🧕 Muslimalar kundaligi
1.6K subscribers
3.68K photos
3.57K videos
4 files
6.89K links
Download Telegram
#ЯНГИ_АСАР

МУАЛЛИФ: ХАЗОНРЕЗГИ

#КЎНГИЛ_ИФОРИ

1- ҚИСМ

- Йўқ , мен отангизни норози қилиб сизга турмушга чиқмоқчи эмасман. Умуман олганда "Албатта сизнинг жуфти-ҳалолингиз бўламан " деб сўз ҳам берган эмасдим. Шундай экан ҳамма уй-уйига,- қизнинг ўпкаси тўлиб ерга қаради

- Ҳилола , ундай дема . Илтимос, озгина сабр қилгин. Ҳадемай совчиларимиз сеникига бориб қолишади. Ишон , ойижоним дадамни албатта кўндирадилар. Дадам аслида ёмон инсон эмаслар. Фақат бир оз қайсарликлари бор халос. Аммо кўнгиллари тоза,- Сулаймоннинг товуши бўғилди.

Ҳилола ёмғир томчилари биллурдек ялтиратган йўлакдан битта - битта қадам босиб кетар экан Сулаймонга қарамай сўлғин овозда йигитга эътироз билдирган бўлди :

- Сулаймон ака, қўйинг мени ҳам, ўзингизни ҳам , уйингиздагиларни ҳам қийнаманг. Ота - онангизни яхши тушунаман. Янаям тўғрироғи тушунишга ҳаракат қиляпман. Улар ҳам якка- ю ёлғиз ўғилларидан орзу - ҳавас кўриш ниятидалар. Умуман олганда буни ёмон жойи йўқ. Ҳаётнинг қонуни ҳам шу-ку аслида.

- Ҳалитдан таслим бўлмагин . Нима дадам бир оғиз "Фалончига уйланасан" десалар шу билан тўй бўлиб кетаверади дейсанми ? Турмуш қуриш шунчалик осон иш эканми ? Дадамлар ҳам кўнгилларидаги гапларини бир айтдилар қўйдилар-да. Бу дегани карнай-сурнай чалиниб тўй бошланди дегани эмас-ку.
Бу ерда сен ҳам битта гапга таслим бўлиб ўтирибсан.

- Майли , - базўр жилмайишга ҳаракат қилди Ҳилола , - бу ёғига кузатманг. Ўзим кетаман. Хайр, кўришгунча,- у шундай деб бир , икки қадам босди, сўнгра нимадир ёдига тушиб ортига ўгирилди, - мен бир-икки кун шаҳарда бўлмайман. Амакимнинг қизларини тўйи. Ўша ерга боришимиз керак. Биласиз амаким ишхоналари ўша ерда бўлганлиги учун оиласи билан Жиззахда яшайдилар. Тўй учун деканатдан ҳам руҳсат олдим.

- Эээ тўйимиз бор девдинг- а ?! Шунчалик тез вақти келиб қолдими ?! Майли яхши бориб кел,- Сулаймон шундай деб Ҳилолага хиёл пўписа қилгандек бўлди ,- аммо яхши қиз бўлиб юришни унутма, тушунарлими ?

Ҳилола индамади. Сулаймон буни "хўп" маъносида тушуниб гапида давом этди :

- Сен келгунча менам уйдагиларни кўндириб қўярман.

- Хайр , кўришгунча.

- Оббо намунча хайрлади- я бу қиз ? Майли яхши бориб кел.

Сулаймон Ҳилола билан базўр хайрлашди.

* * *

Сулаймон уйга қайтиб онасининг синиқ чеҳрасига қараб дадасини гапга кўнмаганини ҳис қилди. Юраги тўкилди. Нима қилса бўлади- я бу дадасини ? Лоақал Ҳилола ҳақида бир оғиз гап эшитишга кўнса қанийди?! Ўтган сафар Сулаймон бор журъатини тўплаб энди "Дада" деган ҳам эди- ки , дадаси Мирсаид ака столга гурсиллатиб мушт тушурди. Ўшанда мушт зарбидан оппоқ дастурхонга стол устидаги ёғлиқ шўрва чайқалиб тўкилган , бу дадасининг баттар жазавага туширган эди.

- Ҳозирча тирикман,- деганди ўшанда дадаси, - ўлганимдан кейин билган ҳолвангни е ! Менга кўчадан топиб келган жинқарчангни рўкач қилма. Яхши қиз бўлса ўз бошига кўчадан эр қидириб келармиди ?! Иккинчи бу мавзуни эшитишни истамайман. Тамом-вассалом !

Сулаймон "миқ" этиб индамади. Индай олмади. Билади-ки бунақа пайтда дадаасига гап қайтариш тутаётган гулханга керосин қуйиш билан баробар. Қолаверса , олган тарбияси бунга йўл қўймади.
Аммо ўша кундан буён ойисига ўтинчли боқади :

" Ойижооон..."

Мастура опа ўғлини умидлантирувчи бирор сўз айтмаган бўлса ҳам , аммо ҳаракат қилишдан толмаётган эди.

У пайт пойлаб эрининг кўнглини юмшатишга уринар ва ҳар доимгидек бу уринишлар тошга ёмғир ёққан каби бесамар кетаверар эди.

Бугун эса ... Бугун эса барчасига нуқта қўйиладиган кўринади.

- Мастура , бўл тез ! Кийин,- Мирсаид ака ишдан келиши билан аёлига гапни қисқа қилди .

Мастура опа бор журъатни тўплаб аранг :

- Қаерга , дадаси ?! - дея олди.

- Боирхўжаникига...

Мастура опа эрининг сўзидан бўшашиб кетди :

"Демак совчиликка ! "

Мастура опа зил қадамлар билан ётоқхонага кириб кетди . Кўп ўтмай одмигина кийиниб чиқди. Мирсаид ака Мастурага қисқа назар ташлади-ю , юзидан аёлининг кийиниши ёқинқирамаганлиги билиниб турган бўлса- да , эътироз билдирмади.
👍30
#КЎНГИЛ_ИФОРИ

Боирхўжа дўстини қучоқ очиб кутиб олди. Мастура опа анчадан буён Боирхўжа ака эри Мирсаиднинг "Насиб қилса қуда бўламиз" деган сўзларини рад қилмай, аксинча "Сенинг сўзинг ерда қолгунча шайтоннинг бўйни узилсин" дея жавоб қайтаришидан хабардор эди.
Мезбон аёл Салтанат ҳам совчилар учун дастурхонига борини тўкиб ташлади.
Унинг ҳаракатидан Мастура опа мезбонлар ўзларининг ташрифи эри тарафидан огоҳлантирилиб қўйилганлигини пайқади. Суюқ-қуюқ таомлар устида қилинган мулозаматлар хулосаси шу бўлди-ки , Боирхўжалар оиласи Мирсаидлар оиласи билан қуда бўлишдан фақатгина бахтиёр бўлишар эмиш.

Мастура опанинг кўзига шу топда эрига қўшилиб қизини узатишга биттада розилик берган хушрўйгина Салтанат жуда ҳунук бўлиб кўриниб кетди. Билинтирмайгина хўрсинди.

" Воой шўрииимм ... Энди Сулаймонимга нима дейман? - ўйлади у ,- тақдиринг бу ерда ҳал қилинаяпти , болам. Сен бўлса дадангни феъли юмшашини кутаяпсан. Эҳ болам- а... Дадангни бу туриши бўлса , феъли юмшаши қайдам- ов ... Қайдам ..."

Мастура опанинг хаёлларини Мирсаид аканинг салобатли овози бузди:

- Шу келишимиз ҳисобми ? Ёки расм- русумимизга кўра "Бир неча бор келинглар" десангиз келганимиз бўлсин.

- Нималар деяпсан , дўстим ?! - деди Боирхўжа ака эрка ва танти товушда ,- ўғлинг учун бир қизим экан- у , ўн қизим бўлса ҳам берган бўлардим, - у шундай деб ўтирган ўрнида янада ўрнашиброқ ўтириб олди,- айтишади- ку , хайрли ишни ортга суриш гуноҳ деб . Эртага шунақа вақтда бўлажак куёв боламизни ўзинглар билан бирга олиб келинглар . Шу ерда қизим Нафиса билан кўриштирамиз. Ўғлингга Нафиса маъқул келса бўлди. Иримига қизимга бирор узукми , зиракми беради ва шу билан қизимнинг боши боғлиқ. Қолган гапларни кейин гаплашаверамиз , а лаббай ?!

Мирсаид аканинг юзига табассум ёйилди .

- Бу гапинг ўғилбола гап бўлди , оғайни ,- у шундай деб қўлини фотиҳага жуфтлади ,- бўлмасам бизга руҳсат . Бориб тайёргарлик кўрайлик.

- Йўғей , қанақа жавоб , Мирсаид?! Тайёр ошни ташлаб-а ?!

- Боирхўжа , бунчалик эркалатаверма ?! Бунақада уйингга нақд "прописка"га ўтиб оламиз- а ? Ана ундан кейин кеткиза олмай ҳунобинг ошганини кўрасан,- Мирсаид унга ҳазил қила туриб жиддийлашди,- қуда бўлиб олайлик, ана ўшанда ёнбошлаб бииир отамлашамиз.

Боирхўжа бу сафар дўстига ён босди:

- Майли , оғайни . Сен нима десанг шу. Аллоҳ сен айтган кунларга тезроқ етишликни насиб қилсин ...

* * *

Қайтишда Мирсаид ака Мастура опага Сулаймонни эртанги учрашувдан огоҳлантиришни "яхшилаб" тайинлади- ю , аёлини дарвозалари ёнида қолдириб ўзи машинасини яна ортга бурди. Унинг чойхонада кутаётган улфатлари ош ланж бўлиб кетаётганлигини айтиб , қўнғироқларида уни тезроқ келишини сўраб беҳаловат қилиб юборишган эди.

- Ойижон, қаерда эдинглар ?! - сўради Сулаймон онасини ҳайрон бўлиб кутиб олар экан ,- ўқишдан яқинда келгандим, қарасам уйда йўқсизлар.

- Ўғлим , битта аччиқ чой дамлагин, мен ҳозир кийимларимни алиштириб чиқай...

Мастура опа уй кийимларини кийиб ошхонага кирганда Сулаймон ҳозиргина дамлаган чойни энди столга қўяётган эди.

- Музлаткичда манти бор эди. Ҳозир иситиб бераман. Бугун дадангларни чойхоналари бор экан. Улар ўша ерга кетдилар .

- Мантини ҳалироқ иситармиз , ойижон. Ҳозир қорним оч эмас эди. Ёки сиз ...

- Менинг ҳам иштаҳам йўқ . "Тўғрироғи бўғилди,- ўйлади Мастура опа стулга ўтирар экан ,- сен ҳам бундоқ кел . Ёнимга ўтир . Гаплашиб оладиган гап бор.

Сулаймон оҳиста онасининг қаршисига чўкди :

- Тинчликми , ойижон? Рангингиз бир ҳолатда ?! Кайфиятингиз ҳам паст кўринади.

Мастура опа чуқур хўрсинди.

- Ўғлим... Дадангларга бир гап тушунтириб бўлса экан . Ўз билганларидан сира қолай демайдилар. Шунга ...

- Ойижооон ...

Сулаймоннинг юраги "шуув" этиб кетди . Ойисининг оғзига сўзсиз тикилди ...

- Биз даданглар билан оғайнилари Боирхўжа аканинг уйларига совчиликка бордик. Қизлари Нафисага. Нафисани бир, икки кўрган эдинг- ку... Чиройли , одобли қиз бўлибди...

- Ойижооон , мен ,- Сулаймон ойисига кўнглидагини қандай
👍27❤2
​#КЎНГИЛ_ИФОРИ

тушунтиришни билмай бўғилди ,- ахир ... Қандай қилиб ўзим суймаган ошни ичишим мумкин. Мен ҳам ҳамма сингари дунёга бир бор келганман. Бир бор яшашим мумкин бўлган ҳаётда кўнглим танлаган қиз билан ҳаётимни боғлашга наҳотки ҳаққим бўлмаса ?

- Ўғлим ... "Ота рози - Худо рози" деган гап бор . Уларни норози қилиб бахтли бўлолмайсан. Даданг сенга ёмон бўлсин демаяптилар ...

- Тўғри, дадамлар менга ёмон бўлсин демаяптилар . Аммо бир марта бўлса ҳам Ҳилола ҳақида эшитишни истамадилар. Агар у билан танишиб , уйидагиларини суриштириб сўнгра "Йўқ , булар бизнинг тенгимиз эмас" десалар хафа бўлмас эдим. Қарорлари олдида бош эгардим. Улар бўлсалар фақат битта гапга ёпишиб олдилар. " Ҳозирги замонда фақат танишдан қуда бўлиш керак. Бугуннинг қизларига ишонч йўқ. Наслинг тоза бўлиши учун таниган , кўрган, кўз олдингда ўсган қизни келин қил" . Ойижон , ўша кўз олдимизда катта бўлган қизни қанақалигини ҳам юз фоиз биламиз деб айта оламизми ? Кафолат борми бунга ? Дадам нега буни тушунмайдилар ?!

- Улар оғайнилари ёнида оғизларига сўз олиб қўйганлар,- деди Мастура опа ўксик овозда,- *Қизингни келин қиламан" дея лафз қилиб қўйганлар. Энди бу ёғига катта бошларини кичик қилгилари йўқ ...

- Хўп , мен нима қилай шунга ? - бўшашганча алам билан шивирлади Сулаймон,- биласиз , шу чоққача дадамларнинг бир сўзларини икки қилганим йўқ. Энди ...

- Сулаймон... Ўғлим. Шу чоққача дадангларни сўзларини икки қилмай кам бўлганинг йўқ . Мана ҳозир ҳам буни ўзинг тан олиб ўтирибсан . Яна шуни яхши билиб турибсан- ки , ҳозир дадангларга Нафиса ёки Боирхўжа ака ҳақида гапиришдан фойда йўқ. Яхшиси дадангларга бир оғиз сўз билан бўлса ҳам қаршилик қилма. Бундан кейинчалик бир умр афсус чекиб яшашинг мумкин. Яхшиси "Хўп, дада" дегин- у , Аллоҳдан ўзинг учун хайрлисини сўраб дуо қил. Аллоҳ ҳам дадангга қилган ҳурматингни мукофатламай қўймайди. Жон болам , менга ишон. Мени десанг , шундай қил.

Сулаймон ойисининг хомуш чеҳрасига қараб юраги эзилди. Бўлаётган ишларда муштипар мунисасининг заррача айби йўқлигини билиб ўзини ушлашга ҳаракат қилди .

"Бечора ойижонимда нима айб?! - ўйлади у , -ўзларининг дардлари камми ? Кунда ўнталаб дори ичадилар . Сал ортиқча уринсалар буйраклари безовта қилиб икки букланиб қолаяпти. Дадам ҳам ойижонимни оғири енгил бўлсин деб ..."

- Ойижон , - Сулаймон ўрнидан туриб столни айланиб ўтди ва ойисини елкасидан қучди ,- майли, сиз айтганча бўла қолсин. Учрашувга чиқди дегани бу ҳали тўй бўлди дегани эмас. Фақат , сиз хафа бўлмасангиз бўлди.
Сулаймон ойисининг юзидан "чўлп" этиб ўпти- ю , жилмайишга ҳаракат қилди :

- Қани , бир кулиб берсинлар-чи , дунёнинг энг, энг, энг соҳибжамол онаси ?!

Мастура опанинг синиқ чеҳрасига юз ифодаси каби синиқ табассум инди ...

* * *

Эртаси куни нонушта вақтида Сулаймон Мирсаид акани ҳайрон қолдириб "Бугун учрашув . Тайёргарлигингни кўр" деган сўзларига:

- Хўп бўлади , дада ,- деди .

Миррсаид аканинг ўғлидан бундай тез таслим бўлишни кутмаганлиги учун ўзини йўқотиб қўйди. У ўғлини учрашувга чиқишга кўнмайди деб ўйлаган , уни кўндириш учун бисотидаги анча аччиқ- тизиқ сўзларни тайёрлаб қўйган эди.

Мирсаид ака Сулаймоннинг ройиш бўлиб қолганлиги учун аввалига ажабланди, сўнгра бу ишда Мастура опанинг ҳиссаси борлигини билиб кўнглида ўзича аёлидан миннатдорчилик туйди...

Бироқ ...

Мирсаид аканинг қувончи узоққа чўзилмади. Тушга яқин...

#давоми_бор

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
🔥11👍8👏2
Ака-сингил бўлса яхшида!

Сенга елкадош бўлган,
Кўзларига ёш тўлган,
Сен учун борин берган,
Аканг бўлса яхшида.

Шарқироқ сой сўзлари,
Кўзмунчоқдек кўзлари,
Онанг каби юзлари,
Синглинг бўлса яхшида.

Доим айбинг яшириб,
Ютуғингни ошириб,
Айбинг бўйнига олиб,
Аканг бўлса яхшида.

Базан тўлиб тошса ҳам,
Ойижон деб сотса ҳам,
Сезмайсан ҳеч сира ғам,
Синглинг бўлса яхшида!

Бир-бирига меҳрибон ака-сингиллар Мехр оқибатига кўз тегмасин! Ака-сингилларга юбориб қўямиз!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍3🥰1
🌹 Бир кун ўзинг учун яшагин Аёл!...

Ҳаётнинг ҳар қандай шартига кўндинг,
Айт қачон кўксингга тегибди шамол?!
Бола - чақа дединг, рўзғор, иш дединг,
Бир кун ўзинг учун яшагин Аёл!

Сен- эрнинг айбини ёпгувчи қалқон,
Оила кўркига берарсан сайқал.
Майлига ҳар кунмас, лекин ҳар замон,
Бир кун ўзинг учун яшагин Аёл!

Шаффоф кўзгуларни қўлингга олиб,
Олтин қўғирчоқдек ясангин хушҳол.
Юзингга упа сурт, яхши кийиниб,
Бир кун ўзинг учун яшагин Аёл!

Гоҳида дард бирла тилинса бағринг,
Гўё тўлишмайин қолгандай ҳилол.
Қадрингни бунчалар арзон қилмайин,
Бир кун ўзинг учун яшагин Аёл!

Кунларни ўтказдинг елиб, югуриб,
Қўй энди кўнглингни ёзгин келақол.
Ўзингни авайлаб, ўзингни севиб,
Бир кун ўзинг учун яшагин Аёл!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍3
#Kechki_mutolaa ga tayyormisiz?❤️
🥰23👍5🤩1
👆👆👆👆аввалги қисмлар

#КЎНГИЛ_ИФОРИ

2- ҚИСМ

телефон рақамига қилинган қўнғироқ уни ажаблантирди. Қўнғироқ эгаси Боирхўжа эди .

- Ээээ ассалому алайкооом, Боирхўжа оғайни , бормисан ? - деди Мирсаид ака дўстига эркаланганнамо оҳангда, сўнгра унинг жавобини кутмай сўзида давом этди ,- тинчликми элбурутдан йўқлаб қолибсан?Учрашувимиз кечга эмасмиди?

- Мирсаид дўстим...

Мирсаид Боирхўжанинг шаҳди пастлигини унинг вазмин мурожаатидан ҳис қилди . Нимадир бўлганлигини сезиб ичи қизиди :

- Ҳа оғайни , нимадандир шаҳдинг пастроқми ?

- Шу десанг ...

- Оббо , юракни ҳам эзиб сил қилиб юбордингда . Сенда бунақа чўзилмакашлик одати йўқ эди- ку. Гапни ҳам шарт кесардинг - қўярдинг ,- Мирсаид ака шундай деб дўстига далда берган бўлди , - қара агар менга тегишли бирор гап бўлса мулоҳаза қилиб ўтирмай гапиравер.

- Майли хўп, оғайни . Айтганим бўлсин. Шу десанг бандаси нималарни орзу қилар экан- ку, аммо алал - оқибат Аллоҳнинг айтгани бўлар экан. Гапни кўп чўзмайман. Хуллас ...

- Айтавер ...

- Хуллас , Нафиса ... Нафиса ўғлинг Сулаймонга турмушга чиқишдан бош тортди,- Боирхўжа ака сўзининг давомини қизини оқлаш илинжида шоша- пиша гапира кетди,- ҳозирги ёшларни биласан- ку, оғайни. Уларни бирор ишга мажбур қилиб бўлмайди. Айниқса турмуш масаласида. Уларни мажбурлаб турмуш қурдирсак- у, Аллоҳ кўрсатмасин оилалари бузилиб кетса , кейин бундан кимга фойда ?

Мирсаид аканинг устидан биров бир челак муздек сув қуйиб юборгандек бўлди.

- Бунга бирор қатъий сабаб бор эканми ? Яъни ўғлим қизингга ёқмас...

- Йўғей нималар деяпсан? Бу ерда умуман ўғлинг ҳақида гап йўқ. Шунчаки Нафиса бир йил , икки йил яна ўқисам деяпти халос..."Турмуш қуриш қочмайди , ҳали ёшман, мақсадим..."

Мирсаид ака дўстини сўзларини бўлди :

- Бўлди тушундим. Ўзингни қийнама. Биз ҳам бировни мажбурлаб турмуш қурдириш ниятидан йироқмиз . Майли соғ бўл , дўстим.

Мирсаид ака дўсти билан иложи борича ўзини тутишга ҳаракат қилиб хайрлашди.

Тармоқдан узилгач , тарқоқ хаёллар оғушида креслога чўкди.

" Бу кунингдан ҳар нима бўлганинг яхши , Мирсаид ! - ўйлади у алам билан ,- буям сенга кам ! Кам ! Бечора Сулаймонни юрагини эзиб қилиб юрган ишларингни оқибати-да шу ! Мана Боирхўжа ҳам ота-ю! Нима эмиш ?! Қизи ўқийман деганмиш ва у дарров кўнақолганмиш. Роса ишондим. Ундан кўра қизимни танлагани бор экан, уввос солиб туриб олди , шунақа оғайни мени гапим қизим учун бир тийин" десин эди ғиринг- пиринг демасдим,- Мирсаид ака истеҳзоли кулди ,- худди ҳозир ғиринг дегандек...
Эҳ , Боир, Боир... Битта қизингга гапинг ўтмас экан , нима қилардинг қўйнимни пуч ёнғоққа тўлдириб ? Бу ёқда ўзимдан ҳам айб ўтди. Кишига ўзини айби билинмайди дейишади- ю , аммо бу бўлмаган гап ! Қуруқ сафсата !
Мана мен "Кимсан Боирхўжа билан қуда бўляпман " деб ҳазил жойда карилламаганмидим?! Энди одамларнинг юзига қандоқ қарайман ?! Нима дейман ?
Аммо бошимни эгиб шўлтиллаб юриш ниятим йўқ ... Бир чорасини топишим керак. Токи сих ҳам куймасин , кабоб ҳам ...

Мирсаид ака бошини чангаллади. Шу куйи бироз ўтирди. У қаддини ростлаганда ҳар доимгидан ҳам қатъиятли кўринарди:

- Мастурааа !

Мастура опа қўшни хонада экан, хаялламай эшикдан бош суқди :

- Лаббай , дадаси ...

- Сулаймонни чақир ! Кейин ўзинг ҳам кел .

Сулаймон хонага узоқ йилларга ҳукм қилинган маҳкумдек оғир қадамлар билан кириб келди.

У индамай ҳар доимги жойига ўтирди. Ўғли билан ёнма- ён ўтирган Мастура опа эрининг оғзига мутелик билан тикилди.

- Сизни эшитамиз , дадаси ...

Мирсаид ака бор овозига салобат беришга интилиб гапира бошлади :

- Хуллас , менга Сулаймон айтган қизнинг уй манзили керак.

- Нега дадаси ?! - ёқаларини жуфтлаганча бирдан питирлаб қолди Мастура опа, - тинчликми ? Нима бўлди ? Ёки ўша қизнинг уйидагилари Салтанатхонларникига бориб бирон нарса дебдими ?

- Бошланди ! - хонада Мирсаид аканинг ғазабнок овози янгради ,- бир нарса дегунча уриб ўлдир энди ?! Хотин дегани бир гапни охиригача эшитади олдин ?!

Мастура опа дарҳол
👍19😁2
​#КЎНГИЛ_ИФОРИ

бош эгди:

- Узр , дадаси ...

Мирсаид ака аёлига қараб ўзини ноҳақлигини ҳис қилди :
"Бояқишда нима айб ?! Билгани "Хўп бўлади, дадаси " бўлса "

- Ҳозир Боирхўжа қўнғироқ қилган эди . Унинг ойимтилла қизи бизнинг Сулаймонимизга тегмасмиш ,- Мирсаид ака ўғли ва аёлининг кўзларидан "Нима учун ?" деган саволни ўқиди ва гап орасида изоҳ бериб ўтишга қарор қилди ,- қизпошша ҳали ўқир эмишлар. Ўқиб, ўқиб осмондаги ойни олиш ҳаракатидамишлар . Орзусида эмишлар . Хуллас , учрашув бекор қилинди . Бутунлай ...

- Дадасиии ....

- Нима дадаси ? Йўқ деса Боирхўжанинг оёғига йиқилиб ўтинишим керакмиди ?! Менинг ҳам ўзимга яраша орим , иззат - нафсим бор !

- Шунга Сулаймон айтган...

- Ҳааа , айнан шунга Сулаймон айтган қизнинг манзилини сўраяпман. Ҳа нима бўбти ?! Яхши бўлса олиб беравераман.

Мирсаид ака шундай деб Сулаймонга назар солди :

- Нима бўлган тақдирда ҳам бу йил тўй қилишим шарт !

Мастура опанинг юзига қон югурди :

- Ниятингизга етинг , дадаси . Менинг ҳам келинимни чўғдек ясатиб ёнимда олиб юргим бор , - у шундай деб ўғлига ўгирилди ,- ўғлим сен айтган қиз... Курсдошинг қаерда турар эди? - Мастура опа Сулаймоннинг жавобини кутмай эрига ўгирилди - совчиликка бугун борамизми , дадаси ?

- Совчиликка Маҳина опам билан борасан. Нима мен сенга уйма - уй қиз қидириб юрадиган совчи холаманми ?

Мастура опа "Кеча мен билан совчиликка борган ким эди унда ?" демади , аксинча эрига жилмайди :

- Хўп бўлади , дадаси . Маҳина опамни огоҳлантиришимиз керакми бўлмаса ?

- Ҳилолалар ҳозир шаҳарда эмас. Улар Жиззахга кетишган,- Сулаймон юрак ютиб орага гап қўшди .

- Қизни исми Ҳилолами ? - Мастура опа бу исмни илк бор эшитгандек ширин энтикди ,- исми бунча чиройли ?

- Ҳаа Ҳилола, - улар ҳозир Жиззахга амакисининг уйига тўйга кетишган. Эртага кечга келишса керак.

- Жиззахга ? - Мирсаид ака қизиқсиниб сўради ,- нима улар Жиззахликми ?

- Йўғей , улар шу ердан . Катта Қаънидан . Фақат амакиси Жиззахда чет элликлар билан ҳамкорликда очилган қўшма корхонани бошқарар экан. Шунга ...

- Қизни оиласини Катта Қаънидан дедингми ? Мен у ердагиларнинг кўпини танийман?! Отасини исми нима экан ? Касби кори нима ?- деди Мирсаид ака қизиқсинганча ўрнидан бир қўзғалиб

- Отасини исми Асрор ака. Техника университетида дарс берадилар . Ойи эса мактабда ўқитувчи ...

- Ҳмм... Танимас эканман. Майли насиб қилса буёғига танишиб олаверамиз ... Сен қизга қўнғироқ қилиб эртага совчи бориши ҳақида огоҳлантир. Фақат яхшилаб қулоғига қуйиб қўй , ота - онаси ундан кўнглини сўраганда ноз - фироқ қилиб ўтириб вақтимизни олмасин .

Мастура опа Сулаймоннинг жовдираган кўзига қараб "Дадангга хўп бўлади дегин" деган ишора қилди .

Сулаймон ойисини сўзсиз тушунди ва дадасига эътирозсиз бош эгди :

- Хўп бўлади , дада ...

Мирсаид ака " Гап тамом " дегандек юзига фотиҳа тортди ва ўрнидан туриб "Мен бирпас туриб келаман, қиладиган ишим бор" дея ташқарига йўл олди ...

- Сенга нима дегандим , болам ?! Аллоҳдан сўра дегандим- а ? Бу иш шундай бўлишини юрагим сезганди. Эрталабдан кўнглим ёп - ёруғ бўлиб қолганди. Ҳозир даданглар қаерга кетдилар , биласанми ? Айтсанг- айтмасанг қизни отасини , уруғ- аймоғини суриштиришга кетдилар . Насиб қилса барчаси жойида бўлади.

- Ойижооон ... - Сулаймон стулга омонатгина чўккан онасини елкасидан қучди

- Ҳаа болам ...

- Сизни шунақаям яхши кўраман- кии ...

* * *

Мирсаид ака шу кетганча шомда қайтиб келди . Унинг юзига боққан Мастура опа ...

#давоми_бор /5

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍35
This media is not supported in your browser
VIEW IN TELEGRAM
Ассалом алайкум ва роҳматуллоҳи  ва барокатуҳ!

Аллоҳ насиб этган яна бир беғубор тонг муборак бўлсин!

Ушбу тонгда қилган барча орзу-ниятларингиз ва эзгу тилакларингиз ижобат бўлсин!

Феълингизни кенглиги, назарингиз тўқлиги нур бўлиб чеҳрангизга файз баҳшида этсин. Бу дунёда ҳар бир қадамимиз синов, ҳар бир кўрганимиз сабоқ эканлиги  англаб туриш туйғусидан , улардан ўзимизни юксалтирадиган хулосалар чиқариш идрокидан бенасиб этмасин!

Бу куннинг файзи ва барокати ҳамрохингиз бўлсин, қадрдон!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍3
📝Ожиза
(муаллиф тилидан ҳикоя қилинади)


Қиз бола палахмон тоши дейдилар. Бу ибора менга нисбатан айтилган бўлса керак, ёки ким айтса ҳам топиб айтган.

Дугоналарим бирин--кетин турмушга чиқа бошлади. Оиламиз ночорлиги учунми, отам ташлаб кетгани учунми, негадир менга совчи келмади. Кўчада кўрган йигит борки бефарқ ўтолмайди, қадди-қоматим келишган, ўзим ҳам чиройлиман. Йигитлар анча вақтгача ортимдан юрадида, уйланишга келганда ҳусни бўлмасада бойроқ оиладаги дугоналаримни танлаб кетади. Шундай қилиб.ёшим ҳам 25га кирди. Укаларим бору, тайинлик иши йўқ, улар ҳам уйланадиган ёшга етиб қолди. Энди менга ҳамма қариқиз бўлиб қолдинг, сени ҳеч ким олмайди, деб гапира бошладилар. Бир куни холам янги гап топиб келди. "Сени корейсга узатамиз, Кореяга кетасан.."

--Хола, қайси корейсни менга кўзи учиб турган экан?--дедим кулиб.

--Шунақа фирма бор экан. Кореядан уйланадиган йигитлар келади, фирмадагилар ўзи учрашув белгилайди, ёқсанг, тегиб кетаверасан.

Аввалига роса қаршилик қилдим. Кейин Корея сериалларидаги олифта, кўркам йигитлар кўз олдимга келиб розилик бердим.

Учрашув тайин қилинди. Яхши емакхонадаги ажойиб овқат ва йўлкира фирма ҳисобидан экан. Бир пайт кўзлари тирнаб очилгандек қисиқ кўзли, бўйи пак-пакана биттаси кириб келди. Юрагим орқага тортиб кетди...
--Йўқ!--дедим. Ҳеч ким мажбурламади. Кейин орадан бироз вақт ўтиб яна биттаси билан учраштирдилар, униси ҳам ёқмади. Бора-бора бу учрашувлар менга ёқиб қолди. Текин, бунинг устига тансиқ овқат, яхшигина йўл ҳақи. Икки йилгача ҳар хил корейслар билан учрашувга чиқиб юрдим.

Учинчи йилга ўтганда уйдагиларнинг зуғумидан, қариқиз деган тавқи лаънатдан қутулиш учун ҳам биттасини танладим. Бу йигит бошқаларига нисбатан новчароқ, муҳими кўзларида ўзим қидирган меҳрми, нимадир бор эди.
Хуллас, Кореяга кетдим. Мен у пайтларда муслима қизларнинг ғайридинларга турмушга чиқиши мумкин эмаслигини билмасдим. Ўзим намоз ўқимасам, яна қанақасига муслима бўламан деб ҳисоблардим.

Кореядаги уйимиз осмонўпар бинонинг ўнинчи қаватида экан. Корейс тилини умуман билмайман, эрим иккаламиз имо-ишора билан гаплашамиз. Корейслар жуда кўп ишлайди. Турмуш ўртоғим ҳам эрталаб кетиб, кеч қайтади. Уйда битта ўзим зерикаман. Бир куни дераза ойнасини артмоқчи бўлдим. Ичкаридан артиб бўлиб ташқарига чиқдим. Оёқларим сиғадиган жой бор экан. Амаллаб жойлашдим, деразани ортидан ёпиб артдим, қайтиб очаман десам дераза очилмади!

Ўнинчи қаватдан пастга қарагани қўрқаман. Ўзим билган калималарни ўқиб худойимдан ёрдам сўрайман. Бир пайт пастдан бир аёл ўтиб қолди. Жоним борича бақирдим. Тепага аланглаб мени топди, аммо арвоҳ деб ўйлади шекилли, чинқириб қочиб кетди. Шу алфозда юрагим терак баргидек титраб туравердим. Тилимда ўзим билган оятларни такрорлайман. Орадан қанча вақт ўтди, билмайман

Ана яна битта киши кўринди. Қўлимдаги ойна артишга олган латтани отдим. Аллоҳнинг қудрати билан тўғри бошига бориб тушди.Ўзбекчалаб бақира бошладим. У ҳам ўз тилида нимадир деб бақирарди. Шунда ҳатти ҳаракатидан нечанчи қаватда эканимни сўраётганини пайқадим. Қўлим билан ўн сонига ишора қилдим.

У уй қоровулига хабар қилди шекилли, турмуш ўртоғим ишини ташлаб етиб келди..
Шу воқеа бизни бир-биримизга, мени Аллоҳга яқинлаштирди...
Ўзбек қизи бўлсамда, муслима саналсамда намоз нима, рўза нима, савоб нима, гуноҳ нималигини билмасдим. Онам, қариндошларим ҳам қизини ғайридинга узатиш гуноҳ эканлигини билмаган, назаримда, ёки ортиқчалик қилган бўлсам мендан қутулишни истаганмикан?

Мусофирликда эрмагим телефон, интернет. Интернет орқали ибодатларни ўргана бошладим.
Турмуш ўртоғим ёмон одам эмас эди, фақат қалбим очилгани учун ҳам энди бу одам билан яшай олмаслигимни билардим...

Аммо уйимга ҳам қайта олмасдим... У ерда мени ким ҳам кутарди. Тўғри онам бор, аммо ёши элликка яқинлашсада қишлоқдан Тошкентга кетиб мардикор бозорида, тирикчилик ғамида юрган муштипаримга мен ҳам бир дардисар бўлардим.
👍8❤1
​​Алҳамдулиллаҳ, намозларимни йўлга қўйиб олдим. Қалбим очилиб борарди. Интернетдан, Қуръон ўқишни ўргана бошладим, аммо бу мен ўйлаганчалик осон эмас эди. Қунт билан, баъзида йиғлаб, баъзида Аллоҳга ёлбориб, дуоларимда сўраб Қуръон ўқишга тушиб олдим.
Исломни чуқур тушунганим сари ғайридин билан яшаш мумкин эмаслигини ҳис қилиб борардим. Қалбимда Аллоҳимга буюк муҳаббат билан бирга турмуш ўртоғимга бўлган севгим ҳам бор эди. Ҳа, шундай. Тили, дини бошқаа бу одамдан, унинг оиласидагилардан чин меҳр кўрган эдим. Икки йилда. корейс тилини ҳам бинойидек билиб олгандим. Бир куни ортиқ бундай яшай олмаслигимни, ажрашишимни айтдим. Турмуш ўртоғим индамай ишга кетди.
Кетишга ҳозирлана бошладим. Ўша куни эрим ишдан эртароқ қайтди.
Бир-биримизга тикилиб ўтирдик. Бирдан қўлларимни ушлаб
--Нима қилсам мени ташлаб кетмайсан?--деди.
Юрагим ҳапқириб кетди.
--Исломни қабул қилинг!--дедим шоша-пиша.

--Майли, ўргатасанми? - деди у
--Жоним билан!

Биз Бусан вилоятида, Кимҳе шаҳрида яшаймиз. Бу ерда Имом ал- Бухорий жомеъ масжиди бор. У ерда, асосан, ўзбекистонлик муҳожирлар намоз ўқийди.

Турмуш ўртоғим ўша масжидда калима келтириб исломни қабул қилди. Аллоҳимга беҳисоб шукурлар бўлсин, ўшандан бери беш вақт намозни канда қилмайди. Ҳайит байрамларини бирга оилавий нишонлаймиз. Иккита қизалоғимиз бор.
Онам ҳам ҳозир биз билан яшайдилар. Мен чин бахтни мусофирликда топдим. Аллоҳ ўзига яқинлашган бандасини ташлаб қўймас экан.
Ким Аллоҳни топса, у ҳеч нарса йўқотмайди! "
(Реал воқеалар асосида ёзилди)
Феруза Салходжаева

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍14
Media is too big
VIEW IN TELEGRAM
🍒 Olchali shokoladli keks

🍇 Sizga kerak bo‘ladi;
• 4 ta tuxum🥚
• 1 ta stakan shakar
• 1 ta stakan sut
• 3 qoshiq kakao
• 1 ta stakan o’simlik yog’i
• 1 ta pachka razrihitel
• 1,5 stakan un
• olcha 🍒

🍫 Glazur;
• 4 qoshiq quyultirilgan sut
• 1 qoshiq kakao

©Tass cooking


✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍2
#Kuzgi_assal_fasonlar🌸
Қайси #Фасон кўпроқ ёқди?😊🤍

1 🥰
2 ❤️
3 👍
4 👏

❤️ Pеакция қолдиринг 😍

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍4👏4🥰2❤1
This media is not supported in your browser
VIEW IN TELEGRAM
Бегим...
Сиз мен учун бебаҳо совғасиз бу ҳаётда тақдиримдан розиман сизни менга учратди, умримиз файзли барокатли бўлсин султоним❤️


🤍❤️🤍❤️🤍❤️🤍❤️🤍❤️

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍2
🧕 Muslimalar kundaligi
​#КЎНГИЛ_ИФОРИ бош эгди: - Узр , дадаси ... Мирсаид ака аёлига қараб ўзини ноҳақлигини ҳис қилди : "Бояқишда нима айб ?! Билгани "Хўп бўлади, дадаси " бўлса " - Ҳозир Боирхўжа қўнғироқ қилган эди . Унинг ойимтилла қизи бизнинг Сулаймонимизга…
👆👆👆👆 аввалги қисмлар

#КЎНГИЛ_ИФОРИ

3-ҚИСМ

барча ишлар ўзларининг фойдасига ҳал бўлишини англагандек бўлди .

Мастура опа эрининг одатини яхши билганлиги учун индамади. Вақти - соати келиб ўзи ёрилишини кутди. Вақти- соати эса жуда тез келди.

- Мастир , - Мирсаид ака кайфияти яхшилигида аёлини шундай чақиришга одатланган эди, - кел ўтир гап бор .

Мастура опа қўлидаги сочиқни ғижимлаганча эрининг рўпарасидан жой олди :

- Эшитаман, дадаси. Қулоғим сизда.

- Мен ҳозир тўғри ўғлинг айтган қизнинг махалласидан келяпман. У ерда ишхонамизда ишлайдиган Қобил ака яшайдилар.

Хуллас , Қобил акадан қизнинг оиласи , уруғ - аймоғини суриштирдим. Улар оғзиларидан бол томиб , кифтини обдон келтириб ўша оилани тоза мақтадилар. "Мирсаид ука , нима бўлганда ҳам шу оила , шу қиздан қолманг. Тўғрисини айтсам , ўзимнинг ўғлим бўй етган бўлганда сизларга буларни мақтамасдан отимни қамчилаган бўлардим" дедилар улар. Қобил аканинг айтишича Асрор домланинг бешта боласи бор экан. Дастлабки учтаси қиз , кейинги иккиси ўғил экан . Сулаймоннинг кўнгли чопгани эса учинчи қиз экан. Катта қизлари йил оралаб узатилган экан. Аммо айниқса мана шу кенжа қизнинг харидори кўпмиш.
"Совчиларнинг кўплигидан Асрор домланинг остонаси ейилиб кетган, Мирсаид ука . Қайдамов , домла бу йил қиз узатармиканлар. Эшитишимча бу хонадонга манаман деган министрларникидан ҳам совчилар келган , аммо ҳеч бирлари домлани уната олгани йўқ- да . Энди бир бахтингиз, совчи бўлиб келаверинг-чи , ажабмас мушкулингиз осон бўлиб , Аллоҳ йўлингизни очса" дедилар Қобил ака .

Мирсаид ака юрагидаги барча сўзларни айтиб бўлгач енгил тин олди. Бу сафар аксинча Мастура опани юк босган эди:

- Вой- бўўў дадаси , шунча гап топиб келибсиз- а ? - деди у юрагидаги ваҳимани боса олмай, - гап- сўзларингиздан булар қизини бизга берадими , йўқми деган мулоҳазага бориб қолдим.

Мирсаид аканинг ҳар доимги ёввойи қайсарлиги тутди :

- Нимага бермас экан? Нима ўғлингни бировдан кам жойи борми ? Кал бўлмаса, гўл бўлмаса. Суқсурдек йигит бўлса. Яқинда олий маълумот дипломини олади .
Шунча нарсани билиб туриб ноз қилишса ўзлигидан кўришсин. Ундан кейин Қобил ака ўша хонадонни сиртдан кўрсатдилар. Донғи оламни бузсаям уйи оддийгина , камсуқум бир хонадон. Одамлари ойликка кун кўрадиган эканлиги билиниб турибди. Шу ҳолига ноз қилишмас . Ноз қилишса ўзларига зиён. Берса ана , бермаса мана. Тошкент тўла қиз. Дарахтни бир силкитсанг қиз ёғилади , танлаб- танлаб , чертиб-чертиб келин қилиб олаверамиз. Шундоқ боламга кимлар кимлар қизини бермайди ?!
"Мирсаид ўғли учун оғиз солармикан ?!" деб лаб жуфтлашимни пойлаганлар қанча ?!

"Ҳмм шунақалардан биттаси Боирхўжа акамиди ? Кароматини кўрганимизга ҳали ярим кун бўлгани йўқ- ку?" - Мастура опа бу гапларни хаёлида айтди , ташида эса бўлай деб турган ишни бузиб қўймаслик учун эрига жилмайишга ҳаракат қилди :

- Гапларингизнинг бари тўғри , дадаси . Аввалам ўша қизникига совчиликка бориб кўрайлик. Бор масала ана ўшандан сўнг ойдинлашади- да . Аммо лекин махалладошлари мақтаган оиладан чиққан қиз ёмон бўлмаса керак. Агар ёмон бўлса сиз айтган ҳамкасбингиз ўзини масъулиятдан олиб қочиб бир , иккита ёлғонни тўқиб юбораверган бўларди. Ҳақиқатдан яхшидир- ки, ўзига ишониб мақтаган.
Нима бўлганда ҳам кўнглим ҳотиржам , дадаси. Насиб қилса қолган гапларни эртага гаплашаверамиз- да. Бир кунга сабр- да энди , дадаси.

Мастура опа сал нарсага феъли айниб , тескари жаҳли қўзғаб турадиган эрини оловлантирмаслик учун иложи борича юмшоқ гапириб вазиятни ўзининг фойдасига ўнглантирган бўлди-ю , гап буромадини оҳиста бошқа ўзанга бурди:

- Энди Маҳина опамни огоҳлантирсак бўлди экан- да , а ?

- Қайтишда опамларникига кириб уларга бор гапни гапирдим. "Шунақа- шунақа гаплар" дедим. Хуллас улар эртага кечки соат олтиларга кийиниб тайёр бўлиб турадилар. Икковингларни бир зумда олиб бориб келаман.

- Жуда яхши бўлибди-да. Майли дадаси, ҳаммаси сиз айтгандек бўлади. Сиз нима десангиз шу- да.

Мастура опа ўрнидан оҳиста қўзгалди :
👍18🥰3
#КЎНГИЛ_ИФОРИ

- Овқатни сузаверайми ?

- Сузавер. Бугун негадир чарчадим. Овқатдан кейин вақтлироқ дам олмоқчиман.

* * *

Сулаймон учун бугун кутилмаган ҳамда қувончли кун бўлди. "Икки ойдан буён асабларимнинг энг майда томиригача азоблаган муаммо бир неча дақиқаларда, бир неча оғиз сўз билан ҳал бўлса-я?! - ажиб жилмайиш билан ўйлади у ,- бандаси нима деса десин- у , ҳукм Аллоҳданлиги рост экан. Яна чин ихлос билан дуо сўраб кўтарилган қўлларда экан. Ойижоним жуда зукко аёллар-да. Барча сўзларни топиб айтадилар. Яна айтганлари рўёбга чиққани-чи ?! Мен ҳам бўлиб ўтган воқеалардан битта нарсани англадим. Бахт шунчалик бизга яқин, аммо кўпда уни ҳис қилмаймиз. Мисол учун мана менинг бахтим . Куни кеча , йўқ шу бугун эрталаб бахт мен учун орзуда ҳам етиб бўлмас юлдуз эди. Ҳозир эса кафтимга қўнган ой мисол. Демак, охирги учрашувда Ҳилолага "Жиззахдан қайтишингга совчилар бориб қолади" деганимда ҳам бахт ёнимда экан- да ! Балки ўша сўзларим фаришталарнинг оминига тушганда яралганмикан ўша бахт?! Ёки ойижоним "Даданг нима десалар ҳам хўп дегин, уларга бўлган итоатингни мукофоти ажрсиз қолмайди" деганларида дунёга келганмикан?! Ёки бу воқеларнинг ҳар бирида бир, бир қисмдан вужудга келиб , бугун яҳлит бўлак бўлдимикан?! Ҳар нима бўлганда ҳам бугун бахтлиман. Икки карра. Ҳилолага етишим бир бахт бўлса , дадамнинг розиликлари юз карра бахт. Ҳилола билан бошланажак янги ҳаётимнинг кўнгил ҳижиллигисиз бошланиши ҳам бахт. Бари бахт ... Ҳудди Ҳилолага илк бор кўнгил қўйган кунимдаги каби бахт...

* * *

Ўшанда улар иккинчи босқичда ўқир эдилар.Миллий университетнинг физика факультетида. У кунларни эсласа Сулаймон ҳали ҳануз ҳайрон қолади. Нима учун Ҳилолани бир йил давомида пайқамади? Ахир Ҳилола турли туйғулардан четда қолиши мумкин бўлган қиз эмасди? Айтиш мумкин бўлса группадошлари орасидаги етти нафар қизларнинг энг чиройли ва заковатлиси ҳам шу Ҳилола эди. Сулаймон кейинчалик мулоҳаза қилиб кўрса бунга Ҳилоланинг пайқамаганининг битта сабаби бўлган экан. Унинг ўзга қизлардан фарқи, қиз ўртага тушишни ёмон кўрарди. Ҳилола қалбига нақш каби ўйилган билимини ортиқча кўз- кўзлайвермас, шу сабаб доимо назардан четда юрарди. Аммо дарслардаги семинар - тренингларда барчани сўзсиз михлаб ташлайдиган энг мукаммал хулоса доимо Ҳилоладан чиқарди. У оҳиста , оддийгина икки оғиз сўз билан нафақат гуруҳдошларини, балки устозларни ҳам лол қилиб қўйишни уддаларди. Дарсдан сўнг эса ўша оддий, ўша юввош Ҳилола бўлиб ўз йўлида кетаверар эди. Балки унинг назарга тушмаганига бошқа сабаб ҳам бўлгандир. Аксарият қизлар ўқишга киришгач икки ойга қолмай ўзгаришган, ўзларига эринмай қарашни бошлаб юборишган, сочлари кесилган , қош ва киприклари "негадир" бесабаб бирдан тим қора бўлиб қолган бўлса , Ҳилола иккинчи курсга ўтиб ҳамки заррача ўзгармаган эди. Ҳамон ўша битта қилиб ўрилган сочлар, ҳамон ўша қалам, бўёқлар билан тиллашмаган қош,кўз, киприклар, ҳамон ўша фасллар алмашгандагина ўзгарадиган таниш либослар.

Ким билсин балки Сулаймон учун шундай бўлгандир. Йўқ , йўқ аслида ҳам айнан шундай эди.

Орадан бирмунча вақт ўтгач , Сулаймон битта нарсани кашф этди. У вақтда Ҳилола билан муносабатлари ўз ҳикоясига эга бўла бошлаган эди . Хуллас йигит битта нарсани кашф этди :

- Инсон аслан буюк бўлар экан !

Сулаймон Ҳилоланинг дадаси Асрор Файзуллаев йирик олим эканлигини ҳам , у кишининг ихтиролари нафақат бутун республика , балки ўз йўналиши бўйича МДҲ мамлакатлари , шунинг кўплаб Европа давлатлари, АҚШ , Канадада ҳам машҳурлигини билиб ҳайратда қолди. У киши ҳақидаги маълумотларни интернетдан ўқиган Сулаймон Асрор Файзуллаевнинг жаҳоннинг жуда кўплаб илмий семинар ва конгрессларида алоҳида таклиф этиладиганлар рўйҳатида кўриб ажабланган эди: "Наҳотки шунчалик илм ва мавқега эга бўлган одам шу даражада камтар бўлиши мумкин бўлса?!" .
Бир куни Сулаймон ўзини тўхтата олмай Ҳилоладан шу ҳақда сўраганда қизнинг берган жавоби йигитнинг кўнглини алғов- далғов қилиб юборди:
- Устоз Тоҳир Маликни ўқиганмисиз ?! - деб сўраганди Ҳилола ўшанда жилмайиб ,- менга у
👍14