🧕 Muslimalar kundaligi
1.61K subscribers
3.68K photos
3.57K videos
4 files
6.89K links
Download Telegram
#БИЗ_КУТГАН_КУНЛАР:

20-қисм

МУАЛЛИФ ШАМСИНУР


-Мени тиргагим бўлмаган. Шукр мана шундай ёруғ кунларга чиқар эканман. Қизим сен ҳам кўп сиқилма бари олдинда


Бувимни айтиб берган аччиқ қисматлари менга оз бўлсада куч бўлди. Мақсади йўқ бир қўрқоқ қиздан, ҳаётда ўз ўрнига эга инсон бўлишга иштиёқ уйғонди.


🌿🌿🌿


-Сумбула, кеча нега ўзингни билмай қолдинг?

-Қайдам, об ҳаво таъсиридан бўлсА кераК.


-Сен мендан нимадирларни яшириб юрасанеэе

-Сара бу гапларни қаердан оласиз?

-Юз кўзингдан.


-Айтганча ярашиб олдизми?

-Аллақачон, бизни аразимиз узоққа бормайди.

-Тўй қачон?

-Бўладида, энди ўқишга кирдимку, ҳали бола боа, қайнона қара, хоҳламайман. Менга шу ҳолатим яхши. Хўжайин йўқ, ўзимга бек ўзимга хон дегандек

-Балки, мен эркинлик нималигини билмайман, сиз айтаётганларингиз ҳудди эртакдек.

-Хахахааа гапниям оласанда. Ундан кўра конспектимни ёзиб берақол, илтимос.


Сарвара менга мўлтирабгина қаради.

-Нега, ўзиздаям вақт кўпку.

-Шер билан тоққа бормоқчимиз.


Уни бемалол айтган гапидан ғалати бўлиб кетдим.


-Ахир бу...

-Сенам муллаликни бошлама фақат. Анави Диля ҳам харом, у , бу бошимни оғритиб ташлади. Биз шунчаки айланишга борамиз. Шер ҳам ҳали ақлини еганича йўқ. Тўйдан кейинги ишлар, тўйдан кейинга қолдирилган.


-Мен аслида бу маънода айтмоқчи эмасдим


-Биламан гўзалим, сенда бошқа савол туғилмасин деб айтиб қўяқолдим.

Сарвара билан биз икки хил дунё эдик, у очиқ, сочиқ кийинадиган замон билан ҳамнафас юрувчи қиз бўлса, мен йигитлардан узоқда юрувчи, кийимлари ҳам сипогина қиз эдим. Кўчада юрганимизда нечтаси Сарага қичима гаплар отиб кетишар, Сара ҳам бунга жавобан куракда турмас сўкишлар билан сийларди.

Ҳаво жуда очиқ, одамни баҳри дилини очади, сочимни бирозгина ёйилган ҳолида жингалак қилдим, кийимларимни бир-бирига мослаб кийиб чиққанман. Қаймоқранг қандайдир менга ўзгача жозиба бағишлайди. Ростини айтсам анави йигитни кўрганимдан бери ўзимга бироз эътибор берадиган бўлибман.

Кўнглим сезганми бугун яна уни кўрдим. Ўзига ярашган кийимда жуда кўркам эди. Менга кўзи тушиб йўлини мен томон бурди.

-Яхшимисиз? Кеча роса ҳаммани қўрқитдингиз. Йигитизниям ўтакаси ёрилди.


-Йигитим?

Унга тушунмай қарадим.

-Ёниздаги йигит.

-У курсдошим.

Негадир бу йигитга йигитим йўқлигини билдирмоқчи бўлдим. Нақадар аҳмоқман.

-Докторга кўриндингизми? Бу ҳолат билан ҳазиллашиб бўлмайди.

-Ҳаммаси жойида, ёшликдаги травмалар баъзан ҳуруж қилиб қолади.

У менга ҳайрат ила қаради.

-Сиздаяааа.

-Ҳа шундай.

-Муҳими яхши экансиз, исмим Шердор.

У менга қўлини узатди. Мен эса бу ҳолатда унга қўлимни узатолмасдим.

-Исмим Сумбула. Ғалати туйилиши мумкин, лекин... Мен йигитлар билан қўл бериб кўришолмайман. Рахмат ёрдамиз учун.

Гапларни автоматдай айтдимда ёнидан тезда узоқлашдим. У мен ҳақимда нима деб ўйласа ўйласин. Бу муносабатни бошланмасидан тугатган афзал.

Давоми бор...
👍52
Аллоҳ таоло: «Кечасида таҳажжуд (намози) қил. Сенга нофила бўлур. Шоядки, Роббинг сени Мақоми Маҳмудда тирилтирса», деган (Исро, 79).

Молининг камайганига қайғуриб,

Умрининг камайганига қайғурмаган кишидан таажубдаман.

Яҳё ибн Муоз раҳимаҳуллоҳ.

Ухлашдан олдин қуйидаги муҳим ишларни бажаринг:
– Таҳорат қилинг
– Витр ўқиинг;
– «Оятал курсий»ни ўқинг;
– Ётишдаги зикрларни айтинг;
– Мулк сурасини ўқинг;
– Одамларни кечиринг;
– Тавба қилинг;

ХАЙРЛИ ТУН... ЯХШИЛАР!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3🔥2
This media is not supported in your browser
VIEW IN TELEGRAM
🌸...Ассаламу алайкум...
         🌸...ва роҳматуллоҳи...
                  🌸...ва барокатуҳ!....

☀️ Умримизни яна бир тонги муборак
ва хайрли булсин.
🌸 Аллохим хар бир қилаётган ишимиздан,босган хар бир қадамимиздан рози бўлсин.
🌸 Жисмингизга соғлик, қалбингизга хотиржамлик, тилайман.
🌸 Халол топганингиз фақат хурсандчилигу яхшиликка буюрсин
🌸 Ибодатларингиз ажру савобга тўла бўлсин.
         💐🕊ХАЙРЛИ ТОНГ🕊💐
            💐🕊 АЗИЗЛАР! 🕊💐


Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2
ЎҒЛИМНИНГ ЎЛИШИНИ ИСТАР ЭДИМ!
Муҳаммад ибн Халаф айтади:
“Иброҳим Ҳарбийнинг ўн бир ёшли ўғли бор эди. Иброҳим унга қуръонни ёдлатди, фиқҳни ўргатди. Сўнгра сал вақт ўтиб ўғли вафот қилди. Мен унга таъзия изҳор қилиш учун келдим. Иброҳим менга деди:
-Ўғлимнинг вафот қилишини истаган эдим!
Мен дедим:
-Эй Абу Исҳоқ! Сен дунё олими ва мусулмонлар фақиҳи бўлсанг. Қуръонни ёдлаган, фиқҳни ўрганган боланг ҳақида ҳам шундай дейсанми?!
Иброҳим деди:
-Ҳа! Туш кўрибман. Тушимда қиёмат қоим бўлган эмиш. Бир қанча болачалар қўлларида сув идиши билан кишиларга сув тарқатиб юришибди. Жуда ҳам иссиқ эди. Ўша болалардан бирига дедим:
-Менга ҳам сув бер!
Болача деди:
-Сиз менинг отам эмассиз!
Мен сўрадим:
-Сизлар кимсизлар?
Болача деди:
-Бизлар дунёда эрта вафот қилган болалармиз. Оталаримиз ортда қолишди. Биз уларни бу ерда кутиб олиб сув бераяпмиз!
Мен шунинг учун ўғлимнинг вафот қилишини истаганман!”.

Аллоҳ бандаларини гоҳида мусибатга ҳозирлайди. Бу ҳам Унинг раҳматидандир. Ана шунда Аллоҳнинг қадари ва мусибатлари бандаларининг елкасига тушганида улар ўзларида сабр ва матонат топишади. Оддий кечаси кўрган тушлари билан, масжидда эшитган бир мавъизалари билан ҳаётга бўлган қарашлари ўзгаради. Кўчада бир воқеани кўриб ҳаётлари тубдан ўзгаради.
Бир дўстим айтиб берган эди. У ошқозонидан шикоят қилиб шифохонага борибди. Ўзича: “Бало ҳам чўзилиб кетди, эй Роббим, қачонганча давом этади?!”, дебди. Сўнгра у ётган хонага кимёвий муолажа бериш учун бир беморни олиб киришибди. Уни вакцина кўринишида беришибди. Беморнинг ранги ўзгариб икки соатдан кейин ота-онаси кўтариб олиб чиқиб кетибди. Дўстим ўз ҳолатига шукр қилиб Аллоҳга ҳамд айтибди. Аллоҳ юборган рисолани фаҳмлабди. Бу дарс унинг ёдида қолибди. “Унинг дарди қаерда-ю, менинг дардим қаерда. Қорнимда озгина оғриқ бор эди. Бу оғриқ кимёвий муолажа олдида ҳеч нарса экан!”, деб ўйлабди.

Иброҳим Ҳарбий роҳимаҳуллоҳ ўғлига ўлимни орзу қиладиган даражада содда бўлмаган. Аммо Аллоҳ таоло унга қадар воқе бўлганида собит туришга ундайдиган рисолани туш кўринишида юборган.
Иброҳим Ҳарбий роҳимаҳуллоҳ замонасининг энг фақиҳ олимларидан эди. Буюк луғат олими Саълаб айтади: “Мен Иброҳим Ҳарбийни эллик йилдан бери луғат ва наҳв мажлисларида кўраман!”.
Абу Бакр Хатиб айтади:
“Иброҳим Ҳарбий илмда имом эди, зоҳидликда пешво эди, аҳкомларни кўра билар эди, ҳадисларни ёд билар эди, иллатли ҳадисларни ажрата билар эди, адабиётда даҳо эди, кўп луғат соҳиби эди. Ғариб ҳадислар ҳақида ва бошқа мавзуларда китоблари ҳам бор. Асли Марвдан!”.

Аллоҳнинг рисолаларига бепарво бўлманг. Аллоҳ гуноҳ қилганингизда қалбингизни безовта қилиб Ўзига қайтармоқчи бўлади. Олдингиздан жаноза ўтади, қайсидир оятни эшитасиз, уни худди ўзингизга нозил бўлгандек ҳис қиласиз, бир муносабат билан қайсидир ҳадисни эшитасиз, қайсидир беморни кўриб ўзингизни заифлигингизни ҳис қиласиз, дўстингиз хиёнат қилганида Аллоҳдан ўзга омонлик йўқлигини биласиз, суюкли инсонингиз ташлаб кетганида ҳамма ташлаб кетса ҳам Унинг сизни ташламаслигига ишонасиз. Булар аслида рисолалардир...
Аллоҳнинг олдида нақадар фақирсиз!
Аллоҳ нақадар сиздан беҳожат!
Аммо сизни юқоридаги каби рисолалар билан Ўзига қайтармоқчи бўлади!
Мана шу бахт!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍15❤5👏1
УЧ ДЎСТ

Бир кишининг учта дўсти бор экан...
У БИРИНЧИ ДЎСТИ билан жуда ҳам иноқ ва уни жуда ҳам яхши кўрар экан. Кунига энг камида 5-6 марта кўришмаса бўлмас экан... Ҳатто, у ёнида бўлмаса, кўчага чиққиси ҳам келмас экан. Баъзи кунлар ухлаш олдидан ва, ҳатто, ярим тунда уйғониб кетса ҳам, у "ДЎСТ"и ҳақида ўй сураркан...

ИККИНЧИ ДЎСТИ билан эса унчалик иноқ бўлмаса ҳам кунига 1 ёки 2 кун кўришиб тураркан. Айрим пайтларда икки кунда бир, баъзан ҳафтада бир кўришишга ҳам тўғри келаркан. Бу "ДЎСТ"и ҳақида ҳам ўй сурар, аммо биринчи дўсти ҳақидек эмасди...

Бу инсоннинг яна бир УЧИНЧИ ДЎСТИ бор экан. Агар шуни ҳам дўст деб аташ жоиз бўлса. У учинчи дўсти билан аҳён-аҳёнда, ойда бир ёки икки ойда бир, баъзида йилда икки ёки уч марта учрашиб тураркан. Бу дўсти ҳақида деярли ўйламасди ҳам...

Бир куни уйига "ШОХ"нинг ҳабарчилари келиб, МАКТУБ ташлаб кетишибди. Мактубда Шоҳ уни Ўз "САРОЙИ"га чақирган, ундан бир қанча катта жиноятларда ГУМОН қилинаётгани ва агар АЙБСИЗлигини исботлай олса, унга зарар бермаслигини, акс ҳолда "ЭНГ ОЛИЙ ЖАЗО"га маҳкум эканлиги битилган эди...

Узоқ ўйлаб, ғамга ботган инсон энг суянган ва энг қалин "БИРИНЧИ" дўстига борибди. Вазиятни билгач, дўсти саросимага тушиб қолибди, у билан бирга боролмаслигини айтиб узр сўрабди ва, ҳатто, остонасидан чиқиб, кузатиб ҳам қўймабди...

ҲИЁНАТдан зарб еган киши "ИККИНЧИ" дўстига арз-дод қилибди. Иккинчи дўсти эса:
— Дардингга шерикман, аммо сен билан то "САРОЙ ЭШИГИ"гача бора оламан, у ёғига ТАНҲО борасан, — дебди.

Аммо, бу унга ТАСКИН бермабди. Умидсизликка тушиб, бир жойда ўтирганида, тасодиф, у кам эслайдиган ва кам учрашадиган УЧИНЧИ дўсти келиб қолибди. Дўсти хол-аҳвол сўраса, айтишни ҳам хоҳлаб-хоҳламай ҳикоя қилибди. Кутилмаганда, у умид ҳам қилмаган дўсти:
- Тур ўрнингдан, Шох ҳузурига бирга борамиз, мен сени АЙБСИЗ эканлигингга ВАКИЛ бўламан, — дебди...

БИРИНЧИ ДЎСТИМИЗ — бизнинг пулимиз, мол-дунёмиз. Усиз кўчада ҳам юра олмаймиз, ўй ҳаёлимиз доимо унда. Агар бизга ўлим келса (Шох ҳузурига чақирганда), остона хатлаб кузатмайди ҳам (чўнтак, ҳамён ва аллақаерларда қолиб кетади)...

ИККИНЧИ ДЎСТИМИЗ — аҳлимиз, фарзандларимиз. Уларни эрталаб бир, кечқурун бир кўрамиз. Баъзида эрталаб кетгунча хали уйғонишмаган, қайтиб келганимизда ухлаб қолишган бўлади. Шоҳ ҳузурига чақирганда, улар бизни ғамгин ҳолда Шох дарвозаси (ҚАБР)гача олиб бориб, қайтадилар...

УЧИНЧИ ДЎСТИМИЗ биз ойда, йилда бир қиладиган ~ "САВОБЛИ ҲАЙР АМАЛ" ларимиздир. Биз у билан жуда яқин бўлмасак-да, бизга ВАКИЛ бўладиган ва биз билан бирга кўтариладиган СОЛИҲ амалларимиздир...

АЗИЗЛАР! УЧИНЧИ ВАФОЛИ ДЎСТИМИЗ БИЛАН ИНОҚРОҚ ВА АЛЛОХГА ЯҚИНРОҚ БЎЛАЙЛИК!!!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍19😢3
Media is too big
VIEW IN TELEGRAM
✅Kerakli masalliqlar:

300 gr suv
500 gr un
500 gr kartoshka
300 eriydigan sir
Ukrop
Tabga koʻra tuz
4 qoshiq oʻsimlik yogʻi


✅Tayyorlanishi:

Kartoshkani qaynatib, tuz sepip pyure qilib ezib olamiz. Qirgʻichdan chiqarilgan sir va ukrop solib aralashtirib olamiz.
Videoda koʻrsatilgandek koptokchalarni yasab olamiz.

Alohida idishda suv, tuz, oʻsimlik yogʻi va un solib yumshoq hamir qorib olamiz.
Biroz tindirib, zuvalachalarga boʻlib olamiz.
Hamirni yoyib orasiga pyureli koptokchamizni qoʻyib, videoda koʻrsatilgandek hamirni tugib olamiz.
Tugib olgan hamirimizni juva yordamida yoyib olamiz.
Quruq tovada pastroq olovda orqa oldini qizartirib olamiz.
Ikki tarafiga ham saryogʻ surtamiz.

Retsept tayyor, albatta duo qilishni unutmang❤️
👍8❤3
УМИД (ҳикоя)

- Оббо , оғайни заб кебсан-да,- деди Азиз, - лекин ҳизматчилик, кўрмайсанми шу вақтда чақирув бўлиб қолди. Тўғрисини айтсам, бу бемор онахон худди ўзимни онамдек бўлиб қолганлар. Шунинг учун сал тоблари қочса ҳам дарров чақиринглар деб фарзандларига тайинлаган эдим.
Мен Азизнинг гапларига бошимни силкиб маъқуллаб кетяпман. Яп- янги олинган машинам қишлоқ кўчасида учиб кетяпти. Аслида бу ерни қишлоқ демасаям бўлади. Йўллари чиройли асфальтланган, икки четига жуда чиройли қилиб манзарали дарахтлар ўтказилган , солинган уйлари бири биридан файзли тоғли ҳудуд. Қисқача айтганда, нақд курортнинг ўзгинаси. Мен Азиз билан анча йиллар олдин ҳарбийда танишганман. У вақтлар олови ичига сиғмаган бўз бола эдик. Лекин дўстлигимиз йиллар давомида тобланиб , мустаҳкамланиб борди. Гарчи соҳаларимиз бошқа бўлса ҳам жуда яхши чиқишамиз. Биз туфайли аёлларимиз ҳам анчайин қалин дугона бўлиб олишгани рост.
Ўтган хафта Азиз "Умид , таътилга чиқдим, бир келсанг-чи?!" деб қилган қўнғироғи сабабли ҳозир шу ердамиз. Таътилдаман деган дўстим таътилидаям жони сарак. Майли, бу дунёда кимгадир фойдаси тегиб яшашни ўзи бахт.
Хаёлимни Азизни овози бузди:
- Иии, оғайни машинангни тўхтатвор, ану аёл танишим, йўлимиз бир, олакетайлик.
Машинани у кўрсатган аёлнинг ёнига бориб секинлатиб тўхтатдим. Яхшигина кийинган, бошига рўмолини томоғлари билан чиройли қилиб ўраб олган, кўзида каттагина қора кўзойнак тақиб олган аёл етти ёшлар чамасидаги болани қўлидан ушлаб туриб бизга ҳайрон боқди.
- Машинага чиқвуринг синглим , ман Азизман, танимадизми?
Аёл қўлини кўксига қўйиб нимадир дегандек бўлди. Афтидан салом берди шекилли.
Азиз чаққонлик билан машинанинг орқа эшигини очиб уларга мулозамат қилди. Аёлнинг юзи яхши кўринмасди.
Ҳа синглим, тинчликми, ҳозир тушлик вақтида марказда нима қилиб юрибсиз?- Азиз хушфеъллик билан саволга тутди аёлни.
- Тинчлик, манабу кичкинтойимни эркалиги деб- ...
... Аёлни овозини эшитиб тормозни босишдан ўзимни базўр тўхтатиб қолдим. Бу ... мени неча йиллар даъвомида ўтларга солган ... Комиланинг овози эди. Мен беш йил қидирган, ўн беш йилдан бери бир нафас унутмаган Комиланинг, менинг Комиламнинг овози эди.
Мен уни мактаб давридан яхши кўрардим. У биздан икки синф пастда ўқирди. Бениҳоя чиройли қиз бўлганлиги учун жуда кўп йигитлар унинг ошиғи эди . Хатто қўшни мактабнинг ўзига ишонган олифта йигитчалари ҳам мактаб атрофида ўралашганлари ўралашган эди . Мен Комиланинг нафақат хусни, балки заковатига, зеҳнига ҳам шайдо эдим. Вақт ўтиб, унинг ҳам менга бефарқмаслиги маълум бўлди. Хуллас , мактабни битириш арафасида унинг ваъдасини олган эдим. Ўша йили институтга киролмагач, ҳарбий ҳизматга жўнаб кетадиган бўлдим. Уйдагилар барча гаплардан хабардор эдилар. Менга гап орасида икки йилдан кейин тўй деб шаъма қилиб қўйишар эди.
Икки йил ўтиши қийин бўлмади. Уйдан ва Комиладан кўнглим тўқ эди. Бир хат ёзишиб туришар ва бир биримизга қаттиқ ишонардик.
Ва ниҳоят , уйга хам қайтадиган бўлдим. Бир олам умид билан уйга қадам қўйганимда, мени шумхабар кутиб турар эди. Комила ота- онаси билан холасининг тўйидан қайтаётганда автоҳалокатга учрабди... Онаси ...воқеа жойида вафот этибди. Отаси ва Комила касалхонада экан. Комиланинг аҳволи оғир эмиш. ...
Комиланинг ёнига саккиз кун деганда кира олдим.
Мен уни дафъатан таний олмадим. Ранги докадек оппоқ, бир сўз айтишга мажоли йўқ эди. Шу вақтгача икки марта операция қилишибди. Мен оҳиста унинг ёнига бориб кровати ёнига чўккаладим. Секин қўлини кафтларим орасига олдим. Унинг кўзларидан икки томчи ёш сизиб чиқди. Нимадир демоқчи бўлди , лекин гапира олмади. Назаримда ойим дегандек туйилди... Унга жавоб беришга ожиз эдим.
Орадан бир йил ўтди.
Уйдагиларнинг талабига кўра Комилага тўйдан гап очдим. У ёқ бу ёқдан гапириб , маъюс кўнглини кўтариш мақсадида ярим хазил, ярим чин тегишдим.
- Коми, биласанми қизим бўлишини роса ҳохлардим. Билмадим , ҳамма оғайниларим ўғлим , ўғлим дейишади, лекин мен барибир қиз болани яхши кўраман. У оппоққина , кўзлари мунчоқдек
,
👍22
​сочлари қўнғироқдек...
Кўзим Комилага тушиб қолди . Унинг кўзларида бениҳоя дард бор эди. Мен гапиришдан тўхтаб , довдираб қолдим. Ўртага ноқулай жимжитлик тушди.
-Комила хафа бўлдингми, ану синфдошим Содиқ Ҳасан-Хусан фарзандли бўлибди-да, шунга ...
Бироз вақт ўтгач, Комила оҳиста сўзлай бошлади.
- Умид ака, уч кундан кейин Москвага учяпмиз дадам билан. Биласиз , уларни оёқлари оғрийди . Ўша аварияда ...
У гапира олмай бўғилди. Хуллас улар икковлари москвалик таниш шифокорда даъволанишар экан. Биз хайрлашдик...
...Ва уни бошқа кўрмадим. Кейинчалик , билсам уйларини сотиб, Германияга кўчиб кетишган экан.
Комилани кўп изладим. Ахири умидимни узганимдан кейин Лобарга уйландим. Бахтимга Лобар жуда яхши турмуш ўртоғи бўлди. Икки ўғлимдан кейин қизли хам бўлдик.
- Оғайни , тўхтат деяпман, нима ухлаб қолдингми,- Азизни овозидан довдираб машинани тўхтатдим. Азиз Комилани машинадан тушишига ёрдамлашиб юборди,
- Яхши боринг, окага салом денг.
Комила хўп дегандек бош ирғади ва "раҳмат" деб йўлида кета бошлади. Мен эса ишқилиб Комила мени таниб қолган бўлмасин-да, деб юрак ховучлаб турибман. Менимча, у мени танимади. Ўзи Азиз бир йил кўрмаганига зўрға таниди-ку, Комила мени ўн беш йилдан бери кўргани йўқ. Йиллар ўз имзосини қолдиргани аниқ, албатта.
Азиз ўриндиққа жойлашгач, унга савол назари билан қарадим.
- Ким бу, ўғилчаси ширингина экан.
- Ўғилчаси эмас , набираси.
- Тушунмадим, қанақасига?
Ҳайратим ошиб сўрадим Азиздан.
- Э , оғайни, буни тарихи узун. Бу аёлнинг исми Комила . ( Бу исмни умримни сўнгги дақиқасига қадар унутмасман) . Бизнинг қишлоққа келганига салкам бир йилча бўлиб қолди. Тўғрироғи, окага турмушга чиққанига. Оканинг аёллари уч йилча аввал оламдан ўтгандилар. Ёлғиз қизлари отасидан кўпда хабар ололмаганлиги учун отасини Комилага уйланишга кўндирибди ахири. Оканинг яна бир ўғли ҳам бор , лекин касб тақозосига кўра чет элда ишлайди. Халиги бола эса ўша ўғилнинг фарзанди. Булар билан яшайди хозир. Ока жуда яхши инсон. Кўп йиллар пойтахтда нуфузли идораларда ишлаган, ҳозир она қишлоғига қайтиб келган.
- Нега Комила ёшроқ кишига турмушга чиқмаган? - секин луқма ташладим Азизга.
- Умид , бу бировнинг сири-ку, лекин майли сенга айтаман. Комила неча йиллар аввал автоҳалокатга учраган экан, шунинг оқибатида шунча йил турмуш қурмабди, сабаби ... У фарзанд кўролмайдиган бўлиб қолган экан. Буни тасодифан уни тиббиёт картаси қўлимга тушиб қолганида билиб қолдим...
Мендан совуқ тер чиқиб кетди... Демак , Комила мени бахтли бўлишим учун ўз бахтидан воз кечган эканда. Машинани секинлатиб йўл четига тўхтатдим. Ҳайрон бўлган Азизга қараб:
- Сув олиб чиқай, жуда сувсадим - дедим. Биз баравар машинадан тушдик. Кўча юзидаги дўкондан муздек минерал сув олиб чиқаётиб қаршидаги "Умид ғунчалари" деб ёзилган байнер илинган бинога кўзим тушди . Бино жуда чиройли дизайнда безатилган эди. Буни сезган Азиз тушунтириш берди. Бу ҳалиги Комила келиннинг ижодиёт маркази. Юздан ошиқ ўқувчиларга ўн хил йўналишда таълим беришади. Бу ерда яна етти мураббий ишлайди. Комила уларга директор.
Азизнинг сўзлари қулоғимга узоқдан эшитилаётгандек туйилар, икки кўзим "Умид ғунчалари" деган ёзувда эди. Умид... Комила мени унутмаган эканда. Унутмабди...
Ахири Азизнинг уйига етиб келдик. Дарвозадан кирар эканмиз узоқдан қизим :
- Адажон ! деб югуриб кела бошлади. Уни етаклаб юрган Азизнинг катта қизи қизим менга яқинлашгач ,кўнгли ҳотиржам бўлиб ортига қайтиб кетди
- Адажон, хув анетта балула бор экан, ман уларга нон ушо бердим- қизимни гапи тугамасди. Қалдирғочга ўхшаб вижир-вижир қилиб чуғурлаётган уч ярим яшар оппоқ, кўзлари кўзмунчоқдек, сочлари қўнғироқдек қизимни бағримга босдим. Ҳар доим уни бағримга босганимда "тақдиримни туҳфаси" деб эркалардим. Ҳозир уни "тақдиримнинг ва Комиланинг туҳфаси " дедим шивирлаб ва кўтариб осмонга тутдим.
Қизим қиқирлаб куларди . Уй ичидан Лобарнинг:
- Комилаааааа! Қизим ! Қаёқдасан Комилааа ! - деб чақиргани эшитиларди...

Муаллиф : Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•
🧕 Muslimalar kundaligi 👇
https://t.me/+47zmpAgeAI81NWVi
👍25😢2
🧕 Muslimalar kundaligi
#БИЗ_КУТГАН_КУНЛАР: 20-қисм МУАЛЛИФ ШАМСИНУР -Мени тиргагим бўлмаган. Шукр мана шундай ёруғ кунларга чиқар эканман. Қизим сен ҳам кўп сиқилма бари олдинда Бувимни айтиб берган аччиқ қисматлари менга оз бўлсада куч бўлди. Мақсади йўқ бир қўрқоқ қиздан…
#БИЗ_КУТГАН_КУНЛАР:
Ҳолатимни тасвирлаб беролмайман, мен шу йўлни тўғри деб ҳисобладим. Уйга келганимда бувимни аҳволлари оғирлашиб қолганини айтишди. Шифохонага кетишибди. Уйда укам, синглим қолишган экан ҳолос

-Эрталаб кетаётганимда яхши эдиларку.

-Шунақа оби ҳавода бувимни қон босимлари безовта қиларди. Бугунгиси ошиб кетибди.


Дарҳол дадамга қўнғироқ қилдим. Аммо жавоб бўлмади. Роҳила опага қўнғироқ қилганимда у киши ҳам бироз куттириб жавоб бердилар.


-Алло, опа бувим яхшимилар?

-Сумбула... Укаларингиз билан ҳамма ерни тозалашни бошланглар. Докторлар... Ҳуллас тайёр туринглар дейишди.

Қўнғироқ қачон якунланди,қанча вақтда шу ҳолатда турдим билмайман. Кейин ҳовли ва уйларни тозалашга киришдик. Менга Аллоҳни танитишни бошлаган мехрибонимдан айрилишни тасаввур қилолмасдим.


Вақт имиллаб ўтар, ҳаттоки укаларим ҳам бувимга шифо сўраб дуо қилишарди. Бандасини эмас Аллоҳни айтгани бўлар экан. Эрталаб кетаётганимда кулиб кузатган бувимни охирги бор кўришим эканини мен қаердан билибман? Шомга яқин уйимизга қариндошлар кела бошлашди. Кўпчилик менга қизиқсиниб қарашарди. Мен бу нигоҳлардан ҳижолат бўла бошлагандим. Икки маротаба кўрган аммам дарвозадан кирибоқ йиғлаб юбордилар.


-Онажониммммм, шунча азоб чекиб энди яхши яшаётгандизкуууууу, нега бизни ташлаб кетдингиз?


Нималар деяпти бу аёл, наҳот бувим... Жойимда тахтадек қотиб қолгандим. Кўз ёшларим юзимни юварди. Орадан ярим соат вақт ўтгач тез ёрдам машинаси келиб тўхтади, ортидан дадамни машиналари, носилкада усти оқ мато билан ёпиқ бувимни олиб келишди. Ҳамма ўша томон югурди. Бувимни ўз хоналарига олиб киришди. Аммо энг ёмони бувам буткул адо бўлгандилар,тинмай йиғлар, у кишини ҳеч ким овутолмасди.



Уйда йиғи сиғи авжида, бувим оппоққина бўлиб ним табассум қилганча ухлардилар гўёки. Қанийди ухлаётган бўлсалар, у киши абадий уйқуга кетгандилар. Қий чув авжига чиққанида аммамни овози аёлларни жим бўлишга мажбур қилди.


-Жим баринг, йиғлагинг келса ичингда йиғла, таҳлил айтишингизни сўрайман, овоз чиқариб йиғлаб онамгаям ўзингизга ҳам зулм қилманг. Ким дод вой қилса аяб ўтирмайман.


Аммам ўзи бир аҳволдаю аёлларни тинчлантира олганди.

Бувим ёшлигида қараган бир аёл бор экан, у ҳақида ҳозиргина билдим. Ўша аёл бари расм русмни ўз қўлига олди. Жаноза эртага ўқиладиган бўлди вақт кеч бўлиб қолгани сабаб. Бувимни ҳурматларини қилиб ҳеч ким овозини кўтармади. Эртасига жаноза учун тайёргарлик бошланди.

Ҳожар исмли бу аёл юмшоқлик билан бир уйда йиғилган аёлларга тушунтира бошлади.


«Инна лиллаҳи ва инна илайҳи рожиъун. Аллоҳумма ажжирни фи мусибатий ва ахлифлий хойрон минҳа»- «Албатта, биз Аллоҳнинг ихтиёридамиз ва албатта, биз Унинг ҳузурига қайтувчилармиз. Аллоҳим, менга етган ушбу мусибат эвазига ажр бергин ва унинг ўрнига мен учун яхшиликлар ато этгин».

Аҳли мусибат овоз кўтариб йиғламаслиги лозим бўлади. Ҳадиси шарифда келишича, аҳли мусибатнинг овоз чиқариб йиғлашидан маййит азоб тортади.

Маййитни дафн қилгандан сўнг, ҳар ким ўз ишига кетади. Бир ерда йиғилиб ўтирилмайди, чунки бу маййит учун ёмондир.

У ирода қилган пайт инсонни яратади, жон ато этади, вақт-соати етганда ўзи берган омонат жонни қайтариб олади. Бандалар бунга кўниб, қабул қилиши керак.

Албатта, яқин инсонидан ажралиш осон эмас. Лекин бунга эътироз қилиб, Аллоҳга ширк келтирувчи гаплар айтиш гуноҳ ҳисобланади. Хафа бўлишдан, маҳзунликдан қайтарилмаган, лекин ҳар хил тасарруфлар қилиб, ҳар хил гаплар гапиришдан қайтарилган. Аллоҳ таолонинг қазойи қадарига рози бўлиб, ҳузнимизни изҳор қилиб сабр қиламан, деган фикр ҳар бир эркак ва аёлнинг қалбида бўлиши лозим.


Пайғамбаримиз с.а.в. айтганларки, қайси бир аёл жанозада овозини кўтариб, дод-фарёд қилиб йиғлайдиган бўлса, сочини қириб ташласа, кийимларини йиртиб ташласа, Расулуллоҳнинг умматларидан бўлмай қолади. Чунки аввало бундай ҳаракатлар замирида Аллоҳ таолога норозилик кайфияти туради.

Давоми бор...
👍23💔2🥰1
#БИЗ_КУТГАН_КУНЛАР:
-Бугун азани ҳам якунлаймиз?

Мен Роҳила опага ҳайрон қарадим.

-Ҳали «беш», «етти» бўлмадику?

-Улар нега керак? Исломда аза уч кун. Қолгани одамларни вақтини беҳуда олиш ҳисобланади.

-Тазияга келолмаганларчи?

-Уларни ўзимиз кутиб олаверамиз, уйда бўламизку. Сен ҳам эртадан ўқишингга боравер, дарсларинг қолиб кетди.


Роҳила опа айтганидек бўлди, уйимиздан одамлар оёғи узилди. Ҳамма уй уйига тарқади. Дадам ҳам ишга чиқиб кетдилар. Энг оғири менга бўлди, мехрибон бувимдан айрилгандим. Дардкашим қолмаганди бу оламда. Роҳила опа ўқишимга оқ рўмол ўраб боришимга қатъий қаршилик қилдилар.

-Динимизда аза либоси йўқ. Бувинг ва бобонгни ортларидан дуо қил, тиловат қил шу сенинг уларга ёрдаминг. Аза либосига бурканиб юрганинг билан улар тирилиб келмайди.


Аммам ҳам бу гапни тасдиқладилар. Ўқишимга йўл олдим. Тўрт кун кўчага чиқмаганимга яна менда қўрқув пайдо бўлганди, эндиги қўрқув ўгай онам мени чиқиштирмай қўйсачи деган ўй эди.

Ортимдан келиб елкамга қўйилган қўлдан чўчиб кетдим.

-Намунча қўрқмасанг?

-Сенмидинг? Ўтакамни ёрдинг.

-Сумбула нега йўқ бўлиб қолдинг? Тинчликми?

- Тазия бўлиб қолди.

Бўғзимга нимадир тиқилди, йиғлашга шай турибман.

-Иееэ ким?

-Бувим билан бобом.

Бўлмади. Йиғлаб юбордим. Сарвара мени бағрига босиб овута бошлади.

-Жим гўзалим, Аллоҳ сабр берсин. Бу ҳаммани бошида бор. Жойлари жаннатда бўлсин.

Барибир йиғидан ўзимни тийишим қийин бўлди. Меҳрибоним бу ҳаётда йўқ энди. Бувимни қайта кўрмайман, бунга қандай чидай?

-Юр дарсга кеч қолмайлик.

Мен қизарган кўзларимдаги ёшни артганча ичкари одимладим. Дарсдаям кўпчиликни кўзи менда бўлди. Биринчи жуфтлик тугаганда икки, учта курсдошим атрофимни ўраб олди.

-Сумбула тузукмисиз? Нега рангингиз бир аҳвол?

-Уни тинч қўйларинг, бувиси, билан бобоси ўтиб қоптилар.

Шундан сўнг тазия билдириш бошланди. Бу эса менга яна азоб бериб йиғлашимга сабаб бўлди. Дарслардаям охиригача ўтиролмадим, бошим оғрийвергач домладан жавоб олиб уйга йўл олдим. Бунақа вақтда эмг тўғри йўл ёлғиз қолиш. Яёв кета бошладим. Уйга борганим билан бувимни ҳамма нарса эслатаверади. Бу янада оғир.

Тасодифни қарангки мен Шердорни кўриб қолдим. У кўприкни панжарасига суянганча ким биландир қаттиқ тортишарди. Мени кўрмасин дея ерга қараганча ёнидан ўтиб кета бошладим.

-Ҳой қиз , яхшимисиз?

Оббо, кўриб қолди. Унга бунақа афтодаҳол ҳолатда кўришини истамасдим.

-Ассалому алайкум.

-Сизга нима бўлди? Яна кимдир хафа қилдими?

Бошимдаги рўмолимни бироз тўғриладим, пушти ранг ҳарир рўмолимни қаттиқроқ ўрасам ҳудди аҳволим яхши кўринадигандек.

-Ҳам... Ҳаммаси жойида.

-Негадир алдашни эплолмас экансиз.

Унга қўнғироқ бўлди.

-Сенга неча марта айтдим, йўқ жойдан урушни бошлама деб. Сен тушунмайсан. Ойим бу юришимизни ёқламаяпти, сени шунча кўнглингга қараганим етар, ё шу ҳафта бўлади, ёки умуман бўлмайди. Яхшилаб ўйла.

У кимгадир асабийлашиб гапиргунча мен ундан узоқлаб кетдим. Ҳеч қанча вақт ўтмай менга етишиб олди.

-Нега қочиб юрасиз, мен одамхўрга ўхшайманми?

-Узр, менда ишингиз борми? Ёки биз танишмизми?

-Шунчаки дўст бўлсак ёмонми?

-Мен йигитлар билан дўст бўлиб кўрмаганман, ва бўлмасам ҳам керак. Вақтингизни беҳудага сарфламанг. Хайр.

Ўзим хоҳламасамда унга бу гапларни айтишга мажбур эдим.

Давоми бор...
👍31❤1
#БИЗ_КУТГАН_КУНЛАР:

23-қисм

МУАЛЛИФ ШАМСИНУР



У ҳайрон бўлганча қолди. Мен уни вақтинча эрмакка гап отадиган йигитлар тоифасига қўшдим. Уйга келдим, сокин, жимжитлик одамни ютиб юборай дейди. Бувим ўтирадиган ўрин бўш. Жудаям оғир экан.

Овқат вақти ҳам ҳеч кимдан садо чиқмайди. Энг оғири дадамга бўлган. Биламан бир кунда ота онадан ажралиш ҳаммаям буни кўтаролмайди. Дадамни сочлари анча оқарибди. Ҳаттоки соқолларига оқ тушибди. Айрилиқ бунча оғир...

Кунлар шундай ўтаверарди. Ҳаш паш дегунча икки ой ўтиб кетди. Бу вақтга келиб Сарвара тўйим бўлади деб ҳаммага гапириб юрарди.


-Ўқишингиз бўладику?

-Шер кутолмайман деди. Бир тарафдан уни гапиям тўғри, тўрт йилдан бери биргамиз. Яқинда тоққа борганимизни онаси эшитибди, тўйгача болали бўлсанг сендек болам йўқ дебди, яна ҳаром қилиб уйимга олиб келишни ўйлама деган.

-Сизнингча тоққа борганиз тўғрими?

-Сен эскича фикрлайсан, бордик маза қилиб ўйнадик. Ҳа энди бир икки ортиқча нарсалар бўлгани билан жааа чуқурлашмадик.

-Қайдам, мен барибир бунақа нарсани ҳазм қилолмиман

Сарвара шарақлаб кулиб юборди.

-Бу аниқ эди. Қара келганингдан бери калта кийим, ёки очиқ кийим кийганингни кўрмадим. Ҳозирги йигитларга замонавий қизлар ёқади. Сенга уйланишсаям фақат уйга қамаб иш қилдириш учун уйланишади ҳолос, гўзалим хафа бўлма бу ҳақиқат.

-Менга айнан шу керак, ҳеч ким эътибор бермасин ва уйланмасин.

-Ғалатисан, наҳот сўнгги урфда кийим кийиб ҳаммани кўзини ўйнатишни истамайсан?


-Мен ҳеч кимни ҳаёлида бўлишни истамайман, кўзини ўйнатиш уёқда турсин.

Сарвара жиннига қарагандек қаради. Дарсдан кетар вақтимизда эса унаштирилган йигити келишини айтди.

-Айтганча сенга уни кўрсатмаганман, ҳозир келади. Дидимга баҳо берасан. Карасавчик йигит. Мммм севиб қолма яна.

Сарвара сақичини беўхшов чайнаб кофтасини олдини янада очиб қўйди, бу эса йигитларни кўзини унда бўлишига сабаб бўлди. Аслида жуда калта юбка ҳам уни рисоладаги қиз демасди. Қани ким экан Сарварага уйланадиган бахтиқаро.

-Ана, ана келди.

Сарварани туртганидан чўчиб тушдим.

Биздан бироз узоқда оқ машина тўхтади. Ичидан эса... Мени ҳаёлларимни банд қилган Шердор тушиб келди. Шу вақтгача ҳаттоки расмини кўрсат ҳам демаган эканман,балки шунда қабул қилишим осонлашармиди? Ҳозир эса ҳудди ... Тасвирлаб беролмайман. Тўғри мен ундан бирор нарса кутмагандим. Лекин Шердорни Сарварани йигити бўлишини ҳаёлимгаям келтирмаган эканман.

-Шер келдизми жооон?

Сарвара ёнимдан ўтиб у билан ўпишиб кўришди.

-Танишинг бу энг яқин дугонам Сумбула.

Ана шу вақтда Шердор мени илк бора кўргандек қаради.

-Салом, мен Шердор, танишганимдан ҳурсандман.

-Мен... Мен ҳам.

Довдираб қолдим

Давоми бор...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍39😭2
Тунги зикрлар
@Abdulloh_domla_rasmiy👈
Ухлашдан олдин ўқинг ёки эшитиб ухлaнг Иншааллоҳ фойдаси бор

"Оятал Курсий"
"Иҳлос сураси"
"Фалақ сураси"
"Нас сураси"
"Саловотлар"
"Дуолар"ёки
"Зикрлар"

🎙Мишарй Рашид
Алафасй

ХАЙРЛИ ТУН🌙

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5👏2
This media is not supported in your browser
VIEW IN TELEGRAM
🌹🌿АССАЛОМУ АЛАЙКУМ
🌿🌸ХАЙРЛИ ТОНГ

Якшанба тонги муборак бўлсин!   Аллоҳ барчамизни юзи нурли, сўзи ҳузурли, толеимизни баланд, ризқимизни кенг қилсин.

Қалбимиздаги ниятларимизни ижобат айласин.
Кунимизни мазмунли қилиб,    хайру барокатларини ёғдирсин.
Омин.  🤲
😍Ҳамиша
🥰Омад
😊Қувонч
🤗Тарк этмасин


Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍1
This media is not supported in your browser
VIEW IN TELEGRAM
☀️ ХАЙРЛИ КУН!


Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият асло тарк этмасин!

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
This media is not supported in your browser
VIEW IN TELEGRAM
ЖАННАТДАГИ ЖОН ҚЎШНИМ

Пайғамбарга аталган шеър

✍Абдураҳмон Мешаян
🎙Қамариддин Бекмуҳаммад.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6
Бизда маҳзун бўлишимиз учун ҳеч қандай сабаб йўқ... Қуръоннинг барча оятлари «Албатта, Аллоҳ биз билан бирга» эканини таъкидлайди. Шундай экан, хурсанд бўлинг...!


© Зокир Найк


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
🥰3👍2
This media is not supported in your browser
VIEW IN TELEGRAM
#ибрат

СубҳанАллоҳ! Бу қушчанинг номи Суракав. Қиймати 25 000 АҚШ доллар. Бу қуш бир неча сонияларда рангини ўзгартира олиш хусусиятига эга. Айни шу тасвирни олиш учун 19 та тасвирга олувчилар 62 кун давомида пойлаб, олишга эришишган экан.

Аллоҳдан бошқа ким ҳам ҳаёт ёки жон бера олади? Дунёдаги барча кучлар тўпланиб, Аллоҳ яратган бирорта улкан жуссали ҳайвонни ярата олмаганларидек, битта чивинни ҳам ярата олмайдилар.

"У хоҳлаганини яратур. У ўта илмли ва ўта қудратлидир” (Рум сураси, 54).


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4🥰3❤1
🌺🌺🌺🌺🌿🌺🌺🌺🌺
СУКУТ САҚЛАШ

Баъзи гапларга жавоб бермасдан, сукут сақлаб турган инсонлар жавоб беришга ожиз инсонлар бўлавермайди!
Шундай инсонлар борки, ўзгалар қалбини жароҳатлаб қўймаслик учун сукут сақлаб туради.
Шундай инсонлар борки, ўзлари алам чекиб турган бўлади ва гапирса, алами янада зиёда бўлиб кетади. Шунинг учун улар сукут сақлаб туради.
Шундай инсонлар борки, гапи кор қилмаслигини билгани учун сукут сақлаб туради.
Шундай инсонлар борки, ғазаб пайтида бирор кимсага қаттиқ гапириб, уни йўқотиб қўймаслик учун сукут сақлаб туради.
Энди эса энг буюк сукут сақлаш қолди. Бу ҳам бўлса, ўз нафсингиз ва услубингиз билан тараққий топишингиз учун сукут сақлашингиздир!

“Ҳикматлар чашмаси”дан

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3❤2
СЕВИШИМНИ БИЛМАЙ КЕТГАН ЖУФТИ ХАЛОЛИМ

Ишхонамдан зўрға чиқдим, уйга боришни ҳеч ҳам истамасдим. Машинам автоуловлар тўхташ жойида турганига қарамай йўлнинг нариги бетидаги хиёбонга йўл олдим. Фавворалардан отилиб турган ўйноқи сув томчиларини кузатиб, кўнглим бироз таскин топгандек бўлди. Охирги пайтларда кўнглим тор бўлиб қолганини ўзим ҳам сезяпман, лекин нима қилай?.. Ҳаммаси мана шу қурмағур кўнгилни деб бўляпти-да! Бундай юришим билан иш битмаслигини тушунганим учун ҳам секин ортимга қайтдим. Уйга кириб борганимда хотиним дастурхон тузаб, мени кутиб ўтирган экан. Турмуш қурганимизга ўн етти йил тўлган бўлса ҳамки, Наргиза ҳанузгача ишдан қайтишимга худди бир маросимдек қарашини йўқотмаган. Лекин булар менга аллақачондан бери ёқмаслигини яширишга зўрға куч топаман...
Чиройли тузатилган дастурхон бошига келиб ўтирарканман, чой қуйиб узатишга чоғланаётган хотинимнинг қўлидан секингина ушладим. Имкон қадар босиқ овозда гапиришга ҳаракат қилиб, жиддий суҳбатлашмасак бўлмаслигини тушунтирдим. У индамайгина бошини хам қилди. Бу ҳолатидан виждоним баттар қийналаётганини қани эди тушунса! Лекин хаёлимни икки ойдан буён банд этган фикрни айтмасам бўлмасди, асабийлаша бошладим.
— Ажрашмасак бўлмайди!
— Нима учун? — унинг айтган гапи шу бўлди, холос. Мен жавоб беришдан қочиб, ўрнимдан турдим. Ўша куни иккимиздан бошқа садо чиқмади.
Ўтган йилларга назар солсам, Наргизанинг бирон ёмон иш қилгани ёки менга қарши бош кўтарганини эслолмайман. Ота-онамни, опа-укаларимни ҳурмат қилади. Бошқа келинларда битта қайнона бўлса, менинг хотиним икки қайнонали келин эди.
— Илёс менинг катта набирам, сенинг эса ҳали яна учта ўғлинг бор. Куёвим билан маслаҳатлашиб кўр, катта келининг менинг хизматимни қилса дегандим.
— Ая, меники-сеники деганингиз нимаси? Сиз катта буви бўлиб, уйимизнинг тўрида ўтирасиз. Сиз билан менинг хизматимни қилмаса қандоқ келин бўлди у?!
Момом барибир ўз айтганида қатъий туриб олди. Тўйимдан аввал ётиб қолганлари эса вазиятни улар томонга ҳал этди. Биз янги келин-куёв бувим билан бирга яшайдиган бўлдик. Наргиза оғринмай бувимнинг ҳам, онамнинг ҳам кўнглидан жой олишга ҳаракат қилар, иккита уйдаги бир жуфт қайноналаридан ортмай қоларди. Мен бечорага эса сурункали чарчоқда юрадиган хотин насиб этганди. Тўғри, у пазанда, қўли гул, ораста, бироқ... Эркак кишига буларнинг унчалик ҳам аҳамияти бўлмаслигини у ўз вақтида тушуниб етмади. Ҳамма нарсага бошини эгиб кетаверади. Баъзида атайин бегона аёллар билан телефонда гаплашардим, зора мени рашк қилса деб, у эса жим... Ишдан атайин кеч қайтардим, у яна жим. Ҳамма қилиқларимга сукут билан жавоб берарди. Бировга чурқ ҳам этмас, ота-онасиникига ҳам кетиб қолмасди. Аёлимнинг қалбини жунбушга келтиришга бўлган уринишларим, барча ҳаракатларим самарасизлигини англаганимдан сўнг мен ҳам бефарқ эрга айландим.
— Табриклаймиз! Ота бўлдингиз! Ўғил! — доянинг айтган бу сўзларидан еттинчи осмонга учдим. Ахир, қайси эркак ота бўлишни, айниқса, тўнғич фарзанди ўғил туғилишини истамайди дейсиз.
Бироқ шифокорларнинг икки кундан сўнг айтган гаплари мени бутунлай карахт аҳволга солиб қўйди:
— Рафиқангизнинг ҳомиладорлик даври оғир ўтган, туғруқдан сўнг кўп қон йўқотди. Афсуски, бачадонни олиб ташлашга мажбурмиз. Амалиётни бажармасак, аёлингизнинг аҳволи ўнгланмай қолиши мумкин, розимисиз?
Ҳаёт-мамот масаласини ота-онам ҳал этишди. «Наргиза тирик қолса, бас! Асосийси, бағрингизда битта бўлса ҳам фарзандингиз бор. Энди икковини ҳам асраб-авайлайсан!» Ўшанда бу мен учун катта вазифа эканини англамабман.
Идорамизга тўрт йил аввал ишга кирган Матлуба билан тил топишишга унчалик ҳам қийналмадим. Мен хушомадларни ўз ўрнига қўядиган эркак бўлсам, у муносиб жавоб қайтаришни, нозу карашма қилишни биладиган аёл эди. Оиласидан бефарзандлиги сабаб ажрашган, ўзини бутунлай ишга бағишлашганди. Юрагим Матлубага тегишли бўлиб қолди. Тўғриси хотинимга қиё боқишни ҳам истамаслигимни тушунардим. Оилам шунчаки мажбурият сифатида қарай бошлаганимдан ўзимнинг ҳам виждоним баъзида қийналарди. Хотинимга эса фақат раҳмим келарди.........
👍27😢5❤1
​​Эртаси куни ишдан имкон қадар кеч қайтдим Наргиза дастурхон безатиб қўйиб, ўғлимиз билан бирга ўтирган экан. Иккови билан ҳам ҳол-аҳвол сўрашгандек бўлиб, кечки овқатни емай ётоқхонага кириб кетдим. Жуда чарчагандим, бугун Матлуба билан вақтимиз чоғ ўтгании ўйлаб, уйқуга ётдим.
Тонгда кўзимни очишим билан хотиним ёнимда менга тикилиб ўтирганини кўрдим. Ўша вақтда у ажрашиш учун ўз шартлари борлигини айтди. Мендан ҳеч нарса истамаслигини, фақатгина ажрашишимизни бир ой ортга суришимизни сўради. Бунинг сабабини ҳам оддийгина қилиб тушунтирди: якка-ю ягона ўғлимиз бу йил мактабни битиради, коллежга ўқишга кириши керак. Битирув имтиҳонларига ўн кун қолган бўлса, кириш имтиҳонларига ҳам унча кўп вақт қолмаган. Фарзандимиз бизнинг ажрашув можароларимизга аралашмаслиги ва фикри бўлинмаслигини истайди. Мана шу бир ой давомида имкон қадар яхши яшашга ҳаракат қилишимиз кераклиги, ҳар куни ишга кетишим ва уйга қайтишимда ўғлимизнинг кўз ўнгида юзидан бўса олишим каби шартларни қўйди. Унинг қарорига ҳеч жаҳлим чиқмади, балки ажримнинг бир ойга ортга сурилиши менга ҳам қулай эди. Фақатгина сўнгги шартини эшитиб, Наргизанинг эс-ҳуши жойидамикан, деб ўйлаб қолдим. Нима бўлганида ҳам, асосийси, ажрашишга рози бўлганига шукур қилдим.
«Нега ажрашяпсанлар?» — деб айтадиганлар кўп бўлиши мумкин, лекин «Мен учун оилангдан ажрама!» деган гаплар кор қилмаслигини ҳамма ҳам яхши тушунади. Бу томондан кўнглим хотиржам. Яшаётган уйимизни ҳам ўғлимнинг номига хатлаб кетаман. Инсофсиз ота деган ном олишни истамайман. Бир йил аввал Матлубанинг номига икки хонали уй сотиб олгандим, ҳозирча ўшанда яшаб турамиз, кейинчалик эса бир гап бўлар...
Наргиза билан анчадан буён яқин эмасдик, шунинг учун бўлса керак, белгиланган ойнинг биринчи кунида унинг юзидан бўса олиш менга анчагина эриш туюларди. Ўғлимиз хандон отиб кулиб юборди. Бундан қандай аҳволга тушганимни тасаввур қилаверинг. Бора-бора унинг кўзлари бу ишимизга ўргандими, билмадим, «Дада, ойимдан бўса олишни унутдингиз!» дейдиган бўлди. Бир ойнинг икки ҳафтаси ҳам ортда қолди, яқинда мен озод қушга айланаман, аммо ўтган вақт ичида оилавий ҳаётимиз нақадар сокинлигига амин бўлдим. Оиламдан ортиб, касбимда кўпгина ютуқларга эришишимга шу сокинлик, хотиржамлик сабаб эмасмикан, деган ўй пайдо бўлди.
Сўнгги кунда Наргизанинг юзидан бўса олар эканман, қимирлашга ҳам мажолим йўқлигини сездим. Ўғлимиз биз билан хайрлашиб, кўчага чиқиб кетди. Мен эса ҳамон рафиқамнинг қаршисида турардим, ҳаётимизга шунчаки яқинлик етишмаганига афсус чекардим. Унинг ҳам кўзлари мунгли, худди юрагидаги дардини айтгиси келаётгандек эди. Индамай ишга жўнадим. Аниқроғи, идорага ҳам бормадим, хиёбонда сайр қилгим келди. Қанча вақт юрганимни билмайман, охири идорага қараб чопа бошладим. Ҳовлиқиб Матлубанинг хонаси томон юрдим, у ҳам мени кутгандек эшик остонасида турарди.
— Биз ортиқ бирга бўлолмаймиз! Хотиним билан ажрашишни истамайман! — юзимга тарсаки тушса ҳам чидадим, назаримда, Матлуба уйқудан энди уйғонгандек аҳволда эди.
Уйга шошардим, Наргиза учун йўл-йўлакай гулдаста олдим. Охирги марта унга қачон гулдаста совға қилганимни эслолмасдим. Эшикни очиб, «Бир умр ҳар тонг юзингдан бўса олишга тайёрман!»— деганимда ҳайрон қолса керак.
Эшикни тақиллатдим, ҳеч ким жавоб бермади. Итариб кўрсам, очиқ экан. Қизиқ, эшигимиз доим қулф турарди. Наргизани ётоқхонадан топдим. У қўлида бир қоғозни ушалаганча ухларди, ҳар ҳолда мен шундай деб ўйлаган эканман. У нафас олмасди. Мен Матлуба билан овора бўлган вақтда аёлим кўкрак бези саратони билан оғриган, лекин курашишга кучи етмаган экан...
Наргиза ўзини ўйламаган бўлса-да, умрининг сўнгида ўғлимнинг кўз ўнгида меҳрибон эр ва яхши ота бўлиб кўринишим учун менга имкон берган экан. Афсуски, мен бундай аёлнинг қадрига ета олмадим.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍22😢7💔1