🧕 Muslimalar kundaligi
1.6K subscribers
3.68K photos
3.57K videos
4 files
6.89K links
Download Telegram
Media is too big
VIEW IN TELEGRAM
Росулуллоҳ саллаллоҳу алайҳи вассалламнинг насиҳатлари:

Инсон вафот қилиши билан амаллари тўхтайди,
фақатгина уч нарсадан бошқа:
юриб турган садақа,
ёки фойдаланиб турилган илм ёки дуо қилувчи солиҳ фарзанд.

Ўлсам фарзандларимдан узиламан💔
Ўлсам шунча йил қурган уйларим, машинам, яхши кўрган инсонларимдан узиламан💔

Ҳаммамиз ҳам инсонмиз, ўлим хабари бизни сескантиради.

Лекин ўлсам амалларим узилади деган савол бирор марта сизни сескантирдими?

Ўлим хабари эмас -
ўлган инсонни амал китоблари ёпилиши, унга бошқа амал қилишга имкон берилмаслик хабари ҳаётдаги энг дахшатли хабар!

Субҳаналлоҳ деб бир мартта айтсангиз 10 та ажр ёзилади,
Алҳамдулиллаҳ десангиз 10 та
Аллоҳга Акбар десангиз ҳудди шундай 10 та ажр.

Битта саловот айтинг, ўнта ажр ёзилиб, ўнта гуно ўчирилади.

Бугун тонгда саййидул истиғфорни айтсангиз кечгача ўлим келса,
Жаннати бўласиз.

Бугун касални зиёрат қилсангиз. 70 минг фаришта сизга истиғфор айтиб дуо қилади.

🤩Қуръондан бир бет ўқисангиз 4500 та ажр оласиз.

Ҳар куни бир пора Қуръон ўқисангиз ёки тингласангиз қанча ажр бўлади?

📕 90 мингдан кўп ажр оласиз❗️
Хар куни бир соат сабр қилиб, роҳатланиб Куръон тинглаган вақтингизда 90 мингдан кўп ажр оласиз.

💎Нечта зикрлар бор: ўқиса,
Жаннатга дохил бўлиб Дўзахдан қутулади деган.

Шулардан ўқий оляпсизми?

Умрингизни югур- югурда тугатиб юборманг,
Ўз жонингизни ҳам қутқаришни ўйланг, бугун тириксиз амал қила оласиз, эртага қўйманг.

ЭРТАГА КИМЛАР САФИДА БЎЛАМИЗ:
ТИРИКЛАР САФИДАМИ ЁКИ ҚАБР АҲЛИДАН БЎЛАМИЗМИ АЛЛОҲДАН БОШҚАСИ БИЛМАЙДИ.


БУГУНГИ КУНИНГИЗДАН
ОХИРАТ ДИЁРИ УЧУН ФОЙДАЛАНИНГ...


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
Please open Telegram to view this post
VIEW IN TELEGRAM
👍11❤2🔥1
Одамлар билан тўла автобус йўлда кетяпти. Ҳайдовчи атрофга қараб, автобусни четга олиб сақлади. Одамлар ундан нимага тўхтаганини сўраган эди:
— Анави қарияни олволайлик, — деди.

Қарашса, ҳеч ким йўқ.
— Қайси қарияни айтяпсиз? Ҳеч ким йўқ-ку, — дейишса,
— Ҳозиргина қўлини кўтариб, мени ҳам олиб кетинглар деди-ку. Ана ўзи ҳам келяпти, — деган эди, ҳамма ўша томонга қаради. Яна ҳеч ким йўқ экан. Ҳайдовчига қарашса, омонатини топшириб қўйибди.

Демак шу ҳайдовчининг ажали етиб келган, аммо автобусдагиларнинг ажали етмаган ҳали. Аллоҳнинг ҳикматини кўрингки, автобусни чиройли қилиб тўхтатиб, ҳайдовчининг жонини олди.

Ҳайдовчининг ажали етган эди, аммо йўловчиларникимас...

Хотиржам бўл, биродар! Ризқинг борми, яшайсан! Фақатгина тақдирдаги нарса бўлади, кўпияммас, озияммас!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍16🔥2❤1👏1
Media is too big
VIEW IN TELEGRAM
Ramazon taomnomangiz uchun mazali va yengil taom 🌮

📱@Insta_retseptlar — Mazali yeguliklar har kuni taomnomangizda!
👍3🔥1🥰1👏1🤗1
Yangi asar oʻqiymizmi 🌷💕🌷
Please open Telegram to view this post
VIEW IN TELEGRAM
👍41❤4👏3🥰2😇1🤗1
🔥 ЯНГИ АСАР 🔥

#ОЗОРИМСАН_МУҲАББАТ

Муаллиф: ХАЗОНРЕЗГИ

-1-

" Шунча ҳаракат қилди-я , шунча ҳаракат қилди. Аксига олади ўзи. Оббо . Ҳудди атайин бўлгандек... "
Шодия метронинг охирги бекатидан чиқиб , ўзларининг қишлоғига кетадиган йўналишли таксилар бекатига қараб юрганда , куннинг ранги ўчганди. Яхшиям шаҳарда. Ҳаммаёқ кўркам дизайнда ўрнатилган симёғочларнинг лампаларидан қуйилаётган нурлар базмига бурканган. У таниш бекатга бориб ҳайрон қолди . Атрофда ҳеч зоғ кўринмасди. Унда- бунда учраган нотаниш йўловчилар эса ўзга манзилларнинг харидорлари экан. Одатда бу вақтда бекатда кўпчилик бўлмаса-да , ҳар қалай ҳеч бўлмаганда ҳамқишлоқларидан ўн чоғли одам учраб турарди .
Шодия атрофнинг тим- тирис эканлигидан бир асабийлашса, бир бугунги харидорнинг мужмаллигидан ҳуноби ортарди .
Шодия техника университетида дизайнерлик йўналишида таҳсил олади . Бу йил тўртинчи босқичга ўтганди. Ўқиш билан бир қаторда Назира опа исмли бир аёлга шогирд тушганди . Назира опа курсдоши Лайлонинг холаси бўлиб , ўз касбининг миришкор устаси эди. Унинг йигирмага яқин шогирдлари бор бўлиб , улар асосан келин саруполари , оқшом либослари ва дераза, эшиклар учун чиройли дарпардалари тикишарди. Янги тўйи бўладиган ёшларнинг уйларини ҳам ўзлари тиккан буюмлар билан безатиб беришарди. Бугун ҳам ўқишдан чиқиб навбатдаги ҳонадонни безатишга борган Шодия ва Мунира исмли катта ёшли тикувчи аёл уй бекасидан обдон безор бўлишди .
Уй бекаси , яъни бўлажак қайнона анчагина бети қаттиқ аёл экан. Иш билан оввора Шодияларга савол бериб чалғитавергани ҳам бир бўлди-ю , ақл ўргатавериши обдон ортиқчалик қилди . Начора иш . Шодия ҳам , Мунира опа ҳам тишларини тишларига қўйишга мажбур эдилар. Улар кўнгилларида бўлажак келинга сабр тилаганча ишни битирганларида, қуёш уфққа бош қўйишга ўз тараддудини кўра бошлаган эди .
Шодия кўча юзида Мунира опа билан хайрлашиб , яқин орадаги метро станциясига тезгина чопқиллаб кетди. Мунира опа эса хўжайини, яъни турмуш ўртоғи Сарвар акани кутиб қолди.
Мана бир йилдирки , Шодия Назира опанинг уйида яшайди. У опага шогирд тушганидан бери унинг таклифи билан шу ерга кўчиб келганди. Бу ерда Шодиядан бошқа яна яшаш манзиллари узоқ бўлган беш нафар қизлар ҳам бир хонага жойлашишган эди . Назира опа қизларни жуда интизом билан ушларди . Иш юзасидан бирор манзилга юборадиган бўлса Мунира опа ва у кишининг турмуш ўртоғи Сарвар акани албатта ҳамроҳ қилиб жўнатарди. Таксичилик билан шуғулланадиган Сарвар ака қачон аёли "иш бор" деса доим тайёр бўларди.
Шодия бугун Назира опани огоҳлантирган эди . Шодиянинг ойиси Дилдора опа бугун қирқ беш ёшга тўлиши муносабати билан Шодия ойисига сюрприз қилмоқчи бўлганди. У пешин вақти ойиси билан қўнғироқлашганда "Ойижон , бугун ишимиз , буюртмамиз бироз кўпроқ, эртага якшанба, уйга эрта сахардан етиб бораман, хўп ?! " дея онасини ғойибона табриклашни унутмаган эди .
👍31💔1
#ОЗОРИМСАН_МУҲАББАТ
-2-

Шодия сумкасини бағрига босганича бекатда бўшашиб турарди . Сумкасида ойисига атаб адрас матосидан тиккан бинафша рангдаги кўйлак чиройли қилиб тахланган эди.
Шодия бекатда ярим соатча қолиб кетди. Окябрнинг охирлари бўлганлиги учун ҳаво анчагина салқин бўлиб қолганди . Шодиянинг эти ивиша бошлади . У энди ортга Назира опаникига қайтиш ҳақида ўйлай бошлаганди. Сумкасидаги пулини таксига етармикан деб чамалай бошлади .

- Шодииииияяяя !

Шодия бир чўчиб тушди . Уни чақирган эркак кишининг овози қаердан келганлигини англай олмай қолди. Шодия билан бир жойда машина кутиб турган беш нафарча йўловчи ҳам атрофга аланглай бошлагандилар.

- Шодиииияяя! Бу ёққа қаранг !

Шодия ниҳоят қарама - қарши томонда турган оқ матиз ва қишлоқдоши Ботирга кўзи тушди . Ботир унга қўлини силкиб "бу ёққа" дегандек ишора қиларди. Шодия иккиланган куйи у тарафга қадам босди . Матизни ичида ёши катта аёл борлигини кўриб анча жадаллашди . Аёл бозорга чиқади чоғи матизнинг орқа ўриндиғини сумкалар билан тўлдирган , ўзи ҳам бир сумкасини қучоқлаган куйи мудрарди .

- Келаверинг , Шодия . Бугун йўналишли машрут таксилар йўқ . Матизга чиқинг , хамма гапни йўлда тушунтириб бераман .

- Ассалому алайкум ...

- Ваалейкум ассалом, қани марҳамат ,- Ботир Шодияга машина эшигини очиб мулозамат қилди.

Машина ичи иссиққина экан. Анчагина совуқ ўтган Шодия иссиққа киргач қалтирай бошлади .

- Маршруткачилар бошлиғи Илҳом ака эрталаб тўсатдан оламдан ўтиб қолибдилар . Юраклари "отказ" қилган дейишяпти. Жаноза асрга эди . Ҳозир кун ҳам бир тутам бўлиб қолди-ку . Жаноза ўтгунча намозшом ҳам бўлди-қўйди . Бошлиқларининг тўсатдан ўлими шофёрларга қаттиқ таъсир қилганми дейман, кўраяпсиз ҳеч зоғ йўқ ...

- Аллоҳ раҳмат қилсин , - Шодия аста шивирлади юзига фотиҳа тортаркан.

- Илҳом жа яхши йигит эди , - орқа ўриндиқдаги аёлнинг овози эшитилди , - барака топгур кўпнинг дуосини олган бола эди.

- Сиз ҳам танирмидингиз , хола ?

Ботир кўзи йўлда аёлга гап ташлади .

- Танирдим , кўпинча юмушларимни битказиб берган , жойинг жаннатда бўлгур ...

- Ҳааа , улар ҳақиқатдан ҳам ҳамманинг кўнглини оладиган одамохун инсон эдилар ...

- Сиз жанозага бормадингизми ? ,- Шодия савол беришга берди- ю , ноўрин савол бердим деган ўйда лабини тишлади

- Бордим. Кейин бу ёққа опамникига келгандим . Улар Чилонзорда турадилар . Бугун даламиздаги кичкина ҳовузимизни сувини пастки каналга чиқарворгандик . Ўшанга опамларникига озроқ балиқ олиб келгандим . Йўлда бу холамни кўриб қолдим .

- Умрингдан барака топ, болам. Илоҳим яхши жойлардан ато қилсин . Бўлди , машинангни ҳув анави ёнғоқни тагида тўхтат .

- Уйингиз ичкарида бўлса ташлаб қўяман.

- Йўқ , уйим йўл юзида. Ҳув кўк дарвозани кўряпсизми , ўша ер . Ана ўғилларимам чиқиб турибди .

Ботир машинасини тўхтатиб , аёлнинг ўғиллари билан сўрашиб бўлгач, юкларини туширишига ёрдамлашиб юборди .

Шодиянинг кўнглига ваҳм оралади . Ҳали йўлнинг ярмига ҳам етмасдан йигит киши билан ёлғиз қолишини ўйлаб қўрққанидан , аъзои баданини титроқ боса бошлади
👍31
#ОЗОРИМСАН_МУҲАББАТ
-3-

Шодия беихтиёр устидаги камзулининг чўнтагига қўл солди . Қўл телефонини қидириб пайпасланди. Телефони қўлига илинмагач, юраги бирдан орқага тортиб кетди . У телефонини боя уйига парда тиктирган аёлнинг хонадонида қувватлагичга улаб қолдирганини эслади . Телефони соддароқ русумда бўлса- да ичида бир талай маълумотлар борлигидан юраги эзилди.
"Қайтариб беришармикан?" - ўйлади Шодия эзгин кайфиятда.
Машинанинг нохосдан чийқиллаб тормоз бериши уни ҳаёлот оламидан ҳаётга қайтариб келди. Шодия бошини олд ойнага уриб олишига сал қолди .
Машина йўл четида ярим айлана ҳосил қилиб тўхтаган , Ботир рулни чангаллаганча ғалати алфозда ўтирарди. Шодия машинадан узоқлашаётган бир жуфт яшил ялтираган яшил кўзларни элас илғаб қолди.

- Бу нима эди ?...

- Билмадим, итга ўхшаяпти ...
Шодиянинг саволига Ботир бемажол жавоб берди.

Машинанинг салонига куйинди ҳиди сизиб кирди .
Шодиянинг савол назари билан боқган нигоҳига Ботир жавоб қайтармади. У машинадан тушиб капотни очди . Телефонини фонарини ёққан ҳолда капотга энгашди . Бир оз куймалангач , телефонини фонарини ўчирди . Капотни ёпиб , бир оз ўйланди .
Машина эшигини очиб , ўриндиқ ёнидаги баклашкада турган сувдан олиб қўлини чайди, сўнг ён чўнтагидан рўмолча чиқариб қўлларини артди . Рўмолчани бир силкитиб тахлади- ю , яна чўнтагига солди . Сўнг ҳайдовчи ўриндиғига ўтириб , эшикни ёпди.
Шодия унинг машина ўт олдиришини кутган эди . Аммо Ботир рулга бағрини бериб ўтириб олган, хаёли аллақаерларгадир кетгандек бўлди.

- Ботир ака , юрмайсизми ...

Ботир бир чўчиб тушди . У Шодиянинг оғзидан ўз исмини илк бор эшитганигами, ёки ака дея қилган мурожаатигами алланечук бўлиб кетди . Атрофни зимистон қоплаганидан бетоқат бўлиб кетган Шодия ҳозир буни сезадиган аҳволда эмасди.

Ботир ниманидир айтсамми , айтмасамми дегандек бир оз тараддудланиб ахири ёрилди:

- Машина ишдан чиқди . "Контакт" куйиб кетди . Бу машинани энди уста кўрмаса бўлмайди .

Ботир агар ҳозир ёруғ бўлганда Шодияни йиғлаб юборай деб тилини тишлаб турганини , киприкларида икки томчи ёш "тўкилсамми" дея осилиб турганини кўрган бўларди .

Кўча юзидаги симёғочнинг биргина лампасидан хирагина ёруғлик тушиб турар , яқингиналаридан канал ўтганлиги учун атрофни қуюқ туман буркаб ола бошлаганди.

Ботир Шодияни нималардир деб юпатишга сўз қидирар экан, хаёлини Шодиянинг овози бўлди :

- Телефонингиз борми , бериб тура оласизми ?

- Телефоним... Телефонимнинг қувватлагичи тугаб қолибди.

- "Машинангиз юрмай қолса , телефонингизни қувватлагичи тугаб қолса , роса саранжом йигит экансизми ," - Шодия ўйлаганларни сиртига чиқармади. У бемаҳалда йигит киши билан ёлғиз қолиб кетганлигидан ваҳимага туша бошлаганди .
Шодия барибир ўйлаганларини бир учини айтишдан ўзини тўхтата олмади :

- Энди нима бўлади , уйга етиб олишнинг бир иложини қандай қиламиз ?

Ботир чуқур уф тортди .
👍25❤1
#ОЗОРИМСАН_МУҲАББАТ
-4-

Қишлоқ жой бўлганлиги учун атрофда деярли машиналар қатнови тўхтаган, борлари ҳам бошқа манзилга кетаётган эди . Ботир бир хаёлида Шодияни бирорта ўткинчи машинага ўтказиб юборишни чамалади . Аммо йўлнинг бундан буёнги қисми ўн километрча боғзорларни кесиб ўтишини, атрофда бирон тирик жон яшамаслигини ўйлаб бу шаҳдидан қайтди. У машина ойнасидан йўл четига маҳзун тикилиб ўтирган қизга қаради. Ботир Шодияга нигоҳини ташлади-ю, маҳлиё бўлиб қолди. Шодия аслидаям жуда чиройли қиз эди . Оқшом таровати эса уни ҳаддан ташқари гўзал қилиб юборганди . Қоп- қора зулукдек қошлар , катта-ю катта чарос кўзлар, ақиқдек ғунча лаблар Шодиянинг оппоқ юзида моҳир мусаввир чизган латиф санъат асаридек ўз ўрнини топган эди . Айниқса шаршарадек жингала қора сочлари "қарамайман" деган инсонни ҳам бир қаратмасдан қўймасди . Ботир Шодияга қараб туриб "бу қизга илгари нега аҳамият бермаган эканман?"- деб ўйларди.
Шодия Ботир унга тикилиб қолганини сезгандек ўгирилди .
Ботир уят иш устида қўлга тушиб қолган ёш боладек дарҳол юзини бурди
У Шодияга савол берар экан, ерга қараб олганди:

- Уйингиздагилар, яъни амаким сизни қидириб келиб қолмасмиканлар ...

Шодия нима учундир Ботирни алдагиси келмади . Аслида ёлғон гапириш табиатига зид бўлганлиги шунга мажбур қилгандир:

- Уйдагилар ... Уйдагилар мен ўзбошимчани ... йўлга чиққанимниям билишмайди . Дадам ҳозир қўшни тумандаги санаторияда эдилар . Уйда ойижоним, синглим ва укам қолишган . Мен уларга уйга эртага сахарлаб етиб бораман дегандим. Ниятни қаранг . Мана фаришталарнинг оминига тушиб ўтирибман.
Ўзингизчи ? Сизни ҳам кутишаётгандир .

Ботир илжайди :
- Йўўўқ , улар мени дўстим Комилникида деб ўйлашаяпти . Мен ҳақиқатдан ҳам Комилникига боргандим . Қарасам уйида аясининг дугоналари билан ўтириши бор экан . Шаҳар жой биласиз , бунақа вақтда ... Хуллас, бирровга кирувдим деб хайр- маъзур қилақолгандим.

- Опамникига боргандим дегандингиз-ку, нега у ерда қолмадингиз ?!

- Улар ўзи бир хонали "дом"да туришади. Поччам талабалар . Институтга кеч кирганлар. Опам билан иккита ўғиллари бор. Яшаётган квартиралари ҳам ижара уй. Шунга ...

- Ҳааа , шундай денг ...

Шодия чуқур хўрсинди. Унинг хўрсинишидан Ботир ўзини айбдор ҳис қила бошлади .

- Энди нима қиламиз?!

- Билмасам , Шодия . Менимча шу ерда тонг отгунча кутамиз , шекилли ,- Ботир алланималарни ўйлади- ю, овозида ишонч сезилди:-Келинг , бундай қиламиз . Сиз бемалол машинада ухлайверасиз , мен эса ташқарида сизни қўриқлайман...

Шодия унга :

#давоми_бор

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍29🥰3
This media is not supported in your browser
VIEW IN TELEGRAM
⭐️Хайрли тун, қадрдонларим!🌟

Ниятим холисдир соғ бўлинг доим,
Истаган бахтларга етинг илохим.
Бу дунёда қоқилманг, ғам чекманг асло,
Сизга панох бўлсин ёлғиз Аллохим.

✨🌺✨Барчамизни Аллоҳим доимо Ўз паноҳида асрасин!

✨🌺✨Ширин тушлар ҳамрохингиз бўлсин!

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍7
This media is not supported in your browser
VIEW IN TELEGRAM
🌧❄️ХАЙРЛИ ТОНГ❄️🌧

❄️ Ассалому алайкум!
10-Февраль Душанба тонги муборак бўлсин
🥰

Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият тарк этмасин!

Соғ–саломат уйғотган Роббимизга ҳамдлар бўлсин 🤲


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4❤2
This media is not supported in your browser
VIEW IN TELEGRAM
СОҒЛИҒИНГИЗНИ  АСРАНГ

Маҳзунлик ўпканинг заифлашишига сабаб бўлади.

Асабийлик юрак ва ақлнинг заифлашишига сабаб бўлади.

Безовталик ошқозоннинг заифлашишига сабаб бўлади.

Ғазаб жигарнинг заифлашишига сабаб бўлади.

Қўрқув буйракнинг заифлашишига сабаб бўлади.

Барча ёмон ҳислардан қочинг! Чунки, ёмон ҳислар оқибати яхшиликка олиб келмайди.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5❤4🔥1
This media is not supported in your browser
VIEW IN TELEGRAM
Кейинга сурманг…

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi🕊
👍3❤1🔥1👏1
This media is not supported in your browser
VIEW IN TELEGRAM
ОСМОН ЯҚИН, ЕР ҚАТТИҚ

Бола эдим. Кекса аммам бўларди. Туриб-туриб, ғалати гаплар айтарди. Бир куни шундай деб қолди:
— Осмонда меҳр кўп. Ер устида орзу кўп. Ер тагида армон кўп...
— Бу нима деганингиз? — десам
— Катта бўлганингда тушунасан, — деб қўяқолди.
Ростини айтсам, катта бўлганимда бу гапларни унутиб юборган эканман. Яқинда тасодифан ёдимга тушди. Аммамнинг гапини энди англагандек бўлдим.
«Осмонда меҳр кўп» дегани Аллоҳнинг карами кенг, бандаларига меҳрибон, дегани экан. «Ер устида орзу кўп» дегани одамзод борига қаноат қилмайди, бир орзуси ушалиши билан бошқасининг кетидан югуради, дегани экан. «Ер тагида армон кўп» дегани эса бандаси вафот этганидан кейин тириклик чоғида ўзи билиб-билмай қилган гуноҳлари учун армон чекади, дегани экан...
Билмадим... Ҳарқалай мен шундай тушундим...

Ўткир Ҳошимов

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5❤3🔥1🥰1
This media is not supported in your browser
VIEW IN TELEGRAM
Otalar ba’zan bu narsalarni sezmay qoladilar…🥺

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4❤1🔥1
🌿 Ota qiziga "Falonchi sizni zikr qilmoqda" dedi, qiz tabassum qildi. Shu bilan rozilik berdilar.

Nazokat, farosatni qarang! Ota va qiz bir-birini tushunishini qarang! Bu ota Muhammad sollallohu alayhi va sallam, qiz esa Zaynab roziyallohu anho edilar!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4🥰2❤1😢1
This media is not supported in your browser
VIEW IN TELEGRAM
КЕЧИРДИМ...

Ҳаётимда ишонганларим,
Мени ёвга ўхшатганларим,
Атайлабда йиғлатганларим,
Аллоҳ учун сизни кечирдим.

Ҳўп тўкдингиз кўз ёшларимни,
Тобладингиз бардошларимни,
Сақламай ҳаргиз тошларимни,
Аллоҳ учун сизни кечирдим.

Етар ўзимни хорламайман,
Юрагимни озорламайман,
Айбингизни такрорламайман,
Аллоҳ учун сизни кечирдим.

Тан олиб яратган буюкни,
Авайлаб дил деган куюкни,
Тозалаб кўнгилдан бу юкни,
Аллоҳ учун сизни кечирдим.

Кечирганда қодири эгам,
Мен бир банда кечиролмасам,
Мард эканда демасангиз ҳам,
Аллоҳ учун сизни кечирдим.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍10
#ОЗОРИМСАН_МУҲАББАТ
-5-

- Йўғей, кўчада такиллаб қоласиз , - деди ва бироз ўйланиб сўзида давом этди,- мен яхшиси орқа ўриндиққа ўтаман , сиз мени жойимга ўтинг. Ҳайдовчи ўриндиғида дам олиш учун рул ҳалақит беради .

Ботир Шодияга эътироз билдирмади. Шодия машинадан тушиб , орқа ўриндиққа ўтиргач ,у аста машинани нишабликка итариб юборди. Машина қияликдан секин ҳаракатланиб, кўча четидаги боғларнинг бир четига бориб тўхтади. Бу ердан машина катта йўлга кўринмас эди . Аммо бу ерда ҳам симёғоч бор бўлиб , унинг лампасидан тушаётган нур машинани базўр ёритиб турарди. Шодия Ботирнинг мақсадини тушунди. Ботир бегона йўловчиларнинг эътиборини тортишни истамас эди .
Ботир машина билан олдинма- кетин юриб келиб, у тўҳтаганидан кейин багажни очди . Багаждан каттагина сумка ва яна бир ихчам халтача чиқарди .
Шодия Ботирнинг ҳаракатларини юраги така - пука бўлиб кузатар экан, кўнглида "Ё, Аллоҳ, ўзинг асра, ё Аллоҳ ўзимни ўзингга омонат топширдим " деб қайтарар эди . Ботир ташқарида катта сумкани очди. Сумкадан аллақандай бир буюмни чиқарди. Буюмни ушлаганча Шодия ўтирган орқа ўриндиқ тарафдаги машина эшигини очди . Бу вақт ичида Шодиянинг бўлари бўлган , хаёлидан "нега эшикни ичкаридан қулфлаб олмадим" дея ўзидан ўзи хафа бўлишга ҳам улгурган эди.

Ботир :

- Шодия , мана бу ёпинчиқни устингизга ёпиб олинг,- деганида Шодия даставвал ҳеч нарсага тушунмади. Ботир момиқ пардан қилинган ёпинчиқни унга узатганда эса ўз хаёлларидан уялди.
Шодия обдон совуқ қотган эди . Ёпинчиқга ҳеч мулозаматсиз ўраниб олди. Бағрига иссиқ ўтгачгина , раҳмат айтиш эсига келди :

- Раҳмат , Ботир ака ...

Ботир ўз исмини Шодиянинг оғзидан иккинчи бор эшитганида яна юраги орзиқди.

- Арзийсиз, Шодия - деди эшитилар, эшитилмас .

Аммо Шодия бу сўзларни эшитди . Негадир кулгиси келди .
"Албатта арзийман-да , қоп-қоронғи , даҳшатли жойда ёнигизда ўтирганимдан кейин" деган ўй хаёлидан кечди-ю, аммо бу сўзлар лабларидан ҳатлаб чиқмади. Унинг ўрнига :

- Машинангизда ёпинчиқ борлигига қойилман , - деди қандайдир изоҳ кутгандек .

- Ҳа , сизга айтим-ку , даламизда балиқ овладик деб , кеча кечаси билан ўша ерда бўлдик.

- Ҳар куни кечаси бир саргузашт тайёр экан-да .

- Ҳа , айтманг. Ҳар куни эмас- ку, аммо икки кундан бери аниқ шундай...
👍22
#ОЗОРИМСАН_МУҲАББАТ
-6-

Шодия Ботирга киши билмас назар ташлади. Ботир баланд бўйли , қош - кўзлари қоп-қора , ўзи буғдойрангдан келган йигит эди . Уни билмаган инсон жаҳлдор деб ўйлаши аниқ эди . Дағал сочлари , мушакдор елкалари ва туртиб чиққан ёноқлари кишида унга нисбатан ҳайиқиш хиссини уйғотиши аниқ эди. Аммо бир гаплашган одам барча таассуротлари алдамчи эканлигига амин бўлар , Ботирнинг жуда ҳам кўнгли очиқ ва самимий инсонлигига албатта тан берарди.
Ботир Шодия мактабда ўқиб юрган вақтларида унга ортиқча аҳамият ҳам бермаган эди . Ахир Ботир мактабни олди йигити бўлиб битирган маҳалда Шодия еттинчи синфни тугатган қизалоқ эди . Ботир мактабни тугатиши билан қишлоқда кўринмай қолганди , сабаби у биринчи йилданоқ институтга кириб, шаҳарда қолиб кетган эди . Қолаверса, Ботирнинг уйи қишлоқнинг у бошида , Шодияларники эса қишлоқнинг бу бошида бўлганлигидан , қишлоқнинг анча катталиги хамда ёшлапнинг кўзи - кўзига тушмаганлигидан бирларининг иккинчиси билан иши бўлмаганлиги табиий ҳол эди, албатта.
Шодия тенгқур қизлардан оғир- вазминлиги билан ажралиб турарди . У чиройли бўлишига қарамай , ҳеч қачон бунга урғу бермаган эди. Гарчанд унинг изидан қидириб келувчи харидор йигитлар кўп бўлса-да , ҳеч бири Шодиядан бир оғиз гап ололмай ҳуноб бўлишар , камига Шодиянинг отаси Аҳрор аканинг жаҳлининг тезлигидан юрак ютиб ортиқча ҳаракат ҳам қилолмас эдилар ...
Ботир олд ўриндиққа ўтирганча паст томонга энгашиб куймаланарди . Бир вақт салонни овқат иси тутиб кетди.
Шодия шундагина қорни ниҳоятда очқаб кетганлигини ҳис этди.
Ботир унга ўгирилди:

- Бу сизга.

Шодия Ботир узатган идишга беихтиёр қўлини чўзди. Идишни олар экан:

- Нима бу? ! - деб сўради.

- Опам бериб юборгандилар , олинг қорнингиз ҳам очиб кетгандир.

- Вой, бу овқатни опангиз ота- онангизга бериб юборган бўлсалар керак. Сиз бўлса менга ...

- Олаверинг , беҳижолат , ҳали кўп ... Иссиқ чойга қарздорман. Томоғингизни хўллашга шарбат таклиф қилсам бўладими ?

- Раҳмат , каттакон. Бўлганда қандоқ...

Шодия бир марталик идишга солинган овқатни кўз олдига яқинлаштириб қаради. Дона-дона қилиб пиширилган кичик кулчачалар . Шодия биттасини олиб тишлади .

- Вооой ...

Ботир Шодиянинг товушидан яна ортга ўгирилишга мажбур бўлди:
👍18❤2
#ОЗОРИМСАН_МУҲАББАТ
-7-

- Нима бўлди ?!

Шодия ўз қилиғидан уялиб кетди:

-Узр , мен буни бунақа маззали нарса деб ўйламабман. Биз дугоналаримиз билан ишхонамизда шунақа мазали нарса ейсак, пиширган инсонни руҳлантириш учун шунақа вой- войлардик . Узр , яна бир бор, ўрганиш бўлиб қолибди .

Ботир кулимсиради :

- Одатларингиз зўр экан. Яхшиям хаёлим жойида эди. Бўлмасам ...Биласизми , нима деб ўйлабман , машина салонига илон - пилон кириб қолибдими дебман- а ? !

- А , илон дедингизми ? Мен илондан жуда қўрқаман , бу ерда илон борми ?!

- Илонмас , илонлар бор. Ким айтади сизни қишлоқни қизи деб ?! Дала жойда, яна сувга яқин ерларда илонлар кўп бўлади . Хов анави дўппайиб турган қора уюмни кўряпсизми ? У шох ва шаббалар. Орасида камида ўнта илон бўлмаса одаммасман.

- Хафа бўлманг- у , ўзи шундоғам одаммасакансиз. Мен илондан қўрқаман десам, сиззи гапираётган гапингизни қаранг ...

- Э хавотир олманг . Ман шу ердаман- ку . Илон тугул , аждар ҳам сизга яқинлашолмайди .
Ха айтганча , ишхонам дедингизми ?! Сизни талаба деб ўйлагандим ...

- Талабаман , рост. Дарс кейин дугоналарим билан цехда ишлаймиз . Бир опанинг хонадонларида.

- Сир бўлмаса қаерда ўқийсиз ?! Билсангиз мен ҳам уйда кам бўламан . Тўғриси сизниям зўрға танидим . Мактаб вақтида унча эътибор бермаган эканман-да . Ўзи бизлардан уч ёш кичикмидингиз ?

- Тўрт ёш . Мен дизайнерликка ўқийман . Цехимиз ҳам бичиш - тикишга ихтисослашган. Ўзингиз ҳали институтни битирмаганмисиз ?!

- Магистратурани охирги босқичидаман . Ҳам ўқиб, ҳам ишлаяпман сизга ўхшаб . Қаранг бир қишлоқда туриб бир биримизни танимасак. Мен боя сизни таваккал чақириб кўрувдим, сизмисиз , сиз эмасмисиз деб ўн минутча ўйландим. Кейин яна ўн минут исмингизни эслашга кетди ....

Ботирнинг сўзларидан Шодия беихтиёр кулиб юборди . У энди Ботирга ишона бошлаган, аввалги шубҳалари тумандай тарқала бошлаганди .

- Сизнинг соҳангиз нима , сир бўлмаса ?!- сўради Шодия овқатли идишни Ботирга узата туриб

- Охиригача емабсиз- ку,( Шодия "раҳмат , тўйдим " дегач сўзини давом эттирди : - Қишлоқ хўжалиги институтида ўқийман . Номидан билиниб турибдики, соҳам қишлоқ хўжалигига тегишли. Назарияни амалиётда мустахкамлаш учун ўзимизни қишлоқдан беш гектар ер олдим. Аслида адамлар ҳам фермерлар биласиз . Ўн беш гектарлик катта боғимиз бор. Мен эса ўзим олган ерга интенсив боғ ташкил қилмоқчиман . У ерга...
Ботир узоқ сўзлади. У гапира туриб Шодия уни сўзларини махқулламаётганини сезиб қолди. Секин ортга ўгирилди. Шодия ухлаб қолган эди... Ботир унга бир зум тикилди-ю, худди биров кузатиб тургандек дарров кўзини четга олди . Аммо тасаввурида Шодиянинг ўзи сал аввал назар ташлаган сурати муҳрланиб қолди. Шодия уйқусида ҳам бениҳоя гўзал эди .
Ботирнинг эса уйқуси буткул ўчиб кетганди . Шодия унга биринчи жавобсиз муҳаббати Ҳулкарни эслатиб юборганди . Ҳулкар Ботир билан тўрт йил бирга ўқиган курсдош қиз бўлиб , Тошкентга ўқиш учун Хоразмдан келган эди ...
Ботирни ўтмиш хотиралари ўз гирдобига тортиб кета бошлади ...

#давоми_бор

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍28❤1
RO'ZA AHKOMLARI.pdf
857.9 KB
Ro'za ahkomlari

Rahmat demoqchi bo'lsangiz
"🔥" reaksiyasini bosib ketishingiz mumkin!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
🔥16👍4❤1