! Худо деса-ю , бир туки қимирламаса.
Ўша куни унга нималар дедим эсимда йўқ. Гап охирида "Бузуқ бўлгандан уйимга кетганим ва керак бўлса эрдан ажраганим афзал" дедим шекилли. Чунки кўзимга бошқа чора кўринмаётган эди.

/64
👍90😢19❤11🥰1👏1
This media is not supported in your browser
VIEW IN TELEGRAM
🌙 АССАЛОМУ АЛАЛАЙКУМ

   🌹🕌 ЖУМА МУБОРАК!🕌🌹

Бугун Аллоҳнинг раҳмати чексиз!
Амал дафтарингизда қолдиринг!
Ҳамду санолар айтинг ҳаргиз!
Жума_айёмингиз муборак бўлсин!

🌹• Аллоҳим жума
намозингизни 🌹

🌹• Айтган саловоту
дуоларингизни 🌹

🌹• Солиҳ амалларингизни
Ўзи қабул айлаб савобларла мукофотласин!


🌷 ЖУМА АЁМИНГИЗ
МУБОРАК БЎ
ЛСИН✨🌙

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5
#Бисмиллах
Ассалому алайкум
Хайрли тонг
Жума айёмингиз муборак бўлсин! 🌺

🌸🌷Шукур етдик шу кунга,
🌸🌷Кўнгил тўлар таскинга,
🌸🌷Ҳаж мақоми мискинга,
🌸🌷Жума муборак бўлсин.

✨ЖУМАНИНГ ХАЙРУ БАРОКАТИ СИЗГА БЎЛСИН ҚАДИРДОН!!! 🌷

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
Media is too big
VIEW IN TELEGRAM
3 ta bolani ota onasi tashlab ketgan shu dodani qo'lida qolishgan bu go'daklarga yordam kerak

Kim nimadan yordan qiloladi gilam? kiyim kechak oziq ovqat iltimos o'z holiga tashlab quymaylik yuregim ezildi bu bolalarni aybi yo'q

Birinchi navbatda uyni tozalash kerak
bolalar uchun sharoit qilish ularga oziq ovqat kiyim kechak kerak

Befarq bo'mela!!!!!

8600140432116045
Mahakamatkulova Z
8600140459664760

9860080120047685
Pulatova z

Ehson uchun ochilgan guruh⬇️
https://t.me/+_4sm0cyQ96VkMzNi


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3
This media is not supported in your browser
VIEW IN TELEGRAM
Aka yaqinda nabirali boʻlibdi. Toʻngʻich qizi oʻgʻilli boʻlib, shunga beshik toʻyi olib borishi kerak ekan. “Beshik toʻyi”ning xarajati katta emish. “Agar men kasalxonaga tushib qolsam toʻy berolmay qolamiz”, deb ota shoʻrlik shifoxonaga bormagan va bir hafta davomida qon tuflab yuravergan.
— Bir necha marta aytdim, lekin har safar: “Qudalarning oldida uyatli boʻlib qolamiz, qizingning koʻngli oʻksiydi”, deb bormadilar, — deydi ayoli.
Xullas, shu odam oʻldi. Bir tiyinga qimmat anʼanani, bemavrid gʻururni deb oʻlib ketdi.
Muhtaram oʻzbeklar, toʻylar fojeasidan qachon qutiladi? Qachon es kiradi bizga? Biz qachon tonnalab guruch damlab toʻy qilishning fazilat emasligini tushunamiz?
Ajabo, bir asr ilgari Behbudiy hazrat ham xuddi shunday nolib yozgan ekanlar. Oradan 100 yil oʻtibdi hamki, hamon oʻsha “qoʻshiq”!

❗️Albatta yaqinlaringizga  ulashing, ular ham bilib olishsin!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
😢9👍6
This media is not supported in your browser
VIEW IN TELEGRAM
Biz ayollar shunday yaratilganmiz... ❤️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6❤1
This media is not supported in your browser
VIEW IN TELEGRAM
Яхшиликнинг жавоби яхшиликдир. 😊

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
🥰2👍1
🧕 Muslimalar kundaligi
#ТАНЛАНГАН Беихтиёр бўшашдим: - Нега ?! Нима учун бу ишни қилдингиз ? Наҳот-ки ечимнинг бошқа йўли бўлмаган ? - деб сўрадим ундан тиззаларимдан мадор қочганча. - Йўқ ,- деди Мафтуна "афсус" дегандек ,- бошқа йўл билан у ифлосни тўхтатиб бўлмас…
#ТАНЛАНГАН

У эса тез орада ўзгарди. Дарҳол мендан кечирим сўрашга тушди. Айтишича кўчада кимдир мен ҳақимда бўлмағур гап айтганмиш, қайноғам шу йўл, яъни ҳозиргина билдирган таклифи билан мени синаб кўрганмиш.

Турган гап- ки, мен унинг бу сўзларига ишонмадим , бироқ шу билан бирга анча енгил тортгандим. "Энди қайноғам хушини йиғиб олса керак , жиллақурса анчагача қулоғим тинчир" деб ўйлагандим.

Хақиқатда ўша воқеадан кейин қайноғам бутунлай бошқа одамга айлангандек бўлди. У менга деярли эътибор бермай қўйганди. Мен ҳам "Инсофга киргани рост бўлсин" деб ич- ичимдан қувона бошладим. Қайноғам илгарилари эрим билан гаплаштиргани қўймас "Росси билан гаплашиш қанча пул туришини биласанми?" дея писанда қилар , гап орасида "Хотин деган бунчалик эрсирайвермаслиги керак-да , озгина ҳаё бўлса ортиқчалик қилмас эди" деган жон- жонингдан ўтиб кетадиган гапларни кўп гапирарди.
Кейинчалик унинг ўзи телефонимга пул ташлайдиган "Сиз ёшларгаям увол бўлиб кетди" дейдиган бўлиб қолди.
Бир куни қайнонам мени ёнларига чақириб , қўшнимиздан икки кўча нарида тикувчилик цехи очилганини эшитганликларини , истасам ўша ерда ишлаб оз бўлса- да чигилларимни ёзиб келишим мумкинлигини айтдилар. "Кун бўйи ҳайҳотдек уйда бекорга бир гала аёл бўлиб ўтирганимиздан нима маъни?" Ундан кўра ишланг, ҳаво алиштиринг, одам сонига қўшилинг! Бу ерда гап пулдамас- ку, аммо бўлса уям зарар қилмаслиги аниқ" дедилар улар .
Мен бу таклифдан жуда ҳурсанд бўлдим. Уни бажонидил қабул қилиб учиб - қўниб ўша цехга бориб иш тика бошладим. Цехга ишга кирганимнинг учинчи куни у ерда қайноғамни кўриб ҳайрон бўлдим . Билсам асосий ишидан бўш пайтида бу цехнинг юкларини бозор ва дўконларга тарқатиб турар экан.
Мен гўл бўлсам ўшанда ҳам бирон гумонга бормабман а ?
Шу бўйи қайноғам йўли тушганда мени бир ,икки бор ишга ташлаб ўтди. Бир , икки бирга ишдан уйга қайтдик. Орада ортиқча ҳеч гап ҳам, сўз ҳам бўлмади.
Шундай кунларнинг бирида қайноғам мени "Йўлимиз бир деб" ўзи билан бирга ишга олиб кетди.
Йўл - йўлакай кўп қаватли бир уйнинг ёнида тўхтаб,цехда тикилган маҳсулотлардан икки сумкасини олди ва мендан ҳам бир кичикроқ сумкани олиб чиқишиб юборишимни илтимос қилди :

- Илтимос , келин . Бу ерда ипподромчи Карима опа турадилар . Бу сафар юкни уйларига ташлаб кетишимни илтимос қилгандилар. Шундоқ ташлаймиз- у, чиқамиз ,- дедилар..

Мен уларга "Хўп бўлади" дебман-у сумкани олиб эргашибман. Қайноғамга эргашиб иккинчи қаватга чиқибман. Тўғри қайноғам эшикни ёнидаги калит билан очганда кўнглимга ҳар хил хаёллар келди , бироқ унинг "Карима опа, бундоқ эшикни очиб кутиб турмайдими одам?!" деган сўзларини эшитиб хушёрликни йўқотдим.

- Мафтуна , қани сумка ? Узатмайсизми ? - деди қайноғам остонадан қўл чўзиб .
Мен сумкани узатганимни биламан қайноғам мени бор кучи билан ичкарига тортиб кетди...

Кейин ...

Кейин ҳушимдан кетдим.

Ҳушимга келганимда эса қайноғам менга ўз телефонидан бир даста сурат жўнатганини айтди. Мен дағ- дағ қалтираб суратлари очдим . Тахмин қилганимдек барча суратларда мен... Яна ...Бир аҳволда...

- Ифлос ... - дедим мен ғазабга тўлиб ,- сендайларга ифлос деган сўз увол. Сенларни мараз дейиш керак. Мараз. Ахир сени туққан она укангни ҳам туққанди- ку! Уялмайсанми жигар ҳаққига ҳиёнат қилишга!

- Онамларга ҳамиша таъзимдаман , - деди у рўпарамда оёғини бамайлихотир чалиштириб ўтирар экан иршайганча,- бир оғиз илтимосимни ерда қолдирмай сени цехда ишлашингга руҳсат бериб , кейин кўндириб ҳам берган одам менга , ўз ўғилларига қанчалик яхшилик қилганларини хаттоки билмайдилар ҳам ...

У шундай деб сўзларини худди илон каби висирлаб давом эттирди :

- Бу ёғига мени айтганим бўлади ! Кўнмасанг ўзингдан кўрасан! Бу суратлар зумда эрингни қўлида бўлади ва у икки дунё бир бўлганда ҳам сени қайтиб хотин қилмайди.
Демак, сенинг олдингда бир йўл қолди . У ҳам бўлса таклифимга кўниш ва бу ёғига маликалардек яшаш. Бундан кўпам куйинаверма! Вақти келиб бу ўйин жонимизга тегса , "Хайр- хўш" деймиз- у яна ўз йўлимизга кетаверамиз.

/65
👍40