#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Ўзингиз кўрганингиздек Ойдин опа мени занжирга боғлаб сақлай бошлади. Унга мен сабаб мўмай даромаддан қуруқ қолгани қаттиқ алам қилар эди.

- Уйингдагиларчи? Улар сени ғойиб бўлганингдан ҳавотирга тушмадиларми?

Шабнам синиқ жилмайди:

- Мени бор ҳужжатим, телефоним Ойдин опанинг қўлида эди. У. "Агар уйдагилармнгга чурқ этсанг" сени бир гала эркакка хомталаш қилдираман деди. Ойдин опадан ҳар нимани кутиш мумкин эди, шунақа даҳшатли аёл эди у. Шу сабаб телефонимни уйдагилар билан алоқага улаганда Ойдин опа айтиб турган гапларни гапиришга мажбур бўлардим. Гоҳ амалиётдаман дердим, гоҳ қизлар билан цехда ишлаяпмиз дердим, хуллас Ойдин опа нимани истаса шуни гапиришга мажбур эдим. Уйдагилар билан гаплашиб бўлгунча Ойдин опа телефонимни қўлида ушлаб турарди.

- Хонадаги бошқа қизлар-чи? Наҳотки улар сенга ачинишмади? Ёрдам беришмади ?

- Улар ҳам ҳудди мен кечирган кунларни бошларидан ўтказишган экан. Ҳадеб таъзийиқ кўравериб одамгарчилик, инсонийлик деган ҳислари ўлиб кетгандек эди уларни. Ҳатто баъзилари аллақачон тақдирга тан бериб "Синган шишани ямаб бўлмайди, минг курашганинг билан ортга йўл йўқ" дейишарди. Ойдин опанинг қўлида қанча қиз бор уларнинг саноғини билмайман ҳам. Улардан ёшроқлари чет давлатларга ҳам чиқариб юборилганидан хабарим бор.Чет элда Ойдин опанинг қизи ва гумашталари қизларни кутиб олишарди. Айрим қизларнинг ўзлари истаб чет элга кетишарди . "Бу ерда шу касбни қилдик нима-ю, чет элда қилдик нима, ундан кўра ёшлик вақтимизда пул ишлаб босиб қўяганимиз яхши эмасми? Ҳар ҳолда у ерларда анча кўп пул топишимиз аниқ " дейишар экан улар.
Аммо ораларида кимдир менга ўхшаб исён қиладиган бўлса Ойдин опа ва унинг шериги "Қўлимизда беҳаё видеоларинг бор шуларни интернетга тарқатамиз" деб қўрқитишарди.
- Ойдин опанинг шериги бор эдими?

-166-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

   - Албатта.  Сизнингча у бир ўзи шунча ишни битта ўзи қила олармиди? 
   - Ҳмм,- ўйланиб қолди Хонзода,- бу аёл билан яна қайта учрашмасак бўлмайди шекилли? 
   - Ўша шериги эркак киши эди. Шунақа тилёғлама,  шунчалик устамон. У ифлос ҳақиқатдан ҳам қизларни ёмон ҳолатда видеога олгани ҳам ҳақиқат экан.

  - Сен-чи?  Сенинг ҳам шунақа видеоларинг бормиди?

- Билмадим опа,- кўзлари жиққа ёшга тўлди Шабнамнинг,  - мен... Ойдин опа мени доим занжирдалик ҳолатимда пуллаган. Шу аҳволда видеога олдирганми,  йўқми билмайман.
   - Шунча ифлосликни қилган аёлдан бундан баттарини ҳам кутса бўлади,- деди Хонзода ўйланиб,- мен ўша Ойдин опанинг телефонини олиб олгандим. Аммо телефон блокка тушиб қолган, шунчаки очилмаяпти. Уни мутахассисга кўрсатиб ичидагиларни бир текшириш керак экан-да?
   Ҳай майли,  энди ётиб ухла. Қолган гапларни эртага гаплашамиз

  - Опа,  мен бу аҳволда уйга қайта олмайман,- хўрлиги келди Шабнамнинг,- мен қўрқаман.

- Нимадан? Ойдин опаданми? Унинг масаласи аллақачон ҳал бўлган бўлса керак.

- Йўқ Ойдин опадан эмас...
Ота-онамнинг кўзларига қарашдан қўрқаман. Мен туфайли уларнинг боши эгилишидан қўрқаман. Мана бу ҳолатим ошкор бўлиб қолишидан, бу билан синглим, укаларимнинг бахтига зомин бўлишдан қўрқаман. Мен кўп бора ўзимни бир ёқли қилишни ўйладим, аммо қўлимдан келмади.

- Ақлингни йиғ, эй қиз!? -жаҳли чиқди Хонзоданинг,- сени ҳали бу дунёда қиладиган ишларинг кўп! Энг аввало сени бу кўйга солганлардан қасосингни олишинг керак! Ана шу нарсани ҳаётингга бош мақсад қилиб ол!

- Ахир Ойдин опани ички ишлар ходимлари қўлига топширдингиз-ку? Қонуний жазосини олар у ҳам!?
- Шериги-чи? Сенинг номусингга пул тиккан эркак-чи? Сени ифлослар қўлига топшириб ўзи қўшни хонада биқиниб ўтирган Васила-чи!? Хўш булар ҳеч нарса бўлмагандек ўз йўлида яна қанчадан қанча маъсума қизларнинг умрларини хазон қилиб кетаверадиларми?
Агар кимдир уларни ўз вақтида тўхтатиб қолганида эди ҳозир сен-у мен бу ерда яқинларимиз дийдоридан жудо бўлиб ўтирмас эдик. Вақти келиб бир оиланинг бекаси бўлардик. Она бўлиб фарзанд суярдик.
Кўп эшитганман. Ўқиганман ҳам. Зинокор аёл у дунёда қон ва йиринг дарёсида бўларкан. Ўша нажас суюқликлар унинг насибаси бўлар экан. Энди ўзингга савол бер-чи? Сени бу дунёдаги ҳозирги насибанг нима бўляпти? Ҳар куни, ҳар соат, дақиқа, сонияда қон йиғлаб, қон ютмаяпсанми? Бошингга тушганлари еган-ичганингни йирингдек татитмаяптими?

- Опааа...

-Шабнам. Мен бу йўлда нафақат номусимни йўқотдим, балки жондан азиз инсоним, меҳрибоним, ягонам онамни бой бердим. Ваҳоланки онам ҳали ёш эдилар. Улар атиги қирқ беш ёшни қаршилаган эдилар.
Улар ҳали яшашлари мумкин эди.
Ёлғиз қизлари, яъни мени ва акаларимни тўйимизни кўришлари мумкин эди. Набира-абиралар ардоғида бувижон бўлиб гашт суришга ҳақли эдилар.
Сенингча мен буларни шундоқ қўйиб қўяманми? Онаизоримнинг бир тола сочлари учун ўша мунофиқларни бутун дунёсига ўт қўяман, ўт!

- Опа!? Жон опа!? Мениям ўзингизга шерик қилинг. Нима буюрсангиз шуни бажараман.

Хонзода ўзига илтижоли тикилиб турган Шабнамга жавоб қайтармади. Унинг шу вақтгача тузган режаларида Шабнам йўқ эди...

-167-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

🍂

Жалолиддин Зулхуморнинг охирги хатини ўқиб бир нарсага ҳайрон қолди:
Зулхумор таъкидлаганидек ўзининг телефон аккаунтига бегона рақамдан ҳеч қандай хабар келмаган эди!
"Менимча ўша "Ҳатира хола" номида юрувчи мараз хабарни юбориб суратга олган-а, мен уни очиб ўқимасимдан аввал ўчириб ташлаган , яхши эслайман айнан ўша кунлари мен уйга қайтаётганим, яъни йўлда бўлганим учун тармоққа деярли уланмагандим,-деган хаёлга борди Жалолиддин,- у манқурт эса Зулхуморни жазавага солиш учун шк ишларни қилган? Тавба қилдим кучи бировнинг никоҳида бўлган ёшгина жувонга етган бунақа ифлосларни ер қандай кўтараркан-а? Мана энди бари равшан бўлди. Зулхуморнинг нима сабабдан ўз жонига қасд қилиши ҳам... Демак, Зулхумор карта рақамидаги барча пулларни олдириб қўйгани ва ор-номуси тарафидан шантажга учрагани учун ўз жонига қасд қилган. Аниқроғи шунга мажбур бўлган.
Оҳ гулим-а? Йўқ бўлса бўлиб кетмасмиди ўша пуллар? Сени ширин жонингдан азизмиди? Сен ҳақда қандай гап тарқатишмасин кимлигингни мен билардим-ку? Буларнинг бари ўғлимизнинг етим бўлиб қолишига арзирмиди?"

Жалолиддин Зулхуморнинг сўнгги хатини ўзига нусҳалаб олгач, эртаси куни аёлининг ўлими сабаблари бўйича тергов олиб бораётган йигитга олиб бориб топширди.

- Бу дафтарни кеча топиб олдик,- деди у терговчига,- ишни очишда катта ёрдам беради деб ўйладим.
Жалолиддин терговчининг яна бир қатор саволларига жавоб бергач уйга қайтди.
- Ҳаа, болаам, - деди ўғлини қарши олган Баҳринисо она,- мелисалар нима дейишяпти? Зулхуморнинг ўлимига нима сабаб бўлган эканини топишибдими?

- Ойиии... Келинингиз...- тилини ютди Жалолиддин

- Нима келиним? Гапни чайнамай гапир бундоқ одамни сил қилмасдан? - ҳуноби ошди Баҳринисо онанинг

- Ойи келинингиз мен ишлаб топган пулларни фирибгарларга олдириб қўйган экан. Шунга...

- Қанақасига? - юзидаги ажинлари қуюқлашди онаизорнинг,- ахир у пуллар сандиқдаги картада эди-ку? Сандиқ қулфлолиғ бўлса, карта жанвар жойида бўлса келин у пулларни қандай олдиради? Бўладиган гапни гапир, болам?

-168-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Хайрли тун

🌙 Калбингизга сокинлик, уйкуларингизга шифо тилайман.
Бугун утган хар бир ташвиш тун билан колиб кетсин.

🌙 Эрта тонг сизга янги умидлар билан кириб келсин✨

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

Ассаламу алайкум. Чоршанба тонги муборак бўлсин.

Сизга оилавий хотиржамлик, тани соғлик, хайрли амалларга тўла ва дуолар мустажоб бўлувчи лаҳзаларга бой яна жуда кўп субҳи содиқлар тилаймиз.

📱@Insta_retseptlar — Mazali yeguliklar har kuni taomnomangizda!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Ойи, ўша картани рақами Зулхуморнинг телефонига уланганди. У тоби қочганда бир доктордан пуллик маслаҳат оламан деб карта рақамидан унга пул ўтказган. Доктор эса ҳақиқий эмас, фирибгар экан. Ўша аблаҳ келинингизни, тўғрироғи мени бор пулимни ечиб олган. Зулхумор эса буни билиб куйиб кетган. "Бу Жамиланинг тўйи, ота-оналаримизнинг умра сафарига аталган пуллар эди, ҳаммаси мени эҳтиётсизлигим сабаб йўқ бўлди" деб ич- этини еган ва шу охир чора...

- Вой болам тушмагууур...- ерни муштлади Баҳринисо она,- нима ишлар қилиб қўйдинг-а сен!? Эээ қуриб кетсин эди ўша пуллар! Садқаи сар эди!? Сени ширин жонингдан азизмиди- я, болам? Нега бир оғиз манга ёрилмадинг? "Она, шунақа ишлар бўлди" демадинг-а, болааам. Қайси ифлос сени бу кўйга солди-я? Шу тилпон чиқди-бало чиқди! Илойим сени шу куйга солганни уйи куйсин! Сени шунчаликка олиб борибди-ки, эмизикли боланг кўзингга кўринмабди!? Уни тақдир измига ташлаб кетишга ҳам кўнибсан... Ҳаҳ иложсизлик қурсин-а!? Ман умримни охиригача ўша нокасни қарғаб ўтаман... Гулдек жувонни жувонмарг қилибди-я, ҳайвон!?

- Ойи, бу бир кишининг ишимас. Улар кўпчилик бўлишган,- Жалолиддиннинг овози бўғилиб чиқди.

- А!? Нима!? - гарангсиради Баҳринисо она, - кўпчилик дейсанми? -илойим ўшаларнинг ҳаммаси қирчинидан қийилсин. Оғзи ошга етмасин, илоё!

Ё тавба! Анавинда холанг "Туман марказидаги бир йигит телпонда қимор ўйнаб фалон пулга тушиб қолгани учун ўзини поездни тагига ташлаганмиш" деганда "Шунақасиям бўларканми, астағфируллоҳ" дегандим. Мана ўша кун ўзимни бошимга келиб ўтирса- я?

- Ойии...

- Ҳа болам, нима дейсан?

- Ойи, мен Тошкентга кетмоқчиман. У ердаги оғайним билан гаплашдим. "Туззукроқ иш борми?" дегандим "Келавер, бир иложини қиламиз" деди. Кўраяпсиз ойи, бир сўм пулсиз қолдик. Жамиланинг тўйи яна сурилмасин дейман. Бир- икки ой ишлаб, оғайниларимдан қарз кўтарсам Жамилани эгасига топшириб олардик.

- Яна кетасанми? Юрагимни узиб-а? Ана йўғингда нима бўлди?- ўксинганча гапирди Баҳринисо она.

- Бошқа иложим, ойи. Узоққа эмас "Ҳоов" деб чақирсангиз эшитилаётган жойга кетяпман.
- Менсиз ҳаммасини ҳал қилиб бўлибсан-ку? Қачон кетмоқчисан?
- Ундай деманг, ойи. Мени тўғри тушунинг бошқа иложим йўқ.

- Ҳўп қачон кетмоқчисан? - саволини қайтарди она

- Эртага...

- Ўғлинг-чи? У нима бўлади?- овози титради Баҳринисо онанинг.

- Жамиланинг тўйигача шу ерда тура турсин, ойи. Ундан сўнг бир гап бўлар.

- Ҳаммадан ҳам шу гўдакка қийин бўлди. Қандоқ лобар онаси бор эди-я?

Жалолиддин онасига жавоб қайтармай ўрнидан қўзғалди.

Акасининг эртага Тошкентга отланганини эшитган Жамолиддин ўйчан бўлиб қолди.

-169-