#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Ана Жалолиддин акамнинг келишларига ҳам саноқли кунлар қолди. Улар келганида барча сирнинг очилмасидан иложи йўқ. Ана ўшанда нима қиламан!? Улар-чи? Улар нима қилишади?
Қайнотам, қайнонам, ота-онам, Жалолиддин акам, Жамила... Уларнинг кўзларига қандоқ қарайман?
Иииммм... Жисмим оғрияптими ёки руҳим. Қайси бирининг оғриғи менга кучлироқ азоб беряпти.
Қаердадир эшитгандим: барча касалликларнинг сабабчиси асаб деб. Бошимга мана шу савдо тушгандан буён қорнимдаги оғриқ ҳам кучайиб бормоқда.

- Келин, - деди Баҳринисо она кечга яқин эшикдан бош суқиб, - уйғоқмисан?

- Ҳа, она... - ёстиқдан базўр бош кўтарди Зулхумор,- уйғоқман...

- Бир амаллаб қаддингни кўтариб ҳовлига чиққин, болам. Ётган сайин ер тортиб кетаверади. Ҳовлида бир яхши ҳаво бўляпти. Мундоқ чиқиб ўпкаларингни тўлдириб нафас олгин. Қонинг ҳам юришсин бундоқ. Эрта-метан Жалолиддин келса униям рангингни шундай рўпай қилиб кутиб оласанми, ўтини ёриб? Чиқ қизим, болангниям Жами олиб чиқади, айтаман.
- Ҳолим йўқ, она...- Зулхуморнинг бўғзига йиғи тиқилди, - ётган жойимдаям бошим гир-гир айланиб кетяпти.

- Ҳа майли, ўзингга қара, болам...- Баҳринисо она келинига шундай деди-ю, бироқ хаёлидан "Илойим Аллоҳим шугинага дардини шифоли қилиб берган бўлсинда, ишқилиб- деб ўйлади, боёқишни кундан-кунга ранги кетиб боряпти"...
Эртаси куни пешинга яқин Зулхуморнинг телеграм рақамига Ҳатира холадан бир дунё хабар келибди. Зулхумор у хабарларни ҳафсаласиз очиб кўра бошлади-ю, бирдан юзларига қон тепчиди. Ҳатира холадан келган хабарларнинг ҳаммаси турли суратлар бўлиб, уларнинг барида Зулхумор беҳаё ҳолатда тасвирланган эди.



-118-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Бу нимаси? - бемажол шивирлади Зулхумор,- эсини еб қўйганми бу кап-катта аёл?
Бу суратлар... Қандай қилиб!?

Тез орада Ҳатира холадан янги хабар келди:

- Сюрприз ёқдими, жоним? Ёмонам офатижонсиз-да ўзингиз?

- Хола, бу нима қилганингиз? - базўр харф тера бошлади Зулхумор,- мен...

- Мен хола эмасман, нодон хотин,- хабар келди тармоқдан,- мени келишган, забардаст эркакман... Бу ёғига бошқатдан танишамиз, жонгинам...

- Нима? - Зулхумор жонҳолатда Ҳатира хола профилини дарҳол блокка солди ва чуқур уҳ тортди,-нима ишлар қилиб қўйдим мен аҳмоқ...

Тез орада Зулхуморнинг телегаммида бирин- кетин ўнгга яқин профиллар пайдо бўла бошлади. Барида унинг монтаж орқали ясалган шармандалик расмлари
Охирги очилган профилдан эса яқинда Зулхуморнинг "Ҳаёт шаъми" гуруҳи админига тўлдириб топширган анкета саволлари юборилди.

- Ақлли қиз бўлсанг, бўл!- дея ёзилганди унинг тагида,- кўряпсанми, сени жонинг бизнинг қўлимизда! Уни ўз қўлларинг билан бизга топширгансан. Биздан қочиб ҳеч қаерга кетолмайсан. Негаки сен рақамимизни миллион марта блокка солганинг билан қўлимизда турган эрингни телефон рақамига қўнғироқ қилиб сенинг бўлмағур аёл эканлигинг ҳақида айтиб қўйишимиз мумкин!

-119-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Кимсан сан!?- титраб-қақшаб ёза кетди Зулхумор,- мен тўлдирган анкета саволлари сенда нима қилиб юрибди?

- Топган топалоқ!? - илжайган башарани расмини жўнатди "Ҳатира хола" ,- каллангни яхшилаб бир ишлатиб кўр-чи?

- "Админ хоним"!?- мияси яшин тезлигида ишлаб кетди Зулхуморнинг, - ифлос, нима ишлар қилиб қўйдинг!? Тезда пулимни қайтар!

- Бизда олмоқ бор, бермоқ йўқ! -яна ишшайган сурат юборди "Ҳатира хола",- сенингча олган пулни қайтариш учун шунча кундан буён тер тўкяпмизми?

Зулхумор унинг хабарларини ўқиди-ю, ўйланиб қолди. Сўнг зудлик билан орадаги бўлаётган ёзишмаларни скриншот қилиб нусҳалай бошлади.

- Ҳа жимиб қолдинг?!- дея ёзди "Ҳатира хола",-ўзингча ўртамиздаги ёзувларни нусҳалаб бизни шу орқали топаман деб ўйлаяпсанми? Ҳой ақлли! Бу рақамлар бизнинг номимизда эмас, эгаларининг кўпи ё аллақачон оламдан ўтиб кетишган ё бўлмаса эси-кирди чиқди бўлиб қолган одамлар. Хуллас, ўзингниям, бизниям вақтимизни зое кеткизма.

- Менга қаранг, шунча пулимни ечиб олишга виждонингиз қийналмадими? Бу эримнинг совуқ юртларда қўли қавариб дарахт кесиб синглисининг тўйига тийинлаб йиққан пули эди.
Жооон ака, илтимос пулимизни қайтариб беринглар. Бир умр дуои жонингларни қилиб ўтаман. Эл-юртнинг олдида шарманда қилманглар мени!?

- Шарманда!? Шарманда дейсанми? Сен ҳали шарманда бўлганингча йўқ!? Ҳа айтганча ҳозир мен айнан шунинг учун сен билан гаплашиб турибман. Сенинг шарманда бўлмаслигинг учун. Мана буларни кўр-чи?

" Ҳатира хола" Зулхуморнинг шахсийсига ўнга яқин расм ташлади.
Бу Зулхуморнинг бир неча кун аввал "Ҳатира хола"га жўнатган энг чиройли кўйлакларини кийиб тушган расмлари эди. Аммо у расмларда Зулхумор ўз юзини гул стикери билан беркитган эди-ю? Буларида эса юзи очиқ. Яна ҳудди аслидек...

Зулхумор унча-мунча фирибгарларнинг эмас, балки устаси фарангларнинг тузоғига тушганини англади ва аранг савол ташлади:

- Мақсад, муддаоларинг нима сенларнинг?


-120-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Саломлашишнинг етмишта  савоби бор. Шундан олтмиш тўққизтаси салом берганники, биттаси эса алик олганникидир.

Ассаламу Алайкум ва Раҳматуллоҳи ва Барокатуҳ

Кунингиз,
Умрингиз,
Йўлингиз очиқ,
Мушкулингиз осон,
Ҳожатингиз раво бўлсин.

📱@Insta_retseptlar — Mazali yeguliklar har kuni taomnomangizda!

АЛЛОҲ ҲАҚИДА ЯХШИ ГУМОНДА БЎЛИНГ!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Бунчалик ҳам анойи бўлманг, қизижоним. Муддаойимиз нима бўларди бизларни? Ҳа ўша муллажиринг-да?

- Томинг кетганми сенларни!? - жазавага тушиб қолди Зулхумор,- яна қанақа пул!? Бор-будимизни шилиб адои-тамом қилдингларку ўзи!?

- Қанақа пул бўларди, суюкли онажонинг Покизахон опа олиб келиши керак бўлган пул! Шунча кундан буён қулоғингга танбур чертяпманми, онангдан пул сўра деб!

- Сен жинни-пиннимасмисан? Шунча пул камлик қиляптими? Ўзи одаммисан-а, мараз?

- Мараз дема, алвасти. Ундан кейин билиб қўй, пулнинг ортиқчаси бўлмайди. Биз ҳали сендан ўзлаштиришни режа қилган пулимизни олганимиз йўқ, тушундингми? Кунда вақт кетказиб янги мижоз ахтаргунча сендака борларидан унумли фойдаланамиз. Йиғилган маълумотларга кўра онанг ёлғиз қизи учун бемалол ўн беш минг доллар, балки ундан ҳам кўпроғини топиб бера олади. Сен қайсарликни қўйиб ушбу пулларни онангдан сўра. Истасанг бўлган воқеани оқизмай томизмай онангга айтиб беришинг мумкин.
"Шунақа-шунақа, ойижон, куёвингизни пулини ҳалта қилиб қўйган жойим бор" дегин. Она барибир она, балки бир, икки кун жаҳли чиқар, аммо мушкулингга чора ҳам топиб беради.
Шунда сен ҳам барча муаммоингдан бир йўла қутиласан. Ўн минг долларни эрингга тутқазасан, қолган беш мингини қимматли мпслаҳатим учун менга берасан. Шу билан ора очиқ, а лаббай!?

   - Э нафсингга б... тиқилсин сенларни. Илоё мендан ўмарганларинг яқинларингни ўлигига буюрсин! - Зулхумор борган сари ўзини йўқотиб борарди.


-121-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Қарғама, алвасти! Жаҳлим чиқса ёмон бўлади! Бу кунинг ҳолва бўлиб қолмасин яна!

- Бундан ҳам баттари бўлмаса керак! Икки қулоғинг билан эшитиб ол! Сени ва шерикларингни Худога солдим. Худо жазоларингни берсин!

- Ваҳ-ҳаҳ-ҳа-ҳа! Эшитиб ол дейсанми, попу!? Қанақа эшитаман!? Ёзишаяпган бўлсак!?
Ўқиб ол дегин тўғри бўлади!
Хуллас, сенга эртагача муҳлат! Эртага " Ҳўп бўлади" деган жавобингни роппа роса ўн еттигача кутаман. Ўша жавобни берганингдан кейин айтган пулимни уч кун ичида картангга солдирасан. У ердан ўзим силлиққина қилиб ечиб оламан.

- Хўп бўлади демасам- чи?
- Хўп бўлади демасанг ўзингдан кўр, унда эртага Тошкент вақти билан роппа- роса ўн етти-ю ўнда сени "Hello, my love" гуруҳига ҳомталашга қўйдирвораман.

- Тушунмадим, бу нима деганинг?

- Тушунмаганинг яхши. Хуллас айтганимга кўнмасанг, аёл бўлиб туғилганингга пушаймон бўласан. Гапимга жавоб бераман. Мен билан кўп ўйнашма, қизижоним.

Зулхуморнинг ортиқ асаби чидамади. Телефонини шарт ўчирди-ю, ўзини ўринга ташлади.
Ёнида ётган Беҳзод қорни очганми уйқусида тамшаниб ғиншиди. Зулхумор бор аламини боласидан олгандек унга кўкрак тутгиси келмади. Ўғлига жаҳл билан термулиб "Қани эмизмасам нима қиласан?" дегандек без бўлиб тикилиб ётаверди.
Беҳзод эса қўл-оёғини типирчилатиб йиғлай бошлади. Йиғи асносида унинг уйқуси очила бошлади. Зулхумор ҳозир ўғлини овутмаса қушуйқу қайнонаси унинг овозига уйғониб келиб қолишидан чўчиб мажбуран ўғлини қўлига олиб кўкрак тутди. У ҳозир ҳеч кимни кўргиси йўқ эди.
Зулхумор боласини эмизар экан, томирларида тош бўлиб қотиб ётган алланима аста эрий бошлади. Кўп ўтмай ўша эриётган нарса унинг кўзларида ёш бўлиб тизила бошлади.
Зулхумор кўз ёшларини ўз ҳолига қўйиб берди, зеро унинг кўз ёшга айланиб тўкилаётган кўнглидаги изтиробларни тутиб қолишга мажоли қолмаган эди. Тез орада ўз манзилларини тўлдирган кўз ёшлар жувоннинг рангпар юзларини ювганча оқиб туша бошлади. Улардан бир неча томчиси Зулхуморнинг лабларигача етиб борди. Лабларида ёш таъмини ҳис қилган жувон ҳазин жилмайган бўлди:

- Кўз ёшлари шўр экан...

Ҳудди унинг тоълеи каби...


-122-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Эртаси куни эрталабдан Зулхуморни ҳовлида очиқ чеҳра билан кулимсираб юрганини кўрган Баҳринисо она аввалига ҳайрон бўлди, сўнг эса кўп ўтмай уни тергашга тушди:
- Ҳай қизим, бу нима аҳвол? Юпун юришингни қара? Ҳали бутунлай тузалганинг йўқ-ку? Оқсоқ оёғинг билан нима ишни қойиллатмоқчисан?

- Мен яхшиман, она,- жилмайди Зулхумор,- ётавериб ҳам юрагим қон бўлиб кетди. Шунга озгина ҳаракат қилай дегандим.

- Нима иш бўлса Жамиладан ортмайди, сен аввал обдон тузалиб олгин.

- Ростини айтайми, - муғомбирона кўзини қисди Зулхумор,- анави қозонда ёпилган патирингизни соғинибман. Қайноқлигида қаймоққа тўғраб-тўғраб ейилса борми?

- Вой болам тушмагурей, дардинг шуми? - серажин чеҳраси зумда ёришди Баҳринисо онанинг,- ҳозир Жамилага айтаман, бир соатга қолмай патир тайёр-да!? Сен бу ерда турмай хонангга кир. Тағин эрталабки елвизак яна ич оғриғингни қўзғаб юбормасин. Шу топда ўзи ҳурсанд бўлиб турибман. Кўнглинг ниманидир тиладими, демак, тузала бошлаяпсан. Насиб қилса Жалолиддинни елиб- югуриб кутиб оласан.

- Хўп, она,- Зулхумор ортиқча эътироз билдирмай хонасига йўл оларкан деди,- кун озгина ташласин набирангиз билан яна чиқамиз.
- Беҳзод уйғонди-ёв, ичкаридан йиғи овози келяпти, - деди Баҳринисо она Зулхуморни беозор койиган бўлиб,- сен бўлсанг ҳалиям бу ерда тимирскланиб гап сотиш билан оворасан. Кирақол тезроқ, йўқса боламни ўпкаси тушиб қолади.

-123-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ассаламу алайкум ва роҳматуллоҳи ва барокатуҳ

Омонмисиз, қадрдон... Муродбахш чоршанба тонгги муборак бўлсин!

Қалбингиз Аллоҳнинг уйи!
Кўксингиз меҳрнинг чашмаси!
Кўзингиз гўзаллик шайдоси!
Қўлларингиз ҳайрнинг аскари!
Оёқларингиз яхшиликнинг чопари!

Турган-битганингиз Мусаввир зотнинг "санъат асари!"

Илм сизга тутилди, дунё сизга яралди; тунлар оромингиз учун, кунлар касби корингиз учун бино бўлди, Аллоҳ шундай яратибдими, демак ҳеч бири бежиз эмас!

Қалбингизни эгасига очинг...
Меҳр бисотингизни сочинг...
Кўзларингиз гўзаллик нурига,
Қўлларингиз дуонинг зўрига,
Оёқларингиз Покнинг ҳузурига
Сизни еткизмагунича толмасин!

Сизни йўқлаб келган бу тонг ҳайрли ишларга дебоча бўлсин!

📱@Insta_retseptlar — Mazali yeguliklar har kuni taomnomangizda!

БАХТ САРИ 5  ҚАДАМ

1) «Ҳал қилинмайдиган муаммонинг ўзи йўқ. Шунчаки, хаёлни чалғитувчи вазиятлар бор, холос». Ана шу иборани ёдда сақланг.

2) Ҳаётингизга янгилик киритишни истасангиз, ишни ўзингиздан бошланг. Зеро, ўзингиз ўзгармас экансиз, буни бошқалардан талаб қилиш тўғри бўлмайди.

3) «Ҳеч қачон ҳеч нимадан афсусланманг! Ҳаммаси яхшиликка!» Оддий сўз бўлгани билан билиб айтилгани рост.

4) Бир эшикни очиш учун иккинчисини ёпишга тўғри келади. Аммо ортда қолганини зичлаб ёпингки, кейин  яна очиш истаги пайдо бўлмасин.

5) Ишонинг! Бу туйғу ҳар биримиз учун ғоят зарур! Ҳатто атрофингиздагилар «тамом бўлди» дейишса ҳам, «яшашни энди бошлаяпман» дея ишонч билдиринг. Ўзингизга ва танлаган йўлингизнинг тўғрилигига ишонинг.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Шу куни" Ҳатира ҳола" никидаги эркак тайин қилган вақтга қадар Зулхумор тармоққа уланмади. Бироқ кун бўйи фикри хаёли шунда бўлди. Бир кўнгли унинг таклифига кўнишни ҳам ўйлади, бироқ нафсининг қули бўлган ўша инсоннинг "Беш минг доллар берсанг сени бутунлай тинч қўяман" деган ваъдасига ишонмади. Ахир нафс деганлари ямламай ютар ўпқон-ку, ютган сарин ютсам дейди, кўрган сари кўрмадим деб тонади.
"Йўқ! - дея бир қарорга келди Зулхумор,- бошқа бу ифлосларга имкон бермайман. Ўзимни буларга емиш қилиб қўйдим, ойимларни бу ғурбат савдога аралаштирмайман! Ўзимнику бўларим бўлди. Ҳали Жалолиддин акам келганларида берадиган қанча жавобларим бор. Мен ҳатто турмушим бузилиб кетиши эҳтимолиниям ҳисобга олиб бўлдим. Начора, бошга тушганни кўз кўрар экан. Қилар ишни мен қилдим, қарор чиқариш эса оила аъзоларимиздан. Буёғига улар нима дейишса кўнишга розиман. Бошқа иложим йўқ менинг. Эртага Жалолиддин акам келишларига ота-онам ҳам Тошкентдан келиб қолишади. Балки... Балки бу уйдагилар мени кўришни исташмаса (ҳайдаб юборишса дегим келмаяпти) улар билан Тошкентга қайтарман. Ҳар ҳолда ҳали яшашдан умидим бор. Бу умидим ота- онам... Ўғлим.
Ҳамда мақсадим... Мен ҳали кўп пул топишим керак. Ўша пулларни келинлик уйимдаги оиламга қайтаришим керак. Билмасдан босган тиканимни ҳунини тўлашим керак... Эҳҳ...

Анави ифлос эса қўлидан келганини қилсин. Аслида у қиларини қилиб бўлди. Гулдек оилани жар ёқасига олиб бориб, вайрон қилишга тайёр қилиб қўйди. Бундан ортиқ яна қандай ёмонлик, разолат бўлиши мумкин?"

Зулхумор "Бугун менинг шу уйда ўтказадиган сўнгги куним бўлиши мумкин" деган хаёлда тинмай ўзини ўзи ҳурсанд қилишга тиришарди. У аввал уйини чиннидек қилиб тозалаб чиқди, Беҳзодни чўмилтирди, Баҳринисо онанинг ҳай-ҳайлашига қарамай битта қолдирмай кирларни ювди. Ўртада Беҳзодни ухлатиб ўзи ҳам ҳаммомга тушиб чиқди. У ердан чиқа солиб Жамила эзиб қўйган тўнтариғлик пиёла кетидаги ўсмадан қошига қалин қилиб қўйишга ҳам улгурди.Икки қошининг ўртасига пахтада пиликланган бўйра чўп билан "кўприк" чизиб олгач , қайнонасининг юзидан "Қалай, она, сизга ўхшабманми!?" дея чўлп этиб ўпиб олди.
"Эртага яна пиширамиз" дея жилмайиб вақтидан анча олдин Тошкентча палов дамлади. Дастурхонни ҳаммалари ўтирадиган пойгакдаги уйга ҳозирлаб, ошни ўша дастурхонга сузди.

Баҳринисо она билан қайнотаси бир кунда "чопқиллаб, қўли қўлига тегмай кетган" Зулхуморни кўриб ўзаро кўз уриштириб қўйишарди:

"Боёқиш эрини хўп соғинган экан-да!? "

-124-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Кеч кирган сари Зулхуморнинг нима учундир юраги сиқила бошлади. Кун бўйи ҳаётдан баҳра олишга, ўзига бир қатра бўлса-да қувонч улашишга интилган кўнгли шом киришига яқин мунғайиб қолди. Бугун барча ишлар барвақт якунлагани , эртага эса Жалолиддинни кутиб олишлари кераклиги учун оила аъзолари ўз хоналарига ҳар кунгидан вақтлироқ кириб кетдилар. Баҳринисо онанинг ҳам бугун Зулхумордан кўнгли тинчигани учун ҳуфтон номозини ўқибоқ уйқуга ётишни мўъжаллаганди.

Зулхумор ҳам ётоғига кириб ўрнига чўзилди. Бироз вақт ширингина ухлаб ётган Беҳзодни кузатиб ётгач, юраги бетламай телефонини қўлига олди.

" Ҳатира хола"дан хабар келибди!

- Сен мени менсимай ўзингча ўзбошимчалик қилаяпсан!? Майли шунча кун ҳамсуҳбат бўлганимизнинг ҳурмати сенга берган муддатимни соат ўн тўққизгача узайтираман. Ана шу вақтгача мен билан алоқага чиқиб таклифимга розилигингни айтмасанг, номингдан ёзилган хат, суратинг ва телефон рақамингни кеча айтган "Hello, my love" гуруҳига ташлайман. Бу гуруҳ аъзолари салкам бир ярим миллиондан ортиқ.Унинг нима мақсадда очилгани билмасанг, маълумот учун айтаман:
Гуруҳ инсонларга интим хизматлар таклиф қилиш учун очилган.
Энди эса сенинг номингдан тайёрлаган расмни кўр ва эълонни ўқиб чиқ.

Зулхумор кўз ўнги қоронғилашиб суратни очди. Унда ўзи яланғоч ҳолатда кўксини бир қўли билан беркитган ҳолда жилмайиб турарди. Тагида эса:

"Менинг исмим Зулхумор,- деб бошланганди эълон,- ёшим йигирма учда. Ўзини эркак деб ҳисоблаган ҳар қандай кишининг жинсий ҳоҳиш- истакларини...
Ишонинг бари супер даражада бўлиши кафолатланади.
Тўғридан-тўғри учрашишга имкони йўқ узоқ масофада яшовчи эркаклар учун эса ҳиссиётларни жунбушга келтирувчи онлайн мулоқотни таклиф қиламан. Бунақаси ҳали бўлмаган. Онлайн мулоқатда мавзу юзасидан тўғридан-тўғри (прямой) эфир бўлишини ҳам ташкил қилишим мумкин, албатта буларнинг бари сизнинг ҳоҳиш-истагингиз ҳамда хизмат ҳақини тўлиқ тўлаганингиздан сўнг.

Мен билан боғланишни ҳоҳлаганлар учун телефон рақамим-***
Ўзингизга қулай бўлган исталган вақтда қўнғироқ қилишингиз мумкин, фақат келишилган пулни вақтида тўласангиз бас.

Ишонинг кетказган вақтингизга асло афсус қилмайсиз.

- Буниси эса,- деб ёзганди "Ҳатира хола",- эълонинг роппа роса соат ўн тўққизда жойланадиган гуруҳ линки. Кириб кўриб ёлғон гапирмаётганимга ўзинг гувоҳ бўларсан! Хайр, қизижон, бу кунингдан баттар бўл!

Зулхумор жонҳолатда соатга қаради! Соат икки минут кам ўн тўққизни кўрсатиб турарди...

-125-