🧕 Muslimalar kundaligi
1.61K subscribers
3.68K photos
3.56K videos
4 files
6.89K links
Download Telegram
This media is not supported in your browser
VIEW IN TELEGRAM
АССАЛОМУ АЛАЙКУМ ХАЙРЛИ ТОНГ ГЎЗАЛЛАРИМ!!! 🥰

❄️ Бугунги Шанба тонги хайрли ва барокатли бўлсин.

❄️ Ҳар бир дақиқа сизга шодлик, қувонч, меҳр ва осойишталикни олиб келсин.

❄️ Танангизда сиҳатлик, қалбингизда хотиржамлик бўлсин.

❄️ Ҳамиша Аллоҳнинг паноҳида бўлинг.

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3
Ота ҳақидаги ҳақиқий тушунча!

1. Отанг сенга танбеҳ берганида у сени кариҳ кўрмайди.
2. Отанг сенга босим қилганида у сени ўсишингни истайди.
3. Отангни жим турганини кўрганингда у сени келажагинг ҳақида бош қотираётган бўлади.
4. Отанг иқтисод қилган пайтда билиб қўй, у ўз нафсини бутунлай маҳрум қилган бўлади.
5. Отанг ҳансираб қолганини кўрсанг билиб қўй, у сен сабабли шундай бўлган.
6. Отанг кулган пайтида билиб қўй, бунинг ҳам сабабчиси сенсан.
7. Отанг қаттиқ қўл бўлиб қолса билиб қўй, сен унинг кўрсатмаларига юрмаган бўласан.
8. Отанг эшик хонасини қулфлаб олган пайтида билиб қўй, у йиғлаётган бўлади.
9. Отангга нисбатан овозингни баландлатсанг уни тириклайин гўрга тиққанингни билиб қўй.
10. Сен ўзингни дарбадар ва саргардон ҳолда кўрсанг билиб қўй, отанг сендан ғазабланган бўлади.
11. Отанг тўшакка чўзилиб олиб, гапирмаётганини кўрсанг билиб қўй, сен улкан суячиқ тоғни йўқотиб, бўшлиққа юз тутган бўласан. У бўшлиқни ҳеч қандай хотира ҳам тўлдира олмайди.

Вақтида қадрлашни одат қилинг!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4
This media is not supported in your browser
VIEW IN TELEGRAM
Аллоҳни кўп зикр қилишни энг улуғ фойдаси ~Аллоҳ сизни унутмайди
Аллоҳга мухтож вақтингизда сизни ўз холингизга ташлаб қўймайди.

Юнусни балиқ қорнида 40-кун ўлмасдан,
яна дунёга қайтишига сабаб,
У Зот ҳаётлари давомида Аллоҳни кўп зикр қилардилар, мусибатда эса тинмасдан

🌿Ла илаҳа илла анта субханак, инни кунту минназзолимин, деб ялиндилар,
нажот келди, Аллоҳ у Зотни,
кўп зикр қилувчи бўлди, деб мақтади

🌿 Динини сақлаш учун ғорга қочган йигитлар,
Аллоҳга ўша вақтда, мусибат устида эмас, хотиржам ҳаётларида боғланиб олган эдилар,
сўнг мусибатда қўлларини кўтаришди, ижобат қилинди

Аллоҳ уларни 309-йил золим подишох зулмидан сақлади, золимларни халок қилди,
имон аҳлини эса Аллоҳ Қиёматгача келадиган мўъминларга ибрат қилиб қўйди.

Зикр қилиб Аллоҳ билан ҳаёти ўтганларни Аллоҳ хор қилмаслигини кўрсатди.

Бандам мени эслар экан,
Мен у билан биргаман, деди.

Аллоҳни зикр қилиш имконияти тугаган, қабр аҳлига боқинг.

Улар тупроқ тагидалар
Сизчи, тупроқ устидаги
"ўлик" лардан бўлманг

Зикрсиз ҳаёт~ўликликдир
👍8👏1
Пул ёмғири( бўлган вақеа1998)

1998 йиллар, 2-синф ўқувчиси эдим. Онам билан ёлғиз яшардик. Отам неча кунларда бир кўриниб турар, чунки яна бир оиласи бор эди. Еб-ичишимиз онамнинг маошлари ҳисобидан, онам мактабга дарс берар эдилар. Бир куни онам тоғамникига боришимизни айтиб қолдилар. Севиндим, чунки тоғамни уйи катта, пули кўп ва жудаям кўп мазали ширинликлар макони эди. Автобусга миндик, ногаҳон кўзим онамнинг ҳамёнларига тушиб қолди. Бир дона 5 сўмлик, охирги пул ва шу пулни йўл кира учун тўлади. Манзилга етиб келдик ва озгина пиёда юриб тоғамнинг уйига яқинлашдик. Тоғамнинг машинаси кўринмасди, асосан ташқарида турарди. Уйни тақиллатдик, эшикни тоғамнинг хотини келинойим очди. Ичкарига кирдик ва ҳар доимгидек мен катта ҳовлига югурдим, чунки ўзимиз бир хонали квартирада яшардик.
Ўйнаб-ўйнаб онам ва келинойим турган хона деразаси олдига келдим ва суҳбатларини эшитиб қолдим. Келинойим тоғамни чўлдалигини, ҳозир хеч қандай ёрдам беролмаслигини такрорлар эди. Онам эса ялинар, илтимос қилар эдилар. Мен онамни бунақа аҳволда биринчи марта кўриб турардим. Ўйин, ҳовли эсимдан кўтарилди. Сал туриб онам хонадан чиқдилар ва менга кетишимизни айтдилар. Бу ҳолатдан мен гарангсираб қолгандим, чунки тоғамникидан бу аҳволда ҳеч тез қайтмаганмиз. Ҳайрлашиб турган пайт онам "Ақалли 5 сўм бериб туринг, илтимос уйга қайтишга автобусга пулим қолмади" деб яна ёлвориб сўрадилар. Келинойим эса елка қисиб, сейфни калити тоғамдалигини, уйда умуман пул йўқлигини айтди. Хайрлашиб, уйдан узоқлаша бошладик. Йўлда онамга бир неча саволлар бермоқчи эдим, лекин онам кўзларидан ёш оқарди, жудаям қайғули йиғлардилар...
Сал туриб онам уйга пиёда кетишимизни, қайтишда йўл кирага пул қолмаганини айтиб қолдилар. Мен буни сезгандим, онамга пиёда кетишимизга розилигимни, хафа эмаслигимни айтдим, онам яна йиғлай бошладилар. Уйимиз 10 километрлар орасида эди.
Шунда кўзларим осмонга боқарди, ичимда бир гап айланарди, "Ё Аллоҳ, ҳамма сендан қўрқади, сен ўзинг тенги йўқ куч соҳибисан, ҳамма нарсанинг эгасисан. Менку пиёда кетаман, лекин онамни мен учун йиғлатма, онамни мен учун йиғлатма..."
Бу орада ўзимнинг ҳам ичим тўлиб келди, лекин сездирмадим...
... Шу пайт олдимиздан катта тезликда кўк рангли "РАФ" микроавтобуси ўтиб қолди. Кўча охирида тезлик билан чапга, катта йўл томон қайтди. Ҳамма ёқ чанг босиб, атрофни аранг кўриб бўларди. Катта йўлгача яна камроқ йўл қолганди ва ноилож шу чанглар орқали боришимиз керак эди. Ноилож аранг чанглар орасидан юра бошладик ва не кўз билан қарамай, осмондан чанглар орасидан пуллар ёғиларди. Ҳақиқий пуллар...3, 5, 10 сўмлик пуллар. Қувонганимдан пулларни сакраб-сакраб терардим. Қўлларим пулга тўлиб онамни олдиларига келганимда онам ерга ўтириб, рўмолларини тишлаб йиғлардилар, гоҳ менга гоҳ осмонга қараб йиғларди. "Онажон, энди пиёда кетмаймиз, Аллоҳ бизни эшитди, Аллоҳ ёрдам берди" деб хурсандлигимдан бақирардим. Онам эса кўз ёшларини тўхтатолмасдилар. Уйга қайтдик ва шу куниёқ онам байрамларда пиширадиган, менинг севимли қозонкабобимни пиширдилар, жудаям хурсанд эдик. Бу ходисадан кейин менинг ягона таянчим, қалқоним ва сирдошим Аллоҳ эди. Аллоҳга минг шукрлар бўлсинки, онам сабабли олий маълумотли, оилали ва ҳозирда катта тадбиркорлик фаолияти соҳибиман. Жажжи қалбдан чиқиб, Аллоҳга етиб борган мурожаат сабаб, йиллар давомида Аллоҳнинг марҳаматига, куч қудратига ишонч орқали қалбда иймон мустаҳкамланиб бораверди.
Бу бошимдан ўтган "Ҳаётдаги қийинчиларим" китобимнинг бир бўлаги...
Болага ёшлигидаги ишонч ва меҳрини сўндирманг, унинг улуғланишига ишонинг, ёшлигидан Аллоҳнинг борлигига ишонтиринг..

Дилноза ёзиб олди.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍19❤3
Mehrsizlik

(Hikoya)

Zebo yosh, navqiron ayni balogʻat yoshida. Sevib, sevilaydigan har xil tuygʻularga berilish fasli keldi. Endi u koʻp vaqtini sokin koʻchalarda sayr qilish, dugonalari bilan suhbat qurish, ba'zan she'r yozish, bazan esa qoʻshiq eshitish bilan oʻtkazgisi kelyapti. Albatta bu tabiiy hol! Xalq orasida "18 ga kirmagan kim bor?!"degan gap bor-ku! Yoshlik bu - yoshlik! Lekin Zebo u darajada chiroyli emas, oq sariq, bo'yi pastakkina koʻrimsizgina bir qiz. Balki shungadir uni unchalik ham yoqtirishmaydi. Dugonalari davrasida ham, oila aʼzolari oldida ham oʻzini kemtik his qiladi. Atrofi toʻla odam, lekin qalban yolgʻiz edi. Uni hech bir yigit sevib qolmadi. Hatto hazillashib ham gap otishmasdi. Qandaydir bu qizning koʻrinishi yoqimsizroq edi. Lekin Alloh bergan husn! Uni oʻzgartirib boʼlarmidi?! Ammo Zebo buni tushunmas, oʻzidan jirkanar, nafratlanardi.
"Nega meni hech kim yaxshi koʻrmaydi?! Na ota-onam, na opalarim, na sinfdoshlarim! Ustozlarim ham menga past nazar bilan qaraydi. Boshqa dugonalarim - Malika, Nodira, Dilshoda hammalari chiroyli qizlar, kiyimlari ham qimmatbaho, men esa opalarimning eski tuskilarini kiyib maktabga boraman" Zebo sinf xonasining eng oxirgi partasida yolgʻiz oʻzi oʻtirganicha piq-piq yigʻlardi. Uyda onasi kun bermas, nuqul Zebodan nolir, unga hamisha opalarini oʻrnak qilib koʻrsatar edi.
- Zebo! Zebo deyapman! Qayerdasan yer yutgur!? Seni tug'may men oʻlay! Men oʻla qolay!
Zebo ertalabdan mana shundan miyasiga yod boʻlib ketgan qarg'ishlar sadosi ostida uyg'ondi. Erinibgina oʻrnidan turdi, yuz qoʻlini yuvdi. Kichkina singlisi Dilrabo uni mazah qilganicha gap ochdi:
- Haa, opa?Qalesiz endi turdizmi noz uyqudan?
Dilrabo chiroyli koʻzlarini suzganicha opasiga bir qarab oldida oynakni oldiga keldi.
- Voyyy! Dilrabo! Buncha goʻzal boʻlmasang. Qosh-koʻzlaring tim qora, sochlaring ham uzun chiroyli.
Dilrabo oynadagi oʻzining aksiga xiringlab gapirganicha unga eshik oldida qarab turgan koʻrimsizgina opasiga imo qildi.
- Keling opa! Oynaga qarab oling har xolda siz ham qizbolasiz!
Dilrabo qah-qah urib opasini mazah qilganicha xonadan chiqib ketdi. Zebo oyna oldiga keldi. Koʻzlaridagi achchiq yoshni tutib turolmadi. U haqiqatda juda xafa boʻldi. Sepkil bosgan sarg'ish yuzlariga sizib oqqan koʻz yoshlarini artdi.
- Zebo...
- Labbay ayajon!
- Bugun maktabga bormaysan! Uyda ish tiqilib yotibdi. Hammayoqni yogʻ tushsa yalagudek qilib tozalaysan!
- Ammo ayajon... Maktabga borishim, oʻqishim kerak... Bilasizku bugun tarix darsim bor. Juda yaxshi koʻraman shu fanni. Iltimos boray. Kelib albatta aytgan ishlarizi qilib qo'yaman...
Zebo onasiga yalinchoq ovozda gapirdi. Uni darsga rossa borgisi kelayotgan edi. Sababi birgina shu tarix fani ustozi - Shahnoza opa uni yaxshi koʻrar, unga mehr bilan qarar, yaxshi muomala qilar edi. 2 haftadan buyon Shahnoza opa betob boʻlib darslarga kelolmayotgan edi. Kecha sinf rahbari tarix ustozinglar tuzalibdi ertaga darsni oʻzi oʻtadi deganida Zeboning koʻzlari quvonchdan porlagan edi. Lekin onasi...
- Yoʻq dedim. Nima oʻqib olim boʻlarmiding? Yo menga shahar oberarmiding? Maktabni bitirish oʻng bilan seni oʻrab chirmab erga bervoraman! Ovora boʻlib oʻqiyman deb yurma!
- Ayaaa...
- Oʻchir ovozingni. Bugun mehmonlar keladi uyga. Uy top toza boʻlishi shart!
Umida xola shunday deganicha Dilrabo bilan uydan chiqib ketdi. Zebo hovli oʻrtasida anchagacha serrayib turib qoldi...
Shahnoza opa Zeboni juda yaxshi koʻrardi avvalosi inson sifatida ham tarix faniga mehr qoʻygan yosh nihol sifatida unga boshqacha nigoh bilan qarardi. Bir kuni Zeboning uyiga borganida u yerdagi muhit Zeboga oila aʼzolari tarafidan qilinadigan qoʻpol munosabatlarni koʻrib yoqa ushlagandi. Shu masalada qizning onasi Umida opa bilan gaplashgani yodida:
-"Opa nega Zeboni boshqa qizlarizdek koʻrmaysiz. Axir u ham sizni jigarbandingiz-ku! Bolalarni ajratish yaxshi emas axir. Dili oʻksib qoladi. Oʻzini hech kimga keragi yoʻq insondek his qiladi.
👍14❤1😢1
- Shahnozaxon bu bizni oilamiz. Unga aralashmang xafa qilib qoʻyishim mumkin. Bu haqida siz bilan gaplashishni xohlamayman!"
Umida opaning oʻz qizini taqdiriga bunchalar loqaydligi, mehrsizligi Shahnoza opani anchagacha diqqat qilgandi...
* * *
Mana Zebo maktabni bitirganiga ham 3 yil boʻldi. Barcha oʻrtoqlari allaqachon oila qurdilar ba'zilari unashtirildi. Zeboga esa biron marta ham sovchi kelmadi. Bu qanaqa azob ekanligini soʻz bilan tariflab boʻlmaydi. Zebo institutga kira olmagach, tikuv sexiga ishga kirdi. Ozmi-koʻpmi oila budjetiga oʻz hissasini qoʻshdi. Bir kuni Zeboga qoʻngʻiroq boʻldi.
- Alooo kim bu?
Zeboning tashqi koʻrinishi yoqimsiz boʻlsada ovozi... Uning ovozi juda chiroyli, yoqimli edi. Insonning qulogʻiga xuddi musiqadek eshitilardi. Notanish yigit ham Zeboning shirin ovozini eshitdi-yu oʻzini butkul yoʻqotib qoʻydi.
- Men... Men...
- Gapirasizmi? Kim kerak edi sizga?
- Menga Nozim aka kerak edilar.
- Adashib tushibsiz salomat boʻling.
Zebo shunday deganicha telefonni oʻchirib qoʻydi. Notanish yigit Zeboning ovozini yana eshitgisi keldi. Qayta qoʻngʻiroq qildi.
- Alo...
- Yana sizmi? Menga biror gapiz bormidi?
- Haaa, nima desam ekan... Yaxshimisiz oʻziz?
Begona kishining Oʻziz yaxshimisiz?deb soʻrashi Zeboga gʻalati tuyuldi.
- Sizga nima qizig'i bor. Meni vaqtimni olyapsiz qaytib telefon qilmang!...
Ular shu tariqa tanishib qolishdi. Bu yigitning ismi Aziz edi. Aziz kuniga 80 martalab qoʻngʻiroq qilar, turli sms lar yozib qizni kuldirar uni iloji boricha koʻnglini olishga urunar edi. Kundan-kunga bir-birlariga oʻrganib qolishdi. Zebo bu yigitga gʻoyibona koʻngil qo'ygan edi. Ular boshqa viloyatdan boʻlgani uchun hali ham bir-birlarini koʻrishmagan edi. Aziz bir-ikki marta Zebodan rasm joʻnatishini soʻradi. Lekin Zebo qoʻrqdi. Turli bahonalar qilib rasm joʻnatmadi.
- Zebo, sizni judayam koʻrgim kelyapti. Biror joyda uchrashaylik. Xohlasangiz viloyatingizga boraman. Oʻzizga qulay joyda yuzma-yuz koʻrishib gaplashardik, nima deysiz?
Zebo anchagacha oʻylanib jim boʻlib qoldi.U Azizga yoqmasachi? Uni koʻrib tashlab ketsachi? Axir unga oʻrganib qoldiku? Ketma-ket miyasiga urilgan savollar Zeboni qiynar, Azizning "Uchrashamizmi?"degan soʻrovini javobsiz qoldirar edi.
- Alo! Zebo... Javob bermaysizmi?
- Aziz aka... Oʻylab qoldim siz tasavvur qilgandaqa boʻlmasamchi? Mendan yuz burmaysizmi?
Aziz Zeboni ovozidan, shirin muomilasi va juda goʻzal odobi, tarbiyasidan uni husni ham shunga yarasha boʻlsa kerak deb oʻylardi, shu sababli tezgina, oʻylab ham oʻtirmay! Javob berdi:
- Zebo... Tashqi goʻzallik oʻtkinchi boʻladi. Sizni qalbingiz, odobingiz goʻzal. Men shu qalbingizga oshiq boʻlganman. Menga ishoning sizni xafa qiladigan ish qilmayman!
Uchrashuv vaqti keldi. Aziz mashinasida Zebo yashaydigan joyga yaqin bogʻga kelib toʻxtadi. Qoʻliga telefonini olib Zeboga qoʻngʻiroq qildi.
- Alo Zebo
- Assalomu aleykum Aziz aka. Yaxshimisiz?
- Yaxshiman. Siz aytgan joyga keldim. Sizni qanday taniyman?
- Oq pushti rang koʻylakda boʻlaman. Bolalar maydonchasini oldida turibman.
Aziz Zebo aytgan joyga borib Zeboni koʻrdi. Koʻrdi-yu turgan joyida toʻxtab qoldi. Zebo u hayol qilgan qizga zarracha ham oʻxshamas edi. " Nahotki shu qiz boʻlsa, men oilada yolgʻiz farzandman xohlaganim bilan ota-onam baribir buni menga olib bermaydi. Essiz shuncha vaqtim!"oʻyladi u. Aziz qizni oldiga bormay ortiga burildi-yu ketib qoldi. Qanchalar oson! 2-3 kun oldin oʻz ogʻzi bilan aytgan "Muhimi qalb, odob goʻzalligi" degan soʻzlarini unutib qoʻydi. Zebo Azizni ancha vaqt kutib oʻtirdi. Keyin birdan hammasini tushundi. Yigit uni koʻrgan yoqtirmay bir soʻz demasdan ketib qolgan. Zeboning judayam xo'rligi keldi. Ikkala kaftini yuziga bosganicha xoʻng-xoʻng yig'ladi. Axir u Azizni chinakamiga sevib qolgandi. Unga qancha vaʼdalar, umidlar bergan, oʻzini ilk bor kimgadir kerakligini his qildirgan bu yigit endi yoʻq!
👍12💔1
Yigit kishi yoʻlini bemalol topib ketadi xunukmi, tasqarami, qoʻpolmi hatto oʻlasi boʻlib ichib-chekib atrofga qoʻlansa hid taratib yursa ham choʻntagida puli bormi unga tegadigan qizlar,juvonlar albatta topiladi. Qiz bolaga judayam qiyin ekan! Juda qiyin...
* * *
Zebo ishidan bugun har safargiga qaraganda ancha vaqtli qaytdi. Kelsa uyida begona ayollar oʻtiribdi. Onasi Umida oshxonada opa nimalardir qilib kuymalanib yuribdi.
- Ayaaa... Assalomu alaykum.
Umida opa qiziga qaradi. Uni koʻzlari quvonchdan porlardi. Juda xursandligi shundoqqina koʻrinib turibdi. Balki shungadir bugun Zeboga yaxshi muomala qildi.
- Va alaykum assalom qizim yaxshi keldingmi? Uyda mehmonlar bor. Tezroq menga qarashib yubor. Bor kiyimlaringni almashtirib chiq.
- Kim ular?
- Haaa, ularmi?
Umida opa biroz aytishga ikkilanib qoldi.
- Ular sovchilar qizim...
Zebo allanechuk gʻalati boʻlib ketti. Mana yoshi ham salkam 27 ga yaqinlashib qoldi. Shuncha paytdan beri unga biron marta ham sovchi kelmagan edi. Sovchilarni menga kelgan deb oʻyladi shekilli, uyalib ikki yuzi qizardi. Sekin onasidan soʻradi:
- Kimga kelishibdi?
Umida opa nooʻrin iljaydi. Oʻngʻaysizlikdan boʻlsa kerak qizidan yuzini burganicha javob berdi.
- Singling Dilraboni soʻrab kelishibdi. Yoshlar institutda bir birlariga koʻngil qoʻyishgan ekan. Mana ikkoviyam oʻqishni tamomlashdi. Shunga tezgina toʻy qilaylik deb kelishibdi.
- Haaa... Yaxshi boʻpti aya. Baxtli boʻlishsin...
Zeboning yuragi qattiq ogʻridi.Qollgan 3 ta opasi Madina, Muslima va Nozimalar, allaqachon oʻz juftlarini topib oila qurishgan hammalarini shirindan shirin farzandlari bor. Endi uning gali kelgandi, umri bahor faslidek oʻtib ketyapti. Endi esa undan kichik singlisini toʻyi boʻlish arafasida... Bunday vaziyatda u nimalarni his qildi ekan! Yuragidan qanday oʻgʻriqlar oʻtdi ekan?! Bu faqat Yaratganga ayon.
* * *
- Umidaxon! Shu kenja qizingizni Zebodan oldin uzatishingiz yaxshimikan? Axir opasini boshi ochiq boʻp turib singlisi erga tegishi biroz gʻalatida. Zebo oʻksib qoladimi deymanda! Ham odamlar nima deydi?! Sizga gap boʻladi qoʻshni.
Umida opa koʻzlarini yerga qaratdi. Qoʻni qoʻshnilari oldida hijolatli jilmaydi.
- Opa! Oʻzimga qolsa ertagayoq shu Zeboni toʻyini qilar edim! Nima qilay?! Hech kim soʻrab kelmasa?! Shu paytgacha sovchi kelmadi... Bir ikki xotin qoʻygan, bolasi bor kishilardan kelishdi lekin Zebo yoʻq deb oyoq tirab turib oldi. Bir kun mening ham tengim keladi deydi. Bu ketishda yaqinda 30 ga chiqadi. Qachon tengi keladi?! Men qachon bu qizdan qutulaman?!
Umida opa yigʻlab yubordi. U Zeboning orqasidan juda koʻp tanalar eshitgandi. U qizidan uyalar, bunaqa qiz tuqqandan koʻra tugʻmaganim yaxshiydi derdi. Lekin bilmaydimi farzand Allohning ne'mati. Uni qanday yaratish faqat Oʻziga havola! Allohning taqdiriga qarshi chiqish oliy gunohdir! Zebo tugʻulibdiki shu oilada roʻshnolik koʻrmadi. Axir u ham inson, uning ham qalbi, ruhi bor, yigʻlaydigan koʻzlari bor...
* * *
Toʻy kuni. Dilrabo chiroyli oppoq koʻylakda hammaning koʻzini quvnatib oʻtiribdi. Zebo toʻyda hech yayrab oʻtirolmadi. Yuragi siqildi. Nazarida hamma unga qarayotganday, hamma uni gapirayotganday. Haqiqatdan ham toʻyda koʻpchilikning koʻzi Zeboda boʻldi. Baʼzilar unga achindi, baʼzilar mazah qildi... Zebo ortiq chidolmadi. Toʻyxonadan chiqib toʻgʻri uyiga qaytdi.
👍12😢1
Xonasiga kirdiyu yostiqqa boshini qoʻyganicha oʻkrab yigʻlab yubordi. Uyda hech kim yoʻq. Hamma toʻyda. Yigʻlab yigʻlab oxiri uxlab qolibdi. Tushiga rahmatli dadasi kirdi. Zeboning Dadasi Jamol aka juda yaxshi inson edi. Zeboni tizzasiga oʻtqazib erkalatardi. Aniq esida 3-4 yoshli payti dadasi uni yelkasiga koʻtarib mahalla koʻchalarini aylantirardi. Mana oradan necha yil oʻtin ketti. Hech ham Zeboning tushiga kirmaydigan dadasi bugun oppoq libosda qiziga yosh toʻla koʻzlari bilan qarab turibdi
    - Dadajon... Sizmisiz?
    - Ha qizim menman. Nega xafasan bolam?
    - Dada toʻyib kettim! Taxqirlashlaridan, mazah qilishlaridan, menga past nazar bilan qarashlaridan! Axir men ham insonmanku! Odammanku! Hech kim meni yaxshi koʻrmaydi! Hech kim!
    - Zebo yigʻlar, dadasi unga mayus koʻzlarini qadaaganicha jim turarmish. Birdan dadasining oppoq koʻylagi qip qizil qonga belandi. Zebo dadasiga hayrat bilan qaradi.
    - Dada! Koʻylagingiz qonku! Qip qizil qon!
Jamol aka bir soʻz demasdan ortiga burilganicha sekin keta boshladi.
    - Dada! Dadajon! Koʻylagingiz qon! Dada toʻxtang!
Zebo dadasining ortidan yugurdi, qanchalik tez yugurmasin hech yeta olmadi. Dadasi toʻxtadi. Ikki koʻzidan quyilib yosh oqar edi. Yigʻlaganicha qiziga yolvordi:
    - Qizim! Gunoh qilma! Gunoh qilma! Shunday dedi-yu koʻzdan gʻoyib boʻldi. Zebo choʻchib uygʻondi. U koʻrgan tushidan qattiq lahzaga kelgandi. Oʻzini butkul yoʻqotib qoʻydi. Shayton vasvasa qildimi yo uyda hech kim yoʻqligi pand berdimi hovliga arqon olib chiqib bolaligidan yaxshi koʻrgan oʻsha oʻrik daraxtiga oʻzini osib qoʻydi...
    - Voooy bolaaaaam! Qizim Zeboooo!
Umida opa yarim kechasi qizlari bilan toʻydan qaytib hovli oʻrtasida osilib turgan qizining sovuq murdasini koʻrishdi. Kechagina bayram boʻlgan bu xonadon dod faryodlar bilan toʻldi. Kecha erkatoy qizi Dilraboning toʻyi edi, bugun esa bomdod mahal yana bir qizi, ochig'i farzand sifatida koʻrmagan, doim boshimga balo olib keladi deydigani Zebosining janozasi oʻqildi...

"Yoshligimda bir ertak oʻqigandim, "Irkit oʻrdakcha" degan. Kunlardan bir kun notanish tuxum oʻrdaklar orasiga tushib qoladi. Oʻrdakchalar bilan baravar ochiladi. U boshqa oʻrdaklarga oʻxshamas, qoʻpol, xunuk va besoʻnaqay edi. Uni hech sigʻdirishmaydi, qayerga bormasin boshiga malomat toshlarini yogʻdirishadi. Lekin u hammasiga chidaydi oradan yillari oʻtadi bir kun oʻsha Irkit oʻrdakcha goʻzal oqqushga aylanadi... Balki Zebo ham biroz Alloh sinoviga sabr qilganida edi, inga ham Alloh albatta goʻzal yakun bergan boʻlar edi. Agar onasi Umida opa Zeboga yaxshi muomila qilib "Sen men uchun eng goʻzalisan, seni yaxshi koʻraman"qabilidagi soʻzlar bilan ruhlantirib turganida edi, hammasi boshqacha yakun topgan boʻlar edi" (muallifdan)

TAMOM.

✍Usmonaliyeva Munira.
30.07.2024.                    ⏰00:10

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍8😢7
Media is too big
VIEW IN TELEGRAM
Tovuqli mazali katlet😋

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6❤1
🧕 Muslimalar kundaligi
#кундошлар 11-қисм Муаллиф: Наргиза Усанбоева Смслар Зоирдан эди: “Салом, Ёнаркўз. Ниҳоят, сиз менга қиё боқадиган кунлар ҳам келибди-ку!” – бу биринчи хабарни ўқиб, Севара ҳеч нарсага тушунмади. “Нега жимсиз? Мен бугун ёнингизга учиб боришга тайёрман!…
#кундошлар

12-қисм

Муаллиф: Наргиза Усанбоева

Бироз ойнига тикилди-ю, кийган кийимларини ечди.
- Устимдан бир сув қўйиб чиқай, - деди минғирлаб. – Ҳилолага қаёққа кетяпман, десам экан... Бирорта баҳонам ҳам йўқ.

🍃

Гулҳаёнинг хавотиридан эри Шаҳзод ҳам тинчини йўқотди. Беихтиёр унинг телефони экранига қаради. Гулюз ростманасига йиғлар, ҳиқиллаб гапира олмасди.
- Гулюз гапирсанг-чи? Нима бўлди? Юрагимни ёряпсан?
- Опа, мен Америкага кета олмас эканман, - баттар йиғлай бошлайди Гулюз.
- Нега? Нима учун?
- Чунки... тўйимиз грин-карт жавоби чиққанидан кейин бўлди-ку. Сохта келин-куёвлар чиқиб кетганидан кейин элчихона шунақа қилиб қўйибди.
- Вой Худойим-ей, шунга шунча ваҳимами, Гулюз? Одамнинг юрагини ҳам ёрдинг. Худди биров ўлиб қолгандек йиғлайсан-а, тавба...
- Опа, йиғлайдиган иш бўлмай нима? Куёвингиз ўзи Америкага кетса, мен қишлоқда юраманми? Сизлар узоқда, ойимлар узоқда... Тасаввур қиляпсизми? – жаҳл билан тўнғиллайди Гулюз.
- Тўғри, асалим бу ёғини ўйламабман. Сиқилма, бир йўли топилар... Ойим билан гаплашдингми? Ойим нима деди?
- Ойим кўтармади. Минг марта қилдим, - кўз ёшларини арта бошлади Гулюз.
- Бўлди йиғлама, асалим...
- Қандай йиғламайман опа. Ўзингиз поччам билан доим биргасиз, ойимларга ҳам яқинсиз, билинмайди-да. Мени бир чекка қишлоқда қанақа яшаётганимни биласизми? – яна йиғлашни бошлади Гулюз.
Гулҳаёнинг синглисига раҳми келиб кетди. Қани қўлидан келса, шартта куёв билан Америкага жўнатиб юборса. Ёки уни оиласи билан шаҳарга кўчириб келса...

Давоми бор

❤️ бу – кечки бонус! Босиб ўтинг!
👍28❤13👏2
#кундошлар

13-қисм

Муаллиф: Наргиза Усанбоева

Аксига олиб бунақа вазиятда нима деб тасалли беришни ҳам билмайди, одам. У Шаҳзодга илтижоли қараб олакан, яна экрандаги жигарига термулди. Гулюз эса кўз ёшларини артгани сари атай қилгандан баттар мижжалари ёшланарди.
- Ўзи ҳар доим менда шунақа бўлади, ҳар доим мен йиғлаб юраман. Ўқишга киролмадим, ойим қишлоққа узатди, энди Америкага ҳам кетолмайман. Қишлоқда юраманми, опа? – Гулюз баттар уввос сола бошлади.
- Тинчлан, Гулюз. Бир йўлини қиламиз. Суриштирамиз. Бирдан тушкунликка тушма, асалим. Куёв қани?
- Чиқиб кетган. Ҳужжат ишлари билан юрибди.
- Сен йиғлама, асалим. Мен дадамга айтаман, куёв билан бирга бир йўлини қилишади.
- Опа, ойимга ҳам, дадамга ҳам айтинг. Агар Америкага кетмасам, шу қишлоқда қолиб кетсам, ўзимни ўлдираман... – жаҳл билан деди Гулюз.
- Нима? Бу нима деганинг? – овози титради Гулҳаёнинг. - Ўзингни бос, Гулюз. Ўзинг ақллисан-ку. Уйга кириб олиб, унақа ўзингни эзма. Чиқ, ҳовлига айлан, яхши нарсаларни ўйла... Бўпти, мен дадам билан гаплашай-чи?
Гулҳаё тезлик билан алоқани узиб, эрига қаради. Шаҳзод келинчагининг ранги оқариб кетганини кўриб ҳайрон бўлди.
- Нима бўлди? Қўрқдингми? Нега рангинг оппоқ?
- Қорним... қорнимда қиттиқ оғриқ турди... Аҳҳҳ! – эгилиб қолди Гулҳаё.
- Ё Худо! – Шаҳзод уни кўтариб, ҳовлига югурди.

🍃

Гулранг онасининг қичқириғидан бир чўчиб тушган бўлса, ерга “шилқ” этиб йиқилганини кўриб, буткул юраги ёрилди.
- Ойи, ойи... – ерда чўзилиб ётган онасининг юзига ура бошлади Гулранг.

Давоми бор

👍 бу – Бонус! Босиб ўтинг!
👍39❤6
#кундошлар

14-қисм

Муаллиф: Наргиза Усанбоева


Матлуба рангги сурпдек оппоқ бўлиб, ҳеч нарсани билмай ётарди. Гулранг жуда қўрқиб кетди. Мияси умуман ишламай қолади. Титраб-қақшаб дадасига телефон қилди:
- Дада? Дада, ойим йиқилиб тушди. Йўқ, нимадир бўлди...
- А? - ҳеч нарсага тушунмади Аббос.
- Ойим, ойим... – йиғлаб юборди Гулранг. – Эшикни олдида ётибди...
- Нима? Ҳозир... Боряпман, - Аббоснинг шу билан алоқани узгани эшитилди.
Гулранг онасининг ёнига югуриб келди.
- Ойижон, ойижон... кўзингизни очинг...
Яхшики, шу пайт уйга Умид кириб келди. Оёқлари остида ётган онасини кўриб аввалига ҳеч нарсага тушунмади.
- Опа? Нима бўлди? – деди кўзлари катта-катта бўлиб.
- Уми-и-ид... – йиғига зўр берди Гулранг.
- Ойи-и-и! – Умид Матлубанинг ёнига чўк тушганча юзига ура бошлади.
- Опа, сув олиб келинг!
Гулранг ошхонага қараб югурди. Умид Матлубанинг кўтариб олмоқчи бўлди. Аммо кучи етмади. Онасининг бошини тиззалари устига олиб, юзларини силади.
- Ойи, кўзларингизни очинг, - деди у ҳам кўнгли бўшаб.
- Мана сув, - Гулранг қўлида пиёла тутганча келди.
- Юзига сепинг опа, - шошиб деди Умид.
Гулранг онасининг юзига сув сепди, урди, аммо Матлуба кўзини очай демасди.
- Опа оёғидан кўтаринг, каравотига олиб борамиз, - деди Умид.
Сўнг иккаласи Матлубани кўтариб, ётоқхонасига киритди.

Давоми бор

🔥 бу – меҳр! Босиб ўтинг!
👍35🔥24👏1
#кундошлар

15-қисм

БОНУУУУУС!

Муаллиф: Наргиза Усанбоева

- Деразаларни очиб юборинг, - деди Умид опасига қараб. Ўзи онасининг юзларини кафтлари орасига олиб, ялингандек деди: - Кўзингизни очинг, ойи. Қўритманг мени... Ойии-и-и!
- “Тез ёрдам”чақиришимиз керак, - деди ниҳоят Гулранг калласи ишлаб ва телефонини қўлига олди. У телефонда гаплаша бошлаган эди ҳамки, Матлуба кўзларини очди.
- Ойи, сизга нима бўлди? – йиғламсираб деди Умид. – Қўрқитиб юбордингиз?
- Ухлаб қолдимми? – деди ҳайрон бўлиб Матлуба.
- “Тез ёрдам” чақирдим, хушингиздан кетиб қолдингиз, ойи? – деди Гулранг “Тез ёрдам”га манзилни тушунтириб бўлгач.
- Хушимдан кетдим? – эслолмади Матлуба ҳайрон бўлиб. – Йўғ-е, яхши эдим-ку.
Қошларини чимирганча эслашга уринди. Лекин негадир уйга қандай келганини ҳам эслай олмади.

🍃

Зоир ювиниб чиқиб, кийина бошлаганида Ҳилола унинг ёнига келди. У хотини ёнига келганини пайқамади ҳам. Ўзига оро бериш билан банд эди. Сочини ҳали ё томонга, ҳали бу томонга таради, кейин атир сепди, сўнг кўйлагининг ёқасини тўғирлади.
- Бўлдими? – деди Ҳилола охири сабри чидамай.
- Вой-ей, овоз чиқариб келсанг ўласанми? – деди Зоир бир чўчиб тушиб.
- Овоз чиқариб келдим, кўриш учун сал атрофга ҳам қараш керак.
- Ҳа, нима дейсан?
- Намунча ясан-тусан?
- Битта жойга боришим керак. Ишим бор.
- Нима иш экан?
- Ҳилола, мижғов бўлма.
- Бунчалар ясаниб-тараниб қаёққа боряпсиз? Айтинг, билай... – алам билан деди Ҳилола.

Давоми бор

🔥 бу – меҳр! Босиб ўтинг!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
❤28🔥18👍14👏3
Reaksiyalar soni 50dan oshsa yana bitta qism joyliman ❤️
❤71🔥19🥰3
#кундошлар

16-қисм

Муаллиф: Наргиза Усанбоева

Зоир ниҳоят нигоҳини кўзгудан хотинига қаратди. Аввалига бир зум жим қараб турди. Кейин зўрға ўзини босиб, секингина гапирди:
- Нима сенга ҳисоб бериб яшашим керакми? Мени тергайдиган ҳали онасидан туғилмаган билдинг?
- Ўшанинг ёнигами? – овози титради Ҳилоланинг.
- А? – жўртага билмаганга олиб деди Зоир. Кейин кўрсатгич бармоғи билан Ҳилоланинг бошига нуқиб гапида давом этди: - Манов бошингдаги ҳар хил хаёлларни чиқариб ташла!
- Турткиламанг! Турткиламасангиз ҳам тушунаман.
- Атай асабга тегасан, атай эговлайсан.
- Қачон келасиз? – деди яна Ҳилола бўш келмай.
Зоирнинг шундоқ ҳам тутуни чиқиб турган ғазаби алангаланди.
- Келмайман, бўлдими? Болангни тергагандек тергайвериб, жонимга тегиб кетдинг! Келмайман, тамом!
У эшикни жаҳл билан ёпганча чиқиб кетди. Кўчага чиқиб машинасига ўтираркан юрагида ёқимли бир ҳис жилва қилди.
- Ажаб бўлди, энди бемалол Ёнаркўзнинг ёнида қоламан! – деди Зоир ўзига ўзи ичида. - Баттар бўл, ўзингга ўзинг қилдинг, Ҳилол! Мен амаллаб ярим тунда бўлса ҳам уйга келмоқчи эдим, аммо ўзинг келмайдиган қилдинг!
Зоир ўзидан мамнун ҳолда шаҳарга қараб йўл олди.

🍃

Келаётган ҳар бир ҳаридор ҳам, унга пул узатган қўл ҳам Севаранинг кўзига Зоир бўлиб кўрина бошлади. Ичида ваҳимами, ҳадикми нимадир хукмрон. Бир қарор қабул қилиши шарт. Аммо тинмай бўлаётган савдо ва чарчоқ туфайли у хаёлини жамлай олмаётганди.

Давоми бор

❤️ бу – меҳр! Босиб ўтинг!
❤25👍8🔥7😢1
#кундошлар

17-қисм

Муаллиф: Наргиза Усанбоева

Тилида битта гап тинмай айланади:
- Энди нима қиламан?
Севара салгина харидор сийраклашса, Зоирга смс ёзишни мўлжаллаганди. Қаёқда? Айни мавсум қизиган пайт бир дақиқа ҳам тиним бўлмаяпти. Шундай бўлса-да, у шоша-пиша жавоб ёзди:
“Келманг, уйда эрим бор!”
Зоирнинг жавоби кўп куттирмади:
“Энди кеч, йўлдаман...”
Севаранинг юраги тўхтаб қолай деди. Энди бу ёғи нима бўлади? Зоир савдо қиладиган жойини ҳам, ижара уйини ҳам билади. Ўтган гал қайсарлик қилиб, бирга келиб билиб олган. У бугун Севарани бир қарорга келишга мажбур қилиши аниқ. Бу ёқда Аббоснинг ҳам уни йўқламаганига анча бўлган. У ҳам истаган вақтида келиб қолиши мумкин. Энди нима қилади?
Севара гўёки, ўзини чора излашга мажбурлаётган бўлса-да, Зоирнинг тап-тортмай ёнига келаётгани шайтоний ва шаҳвоний ҳисларини қитиқлаб қўйганди. Ичида нимадир “Ишингни тезроқ тугат ва ўзингга қараб ол!” дерди. Аббосни келтирмасликнинг эса йўли осон. “Мен Рита холаникидаман”, деб хабар ёзса кифоя. Шуларни ўйлагани сари жувон шошила бошлади.
“Ҳеч бўлмаса... уйга кира солиб устимдан сув қуйишга улгуришим керак... – ўйлади ичида. – Кун бўйи тинмадим, терлаб, бижғиб кетдим. Бу ҳолимда Зоирнинг Ёнаркўзи бўла олмайман... Нарсаларимни тезроқ йиғиштира қоламан...”
Севара ўзича бир қарорга келиб бўлганди.

🍃

Кенг ва ёруғ каридор беморлар, уларнинг яқинлари билан гавжум. Кимнингдир инграган, кимдир додлаган овози ўтирганларни саросимага солмай қўйган.

Давоми бор

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍27💔1
This media is not supported in your browser
VIEW IN TELEGRAM
Оятал курси сурасини кечқурун ухлашдан олдин эшитинг.
Тунингиз тинч ва осуда ўтади.


Осуда тун азизларим 🌙

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3
This media is not supported in your browser
VIEW IN TELEGRAM
Ечилмайдиган муаммолар бўлмайди, шунчаки баъзи гўзал ечимлар кечиктирилади, хайрли вақтгача.!

🌙 Тунингиз осуда ўтсин қадрдоним!

💌 Энг яқин инсонларингизга юборинг!

📱@Insta_retseptlar — Mazali yeguliklar har kuni taomnomangizda!
This media is not supported in your browser
VIEW IN TELEGRAM
⛅️ Aссалому алайкум. Якшанба тонги муборак бўлсин.

Соғ–саломат уйғотган Роббимизга ҳамдлар бўлсин!

✨Асл саодат нафас олиб турган ҳар онимизга шукр қила олишдир...
✨Шукр ва зикрга бой кун бўлсин!

Дам олиш кунингиз мазмунли ўтсин!

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4
This media is not supported in your browser
VIEW IN TELEGRAM
❄️ АССАЛОМУ АЛАЙКУМ! ❄️

☃️Бошлаб олган янги кунингиз муборак бўлсин!
Ҳар бир эзгу ишларингизда Аллоҳ ёр ва ёрдамчингиз бўлсин!

☃️Тонгимиз - яхшилик билан бошлансин, хонадонларимиздан тинчлик тотувлик, барака аримасин.

☃️Бу кунда Аллоҳ дуоларимизни ижобат, фарзандларимизга салоҳият, ибодатларимизга гўзаллик, ризқимизга барака берсин!

☃️ Якшанба тонгингиз муборак бўлсин!

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4👏1