🧕 Muslimalar kundaligi
1.6K subscribers
3.68K photos
3.57K videos
4 files
6.89K links
Download Telegram
#КЎНГИЛ_ИФОРИ

Мастура опа бўшашди :

- Ҳеч бўлмаса бозорлар- чи ? Қайсидир бозорлар ишласа керак?!

Мирсаид аканинг тоқати- тоқ бўлди :

- Хўп , ҳозир йўлга тушаман ! " Мирсаид қачон шафтоли қидириб келаркан ?!" деб йўлимга кўз тикиб ўтирган бозорчини албатта қидириб топганим бўлсин ?!

- Майли , дадаси . Бутун бошли Тошкентда икки дона шафтоли топилмаса нимаям дердим ?

Мастура опанинг хомуш чеҳрасига қараб Мирсаид ака чидаб туролмади :

- Менга қара , нега ўзинг учун лоақал бирон марта бир нарса сўрамагансан?! Эринг бўлиб "Фалон нарса егим келди" деган гапингни эшитмаганман. Келин яримта нарса сўраганда эса индамасам оламни бошингга йиғиб уввос солиш пайидансан ?

Мастура опа маҳзунгина жилмайди :

- Дадаси ? Нима учун сиздан бирор нарса сўрамаганман ?! Сабабини айтайми ? Чунки мени кўнглим нимани тусаса бу ҳали нима эканлигини англаб улгурмасимдан сиз кўчадан қучоғингизни ўша нарсага тўлдириб кириб келардингиз. Мен рости жуда ҳайрон қолардим. Бу қандай бўлиши мумкин деб ?! Қизиқ- да ўзиям. Олма егим келса олма , нок егим келса нок , тўй оши егим келса тўй оши ўзидан-ўзи ҳозир- у нозир бўларди. Сиз эса шу нарсаларни бирам егим келди- ки, асти чидай олмадим. Бутун фикри хаёлим шу егуликларда бўлди-я ? Аммо сенсиз бир тишлам ҳам тишлагим йўқ дердингиз.

Кейинчалик ўйлаб бир тўхтамга келдим . Фикри ожизимча , буларни барини Аллоҳ кўнглингизга солиб қўйган. Ахир Аллоҳга осон.

Аёлининг сўзларидан Мирсаид ака ҳам ҳовуридан тушди:

- Унда Сулаймонинг келин учун нега ҳаракат қилмайди ? Ёки ҳис келиннинг кўнгли тусаганини ҳис қилмаяптими ?!

- У ҳам сиздек бўлгунча ҳис қиладиган бўлиб қолар , дадаси . Қолаверса улар билан бизнинг фарқимиз жудаям катта. Болаларимиз айтарли қийинчилик кўрмай ўсишди. Аввало шунисига шукр. Сиз билан мен эса бу даражага етишгунча хазилакам кунларни кўрганимиз йўқ... Ҳа майли ...

- Бўпти, тонг ҳам ёришди. Бориб шафтоли қидириб келай. Ёшлигимда бир эртак бўларди. Ўшанда бир етим қиз қишнинг қаҳратон чилласида ўгай онаси томонидан ялпиз териб келишга жўнатиларди. Бу дейман эртаклар ҳам ҳаётдан олинар экан- да ?!

- Дадаси-ей ?! Норози бўлмай "Алҳамдулиллаҳ" десангиз- чи ?

- Йўғей , ҳечам норозимасман . Шу кунларни кўрганимизга , кўрсатганига шукр ... Алҳамдулиллаҳ онаси , алҳамдулиллаҳ...

Мастура опа эри билан шафтоли қидириб бирга бора олмади. Уйларидаги суюкли меҳмон Акромжонни ташлаб кетишга кўзи қиймади. Акромжоннинг эртага Россияга қайтиб кетиши маълум бўлгач , Мастура опа унинг дийдорига янада кўпроқ тўйиб олишни ният қилган эди.

Мирсаид аканинг шу чиқиб кетганича уч соат деганда ҳам дараги бўлмади. Мастура опа энди ҳуноб бўла бошлаганда ундан қўнғироқ бўлиб қолди. Одатда Мастура опа эри рулдалигида сира қўнғироқ қилмас, йўлда уни чалғитиб қўймай деб қанчалик хавотир олмасин ўзини босишга ҳаракат қилар эди. Аёлининг бу одатини яхши билган Мирсаид ака лозим кўрганда илож топди дегунча ўзи қўнғироқ қилишга интиларди

- Ассалому алайкум, дадаси , -Мастура опа салом берди-ю, эрининг азмойишини кутиб орага бошқа сўз қўшмай жим бўлди. Ўзи суҳбатдош учун "Ассалом"дан ҳам чиройли кириш сўзи бўлмаса керак. Мирсаид ака аёлининг бир кунда ўн қайталаб салом бериш одатига кўниккан эди. Мастура опага эса эрининг кўздан сал нари бўлиши "Ассалому алайкум, дадаси" сига баҳона .
Мирсаид ака ҳам ҳузурланиб алик олишдан эринмайди. Бироқ бу сафар у алик олишни унутгандай:

- Мастир , шафтолини қанақасини олишни айтмабсан- ку , тукли шафтоли керакмиди ёки туксиз луччакданми ?

Мастура опа билди- ки , эри шафтолини топибди . Топганда ҳам танлаш имкони билан топибди.

- Билмасам дадасиии, бу ҳақда сўрамаган эканман, - деди қувонганидан бўшашиб Мастура опа ,- битта унақасидан , битта бунақасидан олиб келақолинг ...

- Майли , хўп ,- гапни қисқа қилди Мирсаид ака аёлига , сўнгра унинг ёнидаги сотувчига гапирган гапи эшитилди ,- менга ҳар хилидан чиройли қилиб териб берасиз ...

/60
👍14
#КЎНГИЛ_ИФОРИ

Мирсаид ака кун чошгоҳдан ошганида уйга кириб келди. Гарчи унинг кўринишидан чарчагани билиниб турса-да кайфияти жуда кўтаринки эди.

Мирсаид ака дарвозахонага машинасини олиб кирди ва ўтирган жойида машинадан тушмай қўлидаги пакетни ўзини кутиб олган аёлига узатди.

- Мастир , анқонинг уруғиям бунчалик камёбмасдир? Дўконма - дўкон юриб ўпкам тешилиб кетаёзди. Бутун Тошкентни айландим десам лоф бўлмас . Макросиям қолмади , Корзинкасиям . Қаерга кирсам битта жавоб, тўғрироғи савол : "Кеча қаерда эдингиз ?"
Бозорларни айтмайсанми ? Чиқмаган жондан умид деб унисидан бунисига боравердим, боравердим. Ахири Олой бозоридаги битта амаки мушкулимни осон қилди. У мени дардимни эшитди-ю, "Ҳақиқатда топиб бермасак бўлмас экан" деб , айлантириб - айлантириб битта "Камера хранения"дан олиб берди. Ишонсанг топганимда кўзимларимдан ўт чақнаб кетди. Ҳурсандчилигимдан- да ,- у шундай деб пакетга ишора қилди ,- бу ерда ўн дона. Ҳар хилидан танлаб олдим. Иккитасими, тўрттасиними ўзингга олиб қол. Маниям хотиним январда бир шафтоли есин. Кейинчалик мақтаниб юрай мен ҳам . Қолганини келинингга бер . Етар ?!

Мастура опа жилмайди :

- Дадаси , сизни "Менга шафтоли олиб бердилар" деб емасам ҳам мақтанавераман. Буни ўзи кўрганданоқ егандек бўлдим,- у шундай деб машинадан тушган эрига қўлидаги шафтолиларни яна қайта тутқазди ,- буларни яхшиси келинингизга ўзингиз беринг.

Мастура опа шундай дея туриб эри бу таклифга эътироз билдиришини тахмин қилганча дарров ҳужумга шошилди :

- Шундай қилинг , дадаси . Келинлар ҳам қайноталар ўзларни отадан кам яхши кўрмаслигини билиб қўйишлари керак.

Мирсаид ака Мастура опанинг охирги гапидан кейин унга қаршилик қилмади.
У келинининг хонасига яқинлашиб овоз берди :

- Келин , ҳой келин ?!

Ҳилола ҳаялламай остонада кўринди :

- Лаббай додажон. Ассалому алайкум.

Мирсаид ака қўлидаги пакетни келинига намойишкорона узатди :

- Қанақасини егингиз келганини билмаганим учун ҳар хилидан олақолдим.

Ҳилола қайнотаси тутган пакетни олди- ю , уялиб кетди .

Аранг :

- Раҳмат, додажон,- дея олди халос .

Мирсаид ака ўз хоналарига намойишкорона қадам босиб кирар экан, изма -из келган аёлига бир мақтангиси келди :

- Мастииир ... Мана шу ҳозирги "Раҳмат, додажон"нинг нархи-чи бир миллион сўм бўлди.

Мастура опа эрининг устидаги курткасини ечишга ёрдамлашар экан унга жавобан:

- Умрингиз узоқ бўлсин , дадаси ... Эркак кишининг хонадони учун қилган ҳаражатининг савоби жудаям улуғ бўлиши шаксиз. Илоҳим кармонингиз пулга, савоб ҳамёнингиз эзгу амалларга тўлиқ бўлаверсин...- деди у мамнунлик билан

Тушликдан кейин Ҳилола ўз ота- онасини кўриб келишга қайнота- қайнонасидан ижозат сўради.
Эрталабги хариди туфайли эшитган миннатдорчилиги таъсирида ҳали ҳам еттинчи осмонда юрган Мирсаид ака ўзи руҳсат бергач ўғли билан бошлашиб чиқиб кетаётган келинини тўхтатди :

- Келин , қудамгиларга мени номимдан алоҳида салом дейиш ёдингиздан чиқмасин ,- у Ҳилоланинг "Хўп, бўлади , додажон" деганини эшитганда яна бир бор бошини "руҳсат" деган маънода силкитар экан, келини икки қадам юрар - юрмас муҳим нимадир ёдига тушиб қолгандек уни қайта тўхтатди ,- ҳа айтганча келин анави ...

#давоми_бор /61

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍29
This media is not supported in your browser
VIEW IN TELEGRAM
🌙 ХАЙРЛИ ТУН🌟🌟🌟🌟🌟

Умр - оқар дарё...
Мана бугунги кун хам ўз поёнига етмокда.💖

Азизлар, яхши амаллар қилишга шошилинг! Биз билан ва биздан кейин факат яхши амалларимиз қолади!💖

🌙Хайрли тун, қадрдонлари
м!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍1
This media is not supported in your browser
VIEW IN TELEGRAM
☀️ Aссалому алайкум. Якшанба тонги муборак бўлсин.

✨Асл саодат нафас олиб турган ҳар онимизга шукр қила олишдир...
✨Шукр ва зикрга бой кун бўлсин!

Дам олиш кунингиз мазмунли ўтсин!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
#диққат

💥 Бугун 17-декабр Халқаро ака-укалар, жигарлар куни

Ким гапирса гапирсин
Дегин мени АКАМ БОР
Армоним йўқ дунёда
Мени сендай УКАМ БОР

Жигарлар оқибатни йўқотмайлик!

Жигарларга юборамиз

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
🧕 Muslimalar kundaligi
#КЎНГИЛ_ИФОРИ Мирсаид ака кун чошгоҳдан ошганида уйга кириб келди. Гарчи унинг кўринишидан чарчагани билиниб турса-да кайфияти жуда кўтаринки эди. Мирсаид ака дарвозахонага машинасини олиб кирди ва ўтирган жойида машинадан тушмай қўлидаги пакетни…
👆👆👆👆 аввалги қисмлар

#КЎНГИЛ_ИФОРИ

21- ҚИСМ

шафтолидан сумкангизга солиб олинг. Кўнглингиз тусаганда ейсиз.

Ҳилола қайнотасининг таъкидидан уялиб кетди. Аммо унинг ҳурмати юзасидан ростига кўчди:

- Иккитасини сумкамга солиб олгандим, додажон.

- Ҳаа ундоқ бўлса яхши,- деди Мирсаид ака талтайганнамо ,- бўпти энди борақолинглар.

Эрининг ўзини тутишидан Мастура опа бироз ажабланди . Бир кўнгли "Дадаси , ҳа деса олиб берган шафтолингизни пеш қилаверманг , бу миннатга кириб қолмасин яна" демоқчи бўлди-ю , аммо эрининг кайфиятини бузгиси келмади. "Бу ҳақда мавриди келганда бошқача мисол билан секин тушунтирарман,- деб ўйлади Мастура опа , - қолаверса бугунги қилган ишлари ҳақиқатдан ҳам ҳар қанча керилишга арзийди- да".

Фикрларини хаёлан мушоҳада торозисига солиб олган Мастура опа эрига қайноқ чой қўйиб узатар экан :

- Дадаси , бировнинг кўнглини олиш барибир бошқача а ? - деди ,- ўзгани бахтли қилган инсон ундан ҳам кўра ўзини кўпроқ бахтли ҳис қилади . Қаранг , келинингизга кўнгли тусаганини тутганингиздан буён димоғингиз қанчалик чоғ. Ҳали-чи , набирангиз туғилиб қўлингизга олсангиз кўрасиз бахтнинг ширин таъми қандай тенгсиз бўлишини .

- Болаларингни ўқиши бошлангандан кейин Сулаймонга чиройли қилиб тайинлагин, - деди Мирсаид ака чойдан хўплар экан,- келинга яхшилаб қарасин. Кўча - куйда кўнгли нимани тусаса олиб берсин. Айтишади- ку , "Еган егандек бўлади " деб. Менга соғлом набира керак.

- Хўп бўлади , дадаси . Сиз нима десангиз шу- да . Илойим умрингиздан барака топинг.

- Мастиир ... Акромжон нариги хонада ухлаб қолган экан. Ўзиям эрталабгача телевизор кўриб чиқди,- Мирсаид ака шундай деб аёлига маслаҳатомуз боқди ,- уйғонса бир коса суюқ овқат тутсанг яхши бўларди- да. Шунга ҳаракат қиласанми деётган жойим эди.

- Дадаси , Ҳилолангиз аллазамон товуқ шўрва солиб қўйган. У "Кечадан буён уйдагиларга кучли овқат тутавериб ошқозонларини зўриқтириб юбордик. Айниқса додажон бунақа вазиятда тез толиқиб қоладилар . Шунга озроқ суюқ овқат ичиб танлари бир яйрасин" деганди.

- Мастииир ... - деди илжайиб Мирсаид ака,- бу дейман келининг ҳам худди ўзинг бўла бошлабди а ? Қойил - ей ?!
Аёл кишининг аёллиги нимада биласанми ?! Билмасанг билиб ол . Аёл кишининг аёллиги фаҳми - фаросатида ! Аммо Сулаймоннинг бахти бор экан. Пешонасига яхши қиз учради. Мен ҳов ўша бошида ўғлинг "Ўзим билан бирга ўқийдиган қизни ёқтираман , уйлансам ҳам , уйланмасам ҳам фақат шунга уйланаман" деганда шу келинингни жуда ёмон қиз деб тасаввур қилгандим. Назаримда у кўча- кўйда ҳар йигитга қошини қоқиб , кўзини сузадиган енгилтабиат қиз бўлиб гавдаланганди.

Аммо минг шукр- ки , бахтимизга келиндан тоълеимиз ёруғ чиқди.

- Илоҳим икковлари қўшгани билан қўша қаришсин. Биз эса роҳатларини кўрайлик, дадаси.

- Амин , онаси , амин ,- Мирсаид ака аёлининг дуосига қўшила туриб ҳовлида қораси кўриниб қолган Акромжонга кўзи тушиб қолди ва гап ўзанини бошқа тарафга бурди ,- кенжатойинг уйғонди, онаси . Товуқ шўрвадан хабар олавер энди. Танимиз яйраб бир шўрва ичайлик.

Мастура опа "Хўп бўлади- да , дадаси" деганча мамнун қиёфада чаққонлик билан ўрнидан қўзғалди...

- Бай, бай - деди хўриллатганча шўрвани симирар экан Мирсаид ака, - энди еган овқатим ичимга тушгандек бўлди.

- Ая , - деб Мирсаид акага қўшилди Акромжон, - ростини айтсам сизлардан энди кўнглим мутлақо ҳотиржам бўлди . Келинойим яхшигина пазанда эканлар. Бунақа қўли ширин келиннинг табиати ҳам шунга яраша гўзал бўлиши керак.

/62
👍20🥰1
#КЎНГИЛ_ИФОРИ

Ўзи "Келин билан қайнонанинг тупроғи бир жойдан олинади" дейишади- ку. Шу гапнинг ростлигини исботини кўриб турибман.

Мастура опа Акромжоннинг сўзларига табассум билан жавоб қайтарди:

- Болам , - деди у ҳавасмандлик билан ,- энди сени навбатинг . Хўп десанг , мен секин - аста сенга ҳам келин қидиришга тушаман. Ёзги келишингда гижбадаванг тўйингни ўтказардик- да , бу ерда бир - икки хафта туриб кейин янги келин билан бирга сизларни Россияга кузатиб қўярдик. Агар Аллоҳ бераридан қисмай ўқишинг битгунча келин ҳомиладор бўлса , уни юртга қайтариб олиб келиб ўзимиз кўз- қулоқ бўлиб турардик. Шунга нима дейсан ?! Балки кўз остингга олган бирорта ёқтирган қизинг бордир?!

- Йўғ- ей , ая . Ҳали ҳеч кимни кўз остимга олганим йўқ . Ўқишимдаги қизларнинг барчаси рус ва бошқа миллат қизлари . Қолаверса уларнинг ҳеч қайсиси мени танлашмайдиям . Менга эса шу ўзимизнинг қизлар маъқул. Лекин ҳозир битирадиган бир - иккита лойиҳаларим бор. Шулар битсин , кейин уйланаман. Ўшанда сиз қайси қизни муносиб кўрсангиз ўшанга уйланаман, ая. Мана акамга ҳам зўр танлов қилгансизлар- ку.

- Аканг Ҳилола келинойингни ўзи топган. Бу бизнимас унинг танлови . Мен ва отанг фақат оқ фотиҳа берганмиз халос , - деди Мастура опа Акромжонга изоҳ берган бўлиб.

- Энг муҳими ҳам шу-да, ая . "Ёмғир билан ер кўкарар , дуо билан эл кўкарар" деганларидек , буларнинг барчаси сизларнинг дуоларингиз шарофати.

- Ўғлим , - дея вазмин оҳангда суҳбатга қўшилди Мирсаид ака, - биласан, ўқишга кетишингдан аввал қўлимга тутқазиб кетган пулларингга битта дўкон юргазиб қўйганман. Ҳозир уни айланмаси яхшигина мақтовга сазовор бўлиб қолган. Хўп десанг , шу пулларингни бир қисмини олиб уйингни таъмирлатсам . Мен ҳам кейинги вақтларда барча ишларни шогирдларга топшириб анча бекорчи бўлиб қолганман. Шунга бироз чалғирмидим деяпман-да. Тағин "Отам пулларимга кўз олайтириб қолибдилар" деган нотўғри хаёлларга бормагин. Яна масаланинг иккинчи томони ўз пулларимдан таъмирга ишлатсам ғуруринг дарровда ўқ ейишини ҳам биламан.

- Ота ... - дея ютинди Акромжон,- очиғи бу таклифингиздан бошим осмонга етди. Аввало мени ўйлаганингиз учун катта раҳмат . Бироқ мен... у ҳовлини шундай сақлашни ният қилгандим. У ҳовлининг ҳар бурчагидан раҳматлик онамнинг ифорлари келиб туради. Таъмир туфайли бу ифордан ажралиб қолишни истамайман...

Акромжон шундай деб лаблари титраганча ерга қаради.

Зум ўтмай Мирсаид аканинг ҳам товуши ғиппа бўғилди:
- Мен нодонни кечир , болам. Қариб миям суюлиб қоляпти шекилли . Кейинги вақтларда кўп нарсаларни шунақа бош- кетини ўйламасдан ...

- Ота , одам ўз боласидан ҳам узр сўрайдими ?! - Акромжон шундай деб бирдан юзи ёришди ,- бундай қилсак-чи , ота ? Ўша онам ўтган ҳовлининг бир девор ёнидаги қўшнимиз ўз хонадонини сотаётган экан. У хонадон ҳам худди бизникига ўхшаб пастаккина . Ўша жойни нархлаб олсак , янги уй қуришимиз мумкин. Орада сиз ҳам ўзингиз айтгандек машғул бўлардингиз. Агар дўкондан келадиган фойда етмаса , мен Россиядан пул жўнатаман. У ерда ҳам анча - мунча йиғиб қўйган жамғармам бор.

- Эээ, бўлди . Гап йўқ . Мана бу ўғил бола гап бўлди ,- Мирсаид аканинг зумда кайфияти кўтарилди,- ўша хонадонни эртагаёқ бориб нархлаб олганим бўлсин. Эрталаб сени аэропортга кузатиб қўяман- у , сўнг тўғри махаллангга ўтаман.

- Ота , фақат битта шарт билан . Ўзингизни уринтириб қўймайсиз .

-Хўп , болам , хўп.

#Орадан_икки_ой_ўтди

Шанба куни ўқишдан қайтган Ҳилола хонасига кирди-ю , шу бўйи қайтиб чиқмади.
Сулаймон синфдошлари билан эрта сахардан Чимёнга дам олишга чиқиб кетган эди.

Ҳа деса келинидан хабар бўлавермагач , Мастура опани хавотир босди:

- Ҳилола , ҳов Ҳилола ,- дея унинг эшигини тақиллатди ахири Мастура опа юраги алланечук гурсиллаб урганча ,- болам , туззукмисиз ?
Ичкаридан Ҳилоланинг ожизгина инграгани эшитилди :

- Ойижооон ...

#давоми_бор /63

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍24❤2👎2
🕌 Араб хурмоси билан инсультни даволаймиз!

🔸Рамазон ойида араб хурмоси билан оғизни очиш одат бўлиб қолган. Араб хурмосини доимий равишда кунига 3-4 та ейиш танангизни ёшартиради.

🔹Бу мева овқат ҳазм қилишни яхшилайди, юракда қон айланишини меъёрга келтиради. Холестеринни камайтиради.

🔸Оқ шакар ўрнини босади, озишда ёрдам беради. У темирга бой. Хурмо инсульт хавфини 40 фоизга камайтиради.

🔹Бу мева ич қотишида дори бўлади. Бунда тунги уйқу олдидан бир пиёла қайнаган сув билан 2-3 та мева ейилади. У юқори қон босимини туширади.

✍ Шифокор Лайло Бахтиёрова

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍3
Media is too big
VIEW IN TELEGRAM
😍 Toʻgʻri make-up qoidasi

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍1
АЁЛИМ ЯХШИ

Болаларим ҳақида ширин.
Сураётган хаёлим яхши
Кўчадаги шишган лаблардан.
Уйимдаги аёлим яхши.

Мехри сохта мехрибончалар.
Мехр берманг менга қанчалар.
Севаманда уни шунчалар.
Уйимдаги аёлим яхши.

Ярашади бошида рўмол.
Иш буюрсам олмайди малол.
Нақт мен орзу қилган пок аёл
Уйимдаги аёлим яхши.

Ширин таом пишириб қўйар.
Қадрларим ошириб қўйар.
Дадаси деб чин дилдан суяр.
Уйимдаги аёлим яхши.

Роббим асра зиноли кўздан.
Иймон кетиб айрилмай ўздан.
Мингта пари минг сулув қиздан.
Уйимдаги аёлим яхши.

Ўзга қўлин тутган эй эркак.
Ожизани қилмагин эрмак.
Мард бул буни тан олиш керак.
Уйингдаги аёлинг яхши

✍МОХИНУР СОДИҚ ҚИЗИ

✅ ✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍4🥰3❤1
This media is not supported in your browser
VIEW IN TELEGRAM
💥БУГУН 18➖ДЕКАБРЬ.
ХАФТАНИНГ ДУШАНБА КУНИНГИЗ МУБОРАК ОЛИСДАГИ ЯҚИНИМ!!! 🕊❄️

Омонликда дийдорни насибимизга ёзганига шукр!

Умримизнинг яна бир  куни
муборак ва хайрли бўлсин!

Аллоҳим ҳар бир
қилаётган хайрли
ишингиздан босган
ҳар бир қадамингиздан
рози бўлсин!!!

Жисмингизга соғлик
қалбингизга хотиржамлик
тилайман🌸🕊

Ҳалол топганингиз фақат хурсандчилик,
яхшиликка  буюрсин.

Ибодатларингиз ажру
савобларга тўла бўлсин!!!

Кунингиз барокатли ўтсин!!!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍3
#тонгги_кайфият 🤗

Эҳ аёллар...

Бир кун зукко аёлига эр
Кўнгил ёриб қилди шикоят:
-Қуръон ёдлай дейман- у, бироқ
Зеҳн қурғур суст эрур ғоят

Аёл айтар , бамисли қасам,
Ичган каби унинг сўзлари
Ҳар нафаси юракка малҳам
Ёришарди эркак юзлари.

- Гар Қуръонни ололсангиз ёд,
Хаммадан кўп сизни суяман
Кўнглингизни қилмоқ учун шод,
Бегим, такрор уйлаб қўяман.

Кундошликка рози аёли
Эркакга бу бўлди баҳона
Ўзга ёрга интиқ хаёли,
Мусҳафни ёд айлади ёна ...

Узоқ эмас, кам эмас фурсат,
Олти ойда ёдланди калом
Сўнгра вақтни билиб ғанимат,
Аёлига йўллади салом.

- Хотин , эсла бергансан ваъда ,
Айтган шартинг бажардим мен ҳам
Аёл айтар:
- Мен ожиз банда,
Гоҳ билмасдан ичаман қасам...

Қуръон ёдлар шарофатига,
Аёл жуфтин янада суйди.
Ваъдасининг каффоратига ,
Ўн мискинни тўйдириб қўйди...

Ана шунақа гаплар 🙈🤗

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍16👏2
УЧ ХИКОЯ
Фахриддин Шамсематов
❤️ Maza qilib tinglaysiz

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍2
Uygʻoqla bormiii❤️
👍4🥰1
👆👆👆👆 аввалги қисмлар

#КЎНГИЛ_ИФОРИ

22- ҚИСМ

Мастура опа жонҳолатда ичкарига қандай югуриб кирганини ўзи биламай қолди.

Кирса Ҳилола ранги докадек оқариб кетганча ёстиқдан бошини кўтара олмай бемажол ётар эди:

- Қизим , нима бўлди ? Тобингиз қочдими ? Қаерингиз оғрияпти ?! - шошилганча пайдар- пай савол ёғдирди Мастура опа

- Билмасам , киндигимни атрофи биров бураб чимчилагандек қаттиқ оғрияпти,- ожизгина жавоб қайтарди Ҳилола,- оғриқ тўсатдан бошланди.

- Энди нима қиламиз ? Аксига олиб на додангиз , на Сулаймон уйда йўқ ? - Мастура опа шундай дея келинига мунғайиб тикилди - менга қаранг , оғриғингиз қуруқ оғриқми ? Мабодо қон- пон кетмаяптими ?

Ҳилоланинг кўзларида ёш ғилтиллади :

- Кетяпти , ойижон ...

Мастура опа чуқур ух тортди :

- Бугун шанба ўзимизни поликлиникада ҳам иш вақти тугаб бўлди . Бўлмаса тиббиёт картангизни олиб касалхонага йўлланма олармидик ?- бирдан Мастура опанинг ёдига опасининг доя келини тушиб қолди, - ҳа-я , айтганча Саодатхонга қўнғироқ қилай-чи ?

Мастура опа вазиятни тушунтириши билан Саодатхон гапни қисқа қилди :

- Холажон, кийиниб тайёр бўлиб туринглар, ҳозир тез ёрдам машинаси боради.

Қайнона- келинни Саодатхоннинг ўзи кутиб олди. У Ҳилолани тезда УТТ хонасига етаклади :

- Келинингизнинг ҳомиласи аллақачон тушиб бўлган,- деди текширивчи шифокор уни аппаратда кўздан кечирар экан, - мана боладон топ- тоза . У ерда ҳомиладан ҳеч қандай из ҳам қолмапти.

Мастура опа "Вой шўрим" дея шивирлаб лабини тишлади. Узала тушиб ётган Ҳилоланинг шаҳло кўзлари лим- лим ёшга тўлди.

- Аммо шукр қилсангиз бўлади . Жараён ёмон оқибатларсиз ўтибди. Аёллик аъзосида ортиқча қон қолиб кетмаган.

- Синглим , нима учун бундай бўлди ? Мана келиним ўтган хафта қатор текширувлардан ўтганда барчаси жойида деган хулоса берилган эди- ю ? Келиним оғир кўтармаган , йиқилиб тушган бўлмасалар ?! Ахир қандай қилиб ўзидан- ўзи ...

- Холажон, шифокорлар ҳам худо эмас . Улар ҳам худди ўзларидек инсон яратган аппарат берган маълумотга қараб хулоса ясаб беришади халос. Аммо ўша ўтган сафарги хулосада ҳам ҳомила ойлик ҳисобга кўра анча кичиклиги таъкидланган. Бунда ҳомила кўтарилган санада адашилгандир- да деган тўхтамга келинган . Аммо энди ...

- Саодатхон, илтимос оддийроқ тушунтиринг . Хаёлларимни тўплай ололмаяпман.

- Холажон , нима десам экан ? Агар ҳомила нормал ривожланмаса ёки ўсишдан тўхтаса, организмнинг ўзи ундан қутилишга аҳд қилади . Ҳилолахоннинг мисоли ҳам ҳудди ана шундай.
Аммо айтиб қўяй . Кўпинча бундай ҳолларда организм янада тезроқ қайта ҳомиладор бўлишга ҳаракат қилади. Ва таассуфки , айни аввалги ҳомиладан айрилган вақтда организмнинг ўзи ҳомиладан қутилиш пайига тушади. Бу ҳодисани халқ тилида кўпинча "боладон ўйноқилиги" ҳам дейишади.

- Бундан хабарим бор ,- деди Мастура опа ,- табиб табиб эмас, бошидан ўтказган табиб дейишади. Мен ҳам Сулаймонимни қўлимга олгунимча анча машаққат чеккан эдим. Ўшанда тиббиёт бу даражада ривожланган эмас эди. Раҳматли қайнонам ўша кезлари "Болани чала ташлайдиган аёл бузоқни чала туғадиган сигирни гўштини ейиши керак, шунда соғлом фарзандни дунёга келтиради" деган гапни эшитиб қолиб фермама- ферма юриб шунақа сигир қидирганларини ҳамон эслайман. Бояқиш ҳокисоргина аёл эдилар. У вақтнинг инсонларнинг ўзи барчалари шунақа содда, далиғули бўлишган.

- Топганмилар шунақа гўштни ? - қизиқсиниб сўради УТТ текширувчиси бўлган аёл .

- Ҳаа олиб келганлар . Аммо ўша гўшт ҳақиқатдан ҳам чала туғадиган сигирнинг гўшти бўлганми ёки биров "Кел шу аёл келини учун жуда куйиб кетди" деб ёлғондан учраган гўштни қўлларига алдаб тутқазиб юборганми , буниси энди бизга қоронғу. Ўшанда икки килога яқин гўштдан ёлғиз ўзим учун шўрва пишириб севина - севина оғзимга тутганларини ҳамон эслайман. Мен ҳам уларни бу тадбирларига ишонмасам ҳам тутган таомларини ихлос билан ичаётгандек тутардим ўзимни .

/64
👍15👏1
#КЎНГИЛ_ИФОРИ

Энг қизиғи айнан ўшанда тўрт маротаба қўлим билан тутмаган ҳомилаларимдан кейин мана шу ўғлим Сулаймон соғ- саломат дунёга келганди. Муштипаргина қайнонам "Ана бувиларимиз бир нарсани билишган- ки таъкидлашади . Бу набирам аввалоси Худо , қолаверса ўша шифобахш шўрванинг ҳосияти билан туғилди" деб роса қувонгандилар.

- Сиз уларга индамаганмисиз ? Яъни "Жуда бунчаликмасдир, ойи, бу ёқда шифокорлар ҳам қўл қовуштириб ўтиришмади" демаганмидингиз ?

- Бундай дейиш хаёлимнинг етти кўчасига ҳам келмаган,- хазин жилмайди Мастура опа ,- ойимни ўйласам ўша кезлари қоқ саратоннинг мияни қайнатадиган жазирамасида лаблари қуруқшаб, иссиқдан пўст бойлаб айтилган гўштни топиб келганларини эслайман. Улар менга "шифобахш гўшт"ни топиб келганларини мақтанаман деганларида куйиб кетганларидан овозлари хириллаб, товушлари чиқмай ҳам қолганди .

Мастура опа шундай деб бирдан ўзига келгандек бўлди .

- Саодатхон , энди Ҳилолам ...

- Ҳилолага ҳеч нарса қилмайди . Ҳозир тинчлантирувчи ва оғриқсизлантирувчи укол қилиб қўяман. Бугунча қимирламай ётсинлар. Бир , икки кунда ўзларига келиб қоладилар . Насиб қилса кўрмагандек бўлиб кетадилар. Аммо организм бир муддат яхшилаб дам олиши керак. Тахминан беш , олти ойгача ҳомиладор бўлишдан сақланишлари керак. Сиз ўзингиз келинингизни хафта оралатиб олиб келсангиз , мен уларни яна бир бор текшираман ва керакли дори - дармонларни тайинлайман.

- Икковингизга ҳам раҳмат. Биз энди бора қолайлик,- деди Мастура опа .

- Холажон , менинг ҳам иш вақтим тугади . Сизларни ўзим уйингизга ташлаб қўяман,- деди Саодатхон , - ҳозир халатимни алиштириб келай.

- Саодатхон , машина ҳайдаётганингизни билмаган эканмиз ,- деди йўлда Мастура опа , - қойил- ей ҳамма ишга улгурасиз- а ?

-Келин бўлмасимдан аввал машина ҳайдар эдим . Кейинчалик жиянингиз рашк қилиб ҳайдатмай қўйгандилар. Энди эса ишдан ортиб болаларни мактабга , боғчага олиб боришга бир ўзлари улгуролмай қолдилар. Шу сабаб бир тараф, қолаверса рашклари анча босилиб қолдими, ҳайдовчиликка қайтадан руҳсат тегди.

- Ҳаа шундай денг. Аёл кишининг ҳар ишда пешқадам бўлгани яхши. Мени фикримча-чи , бола тарбиясида аёл киши асосий ўринни эгаллайди. Эркак киши ҳар не қилса ҳам кўчанинг одами . Энг биринчи вазифаси топиб - тутиб келиб , оилани таъминлаш. Баъзи ҳолларда "Йўқ бундай эмас, нотўғри гапиряпсиз" деб қарши чиқишса-да , аммо бу гаплар барибирам ўринли. Машҳур ибора бор- ку, "Ҳар қайси муваффақиятга эришган эркакнинг ортида буюк аёл туради" деган. Мана асл ҳақиқат. Топиб айтилган пурмаъно сўзлар. Аммо мен бу сўзларни фақат аёллар даврасида гапираман.

Дадасининг ёнларида эса...

"Бахтимга яхшиям сиз борсиз , дадаси..."

Бу ҳам ҳақиқат.

Ҳақиқат бўлганда ҳам энг олий ҳақиқат. Ҳаа !

- Холажон, поччам сизларни эшик ёнида кутиб турибдилар,- кўзи билан ишора қилди Саодатхон .

- Вооой , менгина ўлай. Уларни огоҳлантириш ёдимдан чиққан экан- у. Тоза тажанг бўлгандирлар.

- Энди додажоннинг кўзларига қандоқ қарайман ? - деди шу чоққача лом- лим демай келаётган Ҳилола ,- уларнинг роса жаҳллари чиқадиган бўлди . Менинг шу ҳомиламни деб қанча елиб - югургандилар. Ҳар куни "Келинингни кўнгли нима тусаяпди?!" деб бир сўратмасалар ўзларини ҳотиржам ҳис қилмасдилар.

- Қизиқсиз- а, болам ?! Сизга қолса шундай бўлсин дебсизми?! Мен ўзим барчасини уларга ётиғи билан тушунтираман.

Асабийлашгандан чакка томирлари ўйнаб кетган Мирсаид ака Саодатхон ва ранги қум оқариб кетган Ҳилолага кўзи тушиб ўзини босишга ҳаракат қилди. Ортиқча савол беришдан тийилиб , аёлларнинг саломига алик олди.

Саодатхон машинадан тушиб қўлини кўксига қўйиб Мирсаид ака билан сўрашди , аммо унинг уйга кириш таклифига узр сўраб йўлга тушди.

- Қизим , сиз хонангизга кириб бироз чўзилинг. Борақолинг ...

Мастура опа Ҳилолани хонасига киритиб юборди- ю , ўзи эрига ишора қилди :

- Юринг ...

/65
👍15❤2
#КЎНГИЛ_ИФОРИ

Мирсаид ака ўз хоналарига киргач ахири ёрилди :

- Сенга минг марта айтганман , телефон деган матоҳ хавотир олиб қўнғироқ қилинганда жавоб бериш учун ишлатилади деб. Эрининг ажалидан беш кун олдин ўлдириш учунмас .

- Узр , дадаси... Айб менда . Мен жуда қўрқиб кетдим. Шунга телефон ҳам уйда қолиб кетибди,- Мастура опа диванга ҳорғин чўкди.

- Қани бир бошдан гапир- чи ? Тинчликми ? Келинингни ҳам ранги-рўйи бир аҳволда эди ?

- Дадаси ... Келинингиз ... У ...

- Нима келиним ?! Нима у ?! Мунча юракни сиқдинг, хотин ?! Гапирсанг гапир чўзилмай ...

- Ҳилолангизни ҳомиласи нобуд бўлиб қолди. Шифокорларнинг айтишича бола ўсмай қолганлиги учун шундай бўлган эмиш.

Мирсаид ака аёлининг ёнига оғир чўкди. Анча вақт индамади. Сўнгра босиқ овозда аста гапира бошлади :

- Мастиир ... Бандаси пешонага ёзганидан ортиғини кўрмайди. Аллоҳнинг иродаси шу экан . Ўзи берди , ўзи олибди. Насиб қилса , фарзандларимизни ёнвери болаларга тўла бўлади ҳали.

- Шўрлик келиним дардининг ўзи бир тараф- у нуқул "Додажоннинг кўзларига қандай қарайман энди ? Мени деб қанча елиб югургандилар" деб кўзларини жовдиратиб юрагимни чок- чокидан ситиб юборди,- деди Мастура опа хаёлчан.

Мирсаид ака хўрсинди :

- Нимага жовдирайди? Мендан "Энди гап эшитаман" деб қўрқяптими ёки ? ! Мен ким бўлибман ? Биргина тирноқ ясай олмайдиган бир нотавон бўлсам. Ҳаммамиз ҳам шундаймиз. Сен уни тинчлантириб қўй . Энди соғлиғини ўйласин. Насиб қилса кейингиларини "Маҳкамидан берсин" деб дуо қиламиз. Сулаймон қайтганда ҳам шу гапларни яхшилаб қулоғига қўйиб қўй. Келинни ўкситиб ёки уришиб ўтирмасин.

Кўнгли анча таскин топган Мастура опа Ҳилолага атаб атала пиширди. Ундан бир коса сузди ва келининг хонасига олиб кириб қўярда-қўямай охиригача ичишга қистади. Бу орада Чимёндан қайтган Сулаймонга ҳам бор гапни ётиғи билан тушунтирди.

* * *

Мирсаид ака хуфтонни ўқиб масжиддан қайтганда Мастура опанинг ўрнида ғужанак бўлиб ухлаб қолганлигининг устидан чиқди :

"Бояқиш , - деди у аёлининг устига чойшаб тортиб қўяр экан ,- бугунги бўлиб ўтган воқеалар обдон юрагига юк бўлган кўринади. Шундаям бир оғиз "Вой жоним, толиқдим" демайди-я ?!

Мирсаид ака хона чироғини аста ўчириб, ўзи ҳам ўринга чўзилди.

Алла - паллагача кўзига уйқу келмади. Ўғлига , келинига юраги туздек ачишди. "Бечоралар не орзу- ҳаваслар билан бу гўдакни дунёга келишини кутишгандир,- ўйлади у , - айниқса Мастирга қийин бўлди..."

Мирсаид ака ўйлай - ўйлай хаёллар оғушида қачон кўзи илинганини пайқамай қолди.

Мирсаид ака ванча ухлади номаълум. Бир вақт қулоғига жуда ҳам паст овоздаги пиқ- пиқ йиғи овози эшитилди. Ўксиниб - ўксиниб йиғлаётган ...Мастура опа эди...

Мирсаид аканинг уйқули кўзлари зумда бодраб очилди:

- Мастииир ...

#давоми_бор /66

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍27
Ассалому алайкум ва роҳматуллоҳи ва барокатуҳ...
Сешанба тонги хайрли булсин азизларим, азиз яхши инсонларим.
🍃
Соғ ва саломат уйғотган, бизни ғойибона бўлсада дийдор насибаси ила ризқлантирган меҳрибон ва раҳмли Зот Аллоҳга ҳамд бўлсин.
Алҳамдулиллаҳ!
🍃
Табассум қилишдан, меҳр ва муҳаббат беришдан асло воз кечманг.
Чунки табассум ҳадя қилиб, ҳунуклашган бир чеҳра, меҳр ва муҳаббат улашиб қаттиқлашган бир қалб йўқдир.
Ҳаётингиз табассумга, меҳр ва муҳаббатга ҳамроҳ бўлсин.
🍃
Бошлаб олган янги кунингиз файзли ва барокатли, ибодатларингиз ҳузур ва ҳаловатли ўтсин...

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍4
This media is not supported in your browser
VIEW IN TELEGRAM
😍 Орзулар албатта ушалади ❤️

Ният қилганлар ❤️❤️❤️

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
❤7👍1
🧕 Muslimalar kundaligi
#КЎНГИЛ_ИФОРИ Мирсаид ака ўз хоналарига киргач ахири ёрилди : - Сенга минг марта айтганман , телефон деган матоҳ хавотир олиб қўнғироқ қилинганда жавоб бериш учун ишлатилади деб. Эрининг ажалидан беш кун олдин ўлдириш учунмас . - Узр , дадаси...…
👆👆👆👆 аввалги қисмлар

#КЎНГИЛ_ИФОРИ

23- ҚИСМ

Мастииир... Нима бўлди ? У ер , бу еринг оғрияптими ? Нега йиғлаяпсан ?

Мирсаид ака қаддини кўтариб аёли тарафга энгашди.

Мастура опа ҳиқ - ҳиқ қилиб йиғлашда давом этди. Мирсаид ака қоронғида аёлини сочларини силади. Қўллари сидирилиб аёлининг йиғидан жиққа хўл бўлиб кетган юзларига тегди . У ўрнидан сапчиб туриб чироқни ёқди.

Мирсаид ака ётоқ ёнида турган тумбанинг тортмасини очиб ичига аёлининг ўзи дазмоллаб тартиб билан тахлаб қўйган эркаклар дастрўмолидан биттасини олди- ю , Мастура опанинг юзини аста артди. Сўнгра тумба устидаги чойнакдан пиёлага чой қўйиб унга тутди:

- Ич ...

Мастура опа энтикиб - энтикиб пиёладаги чойдан қисқа ютумлар билан хўплади. Чойни аранг ичиб бўлгач , яна лаблари қийшайиб йиғига шайлана бошлади .

- Онаси ...

Мастура опа ўзини босиш учун чуқур хўрсина бошлади :

- Сизни ҳам уйқингизни бузиб қўйдим-а , дадаси ... Илтимос , мени кечиринг ...

- Мастииир , - Мирсаид аканинг ҳам товуши ғиппа бўғилди ,- сен дунёга келмаган ўша гўдак учун йиғлаяпсан- а ...Охири ... Охири юрагингдаги вулқон портладими ? ...

- Мен ... Мен ...- ҳиқиллаб гапира бошлади Мастура опа, - мен ўзимни аллақачон буви деб ҳисоблаб бўлган эканман, дадаси... Уйда ёлғиз қолган кезларим хаёлан ўзимни набирамни гоҳ бешигини тебратаётган , гоҳ унга ширин аллалар айтиб бераётган , гоҳ сиз билан уни хиёбон айлантираётган , гоҳ қўлидан етаклаб мактабга олиб бораётгандек ҳис қилардим ... Бугун эса ... Бугун эса бари ...

Мастура опа дардли уҳ тортди :

- Оғир бўлди , дадаси ... Юрагимга жуда катта тугун тушди. Биламан, буларнинг бари Аллоҳнинг иродаси , бироқ нима қилай мен ҳам бир ожиз бандаман...

Биласизми ...

Биласизми , ҳаммасидан ҳам кўзлари милт- милт ёшга тўлган Ҳилолангизга таскин бериш жонимга жазо бўлди. Бояқиш жудаям оғир - вазмин-да . Юрагидан ўтгани юрагида қолади. Боласидан айрилганини билганидан сўнг куйганидан ранги бир зумда синиқиб кетди. Аммо бир оғиз "Их" демади . Билдим-ки, бояқишнинг юраги тешилди .
Мен шу топда қанча қийналяпман. Кўриб турибсиз ... Унингиз ҳам ҳозир йиғламаяпти деб ўйлайсизми? Унсиз , унсиз дод солаётгандир . Сукут билан дунёни бошига кўтараётгандир ...
Дадаси ... Биламан эркак бўлиш жуда қийин ...

Бироқ аёл бўлиш , нозик вужудга ўзи истамаган дардларни ортмоқлаб кўтариб юриш , яна шу дард сабр қилиш ...
Мен буларни сўз билан тасвирлаб беролмайман.

Биз кўпинча ўзимизни қийнаётган муаммоларни сизларга айтмаймиз .

Айта олмаймиз .

Айтмасликка мажбурмиз ...

Негаки кўча - куйда уйдаги муаммолар билан фикрингиз чалғишини истамаймиз. Асаб томирларингиз чирт этиб узилмасин деймиз. Сизга бир нарса бўлса , ўзимизни ҳеч қачон қайтиб кечира олмаслигимизни биламиз.

Шу сабаб энг осонини кўзлаймиз.

Тунлар дардимизни ёстиқ кўтаради.
Тонгда эса қуёшнинг илк нурлари билан баробар табассум ила уйғонамиз.

Мен ҳам эрталаб ўрнимдан туришим ва ўзимни ҳеч нарса бўлмагандек тутишим керак . Ҳилола ва Сулаймонга бир томчи эмас , ярим томчи кўз ёшимни кўрсатмаслигим керак. Ва буни уддалашим аниқ ... Аммо бу сиз ўйлагандек осон иш эмас ... Ҳечам осон иш эмас ...

Мастура опанинг кўзларидан яна ёш юмалади :

- Яна мана шу сўзларим , ярим кечада сизнинг ҳаловатингизни бузганим учун эртага қанчалар пушаймон бўлишимни биласизми ?

- Мастииир ... Бўлиб ўтган ишларда ҳеч биримизни айбимиз йўқ . Илтимос , ўзингни қийнайверма. Мен сиқилсам фақат сени ўртанганингни кўрганим учун сиқиламан. Ўзи кейинги вақтларда Акромжоннинг қурилиши билан овора бўлиб сенга етарлича вақт ажратмай ҳам қўйдим . Бу мени айбим. Аммо барини тўғрилаймиз . Келининг сал ўзига келиб олсин , ҳаммамиз бир ҳаво алиштириб келамиз.

- Дадаси ...Инсон баъзан шунақа кўнгил ҳоҳишига бош эгиб қоларкан. Мендек ёмон аёл эса хожасининг тинчини ярим кечада бузиб , камига гуноҳкор ҳам бўлиб қоларкан.

- Ундай дема , онаси... Ахир сен Аллоҳ ҳалол қилиб берган маҳрамимсан. Менга ёрилмасанг кимга айтасан дилингдаги тўпланиб қолган

/67
👍13🎉1