🧕 Muslimalar kundaligi
1.61K subscribers
3.68K photos
3.56K videos
4 files
6.88K links
Download Telegram
ТАҚДИРИ АЗАЛ

Кимдир 22 ёшда институтни тугатди, лекин 3 йил иш тополмай сарсон бўлди.
⠀
Кимдир 25 ёшидаёқ катта бир корхонага раҳбар бўлди, лекин 50 ёшда вафот этди.
 
Кимдир 50 ёшда директор бўлди, лекин 90 га кириб бу дунёдан ўтди.          
⠀
Кимдир шу чоққача сўққабош,  у тенги бошқа бировнинг невара-эвараси бор.
⠀
Макрон 39 ёшда президент бўлган,   Роберт Мугабе эса 63 ёшда.
⠀
Шумахер 25 ёшда чемпион бўлган бўлса, Нино Фарино  44 га кириб, пойгада биринчи ғалабасини қўлга киритган.
⠀
Уоррен Баффет 56 ёшда миллиардер, Цукерберг эса 23 ёшда.
⠀
Кайли Женнер 21 ёшида қанча-қанча миллиардер эркакларни доғда қолдириб, энг ёш миллиардер аёлга айланган.
⠀
Ирландиялик таниқли пиво ишлаб чиқарувчи Артура Гинесс 56 ёшни қарши олганда, у 21 фарзанднинг отаси ҳам  эди.

Жордж Клуни 55 ёшга кириб, илк бор ота бўлди.
⠀
Бу дунёда ҳар бир одамнинг ўз тақдир йўли,  ўз даври ҳамда фалсафаси бўлади.
⠀
Вақт тушунчаси барча учун фарқли.
⠀
Агар чуқурроқ ўйлаб кўрсак,  бу дунёни ҳар биримиз  ўз вақт ўлчовимиз билан яшаб ўтамиз.
⠀
Кимдир ҳаёт аталмиш бу пойгада ё сиздан кейин ёки олдинда. Бу табиий ҳол. Умр пойгасида ҳеч ким, ҳеч кимнинг ўрнини эгаллай олмайди.
⠀
Шунинг учун ўзимизни кимгадир солиштириш,  ҳасад қилишимиз бефойда. Бу тақдири азал.
⠀
Ҳаёт - бу лаҳза. Тақдир қачондир сенга бериши мумкин бўлган иноятни кутиб яшаш ва давринг келганда суриб қолиш имкониятидир.

Бас шундай экан, унинг ҳар бир лаҳзасидан баҳра олинг. Қўрқманг.⠀Кечикмайсиз. Эрта ҳам эмас. Ҳар нарсага вақти соати келгандагина эришасиз.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6❤1👏1
Forwarded from 👑OSHXONA MALIKALARI👑 via @Post_Padsbot
☘  Тинмай шу зикрларни айтиб кўрингда....

💁‍♀Таҳорат шарт емас, ҳаттоки уй ишларини қилаётгандаям айтсангиз бўлади

🧕Қалбингиз яшнайди, юзингизга ўзгача нур беради. Ҳаётингизга
осудалик, сакийнат беради...

☘ Хонадонингизга барака, фарзандлар камоли, ички хотиржамлик беради...

💁‍♀ Сиз ҳам бир синаб кўрингда...

Ушбу зикрларни Муслима аёл кундалиги каналидан билиб олинг
👇👇👇
https://t.me/+144ah6y47fg4YjEy
https://t.me/+144ah6y47fg4YjEy
👍4
#кундошлар

65-қисм

БОНУУУС!

Муаллиф: Наргиза Усанбоева

Умиднинг қулоқлари остида шифокорнинг бу гаплари қайта-қайта жаранглади.
- Даволатаман! Дадам кечанинг ўзида кетворганди. Ўзим даволатаман, - дея ўзига ўзи сўз беради Умид бекатда автобус кутаркан.

🍃

Севара Рита холанинг сўровидан кейин ўз сирини ошкор қиларкан, ёш қизчалар каби юзини тўсиб олди. Шу боисдан Рита холанинг ғазабнок чеҳрасини кўрмади.
- Илгари ҳам келганди Зоир, аммо сен “Ота-онам билан ярашишим керак”, деб, жавобини бергандинг-ку. Яна жавобини бергандирсан, - ўсмоқчилади Рита хола.
- Йўқ-да! – Севара қўлларини юзидан олиб, кўзлари ёниб гапира бошлади. – Опа, Зоир шунақаки, қиламан деган ишини қилади. Кеча келаман, деди, келди! У бошқача-да, опа-а-а! У билан вақт ўтганини билмайман. У билан ҳамма нарса жуда мароқли. Ҳатто уйқу ҳам. Шунинг учун қўшнининг эшикни урганини ҳам эшитмаганман-да.
Рита холанинг кўзларидан ўт чақнагандек бўлди. Севарага еб қўйгудек қарар экан заҳархандалик билан деди:
- Мен бу ерда болаларингга қараб ўтирибман, сен у ёқда зино қилиб, айшу ишрат қилиб юрибсанми? Кўзинг очилмадими, сенинг?
- Опа, бир марта бўлди...
- “Гадой бир эшикдан ўтгунча!” Зино эшигига бир кирдингми, яна кирасан! Ол, болаларингни ҳам, нарсаларини ҳам ҳамма нарсангни ол, йўқол менинг уйимдан!
- Хола бу нима деганингиз?

Давоми бор

❤️ бу – меҳр! Босиб ўтинг!
❤21👍12👏1
#кундошлар

66-қисм

Муаллиф: Наргиза Усанбоева


- Сен ифлос, гуноҳингга мени ҳам шерик қилиб ўтирибсан! Болангга қараб сенинг зино қилишинг учун шароит қили бердимми, ҳали? Сени шу йўлдан қайтарай деб қанча ҳаракат қилдим. Бир бечора аёлга жабр бўлса ҳам болаларинг учун Аббосга тегишингга ёрдамлашдим. Сен яна ўша чиркин ишингни қилиб юрибсан! Айтиб қўяй, зино ризқингни кесади! Мана исботи, бугуннинг ўзидаёқ ризқинг кесилибди. Зино умрингни кесади! Жуворманг бўласан, бу кетишингда!
- Туф-туф, - ёқасига туфлади Севара. – Худо асрасин, бу нима деганингиз!
- Чиқ уйимдан, ҳаром, наҳс босган қўлларинг билан олиб келган манов анжирларингни ҳам ол, йўқол! – Рита хола ўрнидан туриб, Севарани ростмана ҳайдай бошлади.
- Опажон, ҳазиллашманг! Жаҳлингиздан тушинг!
- Тур, дедим сенга! Менинг уйимда зинокорга жой йўқ! Гуноҳга ботишни истамайман! – Рита хола Севарани турткилай бошлади.
- Опа, ўзингизга келинг. Пул қўшиб бераман!
- Ҳаром қўлларинг билан топган пулинг керак эмас! Қараган бўлсам, болаларингга Аллоҳ йўлида қаради, деб ҳисоблай қол! Шу пайтгача нима қилсам, болаларинг учун қилдим. Тур, йўқол!
Рита хола то Севара ва болаларини уйидан чиқариб юбормагунча жойига ўтирмади. Ҳатто Севара олиб келган анжирни ҳам Сардорнинг қўлига тутқазиб юборди.

🍃

Ўта замонавий услубда жиҳозланган, деворларига Жалолиддин Румий, Алишер Навоий, Заҳириддин Муҳаммад Бобур қаламига хос ҳикматларни катта-катта қилиб осиб қўйган психология маркази сув қуйгандек жим-жит. Ресепшндаги қизлар ҳам сукутни бузишни истамагандек телефонларига тикилиб ўтирибди.

Давоми бор


👍 бу – қувонч! Босиб ўтинг!
👍36👏1
#кундошлар

67-қисм

Муаллиф: Наргиза Усанбоева

Уларнинг ёнига қўйилган диванга ўтирган Матлуба эса ўз хаёлларига ғарқ бўлиб кетган. Миясида шифокор айтган гап тинмай айланади: “Биласиз, мия ҳамма аъзоларимизни бошқаради. Касаллик кучайгани сари бошқа аъзоларнинг ҳам ишдан чиқиши кузатилади...”
- Бошқа аъзоларим қайсилар? – ўзича ўйлади Матлуба. – Юракми, ўпками, буйракми... Қайси ишламай қолади?
Матлуба хўрсинди. Шу пайт телефони жиринглайди. Экранга қараб ҳайрон бўлди: “Саломат хола!”
- Ассалому алайкум, – деди у фикрини жамлашга уриниб. – Хола яхшимисиз?
- Ва алайкум ассалом, жоним ўзинг яхшими? – Саломат хола ҳар доим ширинсуҳанлик билан гап бошлади. – Уйдагиларинг ҳаммаси яхшими?
- Биз ҳаммамиз яхши. Ўзингиздагилар-чи? Бизнинг инжиқ қизимиз нима қиляпти?
- Инжиқ дема, Матлубажон. Эрка де. Эрка қизим менинг у. Бирам чиройли, бирам чиройли. Ҳуснига қараб тўймайман.
- Ростини айтишим керак, шу қизим сал инжиқ ва сира кўнгли тўлмайди. Нолигани нолиган. Айтгандим-ку, сизга. Тарбиялаб оламан дегандингиз?
- Ҳа, қайси фарзанд инжиқ эмас, жоним. Ҳамма боламиз ҳам инжиқлик билан катта бўлган. Матлубажон, менимча Гулюзжон сизларни соғинган. Шунга бир бизникига меҳмонга келасизларми? Ё Мансур иккисини юборайми?
- Соғиндим, дедими? – ҳайрон бўлди Матлуба.
- Уйга кетаман, дебди Мансурга. Озроқ йиғлабди, ҳам.

Давоми бор

🥰 бу – қувонч! Босиб ўтинг!
🥰24👍10
#кундошлар

68-қисм

Муаллиф: Наргиза Усанбоева

- Мен ўзим гаплашай-чи, хола. Мансур иккисини юбораман демай, ўзингиз ҳам келинг. Мазза қилиб ўтирамиз.
- Хўп. Бўлмаса гаплаш асалим. Кейин айт менга ҳам. Сени ишдан қўймай, чарчама.
- Хўп.
Шу билан алоқа узилди. Матлуба эса бирдан яна бугунги текширув ҳақидаги хаёлларига шўнғиди.

🍃

Иккита боласини етаклаб ижара уйи томон келаркан, Севара Рита холанинг бу қадар тутаққанини ҳазм қила олмади. Одатда жуда кўп бора чиқишолмай, айтишиб қолишарди. Лекин ҳеч қачон бу қадар ҳақорат қилмаган, қувиб солмаган эди.
- Нега бунча ўзидан кетди, бу кампир? Арпасини хом ўрганим йўқ эди. Қувиб солгани нимаси? – ўғлига қараб тўнғиллаб қўйди Севара. – Ё сизлар асабига тегдиларингми?
- Йўқ, биз билан яхши гаплашиб ўтирганди, - деди Сардор кўчадаги майда тошларни тепиб ўйнаркан.
- Энди нима қиламиз, Сардор? Ўзларинг уйда уканг билан ўтириб турасизларми? Рита хола аста-секин ўзига келиб қолар...
- Ҳа, ўтириб турамиз, ойи, - Сардордан олдин деди Самир.
- Ўзимни тойчоқларим. Ўзи эртага сизларга мактаб кийим ҳам олиб келишим керак.
- Ойи, менга ҳам туфли, ҳам крассовка олиб беринг.
- Хўп, олиб бераман. Жисмоний тарбиянгга керак-ку.
- Ойи, менга ҳам оберас, менам бораман-ку, мактабга – қувониб деди Самир ҳам.
- Сенга ҳам обераман.
Шу пайт Севаранинг телефони жиринглади.
- Тоғанг телефон қиляпти, - деди Севара болаларга.
- Менам гаплашай, - сакради Самир.
- Ало? Малик? – деди Севара.

Давоми бор

🔥 бу – қувонч! Босиб ўтинг!
🔥33👍14
This media is not supported in your browser
VIEW IN TELEGRAM
✨🌙 Х А Й Р Л И Т У Н
🌙✨

🌙🌹Чиройли сўзларни фақат
эшитиш эмас, уни кимларгадир айтиш кераклигини ҳам унутманг!

Зеро ширин сўзга
арзийдиган қанча яқин
инсонларимиз бор.

🌙🌹Бир-бирига керакли
инсонлар доим бир-биридан узоқда яшаркан.
Шундай бўлса ҳам борига шукр.🥰

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWViАГИ
😢2👍1
This media is not supported in your browser
VIEW IN TELEGRAM
Aссалому алайкум.
Шанба тонги муборак бўлсин 😊👍

Соғ–саломат уйғотган Роббимизга хамдлар бўлсин!

🌱Асл саодат нафас олиб турган ҳар онимизга шукр қила олишдир...
🌱Шукр ва зикрга бой кун бўлсин!
🌱Кунингиз мазмунли ўтсин!

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2
Bir kun hammasi yaxshi bo'ladi, deymiz... Aslida, bugunimiz ham eng yaxshisi ekanini bilmaymiz.
Bir kun o‘sha yor ham kelar, muammolar ketar, qarz uzilar, uy olinar, vatanga qaytilar, sog‘ayib ketilar...
Ammo... o‘sha vaqtda bugungizdagi kabi yoshroq bo‘lmaysiz. O‘sha bir kuni bugungi ishtiyoqingiz, shijotingiz, kuchingiz, quvvatingiz bo‘lmasligi mumkin. O‘sha kuni bugun hohlayotganingizni hohlamay qolishingiz mumkin...
Buguningizni qadrlagan! Aslida eng yaxshi kun bugundir!

Orif Taskin

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2😢2👏1
This media is not supported in your browser
VIEW IN TELEGRAM
🤲🤲🤲🤲

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
❤2👏1😢1
Siz ham oynaga qarab, oʻz aksingizdan norozi bo‘lasizmi?

Husnbuzarlar, soch to‘kilishi kabi muammolar sizni o‘zingizga bo‘lgan ishonchiniz pasayishiga sabab boʻlyaptimi?

— Husnbuzarlardan qolgan dog‘ va chandiqlarni qanday ketkazish kerakligini;
— Soch to‘kilishi va ortiqcha xollardan qutulish usullarini;
— Yuzni parvarish qilish bo‘yicha foydali maslahatlar;
—Tabiiy va professional kosmetikalar;
—Uzoq yillik tajribaga ega dermotokosmetologdan bepul maslahat olish imkoniyatiga ega boʻlmoqchimisiz?


Unda hoziroq kanalimizga qoʻshiling⬇️⬇️
👍2
Ижобат... 2000-йил, февраль
Жаҳонгир бугун ишдан автобусда анча толиқиб қайтди. Шунга қарамай бекатда тушгач тез-тез уйига шошиларди.
Хаёлида бир ўй:
- Додам қийналиб қолмаганмиканлар? Мана уч ойдирки, саксонни қоралаган додаси улар билан кўп қаватли уйнинг икки хонали квартирасида бирга яшаяпти. Сабаби ҳар йилги ўша сабаб: ота-онаси яшайдиган махаллада қиш келиб кунлар совиши билан газнинг босими пасайиб, уйлар музлаб кетади. Шундай кунлар келиши билан Назрулла дода дарров тўнғич набира Жаҳонгирларникига кўчиртириб келинади. Махалладаги ҳовлида иккинчи ўғил Замонгир ота-онаси билан қолган. Замонгир Жаҳонгирдан уч йил вақт ўтгач уйланди. Тўйи бўлганига икки ой бўлди. Ҳали фарзандлик бўлмаганлиги учун совуқнинг забтига амал-тақал қилиб чидаб келишмоқда. Аммо Назрулла дода қариликни бу йил анча бўйнига олиб қўйганди. Тез-тез безовталаниб туради. Икки қадам наридаги ҳожатхонага боришга ҳам кучи етмай қолганига бир ойча бўлиб қолган. Шундан буён Жаҳонгир пешинда ҳам азбаройи тушлик қилиш учун эмас, балки додасини енгиллатиб кетиш учун ишдан уйга чопади. Ўйлагандек додаси уни кутиб ётган бўлади. Жаҳонгирнинг саломини эшитиши билан бурчакдаги тувакка ишора қилади: Тураман. Жаҳонгирнинг бахтига аёли тилла чиққан. Бобосига қизлардан аъло қарайди. Бир ярим яшар қизчаси Мунисани хонтахтанинг ёнидаги кўрпачага ётқизадию, қайнота додасига каша ёки шўрва тутади:
- Иссиғида ичиб олинг...
Кейинги уч кунда доданинг қаттиқ тоби қочди. Туни билан қуш уйқусида ухлайди. Ҳар беш дақиқада инқиллаб Жаҳонгирни чақиради:
- Болам, тураман... Жаҳонгир додасини туни билан ўтқазиб, турғазиб бели майишиб кетди. Тонгга бориб кўзи илинган экан эшикнинг оҳиста ғийқиллашидан уйғониб кетди. Аста ўрнидан туриб ювиниш хонасига, сўнгра ошхонага ўтди. У ерда аёли Ҳафиза Жаҳонгирга маҳзун жилмайди:
- Уйғотиб юбордимми? Ҳозир ширгуруч пишади.
- Сутга пулни қаердан олдинг ... Жаҳонгир хўрсинди.
- Сутчи ҳола қачондир пул топсангиз берарсизлар, биламан оқликка ҳиёнат қилмайсизлар деди. Жаҳонгир индамади. Аммо кўнглидан Яхшиларнинг борига шукр деган ўй ўтди. Жаҳонгир қурилиш моллари сотиладиган дўконда ишлайди. У нафақат сотувчи, балки қоплоқчи, ташиб берувчи, ортувчи вазифаларини ҳам бирдек бажаради. Уйидагилари тўйдан яхшигина қарз билан чиқишгани учун баъзан рўзғорида етишмовчилик бўлиб қолса ҳам уларга тиш ёриб бир нарса дейишга бети чидамайди, эркаклик ғурури йўл қўймайди. Маоши эса унисидан бунисига етмайди. Бу ёқда Ҳафиза яна юкли бўлиб қолган. Бояқишга Кўнглинг нима тусаяпти? деб савол беришга ҳам...
- Болам... Жаҳонгир... Ичкаридан Назрулла отанинг инқиллаб чақиргани эшитилди. Жаҳонгир Ҳафизага савол назари билан боқди: Одатда додам бунақа пайтда ухлар эдиларку? Жахонгир додасининг хонасига кирганда, Назрулла дода ўринда ёстиққа суяниб ўтириб олган эди:
- Болам, юзимни ювиб олай, деди у қисқа-қисқа нафас оларкан. Жаҳонгир зумда сув тайёрлади. Додаси унинг ёрдамида юз-қўлларини чайиб олди.
Сўнгра Жаҳонгирга:
- Ёнимга ўтир, деди энтикиб ва қўлини дуога очди, қани болам овмин. Олгину олдирмагин. Ота-онанг, қовму-қариндошлар сендан фақат роҳат кўришсин. Барчанинг корига бирдек ярайдиган бойвачча йигит бўлгин. Омад ҳамиша ортингдан қувсин. Аллоҳ доим бирингга минг, минггинга туман берсин. Дарстурхонинг доимо ёйиқ, ичи қут ва баракага тўла бўлсин. Фарзандларинг ҳудди ҳозир мени иззат қилганинг каби атрофингда парвона бўлишсин. Дода шундай деб қибла томонга юзланди:
- Ё Қодир Эгам! Шу дуоларимни ўзинг ижобат айла! Илоҳи овмин... Назрулла дода толиқиб қолди. Жаҳонгир уни ўрнига ётқизиб ўзи Ширгуруч пишдимикан?! дея хабар олиш учун ошхонага йўл олди. Назрулла дода шу куни шомга бориб узилди.
2021-йил, июнь
Эшикнинг ғийқиллаб очилиши Жаҳонгир аканинг уйқусини ўчирди. Аста юриб ошхонага чиқди. У ерда Ҳафиза ерга катта дастурхон тўшаганча бир дунё пишириқларни катта қоғоз қутиларга бўлиб-бўлиб жойлар эди.
👍20
Сал нарида дасталанган нонлар, яшикларда эса сархил мевалар уйилиб турарди.
- Ҳафиза, нима ҳаракат?
Ҳафиза бошини кўтариб эрига қараб жилмайди:
- Ассалому алайкум, адаси, яхши ётиб турдингизми? у дастурхонга ишора қилди, буни қаранг, адаси. Мунисанинг тўйидан шунча нарса ортиб қолибди. Кеча Назруллангиз куни билан қариндошларникига шунақа қутиларда егуликлар тарқатди. Ҳеч камаяй демайди. Шунга бугун нонуштага қўни-қўшниларникига ҳам улашиб чиқсин дегандим. Ҳали икки музлаткич тўла гўшт маҳсулотлари ҳам навбатини кутиб турибди.
- Яхши ўйлабсан, хотин... Жаҳонгир ортиқ гапиролмади. Чунки... Қўл остида ўндан ортиқ йирик дўконлари бор бўлган номдор тадбиркор Жаҳонгир Асқаровнинг қулоқлари тагида бундан салкам йигирма йил аввалги дуо жаранг сочгандек бўлганди:
- Омад ҳамиша ортингдан қувсин. Аллоҳ доим бирингга минг, минггинга туман берсин. Дарстурхонинг доимо ёйиқ, ичи қут ва баракага тўла бўлсин. Фарзандларинг ҳудди ҳозир мени иззат қилганинг каби атрофингда парвона бўлишсин.
- Ё Қодир Эгам! Шу дуоларимни ўзинг ижобат айла! Илоҳи овмин...
Илоҳи овмииин... Ушбу ҳикояга қаҳрамон бўлган эр-хотинни шахсан танийман уларни жуда кўпчилик танийди, шунинг учун исмларини ўзгартирдим. Охиратлари обод бўлсин Назрулла ота ҳам ёдимдалар.
Ва...
Дода-буви, ота-оналарнинг фарзанд ҳаққига қилган дуолари албатта ортиғи билан ижобат бўлишининг ҳам гувоҳи бўлдим...
Нима ҳам дердим...
Бизга яхшилик, савоб ва олган, олишимиз мумкин бўлган гўзал дуолар ҳамроҳ бўлсин... Амииин...
Тамом...
Муаллиф: Хазонрезги.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍11🔥2❤1
#кундошлар

69-қисм

Муаллиф: Наргиза Усанбоева

- Ассалому алайкум, опа. Яхшимисиз? Бозордамисиз?
- Волайкум. Йўқ, бозорда эмасман. Кўчадамиз.
- Сардорлар қаерда?
- Ёнимда, Рита холаникидан келяпмиз.
- Опа, ойим Сардорларни олиб кел, деганди. Уйда роса мевалар пишган. Еб кетади, деганди, – деди Малик.
- Ойим “Олиб кел”, дедим? – энтикиб кетди Севара.
- Ҳа, уйингизга келасизми? Уйингизга борайми?
- Ҳа, мана етиб қолдик, кел, - деди Севара ва болаларига қараб деди. – Тоғанг сизларни олиб кетаркан. Бобонгни мевалари пишибди.
- Урра! – икки болакай баравар сакради.
Уларнинг рўпарасидан келаётган Малик ҳам қулочини ёзиб бақирди:
- Самир! Югур!
-Тоға-а-а! – болакай оёғини қўлига олиб тоғаси томон интилди.
Севара ҳам ўзида йўқ хурсанд. Улар ҳаммаси Севаранинг ижара уйига киришди.
- Чой қўяй, Малик.
- Кетаман, опа. Болаларингизни кийимини йиғиб беринг.
- Хўп, - Севара шундай дея ётоқхона томон юрди. Унинг ортидан болалари ва Малик ҳам эргашди.
Севара болаларининг кийимларини олиб, тахлай бошлади. Малик ётоқхонага бир қур нигоҳини югуртираркан, каравот четида турган эркаклар камарини кўриб, қоши чимирилди.

🍃

Катта серқатнов кўчада бир маромда кетаётган автобус бағридаги Умид ўз хаёллари билан банд. Онаси ҳақида ўйлагани сари отасига бўлган нафрати ошиб бормоқда.

Давоми бор

❤️ бу – қувонч! Босиб ўтинг!
👍20❤10👏1
#кундошлар

70-қисм

БОНУУУУС!

Муаллиф: Наргиза Усанбоева

- Кеча ойимнинг мазаси йўқлигини билиб, “мол”га кетяпман, деб кетворди. Аслида молга бормаган. Чунки бир соатда қайтиб келди-ку... – ўйларди Умид. – Дадамга энди ойимнинг қизиғи йўқ, даволатмайди ҳам, қарамайди ҳам. Ўзим ҳаракатимни бошлайверишим керак. Лекин қаерда оламан пули? Дўхтир миянинг дорилари қиммат туради, деди. Нима қилсам экан? Катта опамдан маслаҳат сўрасаммикан? Цехни юрғизсам нима бўларкан?”
Умид телефонини олиб опасига қўнғироқ қилди.
- Ало? – Гулҳаёнинг қўнғироқдек овози эшитилди.
- Ассалому алайкум, опа.
- Ва алайкум ассалом. Асалим қалайсан? Мени йўқлайдиган кунинг ҳам бор экан-ку.
- Ҳа, яхшимисиз? Соғлигингиз яхшими?
- Ҳа, анча яхшиман. Эртага чиқсам керак, шифохонадан.
- Нима? Опа, сиз шифохонадамисиз?
- Ҳа, озроқ мазам бўлмаганди.
- Қаердасиз? Кўриб ўтиб кетай. Сизни кўргани ҳеч ким бормагандир-да. Биз ўзимиз билан ўзимиз оворамиз.
- Келиб ўтирма, ойим яхшими?
- Ёнингизга бораман опа, кўриб келаман сизни.
- Ўзимнинг асал укам, суянчиғим. Майли кел, кўргим келиб кетди мени, - Гулҳаё шундай дея манзил айтди.
Умид автобусдан тушиб, бошқасига ўтирди.

🍃

Мижозини кузатгани чиққан Нигора Матлубанинг паришон ўтирганини кўриб, ёнига келди. Секин ёнига ўтираркан, юзига тикилди:
- Мени севимли дугонам йиғлабдими?
Матлуба шундан сўнг ёнига Нигора келганини пайқади. Унга сўзсиз қараб тураркан, йиғлаб юборди.

Давоми бор

❤️ бу – Меҳр! Босиб ўтинг!
❤16👍8🥰1😢1
#кундошлар

71-қисм

Муаллиф: Наргиза Усанбоева

- Ие, ҳурматли психолог, бу ер йиғлайдиган жой эмас. Йиғлаб келганларга тасалли, таскин берадиган жой. Бу нимаси? Нега кўзларингда шошқатор ёш.
- Нигор... касалим жиддий экан. Миямда қуриш бошланибди. У бошқа аъзоларимни ишдан чиқариши мумкин экан, - юзини кафтлари билан ёпиб йиғлай бошлади Матлуба.
Нигора унинг гапларидан бир зум ўзини йўқотди. Аммо дарҳол ўзини қўлга олиб, овута бошлади.
- Менга қара, Матлу. Шу йиғлайдиган нарсами? Ҳозир тиббиёт ривожланган. Даволанасан, яхши бўласан. Қўрқма, сенга жинам урмайди. Ярим мияси йўқлар ҳам яшаяпти. Интернетда кўрмадингми?
- Мия қуриди дегани нималигини биласанми?
- Биламан, ўртоқ. Миянг катта-ку. Битта жойи қуриган бўлса, бошқа нуқтасини ишлатамиз. Инсон миясининг имконияти чексиз! Фақат тушкунликка тушмаслигинг керак.
Матлубанинг бошида яна кучли оғриқ турди. Бошини чангаллаб оларкан, Нигорага қараб, кўзларини катта-катта очганча бақирди:
- Тулки-и-и!
Нигора унга қараб қотиб қолди.

🍃

Таксида икки жиянини олиб кетаётган Маликнинг кўнглига чироқ ёқса ёришмасди. Кўз олдидан ўша эркаклар камари кетмай қолди.
“ – Опам бир ўзи фақат болалари билан яшайди, - деди ўзига ўзи у. – Эркак одам йўқ уйида. Лекин камар нима қиляпти? Ё...”
Малик хаёлига келган ёмон фикрларни ўйлашни ҳам истамасди. Лекин ор-номус, ғурур деган туйғулар қалбига тинчлик бермас, тинмай юрагини пармаларди.

Давоми бор

❤️ бу – қувонч! Босиб ўтинг!
👍20❤11😢1
#кундошлар

72-қисм

Муаллиф: Наргиза Усанбоева


- Боя опамдан сўрасам, бўларкан. “Камар кимники?” деб сўрасам ҳаммаси ойдинлашарди. Агар опам яна ўша шармандали йўлда юрган бўлса, дангалига айтардим: “Опа, бўлди мени унутинг! Сиздек опам йўқ”, деб. Чунки яқинда бир диний уламонинг фикрни ўқидим. Эркак киши оиласидаги аёллар учун нариги дунёда жавоб бераркан. Бир бизга ўхшаб оғзи куйган йигит сўрабди: “Синглимни бузуқлик йўлидан қайтара олмаяпмиз. Ҳамма нарса қилиб кўрдик. Жавобгарлигидан соқит бўлишни истайман! Синглимдан кечсам, бўладими?” Уламо “Агар чиндан қайтара олмаётган бўлсангиз, кечсангиз бўлади”, дебди. Менам опам билан очиқ гаплашишим керак. Ўзи опамнинг “иши” туфайли ҳамон отамнинг, акамнинг, менинг бошимиз эгик. Тўртта одамнинг орасиги киришга қўрқамиз. “Юзимизга солмасмикан? Ғуруримизни топтайдиган гап айтмасмикан”, деб. Нега опамдан очиқча сўрамадим-а?
Маликнинг қалбини надомат кемира бошлади.

🍃

Тун қора кўйлаги этаги билан атрофни ёпаётган пайт. Зоир уйига кириб келди. Келаётганда Ҳилоланинг тўнғиллашини, асабини бузишини ўйлади. Лекин баҳонаси тайёрлигидан хурсанд бўлиб кетди. Чунки кетаётганида ўзи асабига теккан, Зоирни “Келмайман”, дейишига мажбур қилганди. Шуларни ўйлаб уйига кириб келган Зоирга Ҳилола негадир ҳеч нарса демади. Индамай ишини қилиб юраверди. Аввалига Зоир ҳайрон бўлди. Кейин “Аразлаган шекилли мендан”, деб қўйди.
- Овқат емайсизми? – Ҳилола аразлаганга ҳам ўхшамасди.
- Қорним тўқ, - деди Зоир ётоқларига кириб кетаркан.
Ҳилоланинг жимлиги жуда ажабланарли эди.

Давоми бор

❤️ бу – бонус! Босиб ўтинг!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍22❤15😢1
This media is not supported in your browser
VIEW IN TELEGRAM
🥰😇🤗 Ассалому алайкум АЗИЗЛАРИМ🤗😇🥰

🌺🌹🌺Дунёдаги энг кучли нарса бу-МЕҲР...

🌺🌹🌺Дунёдаги- энг қиммат ва энг арзон нарса бу-МЕҲР...

🌺🌹🌺Дунёда энг кам учрайдиган ва аслида жуда кўп бўлган нарса бу-МЕҲР...

🌺🌹🌺МЕҲР- нима...
Пул, бойлик...
Қимматбаҳо совға, ёрдам, кўмакми?

🌺🌹🌺ЙЎҚ...ЙЎҚ......

🌺🌹🌺МЕҲР-озгина эътибор ва икки оғиз ширин сўз!

🌺🌹🌺Меҳрингизни дариғ тутманг АЗИЗЛАРИМ!!!


Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍1👏1
This media is not supported in your browser
VIEW IN TELEGRAM
Тез кунда сизнинг хисобингизга 365 кун ўтказилади!
Ушбу кунларда хаммамизга:

- 12 ой яхши кайфият
- 53 ҳафта фаровонлик
- 365 кун меҳр–оқибат
- 8760 соат бахт ва омад
- 31 536 000 секунд соғлик ва севги–мухаббат ҳамроҳ бўлсин.

ЯНГИ ЙИЛ МУБОРАК БЎЛСИН!


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3👏1
Бир воқеа ҳеч эсимдан чиқмайди...

Телефондан хабарлашдик, улар уйим яқинидаги бекатга келиб турадиган бўлишди. Мен эса бу ёқдан китоб кўтариб чиқдим.
Жентра ичида иккита ниқоб таққан аёл ўтирарди. Сағирдеккина бўлиб китобни узатдим, улар эса бесалом қўлимдаги китобни олишди.
Ниқоб тирқишидан қараб турган нигоҳлар-менинг ҳижобимни, ўраган рўмолимни таҳлил қилиш билан оввора эди. Ўзимни ноқулай ҳолатда қолгандек ҳис қилдим ва узр айтиб изимга қайтдим.
Пича кузатиб туришди ва кетишди. Салом бўлмаганидек, маъзур ҳам бўлмади...
Менга бир аёл ёзди: Нега каналингизга қоши терилган аёлнинг суратини қўйдингиз?
Ҳалагим чиқиб қидирдим. Кўзи стикер билан тўсилган аёлнинг суратини олдимга далил ташлагандек ўзи ташлаб берди.
Профилнинг суратларини кўздан кечириш учун кирдим. Саккизта сурат бор экан: Неслихан Атагул, Хенде Эрчел, Озге Яғиз! Уччаласиниям қоши терилган.
Ёздим: каналимда 3500 та сурат бор. Баъзи қиёфалардан асар қаҳрамони тасаввурини яратишда фойдаланаман. Қаҳрамонларим бошида исломий кўринишда бўлмайди. Хўп нега ўзингиз саккиз дона суратингизда бунга йўл қўйдингиз?
У суратларни профилга қизи жойлаганини айтди. Мен ҳам айтдим: Унда насиҳатни бегона қилманг...
Биров китобимни ушлаб турган қўл суратини жўнатибди. Савол: бу қўл сизникими?
Савол остидаги ним косани сездим. Чунки тирноқ маникюрли.
"Йўқ, бу қўл меники эмас!" деб ёздим.
Кейин "Бекажон" газетасида чоп этилган интервьюмдаги аёл силуэтини ташлади: Бу сизми?
Тушуниб турибман: У "ҳа" дейишимни кутяпти. Дегудек бўлсам, маъруза матни қўлида тайёр турибди: "Нега сатрланган аёл ўзини оммага очиқ кўрсатмоқда?"
"Бу аёл мен эмасман!" деб ёздим, расмга тушмаслигимни қистирган ҳолда.
"Нега қоши терилган аёлларнинг суратини каналингизга қўясиз, нима бу қош теришга тарғибми?" деб ёзган аёлнинг яна бошқа ажабтовур саволлари кўп.
Нега бу инсонлар фақат кир қидириш билан оввора, тўғриси тушунмайман.
Бири профилимдаги Чингиз Ахмаров чизган суратни кўриб ёзди: "Нега мутабаррижа аёлнинг суратини қўйиб олгансиз, одамларнинг ҳирсини қўзғатиб?"
Бири "Асарларингиз билан одамларнинг вақтига зулм қиляпсиз. Шу вақт ўрнига Қуръон ўқишлари ҳам мумкин эди" деб ёзди.
Мен бу гап-сўзлардан уларни қўлларидан Қуръон тушмайди деб ўйлабман. Қориялар гуруҳимга лутфан таклиф этдим. Дами чиқмай саккиз кун ўтириб, бир пора Қуръон ўқимасдан охири ўзидан-ўзи гуруҳдан чиқиб кетди.
Саволим ана шундайларга: Сиз билган Ислом қандай?
Бу дин- эртадан кечгача бировнинг кийими, камчилиги, гуноҳи, юриш-туришини бошқаси тафтиш этадиган динми?
Йўлни мунча тор оласиз?
Хўп, аввал ўзингиз қойиллатиб қўймайсизми?
Ҳақиқий муслимадан чиройли аҳлоқ уфуриб туради. Ўзини тутишидан, табассумидан, илмга нисбатан жидду жаҳд қилишидан.
Қидирса, ҳаммадан камчилик топиш мумкин. Бир инсонга ёпишиб олиб сочининг учидан-тирноғигача таҳлил қиламан десангиз қанчадан-қанча ибодатларга яраши мумкин бўлган вақтни зое қиласиз
Буни ҳам тушунган одам тушунади
Мен инсонларнинг бир думалаб тақвони ўртасига келиб тушади деб тушунмайман Бу босқичма-босқич борадиган жараён. Шунинг учун биров бошига рўмол ўраса Аллоҳ бардавом қилсин деб қўяман.
Бардавомлик нима?
Аввал шунчаки ўрайди. Кейин бошқа камчиликларини тузатади. Намоз бошлайди. Аввал хато қилиб ўқийди, сўнг бировдан кўриб тузатади Бориб-бориб намозини кечиктирса, юраги сиқиладиган бўлиб қолади.
Ҳаракат қилиб юриб Қуръонга тушади. Аввал секин ўқийди. Кейин тезлашади. Секин-аста маъноларига қизиқади. Ўқиганда, қалби юмшаб йиғлайди. Яна бошқа хатоларини тузатади.
Мусулмончилик аста-секин деб шуни айтишади Дин одамларга бошида ҳам шунақа сингдирилган Бирданига ҳамр ҳақидаги оятлар тушиб ҳамма маст қилувчи ичимликларни ташлаб кетмаган Бирданига намоз фарз бўлиб ҳамма эртадан-кечгача намоз ўқишни бошламаган Закот ҳам шундай. Судхўрлик яъни рибо харом эканлиги нозил бўлган пайтда саҳобалар ичида ҳам шу иш билан шуғулланиб юрганлар бор эди
Ҳаммаси аста-секин бўлган.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍13❤1🥰1😢1