#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Ана шунақа гаплар, синглим,- деди Асрор ака ҳикоясини тугатар экан,- шундай қилиб Жалолиддин Тошкентга суюклисини бу куйга солганлардан ўч олиш учун келган. Биз бир гуруҳ йигитлар билан маслаҳатлашиб унга ёрдам бериш учун бирлашдик. Сенга эса буларни айтишдан мақсад мабодо ёрдаминг керак бўлса сенинг ёрдамингга ишонсак бўладими деб сўрамоқчи эдим.
Хонзода узоқ ўйланмай жавоб қайтарди:

- Албатта, қўлимдан келган жойда менинг ёрдамимга бемалол суянишингиз мумкин.

- Раҳмат, Хонзода, - Асрор ака чин кўнгилдан миннатдорчилик билдирди, - сендан бошқача жавоб ҳам кутмаган эдим.

🍂

- Ҳорун, энди Хонзода борасида қандай қарорга келмоқчисан? - сўради Камол дўстининг режалари билан танишишни истаб,- рости сенинг бу борадаги қароринг қандай бўлиши мени жуда қизиқтирмоқда.

- Бунёд қиморбоз ҳибсда , Шоҳсанам деганлари дом-дараксиз кетган бўлса, сен билан менинг чекимга Хонзодани бехуш қилиб анави тўртта кўппакга топширган аёллар ва эркак зотига иснод келтирган ўша тўрттала эркак билан ҳисоб- китоб қилиш тушади.
- Хўп яхши, аммо ўша сен айтган ҳисоб- китоб қай тартибда амалга оширилади?- қизиқсинди Камол

- Кейинги пайтларда ҳам ўзимни шу савол қизиқтиряпти. Нима қилсак экан? Менимча улар учун худди Хонзодани тузоққа туширган каби бирор режа тузишимиз керак. Яхшиси ўша аёллардан бирига таклиф билан чиқишимиз керак. "Бир қизни бадном қилиб берсанглар фалон минг доллар берамиз" қабилидаги таклифни берсак қандай бўларкан?- Ҳорун дўстига "Нима дейсан?" дегандек тикилди,- ҳар ҳолда пулни дарагини эшитгач ўрганган кўнгил ўртанмай қўймас.

- Аёллар ичида бошқарувчиси Хушрўй деган аёл экан. Ана ўша билан келишиб ишни битирганимиз маъқул,- деди Камол, - энди менга руҳсат. Бориб "операция" га яроқли йигитларни тўплайман. Бизга ролга зўр киришадиган бир қиз ҳам керак бўлади. Ўша қиз жабрдийда ролини қойилмақом қилиб ижро қилиб берса яхши бўларди.


-233-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Камол, иложи борича шу ишни бир ёқли қил. Тезроқ кўнглим тинчисин. Шу ойнинг охирларига ҳамкорлик таклифи билан штатларга учаман. Унгача тинчисин шу иш.

- Ҳўп, Ҳорун, ҳотиринг жам бўлсин. Ҳозироқ шу ишга киришганим бўлсин. Энди менга руҳсат,- ўрнидан қўзғалишдан аввал юзига фотиҳа тортди Камол,- илоҳим овимиз бароридан келсин

🍂

- Фшууув!

Аравада шағал ташиётган Жонибек ҳуштак чалиб ўзини имлаётган пўрим йигит Шерқулга ҳафсаласиз боқди:

- Мени чақиряпсанми?

- Сени бўлмай кимни бўларди, пўстаккалла!? Бўл тез сени Хушрўй опам чақиряптилар!?

Хушрўй исмини эшитган Жонибекга жон киргандек бўлди:

- Ҳоо,- деди у оғзининг таноби қочиб,- Хушрўй хонимнинг йўқлашларига кўра хушхабар борми дейман.

Жонибек шағал ортилган аравани йўлнинг ярмида ташлади-ю, Шерқулга эргашди.

- Фууу,- бурнини жийирди Шерқул Жонибек нексиясига ўтиргач, - ювиниб юрсанг ўласанми, исқирт? Машинамни мусорзавод ҳиди қивординг-ку, ўзи яқинда пул бериб ювдиргандим.

- Ишлагандан кейин терлайди-да одам.

- Бу бир кунлик тўпланган ҳидмас, мазги. Салкам қуртлашга кеб қопсанку, ишлагандан кейин эмиш. Уфф, опанинг ишлари тушмаганда сени ярим тийинга ҳам олмасдим. Хўп, ана етиб келдик. Туш тезроқ, бурним ҳам ачишиб, ичидаги бир қават териси шилиниб тушди.

Жонибек Шерқулнинг сўзларига парво қилмай рўпарадаги салобатли икки қават қилиб солинган уйга кириб кетди.

-234-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Ҳаа, Жониии, - деди ҳовлидаги ўриндиқда ястаниб ўтирган эллик ёшлардан ошган сатанг аёл,- ўзим йўқламасам бундоқ опам бор деб хабар ҳам олмайсан-а?
Жонибекнинг оғзининг таноби қочиб илжайди:

- Ўзингизни йўқлаганингиз башқача- да, опа. Сиз йўқлагандан сўнг бизни кўчада ҳам бир-икки ҳафта байрам бўлиб қолади.

- Ҳаа айтма, - шундай дея жиддийлашди Хушрўй, - хуллас битта буюрма бор. Буюртма яна Бунёдбекдан шахсан келибди.

- Опа, Бунёдбек ака решёткада-ю? - ҳайрон бўлди Жонибек, - ахир қанақасига!?

- Ҳеч қанақа ахир-пахири йўқ,- кўзларини муғамбирона сузди Хушрўй,- у сенингдеклар учун Бунёдбек ҳибсхонада, аслида эса ўша ерда ҳам беш юлдузли меҳмонхона шароитини қилдириб айшини суриб ўтирибди. Тушундинг!?

Мана кўряпсан, аҳволи яхшидир-ки, "ичкари"дан битта илтимос қиворибди.

- Қанақа илтимос экан, опа? - ширин тамшанди Жонибек,- ични қиздирмай шундан гапиринг.

- Вай, сенга ёқадиган буюртма бу!? Баҳорда тўйига уч хафта қолган Қўштепалик қизни нима қилганларинг ёдингдами?

- Ҳаа, - ёқимсиз ишшайди Жонибек, - у қизни унутиб бўларканми?

- Бу сафар ҳам буюртмачилар айнан шундай нарсани ташкиллаштириб беришимизни илтимос қилишибди. Афтидан улар қайсидир душманларидан шу йўл билан ўч олиб интернетда катта шов-шув кўтаришмоқчи шекилли.

-235-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Har bir sizning duongiz — ulkan ne’matdir.

U yoki darhol qabul bo‘ladi, yoki yashirin balolardan himoya qiladi, yoki oxiratdagi katta mukofotingizga aylanadi.
Shuning uchun hech qachon qalbingizni Allohga ochishdan va har narsani so‘rashdan qo‘rqmang✨

“Afiyat” qo‘shilishi — bu qo‘rquv belgisi emas, balki insoniy tavoze’ni namoyon qilish usulidir.
Afiyat so‘rab duo qilganingizda, siz tan olasiz:
“Ya Alloh, men zaifman, menga istagimni eng yumshoq va yaxshi yo’l bilan ber.”

Shuni ham unutmangki, agar Alloh sizni maqsadga yetkazishda sinovlarni tanlasa, bu — Uning sizga bo‘lgan maxsus muhabbati va ishonchi belgisi.
Hadisda aytilishicha, mukofotning ulug‘ligi — sinovning ulug‘ligi bilan tengdir.
Og‘ir yo‘l qalbni poklaydi va Firdavsdagi darajalarni beradi.

Qaysi yo‘lni tanlamasin, ishoning — siz barchasiga qodirsiz, chunki:
“Alloh bandasiga imkonidan ortiqni yuklamaydi.” (Baqara surasi, 286)

Duongiz — bu Sizning Yaratguvingiz bilan aloqangiz bo‘lib, unda hech qanday xavotirga o‘rin yo‘q.
Ko‘p so‘rang, samimiy so‘rang❤️…

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ассалому алaйкум ва роҳматуллоҳи ва барокатуҳ

Файзли тонг муборак бўлсин, қадрдон!

Бугун якшанба, кўпчилик хафтанинг бу кунини интиқ кутади. Ота-она, яқинлар йўқланадиган, соғинч изхорила кўнгил олинадиган кун бу кун...

Оила Аллоҳ томонидан берилган улуғ неьматдир. Аллоҳ бизларни ушбу неъматини қадрлаш ва эъзозлаш идрокидан бенасиб қилмасин.

Барчангизга ушбу дам олиш куни оилангиз даврасида серфайз ва сермазмун ўтишини тилаймиз.

📱@Insta_retseptlar — Mazali yeguliklar har kuni taomnomangizda!