#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Энди тўйни сурган билан Зулхумор қайтиб келмаса. Жамиланиям ўз вақтида эгасига топшириб олганингиз яхши. Мендан қудаларимга салом айтинг. Тўй кунини маълум қилсаларингиз сал аввалроқ бориб Бекзодга қараб тураман.

- Хўп ойи, раҳмат.Тезроқ соғайиб кетинг.

🍂

Карим Муродовнинг Бурчмуллада солинган уч қаватли дачасида қурилиш ишлари якунланиб қолди.

- Ака, - деди Йигитали акаси Бургуталига қараб,- одамлар қандай яшашни билади-я?

- Ҳаа айтма,- ўпкасини тўлдириб нафас олди Бургутали, - мана шу дачани қурилишига сарфланган хом-ашёни пулга чақса эҳ-ҳее... Билмадим неча юз минг доллар бўлар экан?
-Мен май ойида бу ерга келганимда дачанинг фақат ертўла қисми қурилган эди. Мана қарабсиз-ки, салкам тўрт ой мобайнида қўлинг ўргилсин кўшк тайёр-да. Ана энди бу дачанинг эгаси уни фалон пулга ижарага бериб жарақ-жарақ пул санайди.
- Эҳҳ укам-а,- истеҳзоли кулимсиради Бургутали,- шаҳар кўрган йигит бўлсанг ҳам барибир соддасан. Карим Муродов дачанинг ижара пулига қараб қолган одамлардан эмас. Муродов ушбу дачани ўзи мазза қилиб дам олиши учун қурдирган. Ҳа энди унда-бунда нозик меҳмонларни олиб келар. Ундан кейин-чи, унда бунақа дачалари Зоминдаям, яна бошқа вилоятларда ҳам бор. Қишда дам олиб келиши учун Дубайдан уй олиб қўйибди. Шунчаки саёҳатга бориб келадиган чет давлатларнику сон-саноғи йўқ.
Йигитали теварак-атрофга яна бир бор ҳавасланиб боқди:

- Аммо лекин ёмонам орзу-ҳавасли инсон экан-а, бу Муродов деганларингиз?


-7-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

- Ҳа айтма!?-танглайини маъноли тақиллатди Бургутали,- манави экилган гуллар билан манзарали дарахтларни кўр. Ҳар биттасини нархи фалон минг доллар туради. Қимматлигидан тикилиб қарашга ҳам ҳижолат бўласан киши.

- Нимага унақа дейсиз, ака? Нега ҳижолат бўласиз? Тушунмадим!? -акасининг сўзларидан ҳайрон бўлди Йигитали

- Ҳа энди биз ишимизни битириб кетганимиздан кейин бу ўсимликлар у, бу сабаб билан сўлиб нетиб қолса, эгачи мана шу йигитларнинг кўзи теккан деб изимиздан қарғаб юрмасин дейманда?

- Э қўйсангиз-чи, ака? Ҳозир нечанчи асрда яшаяпмиз? Кўз тегиш деганлари йўқ нарса, мен бунақа гапларга ишонмайман,-: деди Йигитали бурчакда турган чойнакдаги чойдан пиёласига қуйиб ичар экан,- ундан кўра келинг, манави чой тобига келиб роса ичишли бўлибди.
Бургутали укасининг ёнига чўкиб у узатган чойдан бамайлиҳотир хўплаб укасига деди:
- Ўтган йили Абдусатторларнинг бригадаси бир тадбиркорни фермасида молларга молхона қурганди. Шу десанг молхонани номи молхона эди ҳолос. Хуллас ҳалиги тадбиркор Голландиядан серсут сигирларни олиб келиб, уларнинг сутидан сут маҳсулотлари ишлаб чиқарадиган корхонани ишга туширган экан.Сут маҳсулотлари ишлаб чиқарадиган корхонани ёнида сигирлар фермаси, унинг ёни эса гектар-гектар далаларга туташиб кетган экан. Далаларда сигирлар учун ем- ҳашак етиштирилар экан.
Мен ҳам бир куни иш билан ўша фермага бориб қолибман дегин. Биласанми, сигирларни кўриб эсхонам чиқиб кетса борми? Ҳар сигирларки, филдай-филдай. Елинлари полвон эркакларнинг қучоғига сиғмайди.
- "Ё қудратингдан, бу сигирларни энди қандай соғишаркан?" деб ўйлаб турсам, уларни айланиб ўргилиб бир хонага олиб киришди.

-8-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Кейинги хона биринчиси каби зўр сифатли кафеллар билан ишланган экан. Хонанинг бир четида машиналарни тузатадиган ўрага ўхшаган ўра ясалган экан, ўша ўрага зинапоядан тушиб борилар экан. Ўранинг икки чети панжарали бўлиб, олд томониям очилиб ёпиладиган эшикчали экан. Хуллас ҳалиги сигирлар ўша жойга етаклаб олиб кирилиб, пастдан елинига сут соғадиган электр аппарат уланиб сутлари вош-вош соғиб олинаркан. Энди сигир неча литр сут беришини қўяверасан. Молхонада эса ҳар бир сигирнинг тепасмга вентиляторлар ўрнатилган, терисини массаж қилиш учун маҳсус қашлоғичлар, душга ўхшаб ишланган сув пуркагичлар, вой сигирхонларга қилинган қулайликларни айтиб адоғига етолмайсан. Сигирларни атрофида кўнгил учун бир дона пашшани тополмасам дегин. Уларга пашша қўриши учун думнинг ҳам кераги йўқ экан. Хуллас теварак-атрофга бир кўз югуртирдим-у, дарров кўчага чиқиб кетдим. Рости ўзимдан қўрқдим. Бу сигирларга кўзим тегиб бир фалокатга учраса, виждоним қийналиб юрмай дедим-да!? Улардан туғилган бузоқчалар ҳам миллион-миллион сўм тураркан.
Биласанми кейин нима бўлди?

- Нима бўлди?

- Абдусатторнинг айтиши бўйича орадан икки ой ўтиб ўша сигирларга бир кунда аллақандай номаълум касаллик тегибди-ю, ҳаммаси кўпга бормай тутдек тўкилиб батамом қирилиб кетибди.
   Уларни чет элдан олиб келган тадбиркор эса оғир инфарктни бошидан кечирибди, ахир хазил гапми миллион-миллион, балки миллиард сўмга касод бўлишнинг ўзи бўладими? Эҳ ҳеч кимсанинг бошига солмасин?

- Ишқибозчилик ёмон нарсада-а, ака? - деди Йигитали ўйланиб,- яқинда тармоқда бир видео кўргандим. Биттаси кааатта қўйхона қуриб қўйлар турадиган катакларнинг ўртасига қиммат-қиммат гиламлар солиб қўйибди. Яна лакланган нақшинкор кроватлар қўйиб тўрт томонига кўрпачаларнинг зўрини ёзиб, ёстиқларни териб, ўртага дастурхон тузаб қўйганми-ей? Ўлай агар мақсад нима сира тушунганим йўқ?

-9-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌷Ҳар тонг умримизнинг бир сафаридир,
🌷Ҳар он кунимизнинг бир гавхаридир.
🌷Тинчлик омонликда отган ҳар
бир тонг,
🌷Аллоҳнинг бизларга хуш хабаридир

ЯКШАНБА ТОНГИ МУБОРАК БЎЛСИН🌺
          
🕊Сиз-у бизни, фарзандларимиз, оиламиз ва яқинларимизни яратган эгам Ўзи паноҳида асрасин🤲

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!