🧕 Muslimalar kundaligi
1.6K subscribers
3.68K photos
3.57K videos
4 files
6.89K links
Download Telegram
" МЕҲРИБОН ".
Фахриддин Шамсематов
❤️❤️❤️

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍2
This media is not supported in your browser
VIEW IN TELEGRAM
Машааллаҳ..📿

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍2❤1
📝 Ҳижобга кирган аёл ҳикояси.

Отам ёшлигимда вафот этганлар. Унаштирилиб турмушга чиқишимга саноқли кунлар қолганда онам ҳам дорулбақога риҳлат қилдилар. Унаштирилган одамим кутолмаслиги айтиб айниб кетди. Онам отамнинг иккинчи турмуши эди, аввалги аёлидан икки опам бор эди. Ўгай опам онам вафотидан кейин бир одамга мени зўрлаб узатиб юборди. Қийинчилик кўриб улғайганим сабаб янги ҳаётимдаги қийинчиликларга ҳам тез кўникиб кетдим. Кетма кет учта фарзандли бўлдим. Ҳаётим бир маромда ўтарди: иш, уйдаги юмушлар, болаларимни уй вазифаларини қилдириш, баъзан қариндошларникида тўй-томоша, туғилган кун ва улардаги эркак-аёл аралаш ичкилик билан ўтадиган йиғинлар...Менга булар оддий ҳолатдек эди, ҳаммани ҳаёти шундай эди назаримда... Бир куни одатдагидай ишдан қайтиб бироз уйим олдида қўшни аёллар билан гаплашиб қолдим. Махалламизга кўчиб келганига ҳали кўп вақт бўлмаган келин ҳам улар орасида эди. У келин ёш бўлишига қарамай кенг хижоб ва катта рўмолда юрарди. Авваллари шунақаларни кўрсам энсам қотарди. Аммо бу келинни негадир ёқтириб қолдим. Гапиришлари, ўзи ҳам ёқимли эди. Бора-бора бу келин билан кўпроқ гаплашгим келаётганини ҳис қилдим. У мен билан фақат дунёвий нарсалар ҳақида гаплашарди.(Кейинчалик бу ўзига хос психологик жараён бўлгани, бир-биримизга яқинлашиш учун менга ёқадиган гаплар қилганини билдим). У билан танишганимга бир ойча бўлганда бир кун суҳбатимиз бошқача бўлди. Мен у кунни- мен ҳидоят топган ўша кунни асло унутмайман, унутолмайман. Ўша куни салом-аликдан сўнг савол берди:
- Опа, мусулмонмисиз?
Ўзим англаб етмайдиган, аммо тўтиқушдек такрорлайдиган гапни айтдим:
-Алҳамдулилло, мусулмонман.
-Мусулмоннинг бурчлари, фарзларини биласизми?
Нима деб жавоб беришни билмай қолдим, чунки бу саволларни жавобини билмасдим...Келин менга мусулмон одам билиши керак бўлган 40 фарзни айтди. Малоикларга иймон деганда, ҳайрон бўлиб малоик нималигини сўрадим. У кулиб:
-Опа, истасангиз уйимга чиқинг, сиз билишингиз керак бўлган нарсаларни суҳбатлашамиз,-деди.
-Хозироқ билгим келяпти,-дедим ва у билан бирга уйига чиқдик. Жуда узоқ суҳбатлашдик. 40 йиллик умрим зое бўлганини, гуноҳу маъсиятлар билан ўтказганимни англадим. Муслима келин эса тавбага кеч эмаслигини, тирик пайтимда Аллоҳни танишимга Ўзи имкон бераётгани, бу эса Аллоҳ мени севишини билдиришини айтиб мени кўнглимни кўтарарди. Шу бугундан бошлаб қайтадан шаҳодат айтиб хижобга кирдим. Эримни қаршилигига қарамай ишимни ташлаб муслима аёл вазифаларини ўргана бошладим. Ҳатто малоик нималигини билмайдиган мендек аёл бир неча ой давомида намоз, Қуръон ўқишни ўргандим. Ўша муслима келин сабаб анчагина илм олдим. Эрим деярли ҳар куни махалладаги эркаклар билан ичиб маст-аласт юрарди. Мен ёнгинамиздаги масжидга намозга ўтувчи эркакларга ҳавасим келар, мени эрим ҳеч қачон намоз ўқимаса керак деб ўйлардим. Муслима келинга ҳам бу ҳақда айтардим. У мени доим Аллоҳга қаттиқ боғланишим кераклигини айтарди.
-Аллоҳдан сўрайверинг, У албатта истаганингизни беради. Агар дуоингиз қабул бўлмаётган бўлса, камчиликни ўзингиздан қидиринг. Сиз кечалари таҳажжудга туриб Аллоҳдан йиғлаб илтижо қилинг, Аллоҳ бандаларини илтижосини албатта қабул қилади,-дерди.
Алҳамдулиллаҳ, дуоларим ижобат бўлиб эрим ҳам намоз ўқий бошладилар. Аввалига 1-2 вақт ўқилган намозлар бор-бора тўлиқ бўлди.Масжидга шу қадар боғландиларки, 5 вақтни биронтасини канда қилмай масжидда ўқийдиган бўлдилар. Қўл учида кун кўрардик, Аллоҳ топганимизга барака берди, бу йил биринчи марта қурбонлик қилишга ҳам қодир бўлдик. Ёшим 58 да. Кеч бўлса ҳам Аллоҳни таниганимга, хижобга кирганимга шукр қилишдан ва мени, оиламни ҳидоят топишига сабабчи бўлган муслима қўшнимизни дуо қилишдан тўхтамайман. Доим такрорлайман: мен қирққа кириб малоик нималигини билмайдиган аёл эдим, менга Ўзини билдирган Аллоҳга беҳисоб шукр.
Азиза опа.

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍12❤2
🧕 Muslimalar kundaligi
#КЎНГИЛ_ИФОРИ - Майли , жонлари соғ бўлсин. Уларнинг шу ердаликларини эшитиб кўнглим анча ҳотиржам бўлди . Аёл киши барибир ҳам аёл киши-да. Бир- бирларини яримта қарашларидан тушуниб олишади. Айтишади- ку, "Қуш тилини қуш тушунади" деб . Икки эркак…
👆👆👆👆 аввалги қисмлар

#КЎНГИЛ_ИФОРИ

31 - ҚИСМ

Биз ҳам унинг дардидан вақтлироқ бохабар бўлганимизда бир четда турмай ҳаракатимизни қилган бўлар эдик.

- Асроржон... Ишонинг шу уч ой ичида Мастуранинг дардига шифо истаб мурожаат қилмаган донғи чиққан бирорта тиббиёт маскани қолмади. Табобати ривожланган қатор давлатларнинг номдор академиг- у профессорларига хат ёздик , аммо ...

Асрор Файзуллаев Мирсаид аканинг чеҳрасига қараб, унинг шу уч ой ичида аёлининг дардида нечоғлик эзилиб тамом бўлаётганини сезиб бошқа ортиқча гап қилмади. Билди-ки, қаршисида турган инсоннинг минг ерига игна санчса бир томчи қон чиқадиганмас. Яна шунга аниқ иқрор бўлдики синглиси Мастура ўзи учун сингил сифатида нечоғлик ардоқли бўлса , бу инсон учун жуфти - ҳалол ва фарзандининг онаси сифатида беназирдир.
Асрор ака Мирсаид аканинг ҳозир ўзидан- да кўра бахтсиз эканлигини қалбан ҳис қилиб турарди . Ахир шунча йиллик ёстиқдоши кўз ўнгида қуриб - қовжираса- ю , унинг қўлидан томошабин бўлиб туришдан бошқа иш келмаса. Қўли тўла пул бўлса- ю , бу пулларга дунёларни сотиб олиш имкони бўла туриб , биргина дардга малҳам топа олмаса ... Бундан ортиқ азоб бормикан... Бундан ортиқ чекилажак изтироб қайда бор экан...

- Қуда , агар бирор ёрдам керак бўлса ... -Асрор ака яхши биларди Мирсаид аканинг пулга муҳтожлиги йўқлигини , бироқ шундай бўлса-да, дилидагини ташига чиқарди.


- Раҳмат Асроржон... Биз ҳозир бир кафт дуо ва илоҳий мўъжизага зормиз халос.

- Биласизми ? - бирдан жонланди Асрор ака ,- мен уйда ўн чоғли хўроз боқиб қўйганман, барчаси тоза ем ва пўчоқ еб ўсишган. Ҳеч қандай дориланган маҳсулот бермаганман. Ҳозир уйга бориб иккитасини саранжомлайман. Сўнг майдалаб тузлаб , зиралаб қўяман. Кечга ё эрталаб ўғлим ташлаб кетади. Шундан булъон пишириб берсангиз анча қувват бўлади. Ундан кейин малина ва смородина меваларимиз анча ранг олиб қолган. Етилганларини узиб жўнатаман. Бир журналда ўқигандим. Янги ҳужайраларни барпо бўлишида шу икки меванинг олдига тушадигани йўқ экан. Хатто- ки, қайнатилса ҳам шифобахшлик ҳусусияти грамм камаймас экан.

- Ассалому алайкум , қудажон яхшимисиз ?

Асрор ака ярим ўгирилиб ўзига салом берган Маҳина аммани кўриб юзи ёришди . Дарҳол елка тутиб саломга салом билан жавоб қайтарди :

- Ассалому алайкум, опажон ?! Ўзингиз яхшимисиз ? ! Ўғилларингиз , келин, набиралар соғ - саломат юришибдими ?!

- Раҳмат , қудажон ,- Маҳина опа меҳмонни дарҳол ичкарига таклиф қилди ,- нега остонада турибсиз , қудажон ?! Мирсаид , меҳмонни ичкарига олмайсанми ?!

- Мени келганимга бир соатча вақт бўлди. Синглимни дийдорига ҳам тўйдим. Чойлашдик, овқат едик. Ҳозир Мастура ухлаб қолди. Шунга менинг ҳам йўлга отланиб турган жойим эди.

- Шундай денг , узр ўзим билан ўзим андармон бўлиб қолибман,- Маҳина амма афсусланганнамо ерга қаради.

- Узрга ҳожат йўқ , опажон. Сиз пиширган шўрвани мақтаб - мақтаб ичиб олдик. Умрингиздан барака топинг. Синглим сиздек инсонларнинг қўлида эканлигидан кўнглим ҳотиржам. Борингизга минг шукр ...

Асрор ака қўлини кўксига қўйди :

- Мирсаид ака , энди менга руҳсат ...

У ошхонадан шошилиб чиққан Ҳилолани бағрига босди :

- Қизим ... Додажонингни , аммажонингни дуоларини ол. Синглимга эса ...- Асрор ака қулт этиб ютинди , - синглимга эса ўз онангдан аъло қарагин. Унутма ! Мастура сен менга қандай қадрли бўлсанг , сендан-да суюкли қалб ардоғим. Сени қизим бўлганинг учун яхши кўраман. Биргина шу сабаб учун суяман. Аммо синглимни суюшимнинг минглаб сабаби бор. Буни ҳеч қачон унутма. Сен - юрагимни бир парчасисан. Токи юрагимнинг бир парчаси сингилжонимни ёнида экан... мен ҳамиша ҳаётдан таскин топиб яшай оламан. Бу дегани нима биласанми ?! Мен нафас ола оламан дегани ... Тушундинг- а , жон болам ?!

Ҳилола ортиқча бир сўз айтолмади, фақатгина "Ҳаа" дея бош силкиди ...

* * *

Кечга бориб Мирсаид аканинг хонадони гавжумлашиб кетди.

Мирсаид ака тарафидан ҳам , Мастура опа тарафидан ҳам қариндошлар барча ишларини йиғиштириб Мастура опани
/87
👍14❤1
#КЎНГИЛ_ИФОРИ

кўришга кела бошлашди. Гарчи улар меҳмонхонада ўзаро тушкун кайфиятда диллашсалар- да , Мастура опани ёнига киришганда унинг дардидан сўз очмай , ҳангома қилишга интилар эдилар.

Мирсаид аканинг зукко акаси Мирсобит ака вазиятни тезда ўз қўлига олди , У меҳмонхонада эркакларнинг ўзлари қолганда шарт мақсадга кўчди :

- Бунақаси кетмайди , жигарлар. Бунақа тўп- тўп, гала- гала бўлиб келсак бу хонадоннинг ҳам , келинимизнинг ҳам тинчини бузиб қўямиз . Энди гап бундай. Мисол учун тоқ сонли числода бизни авлод , жуфт сонли числода келинимизнинг қариндошлари буларни йўқласак. Ўшандаям навбат билан . Икки кишидан бўлибми ? Ора- сирада узатилган жиянлар , ёшларимиз ҳам келиб туришади. Бу ёқда махалла- кўй , қўни - қўшни , қуда - анда деганларидек. Ахир келинимиз анов-манов аёл эмас. Неча йиллар қанчадан-қанча инсонларни дуосини олганлар.

Мирсаид аканинг укаси Мираъзам уни фикрини қўллаб қувватлади :

- Акааа... Гапларингиз бари жўялик. Мен фикрингизга юз фоиз қўшиламан. Ўзимга қолса келинойимни истиқболларига ҳам куни югурардим, бироқ бундай вақтда ақл билан иш қилишимиз керак.

Майли бугун келинойимнинг опалари ва сингиллари ёнларида ётиб қолақолишсин. Эртага биз яна қайта келамиз.

Бу қоида фақат битта инсон Маҳина опамга тегишлимас. Улар қачон келиб қачон кетишни ўзлари ҳал қиладилар.

- Тўғри , опам бизга она ўрнида она бўлиб қолганлар. Ундан кейин келинимизни ўз сингилларидек кўрадилар ,- Мираъзамнинг сўзига қўшилган бўлди Мирсобит ака ҳам.

Мастура опанинг ака - укалари ҳам қуда тарафнинг сўзларига эътироз билдиришмади.

Мастура опанинг ёнида опаси Зоҳида ва синглиси Мастубалар қоладиган бўлишди.

- Опамдан дори ҳиди келиб кетяпти . Уларни бир чўмилтириб олмаймизми ? - деди Мастуба барча тарқалгач.

- Яхши бўларди ,- уни қувватлади Зоҳида опа ,- аммо нариги хонадаги душга қандай олиб кирамиз?! Уч аёл қолган бўлсак ҳам , барчамиз бир- биримиздан ўтар даражада ачиган хамирдекмиз. Мен ўт пуфагимни олдирганимдан буён ҳали ўзимга келганим йўқ. Сен ҳам бўш қолсанг белимлайсан.

- Мен Сулаймон акамни чақириб келаман,- суҳбатга қўшилди Ҳилола,- ойижонимни ўзимиз чўмилтирамиз . Фақат бировинглар ёнимизда далда бериб турсанглар бўлди.

Зоҳида опа билан Мастуба опа бир- бирларига маънодор кўз уриштириб олишди .

- Опам Сулаймоннинг ...

- Сулаймон акам ойижоннинг ўз ўғиллари- ку, бегона эмас...

Ҳилола шу сўзларни айтиб зумда Сулаймонни чақириб келди . Сулаймон ортиқча бир сўз демай Мастура опани шартта кўтариб душхонага олиб кириб кетди. Ҳилола қайнонасига ёғоч стул тайёрлаб қўйган экан. Сулаймон онасини стулга ўтқазиб ўзи уни ушлаб турди. Ҳилола эса ойижонисини енгил тунги пижамасининг устидан сув қуйиб чўмилтира бошлади . Мастура опа зумда чарчаб қолди. Шу сабаб Ҳилола тезда ишини битиришга ҳаракат қилди .

- Сулаймон ака , кўзингизни юмиб туринг . Ювинтиришни охирги лаҳзаларида Ҳилола қайнонасининг хўл кийимларини ечиб , чайинтирди ва Мастуба ҳола тайёрлаб турган бўй баравар сочиққа ўради.

- Сулаймон ака, бўлди . Ойижон толиқиб қолдилар. Энди ётоқларига олиб чиқамиз.

Сулаймон Мастура опани қайтиб жойига ётқизди ва секин хонадан чиқиб кетди. Ҳилола ойижонисининг сочларини артиб , сўнгра яна бошқа қуруқ сочиққа ўради. Сўнгра сал аввал тумба устига тайёрлаб кетган нимтатир новвот чойнинг устига термосдан қайноқ чой қуйди ва қайнонасига ичирди:

- Ойижон , сиз шундай ётинг. Мен сочингизни фен билан қуритиб қўяман. Ундан кейин бошқа тунги кўйлак киямиз , хўп ?

Мастура опа Ҳилолага меҳр билан қаради . Индамади . У ўзини келинининг қўлига буткул топширган эди.
Ҳилола фенни ишга тушириб Мастура опанинг кимё муолажасидан сўнг анчагина сийраклашиб қолган сочларини тезда қуритиб олди. Сочларни иккига айириб йиғиштириб ётганда ботмайдиган қилиб икки тарафига ажратди .
Шундан сўнг:
- Ҳолажон , ойижонимга тунги кўйлакларини кийинтириб олайлик,- деди Ҳилола Мастуба ҳолага .

Икки аёл Мастура опани авайлаб кийинтиришди. Охирида ойижонисининг бошига енгил дуррача ўраган Ҳилола жилмайди :

/88
👍8❤1👏1
#КЎНГИЛ_ИФОРИ

- Бўлди , ойижон. Қушдек енгил бўлдингиз.

Хонадаги аёллар Ҳилоланинг ҳатти- ҳаракатига қараб анграйиб қолган эдилар .

- Қизим , - дея савол беришдан барибир ўзини тия олмади Зоҳида ҳола ,- аввалам касал қараганмисиз ?

Ҳилола аввалига унинг саволидан келиб чиқадиган маънога тушунмаган бўлди , сўнгра бирдан юзи ёришди.

- Йўўўқ , ўзимнинг ойижоним бувимларга қараганларида мен ёрдамлашиб турардим.

- Умрингиздан барака топинг, қизим,- хонадаги уч аёл Ҳилолани бирлари олиб , бирлари қўйиб алқаб дуо қила кетишди.

- Ҳилола , қорним очиб кетди ,- бу орада ўртага гап қўшди Мастура опа

Ҳилола зумда сергакланди:

- Ҳозир ойижон. Холажоним боя дўлма олиб келгандилар- у, ҳозир зумда илитиб келаман.

Ҳилола Мастура опанинг ёнидаги ишлатилган сочиқларни йиғиштириб ўзи билан олиб чиқиб кетди.

Орадан кўп вақт ўтмай битта ликопчада буғи чиқиб турган таомни олиб келди .

- Ойижон, аввал дориларингизни ичиб оламиз , майлими ?

Ҳилола тумба тортмасидаги рўйҳатга қараб қайнонасига дориларини ичирди.

- Опа , овқатингизни мен едириб қўяйми ? ! - сўради анча нафасини ростлаб олган Мастуба опа

Мастура опа бош чайқади . Кўзи билан Ҳилолага ишора қилди :

- Ҳилола едирсин ...

Ҳилола қайнонасини эркалаб , ширин сўзлар билан овқатини едириб қўйди.

Сўнгра юқли идишларни олиб.чиқиб кетди. Аммо тезда ортига қайтиб душхонани ҳам артиб - тозалаб , тушган кирларни бўғча қилиб йиғиштириб чиқиб кетди.

- Ҳааа ,- деди унинг ортидан боядан бери гапга қўшилмай индамай ўтирган Маҳина опа,- шуни айтишади- да "Ўнтадан буюрадими ёки биттадан буюрадими" деб . Мастураойнинг пешонаси келиндан ярақлаган чиқди.

- Нимасини айтасиз , опа ,- деди Зоҳида опа уни қувватлаб ,- қадимгилар "Ўғлинг кофир бўлсаям , келининг мусулмон бўлсин " деб бекорга айтиб кетишмаганда.

- Кун бўйи тиними бўлмади , бояқишни . Ҳозир келиб "Ўрин солиб бераман" демасидан ўзим сизларга бир ҳизмат қилайин- а ?! - Маҳина опа ўрнидан қўзғалди

- Йўғеей опа , жаа ўрин сололмайдиган даражада эмасмиз.

Зоҳида ва Мастуба опалар бирдан қўзғалишди.

Аёллар энди ўрин солиб бўлиб чўзилишган ҳам эди- ки , остонада Ҳилола кўринди. У бир қўлида каттагина овалсимон ликопда тўғралган мевалар , иккинчисида Мастура опага шу меваларнинг қирғичдан чиқарилганини ушлаб олган эди.

- Вой узр ,- деди у ийманиб ,- сизларга мева олиб келган эдим.
Ойижонимгаям.

- Умрингиздан барака топинг , қизим. Овора бўлибсизда , бурчакдаги хонтахтага қўйинг

Ҳилола Мастуба холанинг сўзларига жавобан:

- Овораси бор эканми , ҳолажон. Еб олинглар . Бўлмаса қорайиб қолади ,- деди- ю ўзи қайнонасининг бошига эгилиб аста шивирлади :

- Ойижооон , банан еймиз- а ?!

* * *

Эртаси куни сахарда Ҳилола кўча эшикни супириб бўлиб энди уйга кирмоқчи эди , узоқдан адасининг таниш асфалтьранг нексиясига кўзи тушди ...

- Тинчликмикан?! - ўйлади Ҳилола бир зумда хаёллари ҳар тарафга бошлаб ,- адамлар эрта сахардан бизникига қай сабаб билан келяптилар экан ?!

#давоми_бор /89

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍33❤1
This media is not supported in your browser
VIEW IN TELEGRAM
🌺 Бугундан ранжиманг нима бўлса ҳам,
Эртага ҳаммаси яхши бўлади.
Синовда исёнлар қилмаган қалбни,
Аллоҳим ҳамиша қўллаб туради.

🌺 Бугундан ранжиманг кутинг эртани,
Бундан ҳам баттари бўлиши мумкин.
Агарки бошларга тушса савдолар,
Билингки, Роббимнинг синов белгиси.

🌺 Бугундан ранжиманг, асранг қалбингиз...

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍6❤1
This media is not supported in your browser
VIEW IN TELEGRAM
Эрта уйғонганга барака бисёр.
Ризқи рўзга мўл бу кўҳна диёр.
Совуган юракни қиздирмоқ учун.
Дастурхонда сизга нонушта тайёр.

Ассаламу алайкум! 🌸

#Хайрли_тонг!🌤

Аллоҳ таоло бугунги кунингизни тинчлик офиятда, яхши кайфиятда, савобли амаллар билан тўла бўлиб ўтишини сизга насиб қилсин!

🍍🍍🍍🍍🍍🍍🧁🧁🧁🧁

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍7
This media is not supported in your browser
VIEW IN TELEGRAM
Ей Роббим Ўзинг шу сўзларни ўқиб
турган хар бир мусулмон
бандангни қалбидаги
барча яхши дуоларини
қабул айла ва ўйлаб юрган
ҳамма эзгу ниятларига етказгин амийн🤲♥️♥️



✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍3❤‍🔥1
#Диққат

Яна ўша эски мавзу.

Telegram дан сизга бирор танишингиз менга овоз беринг деб линк юборса, бунақа шубҳали сайтларга кириб ўтирманглар. Катта эҳтимол билан бу хабарни танишингизнинг ўзи юбормаяпти. Шунчаки унинг профилини бузиб киришган.

Агар сиз ўша сайтни очсангиз, сизнинг профилингиз бошқаруви ҳам фирибгарлар қўлига ўтиб кетади. Бошқа айтганда, бу ўзига хос вирус.

Илтимос, шубҳали сайтларга кирманг, Telegram да ким нима юборса очаверманг. Ўзингизни эҳтиёт қилинг.

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍6
АЗРОИЛНИНГ ҲАЙРОН ҚОЛИШИ

Ҳазрати Сулаймоннинг саройига бомдод ва пешин намози ўртасидаги вақтда бир одам шошиб кириб келди. Қўриқчиларга: “Жуда муҳим масалада ҳазрати Сулаймон билан учрашмоқчи эканлигини”, айтди. Қўриқчилар бу кишини дарҳол ҳукмдорнинг ҳузурига олиб кирдилар. Ҳазрати Сулаймон ранги оқариб, қўрқувдан титраётган бу одамдан:
- Нима бўлди? Нега бунча титрамоқдасиз? Нима дардингиз бор, - деб сўради.
Одам шошилганча:
- Бугун тонг пайти қаршимдан Азроил чиқди. Менга қаҳр билан бир қараб қўйди-да, ёнимдан узоқлашди. Билишимча, у менинг жонимни олишга қарор қилганга ўхшайди, - деди.
- Хўш, мендан нима истайсиз?
У Сулаймонга ёлвора бошлади:
- Эй Сулаймон қуртлар, қушлар, тоғлар ва тошлар сизнинг амрингизда. Шамолга айтинг, мени Ҳиндистонга олиб бориб қўйсин, балки Азроил мени у ердан топа олмас. Шу йўл билан жонимни қутқариб қоларман. Ёлғиз умидим сиздан.
Ҳазрати Сулаймоннинг бу одамга раҳми келди. Шамолни чақириб, унга:
- Бу одамни дарҳол Ҳиндистонга олиб бориб қўй, - деб амр қилди. Шамол бир лаҳзада бу одамни Ҳиндистондаги узоқ оролга етказиб қўйди.

Пешинга яқин ҳазрати Сулаймон девонни тўплаб, йиғилганлар билан кўришди. Қараса, Азроил йиғилганлар ичида ўтирган экан. Ундан:
- Эй Азроил! Эрталаб нега бир кишига қаҳр билан қарадинг.
Нега у бечорани қўрқитдинг? - деб сўради.
Азроил шундай жавоб берди:
- Эй дунёнинг султони! Мен у одамга ғазаб билан қарамадим. Аксинча, ҳайрат кўзи билан қарадим. У мени нотўғри тушуниб, ваҳимага тушди. Чунки Аллоҳ таоло менга: “Бор, бу оқшом у одамнинг жонини Ҳиндистонда ол”, - деган эди. “Мен бу одамнинг юз қаноти бўлса ҳам бу оқшом Ҳиндистонга етиб бора олмайди. Бу қандай иш бўлди, дея ҳайратга тушган эдим. Унга ҳайрат билан қарашимнинг сабаби ҳам шундан иборат эди”.

·"Шарқ ҳикояти ва ривоятлари" китобидан

PS. Ўлимдан қочиб бўлмайди. Шундоқ экан бир лаҳза унинг келишини, қиёмат кунини унумайлик! Зора, ёмон амаллардан сақлансак!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍9😢3
This media is not supported in your browser
VIEW IN TELEGRAM
✨ Koʻzingizni yuming va xohlagan joyingizda toʻxtating.

KOMMENTGA YOZAMIZ...

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍3
Бозорга бораётган эдим. Одамлар гавжум ўтадиган кўча бошида йўлка четидаги панжарага бир унниқиб кетган қалин жимпир илиб қўйилибди. Этагига бир қоғоз қистирилган, унга йирик-йирик ҳарфлар билан қўлда нималардир ёзилган эди. Ўтган-кетган бир оз тўхтаб, ўқиб, сўнг йўлида давом этарди.
Диққатимни чекди. Тўхтаб, ўқий бошладим:

"Мен муҳтожман. Нимагадир кейинги пайтлар кимса менга қарамай қўйди. Бошқалар мендан ҳам муҳтож бўлиб қолгандир деб ўйладим. Бу қиш кунлари кимдир совуқдан дилдираб юрган бўлса, олсин, кийсин, совуқдан қўринсин деб борим-йўғим битта жимпиримни илдим. Олганга хурсанд бўламан, Оллоҳ ёрдамчиси бўлсин!" деб ёзилган эди қоғозда.

Ичимда бирнима ғимирлади... Сўнг кетдим.
Юмушларимни битириб шомга яқин яна шу йўлдан ўтдим. Бояги жимпир ҳам, ёзув ҳам хаёлимдан кўтарилган экан, одамларнинг тўпланиб тургани эсимга туширди.
Узун панжаранинг уч-тўрт метр қисмига ёзгию қишки турли-туман кийим - кўйлаклар, кастим-шимлар, жимпирлар, палтолар, қалпоқлар... илиб ташланган, бари тоза, қимматбаҳо экани кўриниб турар эди. Панжарага тақаб қўйилган катта қоғоз қути оёқ кийимларию бошқа яна нималардир билан лиқ тўла.
Тўпланганларнинг кўзи қути қопқоғига ёпиштирилган катта қоғоздаги ёзувларда. Ўқир, муҳокама этар эди.
Қизиқиб, мен ҳам кўз югуртирдим:

"Мен бойман. Кийимларим ҳам кўп. Қишда совқотмайман, ёзда яйраб яшайман. Аммо хатингни ўқиб (уни худди менга ёзгандайсан), ўзимни яхшиликка сендан кўра муҳтожроқ ҳис этдим. Совуқдан жунжикдим гўё. Сен қолдирган жимпирни олиб кийган эдим, танамга илиқлик югурди. Умримда бунақа илиқликни туймаганман. Энди бу жимпирни ҳар қишда кияман! Ўрнига уйдаги бор кийимимни олиб келиб илдим. Булар сенинг ва сен каби яхши инсонларнинг ҳаққи. Адашиб, менда тўпланиб қолибди. Ҳаққингни ҳалол эт, дўстим!"

Бозордан кийим-кечак олиб қайтаётган эдим. Ичимда бирнима ғимирлади. Оғир елим халтани у қўлимдан бу қўлимга олиб, йўлимда кетавердим...

Нуруллоҳ Муҳаммад Рауфхон

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍9😢3❤2🥰1
🧕 Muslimalar kundaligi
#КЎНГИЛ_ИФОРИ - Бўлди , ойижон. Қушдек енгил бўлдингиз. Хонадаги аёллар Ҳилоланинг ҳатти- ҳаракатига қараб анграйиб қолган эдилар . - Қизим , - дея савол беришдан барибир ўзини тия олмади Зоҳида ҳола ,- аввалам касал қараганмисиз ? Ҳилола…
👆👆👆👆 аввалги қисмлар

#КЎНГИЛ_ИФОРИ

32- ҚИСМ

Асрор Файзуллаев кўп ўтмай Ҳилоланинг ёнгинасида машинасини тўхтатди.

- Ассалому алайкум, адажон,- Ҳилола қўлидаги челакни чеккага қўйиб адасига пешвоз чиқди.

- Ваалейкум ассалом , қизим. Додажонинг уйдамидилар ?

- Ҳаа , - деди Ҳилола ҳайрон бўлиб .

- Секин чақириб чиққин. Мен ҳозир эрта сахардан сизларникига кириб ҳаммаёқни тўс- тўс қилмай,- деди Асрор ака қизини шошилтириб , - илтимос қизим , тезлашақол .

Ҳилола зумда Мирсаид акани чақириб чиқди. Бахтига қайнотаси дарвозахонада машинасини ойнасини артишга тараддудланаётган экан.

- Ассалому алайкум, Мирсаид ака. Узр эрта сахардан безовта қилдим.

- Ваалейкум ассалом, қуда . Қани уйга , - Мирсаид ака қудасини уйга таклиф қилар экан.

- Йўқ , аёлим билан бафуржа келамиз . Ҳозир ...- Асрор аканинг юзини ҳижолатомуз ифода эгаллади ,- айбга буюрмайсиз . Мен ...

- Айтаверинг ,- қудасига далда берган бўлди Мирсаид ака.

Асрор ака машинасининг юкхонасини очди. У ердан беморларни солиб итариб юрадиган аравача чиқарди.

- Бу аравачани ўтган йили оёғим синганда тез ёрдамда ишлайдиган қайним олиб келиб берганди. Ўша вақтда роса кунимга яраган. Шунга ўйланиб қолдим. Мастура ҳам эрта- ю кеч битта хонада шифтга термулиб ётавериб юраги зиқ бўлиб кетса керак. Шунга ора- орада ҳовлини , орқа тарафдаги боғни айлантирасизларми деб ўйлагандим. Тағин кўнглингиз оғримасин...

- Қуда , нега кўнглимиз оғриркан? Буни олиб келиб заб иш қилибсиз . Мастурани бу аравачада ўзим айлантирганим бўлсин ...

Асрор аканинг чеҳраси ёришди:

- Мен ҳам шуни ўйлагандим- да, Мирсаид ака , - у чаққонлик билан юкхонани ёпди ва бу сафар машина салонидан полиэтилен пакетга ўралган ўрамни олди ,- бу кечаги ваъдам . Хўроз гўшти ва мевалар .

У келтирганларини бу сафар Ҳилолага тутқазди ва қўлини кўксига қўйди :

- Энди менга руҳсат .

- Уйга кирмайсизми ? - мулозамат қилди Мирсаид ака,- Мастура ҳам уйғоқ.

- Шунинг учун кирмаяпман- да. Кирсам қолиб кетишим аниқ . Бугун бир йигитимизнинг диссертация ҳимояси бор эди. Ўшани ўтказиб , кейин кечга аёл қудангиз билан бирга келамиз .

- Яхши унда кечга албатта кутамиз .

Мирсаид ака Ҳилола билан Асрор Файзуллаевни кузатиб бўлгач ичкарига йўл олди.

- Келин ,- деди у дарвозахонада , - Сулаймон билан нонушта қилиб олинг. Ўқишга оч-наҳор кетманг.

- Хўп бўлади , додажон. Мен суюқроқ қилиб "манний бўтқа" пишириб қўйгандим. Ойижонимларга едириб қўяй кейин...

- Бўтқани олиб келиб берсангиз бўлгани. Ойингизни ўзим овқатлантираман. Келди - кетдилар билан бўлиб уни ёнига ҳам киролмай қолдим . Сиз холаларингиз ва аммангизни меҳмонхонага нонуштага чақирсангиз. У - бу нарса дейишса , "Додам ойимни ёнларида бирпас ўтирмоқчи эканлар" деб очиқчасига айтаверинг.

Ҳилола ерга қаради :

- Хўп бўлади , додажон...

* * *

- Ассалому алайкум, дадаси ,- эрини кўриб Мастура опанинг юзи ёришиб кетди, - яхши ётиб турдингизми ?! Нонушта қилиб олдингизми ?!

- Ваалейкум ассалом, онаси . Нонушта қилганим қачооонлар эди. Ўзинг яхшимисан ?! Ҳеч қаеринг безовта қилмаяптими ?

Мирсаид ака аёлининг ёнига аста чўкди , унга меҳр билан тикилди .

- Ўзига шукр, яхшиман,- синиққина жилмайди Мастура опа.

Шу пайт Ҳилола хонага пастнисда нонушта кўтариб кирди. Унда кичик косада манний ёрмали бўтқаси, ликопчада булочка ва унинг ёнида патир нон бор эди.

- Ойижон , нонуштангизни олиб келдим. Яна ул, бул нарса керак бўлса айтинг.

Ҳилола сал аввал кириб Мастура опанинг юз - қўлларини чайинтириб кетган эди.

- Бошқа нарса керакмас , қизим,- деди Мастура опа, - сиз ўқишингиздан кеч қолманг. Холаларингиз тушликкача шу ерда бўлишади. Бемалол чалғимай ўқишга бориб келаверинг.

- Хўп бўлади , ойижон .

- Аввал яхшилаб нонушта қилиб олинг- а.

- Хўп бўлади , ойижон.

Ҳилола сассиз қадамлар билан хонани тарк этди.

Мирсаид ака аёлининг томоғи тагига кичиккина сочиқ ташлади :

- Энди навбат паҳлавонлар бўтқасига ...

/90
👍12🥰2
#КЎНГИЛ_ИФОРИ

У кичиккина қошиқчада дастлаб ўзи бўтқани тобини текшириб кўриш учун татиб кўрди :

- Мастииир , қани оғзингни оч. Жудаям мазали бўтқа чиқибди.

Мирсаид ака аёлига қошиқчалаб бўтқа едира бошлади. Мастура опа ундан кўзини олмай аста - секин овқатлана бошлади.

- Озроқ булочка ейсанми ?! - орада сўради Мирсаид ака

Мастура опа бош чайқади.

- Сув беринг ...

Мирсаид ака унга ярим пиёла илиқ сув ичирди.

- Булочка емасанг , бўтқангни охиригача еб қўясан.

Мастура опа ётган жойида кулимсиради :

- Дадасиии , таҳдидми бу ?!

Мирсаид ака чуқур хўрсинди, аёлига кўзларини тўлдириб қаради :

- Мастииир ....

- Ҳооов ...

- Сени жудаям соғинибман... Туни билан ўрнинг ҳувиллаб чиқди. Касалхонада ётганингда- ку майли, бошқа гап эди. Аммо бир уйда бўла тури айро яшаш ... Бу нима дегани ахир ...
Қариндошларга бугун айтмоқчиман. Ётоққа келишинглар шарт эмас деб ...

Мастура опа лом - лим демади. Ўзига яқин турган эрининг кафтига юз босди. Кўзидан дувиллаб ёш қуйилди ...

- Мастииир... Қўй юрагимни эзма ...- Мирсаид ака аста аёлининг кўз ёшларини артди,- Биласанми нима?! Тонг сахардан аканг Асроржон келиб кетдилар.

- Акам ?! - жонланди Мастура опа , - лекин улар уйга кирмадилар- ку?!

- Кирсам кетгим келмай қолади , бир йўла аёлим билан кечга келамиз дедилар .

- Ҳааа ,- деди Мастура опа , - аммо барибир ҳеч нарсага тушунмадим, акам нимага келдилар- у , нимага кетдилар ?!

- Биласанми , Мастура ...

Шу пайт эшик оҳиста чертилди . Остонада Сулаймон билан Ҳилола кўринишди.

- Ойижон , додажон биз университетга кетаётган эдик . Шуни айтиб кетайлик деб киргандик.
Сулаймон ва Ҳилола навбати билан Мастура опани енгилгина ўпдилар ва ота- онасининг дуосини олиб хонани тарк этишди.

- Нима деятувдим ?! - деди фарзандларига фикри чалғиган Мирсаид ака, - ҳа ! Асроржон ҳақида гапираётувдим - а ?
Мастура аканг сени ўтказиб ҳовлиларни айлантириб юришимиз учун аравача олиб келибдилар . Аканг "Бу аравачадан ўтган йили оёғим синганда ўзим фойдаланганман. Синглимни ҳам эрталабки ва кечки салқинда биров - биров айлантирсангиз оз бўлса-да , кўнгил чигаллари ёзиларди" деди. Кейин сенга атаб хўроз гўшти ва резавор мевалар келтирибди .

Мастура ётган жойида Мирсаид аканинг сўзларига қулоқ тутар экан , юзида ажиб жилва ўйнай бошлаганди...

- Мастиир , онаси ... Тушликка ўзим бир ўнг қўлимни ўйнатиб , чап қўлимни сайратиб бирор таом пиширсам дегандим. Айт , кўнглинг нимани тусаяпти ? ! Нима овқат пишириб берай?!

- Сиз пиширган таомларнинг барчаси бири- биридан тотли, дадаси . Менга фарқи йўқ , нима пиширсангиз ҳам танламайман .

- Кеча аканг ёшликда пиширган шўрванг ҳақида гапириб , бир оғзимни сувини келтирганди. Бугун шўрва пишириш навбати мендан .
Ҳозир аёллар хонага қайтишса , мен ошхонага йўл оламан .

/91
👍7
#КЎНГИЛ_ИФОРИ

Кўп ўтмай у ўзи айтганидек ошхонага йўл олди.
Мирсаид ака узоқ ўйлаб ўтирмай музлаткичнинг эшигини очди. У ердаги саранжом қилиб, хил- хилига ажратилган маҳсулотларга қараб пича ўйланди. Сўнг улардан кераклисини ажратиб қўлидаги бўш идишга сола бошлади.

Мирсаид ака энг аввал сабзавотларни арчиб , тозалаб олди. Сўнгра иккита оғзи ёпиқ қопқоқли елим контейнердаги гўштларни саралаб олди. Ёғлиқ тўшли қўй қовурғалари ва эрталаб Асрор ака олиб келган товуқ гўштининг бўлиқ ерларидан ажратиб олиб , аввалига оқиб турган сувда чайиб олди . Сўнгра таги чуқурроқ идишга солиб тузини ростлади. Сўнгра унга яхшилаб янчилган қора мурч ва зира сепди.
Тайёр бўлган гўштни каттагина сопол кўзачага бир қатор қилиб чиройли териб чиқди ва унинг устидан тўртта қайроқи картошка , иккита кичикроқ қизил сабзини бутунлигича ҳамда майда қилиб тўғралган пиёз , яшил ва қизил булғор қалампири , памилдори , саримсоқ пиёз ва кўкатларни бирма - бир солди. Боя музлатгични очганда бир стакан ивитилган нўхатга кўзи тушган эди. Уни ҳам илиқ сувда чайиб ташлаб масаллиқларнинг устидан айлантириб сепиб чиқди. Сўнгра човгумда қайнаб турган сувни қўйиб кўзачанинг қопқоғини зичлаб ёпди. Уни аввалдан қиздириб қўйилган газ оташхонасига жойлаб , қўл соатига қаради. Соат миллари эрталабки саккизни кўрсатаётган эди. "Ўн бир, ўн иккиларда шўрва- жаркобимиз тайёр бўлади ,- ўйлади Мирсаид ака ,- ўша вақтда тузини яна бир ростлаб олсам бўлгани"

Дарҳақиқат , айтилган вақтда шўрва хил - хил бўлиб пишди.
У Мастура опа ва меҳмон аёлларга жуда манзур бўлди.

Она ҳар қандай ҳолатда ҳам она экан-да. Хатто беморлик тўшагида ҳам юраги "болам" деб урар экан.

- Дадаси, таомингиз бирам мазали бўлибди- ки , - деди Мастура опа ва секингина сўради,- Сулаймон билан Ҳилолага ҳам қолдими ?

- Ҳотиржам ётавер , онаси , уларга ҳам қолди,- аёлини зумда тинчлантирди Мирсаид ака.

Аёлларнинг энг ёши Мастуба опа идиш-товоқларни йиғиштириб ювиб олгач, опа- сингиллар эртага келар бўлиб йўлга отланишди.

Улар хайрлашиб чиқиб кетишгач, Маҳина амма нариги хонага чиқди. Хонада яна эр- у хотин ёлғиз қолишди .

- Дадаси , мен туфайли сизнинг ҳам тоза тинчингиз бузилди- я,- деди Мастура опа эрининг чаккаларига оқ ораган сочларига меҳр билан тикилганча.

- Нега ундай дейсан , Мастиир . Одам бор жойга одам келади. Шулар бизга далда бўлиб туришибди,- Мирсаид ака Мастура нима учун бундай деяётганига бирдан тушуниб қолди ,- ҳаа- я , сен ўз уйимизда сенсизликда қолиб кетаётганимга ишора қилаяпсан- а ?!

Аммо бугун кечагининг ҳам хиссаси чиқди. Қара , яна ёлғизмиз . Маҳина опам нариги хонада бироз мизғийдилар.
Истайсанми сени ҳовлига олиб чиқиб Асроржон олиб келган аравачада бироз айлантираман.

Мастура хаёлчан сўзлаган бўлди :

- Бирам кенгликларни соғиндим- ей , дадаси ... Кенг сайҳонликка чиқсам- у қуёшни чиқиши кутиб олсам ... Ёки оловдай қизариб ботишини кузатсам ...

Яна ... - ўпкаси тўлди Мастура опанинг , - яна кузни соғиндим...

Оромбахш кузни ...

Барглари олтиндек товланган ҳиёбонда ёки боғда бир - бир қадам босиб юрсам ... Чирт узилган барглар гўёки мени қучмоқчидек бошим узра шовуллаб тўкилса ...

Соғиндим ...

Бирам соғиндим ...

Ўша хазон ...
Кузни соғиндим ...
Зарҳал барглар қилганда изҳор,
Кўнглимдаги ҳисни соғиндим...

Соғиндим мен ...
Жуда соғиндим ...
Ҳайрат тўла кўзни соғиндим...
Шўхлигимдан қолган ҳотира
Сув бўйида изни соғиндим...

Соғинчларим беҳад ва бисъёр ,
Топилмас не юзни соғиндим...
Ҳамда таъми буткул бўлакча ,
Ошни , нонни , тузни соғиндим...

Соғиндим- ей , афзал соғиндим...
Такрор айтай кузни соғиндим...
Йиллар аро алишди умр,
Ёшлигимни, ўзни соғиндим...

Соғиндим мен...
Рости соғиндим...
Ўша боғлар ...
Кузни соғиндим ...
Хазонрезги сўйлаган эртак,
Кўнглимдаги ҳисни соғиндим ...

Маъсум ёшлик ...
Ўзни соғиндим...

Жуда соғинибман, дадаси . Ҳеч қачон кузни бугунгичалик соғинмаган бўлсам керак...

- Мастииир ...- деди титроқ овозда Мирсаид ака , - истайсанми , кўл бўйига олиб бораман.

/92
👍16
#КЎНГИЛ_ИФОРИ

Гарчи ҳозир сен суйган куз фасли бўлмаса- да , аммо айни дамларда сувбўйлари жуда оромбахш ...

Мастура опа зумда жонлади :

- Дадасиии , бу мумкинми ?!

- Қизиқсан- а , онаси , нега мумкин бўлмасин ?! Биз бирон нарса учун кимдандир руҳсат сўрайдиган ёшдан аллақачон ўтганмиз . Фақат сал туриб йўлга тушамиз , сабаби ҳозир кўчалар ланғиллаб қайнаб ётибди. Биласан , ёзнинг чилласи киришдан аввал ҳаво шунақа бир қизиб олмаса ҳисобмас .

Сен ҳозир дамингни олиб ол . Ҳадемай болаларимиз ҳам ўқишдан келиб қолишади. Ўшанда ҳайё- ҳууут деб кетворамиз ...

- Хўп бўлади , дадаси . Келинг ўзингиз ҳам бироз чўзилинг. Икки кундан буён тинимингиз бўлмади. Айтганча , шўрва учун яна бир бор алоҳида раҳмат.

- Арзийсан , онаси ... Шошмай тур ўзим бир ишга тушсам борми , шунақа овқатларни тайёрлайман- ки , бир хафтага қолмай оёққа туриб чопқиллаб кетасан,- Мирсаид ака сўнгги сўзларини орзиқиш ила чексиз умид билан айтди- ки , айни дамда ўз сўзларига ўзи чин дилдан ишонгиси келиб кетди.

- Насиб , дадаси , насиб ,- Мастура опа эрига шу жавобни айтди-ю , бироқ ич - ичидан зил кетди , - "кошки эди шундай бўлганда , афсус- ки ...". У хаёлларининг давомини ўйлагиси келмади.

Кечки соат тўртларга яқин Сулаймон ва Ҳилола ўқишдан қайтишди.

Ҳилола Мастура опадан бирга кўлга бориш таклифини эшитгач, қайнонасига оғир ботмайдиган қилиб рад жавоби беришга зумда баҳона тўқиди :

- Ойижон , эртадан қолдирмай топширишимиз керак бўлган топшириқларимиз бор эди . Руҳсат берсангиз ...

Аслида Ҳилола ойижониси ва додажонисининг айланишга бемалол , ҳотиржам бориб келишларини кўзлаган эди. "Улар уйда йўқ вақтлари ойижон ётган хонани яхшилаб шамоллатиб , тозалаб оламан. Ҳали кечки овқат масаласи ҳам бор" дея ўйлади Ҳилола қайнонасининг кийимини эҳтиёт бўлиб алиштирар экан.

Маҳина амма ҳам айланиш таклифини кескин рад этди. "Эр- у хотиннинг ўртасида менга нима бор ?!"деб ўйлади у ўзича ва укасига "Бироз қон босимим ошдими дейман, ҳозир дори ичдим . Шунга кўзларим юмилиб кетяпти" дея ёлғонлади.

Мастура опани машинага Сулаймон кўтариб олиб ўтқазиб қўйди. Мирсаид ака эса ўриндиқни ярим ётқизиб аёлига қулайлик яратган бўлди .

Мирсаид ака машинасини энди ўт олдирган ҳам эди- ки , Ҳилола пакетга ўралган алланима олиб чиқиб машинанинг орқа ўриндиғига қўйди.

- Бу сизларга ...

Мирсаид ака полиэтилен ўрамдаги егулик эканлигини тахмин қилиб келинига "Раҳмат , келин" деганча гапни қисқа қила қолди.

Машина аста ўрнидан қўзғалди. Мирсаид ака Назарбекнинг асосий йўли бўйлаб шаҳарга қарама- қарши йўналишда бўлган тарафга ичкарилади. Орадан ўн беш дақиқалар ўтиб машина ойнаси бўйлаб лип- лип ўтаётган манзаралар дала манзараларига алиша борди.

Орадан ярим соат ўтар- ўтмас, уларнинг кўз ўнгида митти зарғалдоқ дала чечаклари билан бурканган ажиб гўзаллик намоён бўлди . Мирсаид ака азим тут дарахтининг соясини мўъжаллаб бориб машинасини тўхтатди.
У машинадан тушгач, орқага ўтиб юкхона ёнида бироз куймаланди. У кўп ўтмай Мастура опанинг қаршисида эрталаб Асрор ака ташлаб кетган аравача билан ҳозир бўлди. Мирсаид ака машинанинг Мастура опа ўтирган тараф эшигини очди ва аёлини авайлаб аравачага олиб ўтқазди.

Мирсаид ака аравачани терс тарафга айлантирганда Мастура опанинг кўз ўнгида ажиб кўл манзараси мавжланди .

- Бунчаларам гўзал бўлмаса ... - деди Мастура опа атрофга боқиб кўнглидаги хислари тўлиб- тошганча ярим шивир овозда , - буюк мусаввирнинг бетакрор ижод намунаси ...

#давоми_бор / 93

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍33🥰3❤2💔1
This media is not supported in your browser
VIEW IN TELEGRAM
😴😴😴😴😴😴

Бошингизга энг қийин кунлар тушиб, сиз бардош бера олмайдиган нуқтага келганда асло сабрингиздан воз кечманг. Ана ўша нуқта тақдирингизни ўзгартирадиган нуқтадир...

Тунингиз хайрли бўлсин Қадрдон!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍4
Ассалому алайкум...🌹

🌞 Хайрли тонг! Душанба тонгги муборак бўлсин...🌤

😀 Аллоҳимга шукр яна бир гўзал тонгни  соғ омонликда ғойибона бўлсада дийдор кўришиб қарши олишлик бахтини насиб этди!

😀 Аллоҳдан қалбингиз сокинлигини,
Юзингиз табассуми ва нурини,
Танангиз соғлигини,
Хонадонингиз тинчлиги давомий бўлишини,

😀 Ўзингиз Ота-онангиз ва сизга азиз бўлган барча яқинларингизни мағфират қилишини сўраб қоламан!

😀 Аллоҳ хар бир тонгни саодат ила қарши олишингизни насиб айласин 🤲

😀 Яхши кайфият сизни асло тарк этмасин!!

✿•┈┈┈┈┈••ৡ🌸🌸🌸ৡ•┈┈┈┈┈•✿
Яқинларга улашинг ❤️👇
https://t.me/+47zmpAgeAI81NWVi
👍2