🍀Ассалому алайкум
🌦Хайрли тонг Азизларим!
              ❄️❄️❄️❄️❄️
⚡️ Пайшанба тонги муборак
😀Ва хайрли булсин

🌹Яна бир янги тонгга етказган
🌹Роббимга хамд-у санолар булсин!

😀Кунингиз файзу барокатли 😀Утсин. Барча эзгу
😀Ниятларингиз, яхши
😀Амалларингиз ижобат булсин

😀Умрингизга ва ризкингизга 🌷Аллохим барокот берсин!

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Жалолиддин учун қишлоқларига кириб боргунча бўлган ўн беш дақиқалик йўл ўн беш асрдек узоқ туюлди. Юрагидаги бир ёввойи ҳис. "Ҳей, Жалолиддин, жиннимисан? Нега Зулхумордан ҳавотир оласан? Ахир у ўз жонига қасд қиладиган даражада содда аёл эмас-ку? Зулхумор ўқимишли, оқ-қорани таниган, дунёга заковат кўзи билан қарайдиган тушунган аёл бўлса, қолаверса унинг ўз жонига қасд қилишга арзийдиган бирор бир сабаб бўлмаса? Ўтган куни ҳам СМС ёзганда "Мени яхши кўрасанми, Хуморим" деб сўрасам, "Бунақа саволларга телефонда жавоб бермайман, келсангиз қулоғингизга аста шивирлаб айтаман" дейдиган даражада ҳаёли бўлса !?

Унда... Унда нега юрагим бежо уряпти? Унда нега томирларимда оқаётган қон вужудимни тилим-тилим қилиб исён қиляпти?
Унда нега манави ҳайдовчи ака "Ўз жонига қасд қилган аёл ёшгина жувон экан, ўғилчаси бор экан, эри бугун Россиядан қайтиши керак экан" деяпти!? Бир инсон учун шунча ўҳшашликлар керагидан ортиқ кўп эмасми?
Бизнинг қишлоқда ўзи ўттизта ҳам хонадон чиқмаса, яна бизникига ўхшаш нечта ёш оила бор?
Ё, Худо!?- бошини маҳкам чангаллади Жалолиддин, -Зулхуморга бир нима бўлса қандай яшайман!? Ахир у ҳаётимнинг мазмуни, бор-у йўғим, кўнглимнинг ягона эгаси...

- Ука, қишлоққа келдик, энди қаерга ҳайдай? - ҳайдовчининг ботинмайдиган берган саволига Жалолиддин тушунмади:

- А!? Нима!?- сўради у талмовсираб

- Энди қаерга ҳайдай!? - овозини баландлатди ҳайдовчи

- Ҳаа,- Жалолиддинга ҳайдовчининг саволи етиб келди,- ҳозир тўғрига, кейин ўнгга...

- Хўп.

Ҳайдовчи ўнг кўчага бурилар экан, "Шу ёққами?" дея ўзи учун яна бир бор савол берди, бироқ Жалолиддин унга жавоб қайтармади.
Ҳайдовчи машинасини безиллаганча ўнг тарафга бурди ва бутун вужуди музлай бошлади.
Кўча у қадар узун эмас экан. Уч юз метрча нари кўчанинг охирида талай машиналар йиғилган, улар орасидан сал аввал туман марказида йўлни тўлдириб ўтган хизмат машиналари ҳам бетартиб жой олган, эркак-у, аёл, болаларгача, кўчани тўлдириб туришар, уларнинг юз ифодасидан ичкарига киришга юраклари бетламаётгани билиниб турар эди...

-137-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Тўпланган оломонни кўриб ҳайдовчи ҳаммасига тушунди, унинг қулоқлари чиппа битди, базўр ёнида ўтирган ҳамроҳига қаради. Йигитнинг ранги бўздек оқарган, чакка томирлари ўқловдек ўйнаб чиққан, қиррадор ёноқлари лип-лип уча бошлаган эди.
Ҳайдовчи машинасини одамлар ёнигача тақаб ҳайдаб борди.
У машинасини тўҳтатиб Жалолиддинга қаради:
- Ука...

Жалолиддин ҳайдовчига телбанавор тикилди.

- Ўзингизни қўлга олинг...
Жалолиддин катта сумкасини маҳкам бағрига босганча машина эшигини очиб аста ундан тушди. У бирма-бир одамларга тикилиб чиқа бошлади. Афтидан у йиғилганлардан "Бу ерда нималар бўляпти?!" деб сўрамоқчи бўлди-ю, бироқ кимдир "Зулхуморинг бу дунёни тарк этди" деган жавобни бериб қўйишидан қаттиқ қўрқаётгандек эди.
Йиғилганлар Жалолиддин ўзлари томон янада яқинлашгач ҳудди олдиндан келишиб олгандек иккига ажралиб унга йўл беришди.
У аста-секин ланг очиб қўйилган дарвозалари томон юра бошлади.
Шу пайт аёллар орасидан кимдир йиғи аралаш ўртаниб гап қўшди:

- Ҳеч бўлмаса аёлини совуқ дийдорини кўриб қоладиган бўлди. Марҳумани ўликхонага олиб кетгунларича етиб келганини кўринг...

Шу пайт Жалолиддин таққа тўҳтади. Қўлидаги лиқ тўла сумкаси қўлидан тап этиб ерга ағдарилиб тушди. Зарб таъсирида унинг ичидан бир қисм буюмлар сочилиб тушди. Йиғилганлар буюмлар орасидан оқ ва пушти рўмолларини кўриб лабларини тишладилар. "Бечорагина, шулардан бирини аниқ аёлига олган!"
Жалолиддин эса ҳеч нарсага қарамай ичкарига интилди. У оёқлари остидаги буюмларга эътибор бермади. Жалолиддинни кузатиб турганлар унинг пушти рўмолни оёқ кийими билан эзғилаб ўтиб кетганини кўриб бошларини сарак-сарак қилиб нафаслари ичларига ютиб қолишганди.

-138-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Жалолиддин ичкарига кириб борганда ҳовлининг ўртасида турган лейтенант йигит унинг йўлини тўсди:

- Тўҳтанг, бу ерга кириш мумкинмас!

- Акааа!? Акажооон! - пойгакдаги хонадан бошяланг, оёқланг Жамила отилиб чиқди. У Жалолиддинга етмай қоқилиб йиқилди. Жалолиддин уни ердан кўтариб олиш учун синглиси томонга югурди.

- Акажооон...- чўкка тушган акасининг елкасига бош қўйиб изиллаб йиғлай бошлади,- янгаааммм... Янгааам бизни ташлаб кетдилар... Мен уларни ўз опамдек кўрардим. Энди уларсиз қандай яшаймиз? Беҳзод қандай яшайдиии?

- Нима...? Нима бўлди Зулхуморга? -аранг шивирлади Жалолиддин

- Билмайман, ака... Билмаааайман! Ҳеч ким билмайди, ака!? Нима учун жонларига қасд қилганлар, ҳеч ким билмайди!

-Марҳумани текширувга олиб кетишимиз керак,- деди сал аввал Жалолиддинни ҳовлида йўлини тўсган лейтенант,- сиз...

- Мен уни бир кўрсам майлими?

Жалолиддиннинг илтимосига лейтенант индамай йўл бўшатди.

- Ўртоқ майор, марҳуманинг эри Россиядан қайтди. Хонага кирса мумкинми?- ичкарига бош суқиб сўради лейтенат . Майор кираверсин деган ишора қилган шекилли лейтенат эшикдан бош чиқариб имлади.

Жалолиддин зил-замбил бўлиб кетган танасини аранг судраганча ичкарига қадам босди.

Жалолиддин хона тўридаги ётоқларида ётган Зулхуморга яқинлашди. Жуфти-ҳалолининг тепасида туриб унга тепадан тикилди. Аёлига қараган Жалолиддин ҳаётидаги энг нафис чечакни бой берганини тушуниб юраги қаттиқ санчди. "Хуморим, - хаёлан шивирлади Жалолиддин, -сен шунчалар ҳам гўзалмидинг?" Зулхуморнинг оппоқ юзлари янада оқариб кеча ўсма қўйган қош ва сержило киприкларини қуюқлаштириб кўрсатар, ним очиқ қолган кўзлари "Сизни қаранг-у, мени нима учун ташлаб кетдингиз?" дегандек эркаланиб аразда ётгандек кўринарди. Белигача тушган қисматидек қоп-қора узун сочларининг учлари жингалак бўлиб ётиқ билан битта бўлиб ётар, ғунчадек нимпушти лаблари эса... "Саволингизга жавобни келганингизда қулоғингизга айтаман" дегандек сирли шивирлаётгандек бўлар...
Жалолиддин ана шу ақиқ лабларнинг бир бурчагидан оқиб тушган қон юқи куйган изни кейинроқ кўрди. Из узайиб бориб Зулхуморнинг бўйнига куйдириб ўймалаб борганди.

Жалолиддиннинг қўллари мушт бўлиб тугилди.

- Сиз адашмасам марҳуманинг эри Қодиров Жалолиддин бўласиз, шундайми?

-139-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#Жума_муборак
✨Азиз диндошим муборак Жуманинг файзи барокати сизга бўлсин

🌙 Энг яқин инсоним кириб келган “Жума” куни муборак бўлсин.

📱@Insta_retseptlar — Mazali yeguliklar har kuni taomnomangizda!

Inshaalloh ♥️ #juma_muborak

📱@Insta_retseptlar — Mazali yeguliklar har kuni taomnomangizda!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Жалолиддин савол берган эркак томонга ўгирилиб хонада майордан ташқари яна уч киши борлигини кўрди.

- Мен майор Умид Турдиевман,- ўзини таништирди майор,- марҳума аёлингиз ўлими юзасидан дастлабки ҳулоса натижаларини расмийлаштираяпман. Бугунги ҳолат юзасидан баъзи бир ашёларни тергов суриштирув ишлари учун олиб кетишимиз лозим бўлади. Шунга актга қўл қўйиб берсангиз.
Булар:

1. Марҳуманинг телефони.
2.Жонига қасд қилган восита...
3.
4.
5...

- Аёлимнинг телефонини бир кўрсам дегандим- бирдан дадиллашди Жалолиддин,-ўлимининг сабаби балки у ердан аниқланиши ҳам мумкин-ку?
- Албатта,- ҳозиржавоблик билан жавоб қайтарди Турдиев, - фақат бу билан биз шуғулланамиз. Янгилик бўлса сизни хабардор қилиш эса бурчимиз. Энди эса марҳумани ўликхонага жўнатишимиз керак. Ўзингиздан қолар гап йўқ, кун иссиқ марҳумани ҳидланишига йўл қўйсак, инсонгарчиликдан ҳам бўлмас. Тушунтиролдим деб ўйлайман.
Ўликни қанчалик тез текширсак, шунча тез сизга, яъни эгаларига қайтарилади.
Майор Зулхуморни "Ўлик" деб атаганда Жалолиддинни эти учди. Негадир шу топда аёли учун бир томчи кўз ёши тўкмаганига ўзи ҳайрон бўлди ва бу саволга жавобни жуда тез топди:
- У Зулхуморнинг энди бу ҳаётда йўқлигига ҳали ҳануз кўнмаётган экан!
Зулхуморни оқ чойшабга ўраган ҳолда кўтарма тўшак(носилка)да ташқарига олиб чиққанларида айвонда ўтирган қариндош аёллар бараварига увв тортиб юборишди.
Жалолиддин улар орасидан онасининг овозини ажратди-ю, у билан кўришмагани ёдига тушди.

- Онааа!?

Ажаб Жалолиддин онасининг бағрига бош қўйгандагина кўзларига ёш келди. Атрофдагилардан тортинмай ўкраб-ўкраб йиғлай бошлади.

-140-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Бошингда шу савдолар ҳам бор экан-да, болам,- ҳирқироқ овози билан ўғлининг йиғисига жўр бўлди Баҳринисо она, - Зулхумор қизимни кўз еди, суқ еди... Энди айтиб йиғлагандан фойда борми? Оҳ, қизим-а, ҳали ота-онанг келса уларга нима деб жавоб бераман!?

- Ойи, мен кетишим керак,- деди Жалолиддин ўзини базўр онасидан тортиб,- Зулхумор... Уни қайтиб олиб келиш учун.

- Болам, пул-мул олиб ол. Кўп керак бўлади.

- Хўп,- Жалолиддин шундай деб атрофга аланглади. Укаси уларни нарида кузатиб турган экан, сал аввал олиб келган сумкасини олиб келиб акасига тутди:

- Акааа...
Жалолиддин қўл узатиб сумкани олди-ю, укасини маҳкам бағрига босди. Укаси анча улғайиб қолибди. Жалолиддинга ортиқча суйкалиб йиғи-сиғи қилиб ўтирмади. У акасининг тезроқ янгасининг изидан бориши кераклигини яхши тушунарди.
Жалолиддин сумкани очиб ичидан бир пачка пул олиб чўнтагига солди-ю, сумкани қайтиб укасига берди. Жамолиддин чўнтагига қўл суқиб ўзининг телефонини олиб акасига тутди:
- Буни олинг. Сиздан хабар олиб турамиз.
У акасининг телефони ўчиқ эканлигидан тонг сахарда хабар топганди.
Ака-ука бошлашиб кўчага чиқа бошладилар. Остонада бир гуруҳ қариндош эркаклар бошларини эгиб туришар экан. Жалолиддин улар билан тез-тез кўришар экан, навбат отасига келганда тўхтаб қолди. Отаси кейинги ойларда озиб бир бурда бўлиб қолибди. Жалолиддин уни бағрига босганча сўз тополмай бир зум жим қолди. Жимликни отаси бузди:
- Ўғлим кеч қолма... Келин ёлғиз қолмасин.

"Аллақачон кеч қолиб бўлдим, ота!"- Жалолиддин бу сўзларни ичида айтди, ташида эса"Хўп" деганча оғир қадамлар билан ташқарига йўл олди.


-141-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Тиббиёт ходимлари Зулхуморнинг жасадини тез ёрдам машинасига ортиб уй эгаларидан ишора кутиб туришган экан.

- Эксперт хулосасини олиш учун фалон рақамли ўликхонага борасизлар,- деди масъул шахс Жалолиддинга "Сен ҳам ўша ерга бор" дегандек йўлга тушар олдидан.

Жалолиддин машина излаб теварак-атрофга аланглади.

- Оғайни, бу ёққа,- тўпланганлар орасидан ажралиб чиққан Шоаҳмад Жалолиддинни қўлидан етаклаб ўзининг нексия машинаси томон етаклади,- бўлақол кеч қолмайлик.
Шоаҳмад Жалолиддинга меҳрибончилик қилган бўлди-ю, аммо ўзи киши билмас дир-дир қалтирарди. У рулга ўтирар экан Жалолиддиннинг укаси Жамолиддин ўзига чексиз нафрат билан тикилиб турганини кўриб каловланди.

- Боёқишни Аллоҳ раҳматига олган бўлсин,- деди Шоаҳмад машинасини ўт олдириб тез ёрдам машинасининг ортидан ҳайдаб борар экан,- кечаси тинчлик эди-ю, эрталаб уйғонсак бу аҳвол. Ички ишлар органлари ходимлари нима дейишяпти?

- Ҳали тайинли гап айтишмади,- оғир тин олди Жалолиддин, -аммо Зулхуморни бу ишга мажбур қилганларни асло тинч қўймайман. Юрагим ёняпти, дўстим, юрагим. Бу куйган юрагим қачон тинади, биласанми? Кўнглим аёлимни ўз жонига қасд қилишгача олиб борганларни калласини сапчадек узмагунимча тинчимайди.

Шоаҳмаднинг ёдига кеча тунда Зулхуморнинг "Ҳотирингиз жам бўлсин, эртага эрталаб қишлоғингиздан чиқиб кетаман" деган сўзлари тушиб, "Мен қўнғироқ қилган вақтда у аллақачон ўз жонига қасд қилишни режа қилиб ўтирган экан-да" деб ўйлаб қўл-оёғи бўшашди.
Эрталаб Маъвохон "Ҳой дадаси, туринг! Жалолиддин оғайнингизникидан йиғи овози келяпти" дегандаёқ Шоаҳмаднинг бўлари бўлганди. У иш Зулхуморнинг ўз жонига қасд қилишгача боради деб ўйламаганди. "Яхшиям келинни телефонига тушиб бўлмагани,- ўзини юпатишга сабаб изларди Шоаҳмад, - терговчилар мен томондан қилинган қабул қилинмаган қўнғироқни кўриб шубҳа қилишса "Жалолиддин қачон келади" сўрамоқчи эдим деб баҳона қиламан. Жалолни укасиям менга боя ёмон ўқрайиб қаради. Агар укаси ҳам бирор нарса деса униям оғзини юқоридаги гап билан ёпаман. Яхшиям булар ўзига етарли пулдор эмас. Қўллари қаергача ҳам етарди? Эрта бирси кун одамлар шу келинни ҳам вос-восга учраганга чиқаришса эеч гапмас.

-142-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

ХАЙРЛИ ТОНГ!

⛅️ Ассалому алайкум! Шанба тонги муборак бўлсин!

Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият асло тарк этмасин!

📱@Insta_retseptlar — Mazali yeguliklar har kuni taomnomangizda!