#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Бир куни дадам "Асрор, манави видеони секинлаштириб беришни иложи бўлармикан? Лип-лип ўтиб кетиб ичидаги ёзувларини ўқий олмаяпман" деб қўлимга телефонларини тутқаздилар. Видеони кўрсам ҳақиқатдан ҳам кадрлар жуда тез ўтаётибди. Унда бир неча видео битта умумийсига жамланган экан, менимча уни монтаж қилганда қандайдир тезлаштирувчи функцияни ёқишган экан шекилли. Турган гап-ки, мен ҳам видеони секинлаштира олмадим, аммо кадрларни тўхтатиб суратга олишни уддаладим. Сўнг суратларни ёнма-ён қўйиб уларни кўриб чиқиб ёқамни ушлаб қолдим.
Махалламизда бир оила яшарди. Улар бошқа тумандан кўчиб келган бўлиб маҳалламизда икки йилдан буён истиқомат қилишарди. Оила беш нафар аъзодан иборат эди. Оила бошлиғи, унинг аёли, икки қизи ва бир ўғилчалари.

Аёл оила бошлиғининг иккинчи турмуши эди. Биз бу ҳақда кейинроқ билдик. Уларнинг икки қизи эркакнинг биринчи аёлидан экан. Биринчи аёли касаллик туфайли вафот этгач, орадан йил ўтиб эркак ҳозирги аёлига уйланган ва ундан ўғил кўрган эди.
Тез орада бу оила маҳалла аҳли билан чиқишиб кетди.Маҳалла гузарида дўкон очиб элнинг корига ярай бошлашди. Дўкон ишлари аста- секин гуркирай бошлагач эр-хотин аста секин уни фаолиятини кенгайтира бошлашди. Эр энди қўшни вилоятлардан ҳам юк олиб кела бошлади, аёли дўконда қўли қўлига тегмай савдо қиларди.


-208-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Топганларига барака кириб Моҳир ака ҳам, хотини Маржона келинойи ҳам энг сўнгги замонавий машиналардан минишди. Юриш- туришларида бошқача виқор пайдо бўлди. Бир пайтлар раҳматлик бувим "Тўсатдан келган бойлик бало бўлади, шунақасидан қўрқиш керак" деб кўп бор таъкидлардилар. Энди дўконда савдо қиладиган Маржона келинойи кунда яраштириб янги кийим киядиган, давралар тўрида сўзини бермайдиган таманно аёлга айланганди. Аммо нима учундир уларни мактабни битирувчи синф бўлган иккинчи қизи Элнора қачон қараса хомуш юргани юрган эди.
Хуллас бир куни маҳаллада дув-дув гап ёйилиб кетди. Ўгай онасининг юриш- туришидан шубҳаланган Элнора унинг телефон аккаунтига ўзиникини билинтирмай улаб қўйган экан. У ўгай онасининг бегона эркак билан ярим кечагача ҳиринглашиб ёзишиб чиққан гап- сўзларини билинтирмай скриншот қилиб анча маълумот тўплабди. Бир куни Маржона келинойи эри йўқлигида хуштори билан учрашув тайинлаганида Элнора бундан аммасини хабардор қилибди.


-209-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Ҳуллас ҳалиги дадам секинлаштириб бер деган видео ўша Элнора скриншот қилган беҳаё суҳбатлар ва қизнинг аммаси иккисини шармандали ҳолатда тутиб олган ҳолатидан ясалган видео экан.

Ишонасизларми, мен ўша қотириб қўйилган кадрларни дадамга кўрсатишга бетим чидамади. Икки худобехабарни бир бирига ёзган беҳаё гапларини , ўзини яланғоч ҳолда суратга тушириб бири иккинчисига юборган суратларини кўриб шунчалар нафратландим-ки? Тавба, наҳотки инсонлардан шу даражада ҳаё қочиб кетган бўлса? Яна аёл қирқ беш ёшларда, нариги хуштори эса ўттизларни энди қоралаган, аммо уйланган йигит экан.Ўзимча ўзим уларга "Ҳой ифлослар, уйда Аллоҳ тақдир қилган ҳалолинг туриб бунчалар ҳаромга нафсларинг ҳакалак отмаса?" дейман. Ўша ифлослар, аллақачон ҳалолни ҳаромдан, савобни гуноҳдан, жаннатни дўзаҳдан ажратадиган ёшда-ку? Мени энг таъсирлантиргани шуки, қизнинг аммаси Маржона келини ва жазманини зино устида ушлаганда, нариги хонадан аёлнинг тўрт ёшли ўғлининг йиғлагани эшитилди. Бу наҳс босганлар мурғаккина болани нариги хонада қулфлаб қўйишиб...

Мен дадамларга "Бу видеони секинлаштира олмадим, аммо ичидагилардан Маржона келинойининг ҳиёнати сезилиб турибди" дедим.
Тез орада "Моҳир ака Маржона келинойини ҳайдаб юборибди" деган хабарни эшитиб тўғриси бирмунча енгил тортдим. Рости Моҳир аканинг фарзандлари учун ҳурсанд бўлдим.
Кунларнинг бирида тармоқда Маржона келинойининг "Ахири ниятингизга етдингиз, туҳмат қилганлар туҳмат балосига учрамаса розимасман" деган сўзларни ёзиб олган профилига кўзим тушди. "Оббо,-дедим ўзимга ўзим,- бу аёл ўзича, яна нимадир балоларни бошламоқчи шекилли?!"
Орадан кўп ўтмай таҳминим тўғри чиққанига ўзим гувоҳ бўлдим.

-210-

✅ Chat guruhimizga marhamat👇
@Uzladyuz

Yaqinlaringizga ham ulashing❤️👇
┄┅┅•🌸•═•⊰💐⊱•═•🌸•┅┅┄
https://t.me/+dsA0--9QA0VlZDhi
┄┅┅•🌸•═•⊰💐⊱•═•🌸•┅┅┄

⛅️ Aссалому алайкум. Муборак Жума тонги қутлуғ бўлсин!😊

Соғ–саломат уйғотган Роббимизга ҳамдлар бўлсин!

Бошланган янги кун барчага омадли ва баракали келсин!

Якинларингизга юбориб куйинг💛

📱@Insta_retseptlar — Mazali yeguliklar har kuni taomnomangizda!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

😞ЕТИМЛАРНИНГ ХАҚИНИ ЕЭГАН БУВИ ВА АММА ҲАЁТИ

#ИБРАТОЛИНГ😔

Бу ҳикоя бўлиб ўтган воқелар асосида ТОШКЕНТЛИК гўрков тилидан ёзилди.

Қабристон мўминлар билан гавжум. Бир кекса аёл бандаликни бажо келтирганди.
Гўрков қабристонга майитни дафн қилиш учун келган эркакларга алланималарни тушунтирар, "Аттанг, аттанг, Аллоҳ кечирсин!" деб эшитилар эшитилмас бош чайқаб қўярди. Шовқин суронли баҳс мунозарадан сўнг:
-"Марҳумни қабр қабул қилмаяпти. Бу кетишда шомга қолиб кетамиз. Бу банда қандай гуноҳ қилган экан-ки лаҳадга уч бора қўйсак ҳам ер қабул қилмаяпти??? Аҳли мўминлар, сизлар унинг ҳаққига дуо қилиб туринглар, зора Аллоҳнинг раҳми келса...
Бу орада дуога қўл очган эркаклардан бири:
"Астағфириллоҳ, илон илонлар!" деб орқага тисарилди.
Майитнинг устида 😔👇

Давомини Укиш 😭

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Тез орада Маржона келинойи ва эрининг ярашиб қайтадан бирга ҳаёт кечираётгани ҳақида хабар топдим. Рости бу гапга ишонмадим
" Ё тавба,- дейман ўзимга ўзим,- наҳотки шу гаплар бари рост бўлса? Наҳотки, Моҳир ака бўлиб ўтган шунча гап-сўздан кейин, аёлининг беҳаё расмлари, ёзишмалари, энг асосийси ҳиёнат устида инкор қилиб бўлмас далил билан ушлаб олиб ҳам... уни шунчаки кечириб юбориши мумкин бўлса? Унда эркаклик ғурури, шаън деганлари қаерда қолди?
Итнинг сўлаги теккан тавоқдан таомланиш учун эркак киши нечоғлик бефаросат бўлиши керак?
Тез орада Маржона келинойи безрайиб маҳалламизда пайдо бўлди. У ҳозир ҳам маҳалламиз телеграмм группасида ора-чора ҳеч нарса бўлмагандек суҳбатларга қўшилиб алланималарни ёзиб туради. Телеграм аккаунтига эса Моҳир аканинг елкасига суяниб тушган суратини жойлаб "Кўролмаганларнинг кўзи ситилиб оқсин" деб ёзиб қўйибди. Қизи Элнорани эса мактабни битириши билан турмушга бердиртириб юборди.
Маҳалламизда мен каби ўйлайдиганлар кўп экан. Эр- хотиннинг дўконига кирмай қўйишди. Аллоҳнинг ўзи кечирсин-у, ўша нопок аёлнинг қўли тегиши у ёқда турсин, назари тушган маҳсулот ҳам менга ҳаромдек туюлаверди, сира таъбим тортмади"

Эээ,- деди Асрор ака қўлини силтаб,- қаердаги ҳикояларим билан бошингларни қотирдим-а?

-211-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Ҳозирги биз гуноҳ ва савобнинг ораси бир қадам бўлиб қолган замонда яшаяпмиз, сизларга шуни тушунтирмоқчи эдим. Бундай вақтда инсонийликни сақлаб қолиш ҳам катта жасорат менимча.

Хўп энди қиламиз? Ҳалиги одамларни чалғитиб ўргимчак тўрига ўрайдиган гуруҳларни топишдан фойда йўқ бўлса "Ҳатира хола" деган анави ҳ... ни қаердан излаймиз?

- Асрор ака, Жалолиддин ака, бир гап айтайми? Фақат сир сақлайсизлар!? Ҳўпми?- деди Саидумар икки дўстга синчков боқиб,- олдин ваъда берасизлар?
- Майли ука, ваъда бўлса ваъда-да?- деди Жалолиддин узоқ ўйлаб ўтирмай,- эркаклик сўзим, сирингни сир сақлайман. Асрор ҳам шундай, ваъда бердими сўзида туради.

- Албатта,- деди Асрор ака ҳозиржавоблик билан,- мени биласан-ку!?

- Хўп яхши,- деди Саидумар енгил тин олиб,- гап бундай. Эрталаб Хонзода опам бир телефон берган эдилар. Блокка тушиб қолган экан.
- Саидумаржон,- дедилар улар,- ука шу телефонни очиб бергин. Ўйлашимча ичида шубҳали нарсалар бор. Бир танишимни илтимоси бу. Уни бу телефонни ичидаги маълумотлар қизиқтиряпти.Чамамда телефон эгаси уни алдаб пулларини шилиб олган бўлса керак,- Хонзода опам шундай деб ўтиндилар, - фақат телефонни очасиз, кейин унинг автоматик блокка тушиб қолиш фунциясини ўчирасиз. Ҳотирасидаги маълумотларни эса титкиламайсиз.
Тўғрисини айтсам Хонзода опам берган телефонни блокдан чиқаргунча тушликкача овора бўлдим ва айнан шу нарса юрагимга ғулғула солди. Нега дейсизми?

-212-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Негаки телефон ўз ишини аъло баҳога биладиган мутахассис қўлидан ўтганди. Уни ўз ишининг устаси кодлаган эди. Турган гапки, бу мени ўзига тортмай қолмади. Хонзода опамга берган ваъдамга қарамай телефонга мўралашдан ўзимни тия олмадим.
У ерда эса эҳ- ҳее!?
Ишонасизми телефоннинг ичи порнографик ва аёл-қизларни шантаж қилувчи видео, ва суратларга тўла экан.
Шунда мени Шерлок Холмслигим тутди. У ердаги барча маълумотларни ўз телефонимга ўтказиб олдим. Мени бир нарса қаттиқ ажаблантирди:
- Хонзода опам мени аниқ алдади! Аммо бу нарса унга нима учун керак!? У телефон ичида қандай "савдо" борлигини олдиндан билган. Шу сабаб уни блокдан чиқариш учун тўғри менга олиб кетган. Кўчадаги бундай хизмат кўрсатувчиларга эса ишонмаган. Маълумот тарқалиб кетишидан қўрққан.

- Саидумар, - деди Асрор ака,- сен тобора кўзимга нажот фариштаси каби кўринмоқдасан. Ана энди ўша видео ва суратларга батафсил тўхтал!

- Асрор ака, у телефон ёши элликлардан ошган бир аёлга тегишли бўлиб, у касофат аёлнинг тирикчилиги ўз жинсидан бўлган аёл-қизларни эркаклар хизматига қўйиш ва шу орқали пул ишлашдан иборат экан. Қизлар бу жирканч ишдан бош тортганларида уларни ўзига билдирмай олган сурат ва видеолари орқали "Ана шуларни интернетга тарқатиб юбораман" деб босим ўтказишган.
Саидумар шулар ҳақида гапира туриб бугун Хонзода ўзи билан хизматга олиб келган ёшгина қизни кўз ўнгидан ўтказди.
Саидумар номи Шабнам бўлган ўша қизни бугунги ифлос видеоларда бир неча бор кўрган эди.

-213-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ассалому алайкум, қадрдонларим!

Шанба тонгингиз хайрли бўлсин!

Тонгги дуо ва тилакларингиз ижобати дунё ва охиратингизни гўзалликларга тўлдирсин!

Бошланган янги кунингиз файзли ва мазмунли ўтсин!

📱@Insta_retseptlar — Mazali yeguliklar har kuni taomnomangizda!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi